• 2 IinKronike 28:18
    IBhayibheli ImiTlolo ECwengileko

    • 18 NamaFilista+ asahlela amadorobho weTjhefela+ neNegebhi yakwaJuda, athumba iBhethe-Tjhemetjhi,+ i-Ayaloni,+ iGederothi, iSoko namadorobho ayibhodileko, iTimna+ namadorobho ayibhodileko neGimizo namadorobho ayibhodileko, ngemva kwalokho ahlala khona.

  • Isaya 9:11, 12
    IBhayibheli ImiTlolo ECwengileko

    • 11 UJehova uzokuvusa amanaba kaRetsini ngokujamelene naye*

      Begodu uzokuphehla amanabakhe bona athathe igadango,

      12 AmaSiriya wangepumalanga namaFilista wangetjingalanga,+

      Azokurhiribidela u-Israyeli ngemilomo evulekileko.+

      Malungana nakho koke lokhu, ilaka lakhe alikabuyeli emva,

      Kodwana isandla sakhe sisalulekile bona sibethe.+

  • Isaya 14:29
    IBhayibheli ImiTlolo ECwengileko

    • 29 “Noke nina eFilista, ningathabi,

      Ngombana intonga yaloyo onibethako iphuliwe.

      Ngombana emrajini wenyoka+ kuzokuphuma inyoka enetjhefu,+

      Begodu umntwanayo uzokuba yinyoka ephaphako enomlilo.

  • Juweli 3:4-6
    IBhayibheli ImiTlolo ECwengileko

    •  4 Godu, kanti ningibangisani,

      Wena Tirosi neTsidoni nazo zoke iimfunda zeFilista?

      Kghani niyazibuyiselela kimi ngebanga lokuthileko?

      Nangabe niyazibuyiselela,

      Mina ngizozibuyiselela phezu kweenhloko zenu msinyana nangokurhabako.+

       5 Ngombana nithethe isiliva negolide lami,+

      Begodu nilethe amagugwami akhethekileko emathempelinenu,

       6 Abantu bakwaJuda nebeJerusalema nibathengisele amaGirigi,+

      Ukuze nibase kude nenarhabo,