39 Nikela iramu linye ekuseni elinye ulinikele ngamarhwaqela.+ 40 Ingcenye yetjhumi yesilinganiso se-efa* seflowuru esefiweko sihlanganiswe nengcenye yesine yehini* yamafutha ahlwengileko we-oliva, nomnikelo wesiselo wesilinganiso sesine sehini sewayini, kuzokukhambisana neramu lokuthoma. 41 Uzokunikela iramu lesibili ngamarhwaqela, likhambisane nomnikelo weenthoro nomnikelo weenselo ofana newekuseni. Uzowunikela ube liphunga elimnandi, umnikelo owenziwe ngomlilo oya kuJehova.