Yesibili YamaKhosi
21 UManase+ bekaneminyaka eli-12 nakaba yikosi, wabusa iminyaka ema-55 eJerusalema.+ Igama lakanina bekunguRhefitsiba. 2 Wenza okumbi emehlweni kaJehova, alandela imikghwa enyenyisako yeentjhaba+ uJehova aziqotha phambi kwabantu bakwa-Israyeli.+ 3 Wakha kabutjha iindawo eziphakemeko ezagirizwa+ nguyise uHezekiya, wakhela uBhali ama-aldara, wenza nesigodo esicwengileko*+ njengombana kwenza u-Arhabi ikosi yakwa-Israyeli.+ Wakhothamela loke ibutho lezulwini, walilotjha.+ 4 Godu wakha ama-aldara ngendlini kaJehova,+ leyo uJehova ebekathe ngayo: “EJerusalema, kulapho ngizokubeka khona igama lami.”+ 5 Wakhela nalo loke ibutho lezulwini+ ama-aldara ngeenrhodlweni ezimbili zendlu kaJehova.+ 6 Wenza indodanakhe bona ibe mhlatjelo;* wenza umlingo, wathukula+ begodu wabeka abantu ababuza kwabafileko nababikezela ikusasa.+ Wenza okumbi emehlweni kaJehova ngezinga elikhulu khulu bona amsilinge.
7 Wathatha isithombe esibaziweko sesigodo esicwengileko*+ asenzileko wasingenisa ngendlini leyo uJehova ebekathe ngayo kuDavida nendodanenakhe uSolomoni: “Endlini le neJerusalema engayikhetha hlangana nazo zoke iintjhaba zakwa-Israyeli, ngizokubeka igama lami ngokungapheliko.+ 8 Angekhe ngisenza iinyawo zama-Israyeli zizulazule enarheni engayinikela abokhokho bawo,+ kwaphela nawalalela koke engiwayale ngakho,+ umThetho woke incekwami uMosi awayala bona awulandele.” 9 Kodwana azange alalele, uManase wasolo awaphambukisa, awenza bona enze ubumbi obudlula beentjhaba uJehova azitjhabalalisa phambi kwama-Israyeli.+
10 UJehova wasolo akhuluma ngeenceku zakhe abaphorofidi,+ athi: 11 “UManase ikosi yakwaJuda wenze zoke izinto ezinyenyisakwezi; wenze ubumbi obudlula bama-Amori+ ebewangaphambi kwakhe,+ begodu wenze uJuda wona ngeenthombe zakhe ezinyenyisako.* 12 Yeke uJehova uZimu ka-Israyeli uthi: ‘Ngiletha ihlekelele eJerusalema+ nakwaJuda ezokwenza iindlebe zalabo abayizwako zihlohlonye.+ 13 Ngizokululela eJerusalema intambo yokulinganisa+ engiyisebenzise eSamariya+ begodu ngizokusebenzisa ithulusi lokulinganisa engilisebenzise endlini ka-Arhabi,+ ngizokusula iJerusalema lihlwengeke njengalokha umuntu asula isitja sihlwengeke, asisule bese asigubuze siqale phasi.+ 14 Ngizobalahla abaseleko belifa lami,+ ngibanikele esandleni sezitha zami, bazokuthunjwa begodu badlelezelwe ngizo zoke izitha zabo,+ 15 ngombana benza okumbi emehlwenami begodu bebasolo bangisilinga kusukela ngelanga abokhokho babo abaphuma ngalo eGibhide bekube kunamhlanjesi.’”+
16 Ngaphandle kwesono sakhe sokwenza uJuda one ngokwenza okumbi emehlweni kaJehova, uManase waphalaza neengazi ezinengi khulu ezinganamlandu bekwaba kulapho azalise iJerusalema ngazo, kusukela komunye umkhawulo kufikela komunye.+ 17 Malungana nawo woke omunye umlando kaManase nakho koke akwenzileko nezono azenzileko, akukatlolwa na encwadini yomlando weenkhathi zamakhosi wakwaJuda? 18 Ngemva kwalokho, uManase walaliswa nabokhokho bakhe begodu wabulungwa esimini yendlwakhe, isimu ka-Uza;+ indodanakhe u-Amoni yaba yikosi esikhundleni sakhe.
19 U-Amoni+ bekaneminyaka ema-22 nakaba yikosi, wabusa iminyaka emibili eJerusalema.+ Igama lakanina bekunguMetjhulemethi indodakazi kaRharutsi weJothiba. 20 Waraga nokwenza okumbi emehlweni kaJehova njengombana kwenza uyise uManase.+ 21 Wasolo akhamba kizo zoke iindlela uyise akhamba kizo, waraga nokulotjha begodu akhothamela iinthombe ezinyenyisako ezalotjhwa nguyise.+ 22 Nje-ke wamlahla uJehova uZimu wabokhokho bakhe, azange akhambe endleleni kaJehova.+ 23 Ekugcineni iinsebenzi zaka-Amoni zaluka amano wokumbulala bezambulalela ngendlinakhe. 24 Kodwana abantu benarheni babulala boke labo abalukela iKosi u-Amoni amano wokuyibulala, babeka indodanakhe uJosiya bona ibe yikosi esikhundleni sakhe.+ 25 Malungana nawo woke omunye umlando ka-Amoni, koke akwenzileko, akukatlolwa na encwadini yomlando weenkhathi zamakhosi wakwaJuda? 26 Nje-ke bambulunga ethuneni lakhe esimini ka-Uza,+ indodanakhe uJosiya+ yaba yikosi esikhundleni sakhe.