Kolesaya eBiblia ng’ekiyo

Omukwenda Yakobo mwasosekania eBiblia n’ekiyo kundi yikatuwatikaya erilangira omundu wetu w’emwisi. (Yak. 1:22-25) Neryo twangakolesya tuti ndeke eBiblia ng’ekiyo?

Ubye ukayiteghererya ukasoma. Twamayilebya omo kiyo mo luba-luba, itwanganabula erilangira aho twangakokotya okw’itwe. Kutya twamabya tukasoma eBiblia nga tukatibitawako, isitwendilangira aho tutolere erikokotya. Kwesi, litolere itwabya tukasome eBiblia itunemuyiteghererya.

Ubye ukayilebya, butsira erilebya abandi. Kangyi-kangyi tukayilebaya omo kiyo tutoke erilangira ngoko tusosire, butsira ngoko abandi basosire. Kutya, situtolere eribya tukasoma eBiblia itunemulangira aho abandi batolere erikokotya. Ekyo sikyangatuwatikya erikokotya aho tutolere erikokotya okw’itwe.

Isiwabya ukalabyaho kateho. Twamabiyilebya omo kiyo, neryo itwatungerera lisa ekyo situtatsemera okw’itwe, itwanganabunika mutima. Kwesi, tukasoma Ekinywa ky’oMungu, situtolere erilabyaho kateho omw’iyilindirirako bingyi kulenga ebyo Yehova akatusaba.—Yak. 3:17, ebinywa by’eyikwa.