Jotjhuwa
10 Msinyana iKosi u-Adonitsedekhi yeJerusalema nayizwa bona uJotjhuwa uthumbe i-Ayi bewayitjhabalalisa, wenze i-Ayi nekosini yakhona+ njengombana enze eJerikho nekosini yakhona,+ nokuthi izakhamuzi zeGibiyoni zenze ukuthula nama-Israyeli+ begodu zihlala hlangana nawo, 2 yabetjhwa livalo khulu+ ngombana iGibiyoni bekulidorobho elikhulu, belifana namadorobho webukhosini. Belilikhulu kune-Ayi+ begodu woke amadoda wakhona bewaziingorho. 3 Yeke u-Adonitsedekhi ikosi yeJerusalema wathumela umlayezo kuHohami ikosi yeRhebroni,+ kuPiramu ikosi yeJarimuthi, kuJafiya ikosi yeLakitjhi nakuDebhiri ikosi ye-Egiloni,+ wathi: 4 “Yizani nizongisiza, sisahlele iGibiyoni ngombana yenze ukuthula noJotjhuwa nama-Israyeli.”+ 5 Ngalokho amakhosi amahlanu wama-Amori+ okutjho ikosi yeJerusalema, ikosi yeRhebroni, ikosi yeJarimuthi, ikosi yeLakitjhi nekosi ye-Egiloni, amakhosi lawo ahlangana namabuthwawo, amatjha avimbezela iGibiyoni bona alwe nayo.
6 Amadoda weGibiyoni athumela ilizwi kuJotjhuwa ekampeni eGiligali,+ athi: “Ungalahli iingqila zakho.+ Yiza msinya! Sisindisa, sisiza! Woke amakhosi wama-Amori avela esifundeni seentaba ahlangene bona azokulwa nathi.” 7 Yeke uJotjhuwa wakhuphuka asuka eGiligali akhamba nawo woke amadoda wepi neengorho.+
8 UJehova wathi kuJotjhuwa: “Ungabasabi+ ngombana ngibanikele kuwe.+ Akekho namunye wabo ozokukghona ukulwa nawe.”+ 9 UJotjhuwa wafikela amanabakhe walwa nawo angakalindeli ngemva kokuthi amatjhe ubusuku boke avela eGiligali. 10 UJehova wawararanisa phambi kwama-Israyeli+ begodu ama-Israyeli arhayila amanaba amanengi khulu eGibiyoni, awagijimisa ngendlela ekhuphukela eBethe-Rhoroni, awarhayila bekwaba se-Azekha neMakheda. 11 Kwathi nawabalekela ama-Israyeli begodu asemehlelweni weBethe-Rhoroni, uJehova wawaphosa ngesinanja esikhulu bekwaba se-Azekha, ahlongakala. Eqinisweni kwahlongakala amanengi ngesinanja ukudlula lawo abulawa ngesabula yama-Israyeli.
12 Bekungelangelo, ngesikhathi uJehova ahlula ama-Amori phambi kwama-Israyeli, mhlokho uJotjhuwa wathi kuJehova phambi kwama-Israyeli:
13 Yeke ilanga lajama tsi nenyanga akhenge ikhambe bekwaba kulapho isitjhaba sizibuyiselela emanabenaso. Kghani akukatlolwa na encwadini kaJatjhari?+ Ilanga lajama tsi phakathi komkayi begodu akhenge lirhabe ukutjhinga. 14 Akhenge khekube nelanga elinjalo ngaphambi kwalo namkha ngemva kwalo, lapho uJehova alalela iphimbo lomuntu+ ngombana uJehova bekalwela ama-Israyeli.+
15 Ngemva kwalokho, uJotjhuwa nawo woke ama-Israyeli, babuyela ekampeni eGiligali.+
16 Kusesenjalo, amakhosi amahlanu abaleka begodu abhaca erholweni eMakheda.+ 17 Yeke kwabikelwa uJotjhuwa kwathiwa: “Amakhosi amahlanu afunyenwe abhace erholweni eMakheda.”+ 18 UJotjhuwa wathi: “Gedelani amatje amakhulu ebungenweni berholo benibeke amadoda bona awagade. 19 Nokho noke nina abanye ningajami. Gijimisani amanabenu begodu niwarhayile.+ Ningawavumeli bona angene emadorobhenawo ngombana uJehova uZimenu uwanikele ezandleni zenu.”
20 UJotjhuwa nama-Israyeli barhayila abantu abanengi khulu, kangangobana babaqeda ngaphandle kwabambalwa ababalekako bangena emadorobheni avikelekileko, 21 ngemva kwalokho boke abantu babuyela ngokuphephileko kuJotjhuwa ekampeni eMakheda. Akunamuntu owavula umlomo bona akhulume okumbi ngama-Israyeli. 22 UJotjhuwa wathi: “Vulani ubungeno berholo nikhuphe amakhosi amahlanu lawa niwalethe kimi.” 23 Yeke bamlethela amakhosi amahlanu ebewaserholweni: ikosi yeJerusalema, ikosi yeRhebroni, ikosi yeJarimuthi, ikosi yeLakitjhi nekosi ye-Egiloni.+ 24 Kwathi nabaletha amakhosi la kuJotjhuwa, wayala woke amadoda wakwa-Israyeli begodu wathi kubalawuli bamadoda wepi ebebakhambe naye: “Tjhidelani. Bekani iinyawo zenu eentanyeni zamakhosi la.” Yeke batjhidela babeka iinyawo zabo eentanyeni zawo.+ 25 UJotjhuwa wathi kibo: “Ningathukwa namkha nihlengezele.+ Qinani nibe nesibindi ngombana ngilokhu uJehova azokwenza kiwo woke amanabenu enilwa nawo.”+
26 UJotjhuwa wawabulala, wawaphanyeka eengodweni ezihlanu,* alenga eengodwenezo bekwaba sentambama. 27 Nakutjhinga ilanga uJotjhuwa wayala bona ehliswe eengodweni,+ aphoselwe erholweni ebewabhace kilo. Ngemva kwalokho, kwabekwa amatje amakhulu ebungenweni berholo begodu aseselapho nanamhlanjesi.
28 UJotjhuwa wathumba iMakheda+ ngelangelo bewayirhayila ngesabula. Watjhabalalisa ikosi nabo boke abantu bakhona, akhenge kube nosindako.+ Wenza ekosini yeMakheda+ njengombana enza ekosini yeJerikho.
29 Ngemva kwalokho, uJotjhuwa nama-Israyeli woke basuka eMakheda batjhinga eLibhina, balwa nayo.+ 30 UJehova wayinikela esandleni sama-Israyeli nekosi yakhona+ begodu ayirhayila nabo boke abantu bakhona ngesabula, akhenge kube nosindako. Enza ekosini yakhona njengombana enza ekosini yeJerikho.+
31 Ngokulandelako uJotjhuwa nama-Israyeli woke basuka eLibhina batjhinga eLakitjhi,+ bahloma ikampa khona begodu balwa nayo. 32 UJehova wanikela iLakitjhi esandleni sama-Israyeli, ayithumba ngelanga lesibili. Ayirhayila nabo boke abantu bakhona ngesabula+ njengombana enza eLibhina.
33 UHoramu ikosi yeGezeri+ wakhuphuka bona ayokusiza iLakitjhi kodwana uJotjhuwa wamrhayila nabantu bakhe, akhenge kube nosindako.
34 Ngemva kwalokho, uJotjhuwa nama-Israyeli woke basuka eLakitjhi batjhinga e-Egiloni,+ bahloma ikampa khona begodu balwa nayo. 35 Bayithumba ngelangelo bebayirhayila ngesabula. Batjhabalalisa boke abantu balapho njengombana benza eLakitjhi.+
36 Ngemva kwalokho, uJotjhuwa nama-Israyeli woke basuka e-Egiloni batjhinga eRhebroni,+ balwa nayo. 37 Bayithumba bebayirhayila, barhayila ikosi yakhona, amadorobho wakhona nabo boke abantu bakhona ngesabula, akhenge kube nosindako. Wayitjhabalalisa nabo boke abantu bakhona njengombana enza e-Egiloni.
38 Ekugcineni uJotjhuwa nama-Israyeli woke batjhinga eDebhiri,+ balwa nayo. 39 Wayithumba, wathumba ikosi yakhona namadorobho woke wakhona begodu babarhayila ngesabula batjhabalalisa boke abantu bakhona,+ akhenge kube nosindako.+ Wenza eDebhiri nekosini yakhona njengombana enza eRhebroni neLibhina nekosini yakhona.
40 UJotjhuwa wahlula yoke inarha yesifundeni seentaba, iNegebhi, iTjhefela,+ imikhuphukela nawo woke amakhosi wakhona, akhenge kube nosindako; watjhabalalisa koke okuphefumulako+ njengombana uJehova uZimu ka-Israyeli ayalile.+ 41 UJotjhuwa wahlula abantu abahlala lapho kusukela eKhadetjhi-Bharineya+ ukuya eGaza+ nayo yoke inarha yeGotjheni+ ukuyokufika eGibiyoni.+ 42 UJotjhuwa wawathumba woke amakhosi la neenarha zawo, koke ngesikhathi sinye ngombana nguJehova uZimu ka-Israyeli obekalwela ama-Israyeli.+ 43 Ngemva kwalokho, uJotjhuwa nama-Israyeli woke babuyela ekampeni eGiligali.+