Mikha
3 Ngithe: “Ngibawa ningilalele nina barholi bakaJakopo
Nina balawuli bendlu ka-Israyeli.+
Akukafuzi nazi na bona khuyini ubulungiswa?
2 Nihloya okulungileko+ begodu nithanda okumbi,+
Nihluba isikhumba ebantwini bami begodu nisusa inyama esemathanjenabo.+
3 Nidla nenyama yabantu bami+
Nihluba nesikhumba sabo,
Nitshidlha amathambabo abe ziintokana,+
Njengamathambo nenyama ephekwe ngepotweni.
4 Ngesikhatheso bazokufuna isizo kuJehova,
Kodwana angeze abaphendule.
5 Ngilokhu uJehova akutjhoko ngabaphorofidi abadurhisa abantu bakhe,+
Abathi, ‘Kunokuthula’+ lokha nabafumana okuthileko abangakudla+
Kodwana balwa nalabo abangabaphi ukudla:
6 ‘Nizokuba sebumnyameni+ njengebusuku begodu angeze nibe nemibono,+
Kuzokuba nobumnyama kwaphela kini, angekhe niphengule.
Ilanga lizobatjhingela abaphorofidi,
Begodu ilanga lizokuba mnyama kibo.+
7 Ababoni bemibono bazokuhlaziseka,+
Abathukulako bazokudana.
Boke kuzokufuze bazivale imilomo,*
Ngombana akunapendulo evela kuZimu.’”
8 Kodwana mina nginamandla engiwafumene ngommoya kaJehova,
Ungisiza bona ngenze ngobulungiswa begodu ngibe nesibindi,
Sokutjela uJakopo ngokuvukela kwakhe no-Israyeli ngesono asenzileko.
9 Ngibawa nilalele nina barholi bakaJakopo
Nina balawuli bendlu ka-Israyeli,+
Abahloya ubulungiswa begodu abenza okulungileko kube ngokumbi,+
10 Enakha iZiyoni ngokuphalaza iingazi neJerusalema ngokungalungi.+
11 Abarholi bakhona bahlulela ngokufunjathiswa,+
Abaphristi bakhona bafundisa kwaphela nabazokufumana imali,+
Abaphorofidi bakhona bathukula ngebanga lokufumana imali.+
Kodwana bathembele kuJehova bathi:
“Kghani uJehova akasinathi na?+
Akunahlekelele ezosehlela.+