Eksodusi
13 UJehova wakhuluma noMosi wathi: 2 “Ngicwengisela woke amazibulo aduna kwa-Israyeli. Amazibulo azokubelethwa aduna wabantu neweenlwana ngewami.”+
3 Nje-ke uMosi wathi ebantwini: “Khumbulani ilangeli enaphuma ngalo eGibhide+ lapho beniziingqila khona ngombana uJehova wanikhupha lapho ngesandla sakhe esinamandla.+ Nje-ke akunanto enesibiliso ekufuze niyidle. 4 Nizokuphuma ngalo ilangeli enyangeni ka-Abibi.*+ 5 Lokha uJehova nakaniletha enarheni yamaKanana, yamaRhiti, yama-Amori, yamaRhivi neyamaJebusi,+ leyo afunga kiboyihlomkhulu ukuninikela yona,+ inarha egeleza ibisi neliju.+ Nje-ke umnyanya lo kufuze niwenze enyangeni le. 6 Kufuze nidle uburotho obunganasibiliso+ amalanga alikhomba begodu elangeni lekhomba kuzokuba nomnyanya kaJehova. 7 Uburotho obunganasibiliso kufuze budliwe amalanga alikhomba;+ akunanto enesibiliso ekufuze ifumaneke kini+ begodu akunahlama enesibiliso ekufuze ifumaneke kiso soke isifunda senu. 8 Ngelangelo kufuze utjele indodanakho uthi, ‘Ngenza lokhu ngebanga lalokho uJehova angenzele khona nangiphuma eGibhide.’+ 9 Umnyanya lo uzokuba njengetshwayo elitlolwe esandleni sakho nepandlakho,+ uzokukhumbuza bona ukhulume ngomthetho kaJehova, uzokukhumbuza nokuthi nguJehova owakutjhaphulula ngamandlakhe enarheni yeGibhide. 10 Kufuze nilandele iinqophiswezi benigidinge umnyanya lo qobe mnyaka ngesikhathi esibekiweko.+
11 “UJehova nakanisa enarheni yamaKanana afunga kini nakiboyihlomkhulu ukuninikela yona,+ 12 kufuze ninikele kuJehova woke amazibulwenu aduna kunye namazibulo aduna wefuywenu. Iinlwana zenu eziduna ngezakaJehova.+ 13 Woke amazibulo wabodumbana kufuze uwahlenge ngemvu nawungawahlengiko kufuze uphule iintamo zawo. Kuthi woke amazibulo aduna wamadodanakho kufuze uwahlenge.+
14 “Nange indodanakho ingakubuza ithi, ‘Kutjho ukuthini lokho?’ Kufuze uthi kiyo, ‘UJehova wasikhupha ngesandla sakhe eGibhide lapha besigqilazwa khona.+ 15 UFaro nakaba nekani abhala ukusikhambisa,+ uJehova wabulala woke amazibulo enarheni yeGibhide ukusukela ezibulweni lomuntu ukuya ezibulweni lesilwana.+ Kungebangelo ngenzela uJehova umhlatjelo ngawo woke amazibulo aduna begodu ngihlenga woke amazibulo wamadodanami.’ 16 Lokhu kufuze kube njengetshwayo elisesandleni sakho nepandla+ ngombana uJehova wasikhupha ngesandla esinamandla eGibhide.”
17 UFaro wavuma ukukhambisa abantu kodwana uZimu akhenge abakhambise ngendlela yenarheni yamaFilista ngitjho nanyana beyiseduze. UZimu wathi: “Abantu bazazisola nabaqalene nepi bebabuyele eGibhide.” 18 UZimu wenza abantu bakhamba ngendlela yommango weLwandle eliBomvu.+ Ama-Israyeli aphuma enarheni yeGibhide ngendlela ehlelekileko njengeenqhema zamasotja. 19 UMosi wathatha namathambo kaJosefa ngombana uJosefa wafungisa amadodana ka-Israyeli wathi: “UZimu uzokuhlala anitjhejile yeke kufuze nanikhambako nikhambe namathambami.”+ 20 Basuka eSukothi bahloma amatende e-Ethamu magega nommango.
21 UJehova bekakhamba phambi kwabo emini abanqophise ngesika yelifu,+ kuthi ebusuku ngesika yomlilo bona ibakhanyisele ukwenzela bona bakghone ukukhamba emini nebusuku.+ 22 Emini isika yelifu beyingasuki phambi kwabantu nebusuku isika yomlilo beyingasuki kibo.+