“Obutseme buli oko bakaghanyira!”

1. Yehova ni mughanyiri,

Ni w’olukogho lunene.

Akatsemer’ebibuya

Atuh’ebyo twayitagha.

Twamabitsir’amalolo

Akatughanyira ndeke.

Asi ko tuli lututu,

Neryo akatughanyira.

2. Twamakola erilolo

Tukanza itwaghanyirwa,

Omukama Yesu ati

Tusabe Yehova Mungu:

‘Atughanyire ’malolo,

Ko tukaghanyir’abandi.’

Isitwabya n’ekinigha,

Twatekana omo bwenge.

3. Endambi tukahitaya,

Tukolekyo omo lwanzo.

Sitwesonda eripipwa,

Twaha ’rilwa ’mo mutima.

Oyukalangir’ebyosi,

Asyakuhemba kutsibu.

Eribana obutseme,

Tukangaye olukogho.