Jotjhuwa
23 Ngemva kwesikhathi eside uJehova anikele ama-Israyeli ukuthula+ kiwo woke amanabawo awabhodileko, uJotjhuwa nasele aluphele begodu iminyaka ikhambile,+ 2 uJotjhuwa wabiza woke ama-Israyeli,+ abadala bawo, iinhloko zawo, abahluleli bawo neenkhulu zawo,+ wathi: “Sengiluphele; iminyaka seyikhambile. 3 Nizibonele ngawenu koke uJehova uZimenu akwenze kizo zoke iintjhabezi ngebanga lenu ngombana uJehova uZimenu nguye obekanilwela.+ 4 Qalani, nginabele ngefumbe+ inarha yeentjhaba eziseleko bona ibe lilifa leenkoro zenu,+ kuhlanganise nenarha yazo zoke iintjhaba engizitjhabalalisileko,+ kusukela eJordani kufikela eLwandle eliKhulu* ngetjingalanga. 5 UJehova uZimenu nguye obekasolo azisunduzela kude nani,+ aniqothela zona begodu nathatha inarhazo njengombana uJehova uZimenu anithembisa.+
6 “Nje-ke kufuze nibe nesibindi bona nilalele begodu nenze koke okutlolwe encwadini yomThetho+ kaMosi ngokuthi ningathomi niphambuke kiwo niye ngesidleni namkha ngesinceleni,+ 7 ngokuthi ningathomi nizihlanganise neentjhabezi+ ezisele kunye nani. Amagama wabozimazo+ ningawaphathi nokuwaphatha namkha nifunge ngawo begodu ningathomi nibalotjhe namkha nibakhothamele.+ 8 Kunalokho kufuze ninamathele kuJehova uZimenu,+ njengombana nenzile bekube kunamhlanjesi. 9 UJehova uzokuqotha iintjhaba ezikulu nezinamandla phambi kwenu+ njengombana bekasolo enza bekube kunamhlanjesi, kungebangelo kunganamuntu okghone ukujama phambi kwenu.+ 10 Mumuntu munye tere hlangana nani ozokugijimisa abayikulungwana+ ngombana uJehova uZimenu uyanilwela,+ njengombana anithembisile.+ 11 Nje-ke hlalani nitjhejile*+ ngokuthanda uJehova uZimenu.+
12 “Kodwana naningalahla uZimu bese ninamathele eentjhabenezi ezisele hlangana nani,+ nitjhadiselane nazo+ nizihlanganise nazo begodu nazo zizihlanganise nani, 13 kufuze nazi ngokuqinisekileko ukuthi uJehova uZimenu angekhe arage nokuniqothela iintjhabezi.+ Zizokuba sisifu, sithiyo nesibebhe esiniritha emihlana+ nameva emehlwenenu bekube kulapho nitjhabalele enarheni ehle le uJehova uZimenu aninikele yona.
14 “Nje-ke qalani! Sengizokuhlongakala, nazi kuhle* ukuthi alikho nalinye ilizwi kizo zoke iinthembiso ezihle uJehova uZimenu azikhulume kini elingazange liphumelele. Koke anithembise khona kwenzekile. Alikho nalinye ilizwi leenthembiswezo eliwele phasi.+ 15 Nanyana kunjalo, njengombana zoke iinthembiso ezihle uJehova uZimenu azikhulume kini zenzekile,+ ngokufanako uJehova uzonilethela yoke ihlekelele athembise ukuyiletha begodu uzonitjhabalalisa enarheni ehle le uJehova uZimenu aninikele yona.+ 16 Naningaphula isivumelwano uJehova uZimenu aniyale bona nisiphethe, nikhambe niyokulotjha abanye abozimu nibakhothamele, ilaka lakaJehova lizonivuthela+ begodu nizokutjhabalala msinyana enarheni ehle kangaka aninikele yona.”+