IRhubo
Kumnqophisi. Irhubo lakaDavida. Ingoma.
139 Maye! Jehova, ungiphenyile begodu uyangazi.+
2 Uyazi nangihlala phasi nalokha nangisikimako.+
Ukghona ukubona imicabangwami ukude.+
4 Akunalizwi emlonyenami,
Kodwana qala Jehova, sewulazi kuhle.+
5 Ungibhoda ngemva nangaphambili;
Ubeka nesandla sakho phezu kwami.
6 Ilwazeli kubudisi bona ngilizwisise.
Angikghoni ngitjho nokulifikelela.+
7 Ngizakuya kuphi bona ngibe kude nommoyakho,
Begodu ngingabhaca kuphi bona ungangiboni?+
8 Nabengingakhuphukela ezulwini, uzokuba lapho,
9 Nabengingaphapha msinyana njengalokha nakuvela umkhanyo wokusa
Bona ngiyokuhlala elwandle elikude khulu,
10 Ngitjho nalapho isandla sakho besizonginqophisa
Begodu isandla sakho sangesidleni besizongibamba.+
11 Nangingathi: “Ngokuqinisekileko ubumnyama buzongifihla!”
Yeke nobusuku obuphambi kwami buzokukhanya.
12 Ngitjho nobumnyama angeze bube mnyama khulu kuwe,
Kodwana ebusuku kuzokukhanya njengemini;+
Ubumnyama bufana nokukhanya kuwe.+
14 Ngiyakudumisa ngombana ngenziwe ngendlela ebabazekako.+
Imisebenzakho iyamangalisa,+
Ngikwazi kuhle lokho.
15 Amathambami bewangakafihleki kuwe
Lokha nangenziwa emsitheleni,
Lokha nangihlanganiswa ekuzikeni kwephasi.+
16 Amehlwakho angibone ngaphambi kobana ngibelethwe;
Woke amalungami bewatlolwe encwadinakho
Ngokuya ngamalanga engenziwe ngawo,
Ngaphambi kobana abe khona.
17 Qala bona iligugu kangangani imicabangwakho kimi!+
Maye! Zimu qala bona isibalo sayo sikhulu kangangani!+
18 Nangilinga ukuyibala idlula ihlabathi yelwandle.+
19 Maye! Zimu ngibawa urhayile abakhohlakeleko!+
Abantu abanenturhu bazokusuka kimi,
20 Labo abatjho izinto ngawe ngehloso embi;
Bamanabakho asebenzisa kumbi igama lakho.+
22 Ngibahloya ngokupheleleko;+
Babe manaba kwamambala kimi.
23 Maye! Zimu ngiphenya begodu wazi ihliziywami.+
Ngihlolisisa begodu wazi okungitshwenyako.+