Uyiteghekanaye lino oko myatsi y’obubalya eyikasaba erikola luba

Busanaki litolere iwayiteghekania? Obukoni sibwelagha. Neryo, ukole ekyosi wangatoka eriyiteghekania lino utoke erisyabana obubalya obutolere wamabihambwa n’obukoni. Ukabya wakola ekyo, ukakanganaya ngoko usikirye engebe, kutya n’ekyalayiro kya Yehova ekilebirye omusasi.​—Emib 15:28, 29.

Wangayiteghekania wuti?

• Enyuma sy’erisaba, uhandike ndeke-ndeke akarte (DPA).a Abatuliri ababatisibwe banganasaba akarte DPA kutse akarte (ic) ak’abana balere abate babatisibwa

• Wamabya ighuli mukule, usabe abasyakulu b’efomu (S-401) Informations pour les femmes enceintes. Efomu eyi yanganakuwatikya eriyisogha oko myatsi eyilebirye obubalya eyangahika omughulu uli mukule kutse omughulu w’eributa

• Amatunzo waghu amabya iniakendisaba erikolesya omusasi kutse wamabya ighukendipanga oko lupitali, utsuke wabwira abasyakulu b’omo ndeko yenyu n’eribwira abanganga ngoko hane omughombe ow’Abamiri ba Yehova oyukendikulenderera

Abasyakulu bangakuwatikya bati? Banganakuwatikya erihandika akarte kaghu k’eDPA. Aliwe, abasyakulu sibangakusombolera emyatsi eyilebirye obubalya kutse erikubwira bati ukwame amalengekania wabo oko myatsi eyo obuli mundu akayisombolera. (Rom 14:12; Ga 6:5) Wamabibwira abasyakulu b’omo ndeko yenyu ngoko obukoni bwaghu bwanganasaba erikolesya omusasi, ibakendilw’ibakukanirya Akatunga k’emyatsi y’amalupitali akakakanaya n’abanganga (CLH). Kandi banganakuha efomu (S-407) Information for Patients Requiring Surgery and/or Chemotherapy. Efomu yanganakuwatikya wamabya ighunemubana obubalya enyuma sy’obuparasio.

Akatunga k’emyatsi y’amalupitali akakakanaya n’abanganga (CLH) kangawatikya kati? Abaghala betu abakakola omo katunga ako babiribegheribwa erikania n’abanganga n’ehitunga ehikalebaya emyatsi y’emighambo batoke eriminya amalengekania agho endondeka yetu yiri nagho oko musasi. Banganakania n’omunganga waghu oko matunzo eyitekolesaya omusasi. Banganakuwatikya eribana omunganga oyo wangasikya amalengekania waghu oko musasi.

MUKWAME EVIDEO NGOKO WANGAYISOGHA OKO MATUNZO AWAKAKOLESAYA OMUSASI, NERYO MUSUBIRYE OKO RIBULYO LINO:

• Omo video eno wam’igha moki ebyangakuwatikya eriyiteghekania oko myatsi y’obubalya eyikakolesaya omusasi?

  Your answer