Yesibili YamaKhosi
25 Ngomnyaka wethoba wokubusa kwakaTsedekhiya, ngenyanga yetjhumi, ngelanga letjhumi lenyanga, uNebukadinetsari*+ iKosi yeBhabhiloni weza nalo loke ibutho lakhe azokusahlela iJerusalema.+ Wahloma ikampakhe bona alwe nayo begodu wakha iboda lokulivimbezela mahlangothi woke,+ 2 idorobho lavinjezelwa bekwaba mnyaka we-11 wokubusa kweKosi uTsedekhiya. 3 Ngelanga lethoba lenyanga yesine, indlala yarhagala+ edorobheni, bekunganakudla enarheni bona abantu badle.+ 4 Iboda ledorobho lagirizwa,+ woke amasotja abaleka ebusuku ngesango phakathi kwamaboda amabili aseduze nesimu yekosi, kukulapho amaKhaledi* abhode idorobho; ikosi yakhamba ngendlela ye-Araba.+ 5 Kodwana ibutho lamaKhaledi* layigijimisa ikosi, layifumana emmangweni othabaleleko weJerikho, woke amabuthwayo bewaphadlhalele. 6 Nje-ke bayibamba ikosi,+ bakhuphukela nayo ekosini yeBhabhiloni eRibhila begodu bayigweba. 7 Babulala amadodana kaTsedekhiya phambi kwakhe aqalile; ngemva kwalokho uNebukadinetsari waphophaza amehlo kaTsedekhiya, wambopha ngamakhamandela wekhopha eenyaweni, weza naye eBhabhiloni.+
8 Ngenyanga yesihlanu, ngelanga lekhomba lenyanga, okumnyaka we-19 weKosi uNebukadinetsari ikosi yeBhabhiloni, uNebuzaradani+ induna yabonogada, isisebenzi sekosi yeBhabhiloni safika eJerusalema.+ 9 Watjhisa indlu kaJehova,+ indlu yekosi*+ nazo zoke izindlu zeJerusalema;+ godu watjhisa zoke izindlu zamadoda adumileko.+ 10 Amaboda abhode iJerusalema agirizwa ngilo loke ibutho lamaKhaledi* ebelinenduna yabonogada.+ 11 UNebuzaradani induna yabonogada wathatha boke abantu ebebasele edorobheni wabasa ekudingisweni, kuhlanganise nababaleki ebebazinikele ekosini yeBhabhiloni nabo boke abanye abantu.+ 12 Kodwana induna yabonogada yatjhiya abanye babantu abatlhage khulu enarheni bona batlhogomele amasimu wamadiribe begodu bakatelelwa bona basebenze budisi.+ 13 AmaKhaledi* aphula iinsika+ zekhopha zendlu kaJehova, iinkarana+ neLwandle lekhopha+ ebelisendlini kaJehova kwaba ziinquqwana, athatha ikhopha atjhinga nayo eBhabhiloni.+ 14 Godu athatha izinto zokuphatha umlotha, amarharafu, iincimamlilo, iinkapho nazo zoke iinsetjenziswa zekhopha ebezisetjenziswa emsebenzini wethempeli. 15 Induna yabonogada yathatha izinto zokuphatha umlilo nezitja ebekungezegolide+ lamambala nesiliva+ lamambala. 16 Ngokuphathelene neensika ezimbili, iLwandle neenkarana uSolomoni azenzela indlu kaJehova, ikhopha yazo zoke izintwezi beyingalinganiseki.+ 17 Isika ngayinye beyimakhubhithi* ali-18 ukuphakama+ begodu ipundu engaphezu kwayo bekungeyekhopha; ukuphakama kwepundu bekumakhubhithi amathathu, umkghabiso wenede namarharinada azombeleze ipundu bewenziwe ngekhopha.+ Isika yesibili nomkghabiso wayo wenede beyifana neyokuthoma.
18 Induna yabonogada yathatha noSeraya+ umphristi omkhulu, uZefaniya+ umphristi wesibili nabalindisango abathathu.+ 19 Yathatha edorobheni isikhulu sesigodlo sinye ebesimlawuli wamasotja, abeluleki bekosi abahlanu abatjhidelene khulu nekosi abafumaneka edorobheni, kuhlanganise nonobhala wenduna yebutho, loyo obekabuthelela abantu benarha, wathatha namadoda ama-60 ababantu nje enarheni ebebasafumaneka edorobheni. 20 UNebuzaradani+ induna yabonogada wabathatha wabasa ekosini yeBhabhiloni eRibhila.+ 21 Ikosi yeBhabhiloni yabasahlela yababulala eRibhila enarheni yeRhamathi.+ Ngokunjalo-ke uJuda wasuka enarhenakhe waya ekudingisweni.+
22 UNebukadinetsari iKosi yeBhabhiloni wabeka uGedaliya+ indodana ka-Arhikhamu+ indodana kaTjhafani+ bona abe mphathi walabo abasala enarheni yakwaJuda.+ 23 Kwathi zoke iinduna zebutho namasotjazo nazizwa bona ikosi yeBhabhiloni ibeke uGedaliya, zeza msinyana kuGedaliya eMitsipha. Bekungu-Itjhimayeli indodana kaNetaniya, uJorhanani indodana kaKhareyarhi, uSeraya indodana kaTanirhumethi weNethofa noJazaniya indodana yomMakathi namasotjabo.+ 24 UGedaliya wafunga kibo nemasotjenabo begodu wathi kibo: “Ningasabi ukuba ziinsebenzi zamaKhaledi.* Hlalani enarheni nisebenzele ikosi yeBhabhiloni, kuzonikhambela kuhle.”+
25 Ngenyanga yekhomba, u-Itjhimayeli+ indodana kaNetaniya indodana ka-Elitjhama, obekangowebukhosini, weza namanye amadoda alitjhumi, basahlela uGedaliya wafa begodu babulala amaJuda namaKhaledi* ebewanaye eMitsipha.+ 26 Ngemva kwalokho, boke abantu kusukela komncani kuya komkhulu neenduna zebutho, basikima batjhinga eGibhide,+ ngombana bebasaba amaKhaledi.*+
27 Ngomnyaka wama-37 wokudingiswa kweKosi yakwaJuda uJehoyakini,+ ngenyanga ye-12, ngelanga lama-27 lenyanga, u-Evili-Merodaki iKosi yeBhabhiloni, ngomnyaka aba ngawo yikosi, watjhaphulula uJehoyakini iKosi yakwaJuda ejele.+ 28 Wakhuluma naye ngomusa begodu wabeka isihlalo sakhe sobukhosi saba ngaphezu kweenhlalo zobukhosi zamanye amakhosi ebewanaye eBhabhiloni. 29 Nje-ke uJehoyakini wahlubula izambatho zakhe zejele begodu bekadla phambi kwakhe yoke imihla yokuphila kwakhe. 30 Qobe langa bekanikelwa isibonelelo sokudla esivela ekosini, yoke imihla yokuphila kwakhe.