Amosi
8 UJehova iKosi ePhakemeko wangitjengisa nakhu: Qala! Bekunomantji oneenthelo zehlobo. 2 Nje-ke wathi kimi: “Ubonani Amosi?” Ngamphendula ngathi, “Ngibona umantji oneenthelo zehlobo.” UJehova wathi kimi: “Selifikile ilanga lapho ngizokujezisa khona abantu bami u-Israyeli. Angeze ngisabalibalela.+ 3 ‘Ngelangelo, iingoma zethempelini zizokuphenduka isililo,’+ kutjho iKosi ePhakemeko uJehova. Kuzokuba neendumbu ezinengi ezilahlelwe ngaphandle.+ Akube nokuthula!’
4 Yizwani nina enigandelela abantu abatlhagileko
Nina enenza bona abantu abathobekileko baphele enarheni,+
5 Nina enithi, ‘Uzokuphela nini umnyanya wokuthwasa kwenyanga+ khona sizayokuthengisa ikoroyi,
ISabatha+ lizakuphela nini, khona sizayokuthengisa ikoroyi?
Siyokwenza isilinganiso se-efa* sibe sincani,
Senze isilinganiso setjhekeli* sibe sikhulu,
Sinciphise isilinganiso kodwana sibhadelise abantu imali enengi.+
6 Bona siyokuthenga onganalitho ngesiliva
Sithenge otlhagileko ngamapatlagwana,+
Besiyokuthengisa nekoroyi esezingeni eliphasi.’
Kghani inarha yoke angeze iphakame njengeNayili?
Kghani angekhe iphuphume beyibohle njengeNayili yeGibhide?’+
9 UJehova iKosi ePhakemeko uthi,
‘Ngelangelo, ngizokwenza ilanga litjhinge emini,
Ngizokwenza kube nzima tshu enarheni ilanga lihlabile.+
10 Ngizokutjhugulula iminyanyenu ibe sililo+
Ngizokwenza iingoma zenu zibe ziingoma zesililo.
Ngizokumbathisa boke abantu imigodla bese ngibagude.
Ngizokuletha umtlhago njengalokha umuntu alilela indodanakhe okukuphela kwayo,
Qala bona isiphetho selangelo sizokuba buhlungu kangangani.’
11 UJehova iKosi ePhakemeko uthi, ‘Qala! Ayeza amalanga,
Lapho ngizokuthumela khona indlala enarheni,
Ingasi indlala yoburotho namkha yokomela amanzi
Kodwana indlala yokuzwa amezwi kaJehova.+
12 Bazokutherezela, basuke elwandle baye kwelinye
Basuke etlhagwini ukuya epumalanga.
Bazokuzulazula bafuna ilizwi lakaJehova kodwana angekhe balifumane.
13 Ngelangelo iintombi ezihle zizokuyatha,
Namasokana azokuyatha ngebanga lokoma.
“Sifunga ngendlela yeBheritjheba!”+
Bazokuwa begodu angeze basakghona ukuvuka godu.’”+