Mikha
1 Nanti ilizwi lakaJehova elafika kuMikha*+ weMoretjheti, emihleni kaJothamu,+ u-Arhazi+ noHezekiya,+ amakhosi wakwaJuda,+ elafika ngombono omalungana neSamariya neJerusalema:
2 “Lalelani nina noke bantu!
Lalela wena phasi nalokho okukuwe,
IKosi ePhakemeko uJehova ayibe ngufakazi ngokujamelene nawe,+
UJehova usethempelini lakhe elicwengileko.
3 Qalani! UJehova uphuma endawenakhe;
Uzokwehla akhambe eendaweni eziphakamileko zephasi.
4 Iintaba zizokuncibilika lapha ajame khona,+
Nemirhoba izokuhlukana phakathi
Njengekhandlela phambi komlilo,
Njengamanzi athelwe endaweni eyehlelako.
5 Koke lokhu kungebanga lokuvukela kwakaJakopo,
Nezono zendlu ka-Israyeli.+
Ngubani owenze uJakopo wavukela?
AkusiliSamariya?+
Ziyini iindawo eziphakemeko zakwaJuda?+
AkusiliJerusalema?
6 Ngizokwenza iSamariya libe lidorobho elitjhatjalalisiweko,
Libe yindawo yokutjala amadiribe;
Amatjalo ngizowaphosela* ngemrhobeni,
Iinsekelo zalo ngizozibeka ebaleni.
7 Zoke iinthombe zalo ezibaziweko zizokukghadlhwa zibe ziinququ,+
Nazo zoke izipho elizifumene ngokuziphatha kumbi ngokomseme zizokutjhiswa.+
Ngizokutjhabalalisa zoke iinthombe zalo,
Elizithenge ngemali eliyifumene ngobungwadla
Begodu zizokuthathwa ziyokubhadela enye ingwadla
8 Ngizokulila bengirhuwelele ngebanga lalokhu,+
Ngizokukhamba ngingakafaki amanyathelo begodu ngihlubule.+
Isililo sami sizokuba njengeseempungutjha,
Ukulila kwami kuzokuba njengokweenciliba.
Isibetho sirhatjheke esangweni labantu bami, eJerusalema.+
10 “Ningakhulumi ngayo eGathi;
Ningalili nakancani.
Abantu beBhethe-Afra* bazozibhudabhuda ethulini.
11 Khambani nihlubule begodu nineenhloni, nina bantu beTjhafira.
Abantu beTsanana akhenge baphume.
Kuzokuba nesililo eBhethe-Ha-Etseli begodu angeze lisanisekela.
12 Ngombana abantu beMarothi balindele okuhle,
Kodwana behlelwa ngokumbi kuvela kuJehova kwehlela esangweni leJerusalema.
13 Bophelani iinjomani ekaraneni, nina bantu beLakitjhi.+
Isono sendodakazi yeZiyoni sivele kini,
Ngombana kuwe ndodakazi yeZiyoni kufunyenwe ukuvukela kwaka-Israyeli.+
14 Uzokunikela iMoretjheti-Gathi izipho zokuyilayelisa.
Izindlu ze-Akziba+ zakhohlisa amakhosi wakwa-Israyeli.
15 Ngisazonilethela inaba elizokuthatha koke,+ nina bantu beMaretjha.+
Iphazimulo ka-Israyeli izokufika ne-Adulamu.+
16 Gudani iinhloko zenu, ngebanga labantwabenu enibathandako.