Hezekiyeli
28 Ilizwi lakaJehova lafika kimi godu, lathi: 2 “Ndodana yomuntu, tjela umdosiphambili weTirosi, uthi, ‘Nakhu iKosi ePhakemeko uJehova ekutjhoko:
“Ngebanga lokuthi uzikhakhazisile+ usolo uthi, ‘Nginguzimu.
Ngihlala esihlalweni sobukhosi sakazimu phakathi kwelwandle.’+
Kodwana umumuntu nje kwaphela awusinguzimu,
Ngitjho nanyana ehliziywenakho uzitjela ukuthi unguzimu.
3 Qala! Uhlakaniphe ukudlula uDanyela.+
Akunazinto ofihlelwe zona.
4 Uzenze wanjinga ngokuhlakanipha kwakho nangelemuko lakho,
Usolo uzibekela igolide nesiliva emagugwinakho.+
5 Ikghono lakho lokuthengisa likwenze wanjinga khulu,+
Nehliziywakho yazikhakhazisa ngebanga lomnothwakho.”’
6 “‘Nje-ke nakhu iKosi ePhakemeko uJehova ekutjhoko:
“Ngombana ehliziywenakho uzitjela ukuthi unguzimu,
7 Ngiletha abantu abavela kwezinye iinarha ngokujamelene nawe, abanelunya khulu kunezinye iintjhaba,+
Bazokukhupha iinsabula zabo ngokujamelene nobuhle bokuhlakanipha kwakho
Bazokusilaphaza idumo lakho eliphazimulako.+
8 Bazokwehlisela ethuneni,
Uzokufa kabuhlungu phakathi nelwandle.+
9 Kghani usazokutjho na ukuthi, ‘Nginguzimu,’ kiloyo okubulalako?
Uzokuba mumuntu nje kwaphela, ingasi uzimu, esandleni salabo abakusilaphazako.”’
10 ‘Ngesandla sabantu abavela kwezinye iinarha, uzokufa njengabantu abangakasokwa,
Ngombana mina ngikhulumile,’ kutjho iKosi ePhakemeko uJehova.”
11 Ilizwi lakaJehova lafika kimi godu, lathi: 12 “Ndodana yomuntu, vuma ingoma yesililo malungana nekosi yeTirosi, uthi kiyo, ‘Nakhu iKosi ePhakemeko uJehova ekutjhoko:
13 Bewuse-Edeni, esimini kaZimu.
Bewukghatjiswe ngawo woke umhlobo welitje eliligugu,
—iRubi, ithophazi, ijasiperi; ikhrisolithe, i-oniksi, ijayide; isafire, isimaragidu+ ne-emeraldi;
Iinsekelo zazo bezenziwe ngegolide.
Zalungiselelwa ngelanga owenziwa ngalo.
14 Ngakwabela bona ube njengekherubhi elizesiweko elisivikelo.
Bewusentabeni ecwengileko kaZimu,+ bewukhambakhamba hlangana namatje avuthako.
15 Bewunganamtjhapho eendleleni zakho kusukela ngelanga owenziwa ngalo
Bekwaba kulapho ukungalungi kufumaneka kuwe.+
Yeke ngizokuphosela ngaphandle njengosilapheleko entabeni kaZimu begodu ngikutjhabalalise,+
Maye! Kherubhi elisivikelo, ngizokususa ube kude namatje avuthako.
17 Ihliziywakho izikhakhazisile ngebanga lobuhle bakho.+
Wonakalise ubuhle bakho ngebanga ledumo lakho eliphazimulako.+
Ngizokuphosela ehlabathini.+
Ngizokwenza ihlekisa phambi kwamakhosi.
18 Ngebanga lomlandwakho omkhulu nokuthengisa kwakho okungakathembeki, usilaphaze iindawo zakho ezicwengileko.
Ngizokubangela umlilo uqubuke phakathi kwakho, uzokurhibidela.+
Ngizokwenza ube mlotha ephasini phambi kwabo boke abakuqalileko.
19 Boke ebebakwazi eentjhabeni bazokuqala ngokukumangalela.+
Ukuphela kwakho kuzokuba buhlungu kungakalindeleki,
Begodu angekhe usaba khona.”’”+
20 Ilizwi lakaJehova lafika kimi godu, lathi, 21 “Ndodana yomuntu, qala iTsidoni+ bese uphorofide ngokujamelene nayo. 22 Kufuze uthi, ‘Nakhu iKosi ePhakemeko uJehova ekutjhoko:
“Qala, ngijamelene nawe, Maye! Tsidoni, ngizokuphazinyuliswa hlangana nawe;
Abantu kuzokufuze bazi ukuthi nginguJehova nangikwahlulelako begodu ngicwengisiwe kuwe.
23 Ngizokuthumela isifo esibulalako kuye, iingazi zizokuphalaka eendleleni zakhe.
Abarhayiliweko bazokuwela kuye lokha isabula nayiza ngokujamelene naye mahlangothi woke;
Kuzokufuze bazi ukuthi nginguJehova.+
24 “‘“Nje-ke indlu ka-Israyeli angekhe isabhodwa zizinto ezilimazako nameva ahlabako,+ labo abadelelako; abantu kuzokufuze bazi ukuthi ngiyiKosi ePhakemeko uJehova.”’
25 Nakhu iKosi ePhakemeko uJehova ekutjhoko: “Lokha nangibuthelela indlu yakwa-Israyeli hlangana nesitjhaba ebeyirhatjhekele kiso,+ ngizokucwengiswa hlangana nayo phambi kwamehlo weentjhaba.+ Bazokuhlala enarhenabo+ engiyinikele incekwami uJakopo.+ 26 Bazokuhlala kiyo ngokuvikeleka,+ bakhe izindlu, batjale amasimu wamadiribe+ begodu bazokuhlala ngokuvikeleka nangikhupha isahlulelo kibo boke labo abababhodileko abahlekisa ngabo;+ kuzokufuze bazi ukuthi nginguJehova uZimabo.”’”