Jotjhuwa
19 Ifumbe yesibili+ yawela kuSimiyoni,+ beyingeyekoro yakwaSimiyoni ngokwemindenayo. Ilifa layo beliphakathi kwelifa lakwaJuda.+ 2 Ilifa layo bekuyiBheritjheba+ neTjheba, iMolada,+ 3 iRhatsari-Tjhuwali,+ iBhala, i-Etsemu,+ 4 i-Elitoladi,+ iBhetuli, iRhorema, 5 iTsikhilagi,+ iBhethe-Marikabothi, iRhatsari-Susa, 6 iBhethe-Lebawothi+ neTjharurheni, amadorobho ali-13 neendawo zawo zokuhlala; 7 i-Ayini, iRimoni, i-Eteri ne-Atjhani,+ amadorobho amane neendawo zawo zokuhlala; 8 nazo zoke iindawo zokuhlala ebezibhode amadorobho la ukuya eBhalathi-Bheri, eRama yangesewula. Leli bekulilifa lekoro yakwaSimiyoni ngokwemindenayo. 9 Ilifa leenzukulwana zakaSimiyoni lathathwa engcenyeni ebeyabelwe uJuda ngombana isabelo sakaJuda besisikhulu khulu kuye. Yeke iinzukulwana zakaSimiyoni zafumana inarha phakathi nelifa lakhe.+
10 Ifumbe yesithathu+ yawela eenzukulwaneni zakaZebuloni+ ngokwemindenazo begodu umkhawulo welifa lazo bewufika eSaridi. 11 Umkhawulwazo bewukhuphukela etjingalanga eMarala, ufika eDabetjhethi begodu udlulela emrhobeni ophambi kweJokhineyamu. 12 Bewusuka eSaridi ngepumalanga, utjhinga emkhawulweni weKisilothi-Tabori, uya eDaberathi+ bese ukhuphukela eJafiya. 13 Ukusuka lapho bewuraga utjhinge ngepumalanga eGathi-Rheferi,+ e-Eti-Khatsini, utjhinge eRimoni bewuyokufika eNeya. 14 Ngetlhagwini, umkhawulo lo bewubhoda utjhinga eRhanatoni, bewuphelela emRhobeni weJifitharhi-Eli, 15 godu bekuneKhathathi, iNahalali, iTjhimroni,+ iJidala neBhetlehema,+ amadorobho ali-12 neendawo zawo zokuhlala. 16 Leli bekulilifa leenzukulwana zakaZebuloni ngokwemindenazo.+ La bekumadorobho neendawo zawo zokuhlala.
17 Ifumbe yesine+ yawela ku-Isakari,+ beyingeyeenzukulwana zaka-Isakari ngokwemindenazo. 18 Umkhawulwazo bewufika eJizriyela,+ eKesulothi, eTjhunemu,+ 19 eRhafarayimu, eTjhiyoni, e-Anarharathi, 20 eRabithi, eKhitjhiyoni, e-Ebetsi, 21 eRemethi, e-Eni-Ganimu,+ e-Eni-Rhada neBhethe-Patsetsi. 22 Umkhawulo bewufika eTabori,+ eTjharhatsima neBhethe-Tjhemetjhi begodu umkhawulwazo bewuphelela eJordani, amadorobho ali-16 neendawo zawo zokuhlala. 23 Leli bekulilifa lekoro yakwa-Isakari ngokwemindenayo,+ amadorobho neendawo zawo zokuhlala.
24 Ifumbe yesihlanu+ yawela ekorweni yakwa-Atjheri+ ngokwemindenayo. 25 Umkhawulwayo bekuyiRhelikhathi,+ iRhali, iBhetheni, i-Akitjhafi, 26 i-Alameleki, i-Amadi neMitjhali. Bewufika ngetjingalanga eKarameli+ neTjhirhori-Libinathi, 27 bewubuyela ngepumalanga eBhethe-Dagoni, ufika kwaZebuloni nemRhobeni weJifitharhi-Eli ngetlhagwini, utjhinga eBhethe-Emekhi neNehiyeli, ufika eKabhulu ngesinceleni, 28 utjhinga e-Eburoni, eRerhobu, eRhamoni neKhana ukuya eTsidoni eKulu.+ 29 Umkhawulo lo wabuyela eRama ukuya edorobheni elivikelekileko leTirosi.+ Wabuyela eRhosa begodu waphelela elwandle elisesifundeni se-Akziba; 30 godu bekune-Uma, i-Afeki+ neRerhobu,+ amadorobho ama-22 neendawo zawo zokuhlala. 31 Leli bekulilifa lekoro yakwa-Atjheri ngokwemindenayo.+ La bekumadorobho neendawo zawo zokuhlala.
32 Ifumbe yesithandathu+ yawela eenzukulwaneni zakaNafitali, beyingeyeenzukulwana zakaNafitali ngokwemindenazo. 33 Umkhawulwazo bewuthoma eRhelefi, ukusuka emthini omkhulu eTsananimu,+ utjhinga e-Adami-Nekhebi, eJabiniyeli ufika neLakhumu; bewuphelela eJordani. 34 Umkhawulo lo bewubuyela emuva ngetjingalanga e-Azinothi-Tabori, usuka lapho uya eRhukhokhi, ufika kwaZebuloni ngesewula, kwa-Atjheri ngetjingalanga nakwaJuda eJordani ngepumalanga. 35 Amadorobho avikelekileko bekuyiTsidimu, iTseri, iRhamathi,+ iRakhathi, iKinerethi, 36 i-Adama, iRama, iRhatsori,+ 37 iKhedetjhi,+ i-Edreyi, i-Eni-Rhatsori, 38 iJironi, iMigidali-Eli, iRhoremu, iBhethe-Anathi neBhethe-Tjhemetjhi,+ amadorobho ali-19 neendawo zawo zokuhlala. 39 Leli bekulilifa lekoro yakwaNafitali ngokwemindenayo,+ amadorobho neendawo zawo zokuhlala.
40 Ifumbe yekhomba+ yawela ekorweni yakwaDani+ ngokwemindenayo. 41 Umkhawulo welifa layo bekuyiTsora,+ i-Etjhitawuli, i-Iri-Tjhemetjhi, 42 iTjhaIabhini,+ i-Ayaloni,+ iJitila, 43 i-Eloni, iTimna,+ i-Ekroni,+ 44 i-Elitekhe, iGibhethoni,+ iBhalathi, 45 iJehudi, iBhene-Bherakhi, iGathi-Rimoni,+ 46 iMe-Jarikhoni neRakhoni, umkhawulwayo bewuqale eJopha.+ 47 Nokho inarha yekoro yakwaDani beyiyincani khulu kiyo.+ Yeke yakhuphuka yalwa neLetjhemu,+ yayithumba beyayirhayila ngesabula. Ngemva kwalokho, yathatha inarha leyo yahlala kiyo begodu yatjhugulula igama leLetjhemu laba yiDani, yayibiza ngokuthi yiDani ukhokhwayo.+ 48 Leli bekulilifa lekoro yakwaDani ngokwemindenayo. La bekumadorobho neendawo zawo zokuhlala.
49 Ngalokho baqeda ukwaba inarha ngokweendawo zayo bona ibe lilifa. Ngemva kwalokho, ama-Israyeli anikela uJotjhuwa indodana kaNuni ilifa hlangana nawo. 50 Alandela umyalo kaJehova, amnikela idorobho ebekalibawile, okuyiTimnathi-Serarhi,+ elisesifundeni seentaba sakwa-Efrayimu, wavuselela idorobheli bewahlala kilo.
51 La bekumamafa u-Elazara umphristi, uJotjhuwa indodana kaNuni neenhloko zeenkoro zakwa-Israyeli abawaba+ ngefumbe eTjhilo+ phambi kwakaJehova, esangweni letende lokuhlangana.+ Yeke baqeda ukwaba inarha.