ENGEBE Y’OMUKRISTO

Wighe olwanzo oluteleghula lwa Yehova

Yehova ni ky’erileberyako kikulu ky’omundu oyukakanganaya olwanzo oluteleghula. (Esy 103:11) Olwanzo oluteleghula si l’olwanzo l’omo katambi kake olukalulwahwa. Olwanzo oluteleghula l’olwanzo olutehwa. Yehova mwakangania olwanzo oluli ng’olo oko kihanda kye Israeli omo nzira nyingyi. Mwalusyabo omo bukobe mw’eMisiri n’eribaleta omo Kihugho ekyo abalagha. (Esy 105:42-44) Mwalwira oko bandu biwe kandi inyakaghanyirabo kangyi-kangyi babikola amalolo. (Esy 107:19, 20) Twamabya tukasima “amenge w’olwanzo olutyusa lwa [Yehova],” itukendianza erimwigha.—Esy 107:43.

Esyopitsa: Ekitsweka eky’omo video “Tukasima amenge w’olwanzo olutyusa lwa Yehova.” 1. Mughala wetu Capra n’oghundi mughala wetu bamasyalenderera mwali wetu eka wiwe. 2. Mughala wetu Capra, anabohirwe omo ngomo n’abandi baghala betu, anemuha akalyo oghundi mughala wetu oyuli omo ngyingo inyalwere.

MULEBAYE EVIDEO “TUKASIMA AMENGE W’OLWANZO OLUTYUSA LWA YEHOVA,” NERYO MUSUBIRAYE OKO MABULYO AWAKWAMIRE:

Twangakangania olwanzo olutyusa omo nzira syahi?

Your answer
Busanaki erikangania olwanzo olutyusa kikasaba eriyiherera?

Your answer