Eksodusi
20 Nje-ke uZimu wakhuluma woke amezwi la:+
2 “NginguJehova uZimenu, owanikhupha eGibhide lapha benigqilazwa khona.+ 3 Akukafuzi nibe nabanye abozimu ngaphandle kwami.+
4 “Ningazenzeli isithombe esibaziweko namkha umfanekiso wananyana yini esezulwini, ephasini namkha emanzini.+ 5 Ningazikhothameli namkha nizilotjhe,+ ngombana mina Jehova uZimenu nginguZimu ofuna nizinikele kimi kwaphela.+ Ngiletha isijeziso somtjhapho wabobaba phezu kwamadodana, phezu kwesizukulwana sesithathu naphezu kwesizukulwana sesine kilabo abangihloyako, 6 kodwana ngizokuthanda nesizukulwana sekulungwana salabo abangithandako nabalalela imiyalwami.+
7 “Ningaphathi igama lakaJehova uZimenu ngelize,+ ngombana uJehova uzobajezisa labo abaphatha igama lakhe ngelize.+
8 “Ningalibali ukugidinga iSabatha ngombana licwengile.+ 9 Kufuze nisebenze amalanga asithandathu,+ 10 kodwana ilanga lekhomba liSabatha lakaJehova uZimenu. Kufuze ningasebenzi, wena, indodanakho, indodakazakho, isigqila sakho esiduna, isigqila sakho esisikazi, ifuywakho namkha umuntu ovela kwenye inarha osemzinakho.+ 11 Ngombana uJehova wabumba izulu, iphasi nelwandle nakho koke okukikho ngamalanga asithandathu. Ngelanga lekhomba waphumula,+ kungebangelo uJehova abusisa iSabatha bewalicwengisa.
12 “Hlonipha uyihlo nonyoko,+ ukwenzela bona uphile isikhathi eside enarheni uJehova uZimenu aninikela yona.+
13 “Ungabulali.+
15 “Ungebi.+
16 “Ungafakazi amala ngomakhelwanakho.+
17 “Ungakhanukeli indlu kamakhelwanakho. Ungamkhanuki umfazi kamakhelwanakho,+ isigqila sakhe esiduna, isigqila sakhe esisikazi, ikunzakhe, udumbanakhe namkha nanyana yini ekungeyakhe.”+
18 Nje-ke kuthe boke abantu nabezwa ukuraramba, babona umbani, bezwa itjhada lephondo, babona kuthunya intuthu entabeni bahlengezela bajamela kude.+ 19 Bathi kuMosi: “Khuluma nathi, thina sizokulalela kodwana ungamvumeli uZimu akhulume nathi ngombana sisaba ukufa.”+ 20 UMosi wathi ebantwini: “Ningasabi, ngombana uZimu weqiniso uzele ukuzonilinga,+ ukwenzela bona niragele phambili nimsaba khona ningazokona.”+ 21 Abantu bebasolo bajamele kude kodwana uMosi watjhidela elifini elinzima lapho uZimu weqiniso bekakhona.+
22 UJehova wathi kuMosi: “Ngilokhu ekufuze ukutjho kuma-Israyeli, ‘Nizibonele ngokwenu ukuthi ngikhulume nani ngisezulwini.+ 23 Ningazenzeli abozimu besiliva namkha begolide, ngombana akukafuzi nibe nabanye abozimu ngaphandle kwami.+ 24 Ningenzele i-aldara lehlabathi ninikele kilo imihlatjelo etjhiswako, imihlatjelo yetjhebiswano,* ngezimvu nangeenkomo zenu. Kinanyana ngiyiphi indawo engikhetha ukulotjhelwa* kiyo,+ ngizokuza kini nginibusise. 25 Naningakhela i-aldara lamatje, ningangakheli nisebenzisa amatje abaziweko+ ngombana nanisebenzisa itjhizela nizolisilaphaza. 26 Ningakhuphukeli e-aldareni lami ngeentepisi, ukwenzela bona izitho zenu zangaphasi zingabonakali kilo.’