OBUTEKE BW’EKINYWA KY’OMUNGU

Usombole n’amenge oyo wangalunga naye

Solomono mwatakolesya amenge; mwatahya abakali abakaramaya emiungu y’amabehi (1Bam 11:1, 2; w18.07-ZS 18 enu. 7)

Lyolo-lyolo, abakali ba Solomono mubabindula omutima wiwe erilua oko Yehova (1Bam 11:3-6; w19.01-ZS 15 enu. 6)

Yehova mwahitana oko Solomono (1Bam 11:9, 10; w18.07-ZS 19 enu. 9)

Esyopitsa: Mwali wetu musimbi anemuyighisya eBiblia n’erilengekania oko mughala wetu musimbi. 1. Omughala wetu oyo anemusubirya oko mihindano. 2. Anemutulira oko prezantware. 3. Anemuwatikya erisugha Ekisenge ky’Obwami.

Ekinywa ky’oMungu kikabugha kiti oMukristo atolere inyalunga n’oghundi “Mukristo” musa. (1Kor 7:39) Aliwe, eribatisibwa lisa siliriyira omundu mo mulume kutse mukali oyutolere erilunga naye. Utolere iwayibuya amabulyo ng’ano: Omundu oyo anemwendiniwatikya erikolera Yehova n’omutima wosi? Omundu oyo anabirikangania ngoko anzire Yehova yo kutsibu oko mughulu ow’atosire? Embere sy’eriligha erilunga n’omundu mulebe, kumbe uwatsuka erimuminya ndeke kandi omo mughulu owatosire.