IRhubo

Ingoma Yalabo Abakhuphukako.

130 Maye! Jehova, ngikubiza ngisekuzikeni.+

2 Maye! Jehova, lalela ilizwi lami.

Kwanga iindlebe zakho zingangizwa nangibawa isizo.

3 Maye! Jah* ngathana bewuqala imitjhapho,

Ngubani obekangajama phambi kwakho Jehova?+

4 Ngombana wena ulibalela kwamambala,+

Bona abantu bakusabe.+

5 Ngithembela kuJehova, umphefumulwami woke uthembela kuye;

Ngilindela ilizwi lakhe.

6 Ngilindela uJehova ngehliziywami yoke,+

Ukudlula indlela abalindi abalindela ngayo ukusa,+

Iye, ukudlula indlela abalindi abalindela ngayo ukusa.

7 U-Israyeli akasolo alindele uJehova,

Ngombana uJehova unethando elithembekileko,+

Namandla amakhulu wokuhlenga.

8 Uzokuhlenga u-Israyeli kiyo yoke imitjhaphwakhe.