Wanganasangira oko butseme bw’ekihanda kyaghu

Yehova anzire ebihanda ibyabya n’obutseme. (Esy 127:3-5; Omu 9:9; 11:9) Aliwe twanganaherya obutseme bwetu busana n’erihanga-hangya ly’omo kihugho kino kutse busana n’amakosa w’abandu ab’omo kihanda kyetu. Obuli mughuma w’omo kihanda angakolaki erisangira oko butseme bw’ekihanda?

Omulume akasikaya omukali wiwe. (1Pe 3:7) Akalabaya endambi haghuma naye. Syalimulindirirako ebyo ate angatoka kandi akakanganaya ngoko akatsemera ebyo akamukolera n’ebyo akakolera ekihanda. (Kol 3:15) Akamukanganaya ngoko amwanzire n’erimupipa.​—Emi 31:28, 31.

Omukali akasondekanaya ehyanya ehy’eriwatikya iba wiwe. (Emi 31:12) Akaligha obusondoli bw’iba wiwe n’erikola naye omo bughuma. (Kol 3:18) Akakanaya naye inyanamusikirye kandi akamubughako ndeke.​—Emi 31:26.

Ababuti bakalabaya endambi haghuma n’abana babo. (Ebi 6:6, 7) Bakabwira abana babo ngoko babanzire. (Mt 3:17) Omughulu bakakungabo, bakakolesaya amenge n’olwanzo.​—Efe 6:4.

Abana bakakenga n’erisikya ababuti babo. (Emi 23:22) Bakabwira ababuti babo amalengekania wabo kandi ngoko bakayowa. Bakowa n’erisikya ababuti babo omughulu bakakungabo.​—Emi 19:20.

MULEBAYE EVIDEO MUBYE N’OBUTSEME OMO KIHANDA KYENYU, NERYO MUSUBIRAYE OKO RIBULYO LINO:

Obuli mundu mwakolaki erisangira oko butseme omo kihanda?