ISAYA
1 Umbono u-Isaya,*+ indodana ka-Amotsi awubona malungana noJuda neJerusalema emihleni ka-Uziya,+ uJothamu,+ u-Arhazi+ noHezekiya,+ amakhosi wakwaJuda:+
2 Lalelani zulu, iphasi nalo alitjheje,+
Ngombana uJehova ukhulumile:
3 Ikunzi imazi kuhle umthengayo,
Nodumbana uwazi kuhle
umkhombo womnikazawo;
Kodwana u-Israyeli akangazi,+
Abantu bami abazwisisi.”
4 Maye! Esitjhabeni esinesono,+
Abantu abadiselwa mtjhapho,
Abantwana beenkhohlakali, abantwana abonakeleko!
5 Emizimbenenu akusekho lapho ningabetjhwa khona, kubayini niragela phambili nokuhlubuka?+
Ihloko yoke iyagula,
Nehliziyo yoke inobulwele.+
6 Akunalitho elinepilo, kusukela ngaphasi kwenyawo ukuya ehloko.
Kunamanceba, imirhuzuko neenlonda ezivulekileko
Akhenge zilatjhwe namkha zibotjhwe, zizeswe ngamafutha.+
7 Inarhenu imarubhi.
Amadorobhenu atjhiswe ngomlilo.
Abantu abavela kwezinye iinarha, barhiribidele inarhenu phambi kwenu.+
Koke kutjhatjalalisiwe njengalokha kusahlele amanaba.+
8 Indodakazi yeZiyoni itjhiywe njengomthunzi* esimini yamadiribe,
Njengomtlhatlhana esimini yamakomukomu,
Njengedorobho elivinjezelweko.+
9 Ngathana uJehova wamabutho akhenge asitjhiyele abambalwa abasindileko,
Besizokufana neSodoma,
Besizokufana neGomora.+
10 Lalelani ilizwi lakaJehova, nina babusi beSodoma.+
Tjhejisisani umthetho kaZimethu, nina bantu beGomora.+
11 “Ingizuzisa ngani imihlatjelwenu eminengi?”+ kutjho uJehova.
13 Ningasalethi iminikelo yeenthoro engatjho litho.
Ipepho yenu iyanginyenyisa.+
Ukuthwasa kwenyanga,+ amasabatha,+ imihlangano+
Angekhe ngisakghodlhelelela ukusetjenziswa kwamandla wemilingo+ kuhlanganise nemihlanganwenu ecwengileko.
14 Ngiyihloyile iminyanya eniyigidinga ngokuthwasa kwenyanga neminye iminyanya.
Ibe mthwalo kimi;
Ngidiniwe kuyithwala.
15 Nanilula izandla zenu bona nithandaze,
Nginifihlela amehlwami.+
17 Fundani ukwenza okuhle, funani ubulungiswa,+
Lungisani ogandelelako,
Vikelani amalungelo womntwana onganayise,*
Lwelani umhlolokazi.”+
18 “Yeke, yenize silungise iindaba hlangana nathi,” kutjho uJehova.+
“Nanyana izono zenu zingaba bomvu be,
Zizokwenziwa zibe mhlophe njengegabhogo;+
Nanyana zingaba bomvu njengetjhila elitlerebede,
Zizokuba njengewulu.
19 Nangabe nizimisele ukulalela,
Nizokudla izinto ezihle zenarha.+
21 Qala indlela idorobho elithembekileko+ eselibe yingwadla ngayo!+
22 Isiliva lakho selisilaphele,+
Begodu utjwala bakho buqarhwe ngamanzi.
23 Amakhosanalo anekani begodu abangani beengebengu.+
Woke athanda ukufunjathiswa begodu athanda ukugijimisa izipho.+
Awaphathi iintandani ngobulungiswa,
Begodu umlandu womhlolokazi awufiki kiwo.+
24 Ngalokho iKosi yeqiniso uJehova wamabutho,
OnaMandla ka-Israyeli, uthi:
“Ngizozanelisa emanabenami,
Begodu ngizozibuyiselela emanabenami.+
25 Ngizokwenza isandla sami sikujikele,
Ngizokususa ukusilaphala kwakho ngamanzi anomlotha,
Begodu ngizokususa koke ukusilaphala kwakho.+
26 Ngizokubuyisa abahluleli bakho njengekuthomeni
Nabeluleki bakho njengekuthomeni.+
Ngemva kwalokhu, uzokubizwa ngokuthi uliDorobho lokuLunga, iDorobho eliThembekileko.+
27 IZiyoni lizokuhlengwa,+
Nabantu balo ababuyako, bazokuhlengwa ngokulunga.
29 Ngombana bazokuba neenhloni ngemithi emikhulu ebewuyifisa,+
30 Ngombana uzokuba njengomuthi omkhulu onamakari atjhwabako,+
Nanjengesimu enganamanzi.
31 Umuntu onamandla uzokuba njengotjani obomileko,
Nomsebenzakhe ube njengehlasi yomlilo;
Kokubili kuzokutjha ngesikhathi sinye,
Kungabi nokucimako.”
2 Nakhu okwabonwa ngu-Isaya, indodana ka-Amotsi, malungana noJuda neJerusalema:+
2 Emihleni yokuphela,
Intaba yendlu kaJehova
Izokudzinyeleliswa ngaphezu kwesiqongolo seentaba,+
Izokuphakanyiswa ngaphezu kwemibundu,
Zoke iintjhaba zizokugelezela kiyo.+
3 Iintjhaba ezinengi zizokuza, zithi:
“Yenize, asikhuphukeleni entabeni kaJehova,
Endlini kaZimu kaJakopo.+
Uzosifundisa ngeendlela zakhe,
Begodu sizokukhamba eendleleni zakhe.”+
Ngombana umthetho uzokuphuma eZiyoni,
Nelizwi lakaJehova lizokuphuma eJerusalema.+
4 Uzokwahlulela hlangana neentjhaba
Begodu uzokulungisa iindaba hlangana neentjhaba ezinengi.
Zizokwenza iinsabula zazo zibe maplurhu
Nemikhontwazo ibe mimikhwa yokuthena imithi.+
Isitjhaba angeze sisaphakamisela esinye isitjhaba isabula,
Namkha sifunde ipi.+
5 Yenize nina bendlu kaJakopo,
Sikhambeni ekukhanyeni kwakaJehova.+
6 Ngombana ulahle abantu bakho, indlu kaJakopo,+
Ngombana bamukele amasiko amanengi wePumalanga;
Benza imilingo+ njengamaFilista,
Neenzukulwana zabantu
abavela kwezinye iinarha zihlala hlangana nabo.
7 Inarhabo izele isiliva negolide,
Namagugwabo awapheli.
Inarhabo izele iinjomani,
Neenkarana zabo azipheli.+
8 Inarhabo izele abozimu abangasizi ngalitho.+
Bakhothamela umsebenzi wezandla zabo,
Lokho iminwabo ekwenzileko.
9 Yeke umuntu uyakhothama begodu uyahlaziswa,
Angekhe ubalibalele.
10 Ngena edwaleni bese uzifihle ethulini
Ngebanga lelaka lakaJehova elisabekako
Namandlakhe aphazimulako.+
11 Amehlo womuntu ozikhukhumezako azokwehliswa,
Nabantu abazikhukhumezako bazokuthotjiswa.
NguJehova kwaphela ozokuphakanyiswa ngelangelo.
12 Ngombana lilanga lakaJehova wamabutho.+
Liyeza phezu kwawo woke umuntu ozikhakhazisako noziphakamisako,
Phezu kwawo woke umuntu ophakemeko namkha ophasi,+
13 Phezu kwayo yoke imithi yomsedari yeLibhanoni emide nephakamileko
Naphezu kwayo yoke imithi ye-owuku yeBhatjhani,
14 Phezu kwazo zoke iintaba eziphakamileko
Naphezu kwayo yoke imibundu ephezulu,
15 Phezu kwayo yoke imibhotjhongo ephezulu naphezu kwawo woke amaboda avikelekileko,
16 Phezu kwayo yoke imikhumbi yeTaratjhitjhi+
Naphezu kwazo zoke iinkepe ezihle.
17 Umuntu ozikhukhumezako uzokwehliswa,
Nabantu abazikhakhazisako bazokuthotjiswa.
NguJehova kwaphela ozokuphakanyiswa ngelangelo.
18 Abozimu abangasizi ngalitho bazokunyamalala ngokupheleleko.+
19 Abantu bazokungena emarholweni wamadwala
Nemigodini yehlabathi,+
Ngebanga lelaka lakaJehova elisabekako
Namandlakhe aphazimulako,+
Lokha nakasikima bona enze iphasi lihlengezele ngebanga lokusaba.
20 Ngelangelo abantu bazokuthatha abozimu babo abangasizi ngalitho besiliva nebegolide
Abazenzele bona, ukuthi babakhothamele
Begodu babaphose emakhondlweni nakibomaphelaphelani,+
21 Bona bangene emigodini esemadwaleni
Nemarharheni wamatje amakhulu,
Ngebanga lelaka lakaJehova elisabekako
Namandlakhe aphazimulako,
Lokha nakasikima bona enze iphasi lihlengezele ngebanga lokusaba.
22 Ngebanga lokuphila kwenu, lisani ukuthembela emuntwini,
Omphefumulo kwaphela.
Uzuzisa ngani?
3 Ngombana qala! IKosi yeqiniso, uJehova wamabutho,
Isusa eJerusalema nakwaJuda yoke imihlobo yesekelo,
Loke isekelo loburotho namanzi,+
2 Indoda enamandla nengorho,
Umahluleli nomphorofidi,+ umbhuli nomuntu omdala,
3 Induna yamasotja ama-50,+ isikhulu nomeluleki,
Usomlingo onekghono nomlawuli weenyoka onekghono.+
4 Ngizokwenza abesana babe makhosanabo,
Nabantu abahlala batjhugulula iingqondo zabo bazobabusa.
5 Abantu bazokugandelelana,
Ngamunye agandelele umuntu wekhabo.+
Umsana uzokusahlela umuntu omdala,
Onyazekako uzokudelela ohloniphekileko.+
6 Omunye nomunye uzokubamba umfowabo endlini kayise bese athi:
“Unephuraphura, yiba mbusethu.
Busa endaweni emarubhi le.”
7 Kodwana ngelangelo uzokwala athi:
“Angekhe ngibe mlaphakho;
Anginakudla namkha izambatho ngendlinami.
Ningangenzi umbusi phezu kwabantu.”
8 Ngombana iJerusalema liwile,
NoJuda uwile,
Ngebanga lokuthi bajamelene noJehova ngamezwi nangezenzo;
Baziphatha ngendlela ehlazisako phambi kwephazimulo yokuba khona kwakhe.+
9 Indlela ubuso babo obuqaleka ngayo buphikisana nabo,
Begodu bakhuluma ngesono sabo njengeSodoma;+
Abalingi ukusifihla.
Maye! Kibo ngombana bazilethela ihlekelele.
11 Maye! Kokhohlakeleko.
Ihlekelele izomehlela,
Lokho akwenze ngezandla zakhe kuzokwenzeka kuye!
12 Labo ababela abantu bami imisebenzi bayabatlhorisa,
Begodu babuswa bafazi.
Bantu bami, abadosiphambili benu banibangela bona nizulazule,
Bayaniphambukisa eendleleni zenu.+
13 UJehova ulungela ukubeka abantu umlandu;
Uyasikima bona agwebe iintjhaba.
14 UJehova ngokwakhe uzokwahlulela abadala babantu bakhe namakhosanabo.
“Nitjhise isimu yamadiribe,
Begodu enikwebele abantu abatlhagako kuseendlini zenu.+
15 Nisithathaphi isibindi sokutshidlha abantu bami
Nigandelele abatlhagako phasi?”+ Kutjho iKosi ePhakemeko, uJehova wamabutho.
16 UJehova uthi: “Ngombana amadodakazi weZiyoni ayazikhakhazisa,
Akhamba athwele amahlombe,*
Aqala ngamehlo aganukejako, asikinya amadini nawakhambako,
Enza itjhada ngemikghabiso eseenyaweni zawo,
17 UJehova uzokubetha iinhloko zamadodakazi weZiyoni ngekhwekhwe,
Begodu uJehova uzokwenza iinhloko zabo zingabi neenhluthu.+
18 Ngelangelo uJehova uzokususa ubuhle bamabhengelabo,
Imikghabiso yehloko nemikghabiso ebumbeke njengenyezi,+
19 Amacici, imikghabiso yesandleni, namatjhila wokugubuzesa ubuso,
20 Amadugu, imikghabiso yeenyaweni, namabhande wokuzikghabisa,
Izinto zokuphatha amakha anuka kamnandi nezinto eziletha itjhudu,
21 Iindzilamnwana namacici wepumulweni,
22 Iimphuraphura ezimbathwa nakwenziwa iminyanya, izambatho zangaphandle, iimphuraphura neenkhwama zemali,
23 Iimboniboni ezincani+ nezambatho zelineni,
Amatjhila athwalwa ehloko namatjhila wokuzigubuzesa.
24 Esikhundleni samafutha webhalisamu,+ kuzokuba nomnuko wokubola;
Esikhundleni sebhande, irobho;
Esikhundleni seenhluthu ezihle, ipandla;+
Esikhundleni sesambatho esibizako, isambatho esenziwe ngomgodla;+
Itshwayo elenziwe ngokutjhiswa* esikhundleni sobuhle.
25 Abantu bazokuwa ngesabula,
Neengorho zakho zizokuwa epini.+
4 Ngelangelo abafazi abalikhomba bazokubamba indoda yinye,+ bathi:
“Sizokudla uburotho bethu,
Sizokwembatha nezambatho zethu;
Sivumela sibizwe ngegama lakho kwaphela
2 Ngelangelo lokho uJehova akwenze kwahluma kuzokuba kuhle, kuphazimule bese isithelo senarha sizokuba kuzikhakhazisa nobuhle kwalabo abasindileko bakwa-Israyeli.+ 3 Nanyana ngubani osele eZiyoni begodu otjhiywe eJerusalema kuzokuthiwa ucwengile, boke abatlolwe phasi bona bahlale eJerusalema.+
4 Lokha uJehova nakahlanza ukusilaphala kwamadodakazi weZiyoni+ begodu ahlanza iingazi* zeJerusalema phakathi kwalo ngommoya wokwahlulela nangommoya wokutjhisa,+ 5 UJehova uzokwenza ilifu nentuthu emini nelangabi lomlilo ebusuku phezu kwayo yoke indawo yeNtaba yeZiyoni nendawenalo yemihlangano;+ phezu kwayo yoke iphazimulo kuzokuba nesiphephelo. 6 Kuzokuba nomtlhatlhana ozokwenza umthunzi nakutjhisako emini+ begodu uzokuba siphephelo nesivikelo esiwuruwurini nezulwini.+
5 Ngibawa ukubhinela engimthandako ingoma,
Ingoma ngaloyo engimthandako nesimakhe yamadiribe.+
Engimthandako bekanesimu yamadiribe embundwini onothileko.
2 Wayemba wakhupha amatje kiyo.
Watjala amadiribe abomvu akhethekileko kiyo,
Wakha umbhotjhongo hlangana nayo,
Wenza umgodi wokutlhodlhela iwayini elitjeni.+
Wasolo alinde bona izokuthela amadiribe,
Kodwana yaveza amadiribe wommango kwaphela.+
3 “Nje-ke, nina zakhamuzi zeJerusalema namadoda wakwaJuda,
Ngibawa nahlulele phakathi kwami nesimami yamadiribe.+
4 Yini enye ebengingayenza esiminami yamadiribe
Engingakayenzi?+
Kubayini lokha nangilindele amadiribe,
Ingivezela amadiribe wommango kwaphela?
5 Nje-ke, ngibawa ukunitjela
Ukuthi yini engizoyenza esiminami yamadiribe:
Ngizokususa umthangalayo wameva,
Begodu ngiyitjhise.+
Ngizokugiriza iboda layo lamatje,
Begodu izokugadangwa.
6 Ngizoyenza ibe njengenarha elahliweko;+
Angekhe ithenwe namkha ihlakulwe.
7 Ngombana isimu yamadiribe kaJehova wamabutho, iyindlu ka-Israyeli;+
Abantu bakwaJuda basitjalo ebekasithanda.
Bekasolo alindele ubulungiswa,+
Kodwana qala! Bebungekho ubulungiswa;
Ngombana bekalindele ukulunga,
Kodwana qala! Bekunesililo salabo abaphethwe kumbi.”+
8 Maye! Kilabo abahlanganisa indlu nenye indlu+
Nalabo abahlanganisa isimu nenye isimu+
Bekube kulapho kungasanandawo khona
Begodu nihlala nodwa enarheni!
9 UJehova wamabutho ufungile eendlebeni zami
Ukuthi izindlu ezinengi, nanyana zizikulu begodu zizihle,
Zizokuba marubhi athusako,
Kungabi nomuntu ohlala khona.+
10 Ngombana amahekthara* amane wesimu yamadiribe azokukhiqiza isilinganiso sinye sebhada* kwaphela,
Nesilinganiso sembewu esilihomere,* sizokukhiqiza i-efa* kwaphela.+
11 Maye! Kilabo abavuka ekuseni khulu bona basele utjwala,+
Bahlala bekube sebusuku bekube kulapho badakwa liwayini!
12 Baneharibha nesililiso sesinara,
Usotjherere, ifuludi newayini eminyanyenabo;
Kodwana abawutjheji umsebenzi kaJehova,
Begodu abawuboni umsebenzi wezandla zakhe.
13 Nje-ke abantu bami bazokuya ekudingisweni
Ngebanga lokuthi abangazi;+
Abantu babo abahlonitjhwako bazokulamba,+
Begodu boke abantu babo bazokoma.
Begodu iphazimulo yedorobhelo, iinqubuthu zalo ezinetjhada nalabo abathanda zokuzithabisa
Bazokwehlela kilo nakanjani.
15 Begodu umuntu uzokuthotjiswa,
Umuntu uzokwehliswa,
Begodu amehlo wabazikhakhazisako azokwehliswa.
16 UJehova wamabutho uzokuphakanyiswa ngesahlulelo sakhe;
17 Iimvana zizokudla emadlelwenazo;
Abantu abavela kwezinye iinarha, bazokudla eendaweni ezimarubhi lapho bekuhlala khona iinlwana zekhethelo.
18 Maye! Kilabo abanamala!
Ngamalabo badosa umtjhapho nesono njengesilwana esidosa ikarana ngeenrobho;
19 Labo abathi: “Akenze umsebenzakhe msinya;
Bona siwubone.
Umnqopho woCwengileko ka-Israyeli awenzeke.
Bona siwazi!”+
20 Maye! Kilabo abathi okuhle kumbi nokumbi kuhle,+
Labo abajamiselela ubumnyama ngokukhanya nokukhanya ngobumnyama,
Labo abathi okubabako kumnandi nokumnandi kuyababa!
21 Maye! Kilabo abahlakaniphe emehlwenabo
Nabanelemuko ekuboneni kwabo!+
22 Maye! Kilabo abaziinkutani zokusela iwayini
Nalabo abanobukghoni bokuvanga utjwala,+
23 Labo abatjhaphulula okhohlakeleko ngesifumbathiso+
Nalabo abenza olungileko abe mlandu!+
24 Yeke njengombana ilimu lomlilo lirhiribidela umhlanga
Notjani obomileko bunyamalale emalangabini,
Imirabhabo izokubola,
Begodu amathuthumbabo azokurhatjheka njengethuli,
Ngombana balahle umthetho kaJehova wamabutho
Begodu akhenge bahloniphe ilizwi loCwengileko wakwa-Israyeli.+
25 Kungebangelo ilaka lakaJehova livutha malungana nabantu bakhe,
Uzokulula isandla sakhe ngokujamelene nabo begodu abarhayile.+
Iintaba zizokuhlengezela,
Neendumbu zabo zizokuba njengeenzibi eendleleni.+
Ngebanga lakho koke lokhu, ilaka lakhe akhenge libuyele emva,
Isandla sakhe sisajamile bona sirhayile.
26 Uphakamisele isitjhaba esikude itshwayo;+
Wasibiza bona size sivela emaphethelweni wephasi;+
Begodu qala! Siza msinya.+
27 Akekho namunye hlangana naso odiniweko namkha owako.
Akekho namunye oyendako namkha olalako.
Ibhande elisemadininabo alikatjhaphuluki,
Nemitja yamapatlagwanabo ayikaquntuki.
28 Yoke imicibitjholwabo ibukhali,
Begodu imisubelabo ilindele ukudumuza.
Iinqatha zeenjomani zabo ziqine njengamatje aqinileko,
Namavilazo anjengesiwuruwuru.+
29 Sibhodla njengebhubezi;
Sibhodla njengamabhubezi amancani.+
Sizokwenza itjhada, sibambe nenyamazana
Siyithwale kungabi nomuntu ozoyihlenga.
30 Ngelangelo sizoyibangela itjhada
Njengetjhada lelwandle.+
Nanyana ngubani oqala inarha uzokubona ubumnyama obugandelelako;
Ngitjho nomkhanyo sewumnyama ngebanga lamafu.+
6 Ngomnyaka okwahlongakala ngawo iKosi u-Uziya,+ ngabona uJehova ahlezi esihlalweni sobukhosi esiphakemeko+ nomphetho wesambatho sakhe uzele ithempeli. 2 Amaserafu bewambhodile; ngalinye lineempiko ezisithandathu. Ngalinye ligubuzese ubuso balo ngeempiko ezimbili bese ligubuzese iinyawo ngezimbili, iserafu ngalinye beliphapha ngeempiko ezimbili.
3 Elinye belirhuwelela elinye lithi:
“Ucwengile, ucwengile, ucwengile uJehova wamabutho.+
Loke iphasi lizele iphazimulwakhe.”
4 Amagoseni weminyango asikinyeka nawezwa itjhada lokurhuwelela* nendlu yazala intuthu.+
5 Nje-ke ngathi: “Maye! Kimi
Nginjengofileko,*
Ngombana ngimumuntu onomlomo osilapheleko,
Begodu ngihlala hlangana nabantu abakhuluma izinto ezisilapheleko;+
Ngombana amehlwami abone iKosi, uJehova wamabutho ngokwakhe!”
6 Khonokho, elinye lamaserafu laphapha leza kimi, liphethe ilahle elivuthako+ elilithethe ngedlawu e-aldareni.+ 7 Lathinta umlomami bese lathi:
“Qala! Lokhu kuthinte umlomakho.
Umlandwakho ususiwe,
Nesono sakho silitjalelwe.”
8 Nje-ke ngezwa ilizwi lakaJehova lithi: “Ngizokuthuma ubani begodu ngubani ozosiyela?”+ Ngathi: “Nangu mina! Thuma mina!”+
9 Waphendula wathi, “Khamba, uthi ebantwinaba:
‘Nizokuzwa ngokubuyelelweko,
Kodwana angekhe nizwisise;
Nizokubona ngokubuyelelweko,
Kodwana angekhe nifumane ilwazi.’+
10 Yenza ihliziyo yabantwaba iqine,*+
Yenza iindlebe zabo zingezwa,+
Vala amehlwabo,
Bona bangaboni ngamehlwabo
Bangezwa nangeendlebe zabo,
Bona iinhliziyo zabo zingazwisisi
Begodu bangabuyeli kimi balapheke.”+
11 Yeke ngathi: “Bekube kunini Jehova?” Yena wathi:
“Bekube kulapho amadorobho agirika aba marubhi kungasanasakhamuzi
Nezindlu zingasanabantu
Nenarha itjhatjalalisiwe ingasanalitho;+
12 Bekube kulapho uJehova aqotha khona abantu+
Nobujamo benarha elahliweko buthuwelela.
13 “Kodwana kuzabe kusesenabantu abambalwa* abahlala enarheni leyo begodu izokubuye itjhiswe, njengomuthi omkhulu nanjenge-owuku, ngemva kokuthi iquntiwe izokutjhiya isidindi, imbewu ecwengileko izokuba* sidindi sayo.”
7 Nje-ke emihleni ka-Arhazi,+ indodana kaJothamu indodana ka-Uziya, ikosi yakwaJuda, iKosi yeSiriya uRetsini noPhekharhi,+ indodana kaRemaliya, ikosi yakwa-Israyeli, bakhuphuka bona bayokulwa neJerusalema kodwana akhenge akghone* ukuyithumba.+ 2 Kwafika umbiko endlini kaDavida wathi: “ISiriya ibambisene nebakwa-Efrayimu.”
Ihliziyo ka-Arhazi neenhliziyo zabantu bakhe zathoma ukuhlengezela, njengemithi yehlathi nayisikinywa mumoya.
3 UJehova wathi ku-Isaya: “Ngibawa uphume uyokuhlangana no-Arhazi, wena nendodanakho uTjheyari-Yatjhubi,*+ emaphethelweni womsele wesiziba esiphezulu+ esisendleleni ekulu yesimu yomhlanzi wezambatho. 4 Kufuze uthi kuye, ‘Zitjheje bese wehlise umoya. Ungasabi begodu ungangenwa mamanzi emadolweni ngebanga leendindi ezimbilezi zeengodo ezithunyako, nangebanga lelaka elivuthako lakaRetsini ikosi yeSiriya nendodana kaRemaliya.+ 5 Ngombana iSiriya nebakwa-Efrayimu nendodana kaRemaliya baluka amano wokukulimaza, bathi: 6 “Asikhuphukeni siyokusahlela inarha yakwaJuda, siyigirize* siyithumbe* ibe ngeyethu, sibeke indodana kaThabeyeli ibe yikosayo.”+
7 “‘Nakhu iKosi ePhakemeko uJehova ekutjhoko:
“Lokhu angekhe kuphumelele,
Angekhe kwenzeke.
8 Ngombana ihloko yeSiriya yiDamaseku,
Bese ihloko yeDamaseku yiRetsini.
Hlangana neminyaka ema-65 kwaphela
Bakwa-Efrayimu bazabe baphahlazeke ngokupheleleko begodu angeze basaba sitjhaba.+
Ngaphandle kokuthi nibe nokukholwa okuqinileko,
Angeze nidzinyeleliswe.”’”
10 UJehova waragela phambili akhuluma no-Arhazi wathi: 11 “Bawa itshwayo kuJehova uZimakho;+ lingazika njengeThuna* namkha liphakame njengomkayi.” 12 Kodwana u-Arhazi wathi: “Angekhe ngilibawe namkha ngilinge uJehova.”
13 U-Isaya wathi: “Ngibawa nilalele nina bantu bendlu kaDavida. Akukaneli na bona nilinge ukubekezela kwabantu? Kufuze nilinge nokubekezela kwakaZimu?+ 14 Ngalokho, uJehova ngokwakhe uzokwenzela itshwayo: Qala! Intombi izokuba sidisi, izokubeletha indodana,+ izoyibiza ngokuthi ngu-Imanuweli.*+ 15 Izokudla ibhodoro neliju nasele ikwazi ukuhlukanisa okuhle nokumbi. 16 Ngombana ngaphambi kobana umsana akwazi ukuhlukanisa okuhle nokumbi, inarha yamakhosi amabili owasabako izabe ilahlwe ngokupheleleko.+ 17 UJehova uzokuvumela wena, abantu bakho nendlu kayihlo bona niphile esikhathini esingakhenge khesibe khona kusukela ngelanga u-Efrayimu aphambuka ngalo kuJuda+ ngombana uZimu uzokuletha ikosi ye-Asiriya ukuthi inisahlele.+
18 “Ngelangelo uJehova uzokubetha umlozi bese abize iimpukani emilanjeni ekude yeNayili yeGibhide neenyosi enarheni ye-Asiriya, 19 Zoke zizokuza begodu zihlale emirhobeni yamawa, emarharheni wamatje, kiyo yoke imithi yameva nakizo zoke iindawo ezinamanzi.
20 “Ngelangelo uzokusebenzisa umuntu oqatjhiweko orhuna iinhluthu ovela esifundeni soMlambo,* ikosi ye-Asiriya,+ uJehova uzokurhuna ihloko noboya obusemilenzeni neendevu zakho.
21 “Ngelangelo umuntu uzokulisa ithole lomhlambi nezimvu ezimbili bona ziphile. 22 Ngebanga lebisi elinengi, uzokudla ibhodoro, abantu abaseleko enarheni leyo bazokudla ibhodoro neliju.
23 “Ngelangelo nanyana kukuphi lapho bekuneendiribe eziyikulungwana ezibiza iimpaparwana zesiliva eziyikulungwana, kuzokuba nemithi yameva nekhula. 24 Abantu bazokuya lapho baphethe umsubela nomcibitjholo, ngombana yoke inarha izokuba mimithi yameva nekhula. 25 Zoke iintaba ebezirhulwa ngelembe, angeze utjhidele kizo ngebanga lokusaba imithi yameva nekhula; zizokuba yindawo iinkunzi ezidla kiyo nalapho izimvu zizikhambela khona umathanda.”
8 UJehova wathi kimi: “Thatha ilitje elikhulu elisipara,+ utlole kilo ngepeni yesimbi ejayelekileko uthi, ‘Maheri-Tjhalali-Hatjhi-Bhazi.’* 2 Kufuze liqinisekiswe ngokutlolwa bofakazi abathembekileko, u-Uriya+ umphristi noZakariya indodana kaYebherekiya.”
3 Ngemva kwalokho ngaya emabhayini nomphorofidikazi,* waba sidisi, ngokukhamba kwesikhathi wabeletha indodana.+ UJehova wathi kimi: “Ibize ngokuthi nguMaheri-Tjhalali-Hatjhi-Bhazi, 4 ngaphambi kobana umsana akghone ukuthi, ‘Baba!’ Nokuthi ‘Mma!’ Umnotho weDamaseku nezinto eziligugu zeSamariya zizokuthathwa phambi kwe-Asiriya.”+
5 UJehova wakhuluma nami godu wathi:
6 “Ngombana abantwaba bale amanzi weTjhilowarhi* ageleza kabuthaka+
Begodu bathatjiswe nguRetsini indodana kaRemaliya,+
7 Nje-ke qala! UJehova uzokuletha ngokujamelene nabo
Amanzi anamandla namanengi woMlambo,*
Ikosi ye-Asiriya+ nayo yoke iphazimulwayo.
Izokukhuphukela kiyo yoke imilanjanayo
Begodu iphuphumise yoke imilambayo
8 Izokuthanyela uJuda.
Izokukhukhula idlule, iyokufika entanyeni;+
Amaphikwayo avulekileko azokuzala yoke inarhakho,
9 Yenzani umonakalo nina, ntjhaba kodwana nizokuphahlazwa nibe ziintokana.
Lalelani noke eniseendaweni ezikude zephasi!
Lungiselelani ipi kodwana nizokuphahlazwa nibe ziinquntu!+
Lungiselelani ipi kodwana nizokuphahlazwa nibe ziinquntu!
10 Yenzani iqhinga kodwana angekhe liphumelele!
11 Ngesandla sakhe esinamandla phezu kwami, ngilokhu uJehova akutjho kimi bona angiyelelise ekulandeleni indlela abantwaba abaphila ngayo:
12 “Akukafuzi nithi liqhinga lobukhohlakali ngombana abantwaba bathi liqhinga lobukhohlakali!
Akukafuzi nisabe abakusabako;
Akukafuzi nihlengezele ngebanga lakho.
13 UJehova wamabutho nguye kwaphela okufuze nithi ucwengile,+
Nguye kwaphela okufuze nimsabe,
Begodu nguye kwaphela okufuze anenze nihlengezele.”+
14 Uzokuba njengendawo ecwengileko,
Kodwana uzokuba njengelitje elikhubako
Nanjengedwala elibawisako+
Kizo zombili izindlu zakwa-Israyeli,
Njengesiqupho nanjengesithiyo
Ezakhamuzini zeJerusalema.
15 Inengi labo lizokukhutjwa liwe begodu liphuke;
Lizokuthiywa begodu libanjwe.
16 Vala umsongo okutlolwe kiwo umlayezo;
Beka itshwayo phezu komthetho wabafundi bami!
17 Ngizokuhlala ngilinde uJehova,+ ofihle ubuso bakhe endlini kaJakopo,+ ngizokuthembela nakuye.
18 Qala! Mina nabantwana uJehova angiphe bona+ sinjengamatshwayo+ neemangaliso kwa-Israyeli ezivela kuJehova wamabutho, ohlala eNtabeni iZiyoni.
19 Nange bathi kuwe: “Khamba uyokubuza kwababuza kwabafileko namkha kilabo ababikezela ngekusasa abakhulumela phasi namkha okubudisi ukubezwa,” kghani akusinguZimabo abantu okufuze babuze kuye? Kghani abaphilako kufuze babawe isizo kwabafileko?+ 20 Kunalokho kufuze bayokuhlolisisa umthetho nomlayezo otloliweko!
Lokha nabangakhulumi ngokuvumelana nelizweli, abanamkhanyo.+ 21 Ngamunye uzokudlula enarheni ahlunguphazekile begodu alambile;+ ngebanga lokuthi ulambile begodu usilingekile, uzokuthuka ikosi noZimakhe nakaqala phezulu. 22 Ngemva kwalokho, uzokuqala ephasini, uzokubona ukugandeleleka nobumnyama, ukungabi nethemba neenkhathi ezibudisi, ukufiphala nokungabi nokukhanya.
9 Nanyana kunjalo, ukufiphala angeze kube njengalokha inarha igandelelekile, njengeenkhathini zekadeni lokha inarha yakwaZebuloni neyakwaNafitali inyazwa.+ Kodwana ngokukhamba kwesikhathi uzoyenza* ihlonitjhwe, endleleni eya elwandle, esifundeni seJordani, eGalile yeentjhaba.
2 Abantu ebebakhamba ebumnyameni
Babone ukukhanya okukhulu.
Labo ebebahlala enarheni enobumnyama obukhulu,
Babone ukukhanya.+
3 Wenze isitjhaba saba sikhulu;
Wenze ukuthaba kwaso kwaba kukhulu.
Siyathaba phambi kwakho
Njengombana abantu bathaba ngesikhathi sokuvuna,
Nalabo abathabele ukwaba izinto ezifunyenwe epini.
4 Uliphahlaze laba ziinquqwana ijogi lomthwalabo,
Intonga esemahlombabo, idondolo lalabo ababa umsebenzi,
Njengemihleni yabakwaMidiyani.+
5 Woke amanyathelo wamasotja asikinya iphasi nawamatjhako
Nazo zoke izambatho ezicwila eengazini
Zizokuba sibaseli somlilo.
6 Ngombana sibelethelwe umntwana,+
Sinikelwe indodana;
Begodu ububusi bakhe buzokuhlala emahlombakhe.+
Igama lakhe kuzokuthiwa nguMeluleki oMuhle,+ nguZimu onaMandla,+ nguBaba oHlala ngokungaPheliko,* yiKosana yokuThula.
7 Ububusi bakhe buzokurhatjheka yoke indawo
Nokuthula angeze kuphele,+
Esihlalweni sobukhosi sakaDavida+ nembuswenakhe
Bona udzinyeleliswe+ begodu usekelwe
Kusukela nje bekube nini nanini.
Itjiseko kaJehova wamabutho izokwenza lokhu.
8 UJehova uthumele ilizwi ngokujamelene noJakopo,
Begodu lifikile ngokujamelene no-Israyeli.+
9 Begodu boke abantu bazokwazi ngalo
Bakwa-Efrayimu nezakhamuzi zeSamariya
Abathi ngokuzikhakhazisa kwabo nangeenhliziyo zabo ezidelelako:
10 “Iintina ziwile,
Kodwana sizokwakha ngamatje asikiweko.+
Imithi yesikhamore* iquntiwe,
Kodwana sizoyijamiselela ngemithi yemisedari.”
11 UJehova uzokuvusa amanaba kaRetsini ngokujamelene naye*
Begodu uzokuphehla amanabakhe bona athathe igadango,
12 AmaSiriya wangepumalanga namaFilista wangetjingalanga,+
Azokurhiribidela u-Israyeli ngemilomo evulekileko.+
Malungana nakho koke lokhu, ilaka lakhe alikabuyeli emva,
Kodwana isandla sakhe sisalulekile bona sibethe.+
13 Ngombana abantu akhenge babuyele kiloyo owababethako;
Akhenge bafune uJehova wamabutho.+
15 Umuntu omdala nohlonitjhwa khulu uyihloko,
Begodu umphorofidi onikela isinqophiso esimamala umsila.+
16 Labo abanqophisa abantwaba bababangela bona bazulazule,
Begodu labo abanqotjhiswako bararene.
17 Kungebangelo uJehova angakhenge athabe ngamasokanabo,
Begodu angekhe abe nesirhawu ebantwaneni babo abanganaboyise nebahlolokazini babo
Ngombana boke baziinhlubuki begodu benza okumbi+
Begodu yoke imilomabo ikhuluma okunganangqondo.
Malungana nakho koke lokhu, ilaka lakhe alikabuyeli emva,
Kodwana isandla sakhe sisalulekile bona sibethe.+
18 Ngombana ubukhohlakali butjhisa njengomlilo,
Butjhisa imithi yameva nekhula.
Buzokutjhisa amahlathi,
Begodu ukutjha kwamahlathi lawo kuzokukhuphuka njengamafu wentuthu.
19 Ngelaka lakaJehova wamabutho
Inarha itjhisiwe,
Begodu abantu bazokuba sibaseli somlilo.
Akunamuntu ozokusindisa ngitjho nomfowabo.
20 Umuntu uzokusika inyama ngesidleni
Kodwana uzokusolo alambile;
Begodu umuntu uzokusika inyama ngesinceleni
Kodwana angekhe aneliseke.
Ngamunye uzokurhiribidela inyama yomkhonwakhe,
21 BakwaManase bazokurhiribidela bakwa-Efrayimu,
Bese bakwa-Efrayimu bazokurhiribidela bakwaManase.
Bobabili bazokujamelana nebakwaJuda.+
Malungana nakho koke lokhu, ilaka lakhe alikabuyeli emva,
Kodwana isandla sakhe sisalulekile bona sibethe.+
10 Maye! Kilabo ababeka iinqophiso ezilimazako,+
Labo abasolo batlola imithetho egandelelako,
2 Bona badime abantu abatlhagako amalungelwabo angokomthetho,
Bona badime abadududu hlangana nabantu bami ubulungiswa,+
Bona bathathe ipahla yabahlolokazi
Ngubani enizokubalekela kuye bona anisize,+
Nizowutjhiyaphi umnothwenu?
4 Akunalitho eliseleko ngaphandle kobana ugugubale hlangana neembotjhwa
Namkha uwele hlangana nababuleweko.
Malungana nakho koke lokhu, ilaka lakhe alikabuyeli emuva,
Isandla sakhe sisalulekile bona sibethe.+
6 Ngizomthumela bona
alwe nesitjhaba esihlubukileko,+
Alwe nabantu abangisilingileko;
Ngizomyala bona athathe izinto ezinengi ezifunyenwe epini, adlelezele nokunengi
Abagadange njengedaka eendleleni.+
7 Kodwana angekhe azizwe akateleleke ukwenza ngendlela le
Begodu ihliziywakhe angekhe ihlele ukwenza ngendlela le;
Ngombana kusehliziywenakhe ukutjhabalalisa;
Ukurhayila iintjhaba ezinengi ingasi ezimbalwa.
8 Ngombana uthi,
‘Kghani amakhosanami akusimakhosi woke?+
9 IKalino+ ayifani neKarikemitjhi+ na?
IRhamathi+ ayifani ne-Ariphadi+ na?
ISamariya+ ayifani neDamaseku+ na?
10 Isandla sami sibambe imibuso yabozimu abangasizi ngalitho,
Labo iinthombe zabo ezibaziweko bezizinengi ukudlula zeJerusalema neSamariya!+
11 Angekhe na ngenze okufanako ngeJerusalema nangeenthombe zalo
Njengombana ngenza eSamariya nakibozimu balo abangasizi ngalitho?’+
12 UJehova nakaqeda woke umsebenzakhe eNtabeni iZiyoni neJerusalema, uzokujezisa ikosi ye-Asiriya ngebanga lehliziywayo edelelako namehlwayo azikhakhazisako naziphakamisako.+ 13 Ngombana ithi,
‘Ngizokwenza lokhu ngesandla sami esinamandla
Nangokuhlakanipha kwami ngombana ngihlakaniphile.
Ngizokususa imikhawulo yeentjhaba+
Begodu ngizokuthatha amagugwabo,+
Ngihlule izakhamuzi njengaloyo onamandla.+
14 Njengomuntu othinta isidleke,
Isandla sami sizokuthatha umnotho weentjhaba;
Nanjengomuntu obuthelela amaqanda alahliweko,
Ngizokubuthelela loke iphasi!
Boke abantu bazokuba njengeenyoni ezingakghoni ukuzivikela.’”
15 Izembe lingaziphakamisa na ngaphezu kwaloyo ogawula ngalo?
Isarha ingaziphakamisa na ngaphezu kwaloyo osarha ngayo?
Intonga+ ingamphakamisa na oyiphetheko?
Namkha iswazi lingamphakamisa na ongakenziwa ngesigodo?
16 Yeke iKosi yeqiniso, uJehova wamabutho,
Uzokwenza abanonileko bakhe* babe nemizimba emincani,+
Begodu ngaphasi kwephazimulwakhe uzokubasa umlilo ovuthako.+
17 Ukukhanya kwaka-Israyeli+ kuzokuba mlilo,+
NoCwengileko wakhe uzokuba lilangabi;
Uzokuvutha atjhise ikhula lakhe nemithakhe yameva ngelanga linye.
18 Uzokuqeda iphazimulo yehlathi lakhe nesimakhe yemithi yeenthelo;
Izokuba njengalokha ukugula kuqeda umuntu ogulako.+
19 Yoke imithi esehlathini lakhe
Izokuba mbalwa kangangobana umsana angayibala.
20 Ngelangelo abaseleko bakwa-Israyeli
Nabasindileko bendlu kaJakopo
Angekhe basathembela kiloyo obabethako;+
Kodwana bazokuthembela kuJehova,
OCwengileko ka-Israyeli ngokuthembeka.
21 Ngabaseleko kwaphela abazokubuya,
Abaseleko bakaJakopo bazokubuyela kuZimu onaMandla.+
23 Imbubhiso yeKosi ePhakemeko uJehova wamabutho,
Izokwenzeka enarheni yoke.+
24 Nje-ke nakhu iKosi ePhakemeko uJehova wamabutho ekutjhoko: “Ningasabi bantu bami abahlala eZiyoni ngebanga lomAsiriya, obekahlala anibetha ngeswazi+ begodu aphakamisela intongakhe phezu kwenu njengeGibhide.+ 25 Esikhathini esingaphelisi ihliziyo, isahlulelo sizokufika ekupheleni; ilaka lami lizokunqotjhiswa ekutjhatjalalisweni kwabo.+ 26 UJehova wamabutho uzomjugujela isibebhu,+ njengalokha nakahlula amaMidiyani edwaleni i-Orebi.+ Intongakhe izokuba phezu kwelwandle, uzoyiphakamisa njengombana enza ngeGibhide.+
27 Ngelangelo umthwalwakhe uzokusuka emahlombakho,+
Nejogi lakhe entanyenakho,+
Begodu ijogi lizokuphuka+ ngebanga lamafutha.”
30 Rhahlawula wena ndodakazi yeGalima!
Lalelisisa wena Layitjha!
Maye! Wena Anatothi.+
31 Izakhamuzi zeMadimena zibalekile.
Izakhamuzi zeGebimu zifune indawo yokuvikeleka.
32 Ngelangeli izokujama eNobi.+
Izokusikinyela intaba yendodakazi yeZiyoni iguduva bona iyithusele,
Embundwini weJerusalema.
33 Qala! IKosi yeqiniso, uJehova wamabutho,
Ugawula iimpande ngokuziphahlaza ngendlela esabekako;+
Imithi emide iyagawulwa,
Nemithi ephakemeko iyehliswa.
34 Uzokugawula ihlathi ngezembe,
Begodu iLibhanoni izokuwiswa ngonamandla.
11 Ihlumela+ lizokukhula esidindini sakaJese+
Begodu ihlumela+ elikhula emrajinakhe lizokuthela iinthelo.
2 Ummoya kaJehova uzokuhlala kuye,+
Ummoya wokuhlakanipha+ newokuzwisisa,
Ummoya weseluleko newamandla,+
Ummoya welwazi newokusaba uJehova.
3 Uzokuthaba ngokusaba uJehova.+
Angekhe ahlulele ngokwalokho akubona ngamehlwakhe,
Namkha akhalime kwaphela ngokuvumelana nalokho akuzwa ngeendlebe zakhe.+
4 Uzokwahlulela abadududu ngokulunga,
Begodu uzokukhalima abantu ngebanga labathobekileko bephasi ngokulunga.
Uzokubetha iphasi ngeswazi lomlomakhe+
Begodu uzokubulala abakhohlakeleko ngommoya ophuma eendebeni zakhe.+
5 Ukulunga kuzokuba libhande edinini lakhe,
Nokuthembeka kuzokuba libhande leenyonga zakhe.+
6 Ipisi izokuhlala isikhatjhana nemvana,+
Imbuzana izokulala phasi nengwe,
Ikonyana, ibhubezi nesilwana esinonileko* zizokuba ndawonye;*+
Begodu umsanyana uzozilusa.
7 Ikomo nebhere zizokudla ndawonye,
Nabantwana bazo bazokulala ndawonye.
Ibhubezi lizokudla utjani njengekunzi.+
8 Umntwana omunyako uzokudlala lapho kulala khona ikhobhra,
Nomntwana olunyulisiweko uzokufaka isandla sakhe emgodini wenyoka enetjhefu.
Namkha zibange umonakalo kiyo yoke intabami ecwengileko+
Ngokuqinisekileko iphasi lizabe lizele ilwazi lakaJehova
Njengamanzi agubuzese ilwandle.+
10 Ngelangelo umrabhu kaJese+ uzokujama njengetshwayo leentjhaba.+
Iintjhaba zizokuya kuye bona zifumane isinqophiso,+
Begodu indawakhe yokuphumula izokuphazimula.
11 Ngelangelo uJehova uzokwelula isandla sakhe godu kwesibili, ahlenge abantu bakhe abaseleko, abasele e-Asiriya,+ eGibhide,+ ePatrosi,+ eKutjhe,+ e-Elamu,+ eTjhinari,* eRhamathi neenhlengeleni zelwandle.+ 12 Uzokuphakamisela iintjhaba itshwayo begodu abuthelele abaphadlhaleleko bakwa-Israyeli,+ uzokubuthelela ndawonye abarhatjhekileko bakwaJuda emahlangothini womane wephasi.+
13 Umona wabakwa-Efrayimu uzokuqedwa,+
Nalabo abanobutha nebakwaJuda bazokuqedwa.
Bakwa-Efrayimu angeze basaba nomona ngebakwaJuda,
NebakwaJuda angeze basaba nobutha ngebakwa-Efrayimu.+
14 Bazokwehlela emehlelweni yamaFilista ngetjingalanga;
Bazokudlelezela abantu bePumalanga.
15 UJehova uzokuhlukanisa itheku lelwandle leGibhide+
Ngommoyakhe otjhisako uzokubetha imilanjanayo* elikhomba,
Begodu uzokwenza abantu bakhe bayame ngamapatlagwanabo.
16 Kuzokuba nendlela ekulu+ ephuma e-Asiriya yabantu bakhe abaseleko,+
Njengombana bekunjalo ngabantu bakwa-Israyeli ngelanga abaphuma ngalo enarheni yeGibhide.
12 Ngelangelo uzokuthi:
“Ngiyathokoza Jehova,
Ngitjho nanyana bewusilingekile ngami,
Ukusilingeka kwakho kwehlile kancanikancani bese wangiduduza.+
2 Qala! UZimu uyisindiswami.+
Ngizomthemba begodu angekhe ngisabe;+
Ngombana uJah* uJehova umamandlami nesivikelo sami,
Begodu ube yisindiswami.”+
3 Ngethabo nizokukha amanzi
Emithonjeni yesindiso.+
4 Ngelangelo nizokuthi:
“Thokozani uJehova, bizani igama lakhe,
Yenzani izenzo zakhe zaziwe hlangana neentjhaba!+
Memezelani bona igama lakhe liphakanyisiwe.+
5 Bhinelani uJehova iindumiso,+ ngombana wenze izinto ezibabazekako.+
Lokhu akwaziwe kilo loke iphasi.
6 Lilani, nirhuwelele ngethabo, nina zakhamuzi* zeZiyoni,
Ngombana oCwengileko ka-Israyeli mkhulu hlangana nani.”
13 Isimemezelo ngokujamelene neBhabhiloni,+ u-Isaya+ indodana ka-Amotsi asibona embonweni:
2 “Phakamisani itshwayo+ entabeni enamatje.
Barhuweleleni, nibanqophise ngesandla,
Bona bangene ebungenweni beenkhulu.
3 Ngikhuphe umyalo kilabo engibakhethileko.+
Ngabiza iingorho zami bona ngiveze ilaka lami,
Ziyathaba ngokuzikhakhazisa.
4 Lalelani! Isiqubuthu eentabeni;
Sizwakala njengetjhada labantu abanengi!
Lalelani! Ukuvungama kwemibuso,
Kweentjhaba ezihlangene ndawonye!+
UJehova wamabutho ubuthelela ibutho lepi.+
5 Livela enarheni ekude,+
Emaphethelweni wezulu,
UJehova neenkhali zelaka lakhe
Bona litjhabalalise iphasi loke.+
6 Rhahlawulani ngombana ilanga lakaJehova litjhidele!
Lizokufika njengokutjhabalalisa okuvela kuMninimandla Woke.+
7 Kungebangelo izandla zabo zizokuphelelwa mamandla,
Neenhliziyo zabantu zizokuncibilika ngebanga lokusaba.+
8 Abantu bathukiwe.+
Babanjwe ziinhlungu neenhlabi,
Njengomfazi obelethako.
Baqalene ngokurarekelana,
Ubuso babo buzele isizi.
9 Qala! Ilanga lakaJehova liyeza,
Linelunya, ubukhali nelaka elivuthako,
Lenza inarha ibe yinto ethusako,+
Begodu lizokurhayila izoni zenarheni leyo.
10 Ngombana iinkwekwezi zezulwini nemithalazo*+
Angekhe zikhanye;
Ilanga lizokuba mnyama naliphumako,
Nenyezi angekhe ikhanye.
11 Ngizokujezisa iphasi ngebanga lobumbi balo,+
Nabakhohlakeleko ngebanga lomtjhaphwabo.
Ngizokuqeda ukuzikhakhazisa kwabagagamelako,
Ngizokuthobisa ukuzikhukhumeza kwabagandelelako+
12 Ngizokwenza umuntu abe yivelakancani kunegolide elihlungiweko,+
Nabantu babe yivelakancani kunegolide le-Ofira.+
13 Kungebangelo ngizokwenza izoni zihlengezele,
Nephasi lizokusikinywa endawenalo+
Ngobukhali bakaJehova wamabutho, ngelanga lelaka lakhe elivuthako.
14 Njengeqina elizunywako nanjengomhlambi onganamalusi
Ngamunye uzokubuyela ebantwini bekhabo;
Ngamunye uzokubalekela enarheni yekhabo.+
15 Nanyana ngubani ofunyanwako, uzokuhlatjwa,
Nanyana ngubani obanjwako, uzokuwa ngesabula.+
16 Abantwababo bazokuhlahlelwa babe ziinquqwana phambi kwabo,+
Izindlu zabo zizokudlelezelwa,
Nabomkabo bazokukatwa.
17 Nje-ke ngibavusela iMediya bona ilwe nabo,+
Eqala isiliva njengelingatjho litho
Engathatjiswa ligolide.
19 IBhabhiloni, iphazimulo yemibuso,*+
Ubuhle nokuzikhakhazisa kwamaKhaledi,*+
Kuzokuba njengeSodoma neGomora lokha uZimu nakabatjhabalalisako.+
20 Angekhe lisaba nezakhamuzi ezihlala khona,
Namkha libe yindawo yokuhlala kizo zoke iinzukulwana.+
AkunamArabhu ozokuhloma itendakhe lapho,
Begodu akunabelusi abazokulusela imihlambabo lapho.
21 Iimbandana zizokulala lapho;
Izindlu zawo zizokuzala iinkhova
Iinciliba zizokuhlala lapho,+
Neembuzi zommango* zizokweqayeqa lapho.
22 Iimbandana zizokwenza itjhada emibhotjhongwenalo,
Neempungutjha zizokwenza itjhada eengodlweni zalo ezihle.
Isikhathi salo sitjhidele namalangalo angekhe angezelelwe.”+
14 Ngombana uJehova uzokurhawukela uJakopo+ begodu uzokukhetha ama-Israyeli godu.+ Uzowahlalisa enarhenawo+ bese izakhamuzi zawo ezibabantu abavela kwezinye iinarha zizokuhlala nawo begodu zizokunamathela endlini kaJakopo.+ 2 Abantu bezinye iintjhaba bazowathatha bawase endawenawo begodu indlu ka-Israyeli izobenza iinsebenzi eziduna nezisikazi+ enarheni kaJehova; azokuthumba labo egade bawathumbile begodu azokuthobisa labo egade bawakatelela bona asebenze.
3 Ngelanga uJehova akuphumuza ngalo ebuhlungwini bakho, ekutshwenyekeni kwakho nekugqilazweni ebewuthweswe khona,+ 4 uzokutjho isagesi ngokujamelene nekosi yeBhabhiloni:
“Qala! Indlela aphele ngayo loyo okatelela abanye bona basebenze!
Qala! Indlela ukugandeleleka okuphele ngayo!+
5 UJehova uphule iswazi labakhohlakeleko,
Intonga yababusi,+
6 Loyo ngokusilingeka obetha iintjhaba ngeembetho ezingapheliko,+
Loyo ngokusilingeka ohlula iintjhaba ngokuhlunguphaza okungapheliko.+
7 Iphasi loke liyaphumula, alisanakho ukuthikanyezwa.
Abantu barhuwelela ngethabo.+
8 Ngitjho nemithi yomjunipha iyathaba ngawe,
Kuhlanganise nemithi yomsedari yeLibhanoni.
Ithi, ‘Soloko wawako,
Umsiki weengodo akasezi kithi bona azosigawula.’
9 Ngitjho neThuna* ngaphasi liyasikinyeka
Bona lizokuhlangana nawe.
Ngebanga lakho, livusa labo abanganamandla ekufeni,
Boke ababusi abagandelelako bephasi.
Lenza woke amakhosi weentjhaba asikime eenhlalweni zawo zobukhosi.
10 Boke bayakhuluma bathi kuwe,
‘Sewubogaboga njengathi?
Sewufana nathi?
11 Ukuzikhakhazisa kwakho kwehliselwe eThuneni*
Itjhada leenliliso zakho zesinara.+
Iimpethu zendlalwe ngaphasi kwakho njengombhede,
Ugutjuzeswe ziimbungu.’
12 Qala indlela owe ngayo ezulwini,
Wena ophazimako, ndodana yokusa!
Qala indlela oquntwe ngayo ephasini,
Wena ohlula iintjhaba!+
13 Uthe ehliziywenakho, ‘Ngizokukhuphukela ezulwini.+
Ngizokuphakamisela isihlalo sami sobukhosi ngaphezu kweenkwekwezi zakaZimu,+
Ngizokuhlala phasi entabeni yokuhlangana,
Eengcenyeni ezikude zetlhagwini.+
14 Ngizokukhamba ngaphezu kwamafu;
Ngizozenza ngifane noPhezukoke.’
15 Kunalokho, uzokwehliselwa phasi eThuneni,*
Eengcenyeni ezikude zepetsi.
16 Labo abakubonako bazokurhudulela amehlo;
Bazokuqalisisa, bathi,
‘Kghani nguye umuntu obekasikinya iphasi lo,
Obekahlengezelisa imibuso,+
17 Owenze iphasi laba njengommango
Watjhabalalisa amadorobhalo,+
Walela iimbotjhwa zakhe bona ziye ekhaya?’+
18 Woke amanye amakhosi weentjhaba,
Iye, woke, alele phasi ngephazimulo,
Enye nenye ethuneni layo.
19 Kodwana wena ulahliwe, awunalo nethuna,
Unjengehlumela elinyenyisako,
Umbathiswe ngababuleweko abahlatjwe ngesabula,
Abehlela emgodini wamatje,
Njengesidumbu esigadangwako.
20 Angeze ubulungwe namakhosi ethuneni,
Ngombana utjhabalalise inarhakho,
Wabulala abantu bakho.
Amagama weenzukulwana zabenzi bokumbi angeze akhunjulwe.
21 Lungiselelani ukurhayila amadodanakhe
Ngebanga lomlandu wabokhokho babo,
Bona bangabi namandla begodu bathathe iphasi
Begodu bazalise inarha ngamadorobhabo.
22 “Ngizobasahlela,”+ kutjho uJehova wamabutho.
“Ngizokusula iBhabhiloni igama, abaseleko, iinzukulwana nabo boke abasazokuba khona,”+ kutjho uJehova.
23 “Begodu ngizolenza indawo yabogubudu nesifunda semidzwela bese ngizolithanyela ngomthanyelo wokutjhabalalisa,”+ kutjho uJehova wamabutho.
24 UJehova wamabutho ufungile wathi:
“Njengombana bengihlosile, kuzokwenzeka,
Nanjengombana bengiquntile, kuzokwenzeka.
25 Ngizokutshidlha umAsiriya enarhenami,
Begodu ngizomgadanga eentabeni zami.+
Ijogi lakhe lizokususwa kibo,
Nomthwalwakhe uzokususwa emahlombabo.”+
26 Ngilokhu okuquntiweko ngokujamelene nalo loke iphasi,
Begodu ngilesi isandla esiluliweko ngokujamelene nazo zoke iintjhaba.
27 UJehova wamabutho uquntile,
Begodu ngubani ongakukhandela lokho?+
Isandla sakhe silulekile,
Ngubani ongasibuyisela emuva?+
28 Ngomnyaka okwahlongakala ngawo iKosi u-Arhazi,+ kwenziwa isimemezelwesi:
29 “Noke nina eFilista, ningathabi,
Ngombana intonga yaloyo onibethako iphuliwe.
Ngombana emrajini wenyoka+ kuzokuphuma inyoka enetjhefu,+
Begodu umntwanayo uzokuba yinyoka ephaphako enomlilo.
30 Abantwana bodududu bazokudla baneliseke
Begodu botlhagako bazokulala ngokuphepha,
Kodwana ngizokubulala abantu bakho ngendlala,
Nabaseleko hlangana nawe bazokubulawa.+
31 Rhahlawula, sango! Rhuwelela, dorobho!
Noke eFilista nizokuphelelwa mamandla!
Ngombana intuthu ivela etlhagwini,
Begodu abekho abasalele emuva ebuthweni lenaba.”
32 Kufuze baziphendule njani iinthunywa zesitjhaba?
Ngokuthi uJehova ubeke isisekelo eZiyoni,+
Begodu abadududu ebantwini bakhe bazokuphephela kiyo.
15 Isimemezelo ngokujamelene nabakwaMowabi:+
Ngebanga lokuthi itjhatjalaliswe ngobusuku,
I-Ari+ yakwaMowabi ithulisiwe,
Ngebanga lokuthi itjhatjalaliswe ngobusuku,
IKhiri+ yakwaMowabi ithulisiwe.
2 Abantu bakhuphukele eThempelini neDiboni,+
Eendaweni eziphakemeko bona bayokulila.
UMowabi ulilele iNebo+ neMedeba.+
Zoke iinhloko zirhuniwe,+ zoke iindevu zisusiwe.+
3 Eendleleni zayo bambethe umgodla.
Emaphahlenabo nematatawinabo boke bayarhahlawula;
Behla balila.+
Kungebangelo amadoda ahlomileko wakwaMowabi asolo arhuwelela.
Abantu bayahlengezela.
5 Ihliziywami ililela uMowabi.
Ababaleki bayo babaleke bebayokufika eTsowari+ ne-Egilathi-Tjhelitjhiya.+
Emkhuphukeleni weLurhithi bayalila njengombana bakhuphuka;
Endleleni eya eRhoronayimu bayalila ngebanga lehlekelele.+
6 Ngombana amanzi weNimrimu atjhile;
Utjani obuhlaza bomile,
Utjani buphelile, akusenalitho eliseleko elihlaza.
7 Kungebangelo bathatha okuseleko emabulungelwenabo neminothwenabo;
Bayama umRhoba wemithi.*
8 Ngombana isililo sizwakala kiso soke isifunda sakwaMowabi.+
Ukurhahlawula kufika e-Egilayimu;
Ukurhahlawula kufika eBheri-Elimu.
9 Ngombana amanzi weDimoni azele iingazi,
Begodu kunokunengi engikubekele iDimoni:
Amabhubezi azokusahlela abaphunyurhileko bakwaMowabi
Nabaseleko enarheni.+
16 Thumelani iramu kumbusi wenarha,
Lisuka eSela lidlula emmangweni
Liye entabeni yendodakazi yeZiyoni.
2 Njengenyoni eqothwe esidlekeni sayo,+
Ngokunjalo amadodakazi wakwaMowabi azokuba semazibukweni we-Arinoni.+
3 Khuphani iseluleko, yenzani isiqunto.
Yenzani umthunzenu ube njengobusuku emini ekulu.
Fihlani abaphadlhaleleko begodu ningabakghapheli ababalekako.
4 Kwanga abaphadlhaleleko bami bangahlala kuwe Mowabi.
Yiba yindawo yokubhaca kibo ngebanga lomtjhabalalisi.+
Ogandelelako uzokuphelelwa sikhathi,
Ukutjhabalalisa kuzokufika emaphethelweni,
Nalabo abagadangela abanye phasi bazokutjhabalala ephasini.
5 Nje-ke isihlalo sobukhosi sizokunzinziswa ngethando elithembekileko.
Loyo ohlala kiso etendeni lakaDavida uzokuthembeka;+
Uzokwahlulela ngobulungiswa begodu msinyana uzokwenza bona kube nokulunga.”+
6 Sizwile ngokuzikhakhazisa kwakaMowabi, uzikhakhazisa khulu,+
Ukuzikhukhumeza kwakhe, ukuzikhakhazisa kwakhe nokusilingeka kwakhe;+
Kodwana ikulumakhe engatjho litho, izokuphela.
7 Nje-ke uMowabi uzokulila ngehlekelelakhe;
Boke bakwaMowabi bazokulila.+
Labo ababetjhiweko bazokulilela amakhekhe wamadiribe omisiweko weKiri-Rhareseti.+
8 Ngombana amasimu weRhetjhibhoni+ atjhwabile,
Isimu yamadiribe yeSibhima,+
Ababusi beentjhaba bagadange iimpande zayo ezibomvu;
Bezifika eJazeri;+
Zidlulela emmangweni.
Amahlumelayo arhatjheke bekayokufika elwandle.
9 Kungebangeli ngililela isimu yamadiribe yeSibhima njengombana ngililela iJazeri.
Ngizokuthambisa ngeenyembezi zami, wena Rhetjhibhoni nawe-Eliyale,+
Ngombana ukurhuwelela ngebanga lesithelo sakho sehlobo nokuvuna kwakho kuphelile.*
10 Ithabo nokujekezela kususiwe esimini yeenthelo,
Begodu azikho iingoma zethabo namkha ukurhuwelela esimini yamadiribe.+
Akunamuntu ogadanga amadiribe ebutlhodlhelweni bewayini bona enze iwayini,
Ngombana ngibangele bona ukurhuwelela kuphele.+
11 Kungebangelo ngihlengezela ngaphakathi kwami ngebanga lokudana kwami ngoMowabi,+
Njengeentambo zeharibha,
Begodu ingaphakathi lami liyahlengezela ngebanga leKiri-Rhareseti.+
12 Ngitjho nanyana uMowabi angazitshwenya kangangani ngokuya endaweni ephakemeko begodu ayokuthandaza endawenakhe ecwengileko, angekhe azuze litho.+
13 Leli lilizwi uJehova alikhuluma phambilini malungana noMowabi. 14 Nje-ke uJehova wathi: “Eminyakeni emithathu njengeminyaka yesisebenzi esiqatjhiweko, iphazimulo kaMowabi izokuhlazeka ngehlangahlangano ekulu begodu abaseleko bazokuba mbalwa bese bangabi namandla.”+
17 Isimemezelo ngokujamelene neDamaseku:+
“Qala iDamaseku angeze isaba lidorobho,
Begodu izokuba liqubi lamatje.+
2 Amadorobho we-Aroweri+ azokulahlwa;
Azokuba ziindawo imihlambi elala kizo
Kungabi nomuntu oyithusako.
3 Amadorobho avikelekileko azokunyamalala kwa-Efrayimu,+
Nombuso eDamaseku;+
Nalabo abaseleko eSiriya
Bazokuba njengephazimulo yama-Israyeli,” kutjho uJehova wamabutho.
4 “Ngelangelo iphazimulo kaJakopo izokuncipha,
Nomzimbakhe ononileko uzokonda.
5 Kuzokuba njengalokha umvuni abuthelela iinthoro
Nomkhono womvuni ubuthelela ikoroyi,
Njengomuntu oburuja iinthoro emRhobeni wamaRafa.+
6 Kuzokusala okuburujwako kwaphela,
Njengalokha umuthi wama-oliva ubhulwa:
Kuzokusala ama-oliva amabili namkha amathathu avuthiweko epandeni ephezulu,
Kuzokusala amane namkha amahlanu eempandeni ezithela isithelo,”+ kutjho uJehova uZimu ka-Israyeli.
7 Ngelangelo umuntu uzokuqala phezulu kuMenzakhe namehlwakhe azokuqala koCwengileko ka-Israyeli. 8 Angeze aqale ema-aldareni,+ umsebenzi wezandla zakhe;+ begodu angekhe aqale lokho iminwakhe ekwenzileko, kungaba ziingodo ezicwengileko* namkha ama-aldara wepepho.
9 Ngelangelo amadorobhakhe avikelekileko azokuba njengendawo elahliweko ehlathini,+
Njengepande eyalahlwa phambi kwama-Israyeli;
Izokuba marubhi.
Kungebangelo utjale iintjalo ezihle,
Wazibeka nehlumela lomuntu ongaziwako.
11 Emini ukampela kuhle iintjalo zakho,
Ekuseni wenza imbewakho itlhurhe,
Kodwana isivuno sizokutjhabalala ngelanga lobulwele nobuhlungu obungalaphekiko.+
12 Lalela! Kunesiyaluyalu seentjhaba ezinengi,
Itjhada laso linjengetjhada lelwandle!
Kunokuvungama kweentjhaba,
Itjhada lakho linjengokubhodla kwamanzi anamandla!
13 Iintjhaba zizokwenza itjhada elinjengokubhodla kwamanzi amanengi.
Uzozikhalima begodu zizokubalekela kude,
Zizokubaleka njengalokha umoya uphephula amakhasi eentabeni,
Zizokubaleka njengalokha umoya omkhulu uphephula ikhula elomileko.
14 Ebusuku kunokusaba.
Ngaphambi kobana kuse azisekho.
Lesi sisabelo salabo abasidlelezelako
Nefumbe yalabo abasithathela izinto.
18 Maye! Ngenarha yeentethe
Esifundeni semilambo yeTopiya!+
2 Ithumele iinthunywa zayo ngelwandle,
Ngaphetjheya kwamanzi ngeenkepe ezenziwe ngephaphirasi, ithi:
“Khambani nina nthunywa ezirhabako,
Niye esitjhabeni sabantu abade nabesikhumba esitjhelelako,
Esitjhabeni esisatjwa yoke indawo,+
Esitjhabeni esinamandla nesihlulako,
Inarhaso ekhukhulwe milambo.”
3 Noke nina zakhamuzi zenarha nani bahlali bephasini,
Enikubonako kuzoba njengetshwayo eliphakanyiswe eentabeni,
Begodu nizokuzwa itjhada elinjengokuvuthelwa kwephondo.
4 Ngombana ngilokhu uJehova akutjho kimi:
“Ngizokuhlala ngithulile, ngibukele endawenami,*
Njengomtjhiso nokukhanya kwelanga,
Njengombethe ekutjhiseni kokuvuna.
5 Ngombana ngaphambi kwesivuno,
Amathuthumbo sewaqedile ukutlhurha namadiribe sekavuthiwe,
Amahlumela azokusikwa ngemikhwa yokuthena imithi
Begodu iziqu zizokuquntwa zisuswe.
6 Bazokutjhiyelwa amadlanga weentabeni
Neembandana zephasi.
Amadlanga azazitika ngabo ihlobo loke,
Begodu zoke iimbandana zephasi zizobadla ngesikhathi sokuvuna.
7 Ngesikhatheso kuzokulethwa isipho kuJehova wamabutho,
Esivela esitjhabeni sabantu abade nabesikhumba esitjhelelako,
Esitjhabeni esisatjwa yoke indawo,
Esitjhabeni esinamandla nesihlulako,
Inarhaso ekhukhulwe milambo
Siye endaweni ebizwa ngegama lakaJehova wamabutho, iNtaba iZiyoni.”+
19 Isimemezelo ngokujamelene neGibhide:+
Qala! UJehova ukhwele ilifu eligijima ngebelo, liza eGibhide.
Abozimu beGibhide abangasizi ngalitho bazokuhlengezela phambi kwakhe,+
Begodu iinhliziyo zabantu beGibhide zizokuhlengezela.
2 “Ngizokuhlohlozela amaGibhide bona alwe namaGibhide,
Begodu bazokulwa bodwa,
Ngamunye uzokulwa nomfowabo nomakhelwanakhe,
Idorobho lizokulwa nedorobho, umbuso ulwe nombuso.
3 Abantu beGibhide bazokurareka,
Begodu ngizokuraranisa amaqhingabo.+
Bazokuphendukela kibozimu abangasizi ngalitho,
Kibosomlingo, kilabo ababuza kwabafileko nakubabikezeli bengomuso.+
4 Ngizokunikela iGibhide ekosini elikhuni,
Begodu ikosi enelunya izobabusa,”+ kutjho iKosi yeqiniso, uJehova wamabutho.
5 Amanzi welwandle azokoma,
Umlambo uzokutjha begodu wome.+
6 Imilambo izokunuka;
Imisele yeNayili yeGibhide izokuncipha begodu yome.
Imihlanga notjani obude kuzokubola.+
7 Iintjalo ezimagega noMlambo iNayili, emlonyeni weNayili,
Izokuphetjhulwa, ingasaba khona.
8 Abathiya iinhlambi bazokulila,
Labo abaphosela amawugu wokuthiya iinhlambi ngeNayili bazokulila,
Nalabo abalulela amanedabo ngemanzini bazokuba mbalwa.
9 Labo abenza itjhila ngesitjalo selineni*+
Nalabo abenza itjhila elimhlophe esigodweni sabeluki bazokuhlaziswa.
10 Abeluki beGibhide bazokutshidlhwa;
Zoke iinsebenzi eziqatjhiweko zizokuba lisizi.
11 Amakhosana weTsowani+ aziindlhadlha
Abeluleki bakaFaro abahlakaniphileko banikela iinluleko ezinganangqondo.+
Ningatjho njani kuFaro nithi:
“Ngisizukulwana sabahlakaniphileko,
Isizukulwana samakhosi wekadeni”?
12 Bakuphi abantu benu abahlakaniphileko?+
Abanitjele nangabe bayazi ukuthi yini uJehova wamabutho ayiquntileko malungana neGibhide.
13 Amakhosana weTsowani enze ngobudlhadlha;
Amakhosana weNofi*+ akhohlisiwe;
Iinduna zeenkoro zayo zidurhise iGibhide.
14 UJehova uthululele ummoya wokuhlangahlangana;+
Begodu badurhise iGibhide kinanyana yini eyenzako,
Njengesidakwa sitherezelela emahlanzwenaso.
15 IGibhide angeze ibe nomsebenzi ozokwenziwa
Yihloko namkha msila, yihlumela namkha butjani obude.*
16 Ngelangelo iGibhide izokuba njengabafazi, izokuhlengezela begodu ithukwe ngebanga lesandla sakaJehova wamabutho esithusako asiphakamisako ngokujamelene nayo.+ 17 Inarha yakwaJuda izokubangela iGibhide bona isabe. IGibhide izokuthukwa nakukhulunywa ngenarha yakwaJuda ngebanga lesiqunto uJehova wamabutho asenze ngokujamelene nayo.+
18 Ngelangelo kuzokuba namadorobho amahlanu enarheni yeGibhide akhuluma ilimi leKanana+ begodu afunga ukuthembeka kuJehova wamabutho. Elinye idorobho lizokubizwa ngokuthi liDorobho lokuGiriza.
19 Ngelangelo kuzokuba ne-aldara lakaJehova hlangana nenarha yeGibhide nesika kaJehova emkhawulwenayo. 20 Lizokuba litshwayo nobufakazi kuJehova wamabutho enarheni yeGibhide; ngombana bazokulilela uJehova ngebanga lalabo ababagandelelako begodu uzobathumela umsindisi, omkhulu, ozobasindisa. 21 Abantu beGibhide bazomazi uJehova, abantu beGibhide bazomazi uJehova ngelangelo, bazokunikela imihlatjelo nezipho begodu bazokwenza isifungo kuJehova bese basifeze. 22 UJehova uzokubetha iGibhide,+ ayibethe bekayilaphe; begodu bazokubuyela kuJehova, uzokulalela nabambawako bese abalaphe.
23 Ngelangelo kuzokuba nendlela ekulu+ esuka eGibhide iya e-Asiriya. Nje-ke i-Asiriya izokungena eGibhide, neGibhide izokungena e-Asiriya, begodu iGibhide izokulotjha uZimu ne-Asiriya. 24 Ngelangelo u-Israyeli uzokuba ngowesithathu kunye neGibhide ne-Asiriya,+ isibusiso sephasi, 25 ngombana uJehova wamabutho uzabe ababusisile, athi: “Ababusiswe abantu bami, iGibhide, nomsebenzi wezandla zami, i-Asiriya, nelifa lami, u-Israyeli.”+
20 Ngomnyaka iKosi uSarigoni we-Asiriya athumela ngawo uTarithani* e-Atjhidodi,+ walwa ne-Atjhidodi bese wayithumba.+ 2 Ngesikhatheso uJehova wakhuluma ngo-Isaya+ indodana ka-Amotsi wathi: “Khamba, hlubula umgodla eenyongeni zakho, uhlubule namapatlagwanakho.” Wenza njalo, wakhamba ahlubule begodu angakafaki litho eenyaweni.
3 Nje-ke uJehova wathi: “Njengombana incekwami u-Isaya yakhamba ihlubule begodu ingakafaki litho eenyaweni iminyaka emithathu njengetshwayo+ nesibonakaliso ngokujamelene neGibhide+ neTopiya,+ 4 yeke ikosi ye-Asiriya izokudosa phambili abathunjiweko beGibhide+ nabadingisiweko beTopiya, abesana namadoda amadala, bahlubule begodu bangakafaki litho eenyaweni namahlalwabo angaphandle, ihlazo leGibhide. 5 Bazokuthukwa begodu bazokuba neenhloni ngeTopiya ithemba labo neGibhide igugu labo. 6 Izakhamuzi zenarheni emagega nelwandle zizokuthi ngelangelo, ‘Qalani bona kwenzekeni ethembeni lethu, ebesigijimela kilo bona sifumane isizo begodu sisindiswe ekosini ye-Asiriya! Sizokuphunyurha njani-ke nakunje?’”
21 Isimemezelo ngokujamelene nommango welwandle:*+
Ihlekelele iza njengesiwuruwuru esivela esewula,
Evela emmangweni enarheni ethusako.+
2 Ngitjelwe umbono osabekako:
Okhohlisako uyakhohlisa,
Nomtjhabalalisi uyatjhabalalisa.
Khuphuka Elamu! Vimbezela Mediya!+
Ngizokuqeda koke ukunghonghoyila akubangeleko.+
3 Kungebangelo ngisebuhlungwini obukhulu.+
Ngibanjwe buhlungu,
Obunjengobomfazi obelethako.
Ngigandeleleke khulu bona ngizwe;
Ngithikamezeke khulu bona ngibone.
4 Ihliziywami itshwenyekile; ngiyahlengezela ngebanga lokusaba.
Amarhwaqela ebengiwakhanukela angenza ngihlengezele.
5 Lungiselelani itafula begodu hlelani iinhlalo!
Yidlani bese nisele!+
Sikimani nina makhosana, nizese isiviko!
6 Ngombana ngilokhu uJehova akutjho kimi:
“Khamba, ubeke umlindi begodu abike koke akubonako.”
7 Wabona ikarana yepi idoswa ziinjomani ezipanelweko,
Ikarana yepi idoswa bodumbana,
Ikarana yepi idoswa makamela.
Waqalisisa, ngokutjhejisisa okukhulu.
8 Nje-ke wathoma ukurhuwelela njengokubhodla kwebhubezi wathi:
“Maye! Jehova, ngijama esithaleni qobe langa,
Begodu ngijama endawenami yokugada ubusuku obunye nobunye.+
9 Qalani okuzako:
Amadoda akhwele ikarana yepi edoswa ziinjomani ezipanelweko!”+
Nje-ke wakhuluma wathi:
Liwile! Liwile iBhabhiloni!+
Zoke iinthombe ezibaziweko zabozimu balo ziphahlaziwe!”+
10 Maye! bantu bami abagadangwe njengeenthoro,
Umkhiqizo wangeselelweni sami,+
Nginibikele lokho engikuzwileko kuJehova wamabutho, uZimu ka-Israyeli.
11 Isimemezelo ngokujamelene neDuma:*
Kunothileko ongirhuwelela aseSeyiri+ uthi:
“Mlindi, sekusele isikhathi esingangani bona kuse?
Mlindi, sekusele isikhathi esingangani bona kuse?”
12 Umlindi wathi:
“Ukusa kuyeza, nobusuku buyeza.
Nanifuna ukubuza, buzani.
Buyani godu!”
13 Isimemezelo ngokujamelene nommango othabaleleko:
14 Yizani namanzi bona niyokuhlangabeza owomileko,
Nina zakhamuzi zenarha yeTema,+
Begodu lethelani loyo obalekako uburotho.
15 Ngombana babaleke iinsabula, iinsabula ezibukhali,
Babaleke umsubela olungele ukudumuza nepi enelunya.
16 Ngombana nakhu uJehova akutjho kimi: Ngaphambi kobana kuphele umnyaka, njengeminyaka yesisebenzi esiqatjhiweko, yoke iphazimulo yeKedari+ izokuphela. 17 Abadumuzi bemisubela abaseleko beengorho zeKedari bazokuba yimbijana ngombana uJehova uZimu ka-Israyeli ukhulumile.
22 Isimemezelo malungana nomRhoba woMbono:*+
Kubayini nikhuphukele phezulu emfulelweni?
2 Bewuzele itjharagano,
Bewulidorobho elinetjhada, idorobho elithabileko
Ababuleweko bakho akhenge babulawe ngesabula,
Namkha bafele epini.+
3 Boke ababusi benu abanelunya babaleke ndawonye.+
Babotjhiwe ngaphandle kokusebenzisa umsubela.
Boke abafunyenweko babotjhiwe,+
Ngitjho nanyana bebabalekele kude.
4 Kungebangelo ngathi: “Ningangiqali,
Ngizokulila kabuhlungu.+
5 Ngombana lilanga letjharagano, lokuhlula nelevalo,+
Livela eKosini ePhakemeko, uJehova wamabutho,
EmRhobeni woMbono.
Kunokugirizwa kweboda+
Abantu balilela isizo, isililo sabo sizwakala neentabeni.
6 Abantu be-Elamu+ bathatha isikhwama semicibitjholo
Bakhwela iinkarana zepi neenjomani,
Begodu iKhiri+ yalungisa isiviko.
7 Imirhobakho ekhethekileko
Izokuzala iinkarana zepi,
Begodu iinjomani zizokujama esangweni,
8 Isivikelo sakaJuda sizokususwa.
“Ngelangelo uzokuqala endaweni yokubeka iinkhali yeNdlu yeHlathi,+ 9 nizokubona imiphadlhuko eminengi yeDorobho lakaDavida.+ Begodu nizokukha amanzi esizibeni esiphasi.+ 10 Nizokubala izindlu zeJerusalema begodu nizokugiriza izindlu bona niqinise iboda. 11 Nizokwenza indawo hlangana namaboda amabili bona nibeke amanzi wesiziba esidala, kodwana angekhe nithembele kuMenzi waso omKhulu begodu angekhe nibone loyo owasenza kade.
12 Ngelangelo iKosi ePhakemeko, uJehova wamabutho,
Uzokuyala bona kube nokulila nokuzila,+
Ngokurhuna iinhloko nangokumbatha imigodla.
13 Kodwana kunalokho, kuyagidingwa begodu kuthatjiwe,
Kubulawa iinkomo, kuhlatjwa izimvu,
Kudliwa inyama begodu kuselwa iwayini.+
‘Asidleni, sisele ngombana kusasa sizokuhlongakala.’”+
14 Ngemva kwalokho, ngezwa ilizwi lakaJehova wamabutho lithi: “‘Umtjhapho lo angekhe ulitjalelwe bekube kulapho nina bantu nifa,’+ kutjho iKosi ePhakemeko, uJehova wamabutho.”
15 Nakhu iKosi ePhakemeko, uJehova wamabutho, ekutjhoko: “Khamba uye kumphathi uTjhebhina,+ omtlhogomeli wendlu, uthi, 16 ‘Yini engeyakho la begodu ngubani ongewakho la, bona ungazibazela indawo yokubulungwa?’ Uzibazela indawo yokubulungwa endaweni ephakemeko; uzenzela indawo yokuphumula edwaleni. 17 Qala! UJehova uzokubamba ngamandla, akulahlele phasi kabuhlungu, wena ndoda. 18 Ngokuqinisekileko uzokuphuthela akuqinise begodu akuphose njengebholo enarheni evulekileko. Uzokufela lapho, neenkarana zakho eziphazimulako zizokuba lapho, ihlazo endlini yekosakho. 19 Ngizokwehlisa endawenakho bese ngikususe esikhundleni sakho.
20 “‘Ngelangelo ngizokubiza incekwami u-Eliyakhimu,+ indodana kaRhilikhiya, 21 ngizomembathisa isambatho sakho bese ngimbophe ngebhande lakho ledinini,+ ngizokunikela amandlakho esandleni sakhe. Uzokuba nguyise wezakhamuzi zeJerusalema nendlini kaJuda. 22 Ngizokubeka isilodlhelo sendlu kaDavida+ ehlombe lakhe. Uzokuvula begodu akunamuntu ozokuvala; uzokuvala begodu akunamuntu ozokuvula. 23 Ngizombethela njengesikhonkhwani endaweni eqinileko begodu uzokuba njengesihlalo sobukhosi sephazimulo endlini kayise. 24 Bazokuphanyeka kuye yoke iphazimulo yendlu kayise, iinzukulwana nabentwana, zoke izitja ezincani, iinkotlelo kuhlanganise nemijeka emikhulu.
25 “‘Ngelangelo,’ kutjho uJehova wamabutho, ‘isikhonkhwani esibethelwe endaweni eqinileko sizokususwa+ bese sizokuquntwa siwe nomthwalo ebewusekelwe ngiso uzokutjhabalala, ngombana uJehova ukhulumile.’”
23 Isimemezelo malungana neTirosi:+
Rhahlawulani nina mikhumbi yeTaratjhitjhi!+
Ngombana idoyelo leenkepe litjhatjalalisiwe; akusangeneki.
Lokhu kwembulwe enarheni yeKithi.+
2 Thulani nina zakhamuzi ezisenarheni emagega nelwandle.
Abathengisi abasuka eTsidoni+ abayama ilwandle banizalisile.
3 Ithoro yeTjhirhori* ikhanjiswe phezu kwamanzi amanengi,+
Isivuno seNayili, inzuzo yeTirosi,
Ziletha inzuzo eentjhabeni.+
4 Yiba neenhloni Tsidoni, ndawo ephephileko yelwandle,
Ngombana ilwandle lithe:
“Akhenge ngibe neenhlungu zokubeletha, akhenge ngibelethe,
Akhenge ngikhulise amasokana neentombi.”+
5 Njengalokha nabezwa umbiko omalungana neGibhide,+
Abantu bazokuzwa ubuhlungu nabezwa umbiko omalungana neTirosi.+
6 Yamelani eTaratjhitjhi!
Rhahlawulani nina zakhamuzi zenarheni emagega nelwandle.
7 Kghani leli akusilidorobho ebelithaba kusukela kade, eenkhathini zalo zaphambilini?
Iinyawo zalo bezijayele ukulithatha zilise eenarheni ezikude bona lihlale lapho.
8 Ngubani oqunte lokhu ngokujamelene neTirosi,
Umbeki wamakhosi,
Abathengisi bakhe bebamakhosana,
Abarhwebi bakhe bebahlonitjhwa ephasini loke?+
9 UJehova wamabutho ngokwakhe uqunte lokhu,
Bona aqede ukuzikhakhazisa kwakhe ebuhleni bakhe boke,
Bona ahlazise boke ebebahlonitjhwa ephasini loke.+
10 Yamela enarhenakho njengoMlambo iNayili, wena ndodakazi yeTaratjhitjhi.
Ayisekho indawo yokwakha imikhumbi.*+
11 Ululele isandla sakhe ngelwandle;
Usikinye imibuso.
UJehova uyale bona kurhayilwe iimphephelo zeFunisiya.+
12 Begodu uthi: “Angeze usathaba,+
Wena ogandelelekileko, ntombi yeTsidoni.
Sikima uyamele eKithi.+
Ngitjho nalapho angekhe ufumane ukuphumula.”
13 Qala! Inarha yamaKhaledi.*+
Bakhe imibhotjhongo bona bakghone ukuyisahlela,
Bagiriza imibhotjhongwayo evikelekileko,+
Bayenze amarubhi.
14 Rhahlawulani nina mikhumbi yeTaratjhitjhi,
Ngombana isiphephelo senu sitjhatjalalisiwe.+
15 Ngelangelo iTirosi izokulitjalwa iminyaka ema-70,+ iminyaka elingana nemihla yekosi. Nakuphela iminyaka ema-70, iTirosi izokuba njengengwadla okubhinwe ngayo:
16 “Thatha iharibha, ukhambakhambe edorobheni, wena ngwadla elitjelweko.
Betha iharibhakho;
Bhina iingoma ezinengi,
Bona bakukhumbule.”
17 Nakuphela iminyaka ema-70, uJehova uzokukhumbula iTirosi, izokubuyela emsebenzinayo ingwadle nayo yoke imibuso yephasi. 18 Kodwana inzuzwayo nomsebenzayo uzokuba yinto ecwengileko kuJehova. Angekhe kubekwe namkha kubekelwe ngeqadi ngombana umsebenzayo uzokuba ngewalabo abahlala phambi kwakaJehova, bona badle baneliseke begodu bambathe izambatho ezisezingeni eliphezulu.+
24 Qala! UJehova ususa boke abantu enarheni* begodu uyenza ingabi nalitho.+
Uyayitjhabalalisa+ begodu uphadlhalaja izakhamuzi zayo.+
2 Kuzokwenzeka okufanako kiwo woke umuntu:
Ebantwini nakumphristi,
Esisebenzini nekosinaso,
Esisebenzini esisikazi nemphathinaso,
Kumthengi nakumthengisi,
Kumbolekisi nakumboleki,
Kiloyo obolekisa ngemali naloyo oboleka imali.+
4 Inarha iyalila;*+ iyatjhabalala.
Inarha ethelako iyatjhwaba; iyatjhabalala.
Abantu abadumileko enarheni bayatjhwaba.
6 Kungebangelo isiqalekiso sirhiribidele inarha,+
Labo abahlala kiyo babekwe umlandu.
Kungebangelo izakhamuzi zenarha ziimbalwa,
Begodu bambalwa khulu abantu abaseleko.+
7 Iwayini elitjha liyalila,* isimu yamadiribe iyatjhwaba,+
Begodu boke abathabileko ehliziyweni bayanghonghoyila.+
8 Ithabo labosotjherere liphelile;
Itjhada lalabo abathanda ukuzithabisa liphelile;
Itjhada elimnandi leharibha liphelile.+
9 Basela iwayini ngaphandle kwengoma,
Begodu utjwala buyababa kilabo ababuselako.
10 Idorobho elilahliweko ligirikile;+
Zoke izindlu zivaliwe bona kungabi nongenako.
11 Bayarhuwelela eendleleni ngombana iwayini alisekho.
Loke ithabo linyamalele;
Ithabo lenarha alisekho.+
12 Idorobho litjhiywe limarubhi;
Isango liphahlazwe laba liququ.+
13 Ngombana nasi indlela inarha ezokuba ngayo hlangana neentjhaba:
14 Bazokuphakamisa amaphimbwabo,
Bazokurhuwelela ngethabo.
Bazokumemezela ubukhosi bakaJehova kusukela elwandle.*+
15 Kungebangelo bazokuphazimulisa uJehova esifundeni sokukhanya;*+
Eenhlengeleni zelwandle bazokuphazimulisa igama lakaJehova, uZimu ka-Israyeli.+
16 Kusukela emaphethelweni wephasi sizwa iingoma:
“IPhazimulo koLungileko!”+
Kodwana ngithi: “Ngiyatjhabalala, ngiyatjhabalala!
Maye! Kimi, okhohlisako wenze ngokukhohlisa;
Ngekohliso, okhohlisako wenze ngokukhohlisa.”+
17 Ukusaba, imigodi neenthiyo zikulindele, sakhamuzi senarheni.+
18 Nanyana ngubani obalekela itjhada elithusako uzokuwela emgodini,
Nanyana ngubani ophuma emgodini uzokubanjwa sithiyo.+
Ngombana amasango weenkhukhula aphezulu azokuvulwa,
Neensekelo zenarha zizokusikinyeka.
20 Inarha itherezela njengomuntu odakiweko,
Begodu iya ngapha nangapha njengomtlhatlhana nakunomoya.
Idisibezwa mtjhaphwayo+
Begodu izokuwa bona ingasavuka godu.
21 Ngelangelo uJehova uzokwahlulela ibutho eliseendaweni eziphakemeko
Namakhosi wephasi.
22 Bazokubuthelelwa ndawonye
Njengeembotjhwa zibuthelelwa emgodini,
Begodu uzobathulisa ejele;
Ngemva kwamalanga amanengi bazokwahlulelwa.
23 Inyanga ezeleko izokuba mnyama,
Nelanga eliphazimulako lizokufiphala,+
Ngombana uJehova wamabutho ube yiKosi+ eNtabeni yeZiyoni+ neJerusalema,
Uyaphazimula phambi kwabadala babantu bakhe.+
25 Maye! Jehova, unguZimami.
Ngiyakuphakamisa, ngidumisa igama lakho,
Ngombana wenze izinto ezimangalisako,+
Izinto ozihlose kusukela eenkhathini zekadeni,+
Ngokuthembeka+ nangeqiniso.
2 Ngombana wenze idorobho laba siqorho samatje,
Idorobho elivikelekileko laba marubhi.
Isiphephelo sabantu abavela kwenye inarha asiseselidorobho;
Angeze sisavuselelwa.
3 Kungebangelo abantu abanamandla bazokuphazimulisa;
Idorobho leentjhaba ezinelunya lizokusaba.+
4 Ngombana ube siphephelo koqhakileko,
Ube siphephelo kotlhagako ekugandelelekeni kwakhe,+
Ube siphephelo esiwuruwurwini,
Nomthunzi ekutjhiseni.+
Lokha ubukhali babanelunya bunjengesiwuruwuru esitjhayisana neboda,
5 Njengomtjhiso enarheni eyomileko,
Uhlula ukuvungama kwabantu abangaziwako.
Njengomtjhiso uhlulwa mthunzi welifu,
Injalo-ke nengoma yabantu abanelunya iyathuliswa.
6 Entabeni le,+ uJehova wamabutho uzokwenzela zoke iintjhaba
Umnyanya wokudla okumnandi,+
Umnyanya wewayini elimnandi,*
Umnyanya wokudla okumnandi okuzele ummongo,
Umnyanya wewayini elimnandi elitlhodlhiweko.
7 Entabeni le, uzokususa* isigubuzeso esigubuzese zoke iintjhaba
Netjhila elilukiweko eligubuzese zoke iintjhaba.
Ihlazo labantu bakhe uzolisusa ephasini loke,
Ngombana uJehova ukhulumile.
9 Ngelangelo bazokuthi:
“Qalani! Lo, nguZimethu!+
Lo, nguJehova!
Sithembele kuye.
Asithabeni sijekezele ngombana usisindisile.”+
10 Ngombana isandla sakaJehova sizokuhlala entabeni le,+
Begodu uMowabi uzokugadangwa endawenakhe+
Njengotjani bugadangwa bube liqubi lomsuqwa.
11 Uzokwelulela izandla zakhe phezu kwakhe
Njengomuntu odudako olula izandla zakhe bona adude,
Uzokwehlisa ukuzikhakhazisa kwakhe+
Ngokumbetha ngezandla zakhe ezinobukghoni.
12 Begodu idorobho elivikelekileko, elinamaboda aphakemeko wesivikelo,
Uzoligiriza;
Uzolidula phasi ethulini.
26 Ngelangelo ingoma le izokubhinwa+ enarheni yakwaJuda:+
“Sinedorobho eliqinileko.+
Wenza* isindiso ibe mabodalo neendunduma zalo.+
2 Vula amasango+ bona isitjhaba esilungileko singene,
Isitjhaba esiziphatha ngokuthembeka.
3 Uzokuvikela labo abathembele kuwe;*
5 Ngombana wehlisa labo abahlala endaweni ephakemeko, edorobheni eliphakemeko.
Uyaligiriza,
Uligirizela phasi ephasini;
Uliphosa phasi ethulini.
6 Iinyawo zizoligadanga,
Iinyawo zabatlhagako, iinyawo zabadududu.”
7 Indlela yolungileko ilungile.*
Ngombana ulungile,
Uzokwenza indlela olungileko aphila ngayo itjhelele.
8 Njengombana silandela izahlulelo zakho Jehova,
Sithembele kuwe.
Silulukela igama lakho* nesikhumbuzo sakho.*
9 Ebusuku ngikululukela ngomphefumulwami woke,
Ummoyami usolo ufuna wena;+
Ngombana nawahlulela iphasi,
Izakhamuzi zenarheni zifunda ngokulunga.+
10 Ngitjho nanyana okhohlakeleko angaphathwa ngomusa,
Angekhe afunde ukwenza okulungileko.+
11 Maye! Jehova isandla sakho siphakanyisiwe kodwana abasiboni.+
Bazokubona indlela othanda ngayo abantu bakho begodu bazokuhlaziswa.
Umlilwakho uzokurhiribidela amanabakho.
13 Maye! Jehova Zimethu, amanye amakhosi ngaphandle kwakho asibusile,+
Kodwana thina sikhuluma ngegama lakho kwaphela.+
14 Ahlongakele awasaphili.
Awanamandla ekufeni, angeze asavuka.+
Ngombana uwahlulele
Bona uwatjhabalalise nokuthi abantu bangasawakhumbula.
Ulule yoke imikhawulo yenarha yaba mikhulu.+
16 Maye! Jehova nabagandelelekileko beza kuwe;
Bathandaza ngetjiseko lokha nawubakhalimako.+
17 Njengombana umfazi osidisi osele azokubeletha
Aba neenhlungu zokubeletha begodu alila ngebanga leenhlungu,
Besinjalo ngebanga lakho Jehova.
18 Sibe sidisi, saba neenhlungu zokubeletha,
Kodwana kunjengokungathi sibelethe umoya.
Akhenge silethe isindiso enarheni,
Begodu akunamuntu obelethiweko bona ahlale enarheni.
19 Abahlongakeleko bakho bazokuphila.
Iindumbu zami zizokuvuka.+
Vukani, nirhuwelele ngethabo,
Nina zakhamuzi ezisethulini!+
Ngombana umbethakho unjengombethe wekuseni,*
Begodu iphasi lizokuvumela labo abanganamandla ekufeni bona baphile.
Zifihleni isikhatjhana
Bekube kulapho ilaka lidlulile.+
21 Ngombana qala uJehova uyeza usuka endawenakhe
Bona abize izakhamuzi zenarha ukuthi zilandise ngomtjhaphwazo,
Begodu inarha izokwambula ukuphalaza kwayo iingazi
Angeze isagubuzesa ababuleweko bayo.”
27 Ngelangelo uJehova ngesabulakhe enelunya, ekulu neqinileko,+
Uzokujezisa uLeviyathani,* inyoka etjhelelako,
ULeviyathani inyoka ezisongasongako,
Uzokubulala isilwana esikhulu esisabekako esiselwandle.
2 Ngelangelo mbhineleni* nithi:
“Isimu yamadiribe yewayini elinamagwebu!+
3 Mina Jehova ngiyamvikela.+
Ngaso soke isikhathi ngiyamthelelela.+
Ngiyamvikela ubusuku nemini,
Bona kungabi nomuntu omlimazako.+
4 Angikamsilingekeli.+
Ngubani ozokuqalana nami ngemithi yameva nekhula epini?
Ngizobagadanga begodu ngizobatjhisa boke.
5 Nakungasinjalo, akakakarele esiphephelweni sami.
Akenze ukuthula nami;
Ukuthula akakwenze nami.”
6 Emalangeni azako uJakopo uzokuba nomrabhu,
U-Israyeli uzokuhluma, abe namathuthumbo,+
Begodu bazokuzalisa inarha ngomkhiqizo.+
7 Inga-kghani kufuze abethwe ngesijeziso saloyo ombethako?
Namkha kufuze abulawe ngokurhayilwa njengababuleweko bakhe?
8 Uzokuphikisana naye ngokulila okuthusako nawumqothako.
Uzomqotha ngelaka lakhe elivuthako ngelanga lomoya wepumalanga.+
9 Nje-ke umtjhapho kaJakopo uzokulitjalelwa ngendlela le,+
Begodu lesi kuzokuba
sithelo esipheleleko lokha isono sakhe nasisuswako:
Uzokwenza woke amatje we-aldareni
Afane namatje wetjhogo agayiweko,
Begodu azikho iingodo ezicwengileko* namkha ama-aldara wepepho azokusala.+
10 Ngombana idorobho elivikelekileko lizokulahlwa;
Amadlelo azokutjhiywa, alahlwe njengommango.+
Ikonyana lizokudla bese lilale lapho
Lizokurhiribidela neempande zalo.+
11 Lokha amahlumelalo nakomako,
Umfazi uzokuza bese awaphule,
Abase ngawo umlilo.
Ngombana isitjhabesi asizwisisi.+
Kungebangelo uMenzaso angekhe abe nesirhawu kiso,
Naloyo osenzileko angekhe abe nomusa kiso.+
12 Ngelangelo uJehova uzokubuthelela iinthelo kusukela emlanjaneni ogelezako woMlambo* ukuya emRhobeni* weGibhide+ begodu nina bantu bakwa-Israyeli nizokubuthelelwa omunye ngemva komunye.+ 13 Ngelangelo kuzokuvuthelwa iphondo elikhulu+ begodu labo abatjhabalalako enarheni ye-Asiriya+ nalabo abaphadlhaleleko enarheni yeGibhide,+ bazokuza bese bakhothame kuJehova entabeni ecwengileko yeJerusalema.+
28 Maye! Esihlohlweni* esizikhakhazisako seendakwa zakwa-Efrayimu+
Nethuthumbo elitjhwabileko lobuhle baso obuphazimulako,
Esisehloko yomrhoba ovundileko walabo abahlulwa liwayini!
2 Qala! UJehova unomuntu onamandla.
Njengesinanja esinomdumo, isiwuruwuru esitjhabalalisako,
Njengomoya onomdumo weenkhukhula ezinamandla,
Uzosiphosela phasi ephasini ngamandla.
3 Iinhlohlo ezizikhakhazisako zeendakwa zakwa-Efrayimu
Zizokugadangwa.+
4 Ithuthumbo elitjhwabako lobuhle bephazimulwazo,
Esehloko yomrhoba onothileko,
Lizokuba njengefeyi lokuthoma elivuthwa ihlobo lingakangeni.
Lokha umuntu nakalibonako, uzolikha alidle msinya.
5 Ngelangelo uJehova wamabutho uzokuba sihlohlo esiphazimulako nomkghabiso omuhle ebantwini bakhe abaseleko.+ 6 Uzokuba mmoya wobulungiswa kiloyo ohlezi ekwahluleleni nomthombo wamandla kilabo abavikela isango ekusahlelweni manaba.+
7 Nalaba bayaphambuka ngebanga lewayini;
Utjwala babo bubenza batherezele.
Umphristi nomphorofidi bayaphambuka ngebanga lotjwala;
Iwayini liyabatjharaganisa,
Begodu bayatherezela ngebanga lotjwala babo;
Umbonwabo ubenza baphambuke,
Begodu bakhupha izahlulelo ezingakafaneli.+
8 Ngombana amatafulabo azele amahlanza
Akunandawo enganawo.
9 Umuntu uzolidlulisela kubani ilwazi,
Begodu uzowuhlathululela bani umlayezo?
Kghani labo abalisiswe ukumunya,
Labo abasuswe ebeleni?
10 Ngombana ngaso soke isikhathi uthi: “Umyalo ngemva komyalo, umyalo ngemva komyalo,
Umthetho phezu komthetho, umthetho phezu komthetho,+
Okuncani la, okuncani lapha.”
11 Uzokukhuluma nesitjhabesi ngabantu abangunguzako nalabo abakhuluma ilimi elingaziwako.+ 12 UZimakhe wathi kibo: “Le yindawo yokuphumula. Odiniweko akaphumule; le yindawo yokuphumula,” kodwana akhenge balalele.+ 13 Nje-ke ilizwi lakaJehova lizokuthi kibo:
“Umyalo ngemva komyalo, umyalo ngemva komyalo,
Umthetho phezu komthetho, umthetho phezu komthetho,+
Okuncani la, okuncani lapha,”
Bona nabakhambako bakhutjwe bawe ngomhlana
Baphuke, bathiywe bese babanjwe.+
14 Nje-ke lalelani ilizwi lakaJehova, nina bantu abazikhakhazisako,
Nina babusi besitjhabesi abaseJerusalema,
15 Ngombana nina bantu nithi:
Nakudlula isikhukhula esinamandla,
Angekhe sifike kithi,
Ngombana senze amala aba siphephelo sethu
Begodu sizifihle emaleni.”+
16 Nje-ke nakhu iKosi ePhakemeko uJehova ekutjhoko:
“Ngibeka ilitje elihlolisisiweko bona libe sisekelo eZiyoni,+
Ilitje eliligugu lesisekelo esiqinileko.+
Okholwa kilo angeze asabe.+
Isinanja sizokuthanyela isiphephelo samala,
Namanzi azokukhukhula indawo yokubhaca.
Nakudlula isikhukhula esinamandla
Sizonitjhabalalisa.
Kusaba kwaphela okuzobenza bazwisise abakuzwileko.”*
20 Ngombana umbhede mfitjhani bona ungalula iinyawo kiwo,
Netjhila elilukiweko lincani bona ungaziphuthela ngalo.
21 Ngombana uJehova uzokusikima njengeNtabeni iPeratsimu;
Uzokusilingeka njengemrhobeni oseduze neGibiyoni,+
Bona enze isenzo sakhe, isenzo esingakajayeleki
Begodu enze umsebenzakhe, umsebenzakhe ongakajayeleki.+
22 Nje-ke ninganyefuli,+
Bona amaketanenu angaqiniswa khulu,
Ngizwile eKosini ePhakemeko uJehova wamabutho,
Bona uqunte ukutjhabalalisa inarha yoke.+
23 Lalelani nizwe ilizwi lami;
Lalelisisani, nizwe engikutjhoko.
24 Kghani umlimi ulima ilanga loke ngaphambi kobana atjale imbewu?
Kghani usolo aphutjhula amagade begodu alinganise ihlabathakhe?+
25 Lokha nasele aleleze isimakhe,
Akarhatjhi na ikhumini enzima begodu atjale ikhumini,
Akatjali na ikoroyi, inyaluthi, nebhali eendaweni zazo
26 Ngombana umfundisa indlela elungileko;
UZimakhe uyamnqophisa.+
27 Ngombana ikhumini enzima ayibhulwa ngeengodo zesileyi,+
Nekarana yamavili ayikhanjiswa phezu kwekhumini.
Kunalokho ikhumini enzima ibhulwa ngeswazi,
Begodu ikhumini ibhulwa ngentonga.
28 Umuntu nakabhula iinthoro azozisebenzisa nakenza uburotho kghani uyazisila?
Awa, akazisili ngokubuyelelweko;+
Nakatjhayela ikaranakhe enamavili phezu kwayo edoswa ziinjomani zakhe,
Akayisili.+
29 Nalokhu kuvela kuJehova wamabutho,
Oneseluleko esimangalisako
Begodu uhlala aphumelela kilokho akwenzako.+
29 Maye! Ariyeli,* Ariyeli, idorobho lapho uDavida bekahlome khona amatende!+
Ragela phambili umnyaka nomnyaka
Ragelani phambili nenza iminyanya+ qobe minyaka.
2 Kodwana ngizokuletha ukugandeleleka e-Ariyeli,+
Kuzokuba nokuzila nokulila,+
Begodu izokuba njengeziko le-aldara lakaZimu kimi.+
3 Ngizokuhloma amatende mahlangothi woke bona ngilwe nawe,
Ngizokuvimbezela ngesibiyelo esineenkhonkhwani
Begodu ngizokwakha amaboda amakhulu bona ngikusahlele.+
4 Uzokwehliswa;
Uzokukhuluma usehlabathini,
Begodu okutjhoko kuzokuvalwa ngethuli.
Ilizwi lakho lizokuzwakala ehlabathini+
Njengelizwi lomuntu obuza kwabafileko,
Begodu amezwakho azokurhuwelela avela ethulini.
5 Isiqubuthu samanabakho sizokuba njengepuphu esefiweko,+
Isiqubuthu sabantu abanelunya sizokuba njengeenhluba eziphephukako.+
Kuzokwenzeka msinya, kungakalindeleki.+
6 UJehova wamabutho uzokuhlenga
Ngomdumo, ngokusikinyeka kwephasi nangetjhada elikhulu,
Ngomoya ovunguza ngamandla, ngesiwuruwuru nangamalangabi womlilo orhiribidelako.”+
7 Isiqubuthu sazo zoke iintjhaba ezilwa ne-Ariyeli+
Boke labo abalwa nayo,
Imibhotjhongo yokulivimbezela,
Nalabo abaligandelelako
Bazokuba njengebhudango, umbono webusuku.
8 Kuzokuba njengalokha umuntu olambileko abhudanga adla,
Kodwana avuke alambile,
Njengalokha umuntu owomileko abhudanga asela,
Kodwana avuke adiniwe begodu omile.
Kuzokuba njalo ngesiqubuthu sazo zoke iintjhaba
Ezilwa neNtaba iZiyoni.+
Badakiwe kodwana abakadakwa liwayini;
Bayatherezela kodwana abatherezeliswa butjwala.
10 Ngombana uJehova uthele ummoya wobuthongo obukhulu kini;+
Uvale amehlwenu baphorofidi,+
Begodu ugubuzese iinhloko zenu nina baboni bemibono.+
11 Yoke imibono iba njengamezwi wencwadi evaliweko.+ Nabayinikela umuntu okwazi ukufunda, bathi: “Sibawa ufundele phezulu,” uzokuthi: “Angikghoni ngombana ivaliwe.” 12 Nabanikela umuntu ongakwazi ukufunda bathi kuye: “Sibawa ufunde lokhu,” uzokuthi; “Angikwazi ukufunda.”
13 UJehova uthi: “Abantwaba bangilotjha ngemilomabo
Begodu bangidumisa ngemilomabo,+
Kodwana iinhliziyo zabo zikude khulu nami;
Ukungisaba kwabo kusekelwe emiyalweni yabantu abafundiswe yona.+
14 Ngalokho, ngimi ozokwenza izinto ezimangalisako ngabantwaba godu,+
Ngesimangaliso phezu kwesimangaliso;
Begodu ukuhlakanipha kwabahlakaniphileko kuzokutjhabalala,
Nokuzwisisa kwabantu babo abanelemuko kuzokufihlwa.”+
15 Maye! Kilabo abenza koke abangakwenza bona bafihlele uJehova amanwabo.+
Benza izinto ebumnyameni,
Bazitjela bathi: “Ngubani osibonako?
Ngubani owaziko ngathi?”+
16 Nihlanekela izinto!
Kghani umbumbi kufuze afaniswe nebumba na?+
Kghani okwenziweko kufuze kuthi ngomenzako:
“Akakangenzi”?+
Kghani okubunjiweko kufuze kuthi ngombumbako:
“Akazwisisi”?+
17 Esikhathini esingaphelisi ihliziyo, iLibhanoni izokuba yisimu yemithi yeenthelo,+
Begodu isimu yemithi yeenthelo izokuba njengehlathi.+
19 Abathobekileko bazokuthaba khulu ngebanga lakaJehova,
Nabatlhagileko bazokuthaba khulu ngebanga loCwengileko ka-Israyeli.+
20 Ngombana onelunya angeze asaba khona,
Ozikhakhazisako uzokuqedwa,
Nabo boke abahlala balindele ukwenza okulimazako bazokutjhatjalaliswa,+
21 Labo abasola abanye ngokubaleyela amala,
Ababekela ozivikelako iinthiyo esangweni ledorobho,+
Nalabo abadima olungileko ubulungiswa ngeempikiswano ezingatjho litho.+
22 Ngilokhu uJehova owahlenga u-Abrahama,+ akutjhoko endlini kaJakopo:
23 Nakabona abantwana bakhe,
Abamsebenzi wezandla zami, banaye,+
Bazokucwengisa igama lami;
Bazokucwengisa oCwengileko kaJakopo,
Bazokusaba uZimu ka-Israyeli.+
24 Labo abaphambukileko bazokufumana ukuzwisisa,
Nalabo abanghonghoyilako bazokwamukela isinqophiso.”
30 “Maye! Emadodaneni anekani,”+ kutjho uJehova,
“Enza amaqhinga angasingewami,+
Enza iimvumelwano ezingavumelani* nommoyami,
Angezelela isono esonweni.
3 Kodwana isivikelo sakaFaro sizokuba ngunobangela weenhloni kini,
Begodu isiphephelo somthunzi weGibhide sizokuba ngunobangela wokuhlaziseka.+
4 Ngombana amakhosanakhe aseTsowani,+
Begodu iinthunywa zakhe zifike eRhanesi.
5 Boke bazokuhlaziswa
Babantu abangekhe babazuzisa ngalitho,
Abantu abangekhe babasiza namkha babazuzisa,
Abazobahlazisa kwaphela begodu babahlambalaze.”+
6 Isimemezelo esijamelene nesibandana sesewula:
Enarheni yokugandeleleka nobudisi,
Yebhubezi, ibhubezi elibhodlako,
Yenyoka nenyoka ephaphako enomlilo,
Bathwala umnothwabo emhlana yabodumbana
Nepahlabo phezu kwamakamela
Kodwana izintwezi angekhe zizuzise abantu.
7 Isizo leGibhide alinamsebenzi.+
Ngalokho ngibabize ngokuthi: “NguRarhabu,+ ohlala phasi angenzi litho.”
8 “Nje-ke khamba utlole umlayezo elitjeni elisipara phambi kwabo,
Begodu uwutlole encwadini,+
Bona ube bufakazi esikhathini esizako
Njengobufakazi obuhlala ngokungapheliko.+
9 Bababantu abavukelako,+ amadodana akhohlisako,+
Amadodana angakazimiseli ukulalela umthetho kaJehova.+
10 Bathi kubaboni, ‘Ningaboni,’
Begodu kubaboni bemibono bathi, ‘Ningasitjeli imibono eliqiniso.+
Sitjelani izinto ezisikarako; bonani imibono ekhohlisako.+
11 Sukani endleleni; phambukani endleleni.
Lisani ukubeka oCwengileko ka-Israyeli phambi kwethu.’”+
12 Nje-ke nakhu oCwengileko ka-Israyeli akutjhoko:
“Njengombana nala ilizweli+
Nathembela esifumbathisweni nekukhohliseni
Begodu nathembela kilokhu,+
13 Nje-ke umtjhapho lo uzokuba njengeboda elisasambileko kini,
Njengeboda elide elilungele ukuwa.
Lizokugirika msinyana, kungakalindeleki.
14 Lizokuphuka njengomjeka omkhulu obunjiweko,
Lizokuphahlaka ngokupheleleko kangangokuthi ayikho ingcenye ezokusala
Ongayisebenzisela ukukhupha amalahle emlilweni
Namkha ukukha ngayo amanzi.”
15 Nakhu iKosi ePhakemeko uJehova, oCwengileko ka-Israyeli ekutjhoko:
“Ngokubuyela kimi begodu niphumule, nizokusindiswa;
Amandlenu azokuba sekwehliseni ummoya nokungithemba.”+
Kodwana akhenge nizimisele.+
16 Kunalokho nithe: “Awa, sizokubaleka ngeenjomani!”
Yeke nizokubaleka.
“Begodu sizokukhwela iinjomani ezinebelo!”+
Labo abanigijimisako bazokuba nebelo.+
17 Ikulungwana izokuhlengezela ngebanga lokuthuswa mumuntu munye;+
Ngebanga lokuthuswa babantu abahlanu izokubaleka
Bekube kulapho abaseleko kini bafana nepala esiqongolweni sentaba,
Njengetshwayo embundwini.+
18 Kodwana uJehova ulinde ngesineke bona abe nomusa,+
Begodu uzokuthatha igadango bona abe nesirhawu.+
Ngombana uJehova nguZimu wobulungiswa.+
Bayathaba boke abamlindelako.*+
19 Abantu nabahlala eZiyoni, eJerusalema,+ angeze nisalila.+ UZimu uzokuba nomusa kini nakezwa itjhada lokulila kwenu nifuna isizo; uzoniphendula msinyana nakalizwako.+ 20 Kodwana uJehova uzonipha uburotho njengesizi namanzi njengokugandeleleka,+ uMfundisenu omKhulu angeze asazifihla, nizokubona uMfundisenu omKhulu+ ngamehlwenu. 21 Nange niphambuka begodu niya ngesidleni namkha ngesinceleni nizokuzwa ilizwi ngemva kwenu lithi, “Nasi indlela. Khambani ngayo.”+
22 Nizokusilaphaza isiliva okunamekwe ngayo iinthombe zenu ezibaziweko negolide okunamekwe ngayo iinthombe zenu zesimbi.+ Nizozilahla njengetjhila elisilapheleko* nithi kizo, “Sukani!”*+ 23 Uzokunisa izulu embewini oyitjale ehlabathini+ begodu uburotho obuzokuvela buzokuba bunengi, bunothe.+ Ngelangelo ifuywakho izokudla emadlelweni amakhulu.+ 24 Iinkomo nabodumbana abalima ihlabathi bazokudla ukudla okumnandi okuhlukaniswe ngerharafu neforogo. 25 Kizo zoke iintaba eziphakemeko nakiyo yoke imibundu ephakemeko, kuzokuba nemilanjana nemisele,+ ngelanga lokurhayila okukhulu lokha nakuwa imibhotjhongo. 26 Umkhanyo wenyanga ezeleko uzokuba njengomkhanyo welanga nomkhanyo welanga uzokuba namandla ngokubuyelelwe kalikhomba,+ njengomkhanyo wamalanga alikhomba, ngelanga uJehova azokubopha ngalo ukuphuka kwabantu bakhe,+ alaphe namanceba amakhulu avezwe kubetha kwakhe.+
27 Qala! Igama lakaJehova livela kude,
Livutha ngelaka lakhe begodu libhodwe mamafu abudisi.
Umlomakhe uzele ukusilingeka,
Nelimu lakhe lifana nomlilo orhiribidelako.+
28 Ukuphefumula kwakhe kufana nomlambo ophuphuma ukufika entanyeni,
Bona asikinye iintjhaba esefeni sokutjhabalalisa;
Begodu iintjhaba zizokuba netomu eliziphambukisako emhlathinazo.+
Nehliziywakho izokuthaba njengomuntu
Okhamba nefuludi*
Osendleleni eya entabeni kaJehova, iDwala laka-Israyeli.+
30 UJehova uzokwenza ilizwi lakhe eliphazimulako+ lizwakale
Begodu uzokwenza amandla womkhonwakhe abonakale,+
Ngelangabi lomlilo orhiribidelako,+
Ngezulu elina ngamandla ngokuduma nangesinanja.+
32 Qobe uJehova nakabetha ama-Asiriya
Ngentonga yesijeziso
Kuzokuba netjhada labosotjherere namaharibha+
Nakaphakamisa umkhonwakhe ngokujamelene nabo epini.+
Wenze iququ leenkuni ladepha, laba banzi.
Ngomlilo omkhulu nangeenkuni.
Ukuphefumula kwakaJehova kunjengomlanjana wesibabuli,
Kuzolitjhisa.
31 Maye! Kilabo abehlele eGibhide bayokufuna isizo,+
Abathembela eenjomaneni,+
Abathembela eenkaraneni zepi ngombana zinengi,
Neenjomaneni zepi ngombana zinamandla.
Kodwana abathembeli koCwengileko ka-Israyeli,
Begodu abafuni uJehova.
2 Kodwana uhlakaniphile, uzokuletha ihlekelele,
Begodu uzowazalisa amezwakhe.
Uzokuthatha amagadango ngokujamelene nendlu yabenzi bokumbi
Nangokujamelene nalabo abasiza abenzi bokumbi.+
3 AmaGibhide babantu begodu abasinguZimu;
Iinjomani zabo ziinjomani nje kwaphela ingasi ummoya.+
UJehova nakalula isandla sakhe
Nanyana ngubani ofuna ukubasiza uzokuwa
Nanyana ngubani osizwako uzokuwa;
Woke azokutjhabalala ngesikhathi sinye.
4 Ngombana ngilokhu uJehova akutjho kimi:
“Njengombana ibhubezi libhodla, ibhubezi elincani elinamandla, nalibona inyamazana,
Lokha soke isiqhema sabelusi sibizwa ndawonye ngokujamelene nalo,
Begodu lingathuswa kurhuwelela kwabo
Namkha lingabi nesibindi ngebanga lesiyaluyalu sabo,
Ngokunjalo uJehova wamabutho uzokwehla bona azokulwela
INtaba iZiyoni nombundwayo.
5 Njengeenyoni eziphaphako ezivikela abantwabazo, uJehova wamabutho uzokuvikela iJerusalema.+
Uzolivikela, alisindise.
Uzolivikela, alihlenge.”
6 “Buyelani kilo ebenimvukela, nina sitjhaba sakwa-Israyeli.+ 7 Ngombana ngelangelo omunye nomunye uzokulahla abozimu bakhe besiliva abangasizi ngalitho nabozimu bakhe begolide abangatjho litho, abenziwe ngezandla zenu ezinesono.
8 UmAsiriya uzokuwa ngesabula, engasi ngeyomuntu;
Isabula engasi ngeyomuntu, izombulala.+
Uzokubaleka ngebanga lesabula,
Namasokanakhe azokukatelelwa bona asebenze.
9 Idwala lakhe alisazukuba khona ngebanga lokusaba,
Namakhosanakhe azokuthuswa litshwayo,” kutjho uJehova,
Ukukhanya kwakhe kuseZiyoni begodu ikehlakhe yomlilo iseJerusalema.
2 Ngamunye wabo uzokuba njengendawo yokuzifihla emoyeni,
Njengendawo yokubhaca esivunguvungwini,
Njengemilanjana yamanzi endaweni enganamanzi,+
Njengomthunzi wedwala elikhulu endaweni eyomileko.
3 Amehlo walabo ababonako angeze asavalwa,
Neendlebe zabezwako zizokulalelisisa.
4 Labo abangacabangi bazokuzindla ngelwazi,
Begodu labo abangunguzako bazokukhuluma* kuhle ngokuzwakalako.+
5 Abanganangqondo angeze kusathiwa banomusa,
Nabangakathembeki angeze kuthiwe ziinkhulu;
6 Umuntu onganangqondo uzokukhuluma okungazisiko,
Nehliziywakhe izokuluka amano wezinto ezilimazako,+
Bona ithuthukise ukuhlubuka* nokukhuluma izinto ezijamelene noJehova,
Abangele olambileko bona angadli
Nowomileko amdime okuselwako.
7 Amaqhinga womuntu ongakathembeki mambi;+
Uthuthukisa ukuziphatha okuhlazisako
Bona alimaze abasesizini ngamala,+
Ngitjho nalokha otlhagako akhulume okulungileko.
8 Kodwana umuntu ophanako uthanda ukupha,
Begodu uphikelela ekwenzeni okuhle.
9 Nina bafazi abazigedlileko ngendlela eniphila ngayo, sikimani nilalele ilizwi lami!
Nina madodakazi anganandaba,+ lalelisisani engikutjhoko!
10 Ngaphezudlwana komnyaka, nina eninganandaba nizokuhlengezela,
Ngombana nizabe ningakabutheleli iinthelo nakuphela isivuno samadiribe.+
11 Hlengezelani nina bafazi abanelisekileko!
Thuthumelani nina abanganandaba!
Hlubulani nisale ningakambathi,
Begodu nimbathe imigodla eenyongeni zenu.+
12 Zibetheni amabele nilile
Ngebanga lalokho okwenzeke emasimini athelako nemasimini wamadiribe.
13 Ihlabathi yabantu bami izokugubuzeswa mahlathi wameva;
Azokugubuzesa zoke izindlu zethabo,
Iye, idorobho lethabo.+
14 Umbhotjhongo ovikelekileko ulahliwe;
Idorobho elinetjhada lilahliwe.+
I-Ofeli+ nesithala kube marubhi wasafuthi,
Athatjelwa bodumbana bommango,
Amadlelo wemihlambi,+
15 Bekube kulapho ummoya ovela phezulu uthululelwa phezu kwethu,+
Ummango uba yisimu yeenthelo,
Begodu isimu yeenthelo iqalwa njengehlathi.+
16 Ubulungiswa buzokuhlala emmangweni,
Nokulunga kuzokuhlala esimini yeenthelo.+
17 Umphumela wokulunga kwamambala kuzokuba kuthula,+
Isithelo sokulunga kwamambala kuzokuba kuthula okungapheliko nokuvikeleka.+
18 Abantu bami bazokuhlala endaweni enokuthula,
Eendaweni eziphephileko neendaweni zokuphumula ezinokuthula.+
19 Isinanja sizokulalisa ihlathi,
Nedorobho lizokubhuruzwa lisale linganalitho.
20 Niyathaba nina enitjala imbewu eqadi kwamanzi,
Enithuma ikunzi nodumbana.”+
33 Maye! Kuwe, wena otjhabalalisako ongakatjhatjalaliswa;+
Wena okghaphelako ongakakghatjelwa!
Nawuqeda ukutjhabalalisa, uzokutjhatjalaliswa.+
Nawuqeda ukukghaphela, uzokukghatjhelwa.
2 Maye! Jehova yiba nomusa kithi.+
Sithembele kuwe.
3 Iintjhaba ziyabaleka nazizwa itjhada elikhulu.
Lokha nawusikimako, iintjhaba ziyaphadlhalala.+
4 Njengombana iintethe ezirhiribidelako zihlangana, izinto zakho ozifumene epini zizokuhlangana;
Abantu bazokugijimela kizo njengesikhonyani.
5 UJehova uzokuphakanyiswa,
Ngombana uhlala endaweni ephakemeko.
Uzokuzalisa iZiyoni ngobulungiswa nokulunga.
6 Nguye okuvikelako ngeenkhathi zoke;
Isindiso ekulu,+ ukuhlakanipha, ilwazi nokusaba uJehova+
Lokhu ligugu lakhe.
7 Qala! Abantu babo abanamandla bayalila eendleleni;
Iinthunywa zokuthula zilila kabuhlungu.
8 Iindlela ezikulu zilahliwe;
Akunamuntu okhamba eendleleni.
9 Inarha idane kabuhlungu* begodu iyatjhwaba.
ILibhanoni iphethwe ziinhloni;+ iyatjhabalala.
ITjharoni ibe njengerhalawumba,
IBhatjhani neKarameli ithintitha amakarayo.+
11 Uzithwala utjani obomileko bese ubeletha umhlanga.
Ummoyakho uzokutjhabalalisa njengomlilo.+
12 Iintjhaba zizokuba njengomlotha.*
Njengameva aquntiweko, zizokuthungelwa ngomlilo.+
13 Nina enikude, lalelani ukuthi ngizokwenzani!
Nina eniseduze, bonani amandlami!
14 Izoni zeZiyoni zithukiwe;+
Iinhlubuki ziyahlengezela:
‘Ngubani kithi ongahlala lapho kunomlilo otjhabalalisako?+
Ngubani kithi ongahlala namalangabi angacimekiko?’
15 Ngiloyo ohlala akhamba ngokulunga,+
Okhuluma okulungileko,+
Owala inzuzo engakathembeki, neyikohliso,
Ongavumeli izandla zakhe zithathe isifumbathiso,+
Ovala iindlebe zakhe ekulumweni yokuphalaza iingazi,
Ovala amehlwakhe bona angaboni okumbi
16 Uzokuhlala eendaweni eziphakemeko;
Isiphephelo sakhe sizokuba hlangana namadwala okubudisi ukufika kiwo,
Uzokunikelwa uburotho,
Begodu amanzakhe angeze aphele.”+
17 Amehlwakho azokubona ikosi ephazimulwenayo;
Azokubona inarha ekude.
18 Ihliziywakho izokuzindla ngezinto ezithusako:
“Uphi unobhala?
Uphi okale umthelo?+
Uphi obale imibhotjhongo?”
19 Angeze usasibona isitjhaba esidelelako,
Isitjhaba esikhuluma ilimi okubudisi ukulizwisisa,
Isitjhaba esingunguzako ongeze wasizwisisa.+
20 Qala iZiyoni, idorobho leminyanyethu!+
Amehlwakho azokubona iJerusalema njengendawo yokuhlala enokuthula,
Itende engeze lasuswa.+
Iinkhonkhwani zetendalo angeze zatsonyulwa,
Neentambo zalo angeze zadatjulwa.
21 Kodwana lapho uJehova onaMandla,
Uzokuba njengesifunda semilambo, imisele ebanzi,
Lapho imikhumbi yepi engekhe iye khona
Nemikhumbi emikhulu engeze idlule khona.
22 UJehova ungumaHlulelethu,+
UJehova nguye osinikela umThetho,+
UJehova uyiKosethu;+
Nguye ozosisindisa.+
23 Iintambo zakho zizokugedla;
Angeze zikghone ukubamba ipala namkha zithabalalise iseyili.
Ngesikhatheso, izinto ezinengi ezifunyenwe epini zizokuhlukaniswa;
Ngitjho norholopheleko uzokuthatha izinto ezinengi ezifunyenwe epini.+
24 Asikho isakhamuzi esizokuthi: “Ngiyagula.”+
Abantu abahlala enarheni bazabe balitjalelwe umtjhaphwabo.+
34 Tjhidelani nizokuzwa nina ntjhaba,
Lalelisisani nina ntjhaba.
Iphasi nakho koke okukilo akulalele,
Inarha nawo woke umkhiqizwayo.
2 Ngombana ukusilingeka kwakaJehova kujamelene nazo zoke iintjhaba,+
Nelaka lakhe lijamelene nalo loke ibutho lazo.+
Uzozinikela ekutjhatjalalisweni;
Uzozirhayila.+
3 Ababuleweko bazokulahlwa,
Umnuko weendumbu zabo uzokukhuphuka;+
4 Loke ibutho lezulwini lizokubola,
Izulu lizokusongwa njengomsongo.
Woke amabutho azokutjhwaba,
Njengekari elitjhwabileko eliwa emthini wamadiribe
Nanjengefeyi elitjhwabileko emthini wamafeyi.
5 “Ngombana isabulami izokuthanjiswa ziingazi ezulwini.+
Izokwehlela kwa-Edomu bona iyokwahlulela,+
Ebantwini engibanikele ekutjhatjalalisweni.
6 UJehova unesabula; izokuzala iingazi.
Ngombana uJehova unomhlatjelo eBhozira,
Ngizokwenza bona kuphalake iingazi zeenlwana ezinengi kwa-Edomu.+
7 Iinkunzi zommango zizokubulawa nazo,
Iinkunzana neenkunzi ezinamandla.
Inarha yakwa-Edomu izokuthanjiswa ngeengazi,
Nethuli layo lizokuthanjiswa ngamafutha.”
8 Ngombana uJehova unelanga lokubuyiselela,+
Umnyaka wokujezisa ngebanga lomlandu ongokomthetho weZiyoni.+
9 Imilanjanayo* izokutjhuguluka ibe sikontiri,
Nethuli layo lizokuphenduka isibabuli,
Begodu inarhayo izokuba njengesikontiri esitjhako.
10 Ebusuku namkha emini engeze sicinywe;
Intuthwaso izokuhlala ikhuphuka nini nanini.
Isizukulwana nesizukulwana sizokuhlala sitjhabalele;
Akekho ozokuphinda adlule lapho ngokungapheliko.+
11 Lizokubuswa ngugubulu negubudu,
Iinkhova namagubulu azokuhlala kiyo.
Ngentambo yokulinganisa nangamatje uZimu uzokulinga inarha le
Atjengise bona izabe inganalitho begodu itjhatjalalisiwe.
12 Akekho eenkhulwini zakhe ozokubizwa ebukhosini,
Namakhosanakhe woke angekhe asaba khona.
13 Kuzokumila ameva emibhotjhongwenakhe evikelekileko,
Ameva nekhula elinameva kuzokuba sendawenakhe evikelekileko.
Izokuba yindawo yeempungutjha,+
Nendawo yeenciliba.
14 Iinlwana zerhalawumbeni zizokuhlangana neenlwana ezenza itjhada,
Imbuzi yommango izokubiza umnganayo.*
Iinyoni* zizokuhlala lapho Zifumane nendawo yokuphumula.
15 Inyoka izokwenza isikhundla sayo lapho, ibekele namaqanda,
Izowaqhoqhosela begodu iwabuthelele ndawonye emthunzinayo.
Amadlanga azokuhlangana lapho, elinye nelinye nomnganalo.
16 Hlolisisa encwadini kaJehova begodu uyifundele phezulu:
Akukho nasinye esizokulahleka;
Akukho nasinye esizokutlhoga umngani,
Ngombana nguJehova okhuphe umyalo,
Begodu mumoyakhe ozozibuthelela ndawonye.
17 Nguye oziphosele ifumbe,
Sisandla sakhe esilinganise indawazo.
Izokuba ngeyazo ngokungapheliko;
Zizokuhlala kiyo kizo zoke iinzukulwana.
35 Ummango nenarha eyomileko zizokuthaba,+
Ummango othabaleleko uzokuthaba bese utlhurhe njengesafroni.+
2 Izokutlhurha nakanjani;+
Izokuthaba, irhuwelele ngethabo.
Bazokubona idumo lakaJehova, iphazimulo kaZimethu.
3 Qinisani izandla ezibogabogako,
Nidzimelelise namadolo ahlengezelako.+
4 Tjela abagandelelekileko uthi:
“Yibani nesibindi. Ningasabi.
Qalani! UZimenu uyeza uzonilwela,
UZimu uza nesijeziso.+
Uzokuza azonisindisa.”+
Ngombana amanzi azokugeleza emmangweni,
Nemilanjana emmangweni othabaleleko.
7 Ihlabathi eyonyiswe mtjhiso izokuba mlambo onemihlanga,
Nehlabathi eyomileko izokuba mithombo yamanzi.+
Endaweni lapho iimpungutjha ziphumula khona,+
Kuzokuba notjani obuhlaza, imihlanga nephaphirasi.
8 Kuzokuba nendlela ekulu lapho,+
Iye, indlela ebizwa ngokuthi yiNdlela yokuCwengeka.
Ongakahlwengeki angekhe akhambe kiyo.+
Ibekelwe loyo okhamba endleleni;
Isidlhadlha angeze sikhambe kiyo.
9 Angeze kube nebhubezi lapho,
Isibandana esilimazako angeze size lapho.
10 Labo abahlengwe nguJehova bazokubuya+ beze eZiyoni ngetjhada lethabo.+
Ithabo elingapheliko lizokuba sihlohlo eenhloko zabo.+
Ithabo nokujekezela kuzokuba ngekwabo,
Ubuhlungu nokulila kuzokubaleka.+
36 Ngomnyaka we-14 wokubusa kweKosi uHezekiya, uSanirheribu ikosi ye-Asiriya+ weza bona azokulwa nawo woke amadorobho avikelekileko wakwaJuda begodu wawathumba.+ 2 Ngemva kwalokho, ikosi ye-Asiriya yathumela uRabitjhaki*+ nebutho elikhulu basuka eLakitjhi+ baya eKosini uHezekiya eJerusalema. Bajama ngemseleni wesiziba esiphezulu,+ esisendleleni ekulu yesimu yomhlanzi wezambatho.+ 3 Ngemva kwalokho, u-Eliyakhimu+ indodana kaRhilikhiya obekamphathi wesigodlo, uTjhebhina+ unobhala noJowarhi indodana ka-Asafa umtloli wezenzakalo baphuma baya kuye.
4 Nje-ke uRabitjhaki wathi kibo: “Ngibawa nithi kuHezekiya, ‘Ikosi ekulu, ikosi ye-Asiriya, ithi: “Khuyini ekwenza uzithembe kangaka?+ 5 Uthi, ‘Ngineqhinga begodu nginamandla wokulwa ipi’ kodwana mamezwi angatjho litho lawo. Uthembele kubani, bona ungaba nesibindi sokuphikisana nami?+ 6 Qala! Uthembele emhlangeni ophukileko lo, iGibhide, umuntu nakangazisekela ngawo ungangena esandleni sakhe umhlabe. Unjalo-ke uFaro, ikosi yeGibhide, kibo boke abathembela kuye.+ 7 Naningathi kimi, ‘Sithembele kuJehova uZimethu,’ kghani akusinguye na loyo uHezekiya asuse iindawo zakhe eziphakemeko nama-aldarakhe,+ khisibe ngapha uthi kuJuda neJerusalema, ‘Khothamani phambi kwe-aldareli’?”’+ 8 Nje-ke ngibawa nibheje nekosami, ikosi ye-Asiriya:+ Ngizoninikela iinjomani ezizii-2 000 nange nizokukghona ukufumana abakhweli beenjomani abaneleko. 9 Alo-ke, ningamhlula njani ngitjho nombusi munye ongomncani eensebenzini zekosami, kukulapho nithembela eGibhide bona nifumane iinkarana nabakhweli beenjomani? 10 Inga-kghani ngizizele ngaphandle kwemvumo kaJehova bona ngikhuphuke ngizokujamelana nenarha le bona ngiyitjhabalalise? UJehova ngokwakhe uthe kimi, ‘Khuphuka bona ujamelane nenarha le begodu uyitjhabalalise.’”
11 Khonokho u-Eliyakhimu, uTjhebhina+ noJowarhi bathi kuRabitjhaki:+ “Sibawa ukhulume neensebenzi zakho ngesi-Aramu*+ ngombana siyasizwisisa; ungakhulumi nathi ngelimi lamaJuda kulalele abantu abasebodeni.”+ 12 Kodwana uRabitjhaki wathi: “Kghani ikosami ingithume ekosinenu nakini kwaphela bona ngikhulume amezwi la? Kghani ayikangithumeli nebantwini abahlezi ebodeni, abazokudla ubuthuvi babo begodu basele nomhlambulukwabo kunye nani na?”
13 Ngemva kwalokho, uRabitjhaki wasikima bewarhuwelela ngelimi lesiJuda,+ wathi: “Lalelani ilizwi lekosi ekulu, ikosi ye-Asiriya.+ 14 Nakhu ikosi ekutjhoko, ‘Ningamvumeli uHezekiya anikhohlise, ngombana angekhe akghone ukunisindisa.+ 15 Godu ningamvumeli uHezekiya anenze bona nithembe uJehova+ ngokuthi: “Nakanjani uJehova uzosisindisa begodu idorobheli angekhe linikelwe esandleni sekosi ye-Asiriya.” 16 Ningamlaleli uHezekiya, ngombana ikosi ye-Asiriya ithi: “Yenzani ukuthula nami, nizinikele kimi, ngamunye wenu uzokudla emthinakhe wamadiribe nemthinakhe wamafeyi begodu uzokusela amanzi epetsinakhe, 17 bekube kulapho ngiza, nginisa enarheni enjengeyenu,+ inarha yeenthoro neyewayini elitjha, inarha yoburotho namasimu wamadiribe. 18 Ningavumeli uHezekiya anikhohlise athi, ‘UJehova uzosisindisa.’ Abozimu bezinye iintjhaba bazisindisile na iinarha zabo esandleni sekosi ye-Asiriya?+ 19 Baphi abozimu beRhamathi ne-Ariphadi?+ Baphi abozimu beSefarivayimu?+ Bayisindisile na iSamariya esandleni sami?+ 20 Ngimuphi uzimu, kibozimu boke beenarhezi osindise inarhakhe esandleni sami, okunenza nicabange ukuthi uJehova angasindisa iJerusalema esandleni sami?”’”+
21 Kodwana bathula azange bamphendule ngombana umyalo wekosi bewuthi, “Ningamphenduli.”+ 22 Kodwana u-Eliyakhimu indodana kaRhilikhiya, obekamphathi wesigodlo, uTjhebhina+ unobhala noJowarhi indodana ka-Asafa umtloli wezenzakalo bafika kuHezekiya izambatho zabo zidabukile bambikela amezwi kaRabitjhaki.
37 Msinyana iKosi uHezekiya nayizwa lokhu, yarathula izambatho zayo, yambatha umgodla yatjhinga endlini kaJehova.+ 2 Ngemva kwalokho, wathuma u-Eliyakhimu obekamphathi wesigodlo, uTjhebina unobhala nabadala babaphristi, bambethe imigodla, wabathuma ku-Isaya umphorofidi+ indodana ka-Amotsi. 3 Bathi kuye: “UHezekiya uthi, ‘Leli lilanga lokugandeleleka, lokukhalima* nelehlazo; ngombana abantwana balungele ukubelethwa kodwana amandla wokubeletha awekho.+ 4 Mhlamunye uJehova uZimakho uzowezwa woke amezwi kaRabitjhaki, loyo ikosi ye-Asiriya umphathayo emthumele bona ayokunyefula uZimu ophilako+ begodu uzomenza aziphendulele ngamezwi uJehova uZimakho awezwileko. Nje-ke sibawa uthandazele+ abaseleko abasindileko.’”+
5 Yeke iinsebenzi zeKosi uHezekiya zaya ku-Isaya,+ 6 u-Isaya wathi kizo: Ngilokhu okufuze nikutjele ikosenu, ‘UJehova uthi: “Ungasabi+ ngebanga lamezwi owazwileko, amezwi iinsebenzi zekosi ye-Asiriya+ ezingihlambalaze ngawo. 7 Ngifaka umcabango emkhumbulwenakhe,* begodu uzokuzwa umbiko abuyele enarhenakhe;+ ngizomenza abulawe ngesabula enarhenakhe.”’”+
8 URabitjhaki nakezwa bona ikosi ye-Asiriya ikhambile eLakitjhi, wabuyela kiyo wayifumana ilwa neLibhina.+ 9 Nje-ke ikosi yezwa kukhulunywa ngoTirihakha ikosi yeTopiya, kuthiwa: “Nangu uphumele ukuzokulwa nawe.” Yathi nayizwa lokhu, yathumela iinthunywa godu kuHezekiya,+ yathi: 10 “Ngilokhu ekufuze nikutjho eKosini yakwaJuda uHezekiya, ‘Ungavumeli uZimakho othembele kuye akukhohlise ngokuthi athi: “IJerusalema angeze yanikelwa esandleni sekosi ye-Asiriya.”+ 11 Qala! Uzwile bona amakhosi we-Asiriya enzeni kizo zoke iinarha ngokuzinikela ekutjhatjalalisweni.+ Ucabanga bona nguwe kwaphela ozokusindiswa? 12 Kghani abozimu beentjhaba abokhokho bami abazitjhabalalisako bazisindisa na?+ Iphi iGozani, iHarana,+ iRetsefu nabantu be-Edeni ebebase iTelasari? 13 Iphi ikosi yeRhamathi, ikosi ye-Ariphadi nekosi yamadorobho weSefarivayimu,+ weHena newe-Ava?’”
14 UHezekiya wathatha iincwadi ebeziphethwe ziinthunywa wazifunda. Ngemva kwalokho, uHezekiya wakhuphukela endlini kaJehova wazibeka phambi kwakaJehova.+ 15 UHezekiya wathoma ukuthandaza kuJehova+ wathi: 16 “Jehova wamabutho,+ Zimu ka-Israyeli, ohlezi esihlalweni sobukhosi ngaphezu kwamakherubhi,* wena wedwa unguZimu weqiniso wayo yoke imibuso yephasi. Wenza izulu nephasi. 17 Lalelisisa Jehova bese uzwe!+ Vula amehlwakho Jehova bese ubone!+ Yizwa woke amezwi uSanirheribu awathumeleko bona anyefule uZimu ophilako.+ 18 Kuliqiniso Jehova ukuthi amakhosi we-Asiriya atjhabalalise zoke iinarha,+ kuhlanganise nenarhawo. 19 Aphosele nabozimu bazo emlilweni+ ngombana bebangasibozimu kodwana bebamsebenzi wezandla zabantu,+ iingodo namatje. Kungebangelo akghone ukubatjhabalalisa. 20 Nje-ke Jehova Zimethu, sisindisa esandleni sakhe, bona yoke imibuso yephasi yazi bona wena wedwa unguZimu, Jehova.”+
21 U-Isaya indodana ka-Amotsi wathumela uHezekiya umlayezo othi: “UJehova uZimu ka-Israyeli uthi, ‘Ngebanga lokuthi uthandaze kimi malungana noSanirheribu ikosi ye-Asiriya,+ 22 nanti ilizwi uJehova alikhulume ngokujamelene naye:
“Intombi yeZiyoni iyakunyenya, ihlekise ngawe.
Indodakazi yeJerusalema ikunikinela ihloko.
23 Ngubani omnyefulileko+ bewamhlambalaza?
Ngubani omphakamisele ilizwi+
Wamphakamisela amehlo azikhakhazisako?
NgoCwengileko ka-Israyeli!+
24 Unyefule uJehova ngeensebenzi zakho+ wathi,
‘Ngeenkarana zami zepi ezinengi
Ngizokukhuphukela phezulu eentabeni,+
Eengcenyeni ezikude zeLibhanoni
Ngizokuqunta imisedari yalo emide, nemithalo yomjunipha ekhethekileko.
Ngizokungena eendaweni zalo zokuphumula eziphakemeko, emahlathinayo amahle.
25 Ngizokwemba imithombo, ngisele namanzi;
Ngizokomisa imilambo yeGibhide* ngeenyawo zami.’
26 Awukezwa na? Ngaqunta kusukela kade.
Ngakulungiselela kusukela emihleni edlulileko.+
Nje-ke ngizokwenza kwenzeke.+
Uzokutjhabalalisa amadorobho avikelekileko abe liqubi lamarubhi.+
27 Abantu abahlala lapho akunalitho abazolenza;
Bazokusaba bebahlaziswe.
Bazokuba njengeentjalo ezisesimini notjani obuhlaza,
Njengotjani okufulelwe ngabo obutjhiswa mumoya wepumalanga.
28 Ngazi koke okwenzako: nawuhlalako, nawuphumako, nawungenako,+
Nalokha nawusilingekileko ngebanga lami,+
29 Ngombana ukungibhokela kwakho ngelaka+ nokubhodla kwakho kufikile eendlebeni+ zami.
Yeke ngizokufaka iwugwami epumulwenakho+ netomu lami hlangana nomlomakho,
Ngizokudosa ubuyele emva ngendlela oze ngayo.”
30 “Lokhu kuzokuba litshwayo kuwe:* Umnyaka lo uzokudla okuzimilelako; ngomnyaka wesibili uzokudla iinthoro ezitlhurha lapho; ngomnyaka wesithathu uzokutjala imbewu bewuvune, uzokutjala amasimu wamadiribe bewudle iinthelo zawo.+ 31 Bendlu kaJuda abaphunyurhileko, labo abaseleko,+ imirabhabo izokudzimelela phasi begodu bathele iinthelo phezulu. 32 Abaseleko bazokuphuma eJerusalema nabasindileko baphume eNtabeni iZiyoni.+ Itjiseko kaJehova wamabutho izokwenza lokhu.+
33 “‘Yeke nakhu uJehova akutjhoko malungana nekosi ye-Asiriya:+
“Angekhe ingene edorobheneli+
Namkha idumuze umcibitjholo lapho
Namkha ize kilo iphethe isihlangu
Namkha yenze indunduma yokulisahlela.”’+
34 ‘Izokubuyela emva ngendlela eze ngayo;
Angekhe ingene edorobheneli,’ kutjho uJehova.
35 Ngizolivikela idorobheli+ begodu ngizolisindisa ngebanga legama lami+
Nangebanga lencekwami uDavida.’”+
36 Ingilozi kaJehova yaphuma yabulala amadoda azii-185 000 ekampeni yama-Asiriya. Kwathi abantu nabavukako ekuseni, babona zoke iindumbu.+ 37 Nje-ke iKosi ye-Asiriya uSanirheribu yakhamba yabuyela eNiniva+ yahlala khona.+ 38 Kwathi isakhothame endlini kazimayo,* uNisiroki, amadodanayo u-Adrameleki noSaretseri ambulala ngesabula+ begodu abalekela enarheni ye-Ararathi.+ Indodanakhe u-Esari-rhadoni+ yaba yikosi esikhundleni sakhe.
38 Emihleni leyo uHezekiya wagulela ukufa.+ Umphorofidi u-Isaya+ indodana ka-Amotsi weza wathi kuye, “UJehova uthi: ‘Nikela umndenakho iinqophiso ngombana uzokufa; angekhe uphole.’”+ 2 Khonokho uHezekiya waqalisa ubuso bakhe ebodeni, wathoma ukuthandaza kuJehova wathi: 3 “Ngiyakubawa Jehova, ngibawa ukhumbule+ indlela engakhamba ngayo ngokuthembeka phambi kwakho ngehliziyo epheleleko,+ ngenze okuhle emehlwenakho.” UHezekiya wathoma ukulila kabuhlungu.
4 Nje-ke uJehova wathi ku-Isaya: 5 “Buyela kuHezekiya uthi,+ ‘Nakhu okutjhiwo nguJehova uZimu kaDavida ukhokhwakho uthi: “Ngiwuzwile umthandazwakho.+ Ngizibonile iinyembezi zakho.+ Ngingezelela iminyaka eli-15 ekuphileni kwakho,+ 6 ngizokusindisa wena nedorobheli esandleni sekosi ye-Asiriya, ngizokuvikela idorobheli.+ 7 Nanti itshwayo elivela kuJehova elitjengisa bona uJehova uzokwenza akukhulumileko:+ 8 Ngizokwenza isithunzi selanga esehla eentepisini* zaka-Arhazi sibuyele emva ngeentepisi ezilitjhumi.”’”+ Ilanga labuyela emva ngeentepisi ezilitjhumi elehle kizo.
9 Okwatlolwa yiKosi uHezekiya yakwaJuda ngesikhathi igula begodu yalulama.
10 Ngathi: “Phakathi nokuphila kwami
Kufuze ngiye emasangweni weThuna.*
Ngizokuthathelwa iminyaka eseleko yokuphila kwami.”
11 Ngathi: “Angekhe ngibone umusa kaJah,* umusa kaJah enarheni yabaphilako.+
Angekhe ngisababona abantu
Ngombana ngizabe nginabantu abahlongakeleko.
12 Indawami ihluthuliwe bese yasuswa kimi+
Njengetende lomalusi.
Ngisonge ukuphila kwami njengomluki;
UZimu ungisika njengekoteni.
Kusukela emini bekube kuntambana usolo ungiqeda.+
13 Ngiyaziduduza bekube sekuseni.
Njengebhubezi usolo aphula amathambami woke;
Kusukela emini bekube kuntambana usolo ungiqeda.+
Amehlwami aqale phezulu bekadinwa:+
15 Ngizakuthini?
Ukhulume nami bewenza.
Ngizokukhamba ngokuthobeka ukuphila kwami koke
Ngombana ngigandeleleke kabuhlungu.
16 Maye! Jehova, boke abantu baphila ngezintwezi,*
Begodu kizo kunommoyami wokuphila.
Uzokuvuselela ipilwami begodu ngiragele phambili ngiphila.+
17 Qala! Kunokobana ngibe nokuthula, ngizwe ubuhlungu obukhulu;
Kodwana ungithandile,
Ungisindise emgodini wokutjhatjalaliswa.+
Ulahlele zoke izono zami ngemva kwakho.+
Labo abehlela emgodini angekhe bathembela ekuthembekeni kwakho.+
19 Ngabaphilako kwaphela abangakudumisa,
Njengombana nami ngenza namhlanjesi.
Ubaba anganikela amadodanakhe ilwazi ngokuthembeka kwakho.+
20 Maye! Jehova, ngisindisa,
Begodu sizokudlala iingoma zami ngeenliliso zesinara+
Yoke imihla yokuphila kwethu endlini kaJehova.’”+
21 Nje-ke u-Isaya wathi: “Lethani ikuke lamafeyi omisiweko nilibeke phezu kwethumba bona aphole.”+ 22 UHezekiya wabuza wathi: “Ngiliphi itshwayo elizokutjengisa bona ngizokukhuphukela endlini kaJehova?”+
39 Ngesikhatheso ikosi yeBhabhiloni, uMerodaki-Bhaladani indodana kaBhaladani, yathumela iincwadi nesipho kuHezekiya+ ngombana beyizwile bona bekagula begodu sekapholile.+ 2 UHezekiya wazamukela iinthunywezo, wazitjengisa indlwakhe yoke yamagugu,+ isiliva, igolide, amafutha webhalisamu namafutha aligugu nendawo abeka kiyo iinkhali nakho koke ebekufunyanwa emabulungelwenakhe wamagugu. Akunanto uHezekiya angakhenge ayitjengise zona endlinakhe* nembuswenakhe woke.
3 Ngemva kwalokho, umphorofidi u-Isaya weza eKosini uHezekiya, wambuza wathi: “Amadoda la atheni begodu avelaphi?” UHezekiya wathi: “Avela enarheni ekude, eBhabhiloni.”+ 4 Ngemva kwalokho, wabuza wathi: “Aboneni ngendlinakho?”* UHezekiya waphendula wathi: “Abone koke okungendlinami.* Akunanto engingakawatjengisi yona emabulungelwenami wamagugu.”
5 Nje-ke u-Isaya wathi kuHezekiya: “Lalela ilizwi lakaJehova wamabutho, 6 ‘Qala! Kuza amalanga lapho koke okusendlinakho nakho koke abokhokho bakho abakubekileko bekube kunamhlanjesi kuzokuthathwa kusiwe eBhabhiloni. Akunalitho elizokusala,’+ kutjho uJehova.+ 7 ‘Amanye amadodana ozokubelethelwa wona azokuthathwa ayokuba ziinkhulu zesigodlo sekosi yeBhabhiloni.’”+
8 Khonokho uHezekiya wathi ku-Isaya: “Lizwakala kuhle ilizwi elikhulunywe nguJehova.” Ngemva kwalokho, wangezelela wathi: “Ngombana kuzokuba nokuthula neqiniso emihleni yokuphila kwami.”+
40 “Duduzani, duduzani abantu bami,” kutjho uZimenu.+
2 “Duduzani iJerusalema,
Memezelani bona umsebenzakhe wokugandelela sewuzalisekile,
Umtjhaphwakhe sewubhadelwe.+
Ufumene umvuzwakhe opheleleko wezono zakhe zoke esandleni sakaJehova.”+
3 Ilizwi lomuntu orhuwelela emmangweni lithi:
“Lungisani indlela kaJehova!+
Yenzelani uZimu indlela ekulu, enqophileko ekhamba hlangana nerhalawumba.+
4 Yoke imirhoba ayiphakanyiswe,
Zoke iintaba nemibundu akwehliswe.
Nehlabathi eneendunduma kufuze ilelezeke,
Begodu ihlabathi enamatje kufuze ibe mrhoba othabaleleko.+
5 Iphazimulo kaJehova izokwambulwa,+
Boke abantu bazoyibona kanyekanye,+
Ngombana uJehova ukhulumile.”
6 Lalelani! Kunomuntu othi: “Memezelani!”
Omunye uthi: “Kufuze ngimemezele ini?”
Boke abantu babutjani obuhlaza.
Loke ithando labo elithembekileko linjengethuthumbo lesimini.+
Ngokuqinisekileko abantu babutjani obuhlaza.
8 Utjani obuhlaza buyoma,
Ithuthumbo liyatjhwaba,
Kodwana ilizwi lakaZimethu lihlala ngokungapheliko.”+
9 Khuphukelani entabeni ephakemeko,
Nina bafazi abaletha iindaba ezimnandi eZiyoni.+
Phakamisani ilizwi lenu ngamandla,
Nina bafazi abaletha iindaba ezimnandi eJerusalema.
Liphakamiseni, ningathukwa.
Yazisani amadorobho wakwaJuda ukuthi: “Nangu uZimenu.”+
10 Qalani! IKosi ePhakemeko uJehova iza ngamandla,
Nomkhonwayo uzokubusa esikhundleni sayo.+
Qalani! Umvuzwayo unayo,
Nomrholo ewubhadelako uphambi kwayo.+
11 Uzokutlhogomela umhlambakhe njengomalusi.+
Uzokubuthelela ndawonye iimvana ngesandla sakhe,
Begodu uzozigona esifubeni sakhe.
Uzozirhola ngomusa ezimunyisako.+
12 Ngubani ongafumbatha woke amanzi welwandle ngesandla sakhe+
Nongalinganisa izulu ngesipani* sesandla sakhe?
Ngubani ohlanganisa ithuli lehlabathi esilinganisweni+
Namkha obeka iintaba esilinganisweni
Nemibundu eenkalini?
14 Bekabonisana nobani bona azwisise,
Namkha ngubani omfundisa indlela yobulungiswa,
Namkha omfundisa ilwazi,
Namkha omtjengisa indlela yokuzwisisa kwamambala?+
15 Qala! Iintjhaba zinjengethosi lamanzi elivela ethungeni,
Begodu uziqala njengethoro yehlabathi eenkalini.+
Qala! Uphakamisa iinhlengele njengehlabathi esefiweko.
16 Ngitjho neLibhanoni ayinazo iinkuni ezaneleko bona zenze umlilo uhlale uvutha,
Neembandana zayo azikaneli bona kwenziwe ngazo umnikelo otjhiswako.
17 Zoke iintjhaba zinjengento engekho phambi kwakhe;+
Uziqala njengelize, njengento engasi ngeyamambala.+
18 Ungamfanisa nobani uZimu?+
Yini efana naye ongayibeka eqadi kwakhe?+
19 Isisebenzi sobukghwari senza isithombe,
Isisebenzi sesimbi sisinameka ngegolide,+
Begodu sikghadlha iinketani zesiliva.
20 Ukhetha umuthi bona ube mnikelwakhe,+
Umuthi ongeze wabola.
Ufuna isisebenzi sobukghwari esinekghono
Bona senze isithombe esibaziweko esingeze siwe.+
21 Anazi na?
Anikezwa na?
Anikatjelwa na kusukela ekuthomeni?
Anikazwisisi na kusukela eensekelweni zephasi?+
22 Kunaloyo ohlala ngaphezu kwephasi eliyindulungu,+
Izakhamuzi zalo zinjengeentethe.
Ulula izulu njengetjhila elisefelako,
Begodu uyalindlala njengetende lokuhlala.+
23 Wehlisa iinkhulu bona zingabi lilitho
Begodu wenza abahluleli bephasi into engasi ngeyamambala.
24 Abakatjalwa kuhle,
Abakahlanyelwa kuhle,
Isiqu sabo asikadzimeleli ephasini,
Bayavuthelwa begodu bayoma,
Umoya ubaphephulela kude njengomhlanga.+
25 “Ungangifanisa nobani bona ngilingane naye?” kutjho oCwengileko.
26 “Phakamiselani amehlwenu ezulwini nibone.
Ngubani odale izintwezi?+
Ngiloyo okhupha ibutho lazo ngesibalo;
Uzibiza zoke ngamagama.+
Ngebanga lamandlakhe amakhulu namandlakhe ababazekako,+
Akukho nayinye elahlekileko.
27 Maye! Jakopo, kubayini uthi, maye! Wena Israyeli kubayini umemezela uthi,
‘Indlelami ifihlekile kuJehova,
Begodu angifumani ubulungiswa obuvela kuZimu’?+
28 Awazi na? Awukezwa na?
UJehova, uMdali wamaphethelo wephasi, unguZimu ohlala ngokungapheliko.+
Akadinwa namkha aphelelwe mamandla.+
Ukuzwisisa kwakhe akuphenyeki.+
29 Unikela odiniweko amandla
Begodu aqinise khulu amandla waloyo obuthakathaka.+
30 Abesana bazokudinwa bese baphelelwe mamandla,
Amasokana azokukhutjwa bese awe,
31 Kodwana abathembela kuJehova bazokufumana amandla.
Bazokuphapha ngeempiko njengamakhozi.+
Bazokugijima begodu angekhe baphelelwe mamandla;
Bazokukhamba begodu angekhe badinwe.”+
41 “Lalelani nithulile, nina nhlengele;
Iintjhaba azifumane amandlazo godu.
Azitjhidele; ngemva kwalokho zikhulume.+
Asihlanganeni ndawonye ngebanga lesahlulelo.
Bona anikele iintjhaba kuye
Bona amenze ahlule amakhosi?+
Ngubani obehlisela ethulini phambi kwesabulakhe,
Njengomhlanga ophetjhulwa mumoya phambi komsubelakhe?
3 Uyazigijimisa, adlule ngaphandle kwesithiyo
Eendleleni iinyawo zakhe ezingakhenge zikhambe kizo.
4 Ngubani othethe igadango bese wenza lokhu,
Obize iinzukulwana kusukela ekuthomeni?
5 Iinhlengele zikubonile lokhu, zathukwa.
Amaphethelo wephasi athoma ukuhlengezela.
Iintjhaba ziyatjhidela begodu ziza phambili.
6 Omunye nomunye usiza umnganakhe
Begodu uthi kumfowabo: “Yiba namandla.”
7 Yeke isisebenzi sobukghwari siqinisa isisebenzi sesimbi;+
Loyo owenza isimbi ibe butjhelelezi ngenondo yokukhanda
Uqinisa loyo osebenza ngenondo.
Uthi kiloyo osebenza ukuhlanganisa iinsimbi: “Kuhle.”
Ngemva kwalokho, ihlanganiswa ngeempikiri bona ingawi.
8 “Kodwana wena Israyeli, uyincekwami,+
Wena Jakopo, engimkhethileko,+
Sizukulwana saka-Abrahama umnganami,+
9 Wena engikuthethe emaphethelweni wephasi,+
Wena engikubize eengcenyeni ezikude zephasi.
10 Ungasabi ngombana nginawe.+
Ungatshwenyeki ngombana nginguZimakho.+
Ngizokuqinisa, ngizokusiza,+
Ngizokubamba ngesandla sami sangesidleni sokulunga.’
11 Qala! Labo abakukwatelako bazokuphathiswa iinhloni bese bahlaziswe.+
Labo abalwa nawe bazokwenziwa ilize, batjhabalale.+
12 Uzokufuna abantu abalwa nawe kodwana angekhe ubafumane;
Abantu abasepini nawe bazokuba njengento engekho, njengelize.+
13 Ngombana mina Jehova uZimakho, ngibambe isandla sakho sangesidleni,
Ngithi kuwe, ‘Ungasabi. Ngizokusiza.’+
14 Ungasabi, wena sibungu* Jakopo,+
Nina bantu bakwa-Israyeli, ngizonisiza,” kutjho uJehova, uMhlengenu,+ oCwengileko ka-Israyeli.
15 “Qala! Ngikwenzele isigodo sesileyi,+
Isisetjenziswa esitjha sokubhula esisika mahlangothi womabili.
Uzokugadanga iintaba bese uziphahlaze
Wenze nemibundu ibe njengeenhluba.
16 Uzozihlukanisa
Begodu umoya uzoziphephula;
Isiwuruwuru sizoziphadlhalaja.
17 “Abatlhogako nabatlhagako bafuna amanzi kodwana awekho.
Ilimu labo lomile.+
Mina Jehova ngizobaphendula.+
Mina Zimu ka-Israyeli angekhe ngibalahle.+
Ngizokwenza ummango ube mlambo onemihlanga
Nenarha enganamanzi ibe mithombo yamanzi.+
19 Ngizokutjala umuthi womsedari erhalawumbeni,
Umuthi womunga, womritlili, nomuthi wamaphehlo.+
Ngizokutjala umuthi womjunipha emmangweni othabaleleko.
Kuhlanganise nomuthi womthidari* nomuthi womsayipurasi,+
20 Bona abantu bababone begodu bazi
Balalelisise bese bazwisise
Bona sisandla sakaJehova esenze lokhu,
Begodu ngoCwengileko ka-Israyeli okubumbileko.”+
21 “Thula indabakho,” kutjho uJehova.
“Veza iimpikiswano zakho,” kutjho iKosi kaJakopo.
22 “Veza ubufakazi begodu usitjele izinto ezizokwenzeka.
Sitjela ngezinto zakade,
Bona sicabange ngazo begodu sazi umphumelazo.
Namkha memezela izinto ezizako.+
23 Sitjelani bona kuzokwenzekani ngengomuso,
Ukuthi sazi bona nibozimu.+
Iye, yenzani okuthileko, okuhle namkha okumbi,
Bona sirareke nasikubonako.+
24 Qalani! Niyinto engekho,
Nokuphumelela kwenu kulilize.+
Nanyana ngubani onikhethako uyanyenyisa.+
Uzokugadanga ababusi ngasuthi balibumba,+
Njengombumbi obumba umdaka omanzi.
26 Ngubani obikezele lokhu kusukela ekuthomeni, bona sazi,
Namkha kusukela eenkhathini zakade bona singathi, ‘Uqinisile’?+
Kunjalo, akekho oyibikezeleko!
Akekho oyimemezeleko!
Akekho oyizwe kini!”+
27 Bengingewokuthoma owathi eZiyoni: “Qala! Napa!”+
Begodu ngizokuthumela umuntu othwele iindaba ezimnandi eJerusalema.+
28 Kodwana bengisolo ngiqala begodu bekunganamuntu;
Bekunganamuntu hlangana nabo onganikela iseluleko.
Begodu bengisolo ngibawa bona baphendule.
29 Qala! Boke bayinto engekho.
Imisebenzabo ililize.
Iinthombe zabo zimumoya nento engasi ngeyamambala.+
42 Qala! Isisebenzi sami+ engisisekelako!
Okhethiwekwami,+ engithabileko ngaye!+
Uzokuletha ubulungiswa ngokuthembeka.+
4 Angekhe aphelelwe mamandla namkha aphuke ummoya bekube kulapho adzimelelisa ubulungiswa ephasini;+
Neenhlengele zizokusolo zilindele umthethwakhe.
5 UZimu weqiniso uJehova,
UMdali wezulu noZimu omKhulu olilulako,+
Loyo owendlala iphasi nomkhiqizwalo,+
Loyo owenza abantu abakilo baphefumule+
Begodu opha abantu abakhamba kilo ummoya, uthi:+
6 “Mina Jehova ngikubizele ekulungeni;
Ngikubambe ngesandla sakho.
Ngizokuvikela, ngizokunikela njengesivumelwano ebantwini+
Nanjengokukhanya eentjhabeni,+
7 Bona uvule amehlo angaboniko,+
Ukhuphe isibotjhwa emgodini omnyama
Nalabo abahlezi ebumnyameni ejele.+
Namkha nginikele iinthombe ezibaziweko idumo lami.+
9 Qala izinto zokuthoma zidlulile;
Nje ngimemezela izinto ezitja.
Ngaphambi kobana zivele, nginitjela ngazo.”+
10 Bhinelani uJehova ingoma etja,+
Indumiswakhe kusukela emaphethelweni wephasi,+
Nina enehlela elwandle nakho koke okukilo,
Nina nhlengele nokuhlala kizo.+
Izakhamuzi zerholweni azirhuwelele ngethabo;
Azirhuwelele ziphezu kweentaba.
12 Aziphazimulise uJehova
Begodu zimemezele idumo lakhe eenhlengeleni.+
13 UJehova uzokuphuma njengendoda enamandla.+
Uzokuvusa itjisekwakhe njengengorho.+
Uzokurhuwelela uzokuhlaba umkhosi wepi;
Uzozibonakalisa anamandla kunamanabakhe.+
14 “Ngithule isikhathi eside.
Bengisolo ngithulile begodu ngizibambile.
Njengomfazi obelethako,
Ngesikhathi sinye ngizokuquma, ngiphefumule msinyana bese ngidose umoya.
15 Ngizokutjhabalalisa iintaba nemibundu
Ngomise neentjalo zakhona.
Ngizokwenza imilambo ibe ziinhlengele
Begodu ngomise amanzi wemilambo anemihlanga.+
16 Ngizokusa iimphofu endleleni ezingayaziko+
Begodu ngizozenza zikhambe eendleleni ezingakayijayeli.+
Ngizokwenza ubumnyama obuphambi kwabo bube kukhanya+
Begodu ngenze indawo enamatje ibe yinarha elelezekileko.+
Ngilokho engizobenzela khona begodu angekhe ngibalahle.”
17 Bazokujikiswa baphathiswe iinhloni ngokupheleleko,
Labo abathembele eenthombeni ezibaziweko,
Labo abathi eenthombeni zesimbi: “Nibozimu bethu.”+
18 Lalelani nina abangezwako;
Qalani nibone nina abangaboniko.+
19 Ngubani ongaboniko ngaphandle kwencekwami,
Ongezwako njengesithunywa engisithumeleko?
Ngubani ongaboniko njengothole umvuzo,
Ongaboniko njengenceku kaJehova?+
20 Wena ubona izinto ezinengi kodwana awuhlali uziqalile.
Uvula iindlebe zakho kodwana awulaleli.+
21 Ngebanga lokulunga kwakhe,
UJehova uthatjiswa kuphakamisa umthetho nokuwenza uphazimule.
22 Kodwana abantwaba badlelezelwe, bathathelwa izinto ngekani;+
Boke bavaleleke emigodini begodu bafihlwe emajele.+
Badlelezelwe kunganamuntu ongabasindisa,+
Begodu bathathelwe izinto zabo ngekani kunganamuntu othi: “Zibuyiseni!”
23 Ngubani hlangana nani ozokuzwa lokhu?
Ngubani ozokutjheja begodu alalele anombono wengomuso?
24 Ngubani onikele uJakopo bona athathelwe izinto ngekani
Ngubani onikele u-Israyeli kubadlelezeli?
AkusinguJehova esimonileko na?
Balile ukukhamba eendleleni zakhe,
Nomthethwakhe akhenge bawulalele.+
25 Bekasolo athululela ilaka lakhe kuye,
Ukusilingeka kwakhe nelaka lepi.+
Larhiribidela koke okumbhodileko kodwana akhenge atjheje.+
Lavutha ngokujamelene naye kodwana akhenge akufake ehliziyweni.+
43 Nje-ke nakhu uJehova akutjhoko,
UMdali wakho Jakopo, okwenzileko Israyeli:+
“Ungasabi ngombana ngakuthenga.+
Ngakubiza ngegama lakho.
Ungewami.
Nawukhamba hlangana nomlilo, angeze ukutjhise,
Namalangabi angeze akurhabule.
3 Ngombana nginguJehova uZimakho,
Ocwengileko ka-Israyeli, uMsindisakho.
Nginikele ngeGibhide bona ibe sihlengo sakho,
ITopiya neSeba esikhundleni sakho.
Ngizokunikela abantu esikhundleni sakho
Iintjhaba esikhundleni sokuphila kwakho.
5 Ungasabi ngombana nginawe.+
Ngizokuletha isizukulwana sakho sepumalanga
Nginihlanganise etjingalanga.+
6 Ngizokuthi etlhagwini, ‘Balethe!’+
Ngithi esewula, ‘Ungabavimbi.
Buyisa amadodanami wakude, amadodakazami wemaphethelweni wephasi,+
7 Woke umuntu obizwa ngegama lami+
Engimdalele iphazimulwami,
Engimbumbileko bengamenza.’+
8 Letha abantu abangaboniko kodwana banamehlo,
Abangezwako kodwana baneendlebe.+
9 Zoke iintjhaba azihlangane ndawonye,
Begodu iintjhaba azibuthane ndawonye.+
Ngubani hlangana nazo ongatjho lokho?
Namkha ongabangela bona sizwe izinto zokuthoma?+
Abaveze abofakazi babo baqinisekise bona balungile,
Namkha bezwe begodu bathi, ‘Kuliqiniso!’”+
10 “Nibofakazi bami,”+ kutjho uJehova,
“Incekwami engiyikhethileko,+
Bona nazi bese nithembele kimi
Begodu ngifuna nizwisise ukuthi ngisese nguye loya.+
Ngaphambi kwami akakho uZimu owabunjwako,
Nangemva kwami akhenge abe khona.+
11 NginguJehova,+ ngaphandle kwami akunamsindisi.”+
12 “Ngimi owamemezelako, wasindisa begodu wenza kwaziwa
Ngesikhathi kunganazimu weentjhaba hlangana nani.+
Nibofakazi bami,” kutjho uJehova, “begodu nginguZimenu.+
Nangenzako, ngubani ongakuvimbela lokho?”+
14 Ngilokhu uJehova, uMhlengakho,+ oCwengileko ka-Israyeli akutjhoko:+
Ngebanga lakho ngizokuthumela eBhabhiloni, ngigirize nazo zoke iinsimbi zamasango,+
NamaKhaledi* asemikhunjinayo, azokurhuwelela ngebanga lokugandeleleka.+
15 NginguJehova, oCwengilekwakho,+ uMdali ka-Israyeli,+ iKosakho.”+
16 Ngilokhu uJehova akutjhoko,
Loyo owenza indlela hlangana nelwandle
Loyo owenza indlela hlangana namanzi asilingekileko,+
17 Loyo okhupha ikarana yepi nenjomani,+
Ohlanganisa ibutho neengorho:
“Bazokulala phasi begodu bangavuki.+
Bazokucinywa njengentambo yesibani esivuthako.”
18 “Ningakhumbuli izinto ezidlulileko,
Begodu ningasolo nibambelela ezintweni ezidlulileko.
19 Qala! Ngenza into etja;+
Sikhuluma nje iyavela.
Aniyiboni na?
20 Isibandana sizongihlonipha,
Iimpungutjha neenciliba,
Ngombana nginikela ummango amanzi,
Irhalawumba imilambo,+
Bona abantu bami abakhethiweko basele,+
21 Abantu engizenzele bona
Bona bamemezele iphazimulwami.+
23 Akhenge ungilethele imvu bona ibe mnikelwakho wokutjhiswa opheleleko
Namkha ungiphazimulise ngemihlatjelwakho.
Akhenge ngikukatelele bona ungilethele isipho,
Begodu akhenge ngikwenze udinwe ngokuthi ngifune ipepho emhlophe.+
Kunalokho ungidisibeze ngezono zakho,
Wangenza ngadinwa ngemitjhaphwakho.+
26 Ngikhumbuza; omunye nomunye akeze nendabakhe;
Khuluma ihlangothi lakho lendaba utjengise ukuthi uqinisile.
28 Ngizokusilaphaza amakhosana wendawo ecwengileko,
Begodu ngizokunikela uJakopo ekutjhatjalalisweni
Ngizokunikela u-Israyeli emezwini ahlambalazako.+
44 “Lalela Jakopo ncekwami,
Nawe Israyeli engimkhethileko.+
3 Ngizokuthululela amanzi kowomileko+
Ngigelezise imilanjana endaweni eyomileko.
Ngizokuthululela ummoyami esizukulwaneni sakho+
Neembusiso zami eenzukulwaneni zakho.
4 Zizokukhula hlangana notjani obuhlaza,+
Njengemithi yomdubi ehlanu kwemilanjana yamanzi.
5 Umuntu uzokuthi: “NgingewakaJehova.”+
Omunye uzozibiza ngegama lakaJakopo,
Bese kuthi omunye atlole esandleni sakhe ukuthi: “NgingewakaJehova.”
Begodu uzokuthatha igama laka-Israyeli.’
‘Ngingewokuthoma begodu ngingewamaswaphela.+
Akekho uZimu ngaphandle kwami.+
7 Ngubani ofana nami?+
Akaziveze, akhulume bekangitjengise ubufakazi balokho!+
Kusukela ngesikhathi engenza ngaso abantu bakade,
Abatjho kokubili izinto ezisezako
Nezinto ezisazokwenzeka.
8 Ningathukwa,
Begodu ningahlengezeli ngebanga lokusaba.+
Akhenge nginitjele na begodu ngimemezele kusese ngaphambili?
Nibofakazi bami.+
Ukhona na omunye uZimu ngaphandle kwami?
Awa, alikho elinye iDwala;+ alikho engilaziko.’”
9 Boke abenza iinthombe ezibaziweko abasililitho,
Begodu izinto zabo abazithandako angekhe zizuzise ngalitho.+
10 Ngubani ongenza uzimu namkha isithombe sesimbi
Esingeze sazuzisa?+
11 Qala! Boke abazihlanganisa naye bazokuhlaziswa!+
Iinsebenzi zobukghwari zibabantu nje.
Boke abahlangane begodu bajame endawenabo.
Bazokusaba, boke bazokuhlaziswa.
12 Isisebenzi sesimbi esinekghono sisebenza ngesimbi phezu kwamalahle ngethulusi laso.
Siyikhanda ngeenondo,
Sisebenza kiyo ngomkhonwaso onamandla.+
Siyalamba begodu siphelelwa mamandla;
Asiseli amanzi begodu siyadinwa.
13 Umbazi wesigodo ulula intambo yokulinganisa phezu kwesigodo, asitshwaye ngetjhogo ebomvu.
Usibaza ngetjhizela bese asitshwaye ngekhamphasi.
14 Kunomuntu othileko osebenza ukuqunta imisedari.
Ukhetha imihlobo ethileko yomuthi, i-owuku,
Uwenza ukhule uqine hlangana nemithi yehlathi.+
Utjala umuthi begodu izulu liyawukhulisa.
15 Ngemva kwalokho, umuntu uthatha iinkuni bona abase.
Uthatha ingcenyazo azifuthumeze ngazo;
Ubasa umlilo bese abhage uburotho.
Wenza uzimu begodu amlotjhe.
Umenza abe sithombe esibaziweko begodu akhothame phambi kwaso.+
16 Ingcenyazo uyitjhisa emlilweni;
Ingcenye leyo ubasa ngayo inyama ayidlako bese aneliseke.
Uyazifuthumeza, athi:
“Arha! Ngifuthumele njengombana ngiqale umlilo.”
17 Eziseleko wenza ngazo uzimu bona abe sithombe esibaziweko.
Uyasikhothamela begodu uyasilotjha.
Uthandaza kiso begodu athi:
“Ngisindisa ngombana wena unguzimami.”+
18 Abazi litho, abazwisisi litho,+
Ngombana amehlwabo avaliwe begodu ababoni,
Neenhliziyo zabo azinalemuko.
19 Akekho okhumbulako ehliziywenakhe
Namkha onelwazi namkha ozwisisako, othi;
“Ingcenyazo ngiyitjhise ngomlilo,
Begodu emalahlenazo ngibhage uburotho ngabasa nenyama bona ngidle.
Kghani kufuze eziseleko ngizenze into enyenyisako?+
Kghani kufuze ngilotjhe isiqephu sesigodo semthini?”
20 Udla umlotha.
Ihliziywakhe ekhohlisako imlahlekisile.
Akakghoni ukuzisindisa namkha athi:
“Awekho na amala ngesidleni sami?”
21 Khumbula izintwezi Jakopo, nawe Israyeli,
Ngombana uyincekwami.
Ngakudala begodu uyincekwami.+
Angekhe ngikukhohlwe Israyeli.+
22 Ngizokufihla imitjhaphwakho ngelifu+
Begodu ngizokufihla izono zakho ngelifu elikhulu.
Buyela kimi ngizokuhlenga.+
23 Rhuwelela ngethabo wena zulu,
Ngombana uJehova uthethe igadango!
Rhuwelela ngebanga lokuthumba wena kuzika kwephasi!
Rhuwelelani ngethabo nina ntaba,+
Wena hlathi nayo yoke imithakho!
Ngombana uJehova ukuhlengile Jakopo,
Begodu utjengise iphazimulwakhe ku-Israyeli.”+
24 Nakhu uJehova uMhlengakho+
Owakubumba kusukela usesibelethweni akutjhoko:
“NginguJehova, owenze koke.
Ngubani obekanami?
25 Ngitjharaganisa amatshwayo wabaphorofidi bamala,
Begodu ngenza abathukuli baziphathe njengeendlhadlha;+
Ngitjhabalalisa abantu abahlakaniphileko
Begodu ngiphendula ilwazi labo libe budlhayela;+
26 Loyo owenza ilizwi lencekwakho liphumelele
Begodu ozalisa iimemezelo zeenthunywa zakhe;+
Othi ngeJerusalema, ‘Izokuhlalwa,’+
Namadorobho wakwaJuda, ‘Azokwakhiwa kabutjha,+
Begodu ngizokuvuselela amarubhayo’;+
27 Loyo othi emanzini azikileko, ‘Yoma’
Begodu ngizokomisa yoke imilambakho’;+
28 Loyo othi kuKoretjhi,+ ‘Ngumelusami,
Begodu uzokufeza intandwami’;+
Loyo othi ngeJerusalema, ‘Izokwakhiwa kabutjha,’
Nothi ngethempeli, ‘Kuzokubekwa isisekelo sakho.’”+
45 Ngilokhu uJehova akutjhoko kozesiwekwakhe uKoretjhi,+
Engibambe isandla sakhe sangesidleni+
Bona ngihlule iintjhaba phambi kwakhe,+
Ngitjhaphulule amakhosi,
Ngivule iminyango phambi kwakhe,
Bona amasango angavalwa:
2 “Ngizokukhamba phambi kwakho,+
Begodu ngizokuleleza imibundu.
Iminyango yekhopha ngizoyiphula ibe ziinquntu,
Begodu iminyango yesimbi ngizoyiphula.+
3 Ngizokupha amagugu asebumnyameni
Amagugu afihliweko eendaweni ezifihlekileko,+
Bona wazi ukuthi nginguJehova,
UZimu ka-Israyeli, okubiza ngegama lakho.+
4 Ngebanga lencekwami uJakopo no-Israyeli okhethiwekwami,
Ngikubiza ngegama lakho.
Ngikupha igama elihlonitjhwako, ngitjho nanyana ungangazi.
5 NginguJehova, akekho omunye.
AkunaZimu ngaphandle kwami.+
Ngizokuqinisa ngitjho nanyana ungangazi,
6 Bona abantu bazi ukuthi
Kusukela ekuphumeni kwelanga beliyokutjhinga
Akekho omunye ngaphandle kwami.+
NginguJehova, akekho omunye.+
7 Ngenza ukukhanya+ begodu ngidale ubumnyama,+
Ngenza ukuthula,+ ngidale ihlekelele;+
Mina Jehova, ngenza zoke izintwezi.
8 Wena zulu, ina uvela phezulu;+
Amafu awathulule ukulunga.
Iphasi alivuleke begodu lizale isindiso,
Alenze ukulunga kuhlume ngesikhathi esifanako.+
Mina Jehova, ngikudalile.”
9 Maye! Kiloyo ophikisana noMenzakhe,
Ngombana uyingcenyana eyenziwe ngomdaka
Hlangana nezinye iingcenye ezenziwe ngomdaka eziphasi!
Namkha umsebenzakho uthi: “Akanazandla”?*
10 Maye! Kiloyo othi kubaba: “Ungubaba wani?”
Naloyo othi kumma: “Ubeletha ini?”
11 Ngilokhu uJehova oCwengileko ka-Israyeli,+ loyo ombumbileko akutjhoko:
“Ungaphikisana nami ngezinto ezizako
Begodu ungiyale ngamadodanami+ nemisebenzi yezandla zami?
12 Ngenze iphasi+ begodu ngadala nomuntu okilo.+
13 “Ngilungise umuntu ngokulunga,+
Begodu ngizokwenza zoke iindlela zakhe zinqophe.
Nguye ozokwakha idorobho lami+
Begodu atjhaphulule abadingisiweko bami+ ngaphandle kwentengo namkha isifumbathiso,”+ kutjho uJehova wamabutho.
14 UJehova uthi:
“Inzuzo yeGibhide nezinto ezithengiswako zeTopiya nabantu abade beSeba,
Bazokuza kuwe begodu bazokuba ngebakho.
Bazokukhamba emva kwakho babotjhwe ngamaketani.
Bazokuza begodu bakhothame kuwe.+
Bazokuthi kuwe ngomthandazo, ‘Ngokuqinisekileko uZimu unawe,+
Akekho omunye; akekho omunye uZimu.’”
15 Ngokuqinisekileko unguZimu ozifihlako,
Maye! Zimu ka-Israyeli, Msindisi.+
16 Boke bazokuphathiswa iinhloni bese bahlaziswe;
Boke abenzi beenthombe bazokukhamba bahlazisekile.+
17 Kodwana u-Israyeli uzokusindiswa nguJehova ngesindiso yaphakade.+
Angeze uphathiswe iinhloni namkha uhlaziswe ngokungapheliko.+
18 Nakhu uJehova akutjhoko,
UMdali wezulu,+ uZimu weqiniso,
Loyo owadala iphasi, uMenzalo owalidzimelelisa,+
Ongakhenge alidalele ilize, olenze bona kuhlalwe kilo:+
“NginguJehova, akekho omunye.
19 Akhenge ngikhulume endaweni efihlekileko+ enarheni yobumnyama;
Akhenge ngithi esizukulwaneni sakaJakopo,
‘Ningangifuneli into engekho.’
NginguJehova, okhuluma okulungileko nomemezela okulungileko.+
20 Hlanganani ndawonye begodu nize.
Yizani nihlangene nina ababaleke eentjhabeni.+
Abazi litho labo abakhamba baphethe iinthombe ezibaziweko
Nabathandaza kuzimu ongeze abasindise.+
21 Lethani umbikweni, nibike umlandwenu.
Ababonisane ndawonye ngobunye.
Ngubani owabikezela lokhu kusukela kade
Bese wamemezela ngakho eenkhathini zakade?
Akusingimi na, uJehova?
22 Buyani kimi bese nisindiswe,+ noke nina enisemaphethelweni wephasi,
Ngombana nginguZimu, akekho omunye.+
Woke amadolo azokuguqa phambi kwami,
Begodu woke umuntu uzokufunga bona uzokuthembeka kimi+
24 Bathi, ‘Ngokuqinisekileko kuJehova kunokulunga namandla.
Boke abamkwateleko bazokubuya kuye bahlazisekile.
25 Soke isizukulwana saka-Israyeli sizozibonakalisa silungile kuJehova,+
Begodu sizozikhakhazisa ngaye.’”
46 UBhele uyakhothama,+ uNebo uyasikima atjhidele.
Iinthombe zabo zithweswe iinlwana, iimbandana zomthwalo,+
Njengepahla edisibeza iinlwana ezidiniweko.
2 Bayasikima begodu bakhothame ndawonye;
Angekhe basindise imithwalwabo,*
Begodu nabo bayathunjwa.
3 “Wena ndlu kaJakapo nabo boke abaseleko bendlu ka-Israyeli ngilalelani,”+
Nina enganisekela kusukela ekubelethweni bese nganithwala kusukela esibelethweni.+
4 Ngizobe ngikhona, bekube kulapho uluphala khona;+
Bekube kulapho iinhluthu zakho ziba mhlophe khona, ngizokusolo ngikusekela.
Njengombana ngenzile, ngizokuthwala, ngikusekele bese ngikusindise.+
6 Kunalabo abathulula igolide esikhwameni sabo;
Balinganisa isiliva esikalini.
Baqatjha isisebenzi sesimbi begodu senza uzimu.+
Ngemva kwalokho bayasikhothamela, bayasilotjha.+
7 Basibeka emahlombabo,+
Basithwale, basibeke nendawenaso, sivele sijame lapho.
Asisikinyeki endawenaso.+
Bayasirhuwelela kodwana asiphenduli;
Asisindisi muntu ekugandelelekeni.+
8 Khumbulani lokhu, yibani nesibindi.
Kufakeni ehliziyweni nina zeqamthetho.
9 Khumbulani izinto ezidlulileko zakade,
Bona nginguZimu, akekho omunye.
NginguZimu, akekho ofana nami.+
10 Ngibikezela izinto ezisazokwenzeka kusukela ekuthomeni,
Nezinto ezingakenzeki kusukela kade.+
11 Ngibiza idlanga epumalanga,+
Ngibiza umuntu osenarheni ekude bona azokuphetha isiqunto sami+
Ngikukhulumile begodu ngizokwenza.
Ngikuhlosile begodu ngizokuphetha.+
12 Ngilalelani, nina eninekani
Nani enikude nokulunga.
Ngizokusindisa iZiyoni, nginikele u-Israyeli iphazimulwami.”+
47 Yehlela phasi uhlale ethulini,
Wena ntombi yeBhabhiloni.+
Abantu angeze basathi uthambile begodu uyadedesa.
2 Thatha ilitje lokusila usile iflowuru.
Susa itjhila elivale ubuso bakho.
Hlubula isikete sakho, yembula imilenzakho.
Uyame imilambo.
3 Ubuhlubule bakho buzokubonwa.
Ihlazo lakho lizokubonakala.
Ngizozibuyiselela+ begodu akekho umuntu ozokujama endlelenami.*
Angekhe usabizwa ngokuthi uyiNdlovukazi yemiBuso.+
6 Abantu bami bangisilinga khulu.+
Kodwana akhenge ube nomusa kibo.+
Ubeke ijogi elibudisi ngitjho nebantwini abalupheleko.+
7 Uthe: “Ngizokuhlala ngiyiNdlovukazi bekube phakade.”+
Akhenge ufake izintwezi ehliziyweni;
Akhenge ucabange ngokuthi kuzokuphetha njani.
8 Akhulalele la, wena othanda ukuzithabisa,+
Wena uhlala ngevikeleko, othi ehliziywenakhe:
“Ngimingimi akekho omunye.+
Angekhe ngibe mhlolokazi.
Angeze ngazi ukulahlekelwa bantwana.”+
9 Kodwana izintwezi zizokwehlela ngelanga linye kungakalindeleki:+
Ukulahlekelwa bantwana nokuba mhlolokazi.
Zizokwehlakalela ngesilinganiso esipheleleko+
Ngebanga labaloyi bakho abanengi nabo boke ubuthakathi bakho obunamandla.+
10 Uthembele ekukhohlakaleni kwakho.
Wathi: “Akunamuntu ongibonako.”
Ukuhlakanipha nelwazi lakho ngikho okukuphambukisileko,
Begodu uthi ehliziywenakho: “Ngimingimi begodu akekho omunye.”
11 Kodwana ihlekelele izokufikela,
Begodu angeze ukghone ukuyilawula bona ikhambe.
Ukugandeleleka kuzokwehlela; angeze ukghone ukukubalekela.
Uzokutjhabalala kungakalindeleki ngasuthi bewungazi.*+
12 Ragela phambili nobuthakathi bakho nabaloyi bakho abanengi,+
Obusebenzele budisi kusukela ebutjheni.
Mhlamunye uzokukghona ukuzuza;
Mhlamunye uzokwenza abantu bakusabe.
13 Uphelelwe mamandla ngebanga labeluleki bakho abanengi.
Abasikime nje begodu bakusindise,
Labo abalotjha izulu,* abaqala iinkwekwezi,+
Labo abakhupha ilwazi nakuvela inyanga etja
Malungana nezinto ezizokwehlela.
14 Qala banjengomhlanga.
Umlilo uzobatjhisa.
Abakghoni ukuzisindisa emandleni welangabi.
La akusimalahle wokuzifuthumeza,
Begodu akusimlilo wokuthi uhlale phambi kwawo.
15 Abaloyi bakho bazokuba,
Ngilabo osebenzelane nabo kusukela ebutjheni bakho.
Bazokukhambakhamba, omunye nomunye aye endlelenakhe
Akunamuntu ozokusindisa.+
48 Yizwani lokhu, nina bendlu kaJakopo,
Nina enizibiza ngegama laka-Israyeli+
Enivela emanzini* wakwaJuda,
Nina enifunga ngegama lakaJehova+
Enibiza uZimu ka-Israyeli,
Ngitjho nanyana kungasi ngeqiniso nokulunga.+
2 Ngombana bazibiza ngedorobho elicwengileko+
Bafuna ukusekelwa nguZimu ka-Israyeli,+
Igama lakhe nguJehova wamabutho.
3 “Nginitjele izinto ezidlulileko kusukela kade.
Zaphuma ngemlonyenami,
Begodu ngazenza zaziwa.+
Msinyana ngathatha igadango bese zaphumelela.+
4 Ngombana bengazi bona unekani kangangani
Bona intamakho imsipha wesimbi nesiphongo sakho siyikhopha.+
5 Ngakutjela kusukela kade.
Ngaphambi kobana kwenzeke, ngakwenza bona uzwe ngakho,
Bona uthi, ‘Sithombe sami esenze lokho;
Sithombe sami esibaziweko nesithombe sami sesimbi esiyale lokho.’
6 Uzwile begodu wabona koke.
Uzokumemezela ngakho na?+
Kusukela nje ngikutjela izinto ezitja,+
Iimfihlo ongazaziko ezibekwe ngokuyelela.
7 Izintwezi khona zidalwa begodu azikadalwa kade,
Izinto ongakhenge uzwe ngazo bekube kunamhlanjesi,
Bona ungazokuthi, ‘Qala sengiyazazi.’
8 Awa, akhenge uzwe,+ akhenge wazi,
Esikhathini esidlulileko iindlebe zakho bezingakavulwa.
Ngombana ngiyazi bona ukhohlisa kangangani,+
Begodu bewubizwa ngeseqamthetho kusukela ekubelethweni.+
9 Ngebanga legama lami, ngizokubamba ilaka lami;+
Ngebanga ledumo lami, ngizozivimba malungana nawe,
Begodu angekhe ngikutjhabalalise.+
10 Qala! Ngikuhlungile kodwana ingasi njengesiliva.+
Ngikuhlolisisile* ekehleni yomlilo wokuncibilikisa wesizi.+
11 Ngebanga lami, ngebanga lami, ngizokuthatha igadango,+
Ngingalivumela njani igama lami lisilaphazwe?+
Iphazimulwami angiyinikeli omunye umuntu.*
12 Ngilalela Jakopo nawe Israyeli engimkhethileko.
Ngisese nguye.+ Ngingewokuthoma; ngingewamaswaphela.+
Nangizibizako ziyasikima.
14 Hlanganani noke begodu nilalele.
Ngubani hlangana nabozimu omemezele izintwezi?
15 Ngikhulumile begodu ngimbizile.+
Ngimlethile begodu indlelakhe izokuphumelela.+
16 Tjhidela kimi uzwe lokhu.
Kusukela ekuthomeni akhenge ngikhulumele emsitheleni.+
Kusukela ngesikhathi okwenzeka ngaso bengilapho.”
Begodu nje iKosi ePhakemeko uJehova ingithumile, nommoyakhe.
17 UJehova uMhlengakho ocwengileko ka-Israyeli uthi:+
“NginguJehova, uZimakho,
Loyo okufundisa bona uzuze,+
Loyo okunqophisa endleleni ekufuze ukhambe kiyo.+
18 Kwaphela nawungalalela imiyalwami!+
19 Isizukulwana sakho sizokuba sinengi njengehlabathi
Neenzukulwana zakho njengeenthoro.+
Igama laso angeze lisuswe namkha lirhayilwe phambi kwami.”
20 Phumani eBhabhiloni!+
Balekelani amaKhaledi!*
Memezelani ngetjhada lethabo! Kubikezeleni!+
Kwenzeni kwaziwe bekufike emaphethelweni wephasi.+
Nithi: “UJehova uhlenge incekwakhe uJakopo.+
21 Akhenge bome nakabarhola bona badlule eendaweni ezimarubhi.+
Wabangela amanzi bona aphume edwaleni;
Wahlukanisa idwala, wenza namanzi aphuma.”+
22 UJehova uthi, “Akunakuthula ebantwini abakhohlakeleko.”+
49 Ngilalelani nina nhlengele,
Ngilalelani nina narha ezikude.+
UJehova wangibiza ngaphambi kobana ngibelethwe.+
Nangisesibelethweni sakamma wabiza igama lami.
2 Wenze umlomami njengesabula ebukhali;
Wangifihla emthunzini wesandla sakhe.+
Wangenza umcibitjholo ololiweko;
Wangifihla esikhwameni sakhe semicibitjholo.
4 Kodwana ngathi: “Ngisebenzele ilize.
Ngisebenzise amandlami entweni engekho, entweni elilize.
Kodwana ngokuqinisekileko uJehova nguye ozongahlulela,*
Nomrholwami uvela kuZimami.”+
5 Nje-ke uJehova, loyo owangibumba ngisesibelethweni wangenza incekwakhe,
Uthe kimi, buyisa uJakopo kimi,
Bona u-Israyeli abutheleleke kuye.+
Ngizokuphazinyuliswa emehlweni kaJehova,
Begodu uZimami uzokuba mamandlami.
6 Wathi: “Akukaneli bona uyincekwami
Bona uyokuvusa iinkoro zakaJakopo
Begodu ubuyise abasindileko* bakwa-Israyeli.
7 Nakhu uJehova, uMhlengi ka-Israyeli oCwengileko+ akutjhoko kiloyo amnyenyako,+ kiloyo onyenywa sitjhaba nesisebenzini sababusi:
“Amakhosi azokubona begodu asikime,
Amakhosana azokukhothama
Ngebanga lakaJehova, othembekileko,+
OCwengileko ka-Israyeli, okukhethileko.”+
8 Ngilokhu uJehova akutjhoko:
“Ngesikhathi sokuba nomusa ngakuphendula,+
Ngakusiza ngelanga lesindiso;+
Bengisolo ngikuvikela bona ngikunikele njengesivumelwano ebantwini,+
Bona ngivuselele inarha,
Bona ngibenze bahlale elifeni labo elilahliweko,+
9 Bona uthi kwababotjhiweko, ‘Phumani!’+
Begodu uthi kwabasebumnyameni,+ ‘Zivezeni!’
Bazokudlela eendleleni,
Amadlelwabo azokuba seendleleni* lapho kudlula khona abanengi.
11 Ngizokwenza zoke iintaba zami zibe yindlela,
Neendlela ezikulu zizokuphakanyiswa.+
12 Qala! Abantu bavela kude,+
Abanye bavela etlhagwini bese abanye bavela etjingalanga,
Abanye bavela enarheni yeSinimi.”+
13 Rhuwelela ngethabo wena zulu begodu thaba wena phasi.+
Iintaba azithabe zirhuwelele ngethabo.+
14 Kodwana iZiyoni beyisolo ithi:
“UJehova ungilahlile,+ uJehova ungilibele.”+
15 Kghani umma angamlibala na umntwanakhe omunyako
Namkha angabi nesirhawu endodaneni ayibelethileko?
Ngitjho nanyana abafazaba bangalibala, mina angekhe ngikulibale.+
16 Qala! Ngitlole igama lakho ezandleni zami.
Amabodakho aphambi kwami ngaso soke isikhathi.
17 Amadodanakho abuya arhabile.
Labo abakuwisileko bakutjhabalalisa, bazokusuka kuwe.
18 Phakamisa amehlwakho, uqalaqale.
Bazokuhlangana ndawonye.+
Beza kuwe.
“Ngifunga ngokuphila kwami,” kutjho uJehova,
“Uzobambatha boke njengemikghabiso,
Begodu uzozibopha ngabo njengombana kwenza umakoti.
19 Ngitjho nanyana iindawo zenu zitjhatjalalisiwe, zinganalitho nenarhenu imarubhi,+
Nje abahlala lapho bazokuminyana khulu kizo,+
20 Amadodana owabelethe ngesikhathi uhlongakalelwe azokuthi ulalele,
‘Indawo le iminyene khulu bona ngihlale kiyo.
Ngenzela indawo bona ngihlale lapha.’+
21 Uzokuthi ehliziywenakho,
‘Ngubani ubaba wabantwanaba enginikelwe bona,
Njengombana ngingumma ohlongakalelwe bantwana begodu oyinyumba,
Obekadingisiwe bese wafakwa ejele?
Ngubani okhulise abantwanaba?+
22 Nakhu iKosi ePhakemeko uJehova ekutjhoko:
“Qala! Ngizokuphakamisela iintjhaba isandla sami,
Bengiphakamisele iintjhaba itshwayo lami.+
Zizokuletha amadodanakho ezandleni zazo*
Bezithwale amadodakazakho emahlombazo.+
23 Amakhosi azokuba batlhogomeli bakho,+
Amakhosazana abe bahlengikazi bakho.
Bazokukhothamela ubuso babo buqale phasi+
Begodu bazokukhotha ithuli eenyaweni zakho,+
Uzokwazi ukuthi nginguJehova;
Labo abathembele kimi angekhe bahlaziswa.”+
24 Kghani abathunjiweko bangathathwa emuntwini onamandla,
Namkha labo abathunjwe babantu abanelunya bangasindiswa?
25 Kodwana uJehova uthi:
“Ngitjho nalabo abathunjwe mumuntu onamandla, bazokuthathwa,+
Nalabo abathunjwe mumuntu onelunya, bazokusindiswa.+
Ngizokuphikisana nalabo abaphikisana nawe,+
Ngizokusindisa amadodanakho.
26 Ngizokwenza labo abakuphatha kumbi badle inyamabo,
Begodu bazokudakwa ziingazi zabo ngasuthi liwayini elitjha.
50 Ngilokhu uJehova akutjhoko:
“Iphi incwadi yesehlukaniso+ kanyoko engamqothako?
Namkha ngibaphi abantu engibakolodako enganithengisela kibo?
2 Kubayini bekunganamuntu nangifikako?
Kubayini kunganamuntu ophendulileko nangibizako?+
Kghani isandla sami sifitjhani khulu bona singahlenga,
Namkha anginamandla bona ngingasindisa?+
Iinhlambi zakhona ziyabola ngebanga lokungabi namanzi,
Begodu ziyafa ngebanga lokoma.
3 Ngimbathisa izulu ngobumnyama obukhulu,+
Begodu ngenza umgodla ube sigubuzeso.”
4 IKosi ephakemeko uJehova unginikele ilimu labantu abafundileko,*+
Bona ngazi ukuthi ngibaphendule* njani abadiniweko ngelizwi elifaneleko.+
Ungivusa qobe ekuseni;
Uvusa indlebami bona ilalele njengeyalabo abafundileko.+
Akhenge ngiphambukele ngakwelinye ihlangothi.+
6 Nganikela umhlanami kilabo abangibethako
Nemihlathami kilabo abaruthula iindevu.
Akhenge ngifihle ubuso bami ezintweni ezihlazisako nekukhafulelweni.+
7 Kodwana iKosi ePhakemeko uJehova izongisiza.+
Kungebangelo ngingekhe ngihlaziseke.
Kungebangelo ngibeke ubuso bami njengento eqinileko,+
Begodu ngiyazi bona angekhe ngiphathiswe iinhloni.
8 Loyo othi ngilungile useduze.
Asisikimeni ndawonye.*
Ngubani onomlandu ngami?
Akatjhidele kimi.
9 Qala! IKosi ePhakemeko uJehova izongisiza.
Ngubani ongangibeka umlandu?
Qala! Bazokuphela njengesambatho.
Bazokudliwa mvunya.
10 Ngubani hlangana nani osaba uJehova
Bekalalele ilizwi lencekwakhe?+
Ngubani okhambe ebumnyameni obunzima tshu ngaphandle komkhanyo?
Akathembele egameni lakaJehova begodu afumane isekelo kuZimakhe.
11 Qalani! Noke nina enibasa umlilo,
Enenza iinhlasela zomlilo zidumuze,
Khambani emkhanyweni womlilwenu.
Hlangana neenhlasela zomlilo enizitjhisileko.
Ngilokhu enizokufumana esandleni sami:
Nizokulala phasi nisebuhlungwini obukhulu.
51 “Ngilalelani nina enigijimisa ukulunga,
Nina enifuna uJehova.
Qalani idwala eniphume kilo
Negwari enenjiwe kilo.
2 Qalani u-Abrahama uyihlo
NoSara+ onibelethileko.
3 Ngombana uJehova uzokududuza iZiyoni.+
Uzokududuza woke amarubhalo,+
Uzokwenza ummangwalo ube njenge-Edeni+
Begodu ummangwalo othabaleleko ube njengesimu kaJehova.+
Ukuthaba nokujekezela kuzokufumaneka kilo,
Ukuthokoza nomvumo omnandi.+
4 Ngilalelisisani, bantu bami,
Begodu ngizwani sitjhaba sami.+
5 Ukulunga kwami kuyatjhidela.+
6 Phakamiselani amehlweni ezulwini,
Bese niqale enzasi ephasini.
Ngombana izulu lizokunyamalala njengentuthu;
Iphasi lizokuphela njengesambatho,
Nezakhamuzi zalo zizokuhlongakala njengabonompopoloza.
7 Ngilalelani, nina enazi ukulunga,
Bantu abanomthethwami eenhliziyweni zabo.+
Ningathuswa kudelela komuntu ofako,
Begodu ningathuswa kuthukwa ngibo.
Kodwana ukulunga kwami kuzokuhlala ngokungapheliko,
Nesindiswami eenzukulwaneni zoke.”+
9 Vuka! Vuka! Zembathise ngamandla,
Mkhono kaJehova!+
Vuka njengemalangeni wekadeni, njengeenzukulwaneni ezidlulileko.
Kghani akusinguwe owaphula uRarhabu*+ waba ziinquntu,
Owahlaba isilwana esikhulu esisabekako selwandle?+
10 Kghani akusinguwe na owomisa ilwandle, amanzi amanengi?+
Loyo owenze ilwandle elizikileko laba yindlela yalabo abahlengiweko bona bayame?+
11 Abasindileko bakaJehova bazokubuya.+
Ithabo nokujekezela kuzokuba ngekwabo,
Isizi nokububula kuzokubaleka.+
12 “Ngimi okududuzako.+
Kubayini kufuze usabe umuntu ozokuhlongakala+
Indodana yomuntu ezokutjhwaba njengotjani obuhlaza?
Bewusolo usaba ilaka lomgandeleli ilanga loke,
Ngasuthi bekanamandla wokukutjhabalalisa.
Liphi-ke ilaka lomgandeleli?
14 Loyo obotjhwe ngeenketani, uzokutjhatjhululwa kungasikade;+
Angekhe ahlongakale, angekhe atjhinge emgodini,
Begodu angekhe atlhoge uburotho.
15 Kodwana nginguJehova uZimakho,
Ohlangahlanganisa ilwandle begodu owenza amagagasalo abe namandla,+
Igama lakhe nguJehova wamabutho.+
16 Ngizokufaka amezwami emlonyenakho,
Ngizokugubuzesa ngesithunzi sesandla sami,+
Bona ngibeke izulu endawenalo, ngibeke nesisekelo sephasi+
Ngithi eZiyoni, ‘Nibabantu bami.’+
17 Vuka! Vuka! Sikima Jerusalema,+
Wena osela esandleni sakaJehova ikaphwakhe yelaka.
Usele ikapho enganambambo;
Usele yoke ikapho ebangela ukutherezela.+
18 Ayikho nayinye indodana kiwo woke owabelethileko elapho bona ikunqophise,
Begodu ayikho indodana kiwo woke owakhulisileko ebambe isandla sakho.
19 Izinto ezimbilezi zikwehlele.
Ngubani ozokuzwelana nawe?
Kutjhabalalisa nokugiriza, yindlala nesabula!+
Ngubani ozokududuza?+
20 Amadodanakho ayathile.+
Alele kiwo woke amakhona wendlela
Njengezimvu zommango enedeni.
Azele ilaka lakaJehova, ukukhalima kwakaZimakho.”
21 Nje-ke ngibawa ulalele lokhu,
Wena mfazi osesizini nodakiweko, ongakadakwa liwayini.
22 IKosakho uJehova, uZimakho ovikela abantu bakhe uthi:
“Qala! Ngizokuthatha ikapho ebangela ukutherezela esandleni sakho,+
Ikapho enganambambo, ikaphwami yelaka;
Angeze usayisela godu.+
23 Ngizoyibeka esandleni salabo abakudelelako,+
Labo abathi kuwe, ‘Khothama bona sikhambe phezu kwakho!’
Nje-ke wenze umhlanakho waba njengehlabathi,
Njengendlela bona bakhambe kiyo.”
52 Vuka! Vuka! Uzembathise ngamandla,+ wena Ziyoni!+
Mbatha izembatho zakho ezihle,+ wena Jerusalema, dorobho elicwengileko!
Ngombana ongakasoki nongakahlwengeki angekhe basangena kuwe.+
2 Thintitha ithuli, phakama uhlale endawenakho wena Jerusalema.
Tjhaphulula iintambo ezisentanyenakho, wena ndodakazi yeZiyoni ethunjiweko.+
3 Ngilokhu uJehova akutjhoko:
4 Nakhu iKosi ePhakemeko uJehova ekutjhoko:
“Ekuthomeni abantu bami behlela eGibhide bayokuhlala khona bavela kwenye inarha;+
Ngemva kwalokho ama-Asiriya abagandelela ngaphandle kwesizathu.”
5 “Yini ekufuze ngiyenze la?” kutjho uJehova.
“Ngombana abantu bami bathethwe ngelize.
Labo ababusa phezu kwabo basolo barhuwelela ngokuhlula,”+ kutjho uJehova,
“Begodu qobe langa igama lami alihlonitjhwa.+
6 Ngebangelo abantu bami bazokwazi igama lami;+
Ngebangelo bazokwazi mhlokho ukuthi ngimi okhulumako.
Qala, ngimi!”
7 Qala bona zihle kangangani eentabeni iinyawo zaloyo oletha iindaba ezimnandi,+
Loyo omemezela ukuthula,+
Loyo oletha iindaba ezimnandi zento engcono,
Loyo omemezela isindiso,
Loyo othi ngeZiyoni: “UZimakho sekayiKosi!”+
8 Lalela! Abonogada bakho baphakamisa amaphimbwabo.
Barhuwelela ngethabo kanyekanye,
Ngombana bazokubona ngokukhanyako uJehova nakabuthelela iZiyoni.
9 Thabani, nirhuwelele ngethabo kanyekanye nina marubhi weJerusalema,+
Ngombana uJehova ududuze abantu bakhe;+ uhlenge iJerusalema.+
10 UJehova ukhuphe umkhonwakhe ocwengileko phambi kwamehlo wazo zoke iintjhaba;+
Woke amaphethelo wephasi azokubona izenzo zesindiso kaZimethu.+
11 Jikani, jikani, phumani lapho,+ ningathinti litho elingakahlwengeki!+
12 Ngombana angekhe nikhambe nithukiwe,
Begodu angekhe kutlhogeke nibaleke,
Ngombana uJehova uzokukhamba phambi kwenu,+
Begodu uZimu ka-Israyeli uzokukhamba ngemva kwenu.+
13 Qala! Incekwami+ izokwenza ngelemuko.
Izokunikelwa isabelo esiqakathekileko,
Izokuphakanyiswa begodu iphakanyiswe khulu.+
14 Njengombana bebabanengi abayiqale bamangele,
Indlela eqaleka ngayo beyitjhuguluke ukudlula nanyana ngubani omunye umuntu
Nendlela engayo beyingafani neyomunye umuntu.
15 Ngombana izokuthusa iintjhaba ezinengi.+
Amakhosi azokuvala imilomawo phambi kwayo,+
Ngombana azokubona lokho angakhenge atjelwe ngakho
Begodu azokucabanga ngalokho angakakuzwa.+
53 Ngubani okholwe into ayizwe kithi?*+
Begodu umkhono kaJehova+ uvezwe kubani?+
2 Uzokuvela njengehlumela+ phambi kwakhe,* njengomrabhu enarheni eyomileko.
Akaqaleki njengomuntu okhethekileko namkha okarisako;+
Begodu nasimbonako indlela aqaleka ngayo ayisitjhidezi kuye.
Bekungathi sifihlelwe ubuso bakhe.*
Bekanyenywa begodu sambamba ngaphandle kwesizathu.+
Kodwana samqala njengomuntu obetjhwe ngesibetho, ojeziswe nguZimu nosesizini.
6 Soke sazulazula njengezimvu,+
Omunye nomunye watjhinga endlelenakhe,
Begodu uJehova wabeka imitjhaphwethu yoke phezu kwakhe.+
Bekanjengemvu elethwe bona izokuhlatjwa,+
Njengemvu esikazi ethulileko phambi kwabarhuni bayo,
Begodu akhenge avule umlomakhe.+
8 Ngebanga lokugandelelwa nokwahlulelwa, wathathwa;
Ngubani ozozitshwenya ngemininingwana yesizukulwana sakhe?
9 Wanikelwa ithuna nabantu abakhohlakeleko,+
Wabulungwa nabantu abaregileko,+
Ngitjho nanyana bekangakenzi litho elimbi
Begodu bekunganakohliso emlonyenakhe.+
10 Kodwana bekuyintando kaJehova bona atlhoriswe begodu wamvumela bona agule.
Nange unikela ngokuphila kwakhe njengomnikelo womlandu,+
Uzokubona isizukulwana sakhe, uzokwandisa amalangakhe,+
Ithabo lakaJehova lizokuphumelela ngaye.+
11 Ngebanga lesizi lakhe, uzokubona bese aneliseke.
Ngelwazi lakhe olungileko, incekwami,+
Uzokuletha ukulunga ebantwini abanengi,+
Begodu uzokuthwala izono zabo.+
12 Ngebangelo ngizomnikela isabelo hlangana nabanengi,
Begodu uzokwabelana izinto ezifunyenwe epini nabanamandla,
Ngombana wanikela ngokuphila kwakhe+
Wabalwa hlangana nezoni;+
Wathwala isono sabantu abanengi,+
Begodu wancengela izoni.+
54 “Rhuwelela ngethabo, wena mfazi oyinyumba ongakhenge abelethe!+
Thaba begodu urhuwelele ngethabo,+ wena ongakhenge ube neenhlungu zokubeletha,+
Ngombana amadodana* wolahliweko manengi khulu
Kunamadodana womfazi onendoda,”+ kutjho uJehova.
2 “Yenza indawo yetende lakho ibe yikulu.+
Lula amatjhila wetende wethaberinakeli lakho elikhulu.
Ungabekeli litho eqadi, lula iintambo zetende lakho,
Begodu wenze iinkhokhwani zetende lakho ziqine.+
3 Ngombana uzokunabela ngesidleni nangesinceleni.
Iinzukulwana zakho zizokubusa iintjhaba,
Begodu zizokuhlala emadorobheni alahliweko.+
Ngombana uzokukhohlwa ihlazo lobutjha bakho,
Nehlazo lokufelwa kwakho angekhe usalikhumbula.”
5 “Ngombana uMenzakho omKhulu+ unjengendodakho,*+
Igama lakhe nguJehova wamabutho,
Begodu oCwengileko ka-Israyeli nguMhlengakho.+
Uzokubizwa ngokuthi nguZimu ephasini loke.+
6 Ngombana uJehova ukubize ngasuthi umfazi olahliweko osesizini,+
Njengomfazi otjhade asesemutjha ngemva kwalokho walahlwa,” kutjho uZimakho.
7 “Ngakulahla isikhatjhana,
Kodwana ngizokubuthelela ngesirhawu esikhulu.+
8 Ngokubhoka ngobukhali, ngakufihlela ubuso bami isikhatjhana,+
Kodwana ngethando* elihlala ngokungapheliko, ngizokuba nomusa kuwe,”+ kutjho uMhlengakho+ uJehova.
9 “Lokhu kunjengemihleni kaNowa kimi.+
Njengombana ngafunga bona amanzi kaNowa angeze asagubuzesa iphasi,+
Nje-ke ngiyafunga ukuthi angeze ngisakubhokela ngelaka namkha ngikukhalime.+
10 Ngombana iintaba zingasuswa
Nemibundu ingasikinywa,
Kodwana ithando lami* angekhe lisuke kuwe,+
Nesivumelwano sami sokuthula angekhe sisikinywe,”+ kutjho uJehova, loyo onomusa kuwe.+
11 “Maye! Mfazi osesizini,+ ophetjhulwe siwuruwuru, ongakaduduzwa,+
Ngakha amabodakho ngamatje nedaka eliqinileko
Nesisekelo sakho ngamasafire.+
12 Ngizokwenza iinqongo zakho ngamarubi,*
Namasangwakho ngamatje abenyezelako,
Nayo yoke imikhawulwakho ngamatje aligugu.
14 Uzokudzinyeleliswa ekulungeni.+
Uzokuba kude nokugandeleleka,+
Angekhe usabe litho begodu akunanto ezokubangela bona uhlengezele,
Ngombana angekhe itjhidele kuwe.+
15 Nakungenzeka kube nomuntu okusahlelako,
Lokho kuzabe kungasi ziinqophiso zami.
Nanyana ngubani okusahlelako, uzokuwa ngebanga lakho.”+
16 “Qala! Ngenze isisebenzi sobukghwari,
Esivuthela umlilo wamalahle,
Begodu umsebenzaso kukwenza isikhali.
Mina ngokwami ngenze umuntu otjhabalalisako bona atjhabalalise.+
17 Asikho isikhali esijamelene nawe esizokuphumelela,+
Uzokusola nanyana ngiliphi ilimu eliphikisana nawe esahlulelweni.
Leli lilifa leenceku zakaJehova,
Begodu ukulunga kwabo kuvela kimi,” kutjho uJehova.+
55 Yizani noke nina enomileko,+ yizani emanzini!+
Nina eninganamali, yizani, thengani bese nidle!
Iye, yizani, thengani iwayini nebisi+ ngaphandle kwemali nangaphandle kwentengo.+
2 Kubayini nibhadela ngemalenu lokho okungasiburotho,
Begodu kubayini nikhupha imirholweni kilokho okungalethi ukwaneliseka?
3 Ngilalelisisani bese nize kimi.+
Lalelani begodu nizokuphila,
Ngokuqinisekileko ngizokwenza nani isivumelwano esingapheliko+
Ngokuvumelana nethando lamambala* engalithembisa uDavida, isithembiswesi sithembekile.+
5 Qala! Uzokubiza isitjhaba ongasaziko,
Nabantu besitjhaba abangakhenge bakwazi bazokugijimela kuwe
Ngebanga lakaJehova uZimakho,+ oCwengileko ka-Israyeli,
Ngombana uzokuphazimulisa.+
6 Funani uJehova asafumaneka.+
Mbizeni asese seduze.+
7 Umuntu okhohlakeleko akatjhiye indlelakhe+
Nomuntu omumbi akatjhiye imicabangwakhe;
Akabuyele kuJehova, ozokuba nesirhawu kuye,+
KuZimethu, uzomlibalela ngokutjhaphulukileko.+
8 “Ngombana imicabangwami akusimicabangwenu,+
Neendlela zenu akusiziindlela zami,” kutjho uJehova.
9 “Ngombana izulu liphakeme kunephasi,
Yeke iindlela zami ziphakeme kuneendlela zenu
Nemicabangwami kunemicabangwenu.+
10 Njengombana izulu negabhogo zehlela phasi zivela ezulwini
Begodu zingabuyeli emva bekube kulapho zithambisa iphasi, zilenze likhiqize bese lihlume,
Zinikela otjalako imbewu noburotho kiloyo odlako,
11 Kuzokuba njalo ngelizwi eliphuma emlonyenami.+
Angeze libuyele emva kunganamphumela,+
Nakanjani lizokuzalisa lokho okungithabisako,+
Begodu lizokuphumelela kilokho engilithumela bona likwenze.
Iintaba nemibundu zizokuthaba phambi kwenu, zirhuwelele nangethabo,+
Begodu imithi yesimu izokubetha izandla zayo.+
13 Esikhundleni semithi yameva kuzokukhula umuthi womjunipha,+
Esikhundleni sameva ahlabako kuzokukhula umuthi womritlili.
Begodu kuzokuletha idumo kuJehova,+
Itshwayo elihlala ngokungapheliko elingeze litjhabalale.”
56 Nakhu uJehova akutjhoko:
“Sekela ubulungiswa+ begodu wenze okulungileko,
Ngombana isindiswami izokufika kungasikade
Begodu ukulunga kwami kuzokwambulwa.+
2 Uyathaba umuntu owenza lokhu
Nendodana yomuntu obambelela kilokhu,
Ophetha iSabatha begodu angalisilaphazi+
Novimba isandla sakhe bona singenzi nanyana ngimuphi umhlobo wobumbi.
3 Umuntu ovela kwenye inarha ozihlanganisa noJehova+ akukafuzi athi,
‘Ngokuqinisekileko uJehova uzongihlukanisa nabantu bakhe,’
Nomphakulwa akukafuzi athi, ‘Qala! Ngimumuthi owomileko.’”
4 Ngilokho uJehova akutjhoko kubaphakulwa abaphetha amasabathami, abakhetha ukwenza okungithabisako nababambelela esivumelwaneni sami:
5 “Ngizobanikela isikhumbuzo negama endlinami phakathi kwamabodami,
Into engcono ukudlula amadodana namadodakazi.
Ngizobanikela igama elihlala ngokungapheliko,
Elingeze litjhabalale.
6 Abantu abavela kwenye inarha abazihlanganisa noJehova ukuthi bamlotjhe,
Bona bathande igama lakaJehova+
Babe ziinceku zakhe,
Boke abaphetha iSabatha begodu bangalisilaphazi
Nalabo ababambelela esivumelwaneni sami,
7 Ngizobaletha entabenami ecwengileko+
Ngibenze bathabe phakathi kwendlwami yokuthandaza.
Yoke iminikelwabo etjhiswako nemihlatjelwabo izokwamukeleka e-aldareni lami.
Ngombana indlwami izokubizwa ngokuthi yindlu yokuthandaza kizo zoke iintjhaba.”+
8 IKosi ePhakemeko uJehova, ebuthelela abarhatjhekileko bakwa-Israyeli,+ ithi:
“Ngizokubuthelela kuye abanye ngaphandle kwalabo ababuthelelweko.”+
9 Noke nina mbandana, yizani nizokudla,
Noke nina mbandana ezisehlathini.+
10 Abalindi bakhe baziimphofu,+ akekho obonileko.+
Boke bazizinja eziziimumu, abakhonkhothi.+
Baphefumula msinyana, balale phasi; bathanda ukulala.
11 Bazizinja ezithanda ukudla khulu;
Abaneliseki.
Babelusi abangazwisisiko.+
Boke baye eendleleni zabo;
Omunye nomunye wabo uzifunela inzuzo engakathembeki begodu uthi:
12 “Yenize, khengisele iwayini,
Begodu asisele utjwala saneliseke.+
Kusasa kuzokuba njenganamhlanjesi, kuzokuba ngcono khulu!”
57 Olungileko utjhabalele,
Kodwana akekho okufaka ehliziyweni lokho.
Ngebanga lehlekelele.
2 Ufumana ukuthula.
Baphumula emibhedenabo,* boke abakhamba ngokulunga.
3 “Kodwana nina tjhidelani eduze,
Nina madodana womloyi,
Nina bantwana besifebe nengwadla:
4 Ngubani enihlekisa ngaye?
Ngubani enimvulela umlomo nimkokomeje na?
Anisibantwana besono na,
Abantwana bekohliso,+
5 Labo abatjhiswa yikanuko hlangana nemithi,+
Ngaphasi kwayo yoke imithi ehlaza,+
Abahlahlela abantwana emirhobeni,+
Ngaphasi kwamarharha wamatje amakhulu?
6 Ingcenyakho imamatje abutjhelelezi emrhobeni.+
Iye, asisabelo sakho.
Ngitjho nakiwo unikela iminikelo esiselo nezipho.+
Yeke kufuze zingithabise na* izintwezi?
8 Ubeke isikhumbuzo sakho ngemva komnyango negoseni.
Ungitjhiyile begodu wazembula;
Wenze umbhedakho waba mkhulu.
Begodu wenze isivumelwano nabo.
9 Wehlele kuMeleki* namafutha
Namakha amanengi.
Uthumele iinthunywa zakho kude,
Bewehlela eThuneni.*
10 Usebenze budisi ekulandeleni indlela ezinengi,
Kodwana akhenge uthi, ‘Akunathemba!’
Ufumene amandla amatjha.
Kungebangelo ungakhenge uphele amandla.
11 Ngubani okuthusako nomsabako
Bona uthome ukuleya amala?+
Akhenge ungikhumbule.+
Akhenge ufake litho ehliziyweni.+
Akhenge ngihlale ngithulile na, ngifihle nezenzo zakho?+
Akhenge ungisabe.
13 Nawulilela isizo,
Iinthombe zakho angekhe zikusindise.+
Umoya uzoziphephula zoke,
Ukuphefumula komuntu kuzozivuthela,
Kodwana ophephela kimi uzokuzuza inarha
Uzokuhlala entabenami ecwengekileko.+
14 Kuzokuthiwa, ‘Yakha, yakha indlela! Lungiselela indlela!+
Susa nanyana ngiziphi iinqabo endleleni yabantu bami.’”
“Ngihlala endaweni ephezulu necwengileko,+
Nakilabo abaphukileko nabagandelelekileko emmoyeni,
Bona ngivuselele abagandelelekileko emmoyeni
Begodu ngivuselele iinhliziyo zalabo abaphukileko.+
16 Angekhe ngiphikisane nabo ngokungapheliko
Begodu angekhe ngihlale ngibakwatele;+
Ngombana ummoya womuntu uzokubogaboga ngebanga lami,+
Ngitjho neendalwa eziphefumulako engizenzileko.
17 Bengisilingwe sisono sakhe sokufuna ukuzuza okungakathembeki,+
Nje-ke ngambetha, ngafihla ubuso bami, bengisilingekile.
Kodwana bekasolo akhamba njengomuntu olahle ukukholwa,+ alandela indlela yehliziywakhe.
19 “Ngenza isithelo somlomo.
Ukuthula okungapheliko kuzokunikelwa okude noseduze,”+ kutjho uJehova,
“Begodu ngizomlapha.”
20 “Kodwana abakhohlakeleko bafana nelwandle eliya phasi phezulu elingathuliko,
Begodu amanzalo asolo akhupha ukusilaphala nedaka.
21 Abakhohlakeleko abanakho ukuthula,” kutjho uZimami.+
58 Rhuwelela ngephimbo lakho loke; ungazivimbi!
Phakamisa ilizwi lakho njengephondo.
Memezela ebantwini bami ukuvukela kwabo,+
Nendlini kaJakopo izono zabo.
2 Bangifuna ilanga nelanga,
Bathatjiswa kukwazi iindlela zami,
Ngasuthi bebasitjhaba esenza okulungileko
Esingakhenge silahle ubulungiswa bakaZimaso.+
Bangibawa izahlulelo ezilungileko,
Bathatjiswa kutjhidela kuZimu:+
3 ‘Kubayini ungaboni nasizila ukudla?+
Kubayini ungatjheji nasizizwisa ubuhlungu?’+
Kungebanga lokuthi ngelanga enizila ngalo ukudla nizifunela iinzuzo zenu,
Begodu nigandelela iinsebenzi zenu.+
4 Ukuzila kwenu ukudla kuphetha ngokuphikisana nokulwa,
Begodu nibethana ngamaguduva wokukhohlakala.
Anikwazi ukuzila ukudla ngalendlela namhlanjesi begodu ilizwi lenu lizwakale ezulwini.
5 Kghani ukuzila ukudla engikukhethako kufuze kube nje,
Njengelanga umuntu azizwisa ngalo ubuhlungu,
Bona agobise ihlokwakhe njengotjani obude,
Enze umbhedakhe ngomgodla nangomlotha?
Kghani ngikho lokhu enikubiza ngokuthi kuzila ukudla nelanga elithabisa uJehova?
6 Awa, ngilokhu ukuzila ukudla engikukhethako:
Ukususa amakhamandela wokukhohlakala,
Ukutjhaphulula amabhande wejogi,+
Ukutjhaphulula ogandelelweko,+
Nokuphula woke amajogi;
7 Kukwabela olambileko uburotho bakho,+
Ukuletha otlhagako nonganakhaya ngendlinakho,
Ukumbathisa umuntu ohlubule nawumbonako,+
Nokuthi ungajikeli isihlobo sakho.
8 Nje-ke ukukhanya kwakho kuzokuphazimula njengokusa,+
Begodu uzokuphola msinyana.
Ukulunga kwakho kuzokukhamba phambi kwakho,
Nephazimulo kaJehova izokuvikela ngemuva.+
9 Yeke uzokubiza begodu uJehova uzokuphendula;
Uzokulilela isizo begodu uzokuthi, ‘Ngila!’
Nange ususa ijogi hlangana nawe
Begodu ulisa ukukhomba ngomuno nokukhuluma ikulumo elimazako,+
10 Nange upha olambileko lokho okukhanukwa nguwe+
Wanelisa nalabo abaseenhlungwini,
Ukukhanya kwakho kuzokuphazima ngitjho nebumnyameni,
Nobumnyama bakho buzokuba njengemini ekulu.+
11 UJehova uzokunqophisa qobe
Begodu uzokwanelisa ngitjho nenarheni eyomileko;+
Uzokuvuselela amathambakho,
Begodu uzokuba njengesimu ethelelelwe kuhle,+
Njengomthombo onamanzi angapheliko.
12 Bazokwakha kabutjha amarubhi wekadeni ngebanga lakho,+
Begodu bazokuvuselela iinsekelo zeenzukulwana ezidlulileko.+
Uzokubizwa ngokuthi ungumlungisi wamaboda aphukileko,+
Nomvuseleli weendlela ozokuhlala kizo.
13 Nange kungebanga leSabatha ulisile ukufuna izinto ozithandako ngelanga lami elicwengileko+
Begodu ubiza iSabatha ngethabo elikhulu, ilanga lakaJehova elicwengileko, ilanga ekufuze liphazinyuliswe,+
Begodu uyaliphazimulisa kunokobana uzifunele izinto ezithandwa nguwe, ukhulume amezwi angatjho litho,
14 Nje-ke uzokufumana ithabo elikhulu kuJehova,
Begodu ngizokwenza ukhambe eendaweni eziphakemeko zephasi.+
Ngizokubangela bona udle elifeni lakaJakopo ukhokhwakho,+
Ngombana umlomo kaJehova ukhulumile.”
2 Awa, imitjhaphwenu inihlukanise noZimenu.+
Izono zenu zenze bona anifihlele ubuso bakhe,
Begodu ubhale ukunizwa.+
3 Ngombana izandla zenu zisilaphele ngeengazi+
Begodu iminwenu isilaphele ngesono.
Umlomenu ukhuluma amala+ nelimu lenu likhuluma okungakalungi.
4 Akunamuntu obawa ukulunga,+
Begodu akunamuntu oya ekhotho ngeqiniso.
Bathembela entweni engekho+ begodu bakhuluma okungatjho litho.
Bazithwala umraro bese
babeletha okulimazako.+
5 Baqhoqhosela amaqanda wenyoka enetjhefu,
Baluka ubulwembu besiswebu.+
Nanyana ngubani odla amaqanda wenyoka enetjhefu uzokuhlongakala,
Begodu iqanda eliphahlakileko likhupha inyoka enetjhefu.
6 Ubulwembu babo angekhe bube njengesambatho,
Begodu angekhe bazigubuzese ngalokho abakwenzako.+
Imisebenzabo iyalimaza,
Begodu izenzo zabo zenturhu zisezandleni zabo.+
7 Iinyawo zabo zigijimela ukwenza okumbi,
Begodu bagijimela ukuphalaza iingazi ezinganamlandu.+
Imicabangwabo micabango elimazako;
Iindlela zabo ziyatjhabalalisa begodu zibanga isizi.+
8 Akhenge bayazi indlela yokuthula,
Begodu abukho ubulungiswa eendleleni zabo.+
Benza iindlela zabo zinganqophi;
Akekho okhamba kizo ozokwazi ukuthula.+
9 Kungebangelo ubulungiswa bukude nathi,
Nokulunga kungafiki kithi.
Sisolo silulukela ukukhanya kodwana qala! Kumnyama;
Sifisa ukukhanya kodwana sisolo sikhamba ebumnyameni.+
10 Siphumbutha iboda njengabantu abangaboniko;
Njengalabo abanganamehlo sisolo siphumbutha.+
Siwa entambama njengebumnyameni ebusuku;
Hlangana nabanamandla sifana nabahlongakeleko.
11 Sisolo sibhodla njengamabhere
Begodu silila kabuhlungu njengamajuba.
Silindele ubulungiswa kodwana abukho;
Silindele isindiso kodwana ikude nathi.
Ngombana ukuvukela kwethu kunathi;
Siyazi kuhle imitjhaphwethu.+
13 Sonile begodu saphika uJehova;
Sifulathele uZimethu.
14 Ubulungiswa buqothiwe,+
Nokulunga kujamele kude;+
Ngombana iqiniso liwile etatawini,
Begodu okulungileko akukghoni ukungena.
15 Iqiniso linyamalele,+
Nanyana ngubani olisa ukwenza izinto ezimbi uyadlelezelwa.
UJehova wakubona lokhu begodu akhenge athabe,
Ngombana bekunganabulungiswa.+
16 Wabona ukuthi akunamuntu,
Begodu wamangala ukuthi akunamuntu ongeneleko,
Yeke umkhonwakhe waletha isindiso,
Begodu ukulunga kwakhe kwamsekela.
17 Nje-ke wafaka ukulunga njengejasi yepi
Nesikoporo sesindiso ehlokwakhe.+
Wafaka izembatho zokuzibuyiselela njengesambatho sakhe+
Begodu waziphuthela ngetjiseko njengejasi.
18 Uzobanikela umvuzo walokho abakwenzileko:+
Ilaka emanabenakhe, ukujezisa emanabenakhe.+
Neenhlengele uzozinikela umvuzwazo.
19 Kusukela ekutjhingeni kwelanga bazokusaba igama lakaJehova
Begodu kusukela ekuphumeni kwelanga bazokusaba iphazimulwakhe,
Ngombana uzokuza njengomlambo ogijimako,
Onqotjhiswa mmoya kaJehova.
21 “Lesi sivumelwano sami nabo,”+ kutjho uJehova. “Ummoyami okuwe namezwami engiwafake emlonyenakho, angekhe akhutjhwe emlonyenakho, emlonyeni wabantwabakho, namkha emlonyeni weenzukulwana zakho,” kusukela nje bekube nini nanini,” kutjho uJehova.
60 “Vuka, mfazi,+ veza ukukhanya, ukukhanya kwakho sele kufikile.
Iphazimulo kaJehova iphazima phezu kwakho.+
2 Ngombana qala, ubumnyama buzokugubuzesa iphasi
Nobumnyama obukhulu buzokugubuzesa iintjhaba;
Kodwana uJehova uzokuphazimula kuwe,
Nephazimulwakhe izokubonakala kuwe.
4 Phakamisa amehlwakho uqale izinto ezikubhodileko!
Boke bahlanganisiwe beza kuwe.
5 Ngesikhatheso uzokubona begodu uzokuphazimula ngebanga lethabo,+
Ihliziywakho izokuthaba begodu izokuphuphuma ithabo,
Ngombana umnotho welwandle uzokunqotjhiswa kuwe;
Ipahla yeentjhaba izokuza kuwe.+
6 Amakamela amanengi azokugubuzesa inarhakho,
Amakamela aduna amancani weMidiyani ne-Efa.+
Woke weTjheba azokuza,
Azokuthwala igolide nepepho emhlophe.
Azokudumisa uJehova tjhatjhalazi.+
7 Yoke imihlambi yeKedari+ izokuhlangana kuwe.
Amaramu weNabayothi+ azokulotjha.
8 Bobani abaphapha njengamafu,
Njengamajuba eendlwaneni zawo?
9 Ngombana iinhlengele zizokuthembela kimi;+
Imikhumbi yeTaratjhitjhi idosa phambili,
Bona ilethe amadodanakho avela kude,+
Nesiliva lawo negolide lawo,
Egameni lakaJehova uZimakho oCwengileko ka-Israyeli,
Ngombana uzokuphazimulisa.+
10 Abantu abavela kwenye inarha bazokwakha amabodakho,
Amakhosabo azokusebenzela,+
Ngebanga lelaka lami ngiyakubetha,
Kodwana ngebanga lesirhawu sami ngizokuba nomusa kuwe.+
11 Amasangwakho azokuhlala avuliwe;+
Angekhe avalwe emini namkha ebusuku,
Bona akulethele umnono weentjhaba,
Begodu amakhosawo azokudosa phambili.+
12 Nanyana ngisiphi isitjhaba namkha umbuso ongekhe ukulotjhe uzokutjhabalala,
Begodu iintjhaba zizokutjhatjalaliswa ngokupheleleko,+
13 Iphazimulo yeLibhanoni izokuza kuwe,+
Umuthi womjunipha, umuthi womlotha* nomuthi womsayipurasi,+
Bona ngenze indawami ecwengileko ibe yihle;
Ngizokuphazimulisa indawo yeenyawo zami.+
14 Amadodana walabo abakugandelelako azokuza bese akhothame phambi kwakho;
Boke abangakuhloniphiko kufuze bakhothame eenyaweni zakho,
Begodu kufuze bakubize ngokuthi ulidorobho lakaJehova,
IZiyoni yoCwengileko ka-Israyeli.+
15 Ngitjho nanyana bewulahliwe begodu uhloyiwe, kunganamuntu okhambela ngakuwe,+
Ngizokwenza ube mthombo wokuzikhakhazisa okungapheliko,
Ibanga lokuthaba kizo zoke iinzukulwana.+
16 Uzokusela ibisi leentjhaba,+
Begodu uzokumunya ebeleni lamakhosi,+
Begodu uzokwazi ukuthi nginguJehova uMsindisakho
Loyo onaMandla kaJakopo uMhlengakho.+
17 Esikhundleni sekhopha ngizokuletha igolide,
Esikhundleni sesimbi ngizokuletha isiliva,
Esikhundleni sesigodo, ikhopha,
Esikhundleni samatje, isimbi;
Ngizokubeka ukuthula bona kube batlhogomeli bakho
Nokulunga bona kube ziinduna zakho.+
18 Angekhe kusaba nemibiko yenturhu enarhenenu
Namkha ukutjhabalalisa namkha amarubhi emikhawulwenenu.+
Begodu nizokubiza amabodenu ngokuthi yiSindiso+ namasangwenu ngokuthi yiNdumiso.
19 Ngombana ilanga angekhe lisaba mkhanyo emini,
Nokuphazima kwenyanga angekhe kusakukhanyisela,
Ngombana uJehova uzokuba kukhanya kwakho okungapheliko,+
Begodu uZimakho uzokuba bubuhle bakho.+
20 Ilanga lakho angeze lisatjhinga,
Begodu inyezakho angeze inyamalale,
Ngombana uJehova uzokuba kukhanya kwakho okungapheliko,+
Begodu amalangakho wokulila azabe aphelile.+
21 Boke abantu bakho bazokuba ngabalungileko;
Bazokuhlala enarheni unomphela.
22 Omncani uzokuba yikulungwana
Begodu omncani uzokuba sitjhaba esinamandla.
Mina Jehova, ngizokwenza lokhu ngesikhathi esifaneleko.”
61 Ummoya weKosi ePhakemeko uJehova uphezu kwami,+
Ngombana uJehova ungizese bona ngitjhumayele iindaba ezimnandi kwabathobekileko.+
Ungithume bona ngibophe iinhliziyo eziphukileko,
Bona ngimemezele itjhaphuluko kwabathunjiweko
Begodu ngivule amehlo weembotjhwa,+
2 Bona ngimemezele umnyaka kaJehova womusa
Nelanga lokuzibuyiselela lakaZimethu,+
Bona ngiduduze boke abalilako,+
3 Bona asekele labo abalilela iZiyoni,
Bona abanikele idugu kunomlotha,
Amafutha wokuthaba kunokulila,
Isambatho sokudumisa kunommoya wokudana.
Bazokubizwa ngokuthi mimithi emikhulu yokulunga,
Isitjalo sakaJehova bona amphazimulise.+
4 Bazokwakha kabutjha amarubhi wakade;
Bazokuvuselela iindawo ezitjhatjalalisiweko zakade,+
Bazokuvuselela amadorobho agiriziweko,+
Iindawo ezinganalitho eenzukulwaneni ngeenzukulwana.+
5 “Abantu abangaziwako bazokujama, beluse imihlambenu,
Begodu abantu abavela kwezinye iinarha+ bazokuba balimi benu batlhogomele amasimenu wamadiribe.+
Nizokudla umnono weentjhaba,+
Nizozibetha isifuba ngephazimulwabo.
7 Esikhundleni seenhloni, nizokunikelwa ingcenye ebuyelelwe kabili,
Nesikhundleni sehlazo, zizokurhuwelela ngethabo ngebanga lesabelo sazo.
Iye, zizokufumana ingcenye ebuyelelwe kabili enarhenazo.+
Zizokuthaba ngokungapheliko.+
Ngizozinikela umrholwazo ngokuthembeka,
Begodu ngizokwenza isivumelwano esihlala ngokungapheliko nazo.+
9 Isizukulwana sazo sizokwaziwa hlangana neentjhaba+
Begodu iinzukulwana zazo zizokwaziwa hlangana neentjhaba.
Boke abazibonako bazozazi,
Ukuthi sizukulwana esibusiswe nguJehova.”+
10 Ngizomphazimulisa khulu uJehova.
Umphefumulwami woke uzokuthaba kuZimami.+
Ngombana ungimbathise izembatho* zesindiso,+
Uzongiphuthela ngesambatho sokulunga,
Njengomkhwenyana ombethe itjhila elithwalwa ehloko njengomphristi,+
Njengomakoti ozihlobise ngemikghabiso.
11 Njengombana iphasi libangela bona imbewu ihlume
Begodu isimu yenza okutjaliweko kuhlume,
Ngokunjalo iKosi ePhakemeko uJehova
Izokubangela ukulunga+ nedumo bona kuhlume+ phambi kwazo zoke iintjhaba.
62 Ngebanga leZiyoni angekhe ngithule,+
Begodu ngebanga leJerusalema angekhe ngihlale ngingenzi litho
Bekube kulapho ukulunga kwakhe kuphazima njengomkhanyo ophazimako+
Nesindiswakhe ivutha njengetotjhi.+
Uzokubizwa ngegama elitjha,+
Ozolinikelwa nguJehova ngokwakhe.
3 Uzokuba sihlohlo esihle esandleni sakaJehova,
Itjhila elithwalwa ehloko lebukhosini esandleni sakaZimakho.
Kodwana uzokubizwa ngokuthi iThabo Lami liKuye,+
Nenarhakho izokubizwa ngokuthi ngeTjhadileko.
Ngombana uJehova uzokuthaba ngebanga lakho,
Nenarhakho izokuba njengetjhadileko.
5 Njengombana isokana litjhada intombi,
Amadodanakho azokutjhada wena.
Indlela umkhwenyana athabela ngayo umakoti,
UZimakho uzokuthabela wena.+
6 Phezu kwamabodakho Jerusalema ngibeka abalindi.
Kufuze bakhulume ilanga loke nobusuku boke.
Nina enikhuluma ngoJehova,
Ningaphumuli,
7 Ningamvumeli bona aphumule bekube kulapho adzimelelisa iJerusalema,
Iye bekube kulapho alenza idumo lephasi.”+
8 UJehova wenze isifungo ngesandla sakhe sokudla ngomkhonwakhe onamandla:
“Angekhe ngisanikela amanabakho ikoroyi evela kuwe bona ibe kukudla,
Namkha nginikele abantu abavela kwenye inarha iwayini lakho elitjha olisebenzele budisi.+
9 Kodwana ngilabo abayibuthelelako abazoyidla badumise noJehova;
Ngilabo abayibutheleleko abazoyisela eenrhodlweni zami ezicwengileko.”+
10 Dlulani, dlulani emasangweni.
Lungiselani abantu iindlela.+
Yakhani, yakhani indlela ekulu.
Susani amatje.+
Phakamiselani iintjhaba itshwayo.+
11 Qalani! UJehova umemezele bekwayokufika emaphethelweni wephasi:
“Yithi endodakazini yeZiyoni,
‘Qala! isindiswakho iyeza.+
Qalani! Umvuzwakhe unaye,
Begodu umrholo awubhadelako uphambi kwakhe.’”+
12 Bazokubizwa ngokuthi babantu abacwengileko labo abahlengwe nguJehova,+
Begodu uzokubizwa ngokuthi ungoFunwako, iDorobho elingaKhenge liLahlwe.+
Ngilo onezambatho ezihle,
Okhamba emandlenakhe amakhulu?
“Ngimi okhuluma ngokulunga,
Onamandla amakhulu wokusindisa.”
2 Kubayini izambatho zakho zibomvu,
Begodu kubayini izambatho zakho zinjengezaloyo otlhodlha iwayini?+
3 “Ngitlhodlhe iwayini endaweni yokutlhodlhela ngingedwa.
Bekunganamuntu ovela eentjhabeni obekanami.
Bengisolo ngigadanga amanabami ngisilingekile,
Bengisolo ngigadanga amanabami ngebanga lelaka lami.+
Izambatho zami bezifafazwe ziingazi zawo,
Ngasilaphaza zoke izambatho zami.
4 Ngombana ilanga lokuzibuyiselela lisehliziywenami,+
Nomnyaka wabahlengiweko bami sele ufikile.
5 Ngaqala kodwana bekangekho ongangisiza;
Ngadana ngombana bekangekho ongisekelako.
Yeke umkhonwami wangisindisa,+
Begodu ilaka lami langisekela.
6 Ngigadange iintjhaba ngebanga lokusilingeka kwami,
Ngazenza zadakwa ngebanga lokusilingeka kwami+
Begodu ngathulula iingazi zazo ehlabathini.”
7 Ngizokukhuluma ngezenzo zakaJehova zethando elithembekileko,
Ngezenzo zakaJehova ezifanele ukudunyiswa,
Ngebanga lazo zoke izinto uJehova asenzele zona,+
Izinto ezinengi ezihle azenze ngebanga lendlu ka-Israyeli,
Ngesirhawu sakhe nangethando lakhe elithembekileko elikhulu.
8 Ngombana uthe: “Ngokuqinisekileko bababantu bami, amadodana azokuhlala athembekile.”+
Yeke ube Msindisabo.+
9 Kikho koke ukugandeleleka kwabo naye bekagandeleleka.+
Begodu isithunywa sakhe sabasindisa.*+
10 Bahlubuka+ begodu bazwisa ummoya ocwengileko ubuhlungu.+
11 Bakhumbula iinkhathi zakade,
Iinkhathi zakaMosi incekwakhe:
“Uphi owabakhupha elwandle+ ngabelusi bomhlambakhe?+
Uphi owafaka kibo ummoyakhe ocwengileko,+
12 Loyo owenza isandla sakhe esiphazimulako sikhambe nesandla sakaMosi sangesidleni,+
Loyo owahlukanisa amanzi phambi kwabo+
Bona azenzele igama elihlala ngokungapheliko,+
13 Loyo owabenza bakhamba emanzini amanengi,
Bakhamba bangakhutjwa,
Njengenjomani enarheni evulekileko?
14 Njengefuyo eyehlela emrhobeni othabaleleko,
Ummoya kaJehova wabenza baphumula.”+
Ubanqophise njalo abantu bakho,
Bona uzenzele igama elihle.+
15 Qala phasi usezulwini ubone
Usendawenakho ephakemeko yokucwengeka nephazimulo.
Iphi itjisekwakho nobukhulu bakho?
Usidime ithando lakho elidephileko
Nesirhawu sakho.+
16 UnguBabethu;+
Ngitjho nanyana u-Abrahama kungenzeka angasazi,
U-Israyeli angasiboni,
Wena Jehova unguBabethu.
UmHlengethu wekadeni, ligama lakho.+
17 Kubayini Jehova usivumela sihlahlathe eendleleni zakho?
Kubayini uvumela iinhliziyo zethu ziqine, bona singakusabi?+
Buya, ngebanga leenceku zakho,
Iinkoro zelifa lakho.+
18 Abantu bakho abacwengileko balizuze kwesikhatjhana.
Amanabethu agadange indawakho ecwengileko.+
19 Kube sikhathi eside sinjengalabo ongakhenge ubuse phezu kwabo,
Sinjengalabo abangakhenge babizwe ngegama lakho.
64 Ngathana bewuhlukanise izulu begodu wehlela phasi,
Bona iintaba zihlengezele ngebanga lakho,
2 Njengalokha umlilo utjhisa ikhuni,
Begodu umlilo wenza amanzi abile,
Yeke amanabakho azokwazi igama lakho,
Begodu iintjhaba zizokuhlengezela phambi kwakho!
3 Lokha nawenza izinto ezibabazekako ebesingakazilindeli,+
Wehlela phasi begodu iintaba zahlengezela phambi kwakho.+
4 Kusukela kade akekho owezwa namkha walalela,
Namkha wabona omunye uZimu ngaphandle kwakho,
Othatha amagadango malungana nalabo abasolo bamlindele.+
5 Uhlangene nalabo abathabela ukwenza okulungileko,+
Labo abakukhumbulako begodu balandele iindlela zakho.
Qala! Wasilingeka lokha nasisolo senza isono,+
Senza isono isikhathi eside.
Kufuze sisindiswe na?
6 Soke sibe njengomuntu ongakahlwengeki,
Begodu zoke izenzo zethu zokulunga zinjengetjhila elisilapheleko.*+
Sizokutjhwaba njengekari,
Nemitjhaphwethu izosiphephula njengomoya.
7 Akunamuntu obiza igama lakho,
Akunamuntu olinga ukufumana isizo lakho,
Ngombana usifihlele ubuso bakho,+
Begodu usibangele bona sitjhabalale ngebanga lemitjhaphwethu.
8 Kodwana wena Jehova unguBabethu.+
Simdaka begodu wena uMbumbethu;+
Soke simsebenzi wesandla sakho.
9 Maye! Jehova, ungasilingeki khulu,+
Begodu ungakhumbuli umtjhaphwethu unomphela.
Sibawa usiqale ngombana soke sibabantu bakho.
10 Amadorobhakho acwengileko abe mmango.
IZiyoni ibe mmango,
IJerusalema ibe yinarha enganalitho.+
11 Indlwethu ecwengileko nephazimulako,
Abokhokho bethu ebebakudumisa kiyo,
Itjhiswe ngomlilo,+
Begodu zoke izinto ebeziligugu kithi zitjhabalele.
12 Malungana nalokhu, usazozibamba Jehova?
Usazokuhlala uthulile begodu usilise sizwe ubuhlungu obungaka?+
65 “Ngizenze ngafunwa ngilabo abangakhenge babuze ngami;
Ngizenze ngafunyanwa ngilabo abangakhenge bangifune.+
Ngathi, ‘Nangu mina, ngilapha!’ esitjhabeni esingakhenge sibize igama lami.+
2 Ngilulele izandla zami ebantwini abanekani ilanga loke,+
Kilabo abakhamba endleleni engakalungi,+
Abalandela imicabangwabo;+
3 Abantu abasolo bangizwisa ubuhlungu ngamabomu,+
Benza umhlatjelo emasimini+ begodu benza intuthu yomhlatjelo eentineni.
4 Bahlala hlangana namathuna,+
Begodu bahlala eendaweni ezifihlekileko ubusuku boke,
Badla inyama yeemfarigi,+
Begodu umhluzi wezinto ezingakahlwengeki usezitjeni zabo.+
5 Bathi, ‘Hlala uwedwa; ungatjhideli kimi,
Ngombana ngicwengeke ukudlula wena.’*
Laba bayintuthu epumulwenami, umlilo ovutha ilanga loke.
6 Qala! Kutloliwe phambi kwami;
Angekhe ngijame ngingasikinyeki,
Kodwana ngizobajezisa,+
Ngizobajezisa ngokupheleleko
7 Ngebanga lemitjhaphwabo nemitjhapho yabokhokho babo,”+ kutjho uJehova.
“Ngombana benze intuthu yomhlatjelo eentabeni
Begodu bangidelela emibundwini,+
Kokuthoma ngizokulinganisa imirholwabo ngokupheleleko.”
8 Ngilokhu uJehova akutjhoko:
“Njengombana iwayini lifumaneka esitjhumpeni samadiribe
Begodu othileko uthi, ‘Ungasoni ngombana kunokuthileko okuhle kiso,’
Nje-ke ngizokwenza njalo ngeenceku zami;
Angekhe ngizitjhabalalise zoke.+
9 Ngizokuveza isizukulwana kuJakopo
Begodu kwaJuda ngizokuveza ozokufumana iintaba zami njengelifa;+
Zizokuthathwa ngabakhethiweko bami,
Begodu iinceku zami zizokuhlala lapho.+
10 ITjharoni+ izokuba madlelo wezimvu
Begodu umRhoba we-Akori+ uzokuba yindawo yokuphumula yeenkomo,
Ngebanga labantu bami abangifunako.
11 Kodwana uhlangana nalabo abalahla uJehova,+
Labo abalibala intabami ecwengileko,+
Labo abalungisela uzimu weTjhudu itafula,
Nalabo abazalisela uzimu olawula iNgomuso amakomitji wewayini elivangiweko.
12 Yeke ingomuso lakho lizokuba yisabula,+
Begodu noke nizokukhothama bona nihlahlelwe,+
Ngombana ngabiza, kodwana akhenge niphendule,
Ngakhuluma kodwana akhenge nilalele;+
Benisolo nenza okumbi emehlwenami,
Begodu nakhetha okungidanisako.”+
13 Yeke nakhu iKosi ePhakemeko uJehova ekutjhoko:
“Qalani! Iinceku zami zizokudla kodwana nina nizokulamba.+
Qalani! Iinceku zami zizokusela+ kodwana nina nizokoma.
Qalani! Iinceku zami zizokuthaba+ kodwana nina nizokuhlaziswa.+
14 Qalani! Iinceku zami zizokurhuwelela ngethabo ngebanga leenhliziyo ezithabileko,
Kodwana nizokulila ngebanga leenhliziyo ezibuhlungu
Begodu nizokurhahlawula ngebanga lommoya ophukileko.
15 Nizokutjhiya igama abakhethiweko bami abazolisebenzisa njengesiqalekiso,
Begodu iKosi ePhakemeko uJehova izonibulala,
Kodwana iinceku zayo izozibiza ngelinye igama;+
16 Bona woke umuntu ozifunela isibusiso ephasini
Uzokubusiswa nguZimu weqiniso,*
Ngombana ukugandeleleka kwekuthomeni kuzokulitjalwa;
Kuzokufihlwa emehlwenami.+
17 Ngombana qala! Ngenza izulu elitjha nephasi elitjha;+
Izinto zekuthomeni angekhe zisakhunjulwa,
Namkha zifike ehliziyweni.+
18 Yeke thaba begodu ujekezele ngokungapheliko kilokho engikwenzako.
Ngombana qala! Ngenza iJerusalema libe libanga lethabo
Nabantu balo babe libanga lokujekezela.+
19 Ngizokuthaba ngeJerusalema begodu ngizokujekezela ngabantu bami;+
Angekhe kusaba netjhada lokulila namkha ukulila ngebanga lokugandeleleka kuye.”+
20 “Angekhe kusaba nesana eliphila amalangana endaweni leyo,
Namkha indoda elupheleko engawaphili woke amalangayo.
Ngombana nanyana ngubani ohlongakala aneminyaka elikhulu uzabe asese lisokana,
Begodu isoni sizokuqalekiswa, ngitjho nanyana sineminyaka elikhulu.*
22 Angekhe bakhe bese kuhlale omunye
Namkha batjale bese kudle abanye.
Ngombana amalanga wabantu bami azokuba njengamalanga womuthi,+
Nabakhethiweko bami bazokuthabela umsebenzi wezandla zabo.
23 Angekhe basebenzele ilize,+
Namkha babelethe abantwana bona bagandeleleke,
Ngombana basizukulwana esenziwe ngababusiswe nguJehova,+
Kunye neenzukulwana zabo.+
24 Ngaphambi kobana bakhulume, ngizobaphendula;
Nabasathi bayakhuluma, ngizobezwa.
25 Ipisi nemvu zizokudla ndawonye,
Ibhubezi lizokudla utjani njengekunzi,+
Nokudla kwenyoka kuzokuba lithuli.
Angekhe zilimaze namkha zibangele umonakalo kiyo yoke intabami ecwengileko,”+ kutjho uJehova.
66 UJehova uthi:
“Izulu sihlalo sami sobukhosi begodu iphasi sinabelo seenyawo zami.+
2 “Isandla sami senze koke lokhu,
Begodu le yindlela zoke izintwezi ezibe ngayo,” kutjho uJehova.+
3 Loyo ohlahlela ikunzi unjengaloyo obulala umuntu.+
Loyo owenza umhlatjelo wemvu unjengaloyo ophula intamo yenja.+
Loyo onikela ngesipho unjengaloyo onikela ngeengazi zefarigi!+
Loyo oletha umnikelo wesikhumbuzo wepepho emhlophe+ unjengaloyo obusisa ngamezwi womlingo.*+
Bakhethe iindlela zabo,
Begodu bathatjiswa zizinto ezinyenyisako.
4 Nje-ke ngizokukhetha iindlela engizobajezisa ngazo,+
Begodu ngizobalethela izinto abazisabako.
Ngombana ngababiza, akhenge kube nophendulako;
Lokha nangikhulumako, akhenge kube nolaleleko.+
Bebasolo benza okumbi emehlwenami,
Begodu bakhetha ukwenza okungidanisako.”+
5 Lalelani ilizwi lakaJehova, nina enihlengezela ngebanga lelizwi lakhe:
“Abafowenu abanihloyako nabanikhethululako ngebanga legama lami bathi, ‘Kwanga uJehova angaphazinyuliswa!’+
Kodwana ngizokuvela nginenze nithabe,
Begodu ngibo abazokuhlaziseka.”+
6 Kunetjhada lokuvungama elivela edorobheni, itjhada elivela ethempelini!
Litjhada lakaJehova lokubuyiselela amanabakhe lokho okuwafaneleko.
7 Ngaphambi kokuthi ehlelwe ziinhlungu zokubeletha, wabeletha.+
Ngaphambi kobana afikelwe ziinhlungu zokubeletha, wabeletha umntwana womsana.
8 Ngubani ozwe into enjengale?
Ngubani obone izinto ezinje?
Kghani inarha ingabelethwa ngelanga linye?
Namkha isitjhaba singabelethwa ngesikhathi sinye?
Msinyana iZiyoni nayifikelwa ziinhlungu zokubeletha, yabeletha amadodanayo.
9 “Kghani ngingayenza ibe sebujamweni bokubeletha, ngemva kwalokho ingasabelethi?” kutjho uJehova.
Namkha ngingayibangela bona ibelethe ngemva kwalokho ngivale isibeletho?” kutjho uZimakho.
10 Thabani neJerusalema, nijekezele nalo,+ noke enilithandako.+
Thabani nalo khulu, noke nina enilililelako,
11 Ngombana nizokumunya, naneliseke emabelenalo wenduduzo,
Nizokwaneliseka, nithabe khulu ngombana liphazinyulisiwe.
12 Ngombana uJehova uthi:
Nizokumunyisa nisekelwe enyongeni,
Begodu nidunduzelwe emadolweni.
14 Nizokubona lokhu neenhliziyo zenu zizokuthaba,
Amathambenu azokutlhurha njengotjani obutjha.
Neenceku zakaJehova zizosazi isandla sakhe,*
Kodwana uzowalahla amanabakhe.”+
15 “Ngombana uJehova uzokuza njengomlilo,+
Neenkarana zakhe zizokuza njengesiwuruwuru,+
Bona abuyiselele ngelaka elikhulu,
Akhalime ngamalangabi womlilo.+
16 Ngombana uJehova uzokukhupha isahlulelo ngomlilo,
Iye ngesabulakhe ebantwini boke;
Begodu ababulewe nguJehova bazokuba banengi.
17 “Labo abazicwengisako begodu abazihlwengisako, bona bangene emasimini*+ balandela loyo ophakathi, labo abadla inyama yefarigi+ yezinto ezinyenyisako namakhondlo,+ bazokufika esiphethweni sabo ndawonye” kutjho uJehova. 18 “Njengombana ngazi ngemisebenzabo nemicabangwabo, ngiyeza bona ngibuthelele abantu bazo zoke iintjhaba namalimi begodu bazokuza babone iphazimulwami.”
19 “Ngizokubeka itshwayo hlangana nabo begodu ngizokuthumela abanye balabo abaphunyurhe eentjhabeni, eTaratjhitjhi,+ ePhuli neLudi,+ labo abadosa umsubela, eTubali, eJavani+ neenhlengeleni ezikude, abangakhenge bezwe umbiko omalungana nami namkha babone iphazimulwami; begodu bazokumemezela iphazimulwami hlangana neentjhaba.+ 20 Bazokukhupha abafowenu boke kizo zoke iinarha+ njengesipho sakaJehova, eenjomaneni, eenkaraneni ezikulu, eenkaraneni ezincani, kumameyila, emakameleni agijimako, entabenami ecwengileko, iJerusalema,” kutjho uJehova, “njengalokha abantu bakwa-Israyeli nabaletha isipho esitjeni esihlwengileko endlini kaJehova.”
21 “Ngizokuthatha abanye babe baphristi, abanye babe maLevi,” kutjho uJehova.
22 “Njengezulu elitjha nephasi elitjha+ engikwenzako kuzokuhlala kujame phambi kwami,” kutjho uJehova, “nesizukulwana sakho negama lakho kuzokuhlala kukhona.”+
23 “Kusukela enyangeni etja ukuya enyangeni etja, kusukela esabatheni ukuya esabatheni,
Boke abantu bazokungena bakhothame phambi kwami,”+ kutjho uJehova.
24 Begodu bazokuphuma baqale iindumbu zabantu abangivukeleko;
Ngombana iimbungu zabo angekhe zife,
Nomlilwabo angekhe ucinywe,+
Begodu iindumbu zabo zizokunyenyisa iintjhaba zoke.”
Kutjho “Isindiso KaJehova.”
Namkha “njengomtlhatlhana.”
Namkha “intandani.”
Ngasuthi mimithi namasimu ahlobene nokulotjha iinthombe.
NgesiHebheru, “Bazokudla umphumela wezenzo zabo.”
NgesiHebheru, “alule iintamo.”
Kutjho itshwayo ebelenziwa ngokutjhisa umzimba wesigqila namkha isibotjhwa.
Kutjho ihlazo lokungatjhadi nokungabi nabantwana.
Namkha “umlandu weengazi.”
NgesiHebheru, “ziimpani ezilitjhumi,” kutjho isilinganiso senarha esingalinywa ziimpani ezilitjhumi zeenkunzi ngelanga linye.
Qala Isith. B14.
Qala Isith. B14.
Qala Isith. B14.
Namkha “iTjhiyoli.” Qala Ihlathululo.
NgesiHebheru, “iphimbo laloyo ebekarhuwelela.”
NgesiHebheru, “Ngithulisiwe.”
Namkha “ingasabeli.”
Namkha “kuzakusala umuntu munye kwabalitjhumi.”
Namkha “isizukulwana esicwengileko sizokuba.”
Namkha kungenzeka “bakghone.”
Kutjho ukuthi “Ngabaseleko Kwaphela Abazokubuya.”
Namkha kungenzeka “siyithuse.”
Namkha “senze intunja emthangaleni wakhona.” NgesiHebheru, “siyivule ibonakale.”
Namkha “njengeTjhiyoli.” Qala Ihlathululo.
Kutjho ukuthi “UZimu Unathi.”
Kutjho iYufrathe.
Kungatjho ukuthi “Ukurhaba Msinya Uyokuthatha Izinto Ezifunyenwe Epini, Ukugijimela Ukuyokuthatha Izinto.”
Kutjho umka-Isaya.
ITjhilowarhi bekumsele wamanzi.
Kutjho iYufrathe.
Qala u-Isa 7:14.
NgesiHebheru, ukuthi “uZimu unathi” ligama elithi Imanuweli. Qala u-Isa 7:14; 8:8.
Kutjho uZimu.
NgesiHebheru, “Ngubaba Isiphelani.”
Mhlobo othileko womuthi wamafeyi.
Kutjho u-Israyeli.
Namkha kungenzeka “ipande yesundu nomhlanga.”
Namkha “neentandani.”
Kutjho “umAsiriya.”
NgesiHebheru, “nesilwana esinonisiweko.”
Namkha kungenzeka “Ikonyana nebhubezi zizokudla ndawonye.”
Kutjho iBhabhiloniya.
Kutjho iYufrathe.
Namkha kungenzeka “emilanjanenayo.”
Elithi “Jah” sirhunyezo segama elithi Jehova.
Kuqaliselwe kibo boke abantu abahlala khona ngokuthi mumuntu wengubo.
NgesiHebheru, “namaKhesilazo,” kungenzeka kuqaliselwe esiqhemeni seenkwekwezi esibizwa ngokuthi yi-Oriyeni nemithaleni eyibhodileko.
Namkha “umbuso okghatjiswe kuhle khulu.”
Namkha “kwamaKasidi.”
Namkha kungenzeka “namadimoni anjengeembuzi.”
Namkha “neTjhiyoli.” Qala Ihlathululo.
Namkha “eTjhiyoli.” Qala Ihlathululo.
Namkha “eTjhiyoli.” Qala Ihlathululo.
Ibizo lesiHebheru liqalisele emthini ojayelekileko omila magega nomlambo. NgesiNgisi, ‘yi-Poplar.’
Namkha kungenzeka “Ngombana ukukhalela ingoma yepi kwehlele esithelweni sakho sehlobo nesivunweni sakho.”
Qala Ihlathululo.
Namkha kungenzeka “ngisendawenami.”
NgesiHebheru, “ngeflaksi.”
Namkha “weMemfisi.”
Namkha kungenzeka “yipande yesundu namkha umhlanga.”
Namkha “umlawuli.”
Kubonakala ngasuthi kuqaliselwe esifundeni seBhabhiloniya yekadeni.
Kutjho “ukuThula.”
Abantu abakhamba iindawo ngeendawo ngamakamelabo.
Kungenzeka kuqaliselwe eJerusalema.
Sisenzasamuntu esisakondlo, mhlamunye kutjengisa isirhawu namkha izwelo.
Kutjho umlambo ophuma eMlanjeni iNayili.
Namkha kungenzeka “itheku.”
Namkha “yamaKasidi.”
Namkha “MaKasidi.”
Kungenzeka kuqaliselelwe eTirosi.
Namkha “ephasini.”
Namkha kungenzeka “iyoma.”
Namkha “sekadeni.”
Namkha kungenzeka “liyaphela.”
Namkha “etjingalanga.”
Namkha “epumalanga.”
Namkha “wewayini lezinga eliphezulu.”
Namkha “uzokuginya.”
Namkha “Uzokuginya.”
Kungenzeka kuqaliselwe kuZimu.
Namkha kungenzeka “labo iinhliziyo zabo ezinamathele kuwe.”
Elithi “Jah” sirhunyezo segama elithi Jehova.
Namkha “yakheke kuhle.”
Namkha “Ngakho koke esinakho silulukela igama lakho.”
Kutjho ukuthi uZimu negama lakhe kukhunjulwe, laziwe.
Namkha kungenzeka “umbethe weenungo zemmangweni.”
Qala Ihlathululo.
Ngasuthi kuqaliselwe ku-Israyeli, la ufaniswa nomuntu wengubo begodu ufaniswe nesimu yamadiribe.
Qala Ihlathululo.
Kutjho iYufrathe.
Qala Ihlathululo.
Kubonakala ngasuthi kuqalisele kuhloko dorobho, iSamariya.
Namkha kungenzeka “senze umbono.”
Namkha “neTjhiyoli.” Qala Ihlathululo.
Namkha “neTjhiyoli.” Qala Ihlathululo.
Namkha kungenzeka “Nabazwisisa umlayezo, bazokusaba khulu.”
Ibizo lesiHebheru eliqalisele komunye umhlobo wekoroyi ebewulinywa eGibhide yekadeni.
Kungatjho ukuthi “Iziko le-Aldara lakaZimu,” kungenzeka kuqalisele eJerusalema.
NgesiHebheru, “angeze busaphaphatheka.”
NgesiHebheru, “Athela iinselo bona enze umhlatjelo ongavumelani,” kungenzeka kuqalisele ekwenzeni isivumelwano.
Namkha “abaqalelela kuye ngakho koke.”
Namkha “itjhila elisilaphazwe kukuba sesikhathini.”
Namkha kungenzeka “nizokuthi zisilaphele.”
Namkha “nawuzicwengisako.”
Namkha “nomdumo wefuludi.”
“ITofethi” la isetjenziswe njengendawo yomfanekiso yokutjhisa, iqalisele ekutjhatjalalisweni.
NgesiHebheru, “ilimu lalabo abangunguzako lizokukhuluma.”
Namkha “ukuziphatha ngendlela ehlazisako.”
Namkha “amandlethu.”
Kuqaliselwe enabeni.
Namkha kungenzeka “iyoma.”
NgesiHebheru, “umlotha wepembe.” Iputjhana emhlophe ebakhona nakutjhiswa izinto ezifana nelitje elithambileko, ikhorali, amathambo namkha amaqephe. NgesiNgisi yi-lime.
Namkha “zizokugeleza ngeengazi.”
Kungenzeka kuqaliselwe kuBhozira, ihloko dorobho ye-Edomu.
Namkha kungenzeka “Idimoni elifana nembuzi lizokubiza umnganalo.”
Ziinyoni ezifana nesikhova.
Namkha “induna yabaphathikapho.”
Namkha “ngesiSiriya.”
Namkha “lehlamba.”
NgesiHebheru, “ummoya kuye.”
Namkha kungenzeka “hlangana namakherubhi.”
Namkha “imilanjana yeNayili.”
Kutjho uHezekiya.
Namkha “ethempelini lakazimayo.”
Mhlamunye iintepisezi bezisetjenziselwa ukubala isikhathi, ngokuqala ukuthi isithunzi sikuphi.
Namkha “weTjhiyoli.” Qala Ihlathululo.
Elithi “Jah” sirhunyezo segama elithi Jehova.
NgesiHebheru, “Yiba siqinisekiso.”
Kutjho amezwi nezenzo zakaZimu.
Namkha “iTjhiyoli.” Qala Ihlathululo.
Namkha “esigodlweni.”
Namkha “ngesigodlweni sakho.”
Namkha “okungesigodlweni sami.”
Libanga eliba khona hlangana notsetserwana nothubhakghuru isandla nasivulekileko. Qala Isith. B14.
Namkha kungenzeka “ozwisise.”
Kutjho ukumlotjha.
Kutjho ukungakwazi ukuzilwela nokuba phasi.
Mumuthi omkhulu oba mamitha ali-15 ubude, unamakari ahlaza neempande ezinjengomlotha.
Namkha “Angabelani namuntu iphazimulwami.”
Namkha “NamaKasidi.”
Mhlanga onuka kamnandi.
Namkha “izenzo zakho zokuvukela.”
Kungenzeka kuqaliselwe kubafundisi bomThetho.
Kutjho “Olungileko,” sisiqu sokuhlonipha u-Israyeli.
Namkha kungenzeka “Kghani umdaka kufuze uthi: “Umsebenzakho awunambambo.”
Kutjho iinlwana ezithweswe iinthombe.
Namkha “yamaKasidi.”
Namkha kungenzeka angekhe ngihlangane nomuntu ngomusa.
Namkha “yamaKasidi.”
NgesiHebheru, “ayikho imilingwakho engakuvimba.”
Namkha kungenzeka “Labo abahlukanisa izulu; Abathukula ngeenkwekwezi.”
Namkha kungenzeka “enehle nivela kwaJuda.”
Namkha kungenzeka “ngikukhethile.”
Namkha “Angabelani namuntu iphazimulwami.”
Kutjho uKoretjhi.
Namkha “namaKasidi.”
Namkha “amaKasidi.”
Namkha “uJehova uzonginikela ubulungisa.”
NgesiHebheru, “abaphephileko.”
Namkha kungenzeka “semibundwini enganalitho.”
NgesiHebheru, “esifubeni sazo.”
Namkha “ilimu elibandulwe kuhle.”
Namkha kungenzeka “ngibaqinise.”
Namkha “ongabindana nami.”
Namkha “Asiqalaneni ubuso nobuso.”
Namkha “amandlami.”
Namkha kungenzeka “Isibungu sizobarhiribidela.”
Qala Ihlathululo.
NgesiHebheru, “phezu kweenhloko zabo.”
Namkha kungenzeka “esikuzwileko.”
“Ukwakhe” angaqalisela emuntwini obukeleko namkha kuZimu.
Namkha bekanjengomuntu abantu ebebamfulathela.
Namkha “wabulawa.”
Namkha “abantwana.”
Namkha “yikosakho.”
Namkha “ngethando elithembekileko.”
Namkha “ithando lami elithembekileko.”
Mamatje abomvu aligugu.
Namkha “nethando elithembekileko.”
Kutjho ukuhlongakala.
Kutjho ithuna.
Namkha “zingiduduze.”
Kungenzeka kuqaliselwe ekulotjheni iinthombe.
Namkha kungenzeka “ikosi.”
Namkha “eTjhiyoli.” Qala Ihlathululo.
Mumuthi omkhulu oba mamitha ali-15 ubude, unamakari ahlaza neempande ezinjengomlotha.
Namkha “ijazi elinganamikhono.”
Namkha kungenzeka “ezibomvu.”
Namkha “ingilozi yokuba khona kwakhe yabasindisa.”
Namkha “itjhila elisilaphazwe kukuba sesikhathini.”
Namkha kungenzeka “Ngizakudlulisela ukucwengeka kwami kuwe.”
Namkha “wokuthembeka.” NgesiHebheru, “Amen.”
Namkha “wokuthembeka.” NgesiHebheru, “Amen.”
Namkha kungenzeka “Loyo ohlongakala angakafiki eminyakeni elikhulu kuzokuthiwa uqalekisiwe.”
Namkha “otshwenyekileko.”
Namkha kungenzeka “olotjha isithombe.”
Namkha “zizowazi amandlakhe.”
Kutjho amasimu akhethekileko ebekasetjenziselwa ukulotjha iinthombe.