16 Hlaba iramu lelo uthathe iingazi zalo uzifafaze kiwo woke amahlangothi we-aldara.+ 17 Lihlahlele, uhlanze amathumbalo+ neenqatha zalo bewubeke ndawonye izitho zalo nehlokwalo phezu kwe-aldara. 18 Kufuze ulitjhise loke iramu lelo, ulenze lithunye e-aldareni. Limnikelo otjhiswako owenzelwa uJehova, iphunga elimnandi.+ Limnikelo owenziwa ngomlilo oya kuJehova.

18 Nje-ke watjhideza iramu lomnikelo otjhiswako begodu u-Aroni namadodanakhe babeka izandla zabo phezu kwehloko yeramu.+ 19 UMosi walihlaba, wafafaza iingazi zalo emahlangothini woke we-aldara. 20 Wahlahlela iramu, wathatha ihlokwalo, iintokana zenyama nomhlwehlwalo* wakutjhisa emlilweni. 21 Wahlanza amathumbalo neenqatha zalo ngamanzi, ngemva kwalokho uMosi watjhisa iramu loke e-aldareni umnikelo otjhiswako oliphunga elimnandi. Bekumnikelo otjhiswako owenziwe ngomlilo oya kuJehova, njengombana uJehova bekayale uMosi.

12 Ngemva kwalokho, wahlaba umnikelo otjhiswako, amadodana ka-Aroni amnikela iingazi wazifafaza emahlangothini woke we-aldara.+ 13 Amnikela iintokana zomnikelo otjhiswako kunye nehloko, wazitjhisa e-aldareni. 14 Godu wahlanza amathumbu neenqatha, wazitjhisa phezu komnikelo otjhiswako e-aldareni.