Omwatsi owalolawako

Erikwira abandu b’emihanda yosi b’obulighe

Kiro kighuma, mwali wetu we Nouvelle Zélande mwakwama evideo ‘Muhangaikiane.’ Evideo eyo, ikakanganaya ngoko Yehova akakwira abandu b’obulighe; aliwe kandi akakanganaya omo mikolere yiwe kw’akakwira abandu b’obulighe. (Isa. 63:7-9) Mwali wetu oyo, mwayisogha erikolesya ebyo igha; neryo mwasondekania ehyanya ehyo angawatikyamo omundu mulebe. Ekiro ekyo inyanemughula akalyo, mwahindana n’omukali mughuma oyutawite obwikalo, mwamubwira ati akayamughulira akalyo. Omukali oyo mwaligha. Mwali wetu abere aletera omukali oyo y’akalyo, mwamukanirya hake n’oko ngulu mbuya akakolesya etrakte Eryaghalwa linemwendisyahwa?

Omukali oyo mwatsuka eritoghongya emisonia. Mwabugha ati akulira omo kihanda ky’Abimiri ba Yehova, aliwe abirileka ekwenene hamabilaba emyaka mingyi. Aliwe omo biro bike ebyabya ibyamabilaba, ati abya inyanemusaba Yehova amuwatikaye asube okw’iye. Mwali wetu mwaha omukali oyo y’eBiblia, bamimya n’eprograme y’eribya bakigha eBiblia yo haghuma.a

Netu twanganighira oko Yehova, itwabya tukakwira abandi b’obulighe, erihirako abatunga betu n’abaghala n’abali betu omo ndeko. Kandi twanganakwira abandi bo bulighe, omw’ibya tukasondekania ehyanya hy’eribakanirya oko ngulu mbuya.