5 Wabayala wathi: “Nakhu ekufuze nikwenze: Isiqhema senu sinye kezintathu sizokusebenza ngeSabatha begodu sizokugada indlu yekosi* ngelihlo elibukhali,+ 6 esinye sizokuba seSangweni lesiSekelo, esinye sibe sesangweni ngemuva kwabonogada besigodlo. Nizokudlhegana ngokugada indlu. 7 Iinqhema zenu ezimbili okufuze zingasebenzi ngeSabatha kufuze ziyigade ngelihlo elibukhali indlu kaJehova bona zivikele ikosi. 8 Kufuze niphahle ikosi mahlangothi woke, ngamunye aphathe isikhali esandleni sakhe. Nanyana ngubani ongena hlangana nani uzokubulawa. Yeke hlalani ninekosi nanyana kukuphi lapho iya khona.”

22 Boke labo ebebakhethwe bona bagade iindawo zokungena isibalo sabo besima-212. Bebaseendaweni zabo zokuhlala ngokulandelana kwabo erhelweni leenzukulwana.+ UDavida noSamyela umboni wemibono+ bababeka eenkhundleni zabo ngebanga lokuthembeka kwabo. 23 Bona namadodanabo bebangamele umsebenzi wokugadwa kwamasango wendlu kaJehova,+ indlu yetende. 24 Abalindisango bebasemahlangothini amane, epumalanga, etjingalanga, etlhagwini nesewula.+ 25 Ngeenkhathi ezithileko, abafowabo bekufuze beze bavela eendaweni abahlala kizo bazokusebenza nabo amalanga alikhomba.

26 Iingaba zabalindisango+ bezingalendlela: kumaKhorarhi, bekunguMetjhelemiya+ indodana kaKhore wamadodana ka-Asafa.