Hezekiyeli
27 Ilizwi lakaJehova lafika kimi godu, lathi: 2 “Wena ndodana yomuntu, vuma ingoma yesililo ngeTirosi,+ 3 ithi eTirosi,
‘Wena ohlala emasangweni welwandle,
Othengisela iintjhaba zeenhlengele ezinengi,
Nakhu iKosi ePhakemeko uJehova ekutjhoko:
“Maye! Tirosi, wena ngokwakho uthe, ‘Ngimuhle khulu.’+
4 Iindawo zakho ziphakathi kwelwandle,
Nabakhi bakho bakwenze waba muhle khulu.
5 Benze woke amaplankakho ngemithi yomjunipha weSiniri,+
Bathatha umsedari weLibhanoni bona bakwenzele amaplanka.
6 Bakwenzele amaphini wokuthayisa ngomuthi wama-owuku weBhatjhani,
Nengcenye engaphambili yomkhumbakho bekungeyomuthi womsayipurasi uhlotjiswe ngezinyo lendlovu elivela esihlengeleni seKhithi.+
7 Ilineni elinemibalabala elivela eGibhide belinjengesembatho seseyilakho,
Umthunzakho bewenziwe ngerhara ehlaza komkayi nangewulu esipiridzana ezivela esihlengeleni se-Elitjha.+
8 Izakhamuzi zeTsidoni ne-Arivadi+ bezibagwedli bakho.
Abantu bakho abanekghono, maye! Tirosi, bebabathayisi bakho beenkepe.+
9 Amadoda anelemuko* nanekghono weGebali+ avala iintunja zomkhumbakho ezivuzako.+
Yoke imikhumbi yelwandle nabanqophisi bemikhumbi beza kuwe bona bazokurhweba.
10 Amadoda wePheresiya, weLudi nePhuthi+ bekasebuthweni lakho, abantu bakho bepi.
Balengisa iimviko zabo neenkoporo zabo kuwe begodu bakulethela iphazimulo.
11 Abantu be-Arivadi ebuthweni lakho bebajame emabodenakho kiyo yoke indawo,
Amadoda anesibindi agade imibhotjhongwakho.
Balengisa iimviko zabo eziyindulungu kiyo yoke indawo emabodenakho
Bakwenza waba muhle khulu.
12 ITaratjhitjhi+ yenza irhwebo nawe ngebanga lomnothwakho omkhulu.+ Yakunikela isiliva, isimbi, ithini nomthofu bona ithenge izinto zakho.+ 13 IJavani, iTubali+ neMetjheki+ bathengiselana nawe, bakunikela iingqila+ nezinto zekhopha bona bathenge izinto zakho. 14 Indlu yakwaTogarima+ yakunikela iinjomani neemeyila bona ithenge izinto zakho. 15 Abantu beDedani+ bathengiselana nawe; waqatjha abathengisi eenhlengeleni ezinengi; bakunikela amazinyo wendlovu+ neengodo ezinzima bona kube sisipho sakho. 16 I-Edomu yenza irhwebo nawe ngebanga lezinto zakho ezinengi. Bakunikele isimaragidu, iwulu esipiridzana, umkghabiso othungelelweko onemibalabala, itjhila lezinga eliphezulu, amakhorali namarubi* bona athenge izinto zakho.
17 “‘“UJuda nenarha yakwa-Israyeli bathengiselane nawe, bakunikela ikoroyi yeMinithi,+ ukudla kwekhethelo, iliju,+ amafutha nebhalisamu+ bona ithenge izinto zakho.+
18 “‘“IDamaseku+ yenza irhwebo nawe ngebanga lezinto zakho ezinengi nawo woke umnothwakho, ithengiselana nawe iwayini leRhelibhoni newulu yeZahari.* 19 IVedana neJavani ze-Uzali zakunikela isimbi, ikhesiya* nomhlanga* bona ithenge izinto zakho. 20 IDedani+ yathengiselana nawe ngamatjhila weenhlalo zeenjomani. 21 Waqatjha ama-Arabhu nawo woke amakhosana weKedari,+ ebebathengisa iimvana, amaramu neembuzi.+ 22 Abarhwebi beTjheba neRama+ bathengiselana nawe; bakunikela yoke imihlobo yamakha wezinga eliphezulu, amatje aligugu negolide bona bathenge izinto zakho.+ 23 IHarana,+ iKane, i-Edeni,+ abarhwebi beTjheba,+ i-Atjhuri+ neKilimadi bathengiselana nawe. 24 Ematatawinakho wokuthengisela, bathengiselana ngezambatho ezihle, iimphuraphura ezenziwe ngamatjhila ahlaza komkayi nomthungo okghatjisiweko onemibalabala nabomada abanemibalabala, boke babotjhwe baqina ngeentambo.
25 Imikhumbi yeTaratjhitjhi+ beyithwala izinto zakho zokurhwebelana,
Nje-ke wena bewuzele, udiselwa* phakathi nelwandle.
26 Abagwedli bakho bakuletha emanzini amanengi welwandle;
Umoya wepumalanga wakuphahlazela phakathi kwelwandle.
27 Umnothwakho, izinto zakho, irhwebo lakho, abanqophisi bakho nabathayisi bakho beenkepe,
Labo abavala iintunja zomkhumbakho ovuzako, labo abathengisa izinto orhweba ngazo+ nawo woke amadoda wepi,+
Soke isiqubuthu esikunye nawe,
Sizokucwila soke phakathi elwandle ngelanga lokuwa kwakho.+
28 Lokha abathayisi bakho beenkepe nabarhuwelelako, iindawo ezimagega nelwandle zizokuhlengezela.
29 Boke abagwedli, abanqophisi nabathayisi beenkepe
Bazokuphuma emikhunjinabo bajame eligwini.
30 Bazokuphakamisa amaphimbwabo, barhuwelele kabuhlungu ngebanga lakho+
Njengombana bazithela ngethuli eenhloko zabo bebazibhudabhude emlotheni.
31 Bazokuguda iinhloko zabo bese bafake imigodla;
Bazokulilela kabuhlungu ngokurhahlawula okukhulu.
32 Esililweni sabo bazokuvuma ingoma yesililo, babhine ngawe bathi:
‘Ngubani onjengawe Tirosi, nje osele athulile phakathi kwelwandle?+
33 Lokha izinto zakho ziza zivela elwandle, wanelise abantu abanengi.+
Umnothwakho omnengi nerhwebo lakho linjingise amakhosi wephasi.+
35 Zoke izakhamuzi zesihlengeleni zizokuqala ngokukumangalela,+
Amakhosazo azokuhlengezela ngokusaba,+ ubuso bawo buzokutshwenyeka.
36 Abarhwebi hlangana neentjhaba bazokubetha umlozi ngokwenzeke kuwe.
Ukuphela kwakho kuzokwenzeka kabuhlungu kungakalindeleki,
Begodu angekhe usaba khona.’”’”+