Amosi
9 Ngabona uJehova+ ajame ngaphezu kwe-aldara, wathi: “Betha iinsika phezulu, kusikinyeke umakhiwo. Ziqunte phezulu begodu mina ngizokubulala abaseleko ngesabula. Akekho namunye ozokubaleka, olinga ukubaleka angeze aphunyurhe.+
2 Nange bemba bona bazifihle eThuneni,*
Isandla sami sizobakhupha,
Begodu nange bakhuphukela ezulwini,
Ngizobehlisa lapho.
3 Nanyana bangazifihla esiqongolweni seKarameli,
Ngizobakhupha lapho ngibathathe.+
Nanyana bangazifihla ngaphasi kwelwandle
Ngizokuthumela inyoka ukuthi ibalume.
4 Nanyana amanababo angabathatha abase ekuthunjweni,
Ngizokuthumela isabula begodu izobabulala,+
Ngizobaphosa ilihlo, ngibalethele ihlekelele ingasi isibusiso.+
5 Ngombana iKosi ePhakemeko uJehova wamabutho nguye ozokuthinta inarha,
Inarha* yoke izokuphakama njengeNayili
Boke bazokusilingeka njengeNayili yeGibhide ngesikhathi seenkhukhula.+
6 ‘Loyo owakha iintepisi zakhe ezitjhinga ezulwini
Nowakha umakhiwakhe ngaphezu kwephasi.
Obuthelela amanzi welwandle,
Bona awakghuthulele ephasini+
Igama lakhe nguJehova.’+
7 ‘Kimi anifani na namadodana kaKutjhe, nina bantu bakwa-Israyeli? Kutjho uJehova.
‘Akhenge na ngikhuphe ama-Israyeli enarheni yeGibhide,+
Ngakhupha amaFilista enarheni yeKrete+ namaSiriya enarheni yeKhiri?’+
8 ‘Qala! UJehova iKosi ePhakemeko uqale umbuso onesono,
Begodu uzowutjhabalalisa enarheni.+
Kodwana indlu kaJakopo angeze ngiyitjhabalalise unomphela,’+ kutjho uJehova.
9 ‘Ngombana qala! Ngikhupha umyalo,
Ngizokusikinya indlu ka-Israyeli hlangana nazo zoke iintjhaba,+
Ngizoyisikinya njengalokha umuntu nakasefako,
Begodu alikho nalinye ilitje elizokuwela phasi.
10 Boke abantu bami abonileko bazokufa ngesabula,
Labo abathi, “Angekhe sehlelwe yihlekelele namkha angeze itjhidele kithi.”’
11 ‘Mhlokho ngizokuvusa itende kaDavida+ esele iwile,
Ngizokuvala iintunja ezisemabodeni,
Ngizolivuselela,
Ngizolakha libe njengombana belinjalo phambilini,+
12 Bona bathathe izinto eziseleko zakwa-Edomu,+
Nezazo zoke iintjhaba ezibizwa ngegama lami,’ kutjho uJehova owenza lokhu.
13 UJehova uthi, ‘Amalanga ayeza
Lapho umlimi azokudlula ovunako,
Nogadanga amadiribe azokudlula otjalako,+
Neentaba zizokuthonta iwayini elitjha,+
Ligeleze nakiyo yoke imibundu.+
14 Abantu bami u-Israyeli egade bathunjiwe ngizobabuyisa,+
Bazokwakha amadorobho egade kungasahlalwa kiwo begodu bazokuhlala kiwo,+
Bazokutjala amasimu wamadiribe, basele iwayini lakhona,+
Bazokutjala amasimu, badle iinthelo zawo.’+
15 ‘Ngizobabuyisela enarhenabo,
Inarha engabanikela yona
Angeze baqothwe kiyo,’+ kutjho uJehova uZimenu.”