Jotjhuwa
13 Nje-ke uJotjhuwa besele aluphele begodu ayile ngeminyaka.+ UJehova wathi kuye: “Sele uluphele begodu uyile ngeminyaka; kodwana kusese nenarha ekulu ekufuze ihlulwe. 2 Nasi inarha eseleko:+ zoke iimfunda zamaFilista nezamaGetjhuri+ 3 (ukusuka lapho bekuhlukana khona iNayili* ngepumalanga yeGibhide* ukuyokufika emkhawulweni we-Ekroni ngetlhagwini, ebeyiqalwa njengesifunda samaKanana)+ kuhlanganise neyamakhosi amahlanu wamaFilista,+ okutjho abantu beGaza, be-Atjhidodi,+ be-Atjhikheloni,+ beGathi+ nebe-Ekroni;+ be-Avimu ngesewula;+ 4 yoke inarha yamaKanana; isifunda esisuka eMeyara samaTsidoni+ bekuyokufika e-Afeki ukuya emkhawulweni wama-Amori; 5 inarha yamaGebali+ nayo yoke iLibhanoni ngepumalanga, ukusuka eBhali-Gadi enzasi kweNtaba iRherimoni ukuya eLebo-Rhamathi;*+ 6 zoke izakhamuzi zesifunda seentaba ukusuka eLibhanoni+ ukuya eMisrefothi-Mayimu;+ nawo woke amaTsidoni.+ Mina ngizobaqotha phambi kwama-Israyeli.+ Wena kufuze uyabele kwaphela ama-Israyeli bona ibe lilifa njengombana ngikuyalile.+ 7 Nje-ke kufuze uhlukanise inarha leyo bona ibe lilifa eenkorweni ezilithoba nesiquntwini sekoro kaManase.”+
8 Esinye isiquntu sekoro yakwaManase, ikoro yakwaRubeni neyakwaGadi zathatha ilifa lazo uMosi ebekazinikele lona ngehlangothini lepumalanga yeJordani njengombana uMosi inceku kaJehova bekababele:+ 9 kusukela e-Aroweri+ emagega nomRhoba i-Arinoni+ nedorobho elisekabeni yomrhoba, nawo woke umrhoba ophezu kweMedeba bekwayokufika eDiboni; 10 nawo woke amadorobho kaSirhoni iKosi yama-Amori, obekabusa eRhetjhibhoni ukuya emkhawulweni wama-Amoni;+ 11 neGiliyadi, isifunda samaGetjhuri, samaMakathi,+ yoke iNtaba yeRherimoni neBhatjhani+ yoke ukuyokufika eSaleka;+ 12 yoke indawo yombuso ka-Ogi weBhatjhani, obekabusa e-Atjhitarothi ne-Edreyi. (Bekangowamaswaphela kumaRafa.)+ UMosi wabahlula bewabaqotha.+ 13 Kodwana ama-Israyeli akhenge aqothe+ amaGetjhuri namaMakathi ngombana abantu beGetjhuri nebeMakathi basahlala hlangana nama-Israyeli bekube kunamhlanjesi.
14 Yikoro yamaLevi kwaphela angakhenge ayinikele ilifa.+ Ilifa ayinikela lona bekukukwenza iminikelo ngomlilo kuJehova uZimu ka-Israyeli+ njengombana athembisa.+
15 Ngemva kwalokho uMosi wanikela ikoro kaRubeni ilifa ngokwemindenayo, 16 isifunda sayo besisuka e-Aroweri emagega nomRhoba i-Arinoni nedorobho elisekabeni yomrhoba nawo woke umrhoba ophezu kweMedeba; 17 iRhetjhibhoni nawo woke amadorobho+ asemrhobeni ophezulu, iDiboni, iBhamothi-Bhali, iBhethe-Bhali-Mewoni,+ 18 iJahatsi,+ iKhedemothi,+ iMefathi,+ 19 iKhiriyatayimu, iSibhima+ neTserethi-Hatjharhari esentabeni yommango othabaleleko, 20 iBhethe-Pewori, imikhuphukela yePisiga,+ iBhethe-Jetjhimothi,+ 21 woke amadorobho womrhoba ophezulu, yoke indawo yombuso kaSirhoni iKosi yama-Amori obekabusa eRhetjhibhoni.+ UMosi wayihlula+ begodu wahlula namakhosana weMidiyani u-Evi, uRekhemu, uTsuri, uRhuri,+ uReba namakhosi ebewangaphasi kwakaSirhoni ebewahlala esifundeneso. 22 UBhalami+ indodana kaBhewori, umbhuli,+ wabulawa kunye nalabo ababulawa ma-Israyeli ngesabula. 23 Umkhawulo wenarha yamaRubeni bekuyiJordani; isifundesi besililifa lamaRubeni ngokwemindenayo, kuhlanganise amadorobho neendawo zawo zokuhlala.
24 Ukungezelela kilokho, uMosi wanikela ikoro yakwaGadi ilifa ngokwemindenayo, 25 isifunda sayo besihlanganisa iJazeri,+ woke amadorobho weGiliyadi nesiquntu senarha yama-Amoni+ bekuyokufika e-Aroweri eqale iRabha;+ 26 ukusuka eRhetjhibhoni+ ukuya eRamathi-Mitsiphe neBhethonimu nokusuka eMarhanayimu+ ukuya emkhawulweni weDebhiri; 27 emmangweni othabaleleko, eBhethe-Haramu, eBhethe-Nimra,+ eSukothi,+ eTsafoni nakiyo yoke indawo yombuso kaSirhoni iKosi yeRhetjhibhoni,+ indawayo beyimagega nepumalanga yeJordani begodu iJordani beyimkhawulwayo bekuyokufika enzasi ekupheleleni kweLwandle iKinerethi.*+ 28 Leli bekulilifa labantu bakwaGadi ngokwemindenabo kuhlanganise amadorobho neendawo zabo zokuhlala.
29 Ukungezelela kilokho, uMosi wanikela isiquntu sekoro kaManase ilifa ngokwemindenayo.+ 30 isifunda sayo saluleka ukusuka eMarhanayimu+ kufake phakathi nayo yoke iBhatjhani, yoke indawo yombuso ka-Ogi iKosi yeBhatjhani nawo woke amatende wemizi kaJayire+ eBhatjhani, amadorobho ama-60. 31 Isiquntu seGiliyadi, i-Atjhitarothi ne-Edreyi,+ amadorobho wombuso ka-Ogi weBhatjhani anikelwa amadodana kaMakiri+ indodana kaManase, okusiquntu samadodana kaMakiri ngokwemindenawo.
32 La mamafa uMosi abanikela wona emmangweni othabaleleko wakwaMowabi ngale kweJordani ngepumalanga yeJerikho.+
33 UMosi akhenge anikele ikoro yamaLevi ilifa.+ Ilifa layo bekunguJehova uZimu ka-Israyeli njengombana uZimu ayithembisa.+