IRhubo
Kumnqophisi; lizokuvunywa ngendlela yengoma ethi, “Ungatjhabalalisi.” Irhubo lakaDavida. IMikitamu.* Lokha uSawula nakathumela amadoda bona ayokubeka indlu kaDavida ilihlo ukwenzela bona ambulale.+
2 Ngihlenga kwabakhohlakeleko,
Begodu ungisindise ebantwini abanenturhu.*
3 Qala! Bangikhukhuthele bona bangisahlele;+
Amadoda anamandla ayangisahlela
Ingasi ngombana ngihlubukile namkha ngonile,+ Jehova.
4 Ngitjho nanyana ngingakenzi litho elimbi, bayagijima balungiselela ukungisahlela.
Sikima nangikubizako ubone abakwenzako.
5 Ngombana wena Jehova Zimu wamabutho, unguZimu ka-Israyeli.+
Yewize uzokubona okwenziwa ziintjhaba zoke.
Ungabarhawukeli labo abangijikelako abafuna ukungilimaza.+ (Sela)
7 Qala bona kuphumani emilonyenabo;
Iindebe zabo zinjengeensabula,+
Ngombana bathi: “Ngubani olaleleko?”+
11 Ungababulali bona abantu bami bangakhohlwa.
Ngamandlakho, benze bazulazule;
Maye! Jehova, sihlangu sethu, badule phasi.+
12 Ngebanga lokuthi bayona nabakhulumako,
Kwanga bangathiywa kuzikhakhazisa kwabo,+
Ngombana bayaqalekisa begodu bayakhohlisa.
13 Baqedelele ngelaka lakho;+
Baqedelele bangasabi khona;
Benze bazi ukuthi uZimu uyabusa kwaJakopo nemaphethelweni wephasi.+ (Sela)
14 Benze babuye ntambama;
Benze bakhonkothe njengezinja, bazulazule ngedorobheni.+
15 Benze bazulazule bafune ukudla;+
Ungabavumeli bona baneliseke namkha bafumane indawo yokuhlala.
16 Nakungimi, ngizokubhina ngamandlakho;+
Ekuseni ngizokukhuluma ngethando lakho elithembekileko ngithabile.