Jotjhuwa
11 Msinyana uJabhini ikosi yeRhatsori nakezwa ngalokho, wathumela umlayezo kuJobabi ikosi yeMadoni,+ ekosini yeTjhimroni, ekosini ye-Akitjhafi,+ 2 emakhosini ebewasetlhagwini yesifunda seentaba, ebewasemirhobeni* yesewula yeKinerethi, ebewaseTjhefela nemikhuphukeleni yeDori+ ngetjingalanga, 3 wathumela umlayezo kumaKanana+ ebewangepumalanga netjingalanga, kuma-Amori,+ kumaRhiti, kumaPerizi, kumaJebusi ebewasesifundeni seentaba nakumaRhivi+ ebewangenzasi kweRherimoni+ enarheni yeMitsipha. 4 Nje-ke woke amakhosi la aphuma namabuthwawo woke, kwaphuma abantu abanengi khulu inga yihlabathi emagega nelwandle, baphuma neenjomani ezinengi khulu neenkarana zepi. 5 Ngemva kokuvumelana bona azokuhlangana kuphi, amakhosi la eza ahloma ikampa emthonjeni wamanzi weMeromi bona alwe nama-Israyeli.
6 Ngemva kwalokho, uJehova wathi kuJotjhuwa: “Ungawasabi+ ngombana kusasa ngesikhathesi woke ngizowanikela kuma-Israyeli bona awabulale. Yeke wena kufuze uqunte imisipha yeenjomani zawo,+ kufuze utjhise neenkarana zawo.” 7 UJotjhuwa nawo woke amadoda wepi bawasahlela angakalindeli emthonjeni wamanzi weMeromi. 8 UJehova wawanikela esandleni sama-Israyeli,+ awahlula, awagijimisa bekwayofika eTsidoni eKulu,+ eMisrefothi-Mayimu+ nemRhobeni weMitsiphe ngepumalanga begodu awabulala akhenge kusinde namunye.+ 9 Ngemva kwalokho, uJotjhuwa wenza njengombana uJehova bekamyalile; waqunta imisipha yeenjomani zawo bewatjhisa neenkarana zawo.+
10 Ukungezelela kilokho, uJotjhuwa wabuyela emva wathumba iRhatsori wabulala ikosi yakhona ngesabula+ ngombana ngaphambilini iRhatsori beyidosa phambili yoke imibuso le. 11 Arhayila woke umuntu wakhona ngesabula, abanikela ekutjhatjalalisweni.+ Akunanto ephefumulako eyatjhiywa ngemva.+ Ngemva kwalokho, watjhisa iRhatsori. 12 UJotjhuwa wathumba woke amadorobho wamakhosi la begodu wahlula woke amakhosi wakhona ngesabula.+ Wawanikela ekutjhatjalalisweni+ njengombana uMosi inceku kaJehova bekayalile. 13 Nokho, ama-Israyeli akhenge awatjhise amadorobho ebewajame ngeendundumeni ngaphandle kweRhatsori; ngiyo kwaphela uJotjhuwa ayitjhisako. 14 Ama-Israyeli azithathela yoke ipahla nefuyo yamadorobho lawo.+ Abulala boke abantu ngesabula bekwaba kulapho abarhayile boke.+ Akhenge atjhiye namunye aphila.+ 15 Njengombana uJehova bekayale uMosi incekwakhe, uMosi wayala uJotjhuwa,+ ngokunjalo uJotjhuwa wenza njengombana ayaliwe. Akunanto ayitjhiya ngemva ezintweni uJehova aziyala uMosi.+
16 UJotjhuwa wayihlula yoke inarha leyo, isifunda seentaba, yoke iNegebhi,+ yoke inarha yeGotjheni, iTjhefela,+ i-Araba,+ isifunda seentaba sakwa-Israyeli neTjhefelaso,* 17 ukusuka eNtabeni iRhalakha ekhuphukela eSeyiri bekwayokufika eBhali-Gadi+ emRhobeni weLibhanoni enzasi kweNtaba iRherimoni,+ wathumba woke amakhosi wakhona, wawahlula bewawabulala. 18 UJotjhuwa walwa nawo woke amakhosi la isikhathi eside. 19 Alikho elinye idorobho elenza ukuthula nama-Israyeli ngaphandle kwamaRhivi ebewahlala eGibiyoni.+ Ama-Israyeli ahlula boke abanye epini.+ 20 NguJehova owavumela amakhosi lawo ukuthi abe nekani+ bona amakhosi lawo alwe nama-Israyeli, ukuthi uZimu awanikele ekutjhatjalalisweni ngombana akhenge awahlulele ngomusa.+ Bekufuze arhayilwe njengombana uJehova bekayale uMosi.+
21 Ngesikhatheso uJotjhuwa wathanyela ama-Anakhi+ esifundeni seentaba, eRhebroni, eDebhiri, e-Anaba, kiso soke isifunda seentaba sakwaJuda nakiso soke isifunda seentaba sakwa-Israyeli. UJotjhuwa wawanikela ekutjhatjalalisweni namadorobhawo.+ 22 Akhenge kusale namunye wama-Anakhi enarheni yakwa-Israyeli; asala+ kwaphela eGaza,+ eGathi+ ne-Atjhidodi.+ 23 Yeke uJotjhuwa wayithatha yoke inarha njengombana uJehova bekathembise uMosi,+ ngemva kwalokho uJotjhuwa wayinikela ukuthi ibe lilifa lama-Israyeli ngokwezabelo zawo bona ayihlukaniselane hlangana neenkoro zawo.+ Akhenge kube nepi enarheni ngesikhatheso.+