IRhubo

115 Akungabi ngithi Jehova, akungabi ngithi,

Kodwana phazimulisa igama lakho+

Ngebanga lethando lakho* nokuthembeka kwakho.+

 3 UZimethu usezulwini;

Wenza nanyana yini ayithandako.

 4 Iinthombe zabo zenziwe ngesiliva negolide,

Msebenzi wezandla zabantu.+

 5 Zinemilomo kodwana azikghoni ukukhuluma;+

Zinamehlo kodwana aziboni;

 6 Zineendlebe kodwana azizwa;

Zinepumulo kodwana azikghoni ukunukelela;

 7 Zinezandla kodwana azikghoni ukuthinta;

Zineenyawo kodwana azikghoni ukukhamba;+

Azenzi itjhada ngamaphimbwazo.+

 8 Abantu abazenzako bazokufana nazo,+

Ngitjho nalabo abathembele kizo.+

 9 Maye! Israyeli, thembela kuJehova+

Ulisizo lakho nesiviko sakho.+

10 Maye! Nzukulwana zaka-Aroni,+ thembelani kuJehova

Ulisizo lakho nesiviko sakho.

11 Nina enisaba uJehova, thembelani kuJehova+

Ulisizo lakho nesiviko sakho.+

12 UJehova uyasikhumbula begodu uzobusisa;+

Uzokubusisa indlu ka-Israyeli;

Uzokubusisa indlu ka-Aroni.

13 Uzokubusisa labo abasaba uJehova,

Abambalwa nabanengi.

14 UJehova uzonandisa,

Nina nabantwabenu.*+

15 Kwanga ningabusiswa nguJehova,+

UMenzi wezulu nephasi.+

16 Izulu ngelakaJehova,+

Kodwana iphasi ulinikele amadodana wabantu.+

17 Abahlongakeleko abamdumisi uJah;+

Nanyana ngubani owehlela endaweni yokubulunga.*+

18 Kodwana sizokudumisa uJah

Kusukela nje bekube nini nanini.