9 UMosi, u-Aroni, uNadabi, u-Abihu nabadala bakwa-Israyeli abama-70 bakhuphuka, 10 babona uZimu wakwa-Israyeli.+ Ngaphasi kweenyawo zakhe kunokungathi mgangadelo wesafire ucwengeke njengezulu.+

6 Ngomnyaka okwahlongakala ngawo iKosi u-Uziya,+ ngabona uJehova ahlezi esihlalweni sobukhosi esiphakemeko+ nomphetho wesambatho sakhe uzele ithempeli. 2 Amaserafu bewambhodile; ngalinye lineempiko ezisithandathu. Ngalinye ligubuzese ubuso balo ngeempiko ezimbili bese ligubuzese iinyawo ngezimbili, iserafu ngalinye beliphapha ngeempiko ezimbili.

 3 Elinye belirhuwelela elinye lithi:

“Ucwengile, ucwengile, ucwengile uJehova wamabutho.+

Loke iphasi lizele iphazimulwakhe.”

27 Ngibone okuthileko okuphazima njengegolide elivangwe nesiliva,+ ebekunjengomlilo ovela entweni ethileko eqaleka njengedini lakhe ukutjhinga phezulu; ukusuka edinini lakhe ukuya phasi, ngabona okuthileko okunjengomlilo.+ Bekunokubenyezela okumzombileko 28 njengezungu lekosi+ emafini nakuna izulu. Leyo yindlela umkhanyo obenyezelako ebewumbhodileko ebewuqaleka ngayo. Bewuqaleka njengephazimulo kaJehova.+ Nangilibonako, ngaguqa, ngakhothamisela ihloko phasi begodu ngathoma ukuzwa ilizwi lomuntu okhulumako.

2 Msinyana ngemva kwalokhu ngaba semandleni wommoya begodu qala, isihlalo sobukhosi besisendawenaso ezulwini, kunothileko ohlezi kiso.+ 3 Loyo ohlezi, bekabonakala njengelitje lejasiperi+ nelitje lesaridiyu,* isihlalo sobukhosi besibhodwe lizungu lekosi elibonakala njenge-emeraldi.+