IZAGA
1 Izaga zakaSolomoni+ indodana kaDavida,+ ikosi yakwa-Israyeli:+
2 Bona sifunde* ukuhlakanipha+ neseluleko;
Bona sizwisise izitjho zokuhlakanipha;
3 Bona sifumane iseluleko+ esinikela ilemuko,
Ukulunga,+ ubulungiswa+ nokuthembeka;
4 Bona zinikele onganalwazi+ ukuhlakanipha;
Bona zinikele isokana ilwazi nekghono lokucabanga.+
5 Umuntu ohlakaniphileko uyalalela begodu ufunda okungeziweko;+
Umuntu ozwisisako ufumana isinqophiso esihlakaniphileko+
6 Bona sizwisise isaga nesitjho esibudisi,
Amezwi wabahlakaniphileko neenrarejo zabo.+
7 Ukusaba uJehova kukuthoma kwelwazi.+
Ziindlhadlha kwaphela ezinyaza ukuhlakanipha neseluleko.+
10 Ndodanami, nange izoni zilinga ukukuyenga, ungavumi.+
11 Nange zithi: “Khamba nathi.
Asifuneni ithuba lokobana sibulale abanye.
Sizokukhukhutha begodu sisahlele abantu abanganamlandu bona sizithabise.
12 Sizobaginya baphila njengeThuna,*
Bazokuginywa ngokupheleleko njengalabo abatjhinga emgodini.
13 Sizokuthatha zoke izinto zabo eziligugu;
Sizokuzalisa izindlu zethu ngezinto ezifunyenwe epini.
14 Kufuze ukhambe nathi,
Begodu sizokwabelana zoke izinto esizebileko ngokulingana.”
15 Ndodanami, ungabalandeli.
Susa iinyawo zakho endlelenabo,+
16 Ngombana iinyawo zabo zigijimela ekwenzeni okumbi;
Zigijimela ekuphalazeni iingazi.+
17 Ngokuqinisekileko kulilize ukwendlala inede lokha iinyoni nazaziko bona kunenede.
18 Kungebangelo bafuna ithuba lokubulala abanye;
Bayakhukhutha begodu basahlele abanye bona babulale.
19 Lezi ziindlela zalabo abafuna inzuzo yokungathembeki,
Begodu abakufumanako kuzokuthatha ukuphila kwabo.+
20 Ukuhlakanipha kweqiniso+ kurhuwelela endleleni.+
Kuphakamisa iphimbo lakho ematatawini.+
21 Kurhuwelela emakhoneni weendlela eziphithizelako.
Ebungenweni bamasango wedorobho, kuthi:+
22 “Kuzabe kube nini, nina abanganalemuko nithanda ukungabi nelemuko?
Kuzabe kube nini, nina abanyefulako nithatjiswa kunyefula?
Begodu kuzabe kube nini, nina ndlhayela nihloya ilwazi?+
23 Lalelani nanginikhalimako.*+
Ngemva kwalokho ngizokukghuthulela ummoyami kini;
Ngizonazisa amezwami.+
24 Ngombana nganibiza kodwana nasolo nala,
Ngalula isandla sami kodwana akakho owasinakako.+
25 Benisolo nala zoke iinluleko zami
Begodu akhenge nikhalimeke.
26 Nami ngizonihleka nanivelelwa yihlekelele;
Ngizonihleka ubudlhadlha nanifikelwa kukwesaba,+
27 Lokha enikusabako kufika njengesiwuruwuru,
Begodu ihlekelelenu ifika njengesiwuruwuru,
Lokha ukugandeleleka nokutshwenyeka kunifikela.
28 Mhlokho bazokusolo bangibiza kodwana angekhe ngiphendule;
Bazongifuna khulu kodwana angekhe bangifumane,+
29 Ngombana balihloyile ilwazi,+
Begodu akhenge bakhethe ukusaba uJehova.+
30 Bale iseluleko sami;
Akhenge bahloniphe koke ukusola kwami.
31 Njeke bazokuqalana nemiphumela yeendlela zabo,+
Begodu bazokuqalana nemiphumela yeseluleko sabo.
32 Ngombana ukuphambuka kwabanganalemuko kuzobabulala,
Begodu ubuvila beendlhadlha buzozitjhabalalisa.
2 Ndodanami, nange ungalalela engikutjhoko
Begodu ubulunge imiyalwami,+
2 Ngokwenza indlebakho ilalelisise kuhle ukuhlakanipha+
Nehliziywakho ibe nekghono lokuhlukanisa;+
3 Ngaphezu kwalokho, nawubiza ukuzwisisa+
Begodu uphakamisa ilizwi lakho ubawe ilemuko;+
4 Nange ukufuna njengalokha ufuna isiliva,+
Begodu ukufunisisa njengalokha ufuna amagugu afihliweko;+
5 Yeke uzokuzwisisa bona kutjho ukuthini ukusaba uJehova,+
Begodu uzokufumana ilwazi ngoZimu.+
7 Ubekela abalungileko ukuhlakanipha;
Usiviko kilabo abakhamba ngokuthembeka.+
8 Utjheja iindlela zobulungiswa,
Begodu uzokuvikela indlela yabathembekileko bakhe.+
9 Yeke uzokuzwisisa bona yini ukulunga, ubulungiswa nokuthembeka,
Indlela yakho koke okuhle.+
10 Lokha ukuhlakanipha nakungena ehliziywenakho+
Begodu ilwazi lithabisa umphefumulwakho,*+
11 Ikghono lokucabanga lizokutjheja,+
Nelemuko lizokuvikela,
12 Bona zikusindise endleleni embi,
Nemuntwini okhuluma izinto ezonakeleko,+
13 Kilabo abasuka eendleleni ezilungileko
Bona bakhambe eendleleni zobumnyama,+
14 Kilabo abathabela ukwenza okumbi,
Abafumana ithabo ezintweni ezonakeleko zobumbi,
15 Labo iindlela zabo ezingakathembeki
Nendlelabo yoke iyakhohlisa.
16 Kuzokusindisa emfazini ophambukako,*
Emezwini atjhelelako* womfazi oziphatha kumbi,*+
17 Otjhiya indodakhe ebekatjhade nayo kusukela ebutjheni bakhe+
Akhohlwe isivumelwano asenze kuZimakhe;
18 Ngombana indlwakhe itjhingela phasi ekufeni,
Neendlela zakhe ziya kilabo abanganamandla ekufeni.+
19 Akukho namunye walabo abalala naye ozokubuya,
Angekhe bazifumane godu iindlela zokuphila.+
20 Yeke landela indlela yabantu abenza okuhle
Uhlale eendleleni zabalungileko,+
21 Ngombana ngabalungileko kwaphela abazokuhlala ephasini,
Begodu abangasolekiko bazokuhlala kilo.+
3 Ndodanami, ungayikhohlwa ifundiswami,*
Begodu kwanga ihliziywakho ingaphetha imiyalwami,
2 Ngombana izokungezelela amalanga amanengi
Neminyaka yokuphila nokuthula kuwe.+
3 Ungavumeli ithando nokuthembeka kusuke kuwe.+
Kubophelele entanyenakho;
Kutlole ehliziywenakho;+
4 Nawenza njalo uzokufumana umusa nelemuko elikhulu
Emehlweni kaZimu nabantu.+
7 Ungabi ngohlakaniphe khulu emehlwenakho.+
Saba uJehova, usuke kokumbi.
8 Kuzokuba njengesihlahla esipholisa umzimbakho
Nokuqabuleka emathanjenakho.
9 Dumisa uJehova ngezinto zakho eziligugu,+
Nangeenthelo zokuthoma zomkhiqizwakho;+
10 Nje-ke iinlulu zakho zizokuzala izinto ezihle,+
Nemigodakho yokutlhodlhela iwayini izokuphuphuma iwayini elitjha.
11 Ndodanami, ungakwali ukukhalima kwakaJehova,+
Begodu ungakunyazi ukusola kwakhe,+
12 Ngombana labo uJehova abathandako uyabasola,+
Njengombana nobaba ayisola indodana ayithandako.+
13 Uyathaba umuntu ofumana ukuhlakanipha+
Nomuntu ofumana ilemuko;
14 Ukuhlakanipha kungcono kunesiliva,
Nenzuzo yakho ingcono kunokuba negolide.+
15 Kuligugu khulu ukudlula amakhorali;*
Akunalitho olifisako elingafana nakho.
16 Ukuhlakanipha kunokuphila okude esandleni sokudla;
Kunobunjinga nedumo esandleni sesincele.
17 Iindlela zokuhlakanipha ziyathabisa,
Begodu zoke zinokuthula.+
18 Kumumuthi wokuphila kilabo ababambelela kikho,
Begodu labo abanamathela kikho kuzokuthiwa bathabile.
19 UJehova wenza isisekelo sephasi ngokuhlakanipha.+
Ngelemuko wanzinzisa izulu.+
20 Ngelwazi lakhe amanzi azikileko ahlukaniswa phakathi
Nomkayi onamafu wathonta umbethe.+
21 Ndodanami, ungazikhohlwa izintwezi.*
Londa ukuhlakanipha nekghono lokucabanga;
22 Zizokunikela ukuphila
Zibe mkghabiso entanyenakho;
23 Uzokukhamba endlelenakho ngokuphepha,
Begodu inyawo lakho angekhe likhubeke.+
25 Angeze usabe nanyana ngiyiphi ihlekelele eza kungakalindeleki+
Namkha isiwuruwuru esiza kwabakhohlakeleko.+
27 Ungalisi ukwenza okuhle kilabo okufuze ubenzele+
Nange ukghona ukwenza njalo.+
28 Ungathi kumakhelwanakho, “Khamba; ubuye lokha! Ngizokunikela kusasa,”
Nangabe ungakghona ukumnikela nje.
29 Ungaluki amano wokulimaza umakhelwanakho+
Nange akuthemba.
31 Ungamkhanukeli umuntu onenturhu+
Namkha ukhethe enye yeendlela zakhe,
32 Ngombana uJehova uyamnyenya umuntu okhohlisako,+
Kodwana utjhidelene nabalungileko.+
35 Abahlakaniphileko bazokufumana ihlonipho,
Kodwana iindlhadlha zidumisa ihlazo.+
4 Lalelani isiyalo sakababa, madodanami;+
Sitjhejeni bona nifumane ukuzwisisa,
2 Ngombana ngizoninikela isinqophiso esihle;
4 Ubaba wangifundisa wathi: “Kwanga ihliziywakho ingabambelela emezwinami.+
Phetha imiyalwami, uragele phambili uphila.+
5 Zuza ukuhlakanipha, zuza ukuzwisisa.+
Ungakhohlwa begodu ungaphambuki kilokho engikutjhoko.
6 Ungakulahli, kuzokuvikela.
Kuthande begodu kuzokuphephisa.
7 Ukuhlakanipha yinto eqakatheke khulu,+ nje-ke zuza ukuhlakanipha,
Begodu kikho koke okuzuzako, zuza ukuzwisisa.+
8 Kuthathele phezulu, kuzokuphakamisa.+
Kuzokuhlonipha ngombana uyakuthanda.+
9 Kuzokubeka isihlohlo esihle ehlokwenakho;
Kuzokuhlobisa ngesihlohlo sobuhle.”
10 Lalela ndodanami, wamukele engikutjhoko,
Iminyaka yokuphila kwakho izokuba minengi.+
12 Nawukhambako, iinyawo zakho angekhe zibambeke;
Begodu nawugijimako, angekhe uwe.
13 Bamba iseluleko; ungasilisi.+
Silonde ngombana sitjho ukuphila kwakho.+
14 Ungangeni endleleni yabakhohlakeleko,
Begodu ungakhambi endleleni yabantu abambi.+
16 Ngombana abakghoni ukulala bangakenzi okumbi.
Baphelelwa buthongo nabangakazwisi umuntu ubuhlungu.
17 Badla uburotho bokukhohlakala,
Basela newayini lenturhu.
19 Indlela yabakhohlakeleko ifana nobumnyama;
Abazi ukuthi yini ebawisako.
20 Ndodanami, tjheja amezwami;
Lalelisisa engikutjhoko.
21 Ungazikhohlwa;
Azihlale ehliziywenakho,+
22 Ngombana zikuphila kilabo abazifumanako+
Begodu imizimbabo izokuba nepilo.
23 Ngaphezu kwazo zoke izinto ozitjhejako, tjheja ihliziywakho,+
Ngombana imithombo yokuphila ikiyo.
24 Susa ikulumo engakathembeki kuwe,+
Nekulumo ekhohlisako ayibe kude nawe.
25 Amehlwakho kufuze aqale phambili,
Uqale okuphambi kwakho.+
26 Susa iinqabo endlelenakho,+
Begodu iindlela zakho zizokunqopha.
27 Ungayi ngesidleni namkha ngesinceleni.+
Susa iinyawo zakho kokumbi.
5 Ndodanami, tjheja ukuhlakanipha kwami.
Lalelisisa ilemuko lami,+
2 Bona utjheje amakghonwakho wokucabanga
Begodu kwanga ungahlala ukhuluma ngokuvumelana neqiniso.+
3 Ngombana iindebe zomfazi ophambukako* zithonta njengeliju,+
Nomlomakhe utjhelela ukudlula amafutha.+
4 Kodwana emaswapheleni ubaba njengenghana+
Begodu ubukhali njengesabula esika mahlangothi womabili.+
5 Iinyawo zakhe zehlela ekufeni.
Amagadangwakhe atjhinga eThuneni.*
6 Akacabangi ngendlela yokuphila.
Uyakhambakhamba kodwana akazi ukuthi uyaphi.
7 Nje-ke madodanami, ngilalelani
Begodu ningasuki kilokho engikutjhoko.
8 Khambela kude naye;
Begodu ungatjhideli ebungenweni bendlwakhe,+
9 Bona unganikeli abanye isithunzi sakho+
Namkha uqede iminyaka utlhaga;+
10 Bona abanye abantu bangadli umnothwakho+
Nokusebenzele budisi kungadluliselwa kwabanye abantu.
11 Ngalokho angekhe unghonghoyile emaswapheleni
Lokha nakuphela amandla enyameni nemzimbenakho+
12 Begodu uthi: “Bengihloya iseluleko!
Ihliziywami beyihloya ukukhalinywa!
13 Akhenge ngilalele ilizwi labanqophisi bami
Namkha ngitjheje abafundisi bami.
15 Sela amanzi avela epetsinakho
Namanzi agelezako avela emthonjenakho.+
16 Inga-kghani imithombakho kufuze iphuphumele ngaphandle,
Imilanjanakho ematatawini?+
17 Ayibe ngeyakho wedwa,
Ingasi nabanye abantu.+
18 Kwanga umthombakho ungabusiswa,
Begodu kwanga ungathaba ngomfazi wobutjha bakho,+
19 Iqina elisikazi elithandekako, imbuzi ehle yentabeni.+
Amabelakhe awakwanelise ngazo zoke iinkhathi.
Kwanga ungahlala ubanjwe lithando lakhe.+
20 Nje-ke kubayini ndodanami, kufuze ubanjwe mfazi ophambukako*
Namkha ugone isifuba somfazi oziphethe kumbi?*+
21 Ngombana iindlela zomuntu ziphambi kwakaJehova;
Uhlolisisa zoke iindlela zakhe.+
22 Okhohlakeleko ubanjwa mtjhaphwakhe,
Begodu uzokubanjwa ziintambo zesono sakhe.+
23 Uzokuhlongakala ngebanga lokutlhoga iseluleko
Begodu aphambuke ngebanga lobudlhayela bakhe obukhulu.
6 Ndodanami, nange uvume ukubhadela isikolodo sakamakhelwanakho,+
Nange wenze isivumelwano nomuntu ongamaziko,+
2 Nange uthiywe sithembiso sakho,
Wabanjwa mamezwi womlomakho,+
3 Ndodanami, yenza lokhu begodu uzisindise,
Ngombana uwele esandleni sakamakhelwanakho:
Iya kuye msinya, umbawe akurhawukele.+
4 Ungavumeli amehlwakho alale,
Namkha ayende.
5 Zisindise njengeqina esandleni somzumi,
Nanjengenyoni esandleni somthiyi weenyoni.
6 Khamba uye ebutjhontjhwanini wena vila ndina;+
Uqale iindlela zabo begodu uhlakaniphe.
7 Ngitjho nanyana bunganamlawuli, induna namkha umbusi,
8 Bulungiselela ukudla kwabo ehlobo,+
Bubuthelela ukudla ngesikhathi sokuvuna.
9 Uzokulala lapho bekube nini vila ndina?
Uzokuvuka nini ebuthongweni bakho?
10 Ukulala kancani, ukuyenda kancani,
Ukusonga izandla kancani bona uphumule,+
11 Umtlhagwakho uzokufika njengesela,
Ukutlhoga kwakho kuzokusahlela njengendoda ehlomileko.+
12 Umuntu ongazisiko nokhohlakeleko ukhambakhamba aleya amala;+
13 Uncinza ilihlo lakhe,+ enze amatshwayo ngenyawo lakhe bekakhombakhombe ngeminwakhe.
15 Yeke ihlekelelakhe izokufika kungakalindeleki;
Ngesikhatjhana uzokuphulwa begodu angekhe asaphola.+
16 Kunezinto ezisithandathu uJehova azihloyileko;
Iye, zilikhomba azinyenyako:
17 Mamehlo azikhakhazisako,+ umlomo okhuluma amala+ nezandla eziphalaza iingazi ezinganamlandu,+
18 Ihliziyo ehlela amaqhinga akhohlakeleko+ neenyawo ezigijimela msinya ebumbini,
19 Ohlala afakaza amala+
Begodu obanga ukungazwani hlangana nabafowabo.+
21 Hlala uzibophelele ehliziywenakho;
Zibophe entanyenakho.
22 Nawukhambako, uzokunqophisa;
Nawulalako, uzokutlhogomela;
Begodu nawuvukako, uzokukhulumisa.
25 Ungafisi ubuhle bakhe ehliziywenakho+
Begodu ungamvumeli bona akuyenge ngamehlwakhe ayengako,
26 Ngebanga lengwadla, indoda izokukghona ukuthenga uburotho kwaphela,+
Kodwana umfazi wenye indoda uzuma ukuphila okuligugu.
27 Kghani indoda ingabeka umlilo esifubeni sayo, ingatjhisi izambatho zayo?+
28 Namkha ingakhamba phezu kwamalahle atjhisako, iinyawo zayo zingatjhi?
29 Kuyafana nangomuntu olala nomfazi kamakhelwanakhe;
Akunamuntu othinta umfazi loyo ongeze ajeziswe.+
30 Abantu abalihloyi isela
Naleba ngebanga lokobana lilambile.
31 Nalibanjwako, lizokubhadela ngokubuyelelwe kalikhomba;
Lizokunikela ngazo zoke izinto eziligugu zendlwalo.+
34 Ngombana isikhwele senza indoda isilingeke;
Angekhe izwele muntu nayiziphindiselelako.+
35 Angekhe yamukele, ngitjho nanyana inikelwa imali;
Angekhe ifune ukwenza ukuthula, ngitjho nanyana isipho sakho singabiza kangangani.
7 Ndodanami, lalela amezwami
Ubulunge imiyalwami.+
2 Phetha imiyalwami, uphile;+
Tjheja isinqophiso sami njengehlamvu yelihlo lakho.
3 Ibophe eminwenakho;
Uyitlole ehliziywenakho.+
4 Yithi ekuhlakanipheni, “Wena ungudadwethu,”
Ubize ukuzwisisa ngokuthi “usihlobo sami,”
6 Ngahlola ngefesidere lendlwami,
Ngaqala phasi ngeentunja zefesidere lami,
7 Njengombana ngiqale abanganalemuko,
Ngabona hlangana nabantu abatjha isokana elinganangqondo.+
8 Ladlula endleleni eseduze nekhona lomfazi,
Likhamba litjhinga nca ngendlinakhe
9 Ngamarhwaqela, ntambama,+
Nakuba sebusuku kuthoma ukuba mnyama.
10 Ngemva kwalokho, ngabona umfazi ayokuhlangana nalo,
Ambethe njengengwadla,+ anehliziyo enobuqili.
11 Unetjhada begodu unekani.+
Akahlali ekhaya.
12 Nje ungaphandle, nje usematatawini,
Ulinda kwelinye nelinye ikhona.+
13 Walibamba begodu walimanga;
Angananhloni wathi kilo:
14 “Bekufuze ngenze imihlatjelo yetjhebiswano.+
Namhlanjesi ngiziphethile iimfungo zami.
15 Kungebangeli ngiphumile bona ngizokuhlangana nawe,
Bona ngikufune begodu ngikufumene!
16 Ngendlale umbhedami ngamatjhila amahle,
Ilineni lemibala emihle elivela eGibhide.+
17 Ngifafaze umbhedami ngemire, ngeenkghopha nangesinamoni.+
18 Yewize sizanelise ngethando bekube sekuseni;
Asizitike ngethando,
19 Ngombana indodami ayikho ekhaya;
Ithethe ikhambo elide.
20 Ithethe imali,
Begodu izokubuya mhlana inyanga igcwele.”
21 Udurhise isokaneli ngamezwi akhohlisako.+
Waliyenga ngekulumo etjhelelako.
22 Khonokho lamlandela njengekunzi eyokuhlatjwa,
Njengesidlhadlha esijeziswa ngokufaka amakhamandela,+
23 Bekube kulapho umcibitjholo uhlaba isibindi salo;
Njengenyoni egijimela esithiyweni, alazi ukuthi lokho kufaka ukuphila kwalo engozini.+
24 Nje-ke ngilalelani madodanami;
Tjhejani amezwi engiwakhuluma kini.
25 Ungavumeli ihliziywakho ikudosele eendleleni zakhe.
Ungaphambukeli eendleleni zakhe,+
26 Ngombana ubangele bona abanengi babulawe,+
Begodu labo ababuleleko banengi.+
27 Ukuya endlinakhe kufana nokuya eThuneni;*
Ukuya lapho kufana nokuya ekufeni.
8 Kghani akusikuhlakanipha na okurhuwelelako?
Akusililemuko na eliphakamisa ilizwi lalo?+
2 Kujame emibundwini+ eqadi kwendlela,
Lapho kuphambana khona iindlela.
4 “Maye! Nina bantu, ngiyanibiza;
Ngiphakamisela ilizwi lami kiwo woke umuntu.
5 Nina eninganalemuko, fundani ukuhlakanipha;+
Nina ndlhayela fumanani ihliziyo ezwisisako.
6 Lalelani ngombana engikutjhoko kuqakathekile,
Umlomami* ukhuluma okulungileko;
7 Ngombana umlomami ukhuluma iqiniso,
Begodu iindebe zami zinyenya ukukhohlakala.
8 Koke engikutjhoko kulungile.
Akukho nakunye okukhohlisako namkha okungakathembeki.
9 Koke kunqophile konelemuko
Begodu kulungile kilabo abafumana ilwazi.
10 Thatha isiyalo sami ingasi isiliva,
Nelwazi kunegolide lezinga eliphezulu,+
11 Ngombana ukuhlakanipha kungcono kunamakhorali;*
Zoke ezinye izinto ezifiselekako angeze zamadaniswa nakho.
12 Mina, kuhlakanipha, ngihlala nelemuko;
Ngifumene ilwazi nekghono lokucabanga.+
13 Ukusaba uJehova kutjho ukuhloya okumbi.+
Ngiyakuhloya ukuziphakamisa, ukuzikhakhazisa,+ indlela embi nekulumo ekhohlakeleko.+
15 Ngami amakhosi aragela phambili nokubusa,
Neenkhulu zenza umthetho olungileko.+
16 Ngami amakhosana aragela phambili nokubusa,
Neenkhulu zahlulela ngokulunga.
17 Ngiyabathanda labo abangithandako.
Nalabo abangifunako bazongifumana.+
18 Nginobunjinga nephazimulo,
Umnotho onjengelifa nokulunga.
19 Isithelo sami singcono kunegolide, ngitjho igolide elihlungiweko,
Begodu engikukhiqizako kungcono kunesiliva lezinga eliphezulu.+
20 Ngizokukhamba endleleni yokulunga,
Phakathi eendleleni zobulungiswa;
21 Nginikela engibathandako ubunjinga bona bube lilifa labo,
Begodu ngizalisa iinlulu zabo.
23 Wanginikela isikhundla kusukela eenkhathini zekadeni,+
Kusukela ekuthomeni ngaphambi kobana kube nephasi.+
24 Ngaba khona kungakabi namanzi azikileko,+
Kungakabi nemithombo ephuphuma amanzi.
25 Ngaphambi kobana kube neentaba,
Ngaphambi kobana kube nemibundu, bengikhona,
26 Angakabumbi iphasi neendawo zalo ezivulekileko
Namkha ithuli lokuthoma lehlabathi yephasi.
27 Lokha nakalungiselela izulu,+ bengikhona;
Lokha nakabeka umuda bona ube mkhawulo hlangana komkayi nelwandle,+
28 Nakenza amafu emkayini,
Nakazalisa imithombo yamanzi,
29 Nakabekela ilwandle umyalo
Bona amanzalo kufuze angadluleli ngale komyalwakhe,+
Nakenza iinsekelo zephasi,
30 Nje-ke bengiseqadi kwakhe ngisisebenzi esinekghono.+
Bekangithanda khulu+ ilanga nelanga;
Bengihlala ngithabile ngaso soke isikhathi phambi kwakhe;+
31 Ngathaba ephasini alenze bona kuhlalwe kilo,
Begodu bengiwathanda khulu amadodana wabantu.
32 Nje-ke madodanami ngilalelani;
Bayathaba labo abalandela iindlela zami.
33 Lalelani isiyalo+ begodu nihlakaniphe,
Ningasilahli.
34 Uyathaba umuntu ongilalelako
Ngokufika ekuseni emnyangwami ilanga nelanga,
Ngokulinda hlanu kobungeno bendlwami;
35 Ngombana ongifumanako uzokufumana ukuphila,+
Begodu wamukelwa nguJehova.
36 Kodwana ongangilaleliko uzilimaza yena,
Begodu labo abangihloyako bathanda ukufa.”+
9 Ukuhlakanipha kwamambala kwakhe indlwakho;
Kubaze iinsika zakho ezilikhomba.
2 Kulungiselele inyamakho;
Kuvange iwayini lakho;
Kuhlele netafula lakho.
3 Kuthumele iinsebenzi zakho ezisikazi
Bona zirhuwelele zisendaweni eziphakemeko zedorobho, zithi:+
4 “Nanyana ngubani onganalemuko akangene ngapha.”
Uthi kiloyo onganangqondo:
5 Yewize, udle uburotho bami
Begodu usele iwayini engilivangileko.
7 Loyo olungisa onyefulako uzibizela ihlazo,+
Begodu nanyana ngubani osola umuntu okhohlakeleko uzokulimala.
8 Ungamsoli umuntu onyefulako ngombana uzokuhloya.+
Sola umuntu ohlakaniphileko, uzokuthanda.+
9 Yabelana nomuntu ohlakaniphileko begodu yena uzokuhlakanipha khulu.+
Fundisa othileko ukulunga begodu yena uzokungezelela efundwenakhe.
11 Ngombana ngami amalangakho azokuba manengi,+
Begodu iminyaka yokuphila kwakho izokungezelelwa.
12 Nange uhlakanipha, uhlakaniphe bona uzizuzise wena,
Kodwana nangabe umnyefuli, uzokuqalana nemiphumela yalokho.
13 Umfazi osidlhayela unetjhada.+
Akatjheji begodu akazi litho.
14 Uhlala ebungenweni bendlwakhe
Esihlalweni eendaweni eziphakemeko zedorobho,+
15 Urhuwelela labo abadlulako,
Labo abakhamba ngokunqophileko endlelenabo:
16 “Nanyana ngubani onganalemuko akangene ngapha.”
Uthi kiloyo onganangqondo:+
17 “Amanzi etjiweko amnandi,
Nokudla okudlelwa ngemsitheleni kuyathabisa.”+
18 Kodwana akazi ukuthi labo abanganamandla ekufeni balapho,
10 Izaga zakaSolomoni.+
Indodana ehlakaniphileko ithabisa uyise,+
Kodwana indodana esidlhayela ilisizi kunina.
2 Amagugu afunyanwa ngobukhohlakali angekhe azuzise ngalitho,
Kodwana ukulunga ngikho okutjhaphulula ekufeni.+
3 UJehova angeze abangele olungileko bona alambe,+
Kodwana uzokudima abakhohlakeleko lokho abakukhanukako.
4 Izandla ezivilaphako zizokubangela umtlhago,+
Kodwana izandla ezikhutheleko zizokuletha ubunjinga.+
5 Indodana evuna ehlobo yenza ngokuhlakanipha,
Kodwana indodana elele ubuthongo ngesikhathi sokuvuna izilethela ihlazo.+
6 Iimbusiso zisehloko yolungileko,+
Kodwana umlomo wabakhohlakeleko ufihla inturhu.
8 Umuntu onehliziyo ehlakaniphileko uzokwamukela iinqophiso,+
Kodwana okhuluma ubudlhadlha uzokugadangelwa phasi.+
9 Loyo okhamba ngokuthembeka uzokukhamba ngokuphepha,+
Kodwana loyo owenza iindlela zokungathembeki uzokufunyanwa.+
12 Ihloyo ibanga ukungazwani,
Kodwana ithando ligubuzesa yoke imitjhapho.+
13 Ukuhlakanipha kufunyanwa emlonyeni womuntu onelemuko,+
Kodwana iswazi libekelwe umhlana wonganangqondo.+
15 Umnotho womuntu onjingileko lidorobho lakhe elivikelekileko.
Ihlekelele yomuntu onganalitho kutlhaga kwakhe.+
16 Umsebenzi wolungileko usa ekuphileni;
Kodwana isithelo sokhohlakeleko sisa esonweni.+
17 Olalela isiyalo uyindlela eya ekuphileni,*
Kodwana onganaki ukusolwa uphambukisa abanye.
18 Loyo ofihla ihloywakhe ukhuluma amala,+
Naloyo orhatjha imibiko elimazako usidlhayela.
19 Umuntu okhuluma khulu uzokwenza umtjhapho.+
Kodwana nanyana ngubani olawula iindebe zakhe, wenza ngokuhlakanipha.+
20 Ilimu lolungileko linjengesiliva lezinga eliphezulu,+
Kodwana ihliziyo yokhohlakeleko izuzisa kancani.
23 Ukuziphatha okuhlazisako kunjengomdlalo kosidlhadlha,
Kodwana ukuhlakanipha kungekomuntu onelemuko.+
24 Lokho okusatjwa mumuntu okhohlakeleko kuzomfikela;
Kodwana abalungileko bazokunikelwa isifiso sabo.+
25 Nakudlula isiwuruwuru, okhohlakeleko angeze asaba khona,+
Kodwana olungileko usisekelo ngokungapheliko.+
26 Njengeviniga emazinyweni nentuthu emehlweni,
Unjalo umuntu ovilaphako kiloyo omthumileko.
31 Umlomo wolungileko uveza ukuhlakanipha,
Kodwana ilimu elonakeleko lizokuquntwa.
32 Iindebe zolungileko ziyazi bona yini ethabisako,
Kodwana umlomo wabakhohlakeleko wonakele.
11 Iinlinganiso ezingakathembeki ziyanyenyisa kuJehova,
Kodwana isilinganiso esinembileko siyamthabisa.+
3 Ukuthobeka kwabalungileko ngikho okubanqophisako,+
Kodwana okhohlisako uzokutjhatjalaliswa ngebanga lamalakhe.+
4 Umnotho angeze usize ngalitho ngelanga lelaka,+
Kodwana ukulunga ngikho okuzokusindisa ekufeni,+
5 Ukulunga kongasolekiko ngikho okuzokwenza indlelakhe inqophe,
Kodwana okhohlakeleko uzokuwa ngebanga lokukhohlakala kwakhe.+
7 Umuntu okhohlakeleko nakahlongakalako, ithemba lakhe liyatjhabalala;
Nalokho akulindele emandlenakhe kuyatjhabalala.+
8 Olungileko usindiswa ekugandelelekeni,
Begodu okhohlakeleko uthatha indawakhe.+
9 Isihlubuki silethela umakhelwanaso ihlekelele ngomlomaso,
Kodwana ngelwazi abalungileko bayasindiswa.+
10 Ukulunga kolungileko kwenza idorobho lithabe,
Begodu abantu bathaba khulu nakuhlongakala okhohlakeleko.+
11 Ngebanga lokubusiswa kwabalungileko, idorobho liyaphakanyiswa,+
Kodwana umlomo wabakhohlakeleko uyaligiriza.+
12 Nanyana ngubani onganangqondo unyaza umakhelwanakhe,
Kodwana umuntu onelemuko uhlala athulile.+
13 Umrhwayeli ukhamba akhuluma ikulumo eyifihlo,+
Kodwana umuntu othembekileko ubamba ifihlo.
14 Nakunganasinqophiso esihlakaniphileko abantu bayawa,
Kodwana nakunabeluleki abanengi kuba nepumelelo.+
15 Nanyana ngubani oboleka umuntu angamaziko imali kuzomkhambela kumbi,+
Kodwana obalekela ukwenza isibambiso uzokuphepha.
16 Umfazi onomusa ufumana iphazimulo,+
Kodwana amadoda anelunya afumana ubunjinga.
18 Umuntu okhohlakeleko ufumana umrholo okhohlisako,+
Kodwana umuntu otjala okulungileko ufumana umvuzo wamambala.+
19 Loyo ozimisele ukwenza okuhle uzokuphila,+
Kodwana loyo ohlala afuna ukwenza okumbi uzokufa.
20 Labo abaneenhliziyo ezimbi bayamnyenyisa uJehova,+
Kodwana labo indlelabo engasolekiko, bayamthabisa.+
21 Qinisekani ngalokhu: Umuntu omumbi uzokujeziswa,+
Kodwana abantwana bolungileko bazokuphunyurha.
22 Njengedzilamnwana yegolide epumulweni yefarigi
Unjalo umfazi omuhle obalekela ukuba nengqondo.
23 Isifiso sabalungileko siletha okuhle,+
Kodwana ithemba labakhohlakeleko liletha ilaka.
24 Umuntu ophana ngokutjhaphulukileko ugcina anokunengi;+
Umuntu ongaphani ngalokho okufuze aphane ngakho, ugcina atlhaga.+
25 Umuntu ophanako uzokuphumelela,+
Begodu nanyana ngubani opha abanye amanzi bona basele, naye uzokuphiwa amanzi bona asele.+
26 Abantu bazomqalekisa loyo odima abanye iinthoro,
Kodwana bazombusisa loyo ozithengisako.
27 Umuntu okhutheleko ekwenzeni okuhle uzokufumana umusa,+
Kodwana ofuna okumbi, ngilokho okuzokwehlela phezu kwakhe.+
28 Umuntu othembela ebunjingeni bakhe uzokuwa,+
Kodwana olungileko uzokutlhurha njengamakari ahlaza.+
29 Nanyana ngubani olethele umuzakhe ihlazo uzokuzuza umoya,+
Begodu isidlhadlha sizokuba sisebenzi sohlakaniphileko.
31 Nangabe kwamambala olungileko uzokufumana umvuzo ephasini,
Kangangani-ke ngokhohlakeleko nesoni!+
2 Umuntu olungileko wamukelwa nguJehova,
Kodwana uyamlahla umuntu onamaqhinga akhohlakeleko.+
3 Umuntu angeze azivikela ngokwenza ukukhohlakala,+
Kodwana abalungileko angeze baruthulwa.
4 Umfazi onobukghoni usihlohlo endodenakhe,+
Kodwana umfazi owenza izinto eziphathisa iinhloni unjengokubola emathanjeni wendodenakwakhe.+
5 Imicabango yabalungileko ilungile,
Kodwana isinqophiso sabakhohlakeleko siyakhohlisa.
7 Abakhohlakeleko nabatjhatjalaliswako, abasabi khona,
Kodwana indlu yabalungileko izokuhlala ijamile.+
9 Kungcono ukuqalelwa phasi begodu ube nesisebenzi
Kunokuziphazimulisa ungabi nokudla.+
10 Olungileko utlhogomela ifuywakhe,+
Kodwana isirhawu sabakhohlakeleko sinelunya.
11 Loyo olima ihlabathakhe uzokwaneliswa ngokudla,+
Kodwana loyo ogijimisa izinto ezingatjho litho akanangqondo.
12 Umuntu okhohlakeleko ukhanukela izinto abantu abambi abazibambileko,
Kodwana umrabhu wabalungileko uthela iinthelo.
13 Umuntu omumbi ubanjwa yikulumakhe esisono,+
Kodwana olungileko uphunyurha ekugandelelekeni.
14 Lokho umuntu akutjhoko kungenza izinto zimkhambele kuhle,+
Begodu lokho akwenzako kungamlethela umvuzwakhe.
16 Isidlhadlha siyarhaba ukunyenya,+
Kodwana umuntu ohlakaniphileko akayinaki ihlamba.
17 Ufakazi othembekileko uzokukhuluma iqiniso,
Kodwana ufakazi wamala uzokukhuluma okukhohlisako.
18 Ikulumo engakacatjangwa kuhle injengokuhlaba kwesabula,
Kodwana ilimu labahlakaniphileko liyalapha.+
19 Iindebe ezikhuluma iqiniso zizokuhlala ngokungapheliko,+
Kodwana ilimu elinamala lizokuhlala isikhatjhana kwaphela.+
20 Ukukhohlisa kusehliziyweni yalabo abahlose ukona,
Kodwana labo abakhuthaza ukuthula banethabo.+
21 Akunalitho elilimazako elizokwehlela olungileko,+
Kodwana ukuphila kwabakhohlakeleko kuzokuzala ihlekelele.+
22 Iindebe ezikhuluma amala ziyanyenyisa kuJehova,+
Kodwana labo abenza ngokuthembeka bayamthabisa.
23 Umuntu ohlakaniphileko ufihla akwaziko,
Kodwana ihliziyo yesidlhayela ipepeza ubudlhayela baso.+
24 Izandla zabakhutheleko zizokubusa,+
Kodwana izandla zamavila zizokukatelelwa bona zisebenze budisi.+
26 Olungileko ufuna amadlelwakhe,
Kodwana indlela yabakhohlakeleko iyabaphambukisa.
27 Ivila aligijimisi inyamazana,+
Kodwana ukukhuthala kumnotho oligugu emuntwini.
28 Indlela yokulunga isa ekuphileni;+
Endlelenakho akunakufa.
13 Indodana ehlakaniphileko yamukela isiyalo sakayise,+
2 Lokho umuntu akutjhoko kungenza izinto zimkhambele kuhle,+
Kodwana okhohlisako uthanda inturhu.
3 Otjheja umlomakhe uvikela ukuphila kwakhe,+
Kodwana okhulumela futhi uzilethela ihlekelele,+
4 Umuntu ovilaphako kunezinto azikhanukako+ kodwana akanalitho
Kodwana umuntu okhutheleko uzokwaneliseka.+
5 Olungileko uhloya amala,+
Kodwana izenzo zabakhohlakeleko ziletha iinhloni nehlazo.
6 Ukulunga kuyamvikela onganamlandu,+
Kodwana ukukhohlakala kuyasiwisa isoni.
7 Kunozenza ngasuthi unjingile, kodwana akanalitho;+
Kube nozenza ngasuthi uyatlhaga, kodwana unomnotho omkhulu.
11 Umnotho ofumaneka msinyana uzokwehla,+
Kodwana umnotho waloyo obuthelela kancanikancani uzokwanda.
12 Ukuhlehliswa kwento elindelweko kugulisa ihliziyo,+
Kodwana isifiso nasifezekako sinjengomuthi wokuphila.+
13 Nanyana ngubani onyenya isinqophiso uzokuqalana nemiphumela yalokho,+
Kodwana ohlonipha umyalo uzokufumana umvuzo.+
14 Ifundiso yomuntu ohlakaniphileko imthombo wokuphila+
Yenza umuntu abalekele ukubanjwa kukufa.
15 Umuntu onelemuko wamukelwa babantu,
Kodwana indlela yokuphila yalabo abenza ngokukhohlisa ibudisi.
18 Nanyana ngubani owala isiyalo wehlelwa mtlhago nehlazo,
Kodwana owamukela ukusolwa uzokuphazinyuliswa.+
20 Okhamba nabahlakaniphileko uzokuhlakanipha,+
Kodwana osebenzelana neendlhandlha kuzomkhambela kumbi.+
22 Umuntu olungileko utjhiyela iinzukulu zakhe ilifa,
Kodwana umnotho wezoni uzokubekelwa abalungileko.+
23 Isimu elinyiweko yabantu abatlhagako iba nokudla okunengi,
Kodwana bangathathelwa yona ngokungabi nobulungiswa.
24 Nanyana ngubani ongayali indodanakhe ngeswazi uyayihloya,+
14 Umfazi ohlakaniphileko uyayakha indlwakhe,+
Kodwana osidlhayela uyayigiriza ngezandla zakhe.
2 Owenza okulungileko usaba uJehova,
Kodwana loyo oneendlela ezikhohlisako unyaza uZimu.
3 Iswazi lokuzikhakhazisa lisemlonyeni wesidlhadlha,
Kodwana iindebe zabahlakaniphileko ziyabavikela.
4 Lapho kunganakomo kuyahlwengeka ngesibayeni,
Kodwana isivuno siba sinengi nangabe kunekunzi enamandla.
5 Ufakazi othembekileko angekhe akhulume amala,
Kodwana ufakazi wamala ukhuluma amala ngakho koke akutjhoko.+
6 Umuntu ohleka ubudlhayela ufuna ukuhlakanipha kodwana angakufumani,
Kodwana ilwazi lifumaneka lula emuntwini ozwisisako.+
7 Khambela kude nomuntu osidlhayela,
Ngombana angekhe ufumane ilwazi eendebeni zakhe.+
8 Ngokuhlakanipha umuntu ohlakaniphileko uzwisisa indlela akhamba ngayo,
10 Ihliziyo yazi ukudana kwayo,
Akunamuntu ovela ngaphandle ongahlanganyela nayo ithabo layo.
11 Indlu yabakhohlakeleko izokutjhatjalaliswa,+
Kodwana itende labalungileko lizokuphumelela.
13 Ngitjho nanyana kuhlekwa, ihliziyo ingezwa ubuhlungu,
Nokuthaba kungaphela ngesizi.
14 Loyo onehliziyo ephambukako uzokuvuna umphumela weendlela zakhe.+
Kodwana umuntu olungileko uvuna umvuzo weendlela zakhe.+
15 Umuntu onganalemuko ukholwa woke amezwi,
Kodwana ohlakaniphileko ucabangisisa ngalokho azokwenza.+
16 Umuntu ohlakaniphileko uyatjheja, asuke kokumbi,
Kodwana umuntu osidlhayela akatjheji, uzithemba khulu.
17 Umuntu osilingeka msinya wenza ngobudlhadlha,+
Kodwana umuntu ocabangisisa izinto uyahloywa.
18 Abanganalemuko bazokufumana ubudlhadlha,
Kodwana abahlakaniphileko bazokuthweswa isihlohlo selwazi.+
19 Abantu abambi bazokukhothama phambi kwabantu abalungileko,
Begodu abakhohlakeleko bazokukhothama emasangweni wabalungileko.
21 Onyenya umakhelwanakhe uyona,
Kodwana nanyana ngubani onesirhawu kosweleko uyathaba.+
22 Labo abahlose ukona angekhe baphambuke na?
Kodwana labo abahlose ukwenza okuhle bazokufumana ithando* nokuthembeka.+
23 Kunenzuzo kiwo woke umsebenzi obudisi,
Kodwana ikulumo engatjho litho irholela ekutlhageni.+
24 Isihlohlo sabahlakaniphileko simnothwabo;
Kodwana ubudlhadlha beendlhadlha, budlhadlha kwaphela.+
25 Ufakazi othembekileko usindisa ukuphila,
Kodwana okhohlisako ukhuluma amala kikho koke akutjhoko.
26 Umuntu osaba uJehova, umthemba kikho koke,+
Begodu amadodana womuntu onjalo azokufumana isiphephelo.+
27 Ukusaba uJehova kumthombo wokuphila,
Kwenza umuntu abalekele ukubanjwa kukufa.
28 Abantu abanengi basithunzi sekosi,+
Kodwana umbusi onganabantu ngaphasi kwakhe akasililitho.
30 Ihliziyo enokuthula inikela umzimba ukuphila,
Kodwana umona ukubola emathanjeni.+
31 Loyo odlelezela onganalitho uthuka uMenzakhe,+
Kodwana nanyana ngubani onesirhawu kotlhagako uphazimulisa uMenzakhe.+
32 Okhohlakeleko uzokuwiswa bubumbi bakhe,
Kodwana olungileko uzokufumana isiphephelo ngokuthembeka kwakhe.+
33 Umuntu ozwisisako uyathula ngokuhlakanipha kwakhe,*+
Kodwana osidlhayela uhlala akhuluma ngalokho akwaziko.
34 Ukulunga kuphakamisa isitjhaba,+
Kodwana isono silihlazo kiso.
2 Ilimu labahlakaniphileko lisebenzisa kuhle ilwazi,+
Kodwana umlomo weendlhayela upepeza ubudlhayela.
6 Endlini yolungileko kunamagugu amanengi,
Kodwana umkhiqizo wokhohlakeleko umlethela ihlekelele.+
10 Isiyalo sibonakala sisimbi kotjhiya indlela,+
Kodwana nanyana ngubani ohloya ukukhalinywa uzokufa.+
11 IThuna* nendawo yokutjhatjalaliswa* zibonakala kuhle phambi kwakaJehova.+
Kangangani-ke ngeenhliziyo zabantu!+
12 Ohleka ubudlhadlha akamthandi umuntu omlungisako.+
Angekhe ayokubuza kwabahlakaniphileko.+
13 Ihliziyo ethabileko yenza ubuso buthabe,
Kodwana ihliziyo ebuhlungu idanisa ummoya.+
16 Kungcono ukuba nokuncani begodu usabe uJehova+
Kunokuba nomnotho omkhulu ukhambisane nokutshwenyeka.+
17 Kungcono ukudla imirorho lapho kunethando khona+
Kunokudla ikunzi enonisiweko lapho kunehloyo khona.+
21 Ubudlhadlha buyamthabisa umuntu onganangqondo,+
Kodwana umuntu onelemuko ukhamba endleleni elungileko.+
23 Umuntu uyathaba nakanikela ipendulo efaneleko,+
Qala bona lihle kangangani ilizwi elikhulunywe ngesikhathi esifaneleko!+
25 UJehova uzokugiriza indlu yozikhakhazisako,+
Kodwana uzokuvikela imikhawulo yenarha yomhlolokazi.+
27 Loyo owenza inzuzo ngokungakathembeki ulethela indlwakhe ihlekelele,*+
Kodwana ohloya iimfumbathiso uzokuragela phambili aphila.+
28 Ihliziyo yolungileko iyazindla ngaphambi kobana iphendule,+
Kodwana umlomo wabakhohlakeleko upepeza izinto ezimbi.
29 UJehova ukude khulu nabakhohlakeleko,
Kodwana uyawuzwa umthandazo wabalungileko.+
30 Amehlo amahle enza ihliziyo ithabe;
Umbiko omuhle uvuselela amathambo.+
31 Loyo olalela ukusola okunikela ukuphila
Uhlala hlangana nabahlakaniphileko.+
32 Nanyana ngubani owala isiyalo uhloya ukuphila kwakhe,+
Kodwana nanyana ngubani olalela ukusola ufumana ukuhlakanipha.+
16 Umuntu ulungisa imicabango yehliziywakhe,
Kodwana ipendulwakhe ivela kuJehova.+
3 Tjhiyela koke okwenzako kuJehova,+
Okuhlelako kuzokuphumelela.
4 UJehova wenze koke bona afeze umnqophwakhe,
Ngitjho nabakhohlakeleko bazokujeziswa ngelanga lehlekelele.+
5 Woke umuntu onehliziyo ezikhakhazisako unyenyisa uJehova.+
Uzokujeziswa nanyana kunjani.
7 UJehova nakathabako ngeendlela zomuntu
Ubangela ngitjho namanabakhe bona abe nokuthula nomuntu loyo.+
9 Umuntu angayicabangisisa kuhle indlelakhe ehliziywenakhe,
Kodwana nguJehova onqophisa amagadangwakhe.+
11 Iinlinganiso neenkali ezithembekileko zivela kuJehova;
Nabo boke ubudisi bomgodla ngebakhe.+
12 Izenzo ezikhohlakeleko ziyawanyenyisa amakhosi,+
Ngombana isihlalo sobukhosi sidzinyeleliswe ngokulunga.+
13 Ikulumo elungileko ithabisa amakhosi.
Athanda umuntu okhuluma ngokuthembeka.+
15 Nangabe ikosi iba nomusa emuntwini othileko, umuntu loyo uzokuba nokuphila okuthabisako;
Umusayo unjengelifu lezulu ngetwasahlobo.+
16 Kungcono khulu ukufumana ukuhlakanipha kunegolide!+
Kungcono ukuzuza ukuzwisisa kunesiliva.+
17 Indlela yabalungileko igegeda okumbi.
Nanyana ngubani otjhejisisa indlelakhe uvikela ukuphila kwakhe.+
19 Kungcono ukuthobeka hlangana nabathobekileko+
Kunokuhlanganyela izinto ezifunyenwe epini nabazikhakhazisako.
20 Loyo onelemuko ngendaba uzokuphumelela,
Begodu uyathaba othembela kuJehova.
21 Abanehliziyo ehlakaniphileko kuzokuthiwa bayazwisisa,+
Begodu loyo okhuluma ngomusa unekghono lokwenza abantu bamkholelwe.+
22 Ilemuko mthombo wokuphila kilabo abanalo,
Kodwana iindlhadlha zikhalinywa ngobudlhadlha bazo.
23 Ihliziyo yohlakaniphileko inikela umlomakhe ilemuko+
Begodu yenza ikulumakhe ikholweke.
24 Amezwi athabisako anjengeliju elithontako,
Amnandi emphefumulweni begodu alapha amathambo.+
25 Kunendlela ebonakala ngasuthi ilungile emuntwini,
Kodwana isiphetho sayo kukufa.+
26 Isisebenzi sizisebenzele budisi
Ngombana indlala isenza sisebenze budisi.+
29 Umuntu onenturhu uyenga umakhelwanakhe
Bewumdosela ekwenzeni okumbi.
30 Uncinza ilihlo lakhe njengombana ahlela okulimazako.
Uluma iindebe zakhe enze okonakeleko.
31 Iinhluthu ezimhlophe zolupheleko zisihlohlo sobuhle+
Nazifunyanwa endleleni yokulunga.+
32 Ongasilingeki msinyana+ ungcono kunendoda enamandla,
Begodu loyo olawula ilaka lakhe ungcono kunohlula idorobho.+
17 Singcono isiqetjhana soburotho obomileko lapho kunokuthula khona+
2 Isisebenzi esinelemuko sizokubusa phezu kwendodana eziphatha ngokuhlazisako;
Sizokufumana ilifa njengamadodana womphathi.
4 Umuntu okhohlakeleko uthanda ukulalela ikulumo elimazako,
Nomuntu okhohlisako ulalela ilimu elimamala.+
5 Nanyana ngubani ohleka umuntu otlhagako uthuka uMenzakhe,+
Begodu nanyana ngubani othabako omunye nakavelelwe yihlekelele uzokujeziswa.+
7 Abantu abakalindeli bona isidlhayela sitjho into elungileko.+
Abakalindeli nombusi bona akhulume ikulumo emamala!+
8 Isipho sinjengelitje eliligugu kumnikazi;+
Nanyana kukuphi lapho aphendukela khona, limlethela ipumelelo.+
9 Nanyana ngubani olibalela umtjhapho unethando,+
Kodwana nanyana ngubani osolo akhuluma ngawo uhlukanisa abangani.+
10 Ukukhalima kusebenza khulu emuntwini ozwisisako,+
Kunokubetha umuntu osidlhadlha ngeswazi iinkhathi ezilikhulu.+
11 Umuntu omumbi ufuna ukuhlubuka kwaphela,
Kodwana isithunywa esinelunya sizokuthunyelwa bona siyomjezisa.+
12 Kungcono ukuhlangana nebhere elilahlekelwe bantwabalo
Kunokuhlangana nesidlhadlha ebudlhayeleni baso.+
13 Nange umuntu abuyisela okuhle ngokumbi,
Okumbi angekhe kusuke endlinakhe.+
14 Ukuthoma ipi kunjengokuvula amasango weenkhukhula;
Ngaphambi kobana kuthome ipikiswano, khamba.+
15 Nanyana ngubani othi okhohlakeleko akakakhohlakali nosola olungileko+
Bobabili bayanyenyisa kuJehova.
16 Yini elungileko ngokuthi osidlhayela angafumana ukuhlakanipha
Ihliziywakhe nayingafuni ukukufumana?+
18 Umuntu onganangqondo wenza isivumelwano
Bona uzokubhadela isikolodo sakamakhelwanakhe.+
19 Umuntu othanda ukulwa uthanda umtjhapho.+
Nanyana ngubani oziphakamisako uzibangela ihlekelele.+
20 Loyo ongakathembeki ehliziywenakhe angeze aphumelele,+
Begodu loyo okhuluma ikohliso uzokuwela ehlekeleleni.
21 Loyo obeletha umntwana osidlhadlha, uzokuqalana nesizi;
Begodu uyise lomntwana onganangqondo akathabi.+
22 Ihliziyo ethabileko injengesihlahla esipholisako,+
Kodwana ummoya odanileko wenza umzimba uphelelwe mamandla.*+
23 Umuntu okhohlakeleko uzokuthatha isifumbathiso ngemsitheleni
Bona onakalise ubulungiswa.+
24 Ukuhlakanipha kuphambi komuntu onelemuko,
Kodwana amehlo wesidlhayela akhambakhamba emaphethelweni wephasi.+
25 Indodana esidlhayela ilethela uyise ihlazo
Begodu yenza ihliziyo yoyibelethileko ibe buhlungu.+
26 Ukujezisa umuntu olungileko akukalungi,
Nokubetha abantu abahloniphekileko kuphambana nokulungileko.
28 Ngitjho nesidlhayela esithulileko kuzokuthiwa sihlakaniphile,
Naloyo ovala umlomakhe kuzokuthiwa unelemuko.
18 Nanyana ngubani ozihlukanisako uzifunela iimfiso zakhe zomrhobholo;
Wala koke ukuhlakanipha.
2 Umuntu osidlhayela akakuthabeli ukuzwisisa;
Uthanda ukuveza imibonwakhe kwaphela.+
3 Nakuza umuntu okhohlakeleko kuza nendelelo,
Begodu umuntu nakaziphatha ngendlela ephathisa iinhloni kuba nehlazo.+
4 Amezwi womuntu akuzika kwamanzi.+
Umthombo wokuhlakanipha unjengomlanjana ogelezako.
7 Umlomo wesidlhayela uyihlekelelaso,+
Neendebe zaso zisithiyo ekuphileni kwaso.
9 Nanyana ngubani ovilaphako emsebenzinakhe
Ungumfowabo waloyo obanga ihlekelele.+
10 Igama lakaJehova limbhotjhongo oqinileko.+
Olungileko ugijimela kiwo begodu avikeleke.+
11 Umnotho wonjingileko unjengedorobho lakhe elivikelekileko;
Unjengeboda elivikelako emkhumbulwenakhe.+
13 Umuntu nakaphendula indaba ngaphambi kobana ezwe amaqiniso,
Kubudlhadlha bekuyahlazisa.+
14 Umuntu onesibindi angakghodlhelelela ukugula kwakhe,+
Kodwana ngubani ongakghodlhelela ummoya ophukileko?+
15 Ihliziyo yozwisisako ifumana ilwazi,+
Nendlebe yohlakaniphileko ifuna ukufumana ilwazi.
16 Isipho somuntu simvulela indlela;+
Simenza ahlangane nababusi.
18 Ukuphosa ifumbe kuqeda ukuphikisana+
Begodu kulungisa indaba hlangana nabantu ababili abanamandla.
19 Ukuthumba umngani okhubekileko kubudisi ukudlula ukuthumba idorobho elivikelekileko,+
Begodu kuneempikiswano ezinjengeensimbi zendawo yesiphephelo.+
20 Amathumbu womuntu azokusuthiswa sithelo salokho akutjhoko;+
Uzokwaneliswa mkhiqizo weendebe zakhe.
23 Umuntu otlhagileko uyancenga nakakhulumako,
Kodwana onjingileko uphendula ngobukhali.
2 Umuntu onganalwazi akakalungi,+
Begodu umuntu opharhazelako uyona.
3 Budlhadlha bomuntu obumusa endleleni engakalungi,
Begodu ihliziywakhe iyasilingeka ngebanga lakaJehova.
4 Ubunjinga benza umuntu abe nabangani abanengi,
Kodwana umuntu otlhagako uzokulahlwa ngitjho namnganakhe.+
6 Abanengi bafuna ukwamukelwa sikhulu,
Begodu woke umuntu umngani womuntu ophana izipho.
Uyabalandelela bona abawe okuthileko kodwana akekho ophendulako.
8 Nanyana ngubani onengqondo uyazithanda.+
Nanyana ngubani othanda ilemuko uzokuphumelela.+
9 Ufakazi wamala uzokujeziswa,
Naloyo okhuluma amala kikho koke akutjhoko uzokutjhatjalaliswa.+
10 Umnono awusifaneli isidlhadlha;
Kangangani-ke ngesisebenzi bona sibuse amakhosana!+
11 Ilemuko lomuntu liyamsiza bona angasilingeki msinya,+
Begodu kububuhle kuye ukungakhumbuli isono.+
12 Ilaka lekosi linjengokubhodla kwebhubezi,+
Kodwana umusayo unjengombethe phezu kweentjalo.
13 Indodana esidlhayela ilethela uyise ihlekelele,+
Nomfazi othanda ukuphikisana unjengephahla lendlu elihlala linethela.+
14 Indlu nomnotho lilifa elivela kubabelethi,
Kodwana umfazi ohlakaniphileko uvela kuJehova.+
15 Ubuvila bubanga ubuthongo obukhulu,
Umuntu ovilaphako uzokulamba.+
19 Umuntu onelaka uzokuhlawuliswa;
Nange ulinga ukumvikela, kuzokufuze ukwenze qobe.+
21 Manengi amano ehliziyweni yomuntu,
Kodwana iseluleko sakaJehova ngiso esizokuphumelela.+
22 Into efiselekako emuntwini lithando lakhe elithembekileko;+
Begodu kungcono ukuba mumuntu otlhagako kunokuthi ube namala.
24 Umuntu ovilaphako ufaka isandla sakhe ngesitjeni,
Kodwana akazitshwenyi ngokuthi asise emlonyeni.+
25 Betha umuntu ohleka ubudlhadlha,+ bona onganalemuko ahlakaniphe,+
Begodu khalima ozwisisako, bona angezelele ilwazi.+
26 Odelela uyise begodu aqothe unina
Uyindodana ephathisa iinhloni nehlazisako.+
27 Ndodanami nange ulisa ukulalela isiyalo,
Uzokuphambuka emezwini welwazi.
20 Iwayini lisinyefuli,+ utjwala benza umuntu angalawuleki;+
Nanyana ngubani ophambukiswa ngilo akakahlakaniphi.+
2 Ukuthusa kwekosi kunjengokubhodla kwebhubezi;+
Nanyana ngubani ovusa ilaka layo ufaka ukuphila kwakhe engozini.+
5 Imicabango esehliziyweni yomuntu injengokuzika kwamanzi,
Kodwana umuntu onelemuko uyikhuphela ngaphandle.
6 Abantu abanengi bathi banethando elithembekileko,
Kodwana ngubani ongafumana umuntu othembekileko?
7 Umuntu olungileko ukhamba ngokuthembeka.+
Bayathaba abantwabakhe abamlandelako.+
10 Ubudisi obungakathembeki neenlinganiso ezimamala,
Kokubili kuyanyenyisa kuJehova.+
12 Indlebe ezwako nelihlo elibonako,
Kokubili kwenziwe nguJehova.+
13 Ungabuthandi ubuthongo, uzokutlhaga.+
Vula amehlwakho begodu uzokwaneliswa ngoburotho bakho.+
14 Umthengi uthi: “Into le yimbi, yimbi!”
Ngemva kwalokho akhambe, azikhakhazise ngalokho akuthengileko.+
16 Thatha isambatho somuntu nange abhadela isikolodo somuntu angamaziko;+
Thatha okuthileko kuye kube sibambiso nange enzela umfazi ovela kwenye inarha.+
17 Uburotho obufunyenwe ngokukhohlisa bumnandi emuntwini,
Kodwana ngemva kwalokho, umlomakhe uzokuzala ihlabathi.+
19 Umrhwayeli ukhamba akhuluma ikulumo eyifihlo;+
Ungazihlanganisi nomuntu othanda ukuhleba.
20 Nanyana ngubani oqalekisa uyise nonina,
Isibani sakhe sizokucinywa nakuba mnyama.+
21 Ilifa elifunyanwa ekuthomeni ngokuba marhamaru
Angekhe libe sibusiso ekugcineni.+
22 Ungathi: “Ngizokubuyisela okumbi!”+
Thembela kuJehova,+ yena uzokusindisa.+
23 Ubudisi obungakathembeki buyanyenyisa kuJehova,
Neenlinganiso ezikhohlisako azikalungi.
24 Amagadango womuntu anqotjhiswa nguJehova;+
Umuntu angayizwisisa njani indlelakhe?
25 Kusithiyo emuntwini ukurhuwelela arhabile athi, “Kucwengile!”+
Begodu acabangisise ngalokho akufungileko ngemva kwesikhathi.+
26 Njengalokha amakhasi ahlukaniswa neenthoro+
Ikosi ehlakaniphileko izobahlukanisa njalo abakhohlakeleko.+
27 Umphefumulo womuntu usibani sakaJehova,
Uhlolisisa ingaphakathi lomuntu.
30 Imirhuzuko neenlonda kusisiza bona silise okumbi,+
Ukubetjhwa kuhlwengisa ingaphakathi lomuntu.
21 Ihliziyo yekosi injengemilanjana yamanzi esandleni sakaJehova.+
Uyinqophisa nanyana kukuphi lapha afuna iye khona.+
3 Ukwenza ukulunga nobulungiswa
Kuthabisa khulu kuJehova kunomhlatjelo.+
4 Amehlo aziphakamisako nehliziyo ezikhakhazisako,
Isibani esinqophisa abakhohlakeleko, sisono.+
5 Amano wokhutheleko ayamphumelelisa,+
Kodwana boke abantu abenza izinto ngokupharhazela bazokutlhaga.+
7 Inturhu yabakhohlakeleko izobathanyela,+
Ngombana abafuni ukwenza ngobulungiswa.
8 Indlela yomuntu omlandu ayikathembeki,
Kodwana umsebenzi womuntu omsulwa ulungile.+
9 Kungcono ukuhlala ekhoneni lephahla
Kunokuhlala endlini yinye nomfazi othanda ukuphikisana.+
11 Umnyefuli uyajeziswa, onganalemuko uyahlakanipha,
Begodu umuntu ohlakaniphileko ufumana ilemuko, uzuza ilwazi.+
12 UZimu olungileko utjheja indlu yokhohlakeleko;
Ubangela okhohlakeleko bona aqalane nehlekelele.+
13 Nanyana ngubani ovala indlebakhe nakezwa isililo sotlhagako
Naye uzokubiza begodu angaphendulwa.+
14 Isipho esenziwa ngemsitheleni sehlisa ilaka,+
Begodu isifumbathiso esenziwa ngemsitheleni sehlisa ilaka elikhulu.
15 Kuyathabisa emuntwini olungileko ukwenza ubulungiswa,+
Kodwana kuyinto esabekako kilabo abenza okumbi.
16 Umuntu ophambuka endleleni yelemuko
Uzokulala nalabo abanganamandla ekufeni.+
17 Othanda ukuzithabisa uzokutlhaga;+
Othanda iwayini namafutha angekhe anjinge.
18 Okhohlakeleko usihlengo solungileko,
Nokhohlisako uzokuthathwa esikhundleni sabalungileko.+
19 Kungcono ukuhlala emmangweni
Kunokuhlala nomfazi othanda ukuphikisana nosilingako.+
20 Amagugu akhethekileko namafutha afumaneka endlini yohlakaniphileko,+
Kodwana umuntu osidlhayela uzokuginya anakho.+
21 Nanyana ngubani ofuna ukulunga nethando elithembekileko
Uzokufumana ukuphila, ukulunga nephazimulo.+
22 Umuntu ohlakaniphileko uzokukhuphuka ngeboda angene edorobheni leengorho,
Anyaze amandla iingorho ezithembele kiwo.+
23 Otjheja umlomakhe nelimu lakhe
Ubalekela umraro.+
24 Umuntu ogagamelako begodu othanda ukubukisa ubizwa ngokuthi
Mumuntu owenza ngokuzikhakhazisa onganandaba nemiphumela.+
25 Lokho umuntu ovilaphako akukhanukako kuzombulala,
Ngombana izandla zakhe azifuni ukusebenza.+
26 Ilanga loke ulawulwa kukuba marhamaru,
Kodwana umuntu olungileko uyaphana, akadimani.+
27 Umhlatjelo wokhohlakeleko uyanyenyisa.+
Kangangani-ke nakawunikela ngomnqopho omumbi!
28 Ufakazi onamala uzokutjhabalala,+
Kodwana umuntu olalelako uzokufakaza ngepumelelo.
30 Umuntu ophikisana noJehova angeze ahlakanipha, azwisisa namkha anikele iseluleko esihle.+
22 Igama elihle kufuze likhethwe kunomnotho omkhulu;+
Kungcono ukuhlonitjhwa kunesiliva negolide.
2 Onjingileko notlhagako bafana ngalokhu:
Bobabili benziwe nguJehova.+
3 Ohlakaniphileko ubona ingozi, abhace,
Kodwana onganalemuko uya kiyo begodu aqalane nemiphumela.
4 Umphumela wokuthobeka nokusaba uJehova
Bunjinga, yiphazimulo nokuphila.+
5 Ameva neenthiyo zisendleleni yomuntu ongakathembeki,
Kodwana nanyana ngubani othanda ukuphila kwakhe ukhambela kude nomuntu onjalo.+
9 Umuntu ophanako uzokubusiswa,
Ngombana wabelana ukudla kwakhe notlhagako.+
10 Qotha umuntu odelelako,
Begodu umbango uzokunyamalala;
Ukungazwani nokuthukana kuzokuphela.
11 Omsulwa ehliziyweni begodu okhuluma ngomusa
Uzokuba mngani wekosi.+
12 Amehlo kaJehova avikela ilwazi,
Kodwana wonakalisa amezwi wokhohlisako.+
13 Ivila lithi: “Kunebhubezi ngaphandle!
Ngizokubulawelwa etatawini!”+
14 Umlomo womfazi ophambukako* umgodi otjhingako.+
Okhalinywa nguJehova uzokuwela kiwo.
16 Loyo odlelezela otlhagako bona andise umnothwakhe+
Naloyo opha onjingileko izipho
Uzokugcina atlhaga.
17 Lalelisisa amezwi wabahlakaniphileko,+
Bona wamukele ilwazi ngehliziywakho yoke,+
18 Ngombana kuyathabisa ukuwabulunga ehliziywenakho,+
Bona woke ahlale aseendebeni zakho.+
19 Bona ithemba lakho libe kuJehova,
Ngikunikela ilwazi namhlanjesi.
20 Kghani angikakutloleli na,
Ngikunikela iseluleko nelwazi,
21 Bona ngikufundise amezwi aliqiniso nathembekileko,
Bona ubuyele emuntwini okuthumileko nombiko onembileko?
22 Ungadlelezeli umuntu otlhagako ngombana uyatlhaga,+
Begodu ungagandeleli umuntu odududu esangweni ledorobho,+
23 UJehova ngokwakhe uzokuqinisekisa bona bafumana ubulungiswa+
Begodu uzokuthatha ukuphila kwalabo ababadlelezelako.
24 Ungabi mngani nomuntu onelaka
Namkha uzihlanganise nomuntu othanda ukulwa,
25 Bona ungafundi iindlela zakhe
Begodu uzibekele isithiyo.+
26 Ungabi hlangana nalabo abenza isivumelwano ngesibambiso,
Abenza isiqinisekiso sokubolekisa ngemali.+
27 Nange unganalitho bona ubhadele,
Umbhedakho uzokuthathwa!
28 Ungasusi umkhawulo wekadeni
Loyo owabekwa bokhokho bakho.+
29 Ukhe wambona umuntu onekghono emsebenzinakhe?
Uzokujama phambi kwamakhosi;+
Angeze ajame phambi kwabantu abajayelekileko.
Nange ukhanukela ukudla khulu.
3 Ungakhanukeli ukudla kwayo okumnandi,
Ngombana kukudla okukhohlisako.
4 Ungaziqedi amandla ngokugijimisana nomnotho.+
Lisa ukwenza lokhu begodu tjengisa ukuzwisisa.*
5 Nawuphosa amehlwakho kiwo, awukho,+
Ngombana kwamambala uzokumila iimpiko njengekhozi begodu uphaphele emkayini.+
6 Ungadli ukudla komuntu odimanako;
Ungakhanukeli ukudla kwakhe okumnandi,
7 Ngombana unjengomuntu obalelanako.
Uthi kuwe, “Idla begodu usele,” kodwana akakutjho ngokusuka ehliziyweni.
8 Uzokuhlanza ukudla okudlileko
Begodu uzabe udlale ngamezwakho wokuthokoza.
10 Ungasusi umkhawulo wekadeni+
Namkha udlelezele isimu yabantwana abanganaboyise.
11 Ngombana uMvikelabo unamandla;
Uzobavikela, alwe nawe.+
12 Yenza ihliziywakho ilalele isiyalo
Nendlebakho ilalele amezwi welwazi.
13 Ungalisi ukumyala umntwana.+
Nange umbetha ngeswazi angekhe afe.
14 Kufuze umbethe ngeswazi,
Bona umsindise eThuneni.*
16 Ingaphakathi lami lizokuthaba
Iindebe zakho nazikhuluma okulungileko.
17 Ihliziywakho ayingabi nomona ngezoni,+
Kodwana ayisabe uJehova ngaso soke isikhathi,+
18 Ngombana nawenza njalo, uzokuba nengomuso elihle+
Nethemba lakho angekhe liqedwe.
19 Lalela ndodanami, uhlakaniphe,
Begodu unqophisele ihliziywakho endleleni elungileko.
20 Ungabi hlangana nalabo abasela khulu iwayini,+
Hlangana nalabo abarhiribidela inyama,+
21 Ngombana isidakwa nomuntu odla khulu bazokutlhaga,+
Nokuyenda kuzobambathisa amaratha.
22 Lalela uyihlo owafumana kuye ukuphila,
Begodu ungadeleli unyoko ngombana sele aluphele.+
24 Uyise wolungileko uzokuthaba kwamambala;
Nanyana ngubani oba ngubaba wendodana ehlakaniphileko uzokuthaba nayo.
25 Uyihlo nonyoko bazokuthaba,
Begodu loyo owakubelethako uzokuthaba.
26 Ndodanami, ngilalelisisa,
Begodu kwanga amehlwakho angathatjiswa ziindlela zami.+
28 Uhlala alinde njengomdlelezeli;+
Nguye okhuphula isibalo samadoda angakathembeki.
29 Ngubani othi maye! Ngubani otshwenyekileko?
Ngubani ophikisanako? Ngubani onghonghoyilako?
Ngubani oneenlonda ngaphandle kwesizathu? Ngubani onamehlo abomvu?
30 Ngilabo abasela iwayini isikhathi eside;+
Ngilabo abafuna iwayini elivangiweko.
31 Ungadoswa mbala obomvu wewayini
Njengombana liphazima erhalasini begodu lehla kamnandi,
32 Ngombana ekugcineni liluma njengenyoka,
Begodu lifaka itjhefu njengenyoka.
33 Amehlwakho azokubona izinto ezinganangqondo,
Nehliziywakho izokukhuluma izinto ezonakeleko.+
34 Uzokuba njengomuntu olele ekuzikeni kwelwandle,
Njengomuntu olele esiqongolweni somkhumbi.
35 Uzokuthi: “Bangilimazile kodwana akhenge ngizwe.
Bangibethile kodwana akhenge ngazi.
Ngizokuvuka nini?+
Ngifuna elinye iwayini godu.”
24 Ungabi nomona ngabantu abenza okumbi,
Begodu ungakukhanukeli ukuba mnganabo,+
2 Ngombana iinhliziyo zabo zizindla ngenturhu,
Begodu bahlala bakhuluma ngokuthi bangabalimaza njani abanye.
3 Indlu yakhiwa ngokuhlakanipha,+
Begodu ngelemuko yenziwa iqine.
5 Umuntu ohlakaniphileko unamandla,+
Begodu ngelwazi wandisa amandlakhe.
6 Ngesinqophiso esihlakaniphileko uzokulwa ipi yakho,+
Begodu nakunabeluleki abanengi kuzokuba nepumelelo.+
7 Isidlhadlha asikufikeleli ukuhlakanipha kwamambala;+
Asinalitho esingalitjho esangweni ledorobho.
8 Nanyana ngubani ohlela okumbi
Uzokubizwa ngokuthi mumuntu onekghono lokuluka amano.+
9 Amano wesidlhadlha asisono,
Begodu abantu bayasinyenya isinyefuli.+
10 Nangabe uyadana ngelanga lokugandeleleka,
Uzokuphela amandla.
11 Hlenga labo abasiwa ekufeni,
Ubambe labo abasengozini yokubulawa.+
12 Nange uthi, “Kodwana besingazi ngalokhu,”
Kghani ohlolisisa iinhliziyo bekazi ngakho?+
Iye, Loyo okubonako uzokwazi
Begodu uzokubuyisela umuntu ngamunye ngokwemisebenzakhe.+
13 Ndodanami, yidla iliju ngombana limnandi;
Iliju elithontako limnandi emlonyeni.
14 Ngokufanako, yazi bona ukuhlakanipha kukulungele.+
Nange ukufumana uzokuba nengomuso
Nethemba lakho angekhe liqedwe.+
15 Ungakhukhutheli indlu yolungileko ngomnqopho okhohlakeleko;
Ungatjhabalalisi indawakhe yokuphumula.
16 Ngombana olungileko angawa kalikhomba begodu uzokuvuka,+
Kodwana abakhohlakeleko bazokuwiswa yihlekelele.+
17 Inaba lakho naliwako, ungathabi,
Begodu naliwako, ungavumeli ihliziywakho ithabe;+
18 Nakungasinjalo, uJehova uzokubona begodu angekhe athabe,
19 Ungadani* ngebanga labantu abenza okumbi;
Ungabi nomona ngabantu abakhohlakeleko,
20 Ngombana akunathemba ngomuntu owenza okumbi;+
Isibani sokhohlakeleko sizokucinywa.+
21 Ndodanami, saba uJehova nekosi.+
Ngubani owaziko ukuthi ngiyiphi ihlekelele bobabili* abazobalethela yona?+
23 Amezwi la nawo ngewabahlakaniphileko:
Akukalungi ukukhethulula nawahlulelako.+
24 Nanyana ngubani othi kokhohlakeleko, “Ulungile,’+
Uzokuqalekiswa babantu begodu alahlwe ziintjhaba.
25 Kodwana kuzobakhambela kuhle labo abamsolako;+
Iimbusiso zezinto ezihle zizokwehlela phezu kwabo.+
26 Abantu bazokumanga umlomo waloyo ophendula ngokuthembeka.*+
27 Lungisa umsebenzakho wangaphandle, begodu ulungiselele koke esimini;
Ngemva kwalokho wakhe indlwakho.
28 Ungafakazi ngokujamelene nomakhelwanakho ngaphandle kweenzathu.+
Ungasebenzisi iindebe zakho bona ukhohlise abanye.+
29 Ungathi: “Ngizokwenza kuye njengombana enze kimi;
Ngizombuyiselela ngalokho akwenzileko.”+
30 Ngidlule ngesimini yevila,+
Ngesimini yamadiribe yomuntu onganangqondo.
32 Ngakuqala lokhu, ngakufaka ehliziyweni;
Ngakubona bengafunda nasi isifundo:
33 Ukulala kancani, ukuyenda kancani,
Ukusonga izandla kancani bona uphumule,
34 Umtlhagwakho uzokufika njengesela,
Ukutlhoga kwakho kuzokusahlela njengendoda ehlomileko.+
25 Nalezi zizaga zakaSolomoni,+ abantu bakaHezekiya+ ikosi yakwaJuda abazikopululako:
2 Kuyiphazimulo kaZimu ukubamba ifihlo,+
Begodu kuyiphazimulo yamakhosi ukuhlolisisa ngendaba.
3 Njengombana izulu liphakeme nephasi lizikile,
Injalo ihliziyo yamakhosi ayiphenyeki.
4 Umuntu nakasusa okungakahlwengeki phezu kwesiliva,
Isiliva lizokuhlwengeka khulu.+
5 Susa okhohlakeleko phambi kwekosi,
Begodu ubukhosi bayo buzokuqina, izokubusa ngobulungisa.+
6 Ungaziphakamisi phambi kwekosi,+
Begodu ungahlali hlangana nabantu abadumileko,+
7 Ngombana kungcono bona ithi kuwe, “Yewize uzokuhlala la,”
Kunokobana uzihlazise phambi kwesikhulu.+
8 Ungarhabeli ukusa indabakho ekhotho,
Ngombana uzokwenzani umakhelwanakho nakakuhlazisako ngokukhamba kwesikhathi?+
9 Lungisa indaba nomakhelwanakho,+
Kodwana ungavezi iimfihlo zabanye,+
10 Ngombana okulaleleko uzokuhlazisa
Nombiko omumbi owurhatjhako angekhe ubuyele emuva.
11 Njengama-abhula wegolide esikotlelweni sesiliva
Linjalo ilizwi elikhulunywa ngesikhathi esifaneleko.+
12 Njengecici legolide nomkghabiso wegolide elihlungiweko
Kunjalo ukusola kohlakaniphileko endlebeni ezwako.+
13 Njengamakhaza wegabhogo ngelanga lokuvuna
Sinjalo isithunywa esithembekileko kilabo abasithumileko,
Ngombana sivuselela ikosaso.+
14 Njengamafu nomoya onganisi izulu
Unjalo umuntu ozikhakhazisa ngokuthi uzokunikela isipho kodwana angasinikeli.+
15 Umrholi uhlulwa ngokubekezela,
Nelimu elithambileko lingaphula ithambo.+
16 Nange ufumana iliju, idla kwaphela olitlhogako,
Ngombana nawungathatha elinengi, ungalihlanza.+
17 Ungasolo uya endlini kamakhelwanakho,
Bona angadinwa nguwe bekakuhloye.
18 Njengenondo yepi, isabula nomcibitjholo obukhali
Unjalo umuntu ofakaza amala ngomakhelwanakhe.+
19 Njengezinyo eliphukileko namkha inyawo elihluzako
Kunjalo ukuthembela emuntwini ongakathembeki* ngelanga lokugandeleleka.
20 Njengomuntu ohlubula isambatho nakumakhaza
Nanjengeviniga ethelwa phezu kwesoda*
Unjalo umuntu obhinela ihliziyo edanileko iingoma.+
21 Nange inaba lakho lilambile, liphe uburotho lidle;
Nange lomile, liphe amanzi lisele,+
22 Ngombana uzabe upakelanisa amalahle atjhisako ehlokwalo,+
Begodu uJehova uzokubusisa.
23 Umoya ovela etlhagwini uletha izulu,
Nelimi elihlebako lenza abantu basilingeke.+
24 Kungcono ukuhlala ekhoneni lephahla
Kunokuhlala endlini yinye nomfazi othanda ukuphikisana.+
26 Njengomthombo onedaka nepetsi eyoniweko
Unjalo umuntu olungileko ohlengezela phambi kokhohlakeleko.
28 Umuntu ongakghoni ukulawula ilaka lakhe,
Ufana nedorobho amabodalo agiriziweko.+
26 Akukafuzi likhithike ehlobo namkha line ngesikhathi sokuvuna.
Ngendlela efanako umuntu osidlhayela akukafuzi ahlonitjhwe.+
2 Njengombana inyoni inebanga lokubaleka nekonjani inebanga lokuphapha,
Ngokunjalo nesiqalekiso asizi ngaphandle kwebanga lamambala.
4 Ungaphenduli isidlhadlha ngokuvumelana nobudlhadlha baso,
Bona ungazibeki ezingeni laso.
5 Phendula isidlhadlha ngokuvumelana nobudlhadlha baso,
Bona singacabangi ukuthi sihlakaniphile.+
6 Njengomuntu olimaza iinyawo zakhe bona arholophale
Unjalo umuntu onikela isidlhadlha okuthileko bona sikutlhogomele.
7 Njengemilenze ehluzako yorholopheleko,
Sinjalo nesaga emilonyeni yabantu abaziindlhayela.+
8 Njengokubophela ilitje esarwayini,
Kunjalo ukunikela umuntu osidlhayela iphazimulo.+
9 Njengomuthi wameva ofumaneka esandleni sesidakwa,
Sinjalo isaga esifumaneka emlonyeni wabantu abaziindlhayela.
10 Njengomdumuzi wemisubela olimaza woke umuntu,
Unjalo umuntu oqatjha isidlhayela namkha abantu abazidlulelako.
11 Njengombana inja ibuyela emahlanzwenayo
Umuntu osidlhadlha ubuyelela ubudlhadlha bakhe.+
12 Ukhe wambona umuntu ocabanga ukuthi uhlakaniphile?+
Kulula ukusiza isidlhayela kunokusiza yena.
13 Ivila lithi: “Kunebhubezi elincani endleleni,
Kunebhubezi etatawini!”+
14 Umnyango usolo uya ngapha nangapha,
Nevila lisolo lenza njalo embhedenalo.+
15 Umuntu ovilaphako ufaka isandla sakhe ngesitjeni,
Kodwana udinwe khulu bona asise emlonyeni.+
16 Umuntu ovilaphako ucabanga ukuthi uhlakaniphe khulu
Ukudlula abantu abalikhomba abanikela ipendulo ezwakalako.
18 Njengehlanya elidumuza imisubela evuthako, imicibitjholo nokufa
19 Unjalo umuntu okhohlisa* umakhelwanakhe athi, “Bengidlala!”+
20 Nakunganankuni umlilo uyacima,
Nalapho kunganamuntu ohlebako, ipi iyaphela.+
21 Njengamalahle amatjha emalahleni avuthako neenkuni emlilweni,
Kunjalo ngomuntu obanga ipikiswano, ubaselela ukulwa.+
22 Amezwi womhlebi anjengokudla okumnandi;
Ayaginywa atjhinge ngemathunjini.+
23 Njengomtshidzo wesiliva omanyazelako esitjeni esenziwe ngebumba
Anjalo amezwi wethando avela ehliziyweni embi.+
24 Loyo ohloya abanye usebenzisa amezwi bona afihle ihloywakhe,
Kodwana ngaphakathi ufukamele ikohliso.
25 Ngitjho nanyana akhuluma ngomusa, ungamthembi,
Ngombana kunezinto ezilikhomba ezinyenyisako ehliziywenakhe.
26 Nanyana umuntu angasebenzisa amala bona afihle ihloywakhe,
Izenzo zakhe ezimbi zizokwambulwa ebandleni.
27 Loyo ogubha umgodi uzokuwela kiwo,
Naloyo ogeda ilitje, lizokubuya kuye.+
28 Loyo okhuluma amala uhloye loyo okhohlisiweko,
Begodu umlomo otshimako ubanga ihlekelele.+
27 Ungazikhakhazisi ngalokho ozokwenza kusasa,
Ngombana awazi ukuthi ilangelo lizokulethani.+
2 Akube ngomunye umuntu okudumisako, ingasi umlomakho;
3 Ilitje libudisi, ihlabathi ibudisi,
Kodwana ukusilingeka okubangelwa sidlhadlha kubudisi ukudlula kokubili.+
4 Ilaka linelunya begodu litjhabalalisa njengesikhukhula,
Kodwana umona mumbi khulu ukudlula lokhu.+
5 Kungcono ukulungisa umuntu ngokutjhaphulukileko kunokuba nethando kodwana ungalitjengisi.+
6 Kungcono ukuzwa ubuhlungu ngebanga lokusolwa mngani othembekileko,+
Kunokutjengiswa umusa mumuntu olinaba.
7 Osuthiko ujikisa iliju elithontako,
Kodwana kolambileko ngitjho nokubabako kumnandi.
8 Njengenyoni ebalekela isidleke sayo
Unjalo-ke nomuntu obalekela indawo ahlala kiyo.
9 Amafutha nepepho kuthabisa ihliziyo;
Kunjalo nangobungani obuvela eselulekweni esithembekileko.+
10 Ungamlahli umnganakho namkha umngani kayihlo,
Begodu ungangeni endlini yomfowenu ngelanga lehlekelelakho;
Ungcono umakhelwane oseduze kunomfowenu okude.+
12 Umuntu ohlakaniphileko ubona ingozi, abhace,+
Kodwana onganalemuko uya kiyo begodu aqalane nemiphumela.
13 Thatha isambatho somuntu nange abhadela isikolodo somuntu angamaziko;
Thatha okuthileko kuye kube sibambiso nange enzela umfazi ovela kwenye inarha.+
14 Umuntu nakalotjhisa umakhelwanakhe ngelizwi eliphakemeko ekuseni,
Lokho kuzokuqalwa njengesiqalekiso kuye.
15 Umfazi othanda ukuphikisana unjengephahla elisolo linethela nakuna izulu.+
16 Nanyana ngubani ongamvimba angavimba umoya
Begodu angabamba amafutha ngesandla sakhe sokudla.
17 Njengombana isimbi ilola enye isimbi,
Ngokunjalo nomuntu ulola ubuso bomnganakhe.+
19 Njengombana amanzi atjengisa ubuso bomuntu,
Ngokunjalo ihliziyo yomuntu itjengisa ihliziyo yomunye.
21 Njengombana ipoto yokuhlunga ngeyesiliva nomlilo ngewegolide,+
Ngokunjalo umuntu ulingwa ngedumo alifumanako.
22 Ngitjho nanyana ungabetha isidlhadlha
Njengalokha nawugaya ikoroyi ngesitjeni,
Ubudlhadlha baso angekhe busuke kiso.
23 Kufuze uwazi kuhle umhlambakho.
Tlhogomela izimvu zakho,+
24 Ngombana umnotho awuhlali ngokungapheliko,+
Ngitjho nesihlohlo asihlali eenzukulwaneni zoke.
25 Utjani obuhlaza buyatjhabalala, kumila utjani obutjha,
Iintjalo zeentabeni zibuthelelwe ndawonye.
26 Amaramu amancani akunikela izambatho,
Neempongo zikunikela inani lesimu.
27 Kuzokuba nebisi elinengi leembuzi bona likondle,
Londle umndenakho neensebenzi zakho ezisikazi.
28 Abakhohlakeleko bayabaleka nalokha kunganamuntu obagijimisako,
Kodwana abalungileko banesibindi njengebhubezi.+
2 Nakunomtjhapho enarheni, amakhosana azokutjhentjhwa kanengi,+
Kodwana ngesizo lomuntu onelemuko nelwazi, ikosana izokukghodlhelela isikhathi eside.+
3 Umuntu otlhagako nakadlelezela odududu+
Unjengezulu elikhukhula koke ukudla.
4 Labo abalahla umthetho badumisa okhohlakeleko,
Kodwana labo abawuphethako bayasilingeka ngebanga labo.+
5 Abantu abambi ababuzwisisi ubulungiswa,
Kodwana labo abafuna uJehova bangazwisisa yoke into.+
6 Ungcono umuntu otlhagako okhamba ngokuthembeka
Kunomuntu onjingileko oneendlela ezonakeleko.+
7 Indodana ezwisisako iphetha umthetho,
Kodwana umngani wabadla khulu uhlazisa uyise.+
8 Owandisa umnothwakhe ngenzalo+ nangokwenza inzuzo
Umnothwakhe uzokuba ngewaloyo onomusa kotlhagako.+
9 Loyo owala ukulalela umthetho
Nomthandazwakhe uyanyenyisa.+
10 Loyo odurhisela olungileko endleleni embi uzokuwela esithiyweni esibekwe nguye,+
Kodwana omsulwa uzokuzuza okulungileko.+
11 Umuntu onjingileko uhlakaniphile emehlwenakhe,+
Kodwana umuntu otlhagako onelemuko angafumana iqiniso ngaye.+
12 Abantu abalungileko nabaphumelelako, kuba nephazimulo ekulu,
Kodwana abakhohlakeleko lokha babanamandla, abantu bayabhaca.+
13 Ofihla umtjhaphwakhe angekhe aphumelele,+
Kodwana nanyana ngubani owuvumako bekawulahle uzokufumana umusa.+
14 Uyathaba umuntu ohlala atjheje ukuziphatha kwakhe,
Kodwana nanyana ngubani oqinisa ihliziywakhe uzokuwela ehlekeleleni.+
15 Njengebhubezi elibhodlako nebhere esilingekileko egijimela ukuyokulwa
Unjalo umbusi okhohlakeleko ebantwini abagandelelwako.+
16 Umrholi onganalemuko uwasebenzisa kumbi amandlakhe,+
Kodwana loyo ohloya inzuzo engakathembeki uzokwandisa ukuphila kwakhe.+
17 Umuntu othweswe umlandu weengazi ngokubulala umuntu uzokuhlala abaleka bekube sethuneni.+
Akungabi nomuntu omvimbako.
18 Umuntu okhamba ngokungasoleki uzokusindiswa,+
Kodwana loyo iindlela zakhe ezingakathembeki uzokuwa kungakalindeleki.+
19 Loyo olima ihlabathakhe uzokuba noburotho obunengi,
Kodwana loyo olandelela izinto ezingasizi ngalitho uzokutlhaga khulu.+
20 Umuntu othembekileko uzokufumana iimbusiso ezinengi,+
Kodwana loyo orhaba ubunjinga angeze ahlale amsulwa.+
21 Akukalungi ukukhethulula;+
Kodwana umuntu angenza ubumbi obunjalo bonyana afumane isiqetjhana soburotho.
22 Umuntu omarhamaru ulwela ukufumana umnotho,
Kodwana akazi bona uzokwehlelwa mtlhago.
23 Nanyana ngubani okhalima umuntu+ uzokufumana umusa omkhulu ngemva kwesikhathi+
Ukudlula umuntu otshima ngelimu lakhe.
24 Nanyana ngubani odlelezela uyise nonina athi, “Akusikumbi,”+
Umngani womuntu obangela ihlekelele.+
25 Umuntu omarhamaru ubanga ukungazwani,
Kodwana nanyana ngubani othembela kuJehova uzokuphumelela.+
26 Nanyana ngubani othemba ihliziywakhe usidlhadlha,+
Kodwana loyo okhamba ngokuhlakanipha uzokuphunyurha.+
27 Nanyana ngubani opha abatlhagako angekhe atlhoge litho,+
Kodwana nanyana ngubani ongabasizi uzokufumana iinqalekiso ezinengi.
28 Abakhohlakeleko lokha babanamandla, umuntu uyazifihla,
Kodwana nabatjhabalalako, abalungileko bayanda.+
29 Umuntu oba nekani ngemva kobana akhalinywe kanengi+
Uzokuphuka kungakalindeleki begodu angekhe asalapheka.+
2 Abalungileko nababanengi, abantu bayathaba,
Kodwana nakubusa okhohlakeleko, abantu bayanghonghoyila.+
3 Umuntu othanda ukuhlakanipha uthabisa uyise,+
Kodwana oragela phambili azihlanganisa neengwadla umotjha umnothwakhe.+
4 Ngobulungiswa ikosi inzinzisa inarha,+
Kodwana umuntu ofuna ukufunjathiswa uyilethela ihlekelele.
5 Umuntu otshima umakhelwanakhe
Ubekela iinyawo zakhe inede.+
7 Olungileko utshwenyeka ngamalungelo wabatlhagako angokomthetho,+
Kodwana okhohlakeleko akatshwenyeki ngalokho.+
9 Umuntu ohlakaniphileko nakaphikisana nesidlhadlha,
Isidlhadlha sizokuthaba begodu sihleke, umuntu ohlakaniphileko angekhe abe nokuthula.+
12 Umbusi nakalalela amala,
Zoke iinsebenzi zakhe zizokukhohlakala.+
13 Umuntu otlhagako nogandelelako bafana ngalokhu:
UJehova unikela amehlwabo bobabili ukukhanya.*
15 Iswazi nokusola kunikela ukuhlakanipha,+
Kodwana umntwana ongakhalinywako uhlazisa unina.
16 Abakhohlakeleko nabandako, umtjhapho uyanda,
Kodwana abalungileko bazokubona ukuwa kwabo.+
17 Khalima indodanakho izokulethela ukuthula;
Begodu izokwenza uthabe khulu.+
19 Isisebenzi angeze sivume ukulungiswa ngamezwi,
Ngombana nanyana sizwisisa, asilaleli.+
20 Ukhe wambona umuntu okhuluma angakacabangi?+
Kunethemba ngesidlhadlha kunaye.+
21 Nange isisebenzi sitotoswa kusukela ebutjheni baso,
Angeze sithokoze ngokukhamba kwesikhathi.
23 Ukuzikhakhazisa komuntu kuzomenza athobeke,+
Kodwana nanyana ngubani onommoya othobekileko uzokufumana iphazimulo.+
24 Okhambisana nesigebengu uyazihloya.
Angabizwa bona azokufakaza kodwana angabiki litho.+
27 Umuntu onganabulungiswa uyanyenyisa kolungileko,+
Kodwana loyo owenza okulungileko uyanyenyisa kokhohlakeleko.+
30 Umlayezo oqakathekileko wamezwi ka-Aguri indodana kaJakhe, awakhuluma ku-Itiyeli, ku-Itiyeli noYukhali.
2 Ngimumuntu ongatjhejiko ukudlula abanye abantu,+
Begodu anginakho ukuzwisisa umuntu ekufuze abe nakho.
3 Angikafundi ukuhlakanipha,
Begodu anginalo ilwazi laloyo oCwengeke Khulu.
4 Ngubani owakhuphukela ezulwini ngemva kwalokho wehla?+
Ngubani owabuthelela umoya etendeni yezandla zakhe zombili?
Ngubani ophuthele amanzi ngesambatho sakhe?+
Ngubani odzimelelise woke amaphethelo wephasi?+
Ngubani igama lakhe begodu ngubani igama lendodanakhe, nange wazi?
5 Woke amezwi kaZimu amsulwa.+
Usiviko kilabo abaphephela kuye.+
7 Zimbili izinto engizibawa kuwe,
Ungangidimi zona ngaphambi kobana ngihlongakale.
8 Susa okungasiliqiniso nokumamala kube kude nami.+
Ngibawa ungangenzi ngitlhage namkha nginjinge.
Ungangenzi ngitlhage, ngebe bengihlazise
igama lakaZimami.
10 Ungasihlebi isisebenzi ekosinaso,
Bona singakuqalekisi ube mlandu.+
11 Kunesizukulwana esiqalekisa uyise
Begodu esingabusisi unina.+
12 Kunesizukulwana esimsulwa emehlwenaso+
Kodwana asikahlwengiswa ekusilaphaleni kwaso.
13 Kunesizukulwana esinamehlo azikhakhazisako
Begodu siqalela abanye phasi!+
14 Kunesizukulwana esinamazinyo aziinsabula
Nesinemihlathi emimikhwa ebulalako;
Sirhiribidela abadududu bephasini
Nabatlhagako hlangana nabantu.+
15 Iimbungu* zinamadodakazi amabili arhuwelela athi: “Ngipha! Ngipha!”
Kunezinto ezintathu ezinganelisekiko,
Ezine ezingakhenge zithi, “Kwanele!”
17 Ilihlo elihleka uyise nelidelela ukulalela umma+
Amagubulu womrhoba azolikhupha,
Begodu amakhozi amancani azolidla.+
18 Kunezinto ezintathu ezingirarako,
Begodu kunezine engingazizwisisiko:
19 Indlela yekhozi ezulwini,
Indlela yenyoka elitjeni,
Indlela yomkhumbi elwandle elivulekileko,
Nendlela yendoda nayinentombi.
20 Le yindlela yomfazi ofebako:*
Uyadla asule umlomakhe;
Ngemva kwalokho athi, “Angikenzi litho elimbi.”+
21 Kunezinto ezintathu ezenza iphasi lihlengezele
Nezinto ezine elingakghoni ukuzikghodlhelela:
22 Lokha isigqila nasiyikosi,+
Lokha isidlhadlha nasidla khulu,
23 Lokha umfazi ongathandwako nakatjhadwako,
Nesisebenzi esisikazi sithatha indawo yomphathaso.+
24 Kunezinto ezine ezincani ephasini,
Kodwana zihlakaniphe khulu:+
25 Abotjhontjhwani ziimbunjwa ezinganamandla,
Nanyana kunjalo balungiselela ukudla kwabo ehlobo.+
28 Unokghadanyana+ unamathela ngeenyawo zakhe
Begodu utjhinga esigodlweni sekosi.
29 Kunezinto ezintathu ezikarisako ukuzibukela,
Ezine ezikarisako nazikhambako:
30 Ibhubezi linamandla khulu hlangana neembandana,
Aliyi emva nalibona umuntu;+
31 Iketsi; ipongo;
Nekosi ekhamba nebutho layo.
32 Nangabe ngobudlhadlha khewaziphakamisa+
Namkha wahlela ukwenza njalo,
Beka isandla sakho emlonyenakho.+
33 Njengombana ukurura ibisi kuveza ibhodoro
Nokugandelela ipumulo kuveza iingazi,
Yeke ukusilingeka kubanga ukulwa.+
31 Amezwi wekosi uLemuweli, umlayezo oqakathekileko awunikelwa ngunina bona amfundise:+
2 Kufuze ngithini kuwe, ndodanami,
Kufuze ngithini, ndodana yesibeletho sami,
Begodu kufuze ngithini, ndodana yeemfungo zami?+
4 Akusingekwamakhosi Lemuweli,
Akusingekwamakhosi ukusela iwayini
Namkha ababusi ukuthi, “Siphi isiselo sami?”+
5 Bona bangaseli bebakhohlwe umthetho
Begodu batjhugulule amalungelo wabantu abadududu.
7 Abasele, bakhohlwe ngomtlhagwabo;
Bangasayikhumbula imirarwabo.
8 Khulumela labo abangakghoni ukuzikhulumela;
Vikela amalungelo wabo boke abatjhabalalako.+
9 Khuluma begodu wahlulele ngokulunga;
Vikela amalungelo wabadududu newabatlhagako.+
א [Aleph]
10 Ngubani ongafumana umfazi onekghono?+
Uligugu ukudlula amakhorali.*
ב [Beth]
11 Indodakhe imthemba khulu,
Begodu ayitlhogi litho.
ג [Gimel]
12 Uyinikela umvuzo omuhle, ingasi okumbi,
Ukuphila kwakhe koke.
ד [Daleth]
13 Ufumana iwulu nelineni;
Uyakuthabela ukusebenza ngezandla zakhe.+
ה [He]
14 Unjengemikhumbi yomrhwebi,+
Uletha ukudla kwakhe akuthethe kude.
ו [Waw]
ז [Zayin]
16 Ucabanga ngesimu begodu ayithenge;
Utjala isimu yamadiribe ngalokho izandla zakhe ezikuzuzileko.
ח [Heth]
17 Uzilungiselela ukusebenza budisi,+
Usebenzisa imikhonwakhe ngamandla emsebenzinakhe.
ט [Teth]
18 Uyabona ukuthi ukurhweba kwakhe kunenzuzo;
Isibani sakhe asicimi ebusuku.
י [Yod]
19 Uthatha isigodo,
Enze iwulu azoyisebenzisa.+
כ [Kaph]
20 Ululela itende yesandla sakhe kwabadududu,
Begodu uvula izandla zakhe kwabatlhagako.+
ל [Lamed]
21 Akatshwenyeki ngomndenakhe nalikhithikako,
Ngombana umndenakhe woke wembethe izambatho ezifuthumeleko.
מ [Mem]
22 Uzenzela amatjhila wokuleka umbhede.
Izambatho zakhe ngezelineni newulu esipiridzana.
נ [Nun]
ס [Samekh]
24 Wenza izambatho zelineni, azithengise
Begodu athengisele abarhwebi amabhande.
ע [Ayin]
25 Wembathiswe amandla nephazimulo,
Begodu uqale ingomuso ngesibindi.
פ [Pe]
26 Uvula umlomakhe ngokuhlakanipha;+
Umthetho womusa uselimini lakhe.
צ [Tsade]
27 Utjheja koke okwenzekako emndeninakhe,
Begodu akabudli uburotho bobuvila.+
ק [Qoph]
28 Abantwabakhe bayasikima bathi uthabile;
Indodakhe iyasikima, imdumise.
ר [Resh]
29 Banengi abafazi abanekghono,
Kodwana wena ubadlula boke.
ש [Shin]
ת [Taw]
NgesiHebheru, “sazi.”
Namkha “ungawunyazi umthetho kanyoko.”
Namkha “njengeTjhiyoli.” Qala Ihlathululo.
Namkha “Buyani nanginikhalimako.”
Qala Ihlathululo.
Kungenzeka loyo ohlukaniswe noZimu ngebanga lokuziphatha kumbi.
Namkha “ayengako.”
Kungenzeka loyo ohlukaniswe noZimu ngebanga lokuziphatha kumbi.
Namkha “ungawukhohlwa umthethwami.”
Namkha “Ungasami.”
Qala Ihlathululo.
Kungenzeka kuqaliselwe ebuntwini bakaZimu ekukhulunywe ngabo emavesini adlulileko.
Namkha “umthethwami.”
Qala IzA 2:16.
Namkha “eTjhiyoli.” Qala Ihlathululo.
Namkha “phambi kwebandla.”
Qala IzA 2:16.
Qala IzA 2:16.
Namkha “ungawunyazi umthetho kanyoko.”
Qala IzA 6:24.
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
Qala IzA 2:16.
Qala IzA 2:16.
Namkha “ayengako.”
Namkha “eTjhiyoli.” Qala Ihlathululo.
NgesiHebheru, “iindebe.”
Qala Ihlathululo.
Namkha “kweTjhiyoli.” Qala Ihlathululo.
Namkha kungenzeka, “usendleleni eya ekuphileni.”
Namkha “ukudana; ubudisi.”
Namkha “uzihlazisa yena.”
Qala Ihlathululo.
NgesiHebheru, “alindele ukuphalaza iingazi.”
Namkha “ohleka ubudlhadlha.”
Namkha kungenzeka “uyikhalima msinya.”
Namkha kungenzeka “abaziindlhadlha bakhohlisa abanye.”
Namkha “nokulungisa indaba.”
Namkha “ithando elithembekileko.”
NgesiHebheru, “Ihliziyo yomuntu ozwisisako, iyathula ngokuhlakanipha kwakhe.”
NgesiHebheru, “iphula ummoya.”
Namkha “ITjhiyoli.” Qala Ihlathululo.
Namkha “i-Abadoni.”
Namkha “eTjhiyoli.” Qala Ihlathululo.
Namkha “ihlazo.”
Namkha “Ngethando elithembekileko.”
NgesiHebheru, “Ummoya wokuzikhakhazisa urholela.”
NgesiHebheru, “imihlatjelo.”
Namkha “ababelethi.”
Namkha “ebantwaneni.”
Namkha “womisa amathambo.”
Namkha kungenzeka “lizokufuna ngesikhathi sokuvuna kodwana lingafumani litho.”
Qala Ihlathululo.
Namkha “Ithando elithembekileko.”
Namkha “Ngethando elithembekileko.”
Namkha kungenzeka “kilabo abafuna ukufa.”
Qala IzA 2:16.
NgesiHebheru, “Beka umukhwa emphinjenakho.”
Namkha “Ungayami ekuzwisiseni kwakho.”
Namkha “eTjhiyoli.” Qala Ihlathululo.
Qala IzA 2:16.
Kutjho inaba.
Namkha “ungasilingeki.”
Kutjho uJehova nekosi.
Namkha kungenzeka “Ukuphendula ngendlela enqophileko kunjengokumanga.”
Namkha kungenzeka “okhohlisako.”
Isoda mhlobo othileko wetswayi elisetjenziselwa ukuhlwengisa nokuvasa.
Qala Ihlathululo.
Namkha kungenzeka “ongena ipi.”
Namkha “owenza amaqhinga alimazako kumakhelwanakhe.”
NgesiHebheru, “Akube mumuntu ovela kwenye inarha.”
Namkha “ITjhiyoli ne-Abadoni.”
Namkha kungenzeka “Olungileko ufuna ukuvikela ukuphila kwakhe.”
Kutjho ukuthi ubanikela ukuphila.
Namkha kungenzeka “bafuna umusa wombusi.”
Mhlobo othileko wesibungu ohlala emanzini esimunya iingazi nasinamathela abantu namkha iinlwana.
Namkha “ITjhiyoli.” Qala Ihlathululo.
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
Qala Ihlathululo.
Namkha kungenzeka “umsebenzi.”