Zakariya

NguJehova owenza amafu anzima,

Nguye onisa izulu,+

Begodu nguye owenza kumile iintjalo emasimini.

 2 Iinthombe zamatherafimi zikhulume ikohliso;

Abathukulako babone amala.

Bakhulume amabhudango angatjho litho,

Balingile ukududuza kodwana akhenge kusize.

 3 Ilaka lami lizobavuthela abelusi,

Nabadosiphambili* abagandelelako ngizobajezisa;

Ngombana uJehova wamabutho uwutjhejile umhlambakhe,+ indlu kaJuda,

Uwenze waba njengenjomanakhe yepi enamandla nephazimulako.

 4 KuJuda kuvela umrholi,

Kuvela umbusi ozomsekela,

Kuvela umsebe wepi;

Kuphuma umtlhogomeli, boke nje bavela kuye.

 5 Bazokuba njengeengorho,

Bagadange idaka eendleleni ngesikhathi sepi.

Bazokulwa ipi ngombana uJehova unabo;+

Begodu abakhweli beenjomani bazokuhlaziseka.+

 6 Ngizokwenza indlu kaJuda ibe namandla,

Indlu kaJosefa ngizoyisindisa.+

Ngizobabuyisela enarhenabo,

Ngizobenzela umusa;+

Kuzokuba ngasuthi akhenge khengibalahle;+

Ngombana nginguJehova uZimabo begodu ngizobaphendula.

 7 Abantu bakwa-Efrayimu kufuze babe njengeengorho,

Iinhliziyo zabo zizokuthaba njengokungathi basele iwayini.+

 8 ‘Ngizobabiza babe ndawonye;

Ngizobahlenga+ bazokuba banengi,

Begodu bazokuhlala babanengi njalo.

 9 Ngitjho nanyana ngingabarhatjha njengembewu hlangana nabantu,

Bazongikhumbula baseendaweni ezikude;

Bona namadodanabo bazokwenziwa babe namandla amatjha begodu bazokubuya.

10 Ngizobathatha enarheni yeGibhide ngibabuyise

Begodu ngizobathatha nenarheni ye-Asiriya;+

Ngizobaletha enarheni yeGiliyadi+ neLibhanoni,

Ngitjho neenarhenezi angekhe babe nendawo eyaneleko.+

11 Kufuze adlule elwandle abangele ihlekelele;

Begodu uzokubetha amagagasi welwandle;+

Woke amanzi weNayili azokoma.

I-Asiriya elizikhakhazisako lizokuhlaziswa,

Nombuso* weGibhide uzokuqedwa.+

12 Mina Jehova ngizobenza babe namandla,+

Begodu bazoziphatha* ngendlela edumisa igama lami,’+ kutjho uJehova.”