27 “Kodwana ngelanga letjhumi layo inyanga yekhomba le, liLanga lokuLitjalelwa kweZono.+ Kufuze nigidinge umhlangano ocwengileko, kufuze nidane*+ ngebanga lezono zenu begodu nilethe umnikelo owenziwe ngomlilo oya kuJehova. 28 Ningenzi nanyana ngimuphi umsebenzi ngelangeli ngombana lilanga lokulitjalelwa kwezono+ zenu phambi kwakaJehova uZimenu. 29 Nanyana ngubani ongekhe adane* ngelangeli ngebanga lezono zakhe uzokubulawa.+ 30 Ngizokutjhabalalisa woke umuntu owenza nanyana ngimuphi umsebenzi ngelangeli. 31 Akukafuzi nenze nanyana ngimuphi umsebenzi. Lo mthetho ozokuhlala usebenza eenzukulwaneni zenu zoke nanyana kukuphi lapha nihlala khona.