Narhume
2 Otjhabalalisako uze bona azokujamelana nawe.*+
Vikela iindawo ezivikelekileko.
Qala iindlela.
Zilungiselele, ubuthelele amandlakho.
2 Ngombana uJehova uzokuvuselela iphazimulo kaJakopo
3 Iinhlangu zamadoda anamandla zidaywe ngobubomvu,
Iingorho zakhe zimbethe izembatho ezitlerebede.
Iinsimbi zekaranakhe yepi ziphazima njengomlilo
Ngelanga alungiselelela ngalo ipi,
Imikhonto yomjunipha ilungele ukuphoswa.
4 Iinkarana zepi zigijima ngebelo endleleni.
Zigijima phasi naphezulu ematatawini.
Ziphazima njengeentotjhi ezikhanyako begodu ziphazima njengombani.
5 Uzokubiza iinkhulu zakhe.
Zizokuwa njengombana ziza.
Bazokugijimela ebodeni lakhe;
Bazokwenza umkhawulo.
6 Amasango wemilambo azokuvulwa,
Nesigodlo sizokuwa.
7 Kumenyezelwe: Uvezwe epepeneneni,
Uthethwe begodu iingqilakazi zakhe ziyalila;
Zizwakala kwanga majuba njengombana abetha iimfuba* zawo.
8 Emalangenayo woke, iNiniva+ beyinjengesiziba samanzi,
Kodwana nje bayabaleka.
“Jamani! Jamani!”
Kodwana akekho obuyela emuva+
9 Thumbani isiliva, thumbani igolide!
Amagugu akapheli.
Ipakelelwe ngazo zoke izinto eziligugu.
10 Idorobho alinalitho, limarubhi, litjhatjalalisiwe!+
Iinhliziyo zabo ziyancibilika ngebanga lokusaba, amadolwabo ayagedla; iinyonga zabo ziyahlengezela;
Ubuso babo buzokutjengisa ukuthi bathukiwe.
11 Ikuphi indawo yamabhubezi yokulala,+
Iphi indawo lapho ibhubezi lidlisela khona abantwabalo,
Lapho kunganamuntu owathusako?
12 Ibhubezi lirathulela abantwabalo inyamazana eyaneleko
Libulalele ibhubezi lalo elisikazi
Lizalise indawalo ngenyamazana,
Neendawo zalo zokulala ngeenlwana ezirathukileko.
13 “Qala ngijamelene nawe,” kutjho uJehova wamabutho,+
“Ngizokutjhisa iinkarana zakhe zepi entuthwini,+
Isabula izokurhiribidela amabhubezakho amancani.
Ngizowabulala,
Angekhe lisazwakala itjhada lenthunywa zakho.”+