Jotjhuwa

15 Inarha eyabelwe+ ikoro yakwaJuda ngokwemindenayo beyinabela emkhawulweni we-Edomu,+ emmangweni weTsini, eNegebhi ngemaphethelweni wesewula. 2 Umkhawulwayo ongesewula bewuthoma ekugcineni kweLwandle leTswayi,*+ kusukela ethekwini eliqale ngesewula. 3 Godu wanabela ngesewula emkhuphukelweni we-Akhirabhimu,+ wadlulela eTsini, ngemva kwalokho wakhuphuka usuka ngesewula watjhinga eKhadetjhi-Bharineya,+ wadlulela eRhetsironi, bewayokufika e-Adari, wabhoda wanqopha ngeKharakha. 4 Wadlulela e-Atsimoni+ begodu wanabela emRhobeni* weGibhide,+ umkhawulo waphelela eLwandle.* Lo bekumkhawulwayo ongesewula.

5 Umkhawulo ongepumalanga bekuliLwandle leTswayi* bekuyokufika ekugcineni kweJordani begodu umkhawulo ongehlangothini elingetlhagwini bewusethekwini lelwandle, ekugcineni kweJordani.+ 6 Umkhawulo wakhuphukela eBhethe-Rhogila+ wadlulela etlhagwini yeBhethe-Araba+ begodu wakhuphukela elitjeni lakaBhohani+ indodana kaRubeni. 7 Umkhawulo wakhuphukela eDebhiri emRhobeni we-Akori+ wajikela ngetlhagwini waya eGiligali,+ ephambi komkhuphukela we-Adumimi osesewula yomrhoba, wadlulela emthonjeni wamanzi we-Eni-Tjhemetjhi+ waphelela e-Eni-Rogeli.+ 8 Umkhawulo wakhuphukela emRhobeni wendodana kaHinomu+ emkhuphukelweni wamaJebusi+ ngesewula, okutjho eJerusalema+ begodu wakhuphukela esiqongolweni sentaba eqale umRhoba kaHinomu ngetjingalanga, osekugcineni komRhoba wamaRafa ngetlhagwini. 9 Umkhawulo bewusuka esiqongolweni sentaba utjhinga emthonjeni wamanzi weNefitowarhi+ begodu bewudlulela emadorobheni weNtaba i-Efroni; umkhawulo bewufika eBhala, okutjho, iKhiriyathi-Jeyarimu.+ 10 Umkhawulo bewuzomba kusukela eBhala ngetjingalanga uya eNtabeni iSeyiri begodu udlulela emkhuphukelweni weNtaba iJeyarimu, okutjho iKesaloni, bewehlela neBhethe-Tjhemetjhi+ begodu udlulela eTimna.+ 11 Godu umkhawulo bewudlulela emkhuphukelweni we-Ekroni+ ngetlhagwini begodu bewufika eTjhikeroni udlulela eNtabeni iBhala, bewudlulela neJabiniyeli begodu bewuphelela elwandle.

12 Umkhawulo wetjingalanga bewuseLwandle eliKhulu*+ neligu lalo. Lo bekumkhawulo obhode indawo yeenzukulwana zakwaJuda ngokwemindenazo.

13 Wanikela uKalebi+ indodana kaJefune isabelo hlangana neenzukulwana zakwaJuda ngokomyalo kaJehova oya kuJotjhuwa, isabelweso yiKhiriyathi-Ariba (u-Ariba bekanguyise ka-Anakhi), okutjho, iRhebroni.+ 14 Yeke uKalebi waqotha amadodana amathathu ka-Anakhi+ lapho: uTjhetjhayi, u-Arhimani noTalimayi,+ iinzukulwana zaka-Anakhi. 15 Ngemva kwalokho, wakhuphuka lapho walwa nezakhamuzi zeDebhiri.+ (Igama leDebhiri bekuyiKhiriyathi-Seferi phambilini.) 16 UKalebi wathi: “Indoda erhayila iKhiriyathi-Seferi beyiyithumbe, ngizoyinikela u-Akisa indodakazami bona abe mkayo.” 17 U-Otiniyeli+ indodana kaKhenazi,+ umfowabo omncani kaKalebi, wayithumba. Yeke uKalebi wamnikela u-Akisa+ indodakazakhe bona abe mkakhe. 18 Kwathi u-Akisa nakaya ekhaya, wancenga u-Otiniyeli bona abawe isimu kuyise uKalebi. Yeke u-Akisa wahlika kudumbanakhe.* UKalebi wambuza wathi: “Ufunani?”+ 19 U-Akisa wathi: “Ngibawa ungibusise, ngombana ungiphe ingcenye yenarha engesewula;* nginikela neGulothi-Mayimi.”* Yeke wamnikela iGulothi engeHla neGulothi engeNzasi.

20 Leli bekulilifa lekoro yakwaJuda ngokwemindenayo.

21 Amadorobho asemaphethelweni wekoro yakwaJuda ukuya ngemkhawulweni we-Edomu+ ngesewula: bekuyiKhabitsiyeli, i-Ederi, iJaguri, 22 iKhina, iDimona, i-Adadi, 23 iKhedetjhi, iRhatsori, iJitinani, 24 iZifu, iThelemu, iBheyalothi, 25 iRhatsori-Rhadata, iKheriyothi-Rhetsironi, okutjho, iRhatsori, 26 i-Amamu, iTjhema, iMolada,+ 27 iRhatsari-Gada, iRhetjhimoni, iBhethe-Pelethi,+ 28 iRhatsari-Tjhuwali, iBheritjheba,+ iBhiziyothiya, 29 iBhala, i-Iyimu, i-Etsemu, 30 i-Elitoladi, iKesili, iRhorema,+ 31 iTsikhilagi,+ iMadimana, iSansana, 32 iLebawothi, iTjhilirhimu, i-Ayini neRimoni+ okumadorobho ama-29 neendawo zawo zokuhlala.

33 Amadorobho weTjhefela:+ bekuyi-Etjhitawuli, iTsora,+ i-Atjhina, 34 iZanowarhi, i-Eni-Ganimu, iTapuwarhi, i-Enamu, 35 iJarimuthi, i-Adulamu,+ iSoko, i-Azekha,+ 36 iTjharayimi,+ i-Aditayimu, iGedera neGederotayimu* okumadorobho ali-14 neendawo zawo zokuhlala.

37 ITsenani, iRhadatjha, iMigidali-Gadi, 38 iDilani, iMitsiphe, iJokithiyeli, 39 iLakitjhi,+ iBhotsikhathi, i-Egiloni, 40 iKaboni, iLarhimasi, iKitilitjhi, 41 iGederothi, iBhethe-Dagoni, iNama neMakheda+ okumadorobho ali-16 neendawo zawo zokuhlala.

42 ILibhina,+ i-Eteri, i-Atjhani,+ 43 iJifitarhi, i-Atjhina, iNetsibi, 44 iKeyila, i-Akziba neMaretjha okumadorobho alithoba neendawo zawo zokuhlala.

45 I-Ekroni namadorobho ayibhodileko neendawo zayo zokuhlala; 46 kusukela e-Ekroni ngetjingalanga, nazo zoke iimfunda ebezimagega ne-Atjhidodi neendawo zazo zokuhlala.

47 I-Atjhidodi,+ amadorobho ayibhodileko neendawo zayo zokuhlala; iGaza,+ amadorobho ayibhodileko neendawo zayo zokuhlala, ukwehlela emRhobeni weGibhide, eLwandle eliKhulu* nesifundeni esiseduze.+

48 Amadorobho asesifundeni seentaba, bekuyiTjhamiri, iJatiri,+ iSoko, 49 iDana, iKhiriyathi-Sana, okutjho, iDebhiri, 50 i-Anaba, i-Etjhitemo,+ i-Animu, 51 iGotjheni,+ iRholoni neGilo+ okumadorobho ali-11 neendawo zawo zokuhlala.

52 I-Arabhu, iDuma, i-Etjhani, 53 iJanimu, iBhethe-Tapuwarhi, i-Afekha, 54 iRhumeta, iKhiriyathi-Ariba, okutjho iRhebroni,+ neTsiwori okumadorobho alithoba neendawo zawo zokuhlala.

55 IMawoni,+ iKarameli, iZifu,+ iJutha, 56 iJizriyela, iJokideyamu, iZanowarhi, 57 iKhayini, iGibeya neTimna+ okumadorobho alitjhumi neendawo zawo zokuhlala.

58 IRhalirhuli, iBhethe-Tsuri, iGedori, 59 iMarathi, iBhethe-Anothi ne-Elitekhoni okumadorobho asithandathu neendawo zawo zokuhlala.

60 IKhiriyathi-Bhali, okutjho iKhiriyathi-Jeyarimu,+ neRabha okumadorobho amabili neendawo zawo zokuhlala.

61 Amadorobho asemmangweni bekuyiBhethe-Araba,+ iMidini, iSekaka, 62 iNibitjhani, iDorobho leTswayi ne-Eni-Gedi+ okumadorobho asithandathu neendawo zawo zokuhlala.

63 Amadoda wakwaJuda akhenge akghone ukuqotha+ amaJebusi+ ebewahlala eJerusalema,+ yeke amaJebusi asahlala nabantu bakwaJuda eJerusalema bekube kunamhlanjesi.