Amosi
1 La mamezwi ka-Amosi* obekaphakathi kwabelusi bezimvu beTekhowa,+ awafumana embonweni omalungana no-Israyeli emihleni yeKosi yakwaJuda u-Uziya+ nemihleni kaJerobhowamu,+ indodana kaJowatjhi,+ ikosi yakwa-Israyeli eminyakeni emibili ngaphambi kobana kube nokusikinyeka kwephasi.+ 2 Wathi:
“UJehova uzokubhodla aseZiyoni,
Uzokuphakamisa nephimbo lakhe aseJerusalema.
Amadlelo wabelusi azokulila
Notjani esiqongolweni seKarameli buzokoma.”+
3 Nakhu uJehova akutjhoko,
‘“Ngebanga lokuthi bangivukele* iinkhathi ezintathu abantu beDamaseku, kwesine angeze ngikubuyisele emuva engikuquntileko,
Ngombana babhule iGiliyadi njengalokha umuntu nakabhula ikoroyi ngesimbi yokubhula.+
4 Nje-ke ngizokuthumela umlilo phezu kwendlu kaRhazayeli,+
Uzokutjhisa nemibhotjhongo evikelekileko kaBhen-Hadadi.+
5 Ngizokuphula iinsimbi zamasango weDamaseku,+
Ngizokutjhabalalisa abantu beBikhadi-Aveni;
Naloyo obusa* eBhethe-Edeni;
Abantu beSiriya bazokusiwa ekudingisweni eKhiri,”+ kutjho uJehova.’
6 Nakhu uJehova akutjhoko,
‘“Ngebanga lokuvukela kanengi kweGaza,+ angeze ngikubuyisele emuva engikuquntileko,
Ngombana bathethe isiqhema soke sabadingisiweko+ basisa kwa-Edomu.
7 Nje-ke ngizokuthumela umlilo phezu kweboda leGaza,+
Uzokutjhisa nemibhotjhongo yalo evikelekileko.
8 Ngizokutjhabalalisa abantu be-Atjhidodi,+
Naloyo obusa* e-Atjhikheloni,+
Ngizokuphakamisa isandla sami ngokujamelene ne-Ekroni,+
Abaseleko emaFilistini bazokutjhabalala,”+ kutjho iKosi ePhakemeko uJehova.’
9 Nakhu uJehova akutjhoko,
‘“Ngebanga lokuvukela kanengi kweTirosi,+ angeze ngikubuyisele emuva engikuquntileko,
Ngombana bathethe isiqhema soke sabadingisiweko basisa kwa-Edomu,
Akhenge bakhumbule nesivumelwano sabafowabo esenziwa ngaphambilini.+
10 Nje-ke ngizokuthumela umlilo phezu kweboda leTirosi,
Uzokutjhisa nemibhotjhongwalo evikelekileko.+
11 Nakhu uJehova akutjhoko,
‘“Ngebanga lokuvukela kanengi kwaka-Edomu,+ angeze ngikubuyisele emuva engikuquntileko,
Ngombana wagijimisa umfowabo ngesabula,+
Begodu akhenge abe nomusa;
Ubarathula asilingekile,
Uhlala asilingekile.+
13 Nakhu uJehova akutjhoko,
‘“Ngebanga lokuvukela kanengi kwama-Amoni,+ angeze ngikubuyisele emuva engikuquntileko,
Ngombana arathule izisu zabafazi abasidisi beGiliyadi bona enze indawabo ibe yikulu.+
14 Ngizokutjhisa iboda leRabha+ ngomlilo,
Uzokutjhisa nemibhotjhongwalo evikelekileko,
Kuzokuhlatjwa umkhosi ngelanga lepi,
Kuzokuba nesiwuruwuru ngelangelo.
15 Ikosi yama-Amoni namakhosanayo izokuya ekudingisweni,”+ kutjho uJehova.’