Jotjhuwa

20 Ngemva kwalokho, uJehova wathi kuJotjhuwa: 2 “Ithi kuma-Israyeli, ‘Zikhetheleni amadorobho wobuphephelo+ enganitjela ngawo ngoMosi, 3 ukwenzela bona umuntu obulala omunye angakahlosi namkha ngengozi* abalekele kiwo. Azokuba ngewobuphephelo lokha umuntu nakabaleka umbuyiseleli weengazi.+ 4 Kufuze abalekele kwelinye lamadorobho lawo,+ ajame esangweni ledorobho+ abikele abadala bedorobhelo indabakhe. Ngemva kwalokho, kufuze bamamukele ngedorobhenelo bamnikele indawo begodu ahlale nabo. 5 Nange umbuyiseleli weengazi amgijimisa, akukafaneli banikele obuleleko esandleni sakhe ngombana ubulele umuntu ngengozi begodu bekangamhloyi phambilini.+ 6 Kufuze ahlale edorobhenelo bekudenjwe umlandwakhe phambi kwehlangano+ bese ahlale lapho bekuhlongakale umphristi ophakemeko+ osesikhundleni ngesikhatheso. Ngemva kwalokho, obuleleko angabuyela edorobheni abaleke kilo begodu angangena edorobheni lekhabo nendlinakhe.’”+

7 Nje-ke bacwengisa iKhedetjhi+ eGalile esifundeni seentaba sakwaNafitali bona ibe lidorobho lobuphephelo neTjhekemu+ esifundeni seentaba sakwa-Efrayimu neKhiriyathi-Ariba,+ okuyiRhebroni, esifundeni seentaba sakwaJuda. 8 Ekorweni kaRubeni, esifundeni seJordani, epumalanga yeJerikho, bakhetha iBhetseri+ emmangweni osemrhobeni, ekorweni kaGadi bakhetha iRamothi+ eseGiliyadi, ekorweni kaManase bakhetha iGolana+ eseBhatjhani.+

9 Lawa kwaba madorobho akhethelwe woke ama-Israyeli nabantu abavela kwenye inarha abahlala hlangana nawo, ukwenzela bona nanyana ngubani obulala omunye angakahlosi abalekele kiwo,+ umbuyiseleli weengazi angambulali ngaphambi kobana umlandwakhe wahlulelwe phambi kwehlangano.+