4 Godu athatha nesifunda seKosi u-Ogi+ yeBhatjhani, ebeyingeyokugcina yamaRafa,+ ebeyihlala e-Atjhitarothi ne-Edreyi, 5 yabusa eNtabeni iRherimoni, eSaleka nakiyo yoke iBhatjhani,+ bekuyokufika emkhawulweni wamaGetjhuri, wamaMakathi+ nesiquntwini sakwaGiliyadi, nesifundeni seKosi uSirhoni weRhetjhibhoni.+

6 UMosi inceku kaJehova nama-Israyeli bawahlula amakhosi la,+ ngemva kwalokho uMosi inceku kaJehova wanikela ngeenarha zawo bona zibe lilifa kebakwaRubeni, bakwaGadi nesiquntwini sekoro yakwaManase.+