INGOMA YEENGOMA
1 Ingoma yeengoma zakaSolomoni:+
3 Amafuthakho anuka kamnandi.+
Igama lakho linjengamafutha anuka kamnandi athelwa ehloko.+
Kungebangelo iintombi zikuthanda.
4 Ngithatha ngikhambe nawe; asibaleke.
Ikosi ingingenise ngeenkumbeni zayo ezingaphakathi!
Asithabe begodu sijekezele ngawe.
Asikhulume ngezenzo zethando, ithando lakho lingcono kunewayini.
Ngokuqinisekileko ziyakuthanda.*
5 Ngimnyama kodwana ngimuhle, madodakazi weJerusalema,
Nginjengamatende weKedari,+ njengamatjhila+ wamatende kaSolomoni.
6 Ningangiqali ngombana ngimnyama
Ngombana ngitjhiswe lilanga.
Abafowethu bebasilingekile ngebanga lami;
Bangibeke bona ngiyokutlhogomela amasimu wamadiribe,
Kodwana yami akhenge ngiyitlhogomele.
Kubayini kufuze ngibe njengomfazi oziphuthele ngetjhila*
Hlangana nemihlambi yabangani bakho?”
8 “Nangabe awazi wena siphalaphala,
Landela imitlhala yomhlambi
Begodu welusele iimbuzana zakho eduze namatende wabelusi.”
9 “Unjengenjomani ehle hlangana neenkarana zakaFaro, sithandwa sami.+
10 Imihlathakho mihle ngezinto zokuzikghabisa,*
Intamakho ikghatjiswe ngemincamo.
11 Sizokwenzela imikghabiso yegolide
Efakwe imincamo yesiliva.”
13 Isithandwa sami sinjengesikhwama semire enuka kamnandi+
Sizokuhlala hlangana namabelami ebusuku.
15 “Qala! Umuhle sithandwa sami.
Qala! Umuhle. Amehlwakho anjengewamajuba.”+
16 “Qala! Umuhle sithandwa sami begodu uyathabisa.+
Umbhedethu uhlangana namakari.
17 Iingodo zendlwethu zenziwe ngomuthi womsedari,
Iphahla lethu lenziwe ngemithi yomjunipha.
2 “Njengethuthumbo hlangana nameva
Sinjalo nesithandwa sami hlangana neentombi.”
3 “Njengomuthi wama-abhula hlangana nemithi yehlathini,
Sinjalo-ke nesithandwa sami hlangana namasokana.
Ngikhanukela khulu ukuhlala ngaphasi komthunzaso,
Begodu ngathabela isithelo saso esimnandi.
4 Singilethe ngendlini yewayini,
Begodu boke bebabona ukuthi siyangithanda.
6 Isandla sakhe sangesinceleni singaphasi kwehlokwami
Begodu isandla sakhe sangesidleni siyangigona.+
Ningalingi ukuvusa ithando kimi lingakakhanuki ukuvuka.+
8 Ngizwa itjhada lesithandwa sami!
Qala! Nasi siyeza,
Sikhuphuka iintaba, seqa nemibundu.
9 Isithandwa sami sinjengeqina, iqina elincani eliduna.+
Qala! Sijame ngemva kweboda lethu,
Siqale ngamafesidere,
Sihlole eentunjeni zamafesidere.
10 Isithandwa sami sithi kimi:
‘Sikima sithandwa sami esihle,
Khamba nami.
11 Qala! Ubusika budlulile.
Izulu lidlulile begodu likhambile.
12 Kuvele amathuthumbo enarheni,+
Isikhathi sokuthena sifikile,+
Nengoma yejuba izwakala enarhenethu.+
13 Umuthi wamafeyi uvuthise amafeyi wawo wokuthoma;+
Amasimu wamadiribe aveza amathuthumbo begodu akhupha umnuko omnandi.
Sikima sithandwa sami esihle,
Khamba nami.
14 Maye! Juba lami elisedwaleni elifihlekileko,+
Endaweni esithekileko yeliwa,
15 “Sibambela iimpungutjha,
Iimpungutjha ezincani ezona amasimu wamadiribe,
Ngombana amasimethu wamadiribe aveza amathuthumbo.”
16 “Isithandwa sami singesami begodu mina ngingewaso.+
Siyalusa+ hlangana namathuthumbo.+
17 Bekubethe nomoya nemithunzi inyamalale,
Buya msinya sithandwa sami,
Njengeqina+ namkha iqina elincani+ eliduna eentabeni ezihlangana nathi.
3 “Qobe ebusuku nangisembhedenami,
Ngafuna engimthandako.+
Ngakhanukela ukuba naye, kodwana bekangekho.+
2 Ngizokuvuka ngikhambakhambe edorobheni;
Eendleleni nematatawini,
Ngifune loyo engimthandako.
Ngamfuna kodwana akhenge ngimfumane.
3 Abonogada ebebabhoda idorobho bangifumana, ngababuza ngathi,+
‘Khenambona na engimthandako?’
4 Bengingakadluli kibo
Lokha nangifumana engimthandako.
Ngambamba akhenge ngimlise
Bekwaba kulapho ngingena naye ngendlini kamma,+
Ekumbeni engaphakathi yaloyo owangibelethako.
5 Fungani kimi, madodakazi weJerusalema,
Ngamaqina asikazi wemmangweni:
Ningalingi ukuvusa ithando kimi lingakakhanuki ukuvuka.”+
6 “Yini le ekhuphuka emmangweni efana namafu wentuthu,
Enuka imire nepepho emhlophe,
Nawo woke amakha anuka kamnandi womrhwebi?”+
7 “Qala! Sihlalo sakaSolomoni.
Sibhodwe ziingorho ezimatjhumi asithandathu,
Iingorho zakwa-Israyeli,+
8 Zoke zihlome ngeensabula
Zibandulelwe ipi.
Enye nenye iphethe isabula ngehlangothini layo
Ukwenzela bona zilungele ukuqalana nananyana yini esahlelako ebusuku.”
10 Iinsika zaso bekazenze ngesiliva,
Iinsekelo zaso ngegolide.
Ubuhlalo baso ngewulu esipiridzana;
Ingaphakathi laso belikghatjiswe kuhle
Madodakazi weJerusalema.”
11 “Phumani madodakazi weZiyoni,
Nibukele iKosi uSolomoni
Imbethe isihlohlo somtjhado unina+ amenzele sona
Ngelanga lomtjhadwakhe,
Ngelanga lokuthaba kwehliziywakhe.”
4 “Qala! Umuhle sithandwa sami.
Qala! Umuhle.
Amehlwakho anjengewamajuba ngemva kwetjhila eligubuzese ubuso bakho.
Iinhluthu zakho zinjengomhlambi weembuzi
Zehla eentabeni zeGiliyadi.+
2 Amazinywakho anjengomhlambi wezimvu eziqeda ukurhunwa
Ezibuya ekuhlanjisweni,
Zoke zinamaphahla,
Begodu ayikho nayinye elahlekelwe yimvanayo.
3 Umlomakho unjengerhara ebomvu,
Begodu indlela okhuluma ngayo iyathabisa
Imihlathakho injengengcenye yerharinada
Ngemva kwetjhila eligubuzese ubuso bakho.
4 Intamakho+ injengombhotjhongo kaDavida,+
Owakhiwe ngamatje abekwe kuhle
Okulengiswe kiwo iimviko eziyikulungwana,
Zoke iimviko eziyindulungu zeengorho.+
6 Bekube kulapho kubetha umoya nemithunzi inyamalala,
Ngizokuya entabeni yemire
Begodu ngiye embundwini wepepho emhlophe.”+
8 Khamba nami sisuke eLibhanoni makotami,
Khamba nami sisuke eLibhanoni.+
Yehla esiqongolweni se-Amana,
Esiqongolweni seSeniri, esiqongolweni seRherimoni,+
Eendaweni zamabhubezi neentabeni zezingwe.
9 Uyithumbile ihliziywami,+ dadwethu, makotami,
Uyithumbile ihliziywami ngokungithi rhedlu ngamehlwakho,
Ngengcenye yinye yomncamwakho.
10 Qala bona zihle kangangani izenzo zakho zethando,+ dadwethu, makotami!
Izenzo zakho zethando, zingcono khulu kunewayini,+
Begodu iphunga lamakhakho, lingcono khulu kunanyana ngisiphi isithako esinuka kamnandi!+
11 Umlomakho makotami, uthonta iliju.+
Ngaphasi kwelimu lakho kuneliju nebisi,+
Begodu umnuko wezambatho zakho unjengomnuko weLibhanoni.
12 Udadwethu, umakotami unjengesimu ekhiyelweko,
Isimu ekhiyelweko, umthombo ovaliweko.
13 Amahlumelakho* ayipharadesi yamarharinada
Neenthelo ezikhethekileko, neentjalo ezinuka kamnandi,* neentjalo zesipikenarada,*
14 Isipikenarada+ nesafroni, umhlanga*+ nesinamoni,+
Yoke imihlobo yemithi yepepho emhlophe, yemire neenkghopha,+
Nawo woke amakha anuka kamnandi khulu.+
15 Umthombo esimini, umthombo wamanzi ahlwengileko,
Nemilanjana egeleza isuka eLibhanoni.+
16 Vuka moya wetlhagwini;
Ngena moya wesewula.
Phefumulela phezu kwesimami.
Kwanga umnukwayo omnandi ungarhatjheka koke.”
“Isithandwa sami singeza esiminaso
Begodu sidle iinthelo zayo ezikhethekileko.”
5 “Ngingene esiminami,+
Dadwethu, makotami.
Ngakha imirami neenthako ezinuka kamnandi.+
Ngadla iliju lami elisehlakeni leenyosi;
Ngasela iwayini lami nebisi lami.”+
“Yenidle bangani bami abathandekako.”
Selani benidakwe zizenzo zethando!”+
2 “Ngilele kodwana ihliziywami ivukile.+
Ngizwa itjhada lesithandwa sami sikokoda!
‘Ngivulela dadwethu, sithandwa sami,
Juba lami, wena omsulwa!
Ngombana ihlokwami ithanjiswe mbethe,
Iinhluthu zami zizele umswakamo webusuku.’+
3 Ngihlubule isambatho sami.
Kufuze ngisimbathe godu?
Ngihlambe iinyawo zami.
Kufuze ngizisilaphaze ngehlabathi godu?
4 Isithandwa sami sabuyisela isandla saso emva entunjeni yomnyango,
Begodu ngathoma ukukhanukela ukuba naso.
5 Ngasikima bona ngivulele isithandwa sami;
Izandla zami bezithonta imire,
Begodu iminwami ithonta imire emamanzi,
Ithontela eembambweni zomnyango.
6 Ngavulela isithandwa sami,
Kodwana isithandwa sami, besesijikile sikhambile.
Ngadana nasikhambako.
Ngasifuna kodwana akhenge ngisifumane.+
Ngasibiza kodwana akhenge siphendule.
7 Abonogada ebebabhoda idorobho bangifumana.
Bangibetha bangilimaza.
Abonogada bamaboda, bangithathela ingutjanami.
8 Fungani kimi, madodakazi weJerusalema:
Nange ningafumana isithandwa sami,
Ngibawa nisitjele ukuthi ngiguliswa lithando.”
9 “Isithandwa sakho singcono ngani kunezinye,
Wena siphalaphala sentombi?
Isithandwa sakho singcono ngani kunezinye,
Bona usifungise ngendlela le?”
10 “Isithandwa sami sihle begodu sondlekile;
Sibonakala hlangana neenkulungwana ezilitjhumi.
11 Ihlokwaso injengegolide,
igolide lezinga eliphezulu.
Iinhluthu zaso zinjengamakari aphephukako wemithi yesundu,
Zimnyama njengegubulu.
13 Imihlathaso injengesimu yeentjalo ezinuka kamnandi,+
Injengeendunduma zeentjalo ezinuka kamnandi.
Umlomaso umathuthumbo wommango, athonta imire emamanzi.+
14 Iminwaso ngeyegolide, inamazipho wekhrisolithe.
Amathumbaso aphazima njengezinyo lendlovu eligubuzeswe ngesafire.
15 Imilenzaso izinsika zemabula ezifakwe eensekelweni zegolide lezinga eliphezulu.
Sihle njengeLibhanoni, side njengemithi yomsedari.+
16 Umlomaso umnandi njengeliju,
Koke kwaso kuyathandeka.+
Ngothandwa ngimi-ke loyo, sithandwa sami, madodakazi weJerusalema.”
6 “Sikuphi isithandwa sakho,
Wena omuhle hlangana neentombi?
Sitjhinge kuphi isithandwa sakho?
Bona sikufunise.”
2 “Isithandwa sami sehlele esiminaso,
Emibhedeni yeentjalo zamakha anuka kamnandi,
Bona silusele umhlambi emasimini amahle
Begodu sikhe amathuthumbo wommango.+
3 Ngingowesithandwa sami,
Begodu isithandwa sami ngesami.+
Silusa hlangana namathuthumbo wommango.”+
4 “Umuhle njengeTiriza*+ sithandwa sami,+
Umuhle njengeJerusalema,+
Ubabazeka njengamabutho abutheneko bona aye epini.+
5 Ungangiqali+
Ngombana amehlwakho angiqeda amandla.
Iinhluthu zakho zinjengomhlambi weembuzi
Owehla emikhuphukeleni yeGiliyadi.+
6 Amazinywakho anjengomhlambi wezimvu
Ezibuya ekuhlanjisweni,
Zoke zinamaphahla,
Begodu ayikho nayinye elahlekelwe yimvanayo.
7 Imihlathakho ifana neengcenye zerharinada
Ngemva kwetjhila eligubuzese ubuso bakho.
9 Kodwana munye kwaphela olijuba lami+ elinganamtjhapho.
Nguye kwaphela kunina.
Loyo owambelethako umthanda khulu.
Amadodakazi ayambona begodu athi uthabile;
Iindlovukazi namakhohlo, ayamdumisa.
10 ‘Ngubani ophazima njengokusa,
Omuhle njengenyanga ezeleko,
Omsulwa njengokukhanya kwelanga,
Obabazeka njengamabutho abutheneko bona aye epini?’”+
11 “Ngehlela esimini yemithi yamantongomani+
Ukuyokubona okutjha okukhulileko emrhobeni,
Ukuyokubona nokuthi amasimu wamadiribe atlhurhile,
Nokuthi imithi yamarharinada iveze amathuthumbo.
12 Ngathi ngingakatjheji,
Isifiso sami sokubona izintwezi
Sangidosela eenkaraneni zeenkhulu.”
13 “Buya, buya mntazana weTjhulami!
Buya, buya,
Bona sikubukele!”
“Kubayini nibukela umntazana weTjhulami?”+
“Ufana nokugida kweenqhema ezimbili!”
7 “Qala bona zihle kangangani iinyawo zakho ngemapatlagwanenakho,
Ndodakazi ehloniphekileko!
Iinyonga zakho zinjengezinto zokuzikghabisa,
Ezenziwe zizandla zesisebenzi esinekghono.
2 Ikabakho injengekomitji.
Kwangathi ingahlala inewayini elivangiweko.
Amathumbakho aliqubi lekoroyi,
Elibhodwe mathuthumbo wommango.
3 Amabelakho
Anjengamaphahla weqina.+
4 Intamakho+ injengombhotjhongo wezinyo lendlovu.+
Ipumulwakho injengombhotjhongo weLibhanoni,
Oqale ngeDamaseku.
Ikosi ikarwe ziinhluthu zakho ezihle ezide.
6 Qala bona umuhle begodu uthabisa kangangani,
Sithandwa sami, ukudlula koke okhunye okuthabisako!
7 Umude njengomuthi wesundu,
Begodu amabelakho anjengamahlukuzo wesithelo sesundu.+
8 Ngathi, ‘Ngizokukhwela emthini wesundu
Ngikhe isithelo sawo.’
Kwanga amabelakho angaba njengamahlukuzo wamadiribe,
Nephunga lokuphefumula kwakho libe njengelama-abhula,
9 Begodu umlomakho ube njengewayini eliphuma phambili.”
“Kwangathi lingehla litjhelele emphinjeni wesithandwa sami,
Ligeleze kamnandi emilonyeni yalabo abaleleko.
10 Ngingowesithandwa sami+
Begodu sifuna mina kwaphela.
12 Asivuke ekuseni siye emasimini wamadiribe
Siyokubona ukuthi amadiribe sekatlhurhile na,
Nokuthi amathuthumbo sekavulekile,+
Nokuthi amarharinada sekanamathuthumbo.+
Ngizokutjengisa lapho-ke indlela engikuthanda ngayo.+
13 Amakofe akhupha iphunga lawo elimnandi;
Eminyangwenethu kunayo yoke imihlobo yeenthelo.
Ezitja nezidala,
Ngikubekele zona sithandwa sami.
8 “Ngathana bewunjengomfowethu,
Omunye ebeleni lakamma!
Nje-ke nange ngingakufumana ngaphandle, bengizokumanga,+
Begodu akunamuntu obekangangibeka umlandu ngalokho.
2 Bengizokunqophisa;
Ngikuse endlini kamma,+
Owangifundisako.
Bengizokunikela iwayini elineenthako bona usele,
Isiselo samarharinada.
3 Isandla sakhe sangesinceleni sizokuba ngaphasi kwehlokwami,
Begodu isandla sakhe sokudla sizongigona.+
4 Fungani kimi, madodakazi weJerusalema:
Ningalingi ukuvusa ithando kimi lingakakhanuki ukuvuka.”+
5 “Ngubani lo ovela emmangweni,
Osame phezu kwesithandwa sakhe?”
“Ngakuvusa ngaphasi komuthi wama-abhula.
Lapho ummakho aba nemirhelo yokubeletha khona,
Lokha nakazithwele wena.
6 Ngikhumbula qobe njengetshwayo elisesifubeni sakho,
Nanjengetshwayo elisemkhonwenakho,
Ngombana ithando linamandla njengokufa,+
Begodu ukuzinikela ngokupheleleko kunamandla njengeThuna.*
Amalangabi walo amlilo ovuthako, ilangabi lakaJah.*+
7 Amanzi amanengi angeze akghone ukulicima ithando,+
Namkha imilanjana angeze ikghone ukulikhukhula.+
Nange umuntu anikela ngawo woke umnotho wendlwakhe ngebanga lethando,
Bekazokunyefulwa ngokupheleleko.”
8 “Sinodadwethu omncani,+
Begodu akanamabele.
Sizokwenzani ngodadwethu
Mhlana bambawa bona azokuba mfazi?”
9 “Nangabe uliboda,
Sizokwakha phezu kwakhe isiqongo sesiliva,
Kodwana nangabe umnyango,
Sizomkhandela ngesigodo somsedari.”
10 “Ngiliboda,
Begodu amabelami anjengemibhotjhongo.
Yeke emehlwenakhe ngibe njengaloyo
Ofumene ukuthula.
11 USolomoni bekanesimu yamadiribe+ eBhali-Hamona.
Watjhiya isimu leyo nabatlhogomeli.
Ngamunye bekaletha iimpaparwana zesiliva eziyikulungwana bona afumane isithelo sayo.
12 Ngineyami isimu yamadiribe begodu ngeyami kwaphela.
Iimpaparwana zesiliva eziyikulungwana ngezakho Solomoni,
Begodu amakhulu amabili ngewalabo abatlhogomela isithelo sayo.”
13 “Maye! Wena ohlala emasimini,+
Abangani balalela ilizwi lakho.
Akhengilizwe.”+
14 “Rhaba, sithandwa sami,
Ube msinya njengeqina+
Namkha njengeqina elincani eliduna
Phezu kweentaba zeentjalo ezinuka kamnandi.”
Kutjho iintombi.
Namkha “itjhila lokuzila.”
Namkha kungenzeka “hlangana neenhluthu ezilukiweko.”
NgesiHebheru, “Isipikenarada.”
NgesiHebheru, “ihena.”
Umhlobo othileko wethuthumbo.
Sihlalo esisetjenziselwa ukuguga umuntu oqakathekileko.
Namkha kungenzeka “Isikhumba sakho.”
NgesiHebheru, “ihena.”
Isitjalo esincani esinuka kamnandi.
Umhlanga onuka kamnandi.
Namkha kungenzeka “emphethweni womthombo.”
Namkha “njengeDorobho eliHle.”
NgesiHebheru, “nehena.”
Namkha “njengeTjhiyoli.” Qala Ihlathululo.
Elithi “Jah” sirhunyezo segama elithi Jehova.