IRhubo
Kumnqophisi; ngendlela kaJedutuni.* Ingoma kaDavida.
39 Ngithe: “Ngizokutjheja iindlela zami
Bona ngigegede ukona ngelimu lami.+
Ngizokuvala umlomami ngesifonyo+
Ikani nje nakunomuntu okhohlakeleko lapho engikhona.”
2 Bengingakhulumi begodu bengithulile;+
Akhenge ngikhulume ngitjho nangokuhle,
Kodwana ubuhlungu bami bebubukhulu.
3 Ihliziywami yavutha ngaphakathi kwami.
Njengombana ngicabangisisa,* umlilo wasolo uvutha.
Nje-ke ilimu lami lakhuluma lathi:
4 “Maye! Jehova, ngisiza ngazi ukuthi isiphetho sami sizokuba yini,
Ngazi isilinganiso samalangami,+
Bona ngazi ukuthi ukuphila kwami kufitjhani kangangani.
Ngokuqinisekileko woke umuntu, ngitjho nanyana abonakala avikelekile, akasililitho kodwana umumoya ophefumulwako kwaphela.+ (Sela)
6 Ngokuqinisekileko, woke umuntu ukhambakhamba njengesithunzi.
Utinazelela ilize.
Ubuthelela umnotho, angazi ukuthi ngubani ozozithabisa ngawo.+
7 Alo-ke, khuyini engingathembela kiyo Jehova?
Nguwe wedwa olithemba lami.
8 Ngisindisa kiyo yoke imitjhaphwami.+
Ungavumeli isidlhadlha singidelele.
10 Susa isibetho sakho kimi.
Ngiphelelwa mamandla ngombana isandla sakho siyangibetha.
Ngokuqinisekileko woke umuntu akasililitho kodwana umumoya ophefumulwako kwaphela.+ (Sela)
12 Maye! Jehova, izwa umthandazwami,
Ngilalela nangililela isizo.+
Ungenzi ngasuthi awuziboni iinyembezi zami.
Ngombana ngimumuntu ovela kwenye inarha kuwe,+
Ngisikhambi esidlulako, njengabo boke abokhokho bami.+
13 Ungasangiqali ngelihlo elinelunya ukwenzela bona ngithabe
Ngaphambi kobana ngihlongakale, ngingasabi khona.”