Amosi
5 “Yizwa ilizwi engilitjho kuwe ngokujamelene nawe, wena ndlu ka-Israyeli, ingoma yesililo:
2 ‘Intombi engu-Israyeli iwile;
Angeze ikghone ukuvuka godu.
Itjhiywe yodwa enarhenayo;
Akunamuntu ozoyivusa.’
3 “Nakhu iKosi ePhakemeko uJehova ekutjhoko:
Idorobho elithumela amasotja ayikulungwana epini, lizokusala nalikhulu;
Idorobho elithumela amasotja alikhulu epini lizokusala nalitjhumi, ngilokhu okuzokwenzeka endlini ka-Israyeli.’+
4 “Nakhu uJehova akutjhoko endlini ka-Israyeli:
‘Ngifunani niragele phambili niphila.+
5 Ningasakhuphukeli eBhetheli+ bona niyokulotjha,
Ningayi eGiligali+ namkha nidlule eBheritjheba,+
Ngombana iGiligali lizokuya ekudingisweni,+
NeBhetheli angekhe isaba khona.*
6 Lotjhani uJehova, niragele phambili niphila,+
Bona angatjhabalalisi indlu kaJosefa, kwanga itjhatjalaliswe mlilo,
Atjhise iBhetheli kungabi nomuntu ozoyicima.
7 Nenze ubulungiswa baba njengenghana,*
Begodu ninyenya okulungileko.+
8 Loyo owenza iinkwekwezi ezibizwa ngokuthi yiKhimarha* nezibizwa ngokuthi yiKhesili,*+
Owenza ubumnyama obukhulu bufane nekuseni,
Owenza ilanga libe mnyama njengobusuku,+
Loyo obuthelela amanzi welwandle,
Awakghuthulele ehlabathini,+
Igama lakhe nguJehova.
9 Uzokwenza onamandla atjhatjalaliswe,
Atjhabalalise neendawo ezivikelekileko.
10 Nihloya labo abakhalimako esangweni ledorobho,
Begodu ninyenya labo abakhuluma iqiniso.+
11 Nikatelela abatlhagileko bona babhadele imali yesimu*
Begodu nibabhadelisa umthelo ngabakuvunileko,+
Angeze niragele phambili nihlala ngeendlini enizakhileko, enizenze ngamatje abaziweko+
Angeze nisasela newayini elenziwe ngamadiribe avela emasiminenu akhethekileko.+
12 Ngiyazi bona nivukele* kanengi kangangani
Ngiyazi nokuthi izono zenu zikulu kangangani,
Nitlhagisa olungileko,
Nithatha isifumbathiso,
Begodu nahlulela otlhagileko ngendlela engakalungi esangweni ledorobho.+
13 Nje-ke abanelemuko bazokuthula ngesikhatheso,
Ngombana kuzabe kusikhathi sehlekelele.+
Nje-ke uJehova uZimu wamabutho uzokuba nani,
Njengombana nithi unani.+
Mhlamunye uJehova uZimu wamabutho
Angabenzela umusa abaseleko bendlu kaJosefa.’+
16 “Ngilokho uJehova uZimu wamabutho akutjhoko, uJehova uthi:
‘Kiwo woke amatatawu wokuthengisela kuzokulilwa,
Neendleleni zoke bazokuthi, “Maye! Thina.”
Bazokubiza abalimi bona bazokulila
Nalabo abaqatjhelwe ukulila bona balile.’
17 ‘Kwenye nenye isimu yamadiribe kuzokuba nesililo,+
Ngombana ngizokudlula hlangana nani,’ kutjho uJehova.
18 ‘Maye! Kilabo abafisa ngathana ilanga lakaJehova lingafika.+
Lizokuba njani ilanga lakaJehova?+
Lizokuba lilanga lobumnyama, ingasi ukukhanya.+
19 Lizokufana nomuntu obalekela ibhubezi aqalane nebhere,
Kuthi nakangena ngendlinakhe bese abeke isandla phezu kweboda, uzokulunywa yinyoka.
20 Kghani ilanga lakaJehova angeze libe bumnyama, ingasi ukukhanya;
Angekhe libe bumnyama obukhulu ingasi ukukhanya?
21 Ngiyihloyile begodu ngiyayinyenya iminyanyenu,+
Angilithabeli iphunga lemihlatjelwenu eniyenza ngemihlanganwenu ekhethekileko.
22 Ngitjho nanyana ninganikela kimi iminikelo epheleleko etjhiswako neminikelo yesipho,
Angekhe ngiyithabele,+
Begodu angekhe ngiyiqale ngomusa imihlatjelwenu yetjhebiswano eyenziwe ngeenlwana ezinonileko.*+
23 Lisani ukungibhinela iingoma zenu ezinetjhada;
Begodu angifuni ukuzwa itjhada leenliliso zenu zesinara.+
24 Ubulungiswa abugeleze njengamanzi,+
Nokulunga njengomlanjana ohlala ugeleza.
25 Nina ndlu ka-Israyeli, kghani nangilethela imihlatjelo neminikelo yesipho
Eminyakeni ema-40 nisemmangweni?+