ENGEBE Y’OMUKRISTO
Ni bahi bo bira baghu oko enternete?
Omwira yo mundu “oyukamatikana oko ghundi omo lwanzo kutse omw’isikya.” Eky’erileberyako, Yonatana na Dawidi mubatsukisya obwira obuwatire Dawidi abere ab’ita Goliata. (1Sam 18:1) Obuli mundu mwakangania emibere eyikaleka oghundi inianza eribya mwira w’oghundi. Neryo, obwira obuwatire buseghemere oko eriminya ry’ekwenene. Kangyi-kangyi eriminya oghundi mundu kikasaba endambi n’eriyikasa. Aliwe, oko enternete, kikolobera abandu eribya “bira.” Kundi abandu oko enternete bawite obutoki bw’eriteghekania eby’eribugha n’eritoka erilangira ebyo abandi bakabalengekanayako, kyolobire okw’ibo eribisa nga ni bandu ba muhanda wahi oko kwenene. Okw’ekyo, kyuwene eriyisogha nga ni bandu ba muhanda wahi bo ukendilighira eribya bira baghu.’ Omundu mulebe oyo utasi ndeke amabikusaba eribya mwira waghu oko enternete, isiwasagha erighana kundi ukalengekanaya uti akendiyowa muhanda. Busana n’ehatari eyangaluiriramo, abandu balebe babirisombola eritendikolesya n’ahake ama reseaux sociaux kutse ebitunga by’erikanirania by’oko enternete. Aliwe, wamabisombola erikolesya ama reseaux sociaux, niki kyo utolere iwalengakaniako?
MULEBAYE EVIDEO UKOLESAYE NDEKE E ENTERNETE, NERYO MUSUBIRAYE OKO MABULYO AWAKWAMIRE:
Utolere iwatsuka erilengekania okuki embere sy’erihira omwatsi mulebe kutse efoto y’oko enternete?
Busanaki utolere iwasombola ndeke abira baghu b’oko enternete?
Busanaki utolere iwayihiriraho emipaka oko ndambi esyo ukalabaya ukakania n’abandu oko enternete?—Efe 5:15, 16