24 “Nange indoda itjhada umfazi kodwana ingasathabi ngaye ngombana ifumene into ehlazisako kuye, kufuze itlole incwadi yesehlukaniso,+ imnikele yona beyimqothe emzinayo.+

2 AbaFarisi baya kuye, bafuna ukumlinga, bambuza ukuthi kuvumelekile na ukuthi indoda itlhale umkayo.+ 3 Wabaphendula wathi: “Kanti uMosi waniyala wathini?” 4 Bathi: “UMosi wathi ungamtlolela incwadi yokumqotha, umtlhale.”+ 5 Kodwana uJesu wathi kibo: “Bekacabangela iinhliziyo zenu eziqinileko,+ kungakho anitlolela umyalo lo.+ 6 Nokho, kusukela ekuthomeni kokudala, ‘Wabenza kwaba yindoda nomfazi.+ 7 Ngalokho indoda izokutjhiya uyise nonina,+ 8 begodu ababilaba bazokuba yinyama yinye,’+ nje-ke abasese babili kodwana bayinyama yinye. 9 Ngalokho-ke, lokho uZimu akuhlanganisileko, akungabi nomuntu okuhlukanisako.”+ 10 Godu nabangendlini, abafundi bathoma ukumbuza ngendaba le. 11 Wathi kibo: “Nanyana ngubani otlhala umkakhe bese atjhade nomunye uyafeba*+ begodu akakathembeki kuye, 12 kanti-ke nakungenzeka umfazi ngemva kokutlhala indodakhe atjhade nenye, uyafeba.”+