Yokuthoma YeenKronike
24 Nje-ke nanzi iingaba zeenzukulwana zaka-Aroni: Amadodana ka-Aroni bekunguNadabi, u-Abihu,+ u-Elazara no-Itamara.+ 2 UNadabi no-Abihu bahlongakala ngaphambi kobana uyise+ ahlongakale begodu bebanganamadodana kodwana u-Elazara+ no-Itamara baragela phambili babaphristi. 3 UDavida noTsadokhi+ wamadodana ka-Elazara no-Arhimeleki wamadodana ka-Itamara, babahlukanisa ngokweengaba zeenkhundla zomsebenzabo. 4 Njengombana amadodana ka-Elazara bewanamadoda amanengi aziinhloko ukudlula amadodana ka-Itamara, babahlukanisa ngokufaneleko: Amadodana ka-Elazara aba neenhloko zeenkoro ezili-16 begodu amadodana ka-Itamara bewaneenhloko zeenkoro ezi-8.
5 Godu babahlukanisa ngefumbe,+ esinye isiqhema kwesinye ngombana bekuneenduna zendawo ecwengileko neenduna zakaZimu weqiniso ezivela emadodaneni ka-Elazara nemadodaneni ka-Itamara. 6 Nje-ke uTjhemaya indodana kaNetaneli unobhala wamaLevi watlola amagamabo phambi kwekosi, amakhosana, uTsadokhi+ umphristi, u-Arhimeleki+ indodana ka-Abhiyathari+ neenhloko zeenkoro zabaphristi nezamaLevi, kukhethwa ikoro yinye ku-Elazara begodu kukhethwa yinye ku-Itamara.
7 Ifumbe yokuthoma yadla uJehoyaribi; yesibili uJedaya, 8 yesithathu uRharimu, yesine uSeworimu, 9 yesihlanu uMalikiya, yesithandathu uMijamini, 10 yekhomba uHakhotsi, yobunane u-Abhiya,+ 11 yethoba uJetjhuwa, yetjhumi uTjhekaniya, 12 ye-11 u-Eliyatjhibu, ye-12 uJakimu, 13 ye-13 uRhupha, ye-14 uYetjhebabi, 14 ye-15 uBhiliga, ye-16 u-Imeri, 15 ye-17 uRheziri, ye-18 uHaphitsetsi, 16 ye-19 uPetharhiya, yama-20 uJerhezikheli, 17 yama-21 uJakini, yama-22 uGamulu, 18 yama-23 uDelaya, yama-24 uMaziya.
19 Leli bekulilungiselelo elisemthethweni abenzelwa lona emsebenzinabo+ bona bangene ngendlini kaJehova ngokwekambiso eyabekwa ngukhokhwabo u-Aroni njengombana bekayalwe nguJehova uZimu ka-Israyeli.
20 Kiwo woke amanye amaLevi: Emadodaneni ka-Amramu,+ bekunoTjhubayeli; emadodaneni kaTjhubayeli,+ bekunoJerhideya; 21 kewakaRerhabiya:+ emadodaneni kaRerhabiya, nguYitjhiya ihloko; 22 kewakaJitsihari, nguTjhelomothi;+ emadodaneni kaTjhelomothi, nguJarhathi; 23 emadodaneni kaRhebroni, nguJeriya+ ihloko, wesibili ngu-Amariya, wesithathu nguJarhaziyeli, wesine nguJekhamamu; 24 emadodaneni ka-Uziyeli, nguMikha; emadodaneni kaMikha, nguTjhamiri. 25 Umfowabo kaMikha bekunguYitjhiya; emadodaneni kaYitjhiya, nguZakariya.
26 Amadodana kaMerari+ bekunguMarhili noMutjhi; emadodaneni kaJaziya, nguBheno. 27 Amadodana kaMerari: kaJaziya, nguBheno, uTjhohamu, uZakuru no-Ibri; 28 kaMarhili, ngu-Elazara ongazange abe namadodana;+ 29 kaKhitjhi: amadodana kaKhitjhi, nguJerarhimiyeli; 30 amadodana kaMutjhi bekunguMarhili, u-Ederi noJerimothi.
La bekumadodana kaLevi ngokweenkoro zaboyise. 31 Nawo enza ifumbe+ njengombana kwenza amadodana ka-Aroni phambi kweKosi uDavida, uTsadokhi, u-Arhimeleki neenhloko zeenkoro zabaphristi nezamaLevi. Malungana neenkoro, ikoro yendodana ekulu yaphathwa ngokulingana nekoro yendodana encani.