Uwite emiradi yahi omo mwaka muhya w’omubírí ono?

Emiradi y’obunya-kirimu yihiriremo ebyosi ebyo tukayikasa eriberererya tutoke erikolera Yehova yo kutsibu n’erimutsemesya. Emiradi eyo yikatuwatikaya eribya Abakristo abakulire, n’ekyo kikatusaba akaghala n’eriyiherera. (1Tim 4:15) Busanaki litolere itwabya tukayiteghererya emiradi yetu yo kangyi-kangyi? Kundi emibere ikanabinduka, omuradi wa kera anganabya isyakitasyakutolere, kutse twanganabya itwabirihikiragho neryo kumbe itwayihiriraho oghundi.

Omughulu owuwene ow’eriyiteghererya emiradi yetu y’embere sy’omwaka muhya w’omubírí eritsuka. Mwanganakania oko mwatsi oyo omwiramya lyenyu ly’eka n’eriyihiriraho emiradi y’ekihanda kutse ey’obuli mundu iyuwene.

Uwite miradi yahi omo myatsi eyikwamire, kandi wabirimya emipango yahi utoke erihikirayo?