ENGEBE Y’OMUKRISTO
Eby’erigha oko maisa wa Samweli
Samweli mwasighala mutaleghula oko Yehova omo ngebe yiwe yosi. Omo bulwana bwiwe, Samweli mwaghana erikwama emighendere mibi ya Hofuni na Finehasi, abaghala ba Eli. (1Sam 2:22-26) Samweli akakula, Yehova mwabya haghuma naye. (1Sam 3:19) N’omo busyakulu bwiwe, mwalola embere erikolera Yehova butaleghula nomo abana biwe mubatakola batya.—1Sam 8:1-5.
Eky’erileberyako kya Samweli ky’amatwighisyaki? Wamabya iwukine mulwana, uminye ndeke-ndeke ngoko Yehova anasi amaligho awo ukalabamo kandi ngoko ukayowa. Anganakuha obutubaha. (Isa 41:10, 13) Wamabya mubuti, n’abana baghu ibabirighana erikolera Yehova, eky’erileberyako kya Samweli kyanganakusubya mutima; mwatakasa abana biwe bakulu erikolera Yehova. Mwahira emyatsi yosi omo byala bya Yehova, amalola embere eribya mutaleghula n’eritsemesya Tata wiwe w’elubula, Yehova. Kwamuhwa eky’erileberyako kyaghu ekyuwene ky’anganakuna abana baghu eritasyasubira Yehova.
MULANGIRE EVIDEO WIGHEBO—SAMWELI, NERYO MUSUBIRAYE OKO MABULYO ANO:
Samweli mwakangania obutubaha omo bulwana bwiwe ati?
Danny mwakangania obutubaha bw’ati?
Samweli mwabya eky’erileberyako ekyuwene omo busyakulu bwiwe, ati?
Yehova akatsemera abakasighala bataleghula oko kwenene
Ababuti ba Danny mubabya eky’erileberyako ekyuwene bati?