Yokuthoma YeenKronike
15 Waragela phambili azakhela izindlu eDorobheni lakaDavida, walungiselela nomFaji kaZimu weqiniso indawo bewawuhlomela itende.+ 2 Kungesikhatheso uDavida athi: “Akunamuntu okufuze athwale umFaji kaZimu weqiniso ngaphandle kwamaLevi ngombana uJehova ukhethe wona bona athwale umFaji kaJehova begodu ahlale amsebenzela.”+ 3 Nje-ke uDavida wahlanganisa u-Israyeli woke eJerusalema bona kukhutjhulwe umFaji kaJehova usiwe endaweni ayilungiselele wona.+
4 UDavida wabuthelela iinzukulwana zaka-Aroni+ namaLevi:+ 5 KumaKhehathi, ngu-Uriyeli induna nabafowabo abali-120; 6 kumaMerari, ngu-Asaya+ induna nabafowabo abama-220; 7 kumaGeritjhomu, nguJuweli+ induna nabafowabo abali-130; 8 eenzukulwaneni zaka-Elitsafani,+ nguTjhemaya induna nabafowabo abama-200; 9 eenzukulwaneni zakaRhebroni, ngu-Eliyeli induna nabafowabo abama-80; 10 eenzukulwaneni zaka-Uziyeli,+ ngu-Aminadaba induna nabafowabo abali-112. 11 Ngaphezu kwalokho, uDavida wabiza abaphristi uTsadokhi+ no-Abhiyathari+ namaLevi u-Uriyeli, u-Asaya, uJuweli, uTjhemaya, u-Eliyeli no-Aminadaba, 12 wathi kibo: “Niziinhloko zeenkoro zaboyise zamaLevi. Zicwengiseni nina nabafowenu, nikhuphulele umFaji kaJehova uZimu ka-Israyeli endaweni engiwulungiselele yona. 13 Njengombana ningazange niwuthwale ekuthomeni,+ ilaka lakaJehova uZimethu lasivuthela,+ ngombana azange sifunisise ikambiso efaneleko.”+ 14 Nje-ke abaphristi namaLevi bazicwengisa bona bakhuphule umFaji kaJehova uZimu ka-Israyeli.
15 Nje-ke amaLevi athwala umFaji kaZimu weqiniso emahlombawo ngeengodo,+ njengombana kwayala uMosi ngokuvumelana nelizwi lakaJehova. 16 Ngemva kwalokho uDavida watjela iinduna zamaLevi ukuthi zibeke abafowabo ababavumi bona babhine ngethabo, umbhino wabo ukhambisane neenliliso: iinliliso zesinara, amaharibha+ namasimbali.+
17 Yeke amaLevi abeka uHemani+ indodana kaJuweli, kubafowabo abeka u-Asafa+ indodana kaBherekiya, kubafowabo amaMerari abeka u-Ethani+ indodana kaKhutjhaya. 18 Kunye nabo bekunabafowabo besigaba sesibili,+ okunguZakariya, uBheni, uJaziyeli, uTjhemiramothi, uJerhiyeli, u-Uni, u-Eliyabu, uBhenaya, uMaseya, uMatitiya, u-Elifelehu noMikhineya no-Obede-Edomu noJehiyeli abalindisango. 19 Abavumi uHemani,+ u-Asafa+ no-Ethani bekufuze badlale amasimbali wekhopha;+ 20 uZakariya, uJaziyeli, uTjhemiramothi, uJerhiyeli, u-Uni, u-Eliyabu, uMaseya noBhenaya badlala iinliliso zesinara ezikhambisana ne-Alamothi;*+ 21 uMatitiya,+ u-Elifelehu, uMikhineya, u-Obede-Edomu, uJehiyelino-Azaziya badlala amaharibha akhambisana neTjheminithi,*+ badosa abavumi phambili. 22 UKenaniya+ induna yamaLevi bekamnqophisi wezokuthutha ngombana bekasisazi salokho, 23 uBherekiya no-Elikhana bebabalindisango bomFaji. 24 Abaphristi uTjhebaniya, uJotjhafathi, uNetaneli, u-Amasayi, uZakariya, uBhenaya no-Eliyezeri babetha iimbhorompita benza itjhada elikhulu phambi komFaji kaZimu weqiniso+ begodu u-Obede-Edomu noJerhiya nabo baba balindisango bomFaji.
25 Yeke uDavida nabadala bakwa-Israyeli neenduna zeenkulungwana bebakhambisana nabo bona bayokuthatha umfaji wesivumelwano sakaJehova, endlini ka-Obede-Edomu+ ngethabo.+ 26 Kwathi uZimu weqiniso nakasiza amaLevi ebewathwele umfaji wesivumelwano sakaJehova, benza umhlatjelo ngeenkunzana ezilikhomba namaramu alikhomba.+ 27 UDavida bekambethe ijasi enganamikhono yetjhila lezinga eliphezulu, njengawo woke amaLevi ebewathwele umFaji nabavumi, noKenaniya umnqophisi wezokuthutha nabavumi; uDavida bekambethe ne-efodi yelineni.+ 28 Woke ama-Israyeli akhuphula umfaji wesivumelwano sakaJehova arhuwelela ngethabo,+ abetha ipalapala, imihlobohlobo yamabhorompita,+ amasimbali begodu adlalela phezulu iinliliso zesinara namaharibha.+
29 Kodwana kwathi umfaji wesivumelwano sakaJehova nawufika eDorobheni lakaDavida,+ uMikali indodakazi kaSawula+ wahlola phasi ngefesidere wabona iKosi uDavida yeqayeqa begodu igidinga; wathoma ukuyidelela ehliziywenakhe.+