JOROMIYA
1 La mamezwi kaJoromiya* indodana kaRhilikhiya, omunye wabaphristi be-Anatothi+ enarheni yakwaBhenjamini. 2 Ilizwi lakaJehova lafika kuye emihleni kaJosiya+ indodana ka-Amoni,+ ikosi yakwaJuda, ngomnyaka we-13 wokubusa kwakhe. 3 Lafika godu emihleni kaJehoyakhimu+ indodana kaJosiya, ikosi yakwaJuda, bekwaba sekupheleni komnyaka we-11 wokubusa kwakaTsedekhiya+ indodana kaJosiya, ikosi yakwaJuda, bekwaba kulapho iJerusalema iya ekudingisweni ngenyanga yesihlanu.+
4 Ilizwi lakaJehova lafika kimi lathi:
5 “Ngaphambi kobana ngikubumbe esibelethweni, bengikwazi,+
Ngaphambi kobana ubelethwe ngakucwengisa.+
Ngikwenze umphorofidi eentjhabeni.”
6 Kodwana ngathi: “Maye! Kosi ePhakemeko Jehova.
Angikwazi ukukhuluma+ ngombana ngisesesana.”*+
7 UJehova wathi kimi:
“Ungathomi uthi, ‘Ngilisokana.’
Ngombana kufuze uye kibo boke engikuthuma kibo,
Begodu kufuze utjho koke engikuyala ngakho.+
9 Yeke uJehova walula isandla sakhe wathinta umlomami.+ UJehova wathi kimi: “Ngifake amezwami emlonyenakho.+ 10 Qala! Ngikuyalile namhlanjesi bona ube phezu kweentjhaba naphezu kwemibuso, bona uruthule begodu ugirize, bona utjhabalalise begodu ugirize, bona wakhe bewutjale.”+
11 Ilizwi lakaJehova lafika kimi godu, lathi: “Ubonani Joromiya?” Mina ngathi: “Ngibona ipande yomuthi we-almondi.”
12 UJehova wathi kimi: “Ubone kuhle, ngombana ngiphapheme bona ngifeze ilizwi lami.”
13 Ilizwi lakaJehova lafika kimi godu, lathi: “Ubonani?” Ngathi: “Ngibona ipoto ebilako, umlomayo utjhigamile wafulathela etlhagwini.” 14 UJehova wathi kimi:
“Ihlekelele izokuvela etlhagwini
Ijamelane nazo zoke izakhamuzi zenarha.+
15 Ngombana ‘ngibiza yoke imindeni yemibuso yetlhagwini,’ kutjho uJehova,+
‘Begodu izokuza ngamunye azibekele isihlalo sobukhosi
Ebungenweni bamasango weJerusalema,+
Magega nawo woke amaboda
Begodu ngokujamelene nawo woke amaboda wakwaJuda.+
16 Ngombana ngizokukhupha isahlulelo ngokujamelene nakho koke ukukhohlakala kwabo,
Ngombana bangilahlile,+
Begodu benza imihlatjelo yentuthu kwabanye abozimu+
Bakhothamela imisebenzi yezandla zabo.’+
17 Kodwana kufuze uzilungiselele ukuthatha igadango,
Ujame ubatjele koke engikuyala ngakho.
Ungabasabi,+
Bona ngingakuthusi phambi kwabo.
18 Ngombana ngikwenze idorobho elivikelekileko namhlanjesi,
Isika yesimbi namaboda wekhopha bona ujamelane nayo yoke inarha,+
Ujamelane namakhosi wakwaJuda namakhosana wakhona,
Ujamelane nabaphristi nabantu benarha.+
19 Ngokuqinisekileko bazokulwa nawe,
Kodwana angekhe bakuhlule,
Ngombana ‘nginawe,’+ kutjho uJehova ‘bona ngikusindise.’”
2 Ilizwi lakaJehova lafika kimi lathi: 2 “Khamba uyokumemezela eendlebeni zeJerusalema, ‘Ngilokhu uJehova akutjhoko:
“Ngikukhumbula kuhle ukuzinikela kwakho usesemutjha,+
Ithando ebewunalo lokha nawuthenjiswe umtjhado,+
Indlela owangilandela ngayo emmangweni,
Enarheni engakatjalwa imbewu.+
3 U-Israyeli bekacwengekile kuJehova,+ iinthelo zokuthoma zesivuno sakhe.’”
‘Nanyana ngubani omrhiribidelako bekazokuba mlandu.
Bebazokwehlelwa yihlekelele,’ kutjho uJehova.”+
4 Lalela ilizwi lakaJehova, wena ndlu kaJakopo,
Nani noke mindeni yendlu ka-Israyeli.
5 Nakhu uJehova akutjhoko:
“Ngimuphi umtjhapho abokhokho bakho abawufumana kimi,+
Owabenza baphambukela kude nami,
Balotjha iinthombe ezingasizi ngalitho+ begodu bona ngokwabo akhenge basize ngalitho?+
6 Akhenge babuze bathi, ‘Uphi uJehova,
Owasikhupha enarheni yeGibhide,+
Owasinqophisa bona siphume emmangweni,
Enarheni yamarhalawumba+ namapetsi,
Enarheni yesomiso+ neyesithunzi esimnyama,
Enarheni lapho abantu bangakhambi khona
Lapho kungahlali khona abantu?’
7 Yeke nganisa enarheni yamasimu weenthelo,
Bona nidle iinthelo zayo nezinto zayo ezimnandi.+
Kodwana nafika kiyo nasilaphaza inarhami;
Nenza ilifa lami into enyenyisako.+
8 Abaphristi akhenge babuze ukuthi, ‘Uphi uJehova?’+
Labo abaphatha umthetho akhenge bangazi,
Abelusi bahlubuka kimi,+
Abaphorofidi baphorofida ngegama lakaBhali,+
Begodu balandela labo abangabazuzisi ngalitho.
9 ‘Yeke ngizokuragela phambili ngilwa nani,’+ kutjho uJehova,
‘Ngizokulwa namadodana wamadodanenu.’
10 ‘Kodwana yamelani eenarheni ezimagega nelwandle zeKithi,+ nibone.
Iye, thumelani isithunywa eKedari+ begodu nitjheje;
Nibone ukuthi into enje ikhe yenzeka na.
11 Inga-kghani isitjhaba khesatjhugulula abozimu baso ngebanga lalabo ebangasibozimu?
Kodwana abantu bami balahle iphazimulwami ngebanga lento engasizi ngalitho.+
12 Rareka wena zulu;
Hlengezela ngebanga lokusaba,’ kutjho uJehova,
13 ‘Ngombana abantu bami benze izinto ezimbi ezimbili:
Bangilahlile mina mthombo wamanzi aphilako,+
Bazembela amapetsi,
Amapetsi aphukileko angakghoni ukumumatha amanzi.’
14 U-Israyeli sisebenzi namkha ubelethelwe ebugqilini?
Yeke kubayini anikelwe bona adlelezelwe?
15 Amabhubezi amancani ayambhodlela;+
Aphakamisa ilizwi lawo.
Enze inarhakhe into ethusako.
Amadorobhakhe atjhiswe
ngomlilo, bona kungabi nesakhamuzi.
16 Abantu beNofi*+ nebeTarhipanirhesi+ badla isihlohlo esisehlokwakho.
17 Kghani anikaziletheli lokhu nina ngokwenu
Ngokulahla uJehova uZimenu+
Kukulapho aninqophisa endleleni?
18 Nje-ke kubayini nifisa indlela eya eGibhide+
Bona niyokusela amanzi weTjhirhori?*
19 Ukukhohlakala kwakho kufuze kukulungise,
Nokungathembeki kwakho kufuze kukukhalime.
Kufuze wazi bewubone ukuthi kumbi begodu kubuhlungu kangangani+
Ukutjhiya uJehova uZimakho;
Akhenge ungisabe,’+ kutjho iKosi ePhakemeko uJehova wamabutho.
20 ‘Ngombana kusukela kade ngaphahlaza ijogi lakho+
Ngaquntula iinketani zakho.
Kodwana wathi: “Angekhe ngilotjhe,”
Ngombana phezu kwayo yoke imibundu ephakemeko nangaphasi kwayo yoke imithi ehlaza+
Bewulele ngomhlana njengengwadla.+
21 Ngatjala amadiribe abomvu akhethekileko,+ woke wembewu ephuma phambili;
Kuze njani bona utjhuguluke ube yihlumela elingatjho litho, isimu yamadiribe engaziwako phambi kwami?’+
22 Ngitjho nanyana ungahlamba ngesoda* usebenzise isibha esinengi,
Umlandwakho usazokuba njengekolo phambi kwami,’+ kutjho iKosi ePhakemeko uJehova.
23 Ungatjho njani ukuthi, ‘Akhenge ngizisilaphaze.
Akhenge ngilandele aboBhali’?
Qala indlelakho emrhobeni.
Qala bona wenzeni.
Unjengekamela elincani elisikazi elinebelo,
Elehla lenyuka lingazi bona liyaphi,
24 Udumbana wommango ojayele ukuya emmangweni,
Onukelela umoya ngebanga lekanuko.
Ngubani ongamvimba nakatjhiswa yikanuko?
Akakho kilabo abamfunako okutlhogeka bona aziqede amandla.
Bazomfumana ngesikhathi sakhe.
25 Lisa ukugijima nakungasinjalo iinyawo zakho zizokugcina zingakafaki litho
Nomphimbwakho uzokoma.
Kodwana uthe, ‘Akunathemba!+
26 Njengeenhloni zesela nalibanjiweko,
Indlu ka-Israyeli iphathiswe iinhloni,
Yona, amakhosayo namakhosanayo,
Abaphristi bayo nabaphorofidi bayo.+
27 Bathi emthini, ‘Ungubabethu,’+
Bathi elitjeni, ‘Usibelethile.’
Kodwana mina bayangifulathela, abangiqali.+
Nabehlelwa yihlekelele bazokuthi,
‘Yewize uzosisindisa!’+
28 Nje-ke baphi abozimu benu enizenzele bona?+
Abeze nange banganisindisa nanehlelwa yihlekelele,
Ngombana abozimu benu babe banengi njengamadorobhenu, wena Juda.+
29 ‘Kubayini nisolo nilwa nami?
Kubayini noke ningihlubukile?’+ kutjho uJehova.
30 Ngibethe amadodanakho ngaphandle kwesizathu.+
Akhenge afune ukwamukela isiyalo;+
Isabulakho ngiyo ebulele abaphorofidi bakho,+
Njengebhubezi elikhambakhamba lifuna ukurhiribidela.
31 Maye! Sizukulwana, zifuneleni ngokwenu ilizwi lakaJehova.
Kghani ngibe njengommango ku-Israyeli
Namkha njengenarha yobumnyama obugandelelako?
Kubayini abantu bami bathi, ‘Sizikhambela ngokutjhaphulukileko.
Angekhe siseza kuwe’?+
32 Intombi ingalibala imikghabiswayo,
Namkha umakoti alibale amabhandakhe wokuzikghabisa?
Kodwana abantu bami bangilibale amalanga amanengi.+
33 Maye! Mfazi, qala bona uyilungise kuhle kangangani indlelakho yokufuna ithando.
Uzibandulele iindlela zokukhohlakala.+
34 Ngitjho nezambatho zakho zinamakolo weengazi zabantu abanganamlandu, abatlhagako,+
Ngitjho nanyana ngingakabafumani bagqekeza;
Zikizo zoke izambatho zakho.+
35 Kodwana uthi, ‘Anginamlandu.
Nakanjani ungikwatele.’
Nje-ke ngiletha isahlulelo malungana nawe
Ngombana uthi, ‘Angikoni.’
36 Kubayini ukuthathela phasi ukungathembeki kwakho?
37 Ngebanga lalokhu, uzokukhamba uthwele izandla ehloko,+
Ngombana uJehova ubalile labo othembele kibo;
Angekhe bakuphumelelise.”
3 Abantu babuza: “Nangabe indoda iqotha umkayo begodu umkayo ayitjhiye abe ngowenye indoda, kufuze indoda le ibuyele kuye na?”
Inarha le ayikasilaphazwa ngokupheleleko na?+
“Ungwadle nabantu abanengi,+
Nje sekufuze ubuyele kimi?” kutjho uJehova.
2 “Phakamisela amehlwakho emibundwini enganalitho begodu ubone.
Kukuphi lapho ungakakatwa khona?
Bewubalinda eqadi kwendlela,
Njengomuntu ozulazula* emmangweni.
Usolo usilaphaza inarha
Ngobungwadla bakho nokukhohlakala kwakho.+
3 Izulu akhenge lisana,+
Begodu akunazulu etwasahlobo.
Awunanhloni uziphatha njengomfazi oyingwadla;
Awufuni ukuba neenhloni.+
4 Kodwana nje uyangirhuwelela uthi,
‘Baba, ungumngani webutjheni bami!+
5 Kghani umuntu kufuze ahlale asilingekile,
Namkha ahlale abambe amavunda?’
Utjho njalo,
Kodwana usolo wenza boke ubumbi onekghono lokubenza.”+
6 Emihleni yeKosi uJosiya,+ uJehova wathi kimi: “‘Ukubonile na okwenziwe ngu-Israyeli ongakathembeki? Ukhuphukele kizo zoke iintaba eziphakemeko, waya ngaphasi kwayo yoke imithi ehlaza bona ayokungwadla.+ 7 Ngitjho nangemva kokwenza zoke izintwezi, bengisolo ngimtjela bona abuyele kimi+ kodwana akhenge abuye; begodu uJuda bekasolo aqala udadwabo okhohlisako.+ 8 Nangibona lokho, ngaqotha u-Israyeli ongakathembeki ngamnikela incwadi yesihlukaniso+ ngebanga lobufebe* bakhe.+ Kodwana udadwabo okhohlisako uJuda akhenge asabe; naye wakhamba, wangwadla.+ 9 Ubungwadla bakhe, wabuthatha njengento engatjho litho, bekasolo asilaphaza inarha begodu afeba namatje nemithi.+ 10 Ngaphezu kwakho koke lokhu, udadwabo okhohlisako uJuda akhenge abuyele kimi ngehliziywakhe yoke, kodwana bekazenzisa,’ kutjho uJehova.”
11 UJehova uthe kimi: “U-Israyeli ongakathembeki uzibonakalise alunge ukudlula uJuda okhohlisako.+ 12 Khamba, umemezele amezwi la etlhagwini:+
“‘“Maye! Israyeli olahle ukukholwa. Buya,” kutjho uJehova.’+ ‘“Angekhe ngisilingeke ngawe+ ngombana ngithembekile,” kutjho uJehova.’ ‘“Angekhe ngikukwatele unomphela. 13 Vuma umlandwakho kwaphela, ngombana uhlubuke kuJehova uZimakho. Bewusolo uya emabhayini nabantu abangaziwako* ngaphasi kwayo yoke imithi ehlaza kodwana bewungalaleli ilizwi lami,” kutjho uJehova.’”
14 “Nina madodana alahle ukukholwa, buyani,” kutjho uJehova. “Ngombana ngibe yikosenu yeqiniso; begodu ngizonithatha, ngizokuthatha munye edorobheni, ngithathe ababili emndenini nginilethe eZiyoni.+ 15 Ngizoninikela abelusi abavumelana nentandwami*+ begodu bazonondla ngelwazi nelemuko. 16 Emihleni leyo nizokuba banengi, niveze iinthelo enarheni,” kutjho uJehova.+ “Angekhe basathi, ‘Umfaji wesivumelwano kaJehova!’ Angekhe usafika eenhliziyweni, angekhe bawukhumbule namkha bawuhlulukele begodu angekhe usenziwa godu. 17 Ngesikhatheso bazokubiza iJerusalema ngesihlalo sobukhosi sakaJehova;+ zoke iintjhaba zizokuhlanganiswa ndawonye egameni lakaJehova eJerusalema+ begodu angekhe zisaba nekani zilandele iinhliziyo zazo ezikhohlakeleko.”
18 “Emihleni leyo zizokukhamba ndawonye, indlu kaJuda nendlu ka-Israyeli,+ zizokuvela enarheni yetlhagwini ndawonye, ziye enarheni engayinikela abakhokho bakho njengelifa.+ 19 Ngacabanga ngathi, ‘Qala indlela engakubeka ngayo hlangana namadodana begodu ngakunikela inarha efiselekako, ilifa elihle khulu hlangana neentjhaba!’+ Ngacabanga nokuthi uzongibiza ngokuthi, ‘Baba!’ begodu angekhe uphambuke ekungilandeleni. 20 Ngokuqinisekileko njengombana umfazi atjhiya indodakhe ngokukhohlisa, nawe ndlu ka-Israyeli, ungikhohlisile,’+ kutjho uJehova.”
21 Kuzwakala itjhada emibundwini enganalitho,
Ukulila nesibawo sabantu bakwa-Israyeli,
Ngombana balahle indlelabo;
Balibele uJehova uZimabo.+
22 “Buyani nina madodana alahle ukukholwa.
Ngizokulapha ihliziywenu engakholwakho.”+
Ngokuqinisekileko sizokuthi: “Nakhu silapha, size kuwe,
Ngombana wena Jehova unguZimethu.+
23 Ngokuqinisekileko imibundu netjhada elikhulu eentabeni yinto engekho.+
Ngokuqinisekileko isindiso ka-Israyeli ikuJehova uZimethu.+
24 Into ehlazisako irhiribidele umsebenzi wabokhokho bethu kusukela ebutjheni bethu,+
Imihlambabo yezimvu nemihlambabo yeenkomo,
Amadodanabo namadodakazabo.
25 Asilale ehlazweni lethu,
Sivumele ihlazo lethu lisigubuzese,
Ngombana sonile kuJehova uZimethu,+
Thina nabobaba kusukela ebutjheni bethu bekube kunamhlanjesi,+
Begodu akhenge silalele ilizwi lakaJehova uZimethu.”
4 “Nange uzokubuyela kimi Israyeli,” kutjho uJehova,
“Nange uzokubuyela kimi
Ususe iinthombe zakho ezinyenyisako phambi kwami,
Angekhe ube mbaleki.+
2 Nawufunga uthi,
‘Ngifunga ngoJehova ophilako!’ ngeqiniso, ngobulungiswa nangokulunga,
Iintjhaba zizozifumanela isibusiso kuye,
Begodu zizozikhakhazisa ngaye.”+
3 UJehova uthi ebantwini bakwaJuda neJerusalema:
“Zilimeleni inarha evundileko,
Begodu ningasolo nitjala hlangana nameva.+
4 Zisokeni kuJehova,
Nisuse amajwabu weenhliziyo zenu,+
Nina madoda wakwaJuda nezakhamuzi zeJerusalema,
Bona ilaka lami lingavuthi njengomlilo
Litjhise kungabi nomuntu ozolicima,
Ngebanga lezenzo zenu ezimbi.”+
5 Bikezelani lokhu kwaJuda, nikumemezele eJerusalema.
Rhuwelelani, nivuthele iphondo kiyo yoke inarha.+
Rhuwelelani nithi: “Asihlanganeni ndawonye,
Begodu sibalekele emadorobheni avikelekileko.+
6 Phakamisani itshwayo ngeZiyoni.
Nifune indawo yokuhlala, ningajami,”
Ngombana ngiletha ihlekelele evela etlhagwini,+ ukuphahlazeka okukhulu.
Uphume endawenakhe bona enze inarhakho into ethusako.
Amadorobhakho azokuba marubhi, angekhe asaba nezakhamuzi.+
8 Yeke mbathani imigodla,+
Nilile begodu nirhahlawule,
Ngombana ilaka lakaJehova elivuthako alikasuki kithi.
9 “Ngelangelo,” kutjho uJehova, “ikosi ngekhe isaba nesibindi,+
Namakhosana angekhe asaba nesibindi;
Abaphristi bazokuthukwa begodu abaphorofidi bazokurareka.”+
10 Yeke ngathi: “Maye, Kosi ePhakemeko Jehova! Ngokuqinisekileko ubakhohlise ngokupheleleko abantwaba+ neJerusalema, wathi, ‘Nizokuba nokuthula,’+ kukulapho isabula isemphinjenethu.”
11 Ngesikhatheso abantwaba neJerusalema bazokutjelwa ukuthi:
“Umoya otjhisako ovela emibundwini enganalitho yerhalawumbeni
Uzokuthanyela indodakazi* yabantu bami;
Awuzeli ukuzokuhlunga namkha ukuzokuhlwengisa.
12 Umoya onamandla uvela eendawenezi nangiwutjelako.
Nje ngizokukhupha izahlulelo ngokujamelene nabo.
13 Qala! Uzokuza njengamafu wezulu,
Iinkarana zakhe zinjengesiwuruwuru.+
Iinjomani zakhe zinebelo kunamakhozi.+
Maye kithi ngombana sitjhabalele!
14 Hlamba ukukhohlakala okusehliziywenakho Jerusalema, bona usindiswe.+
Uzokuba nemicabango ekhohlakeleko bekube kunini?
15 Ngombana ilizwi likhuluma iindaba ezivela kwaDani,+
Begodu limemezela ihlekelele evela eentabeni zakwa-Efrayimu.
16 Ibikezeleni eentjhabeni;
Nimemezele ngokujamelene neJerusalema.”
“Amasotja* ayeza avela enarheni ekude,
Azokuphakamisa amaphimbawo ngokujamelene namadorobho wakwaJuda.
17 Eza kuye ngokujamelene naye mahlangothi woke njengabonogada enarheni evulekileko,+
Ngebanga lokuthi ungihlubukile,”+ kutjho uJehova.
18 “Iindlela nezenzo zakho zizokulethwa phambi kwakho.+
Qala bona ibuhlungu kangangani ihlekelelakho,
Ngombana ifika ehliziywenakho!”
19 Maye ubuhlungu bami, ubuhlungu bami!
Ngizwa ubuhlungu obukhulu ehliziywenami.
Ihliziywami ibethela phezulu.
20 Kubikwe ihlekelele ngemva kwehlekelele,
Ngombana yoke inarha itjhatjalalisiwe.
Amatendami atjhatjalaliswe ngokuphazima kwelihlo,
Amatjhila wetende lami atjhatjalaliswe ngesikhatjhana.+
21 Kuzabe kube kunini ngisolo ngibona itshwayo,
Ngisolo ngizwa itjhada lephondo?+
22 “Abantu bami baziindlhadlha;+
Abanandaba nami.
Bamadodana aziindlhadlha, abazwisisi.
Bahlakaniphele ukwenza okumbi,
Kodwana abakwazi ukwenza okuhle.”
23 Ngabona inarha begodu qala! Beyinganalitho begodu imarubhi.+
Ngaqala ezulwini begodu ukukhanya kwabo bekungasekho.+
24 Ngabona iintaba begodu qala! Bezihlengezela,
Imibundu beyisikinyeka.+
25 Ngabona begodu qala! Bekunganamuntu,
Neenyoni bezibaleke zoke.+
26 Ngabona begodu qala! Isimu yeenthelo besele iimmango,
Begodu woke amadorobhayo agirikile.+
Bekungebanga lakaJehova,
Ngebanga lelaka lakhe elivuthako.
27 Ngombana uJehova uthi: “Inarha yoke izokuba marubhi,+
Kodwana angekhe ngiyitjhabalalise ngokupheleleko.
Ngombana ngikhulumile begodu ngiquntile,
Angekhe ngitjhugulule umkhumbulwami namkha ngibuyele emuva.+
29 Nakuzwakala itjhada labakhweli beenjomani nabadumuzi bemisubela,
Idorobho loke liyabaleka.+
Lingena emahlathini,
Begodu likhwele emadwaleni.+
Woke amadorobho alahliwe,
Begodu akunabantu abahlala kiwo.”
30 Njengombana utjhabalele, uzokwenzani?
Bewujayele ukuzimbathisa ngobubomvu,
Bewujayele ukuzikghabisa ngemikghabiso yegolide,
Begodu wenze amehlwakho abe makhulu ngepende enzima.
31 Ngombana ngizwe itjhada elinjengelakamma ogulako,
Ukugandeleleka okufana nokukamma obeletha izibulo lakhe,
Ilizwi lendodakazi yeZiyoni esolo idosa umoya.
Ithi njengombana ilule izandla zayo:+
“Maye! Kimi, ngombana ngidiniwe ngebanga lababulali.”
5 Khambakhamba eendleleni zeJerusalema.
Qala hlanu kwakho begodu uyelele.
Funa ematatawinakhe ubone
Ukuthi ungamfumana na umuntu onobulungiswa,+
Ofuna ukuthembeka,
Begodu ngizoyilibalela.
2 Ngitjho nanyana bangathi: “Sifunga ngoJehova ophilako!”
Basazokufunga entweni emamala.+
3 Maye! Jehova amehlwakho awaqali ukuthembeka na?+
Wababetha kodwana lokho akhenge kubenze litho.
Wabatjhabalalisa kodwana balile ukwamukela isiyalo.+
4 Kodwana ngazitjela ngathi: “Ngokuqinisekileko laba ngabaqalelwa phasi.
Benza ngobudlhayela ngombana abayazi indlela kaJehova,
Isahlulelo sakaZimabo.
5 Ngizokuya emadodeni adumileko begodu ngikhulume nawo,
Ngombana kufuze ukuthi ayayazi indlela kaJehova,
Isahlulelo sakaZimawo.+
Kodwana woke aphule ijogi
Begodu arathula izinto eziwavimbako.”
6 Kungebangelo ibhubezi lehlathini libasahlela,
Ipisi yemmangweni othabaleleko isolo ibarhiribidela,
Ingwe ihlala iphapheme emadorobhenabo.
Woke umuntu ophuma kiwo urathulwa abe ziinquqwana.
Ngombana imitjhaphwabo minengi;
Izenzo zabo zokungathembeki zinengi.+
7 Ngingakulibalela njani ngalokhu?
Amadodanakho angilahlile,
Begodu afunge ngalokho okungasinguZimu.+
Nganelise iintlhogo zawo,
Kodwana asolo afeba,
Begodu agijimele endlini yobungwadla.
8 Banjengeenjomani ezitjhiswa yikanuko ekulu,
Ngamunye urhuwelela umfazi wenye indoda.+
9 “Inga-kghani kufuze ngingabajezisi ngalokhu?” kutjho uJehova.
Kghani akukafuzi ngizibuyiselele esitjhabeni esinje?”+
10 Yewize ngokujamelene nesimakhe yamadiribe begodu uyonakalise,
Kodwana ungayitjhabalalisi ngokupheleleko.+
Thatha amahlumelakhe ahlumako,
Ngombana akusingewakaJehova.
11 Ngombana indlu ka-Israyeli nendlu kaJuda
Zibe ngezingikhohlisa khulu,” kutjho uJehova.+
Ayikho ihlekelele ezosehlela;
Angekhe sibone isabula namkha indlala.’+
13 Abaphorofidi bazele umoya,
Begodu ilizwi* alikho kibo.
Lokho akwenzeke kibo!”
14 Nje-ke ngilokhu uJehova, uZimu wamabutho akutjhoko:
“Ngombana abantwaba bathi,
Ngenza amezwami abe mlilo emlonyenakho,+
Abantwaba bazokuba ziinkuni,
Begodu uzobatjhisa.”+
15 “Ngiletha isitjhaba esivela kude kuwe ndlu ka-Israyeli,”+ kutjho uJehova.
“Sitjhaba esikghodlhelelako.
16 Isikhwama sabo somcibitjholo sinjengethuna elivulekileko;
Boke baziingorho.
17 Bazokurhiribidela isivuno sakho noburotho bakho.+
Bazokurhiribidela amadodanakho namadodakazakho.
Bazokurhiribidela izimvu zakho neenkomo zakho.
Bazokurhiribidela amasimakho wamadiribe nemithakho yamafeyi.
Bazokutjhabalalisa amadorobhakho avikelekileko owathembako ngesabula.”
18 “Ngitjho nemihleni leyo,” kutjho uJehova, “Angekhe ngikutjhabalalise ngokupheleleko.+ 19 Nababuzako, ‘Kubayini uJehova uZimethu enze zoke izintwezi kithi?’ kufuze niphendule nithi, ‘Njengombana ningilahlile bona niyokulotjha uzimu wesinye isitjhaba enarhenenu, yeke nizokulotjha abantu abavela kwezinye iinarha, enarheni ekungasingeyenu.’”+
20 Memezelani lokhu endlini kaJakopo,
Begodu nikubikezele kuJuda, nithi:
21 “Yizwani lokhu, nina bantu abaziindlhayela nabanganangqondo:+
22 ‘Aningisabi na?’ kutjho uJehova,
‘Akukafuzi nihlengezele phambi kwami?
Ngimi obeke ihlabathi bona ibe mkhawulo welwandle,
Isinqophiso esizokuhlala sikhona esingekhe sidlule.
Ngitjho nanyana amagagasi aphoseka ngapha nangapha, angekhe aphumelele;
Ngitjho nanyana abhodla, angekhe adlule kilokho.+
23 Kodwana abantwaba banehliziyo enekani nevukelako;
Baphambukile bakhamba endlelenabo.+
24 Eenhliziyweni zabo abatjho ukuthi:
“Asisabeni uJehova uZimethu,
Loyo osinikela izulu ngesikhathi salo,
Izulu lesiruthwana neletwasahlobo,
Loyo ositjhejela iimveke ezibekelwe ukuvuna.”+
25 Imitjhaphwakho ikhandele izintwezi bona zingezi;
Izono zakho zikuvimbele okuhle.+
26 Kunabantu abakhohlakeleko hlangana nabantu bami.
Basolo bahlola, njengalokha abathiyi beenyoni bagugubala phasi.
Babeka isithiyo esibulalako.
Babamba abantu.
27 Njengewogo ezele iinyoni,
Nezindlu zabo zizele ikohliso.+
Kungebangelo babe namandla begodu banjinga.
28 Banonile begodu babutjhelelezi;
Baphuphuma ngobumbi.
Abalweli umlandu ongokomthetho walabo abanganaboyise,+
Bona baphumelele;
Begodu badima odududu ubulungiswa.’”+
29 “Kghani akukafuzi ngibajezise ngebanga lezintwezi?” kutjho uJehova.
“Kghani akukafuzi ngizibuyiselele esitjhabeni esinje?
30 Kwenzeke into ethusako nesabekako enarheni le:
31 Abaphorofidi baphorofida amala,+
Abaphristi babusa ngamandlabo wokulawula.
Begodu abantu bami bathanda nakunjalo.+
Kodwana bazokwenzani nakufika isiphelo?”
6 Maye! Madodana kaBhenjamini. Phephelani endaweni ekude yeJerusalema.
Ngombana ihlekelele ivela etlhagwini, ihlekelele ekulu.+
2 Indodakazi yeZiyoni ifana nomfazi omuhle nophathwa kuhle.+
3 Abelusi nemihlambabo bazokuza.
4 “Lungiselela ukulwa naye!
Sikima begodu simsahlele emini!”
“Maye! Kithi ngombana ilanga liyatjhinga,
Kancanikancani kuba nzima.”
5 “Sikima asisahleleni ebusuku
Begodu sitjhabalalise imibhotjhongwakhe evikelekileko.”+
6 Ngombana ngilokhu uJehova akutjhoko:
“Quntani iingodo niphakamise indunduma yokuvimbezela iJerusalema.+
Lidorobho ekufuze libekwe umlandu;
Liyagandelela nje kwaphela.+
7 Njengombana ipetsi imthombo wamanzi apholileko,
Nedorobho limthombo wokukhohlakala.
Inturhu nokutjhabalala kuzwakala kilo;+
Ukugula nesibetho kuhlala kuphambi kwami.
8 Yelela Jerusalema, nakungasinjalo ngizokusuka kuwe nginyenyile;+
Ngizokutjhabalalisa, ngikwenze inarha enganazakhamuzi.”+
9 Nakhu uJehova wamabutho akutjhoko:
“Bazokuburujisisa abaseleko bakwa-Israyeli njengamadiribe wokugcina esidiribeni.
Lula isandla sakho njengomuntu obuthelela emasimini wamadiribe.”
10 “Kufuze ngikhulume nobani begodu ngiyelelise bani?
Ngubani ozokulalela?
Qala! Iindlebe zabo zivalekile, bona bangatjheji.+
Qala! Ilizwi lakaJehova libe yinto abahlekisa ngayo;+
Alibathabisi.
11 Yeke ngizele ngelaka lakaJehova,
Begodu ngidiniwe kulibamba.”+
“Lirhuthulele emntwaneni osendleleni,+
Eenqhemeni zamasokana ahlangene ndawonye.
Bazokuthunjwa boke, indoda nomkayo,
Amadoda amadala namaqhegu.+
12 Izindlu zabo zizokunikelwa abanye,
Kuhlanganise namasimabo nabomkabo.+
Ngombana ngizokululela isandla sami ezakhamuzini zenarha,” kutjho uJehova.
13 “Ngombana kusukela komncani kuya komkhulu, omunye nomunye wenza inzuzo engakathembeki;+
Kusukela emphorofidini kuye emphristini, boke bayakhwabanisa.+
14 Balinga ukulapha ukuphuka kwabantu bami ngokukuthatha lula, bathi,
‘Kunokuthula! Kunokuthula!’
Kukulapho kunganakuthula.+
15 Baneenhloni na ngezinto ezinyenyisako abazenzileko?
Abananhloni nakancani!
Abazi nokwazi ukuthi liyini ihlazo!+
Nje-ke bazokuwa hlangana nabawileko.
Nangibajezisako, bazokuwa,” kutjho uJehova.
16 Nakhu uJehova akutjhoko:
“Jamani lapho kuphambana khona indlela begodu nibone.
Buzani ngendlela yekadeni,
Buzani ukuthi iphi indlela elungileko nikhambe kiyo,+
Nizifumanele ukuphumula.”
Kodwana bathi: “Angekhe sikhambe kiyo.”+
Kodwana bathi: “Angekhe sililalelisise.”+
18 “Lalelani nina ntjhaba!
Begodu nazi nina hlangano,
Bona kuzokwenzekani kibo.
19 Maye! Phasi lalela.
Ngiletha ihlekelele ebantwinaba+
Bona ibe sithelo samaqhingabo,
Ngombana abawalaleli amezwami
Begodu bale umthethwami.”
20 “Kghani nginendaba nepephwakho emhlophe evela eTjheba
Nomobakho* onetjhukela ovela enarheni ekude?
Woke umnikelwakho otjhiswako awamukeleki,
Begodu umhlatjelwakho awungithabisi.”+
21 Nje-ke nakhu uJehova akutjhoko:
“Ngibekela abantwaba iinqabo,
Begodu bazokukhubeka phezu kwazo,
Abobaba namadodana ndawonye,
Umakhelwana nomnganakhe,
Begodu boke bazokutjhabalala.”+
22 Nakhu uJehova akutjhoko:
“Qala! Abantu bavela enarheni esetlhagwini,
Begodu isitjhaba esikhulu sizokuqubuka sivela eengcenyeni ezikude zephasi.+
23 Bazokubamba umsubela nomkhonto ophoswako.
Banelunya begodu angekhe babe nesirhawu.
Ilizwi labo lizokubhodla njengelwandle,
Begodu bazokukhwela iinjomani.+
Bazokujama ngendlela ehlelekileko njengomuntu ozokulwa nawe, wena ndodakazi yeZiyoni.”
24 Sizwe umbiko malungana nalokhu.
25 Ningayi emasimini,
Begodu ningayi endleleni,
Ngombana kunesitha esiphethe isabula;
Abantu bayasaba.
26 Maye! Ndodakazi yabantu bami.
Mbatha umgodla+ uzibhudabhude emlotheni.+
Lila urhahlawule kabuhlungu ngasuthi ulilela indodana ekukuphela kwayo,
Ngombana umtjhabalalisi uzokufika singakalindeli.+
27 “Ngikwenze* umhlungi wesimbi hlangana nabantu bami,
Loyo ophenyisisako;
Kufuze utjheje begodu uhlahlube indlelabo.
Banjengekhopha nesimbi;
Boke bonakele.
29 Ukurhuwelela komhlungi kutjhile.
Emlilweni kuphuma umthofu.
30 Bazokubizwa ngokuthi balisiliva elilahliweko,
Ngombana uJehova ubalahlile.”+
7 Leli lilizwi elavela kuJehova liya kuJoromiya lithi: 2 “Jama esangweni lendlu kaJehova, umemezele lapho umlayezo lo, ‘Yizwani ilizwi lakaJehova noke nina bantu bakwaJuda eningena emasangweni la bona nikhothamele uJehova. 3 Ngilokhu uJehova wamabutho uZimu ka-Israyeli akutjhoko: “Lungisani iindlela nezenzo zenu, ngizonivumela bona nisolo nihlala endawenami.+ 4 Ningathembeli emezwini ayikohliso nithi, ‘Leli lithempeli* lakaJehova, lithempeli lakaJehova, lithempeli lakaJehova!’+ 5 Nanilungisa iindlela nezenzo zenu nisekele ubulungiswa phakathi nomuntu nomakhelwanakhe;+ 6 nange ningagandeleli abantu abavela kwezinye iinarha, iintandani nabahlolokazi;+ nange ningaphalazi iingazi zabanganamlandu endaweni le, nange ningalandeli abanye abozimu kube kulimala kwenu;+ 7 yeke ngizonivumela nisolo nihlala endaweni le, enarheni engayinikela abakhokho benu bona bahlale kiyo ngokungapheliko.”’”
8 “Kodwana nithembele emezwini akhohlisako,+ angekhe azuzisa nakancani. 9 Kghani ningeba,+ nibulale, nifebe,* nifunge ngamanga,+ nenzele uBhali+ imihlatjelo, nilandele abozimu eningabaziko, 10 ngemva kwalokho nize nizokujama phambi kwami endlini ebizwa ngegama lami begodu nithi, ‘sizokusindiswa,’ ngitjho nanyana nenza zoke izinto ezinyenyisakwezi? 11 Inga-kghani indlu ebizwa ngegama lami sele ibe lirholo labadlelezeli emehlwenenu?+ Nakhu ngizibonela ngamehlwami,” kutjho uJehova.
12 “‘Nanyana kunjalo, khambani niye endawenami eseTjhilo,+ lapho engabangela kokuthoma bona igama lami lihlale khona,+ nibone engakwenzako ngebanga lobumbi babantu bami u-Israyeli.+ 13 Kodwana bewusolo wenza izintwezi,’ kutjho uJehova, ‘ngitjho nanyana ngikhulume nawe kanengi, akhenge ulalele,+ bengisolo ngikubiza kodwana akhenge uphendule.+ 14 Njengombana ngenza ngeTjhilo,+ ngizokwenza njalo nendlini ebizwa ngegama lami+ enithembele kiyo,+ endaweni enganinikela yona nabokhokho benu. 15 Ngizonisusa phambi kwami njengombana ngenza kibo boke abafowenu nazo zoke iinzukulwana zaka-Efrayimu.’+
16 “Nakunguwe, ungabathandazeli abantwaba. Ungabalileli namkha ubathandazele namkha ubabawele,+ ngombana angekhe ngikulalele.+ 17 Awukuboni na abakwenzako emadorobheni wakwaJuda neendleleni zeJerusalema? 18 Amadodana abuthelela iinkuni, abobaba babasa umlilo, abafazi babhica ihlama bona benzele iNdlovukazi yeZulwini*+ amakhekhe womhlatjelo, begodu bathelela abanye abozimu iminikelo yesiselo bona bangisilinge.+ 19 ‘Kghani bazwisa mina na ubuhlungu?’ Kutjho uJehova. Abazizwisi bona, bazihlazise?’+ 20 Yeke nakhu iKosi ePhakemeko uJehova ekutjhoko, ‘Qala ilaka lami nokusilingeka kwami kuzokuthululeka endaweni le,+ emuntwini nesibandaneni, emuthini wesimu nesithelweni esivela ehlabathini; lizokutjhisa begodu angeze licinywe.’+
21 “Ngilokhu uJehova wamabutho uZimu ka-Israyeli akutjhoko, ‘Ragelani phambili ningezelele iminikelo epheleleko yokutjhiswa kweminye imihlatjelwenu, nidle inyama leyo ngokwenu.+ 22 Ngombana ngelanga engakhupha ngalo abokhokho benu eGibhide, akhenge ngikhulume nabo namkha ngibayale ngebanga leminikelo etjhiswako epheleleko nemihlatjelo.+ 23 Kodwana ngabanikela umyalo lo: “Lalelani ilizwi lami begodu ngizokuba nguZimenu, nibe babantu bami.+ Kufuze ningasuki endleleni enginiyala ngayo bona kunikhambele kuhle.”’+ 24 Kodwana akhenge bangizwe namkha bangilalelisise,+ kunalokho bakhamba ngamaqhingabo, ngekani balandela ihliziywabo ekhohlakeleko,+ bahlehlela emva bangatjhingi phambili, 25 kusukela ngelanga abokhokho benu abaphuma ngalo enarheni yeGibhide bekube kunamhlanjesi.+ Bengisolo ngithumela zoke iinceku zami abaphorofidi, bengibathumela qobe langa, ngokubuyelelweko.+ 26 Akhenge bafune ukungizwa, begodu akhenge bafune ukungilalela.+ Kunalokho bebanekani, benza ngokubuyelelweko ukudlula abokhokho babo!
27 “Uzobatjela amezwi la+ kodwana angekhe bakulalele, uzobabiza kodwana angeze bakuphendule. 28 Begodu uzokuthi kibo, ‘Lesi sitjhaba esingafuni ukulalela ilizwi lakaJehova uZimabo begodu sala ukwamukela isiyalo. Ukuthembeka kutjhabalele begodu akukhulunywa ngakho hlangana naso.’+
29 “Rhunani iinhluthu zenu ezide nizilahle, vumelani phezulu ingoma yesililo emibundwini enganalitho, ngombana uJehova usalile begodu usilahlile isizukulwana esimsilingileko. 30 ‘Ngombana abantu bakwaJuda benze okumbi emehlwenami,’ kutjho uJehova. ‘Babeke iinthombe zabo ezinyenyisako endlini ebizwa ngegama lami bona bayisilaphaze.+ 31 Bakhe iindawo eziphakemeko eThofethi emRhobeni weNdodana kaHinomu,*+ bona batjhise amadodana namadodakazabo emlilweni,+ into engingakhenge ngibayale bona bayenze, engakhenge ifike nakancani ehliziywenami.’+
32 “‘Yeke qala! Isikhathi siyeza’ kutjho uJehova, ‘lapho ingekhe isabizwa ngokuthi yiThofethi namkha mRhoba wendodana kaHinomu* kodwana izokubizwa ngokuthi mRhoba wokuRhayilwa. Kodwana bazokubulunga eThofethi bekube kulapho kungasanandawo.+ 33 Iindumbu zabo zizokuba kukudla kweenyoni zezulu neembandana zephasi, angekhe kube nomuntu ozozithusa.+ 34 Ngizokuthulisa itjhada lethabo netjhada lokujekezela, ilizwi lomkhwenyana nelizwi lakamakoti+ emadorobheni wakwaJuda neendleleni zeJerusalema ngombana inarha izokuba marubhi.”’+
8 “Ngesikhatheso,” kutjho uJehova, “amathambo wamakhosi wakwaJuda, amathambo wamakhosanawo, amathambo wabaphristi, amathambo wabaphorofidi namathambo wezakhamuzi zeJerusalema azokuthathwa emathunenabo. 2 Azokundlalwa elangeni, enyangeni nakilo loke ibutho lezulwini ebebalithanda, balilotjha, balilandela, balifuna begodu balikhothamela.+ Angekhe abuthelelwe namkha abulungwe. Azokuba njengomsuqwa ehlabathini.”+
3 “Abaseleko bomndeni omumbi lo abasindileko bazokukhetha ukufa kunokuphila kizo zoke iindawo engibarhatjhe kizo,” kutjho uJehova wamabutho.
4 “Kufuze uthi kibo, ‘UJehova uthi:
“Nange bawa angekhe bavuke godu?
Nange munye abuya, omunye angekhe abuye na?
5 Kubayini abantu beJerusalema bangakathembeki, ngokungathembeki okungapheliko?
Babambelela ekohlisweni;
Abafuni ukuphenduka.+
6 Ngatjheja begodu ngasolo ngilalele, kodwana indlela ebebakhuluma ngayo beyingakalungi.
Akunamuntu ophenduke ekukhohlakaleni kwakhe namkha obuze ukuthi, ‘Ngenzeni?’+
Omunye nomunye usolo abuyela endlelenakhe ayijayeleko, njengenjomani egijimela epini.
7 Ngitjho nodoyi ophapha emkayini uyasazi isikhathi sakhe somnyaka;
Ijuba, inyoni encani nenyoni ekulu ziyasazi isikhathi sazo sokubuya.
Kodwana abantu bami abasizwisisi isahlulelo sakaJehova.”’+
8 ‘Ngingatjho njani ukuthi: “Sihlakaniphile, begodu sinomthetho kaJehova”?
Kuhlekuhle, abatloli abanamala+ basebenzisa amapeni wabo ukutlola amala kwaphela.
9 Abahlakaniphileko bahlazisiwe.+
Babanjwe livalo begodu bazokubanjwa.
Qala! Bale ilizwi lakaJehova,
Begodu ngikuphi ukuhlakanipha abanakho?
10 Yeke ngizokuthatha abafazi babo ngibanikele amanye amadoda,
Namasimabo ngiwanikele abanye abantu;+
Kusukela komncani kuya komkhulu, omunye nomunye wenza inzuzo engakathembeki;+
Kusukela emphorofidini kuye emphristini, boke bayakhwabanisa.+
11 Balinga ukulapha ukuphuka kwendodakazi yabantu bami ngokukuthatha lula bathi,
“Kunokuthula! Kunokuthula!”
Kukulapho kunganakuthula.+
12 Baneenhloni na ngezinto ezinyenyisako abazenzileko?
Abananhloni nakancani!
Abazi nokwazi ukuthi liyini ihlazo!+
Yeke bazokuwa hlangana nabawileko.
Nangibajezisako, bazokuwa,’+ kutjho uJehova.
13 Nangibabuthelelako, ngizobaqeda,’ kutjho uJehova.
‘Angekhe kube namadiribe aseleko emthini wamadiribe, angekhe kube namafeyi emthini wamafeyi namakari azokutjhwaba.
Engibanikele khona kuzobalahlekela.’”
14 “Kubayini sihleli lapha?
Asihlanganeni ndawonye singene emadorobheni avikelekileko+ begodu sitjhabalale lapho.
Ngombana uJehova uZimethu uzositjhabalalisa,
Begodu usipha amanzi anetjhefu bona sisele,+
Ngombana sonile kuJehova.
15 Besilindele ukuthula kodwana akunalitho elihle elifikileko,
Besilindele isikhathi sokuphola kodwana kwafika ukusaba!+
16 Kuzwakala ukuthimula kweenjomani kuvela kwaDani.
Itjhada lokulila kweenjomani zakhe,
Yoke inarha iyasikinyeka.
Amanaba ayangena begodu arhiribidele inarha nakho koke okukiyo,
Idorobho nezakhamuzi zalo.”
17 Ngombana ngithumela iinyoka hlangana nani,
Iinyoka ezinetjhefu ezingekhe zalawulwa,
Begodu zizoniluma nakanjani,” kutjho uJehova.
18 Ubuhlungu bami abulapheki;
Ihliziywami iyagula.
19 Kunetjhada lokulilela isizo elivela enarheni ekude
Elivela endodakazini yabantu bami:
“Kghani uJehova akasiseZiyoni?
Namkha ikosakhe ayisinaye?”
“Kubayini bangisilinge ngeenthombe zabo ezibaziweko,
Ngabozimu babo beentjhaba abangasizi ngalitho?”
20 “Isivuno sidlulile, ihlobo liphelile,
Kodwana thina asikasindiswa!”
21 Kungiqede amandla ukuphuka kwendodakazi yabantu bami,+
Ngigandelelekile.
Ngirhidlwa livalo.
22 Ayikho na ibhalisamu eGiliyadi?+
Namkha akekho na umuntu olaphako lapho?+
Kubayini indodakazi yabantu bami ingakalatjhwa?+
9 Maye! Ngathana ihlokwami beyimamanzi,
Amehlwami amthombo weenyembezi.+
Bengizokulila imini nobusuku
Ngililele abantu bami abarhayiliweko.
2 Maye! Ngathana benginendawo yesikhambi emmangweni.
3 Bagoba ilimu labo njengomsubela;
Kubusa amala enarheni ingasi ukuthembeka.+
“Basuka kokumbi baye kokumbi khulu,
Abangilaleli,”+ kutjho uJehova.
4 “Woke umuntu akatjheje umakhelwanakhe,
Angamthembi ngitjho nomfowabo.
5 Woke umuntu ukhohlisa umakhelwanakhe,
Akekho okhuluma iqiniso.
Bafundise ilimu ukukhuluma amala.+
Baziqeda amandla ngokwenza okungakalungi.
6 Uhlala phakathi kwekohliso.
Ngekohliswabo bale ukungazi,” kutjho uJehova.
7 Yeke uJehova wamabutho uthi:
“Ngizobahlunga begodu ngizobalinga,+
Ngombana yini enye engingayenza ngendodakazi yabantu bami?
8 Ilimu labo limcibitjholo obulalako okhuluma amala.
Umuntu ukhuluma ukuthula nomakhelwanakhe,
Kodwana ngaphakathi uluka amano wokusahlela.”
9 “Kghani akukafuzi ngibajezise ngebanga lezintwezi?” kutjho uJehova.
“Kghani akukafuzi ngizibuyiselele esitjhabeni esinje?+
10 Ngizokulila begodu ngirhahlawule ngebanga leentaba
Ngizokubhinela amadlelo wemmangweni ingoma yesililo,
Ngombana zitjhile bona kungabi nomuntu odlulako,
Begodu itjhada lefuyo alizwakali.
Iinyoni zezulu neembandana zibalekile; azisekho.+
11 Ngizokwenza iJerusalema libe liqubi lamatje,+ indawo iimpungutjha ezilala kiyo,+
Begodu ngizokwenza amadorobho wakwaJuda abe marubhi, kungabi nesakhamuzi.+
12 Ngubani ohlakaniphe ngokwaneleko bona azwisise lokhu?
Umlomo kaJehova ukhulume nobani bona abikezele lokhu?
Kubayini inarha itjhabalele?
Kubayini itjhe njengommango,
Bona kungabi nomuntu odlula kiyo?”
13 UJehova waphendula wathi: “Ngebanga lokuthi akhenge balalele umthethwami engiwubeke phambi kwabo, nangebanga lokuthi akhenge bawulandele begodu balalele ilizwi lami. 14 Kunalokho, balandele iinhliziyo zabo ngekani+ begodu balandele iinthombe zaboBhali njengombana aboyise babafundise bona benze njalo.+ 15 Nje-ke nakhu uJehova wamabutho, uZimu ka-Israyeli akutjhoko, ‘Qala ngenza abantwaba badle inghana begodu ngizobenza basele amanzi anetjhefu.+ 16 Ngizokuphadlhalaja abantwaba hlangana neentjhaba abangazaziko naboyise abangazazi,+ ngizokuthumela isabula ngemva kwabo bekube kulapho ngibarhayila.’+
17 Nakhu uJehova wamabutho akutjhoko,
‘Zindlani ngalokho okwenzekako.
Bizani abafazi ababhina ingoma yesililo,+
Begodu thumelani bona kubizwe abafazi abanekghono,
18 Bona barhabe basililele,
Bona amehlwethu ageleze iinyembezi
Neenkophe zethu zitshege amanzi.+
19 Ngombana itjhada lesililo lizwakele eZiyoni:+
“Qala bona sitjhatjalaliswe kangangani!
Qala bona sihlaziseke kangangani!
Ngombana sitjhiye inarhethu begodu bagirize imizethu.”+
20 Nina bafazi, lalelani ilizwi lakaJehova.
Kwanga iindlebe zenu zingamukela ilizwi lomlomakhe.
Fundisani amadodakazenu isililwesi,
Nifundisane ingoma yesililo le.+
21 Ngombana ukufa kungene ngamafesiderethu;
Kungene emibhotjhongwenethu evikelekileko
Bona kuthathe abantwana eendleleni
Namasokana ematatawini.’+
22 Ithi, ‘UJehova uthi:
“Iindumbu zabantu zizokuwa njengomsuqwa esimini,
Njengekoroyi etja esikiweko ngemva komvuni,
Kuzabe kunganamuntu oyibuthelelako.”’”+
23 Ngilokhu uJehova akutjhoko:
“Ohlakaniphileko akangazikhakhazisi ngokuhlakanipha kwakhe;+
Onamandla akangazikhakhazisi ngamandlakhe;
Onjingileko akangazikhakhazisi ngobunjinga bakhe.”+
24 “Kodwana ozikhakhazisako, akazikhakhazise ngalokhu:
Ukuthi unelemuko nelwazi ngami,+
Ukuthi nginguJehova, onethando elithembekileko, ubulungiswa nokulunga ephasini,+
Ngombana ngithatjiswa zizintwezi,”+ kutjho uJehova.
25 “Qala! Kuza amalanga,” kutjho uJehova, “begodu ngizokubeka woke umuntu umlandu, osokiweko nongakasokwa,+ 26 okutjho iGibhide,+ bakwaJuda,+ bakwa-Edomu,+ ama-Amoni,+ bakwaMowabi+ nabo boke abanamarhwanqa arhuniweko abahlala emmangweni;+ ngombana zoke iintjhaba azikasokwa begodu yoke indlu yakwa-Israyeli ayikasokwa ehliziyweni.”+
10 Maye! Ndlu ka-Israyeli. Yizwa ilizwi uJehova alikhulume malungana nawe. 2 Nakhu uJehova akutjhoko:
3 Ngombana abantu bajayele ukuzikhohlisa.
Isisebenzi sobukghwari sigawula umuthi ehlathini
Begodu senze isithombe ngawo.+
4 Basikghabisa ngesiliva negolide+
Basiqinise ngenondo nangeempikiri ukwenzela bona singawi.+
5 Njengento yokuthusa iinyoni esimini yamakomukomu,* azikwazi ukukhuluma;+
Kufuze zigugwe ngombana azikwazi ukukhamba.+
Ningazisabi ngombana angekhe zinilimaze,
Namkha zenze okuhle.”+
6 Maye! Jehova akekho onjengawe.+
Umkhulu, igama lakho likhulu begodu linamandla.
7 Ngubani okungakafuzi akusabe, wena Kosi yeentjhaba,+ ngombana kufuze usatjwe;
Ngombana phakathi kwabo boke abahlakaniphileko beentjhaba naphakathi kwayo yoke imibuswabo,
Akekho onjengawe.+
8 Abacabangi begodu baziindlhadlha.+
Isinqophiso esivela emthini simamala.*+
9 Izitja zesiliva zivela eTaratjhitjhi+ zegolide zivela e-Ufazi.
Umsebenzi wesisebenzi sobukghwari, wezandla zesisebenzi sesimbi.
Izambatho zazo yirhara ehlaza komkayi newulu esipiridzana.
Zoke zenziwe ziinsebenzi ezinekghono.
10 Kodwana uJehova nguZimu kwamambala.
NguZimu ophilako+ neKosi ehlala ngokungapheliko.+
Ngebanga lokusilingeka kwakhe iphasi lizokusikinyeka,+
Begodu akunantjhaba ezizokukghodlhelelela isahlulelo sakhe.
11* Kufuze uzitjele lokhu:
“Abozimu abangakhenge benze izulu nephasi
Bazokutjhabalala ephasini nangaphasi kwezulweli.”+
12 Wenze iphasi ngamandlakhe,
Udzimelelise inarha ekhiqizako ngokuhlakanipha kwakhe+
Walula izulu ngokuzwisisa kwakhe.+
13 Nakakhulumako,
Amanzi ayahlokoma ezulwini,+
Begodu wenza amafu akhuphuke avela emaphethelweni wephasi.+
Wenzela izulu umbani,
Begodu ukhupha umoya eenlulwini zakhe.+
14 Boke abantu baziindlhadlha begodu abanalwazi.
Zoke iinsebenzi zesimbi zizokuphathiswa iinhloni ngebanga lesithombe esibaziweko;+
Ngombana iinthombe zazo zesimbi aziphili,
Begodu aziphefumuli.+
15 Zililize, umsebenzi ohlekisako.+
Ilanga lazo lesahlulelo nalifikako, zizokutjhabalala.
16 Isabelo sakaJakopo asifani nezintwezi,
Ngombana nguye owenze zoke izinto,
U-Israyeli yintonga yelifa lakhe.+
Igama lakhe nguJehova wamabutho.+
17 Buthelela intundwakho,
Wena mfazi ohlala endaweni evinjezelweko.
18 UJehova uthi:
“Ngiphosela izakhamuzi ngaphandle kwenarha le ngesikhathesi,+
Begodu ngizozibangela bona zigandeleleke.”
19 Maye! Kimi ngokuphuka kwami.+
Inceba lami alilapheki.
Begodu ngathi: “Ngokuqinisekileko lokhu kugula kwami, kufuze ngikukghodlhelelele.
20 Itende lami litjhatjalalisiwe begodu iintambo zetende lami zirathukile zoke.+
Amadodanami angitjhiyile begodu awasekho.+
Akekho umuntu ongalula itende lami namkha aphakamise amatjhila wetende lami.
Kungebangelo bangakhenge benze ngelemuko,
Nemihlambabo iphadlhalele.”+
22 Lalela! Umbiko! Uyeza!
Ukusikinyeka okukhulu okuvela enarheni yetlhagwini,+
Kuzokutjhabalalisa amadorobho wakwaJuda abe marubhi, kuwenze indawo yokulala iimpungutjha.+
23 Ngazi kuhle Jehova ukuthi indlela yomuntu akusingeyakhe.
Umuntu akakghoni ukunqophisa ngitjho namagadangwakhe.+
24 Maye! Jehova ngilungisa ngesahlulelo sakho,
Kodwana ingasi ngelaka lakho,+ ukwenzela bona ungangitjhabalalisi.+
25 Thululela ilaka lakho eentjhabeni ezingakunakiko+
Nemindenini engabizi igama lakho.
Ngombana zirhiribidele uJakopo,+
Zimrhiribidele bezamtjhabalalisa,+
Begodu zenze inarhakhe yaba marubhi.+
11 Leli lilizwi elivela kuJehova liya kuJoromiya, lithi: 2 “Yizwani amezwi wesivumelwanesi nina bantu!
“Akhulumeni* ebantwini bakwaJuda nezakhamuzini zeJerusalema 3 nithi kibo, ‘Ngilokhu uJehova uZimu ka-Israyeli akutjhoko: “Uqalekisiwe umuntu ongalaleli amezwi wesivumelwanesi,+ 4 engayala ngawo abokhokho bakho ngelanga engabakhupha ngalo eGibhide,+ ekehleni yomlilo wokuncibilikisa isimbi,+ ngathi, ‘Lalelani ilizwi lami begodu nenze zoke izinto enginiyala ngazo; nizokuba babantu bami begodu ngizokuba nguZimenu,+ 5 bona ngizalise isifungo engasenza kibokhokho benu, sokuthi ngizobanikela inarha egeleza ibisi neliju,+ njengombana kunjalo namhlanjesi.’”’”
Ngaphendula ngathi: “Amen* Jehova.”
6 UJehova wathi kimi: “Memezela woke amezwi la emadorobheni wakwaJuda neendleleni zeJerusalema uthi: “Yizwani amezwi wesivumelwanesi begodu niwenze. 7 Ngayala abokhokho bakho ngelanga engabakhupha ngalo enarheni yeGibhide bekube kunamhlanjesi, ngabayala kanengi ngathi: “Lalelani ilizwi lami.”+ 8 Kodwana akhenge ningilalele namkha nitjheje, kunalokho naragela phambili nilandela ihliziywenu ekhohlakeleko ngekani.+ Yeke ngabajezisa ngokwalokho okusesivumelwanenesi engabayala bona bakwenze kodwana bala ukukwenza.
9 UJehova wathi kimi: “Kunamano hlangana nabantu bakwaJuda nezakhamuzini zeJerusalema. 10 Babuyele emitjhaphweni yabokhokho babo bekadeni, abala ukulalela amezwami.+ Nabo balandele abanye aboZimu begodu babalotjha.+ Indlu ka-Israyeli nendlu kaJuda ziphule isivumelwano sami engasenza nabokhokho babo.+ 11 Ngilokhu uJehova akutjhoko, ‘Ngiletha ihlekelele+ kibo, engekhe bakghone ukuyibalekela. Nababawa isizo kimi, angekhe ngibalalele.+ 12 Yeke amadorobho wakwaJuda nezakhamuzi zeJerusalema bazokuya kibozimu ababenzela imihlatjelo babawe isizo kibo,+ kodwana angekhe babasindise ngesikhathi sehlekelelabo. 13 Maye! Juda, abozimu benu babe banengi njengamadorobhenu, begodu nenzele into enyenyisako ama-aldara amanengi njengeendlela zeJerusalema, ama-aldara wokwenzela uBhali imihlatjelo.’+
14 “Wena* ungabathandazeli abantwaba. Ungabancengeli namkha ubathandazele,+ ngombana angekhe ngibalalele nabangibizako, babawa isizo ngebanga lehlekelelabo.
15 Kubayini abantu bami engibathandako basesesendlinami
Kukulapho abanengi babo basenza amaqhinga amambi?
Ngenyama ecwengileko* bazokubaleka ihlekelelabo nayiza phezu kwabo?
Bazokuthaba na ngesikhatheso?
16 UJehova ukhe wanibiza ngomuthi wama-oliva okhula kuhle,
Othela iinthelo ezihle.
Wawutjhisa ngomlilo ngetjhada elikhulu lokubhodla,
Begodu amanaba aphule iimpande zawo.
17 “UJehova wamabutho, umTjalakho,+ umemezele bona ihlekelele izokwehlela ngebanga lobumbi obenziwe yindlu ka-Israyeli nendlu kaJuda, abangisilingileko ngokwenzela uBhali imihlatjelo.”+
18 UJehova ungazisile;
Ungenze ngabona ebebakwenza ngesikhatheso.
19 Benginjengemvana ekhuliswe ekhaya eyiswe bona iyokuhlatjwa.
Bengingazi bona baluka amano ngokujamelene nami:+
“Asitjhabalaliseni umuthi nesithelo sawo,
Asimqunteni enarheni,
Bona igama lakhe lingasakhunjulwa.”
20 Kodwana uJehova wamabutho wahlulela ngokulunga;
Uhlolisisa imicabango edephileko nehliziyo.+
Ngivumela ngibone ipindiselwakho kibo,
Ngombana ngilethe umlandwami ongokomthetho kuwe.
21 Yeke ngilokhu uJehova akutjho ebantwini be-Anatothi+ abafuna ukukubulala nabathi: “Ungaphorofidi ngegama lakaJehova,+ nakungasinjalo sizokubulala ngezandla zethu”; 22 Yeke ngilokhu uJehova wamabutho akutjhoko: “Ngizobajezisa. Amasokana azokubulawa yisabula,+ amadodana namadodakazawo azokubulawa yindlala.+ 23 Abekho abazokusala, ngombana ngiyokuletha ihlekelele ebantwini be-Anatothi+ ngomnyaka engizobajezisa ngawo.”
12 Ulungile Jehova+ nanginghonghoyila kuwe,
Lokha nangikhuluma iindaba zobulungiswa nawe.
Kodwana kubayini indlela yabakhohlakeleko iphumelela,+
Kubayini abakhohlisako bangatshwenyeki?
2 Ubatjalile begodu baveze imirabhu.
Bakhulile begodu baveza iinthelo.
Useduze nomlomabo kodwana ukude nemicabangwabo edephileko.+
Bakhuphe njengezimvu eziyokuhlatjwa,
Begodu bahlukanisele ilanga lokubulawa.
4 Inarha kufuze itjhwabe isikhathi esingangani
Neentjalo zawo woke amasimu kufuze zome isikhathi esingangani?+
Ngebanga lobumbi balabo abahlala kiyo,
Iimbandana neenyoni zithanyeliwe.
Ngombana bathe: “Akakuboni okuzokwenzeka kithi.”
5 Nawudinwa ugijima nabantu abagijima ngeenyawo,
Ungagijima njani neenjomani?+
Ngitjho nanyana unethemba enarheni yokuthula,
Uzokukhamba njani emahlathini anzima hlanu kweJordani?
6 Ngombana ngitjho nabafowenu, umndeni kayihlo,
Ukukhohlisile.+
Barhuwelele ngokujamelene nawe.
Ungabakholwa,
Ngitjho nanyana bakutjela izinto ezihle.
7 “Ngitjhiye indlwami;+ ngilahle ilifa lami.+
Nginikele ngaloyo engimthanda khulu esandleni samanabakhe.+
8 Ilifa lami libe njengebhubezi kimi ehlathini.
Isitjhaba sibhodle ngokujamelene nami.
Ngalokho ngasihloya.
9 Ilifa lami linjengedlanga lemibalabala kimi;
Amanye amadlanga ayalibhoda, alisahlele.+
Yizani, hlanganani ndawonye noke mbandana zehlathi,
Yizani nidle.+
Benze ingcenyami efiselekako yenarha yaba mmango onganalitho.
11 Ibe yinarha enganalitho.
Itjhwabile;*
Ibe marubhi phambi kwami.+
Yoke inarha yenziwe yaba marubhi,
Kodwana akunamuntu oyitjhejako.+
12 Abatjhabalalisi beze ngazo
zoke iindlela ezimotjhekileko bafahla emmangweni,
Ngombana isabula kaJehova irhiribidela kusukela komunye umkhawulo wenarha ukuya komunye.+
Abantu abakufumani ukuthula.
13 Batjale ikoroyi kodwana bavune ameva.+
Basebenze budisi kodwana akunanzuzo.
Bazokuphathwa ziinhloni ngalokho abakukhiqizileko
Ngebanga lelaka lakaJehova elivuthako.”
14 Nakhu uJehova akutjhoko ngokujamelene nabo boke abomakhelwana bami abakhohlakeleko, abathinta ilifa engiliphe abantu bami u-Israyeli:+ “Qala ngiyabaruthula enarhenabo,+ ngizokuruthula indlu kaJuda hlangana nabo. 15 Ngemva kokubaruthula, ngizokuba nomusa kibo godu bese ngibuyisele ngamunye wabo ilifa lakhe, enarhenakhe.”
16 “Nabaqinisekako bona bafunda iindlela zabantu bami begodu bafunga ngegama lami bathi, ‘Sifunga ngoJehova ophilako!’ Njengombana bafundisa abantu bami bona bafunge ngoBhali, bazokunikelwa indawo hlangana nabantu bami. 17 Kodwana nange bangafuni ukungilalela, ngizokuruthula isitjhabeso, ngisiruthule bengisitjhabalalise,” kutjho uJehova.+
13 Ngilokhu uJehova akutjho kimi: “Khamba uyokuthenga ibhande lelineni, ulibophe edinini kodwana ungalifaki emanzini.” 2 Yeke ngathenga ibhade njengombana kutjho uJehova, ngalibopha edinini. 3 Ilizwi lakaJehova lafika kimi ihlandla lesibili lathi: 4 “Thatha ibhande olithengileko nolimbetheko, uye eYufrathe, ulifihle erharheni ledwala.” 5 Yeke ngakhamba ngalifihla eYufrathe njengombana uJehova angiyalile.
6 Ngemva kobana kudlule amalanga amanengi uJehova wathi kimi: “Sikima, uye eYufrathe uyokuthatha ibhande engithe ulifihle lapho.” 7 Yeke ngaya eYufrathe ngemba ibhande, ngalikhupha endaweni ebengilifihle kiyo ngabona ukuthi ibhande belimotjhekile; belingasanamsebenzi.
8 Yeke ilizwi lakaJehova leza kimi lathi: 9 “Ngilokhu uJehova akutjhoko, ‘Ngendlela efanako ngizokutjhabalalisa ukuzikhakhazisa kwakaJuda nokuzikhakhazisa okukhulu kweJerusalema.+ 10 Abantu abambaba abala ukulalela amezwami,+ abalandela iinhliziyo zabo ngekani,+ abalandela abanye abozimu, babalotjhe begodu babakhothamele, bazokuba njengebhandeli elingasanamsebenzi.’ 11 ‘Njengombana ibhande linamathela edinini lomuntu, yeke ngenze yoke indlu ka-Israyeli nayo yoke indlu kaJuda yanamathela kimi,’ kutjho uJehova, ‘bona babe sitjhaba,+ ligama,+ lidumo nento ehle. Kodwana akhenge balalele.’+
12 “Kufuze ubatjele umlayezo lo uthi, ‘Ngilokhu uJehova uZimu ka-Israyeli akutjhoko: “Yoke imijeka emikhulu kufuze izaliswe ngewayini.”’ Bazokuphendula bathi, ‘Kghani asazi na bona yoke imijeka emikhulu kufuze izaliswe ngewayini?’ 13 Nje-ke uthi kibo, ‘Ngilokhu uJehova akutjhoko: “Ngizalisa zoke izakhamuzi zenarha+ ngobudakwa, amakhosi ahlezi esihlalweni sobukhosi sakaDavida, abaphristi nabaphorofidi nazo zoke izakhamuzi zeJerusalema. 14 Ngizokuphahlazela omunye phezu komunye, abobaba ngendlela efanako namadodana,” kutjho uJehova.+ “Angekhe ngibarhawukele namkha ngibazwele ubuhlungu namkha ngibe nomusa kibo; akunalitho elizongivimba bona ngibatjhabalalise.”’+
15 Yizwani nilalelisise.
Ningazikhakhazisi ngombana uJehova ukhulumile.
16 Phazimulisani uJehova uZimenu
Ngaphambi kobana alethe ubumnyama
Ngaphambi kobana iinyawo zenu zikhutjwe eentabeni ntambama.
17 Nanibhala ukulalela,
Ngizokulilela emsitheleni ngebanga lokukhakhazisa kwenu.
Ngizokulila khulu begodu amehlwami azokugeleza iinyembezi,+
Ngebanga lokuthi umhlambi kaJehova+ uthunjiwe.
18 Tjelani ikosi nonina wekosi,+ nithi, ‘Hlalani endaweni ephasi,
Ngombana isihlohlo senu esihle sizokuwa eenhloko zenu.’
19 Amadorobho wesewula avaliwe, akekho ongawavula.
Woke uJuda udingisiwe, udingiswe ngokupheleleko.+
20 Phakamisa amehlwakho ubone abavela ngetlhagwini.+
Uphi umhlambi onikelwe wona, izimvu zakho ezihle?+
21 Uzokuthini nawujeziswa
Ngilabo ebewufuna ukuba bangani babo kusukela ekuthomeni?+
Angekhe ubanjwe buhlungu bokubeletha na, obunjengobuhlungu obubamba umfazi obelethako?+
22 Nawuthi ehliziywenakho, ‘Kubayini izintwezi zehlele mina?’+
Kungebanga lomtjhaphwakho omkhulu uhlutjuliswe izambatho zakho+
Neenthende zakho zizwe ubuhlungu obukhulu.
23 UmKutjhe* angasitjhugulula na isikhumba sakhe namkha ingwe amabalayo?+
Nakunjalo, ungenza okuhle,
Wena obandulwe bona wenze okumbi.
24 Ngizobahlakaza njengomhlanga ophetjhulwa mumoya werhalawumbeni.+
25 Lesi sisabelo sakho, ingcenyakho engikwabele yona.” kutjho uJehova,
26 Yeke ngizokuphakamisela isambatho sakho ebusweni bakho,
Nehlazo lakho lizokuba tjhatjhalazi,+
27 Izenzo zakho zokufeba+ nokurhuwelela njengenjomani etjhiswa yikanuko,
Nobungwadla bakho obuphathisa iinhloni.
Emibundwini nemasimini,
Ngibone ukuziphatha kwakho okunyenyisako.+
Maye! Jerusalema,
Kuzabe kube kunini ungakahlwengeki?+
14 Leli lilizwi lakaJehova eleza kuJoromiya malungana nesomiso:+
2 UJuda uyalila,+ begodu amasangwakhe awile.
Atjhingela ngehlabathini adanile,
Nesililo siyakhuphuka sivela eJerusalema.
3 Amakhosanabo athumela iinsebenzi zawo bona ziyokukha amanzi.
Zitjhinga emigodini yamanzi begodu aziwafumani.
Zibuyela emva nemijeka enganalitho.
Ziphethwe ziinhloni begodu zidanile,
Begodu zizigubuzesa iinhloko.
4 Ngombana phasi kubharasile,
Ngebanga lokuthi akunazulu ephasini,+
Abalimi badanile begodu bagubuzese iinhloko zabo.
5 Ngitjho neqina elisikazi lesimini litjhiya umntwanalo oqeda ukubelethwa
Ngombana akunatjani.
6 Abodumbana bommango bajame emibundwini enganalitho.
Baphefumula msinyana bafuna umoya njengeempungutjha;
Amehlwabo ayafiphala ngombana akunantjalo.+
7 Ngitjho nemitjhaphwethu ifakaza ngokujamelene nathi,
Maye! Jehova, thatha igadango ngebanga legama lakho.+
Ngombana izenzo zethu zokungathembeki zinengi,+
Begodu sonile phambi kwakho.
8 Maye! Themba laka-Israyeli, uMsindisakhe+ ngesikhathi sokugandeleleka,
Kubayini unjengomuntu ongaziwako enarheni,
Njengesikhambi esijama kwaphela bona sifumane indawo yokulala?
9 Kubayini unjengomuntu orarekileko,
Unjengomuntu ongakghoni ukusindisa?
Ngombana uphakathi kwethu, maye! Jehova.+
Negama lakho libizwe kithi.+
Ungasilahli.
10 Nakhu uJehova akutjhoko malungana nabantwaba: “Bathanda ukuzulazula;+ abakghoni ukuhlala bangenzi litho.+ Yeke uJehova akathabi ngabo.+ Nje-ke uzokukhumbula imitjhaphwabo begodu uzobajezisa ngebanga lezono zabo.”+
11 Yeke uJehova wathi kimi: “Ungathandazeli abantwabo bona benzakalelwe zizinto ezihle.+ 12 Nabazila ukudla, angisilaleli isililo sabo,+ nalokha nabanikela iminikelo etjhiswako epheleleko neminikelo yekoroyi, angiyithabeli+ ngombana ngizobatjhabalalisa ngesabula, ngendlala nangesibetho.”+
13 Ngemva kwalokho, ngathi: “Maye! Kosi ePhakemeko Jehova, abaphorofidi bathi kibo, ‘Angekhe niyibone isabula begodu angekhe nifikelwe yindlala, kodwana ngizoninikela ukuthula kwamambala endaweni le.’”+
14 Yeke uJehova wathi kimi: “Abaphorofidi baphorofida amala egameni lami.+ Akhenge ngibathumele namkha ngibayale namkha ngikhulume nabo.+ Umbono omamala nokuthukula okungasizi ngalitho nekohliso eenhliziyweni zabo ngilokho abakuphorofide kuwe.+ 15 Nje-ke ngilokhu uJehova akutjhoko malungana nabaphorofidi abaphorofida egameni lami, ngitjho nanyana ngingakabathumeli begodu abathi akunasabula namkha indlala ezokufika enarheni le: ‘Abaphorofidaba bazokutjhabalala ngesabula nangendlala.+ 16 Nabantu abaphorofida kibo bazokuphoselwa eendleleni zeJerusalema ngebanga lendlala nesabula, akunamuntu ozobabulunga,+ bona, abomkabo, amadodanabo namkha amadodakazabo, ngombana ngizokuthululela kibo ihlekelele ebafaneleko.’+
17 “Kufuze uthi kibo,
‘Amehlwabo awatshege iinyembezi ubusuku nemini, zingomi,+
Ngombana intombi yabantu bami itjhatjalaliswe ngokupheleleko begodu iphukile,+
Ilimele khulu.
18 Nangiphumako bona ngiye esimini ngiyokuqala,
Ngabona ababulewe ngesabula!+
Kwathi nangingena edorobheni,
Ngabona ukugula okubangelwe yindlala!+
Ngombana umphorofidi nomphristi bakhambakhambe endleleni abangayaziko.’”+
19 Kghani umlahle ngokupheleleko uJuda namkha uhloye iZiyoni?+
Kubayini usibethe kangangobana singapholi?+
Besilindele ukuthula kodwana akunalitho elihle elifikileko,
Besilindele isikhathi sokuphola kodwana kwafika ukusaba!+
20 Siyakubona ukukhohlakala kwethu, maye! Jehova,
Nomtjhapho wabokhokho bethu,
Ngombana sonile phambi kwakho.+
21 Ngebanga legama lakho, ungasilahli;+
Ungahloyi isihlalo sakho sobukhosi esiphazimulako.
Khumbula, begodu ungaphuli isivumelwano sakho nathi.+
22 Kghani iinthombe ezingasizi ngalitho zeentjhaba zingaletha izulu,
Namkha izulu lingeza bona lizinele lona ngokwalo?
Akusinguwe kwaphela na, maye! Jehova Zimethu?+
Sithembele kuwe,
Ngombana nguwe kwaphela owenze zoke izintwezi.
15 Yeke uJehova wathi kimi: “Ngitjho nanyana uMosi noSamyela bangajama phambi kwami,+ angekhe ngibazwele abantwaba. Baqothe phambi kwami. Abakhambe. 2 Begodu nabathi, ‘Siye kuphi?’ kufuze uthi kibo, ‘Ngilokhu uJehova akutjhoko:
Ofanelwe sibetho esibulalako, esibethweni esibulalako!
Ofanelwe yisabula, esabuleni!+
Ofanelwe yindlala, endlaleni!
Ofanelwe kuthunjwa, ekuthunjweni!”’+
3 “‘Begodu ngizokubeka iinhlekelele ezine phezu kwabo,’*+ kutjho uJehova, ‘isabula bona ibabulale, izinja bona zidose iindumbu zabo, iinyoni zezulu neembandana zephasi bona zirhiribidele begodu zitjhabalalise.+ 4 Ngizobenza into ethusako kiyo yoke imibuso yephasi+ ngebanga lakaManase indodana kaHezekiya, ikosi yakwaJuda, ngebanga lalokho akwenze eJerusalema.+
5 Ngubani ozokuzwela Jerusalema,
Ngubani ozokurhawukela,
Begodu ngubani ozokujama abuze ngehlalakuhle yakho?’
Ngizokuphakamisa isandla
sami ngokujamelene nawe bengikutjhabalalise.+
Ngidiniwe kuzwelana nawe.
7 Ngizobahlukanisa ngeforogo emasangweni wenarha.
Ngizobathathela abantwababo.+
Ngizokutjhabalalisa abantu bami,
Njengombana bangafuni ukutjhuguluka eendleleni zabo.+
8 Abahlolokazi babo bazokuba banengi phambi kwami ukudlula ihlabathi yelwandle.
Ngizokuletha umtjhabalalisi emini ngokujamelene nabo, ngokujamelene nabomma namasokana.
Ngizokuletha ukutshwenyeka nokusaba kibo kungakalindeleki.
9 Umma obelethe abantwana abalikhomba uphelelwe mamandla;
Ubhalelwa kuphefumula.
Ilanga lakhe limtjhingele kusesesemini,
Limbangele iinhloni nehlazo.’
‘Begodu abambalwa abaseleko
Ngizobanikela esabuleni ephambi kwamanababo,’ kutjho uJehova.”+
10 Maye! Kimi nakuwe mma, ngombana ungibelethile,+
Abantu bayo yoke inarha bayangiphikisa begodu balwa nami.
Akhenge ngikolodise namkha ngiboleke;
Kodwana boke bayangiqalekisa.
11 UJehova uthe: “Kwamambala ngizokusekela;
Kwamambala ngizokungenela ngesikhathi sehlekelele,
Ngizokusekela nawusahlelwa manabakho.
12 Ukhona na umuntu ongaphula isimbi ibe ziinquqwana,
Isimbi evela etlhagwini nekhopha?
13 Abantu bazozithathela izinto zakho namagugwakho,+
Angekhe zithengiswe, ngebanga lazo zoke izono zakho ozenze kizo zoke iimfunda zakho.
14 Ngizozinikela amanabakho
Akhambe nazo enarheni ongayaziko.+
Ngombana umlilo uyavutha ngebanga lelaka lami,
Begodu uvutha ngokujamelene nawe.”+
15 Maye! Jehova, wena uyazi
Ngikhumbula begodu ungitjheje.
Ngibuyiselela kilabo abangihlunguphazako.+
Ungangivumeli ngitjhabalale ngebanga lokungasilingeki kwakho msinya.
Tjheja bona ngenzela wena njengombana ngihlaziseka.+
16 Lokha ilizwi lakho nalifika kimi, ngalidla;+
Ilizwi lakho laba lithabo kimi begodu lathabisa ihliziywami,
Maye! Jehova Zimu wamabutho, ngombana igama lakho libizwe kimi.
17 Angihlali hlangana nabantu abathanda ukwenza amahlaya begodu bathabe.+
18 Kubayini ubuhlungu bami bungapheli nenceba lami lingalapheki?
Alifuni ukuphola.
Uzokuba mthombo wamanzi okhohlisako kimi
Okungekhe kwathenjelwa kiwo?
19 Yeke ngilokhu uJehova akutjhoko:
“Nawubuyako ngizokuvuselela,
Begodu uzokujama phambi kwami.
Nawuhlukanisa izinto eziligugu nezinto ezingasizi ngalitho,
Uzokuba njengomlomami.*
Kuzokufuze babuyele kuwe,
Kodwana angekhe ubuyele kibo.”
20 “Ngikwenza iboda elivikelekileko lekhopha ebantwinaba.+
Kwamambala bazokulwa nawe,
Kodwana angekhe bakuhlule,+
Ngombana nginawe, bona ngikusindise bengikuhlenge,” kutjho uJehova.
21 “Ngombana ngizokusindisa esandleni sabakhohlakeleko
Begodu ngikuhlenge esandleni sabanelunya.”
16 Ilizwi lakaJehova lafika kimi godu, lathi: 2 “Akukafuzi uzithathele umfazi, begodu akukafuzi ube namadodana namadodakazi endaweni le. 3 Nakhu uJehova akutjhoko malungana namadodana namadodakazi abelethelwe lapho namalungana nabonina abababelethileko namalungana naboyise ababangele bona babelethwe enarheni le: 4 ‘Bazokufa ngebanga lokugula okubulalako,+ kodwana akunamuntu ozabalilela namkha ozobabulunga; bazokuba njengomsuqwa ehlabathini.+ Bazokutjhabalala ngesabula nangendlala,+ begodu iindumbu zabo zizokuba kukudla kweenyoni zezulu nokweembandana zephasi.’
Ngombana ngithethe ukuthula kwami ebantwinaba,’ kutjho uJehova,
‘Nethando lami elithembekileko nomusami.+
6 Abakhulu nabancani bazokuhlongakalela enarheni le.
Angeze babulungwe,
Akunamuntu ozobalilela,
Begodu akunamuntu ozozisika namkha agude iinhluthu ngebanga labo.
7 Akunamuntu ozokunikela abalilela ukudla,
Ozobaduduza ngebanga lokuhlongakalelwa;
Akunamuntu ozobanikela ikapho yenduduzo
bona basele ngebanga lokuhlongakalelwa ngubaba namkha umma.
8 Ungangeni ngendlini yomnyanya
Bona uhlale, udle begodu usele nabo.’
9 “Ngombana ngilokhu uJehova wamabutho uZimu ka-Israyeli akutjhoko, ‘Endaweni le, emalangenakho naphambi kwamehlwakho ngizokuqeda itjhada lokujekezela nokuthaba, iphimbo lomkhwenyana nephimbo lakamakoti.’+
10 “Nawutjela abantwaba woke amezwi la bazokubuza ukuthi, “Kubayini uJehova akhulume ngehlekelele engaka ezosenzakalela? Ngimiphi imitjhapho nezono esizenzileko phambi kwakaJehova uZimethu?’+ 11 Kufuze ubaphendule uthi, ‘“Ngebanga lokuthi abakhokho benu bangitjhiyile,”+ kutjho uJehova, baragela phambili nokulandela abanye abozimu begodu babalotjha, babakhothamela.+ Kodwana bangitjhiyile nemithethwami akhenge bayiphethe.+ 12 Nina niziphethe kumbi khulu ukudlula abakhokho benu+ begodu ngamunye wenu ulandela ikani yehliziywakhe ekhohlakeleko kunokungilalela.+ 13 Ngizonifuthela ngaphandle kwenarha le, nginise enarheni eningayaziko nabokhokho benu abangayaziko,+ lapho nizokulotjha abanye abozimu imini nobusuku,+ ngombana angekhe ngibe nomusa kini.”’
14 “‘Nanyana kunjalo, amalanga ayeza’ kutjho uJehova ‘angekhe basathi: “Ngifunga ngoJehova ophilako, owakhupha abantu bakwa-Israyeli enarheni yeGibhide!”+ 15 kodwana bazokuthi, “Ngifunga ngoJehova ophilako olethe abantu bakwa-Israyeli bavela enarheni yetlhagwini nakizo zoke iindawo ebekabarhatjhele kizo begodu ngizobabuyisela enarhenabo engayinikela abokhokho babo.+
16 ‘Qala ngithumela abathiyi beemfesi abanengi,’ kutjho uJehova,
Bazobathiyela iimfesi.
Ngemva kwalokho ngizokuthumela abazumi abanengi,
Begodu bazobazumela kizo zoke iintaba nakuyo yoke imibundu
Nemarharheni wamadwala.
17 Amehlwami akikho koke abakwenzako.
Angekhe bangifihlele izinto abazenzako,
Ngitjho nemitjhapho ayikafihleki emehlwenami.
18 Kokuthoma, ngizobajezisa ngokupheleleko ngebanga lomtjhapho nezono zabo,+
Ngombana basilaphaze inarhami ngeenthombe zabo ezinyenyisako ezingaphiliko
Begodu bazalise ilifa lami ngezinto ezinyenyisako.’”+
19 Maye! Jehova, umamandlami nesiphephelo sami,
Uyindawami yokubalekela ngesikhathi sokugandeleleka,+
Iinarha zizokuza kuwe zivela emaphethelweni wephasi,
Bazokuthi abakhokho bethu balandela isiko lokulotjha abozimu bamala,
Izinto ezililize, ezingasizi ngalitho nezingazuzisiko.”+
20 Kghani umuntu angazenzela aboZimu?
Akwenzako akusibozimu bamambala.+
21 “Nje-ke, ngizobenza bazi,
Ngesikhatheso ngizobenza bazi amandlami nobukhulu bami,
Begodu kuzokufuze bazi ukuthi igama lami nginguJehova.”
17 “Isono sakaJuda sitlolwe ngepeni yesimbi.
Ngetlobo yedayimani sibazwe elitjeni elisiphara leenhliziyo zabo
Neempondweni zama-aldarabo,
2 Kukulapho amadodanabo akhumbula ama-aldarawo neengodo zawo ezicwengileko*+
Ezihlanu komuthi ohlaza emibundwini ephakemeko,+
3 Eentabeni emaphandleni avulekileko.
Ipahlakho, woke amagugwakho, azokuthathwa+
Neendaweni zakho eziphakemeko ngebanga lesono kizo zoke iimfunda zakho.+
4 Uzokulahlekelwa lilifa lakho engikunikele lona ngebanga lakho.+
Begodu ngizokwenza ulotjhe amanabakho enarheni ongayaziko,+
Lizokutjha ngokungapheliko.
5 Nakhu uJehova akutjhoko:
“Uqalekisiwe umuntu othembela emuntwini,+
Othembela emandleni womuntu,+
Nehliziywakhe efulathela uJehova.
6 Uzokuba njengomuthi ozijamele wodwa erhalawumbeni.
Angekhe abone okuhle nakuzako,
Kodwana uzokuhlala eendaweni ezomileko emmangweni,
Enarheni yetswayi engahlalwa mumuntu.
7 Ubusisiwe umuntu othembela kuJehova,
Ithemba lakhe likuJehova.+
8 Uzokuba njengomuthi otjalwe hlanu kwamanzi,
Othumela imirabhwawo emilanjaneni.
Angekhe abone nakuza ukutjhisa,
Kodwana amakarakhe azokuhlala ahlaza.+
Begodu ngomnyaka wesomiso angekhe atshwenyeke,
Namkha angatheli.
9 Ihliziyo ikhohlisa khulu ukudlula nanyana yini begodu yonakele.*+
Ngubani ongayazi?
10 Mina Jehova ngiphenyisisa ihliziyo,+
Ngihlolisisa imicabango* edephileko,
Bona nginikele ngamunye ngokuvumelana neendlela zakhe,
Ngokuvumelana nesithelo semisebenzakhe.+
11 Njengenyoni yommango ebuthelela amaqanda engakawabekeli,
Unjalo nomuntu ofumana ubunjinga ngokungakathembeki.+
Buzomtjhiya angakalindeli,
Begodu emaswapheleni uzokuba ngonganangqondo.”
12 Isihlalo sobukhosi esiphazimulako esiphakanyiswe kusukela ekuthomeni,
Yindawethu yesiphephelo.+
13 Maye! Jehova themba laka-Israyeli,
Boke abakulahlako bazokuhlaziswa.
14 Maye! Jehova ngilapha begodu ngizokulapheka,
Ngisindisa begodu ngizokusindiswa,+
Ngombana nguwe engimdumisako.
15 Qala! Kunalabo abathi kimi:
“Liphi ilizwi lakaJehova?+
Sibawa lize!”
16 Kodwana mina, akhenge ngilise ukukulandela njengomalusi,
Namkha ngikhanukele ilanga lehlekelele.
Ukwazi kuhle koke engikukhulumileko;
Koke kwenzeke phambi kwakho!
17 Ungabi ngunobangela wokusaba kimi.
Usiphephelo sami ngelanga lehlekelele.
18 Abangihlunguphazako abahlaziswe,+
Kodwana ungavumi bona ngihlaziswe.
Ababetjhwe kusaba,
Kodwana ungavumi bona ngibetjhwe kusaba.
Balethele ilanga lehlekelele,+
Ubaphahlaze begodu ubatjhabalalise ngokupheleleko.
19 Nakhu uJehova angitjele khona: “Khamba uyokujama esangweni lamadodana wabantu lapho amakhosi wakwaJuda angena bekaphume khona, nakiwo woke amasango weJerusalema.+ 20 Kufuze uthi kibo, ‘Yizwani ilizwi lakaJehova, nina makhosi wakwaJuda, noke bantu bakwaJuda nazo zoke izakhamuzi zeJerusalema eningena ngamasango la. 21 Nakhu uJehova akutjhoko: “Zitjhejeni begodu ningaphathi umthwalo ngelanga leSabatha namkha niwungenise ngamasango weJerusalema.+ 22 Akukafuzi nikhuphe umthwalo emzinenu ngelanga leSabatha begodu akukafuzi nenze nanyana ngimuphi umsebenzi.+ Yenzani ilanga leSabatha lihlale licwengile njengombana ngayala abakhokho benu.+ 23 Kodwana akhenge bangizwe namkha bangilalelisise begodu ngekani, bala ukungilalela namkha ukwamukela isiyalo.”’+
24 “‘“Nanyana kunjalo, nange ningilalelisisa,” kutjho uJehova, “begodu ningangenisi umthwalo ngamasango wedorobheli ngelanga leSabatha begodu nenze ilanga leSabatha lihlale licwengile ngokungenzi nanyana ngimuphi umsebenzi ngalo,+ 25 amakhosi namakhosana ahlezi esihlalweni sobukhosi sakaDavida+ nawo azokungena ngamasango wedorobheli akhwele ikarana nenjomani, wona namakhosanawo, abantu bakwaJuda nezakhamuzi zeJerusalema+ begodu idorobheli lizokuhlalwa ngokungapheliko. 26 Begodu abantu bazokuvela emadorobheni wakwaJuda, eendaweni ezimagega neJerusalema, enarheni yakwaBhenjamini+ enarheni ethabaleleko,+ esifundeni seentaba neNegebhi,* balethe umnikelo otjhiswako opheleleko,+ imihlatjelo,+ iminikelo yekoroyi,+ ipepho emhlophe nemihlatjelo yokuthokoza endlini kaJehova.+
27 “‘“Kodwana nange ningangilaleli ngokwenza ilanga leSabatha lihlale licwengile ngokungaphathi imithwalo niyingenise ngamasango weJerusalema ngelanga leSabatha, ngizokutjhisa amasangwalo ngomlilo begodu uzokurhiribidela imibhotjhongo yeJerusalema evikelekileko+ angekhe ucinywe.”’”+
18 Leli lilizwi lakaJehova elitjhinga kuJoromiya lithi: 2 “Sikima uye endlini yombumbi,+ nasele ulapho ngizokwenza uzwe amezwami.”
3 Yeke ngaya endlini yombumbi begodu bekasebenzela entweni yokubumbela. 4 Kodwana isitja umbumbi ebekasenza ngebumba sonakala ezandleni zakhe. Yeke wasilungisa wenza esinye isitja, saba ngendlela ebekafuna ngayo.*
5 Ilizwi lakaJehova lafika kimi lathi: 6 “‘Kghani angekhe ngenza kuwe ndlu ka-Israyeli njengombana umbumbi enza?’ kutjho uJehova. ‘Qala! Njengebumba elisesandleni sombumbi, nawe unjalo esandleni sami, wena ndlu ka-Israyeli.+ 7 Nanyana kunini nangikhuluma ngokusiphula, ngokugiriza nangokutjhabalalisa isitjhaba namkha umbuso,+ 8 nangabe isitjhaba silahla ukukhohlakala kwaso engikhulume ngakho, ngizokutjhugulula umkhumbulwami malungana nehlekelele ebengihlele ukuyilethela sona.+ 9 Nanyana kunini nangikhuluma ngokwakha namkha ukujamisa isitjhaba namkha umbuso, 10 kodwana senze okumbi emehlwenami begodu singalaleli ilizwi lami, ngizokutjhugulula umkhumbulwami malungana nezinto ezihle ebengihlose ukusenzela sona.’
11 “Nje-ke ngibawa uthi ebantwini bakwaJuda nezakhamuzini zeJerusalema, ‘Ngilokhu uJehova akutjhoko: “Ngilungiselela ihlekelele nendlela enginganijezisa ngayo. Ngibawa niphenduke eendleleni zenu ezimbi, nilungise iindlela zenu nezenzo zenu.”’”+
12 Kodwana sathi: “Akunathemba!+ Sizokukhamba ngomcabangwethu, ngamunye wethu uzokwenza ngokuvumelana nehliziywakhe ekhohlakeleko enekani.”+
13 Yeke ngilokhu uJehova akutjhoko:
“Zibuzeleni nina eentjhabeni.
Ngubani okhe wezwa into enjengale?
Intombi yakwa-Israyeli yenze into embi khulu.+
14 Kghani igabhogo leLibhanoni lizokunyamalala na emehlelweni yamadwala?
Namkha amanzi agelezako abuya kude azokoma na?
15 Kodwana abantu bami bangilibele.+
Benzela izinto ezingasizi ngalitho imihlatjelo,+
Benza abantu bakhubeke eendleleni zabo, eendleleni zakade,+
Bona bakhambe eendleleni ezingemuva ezingakahleleki nezingakalelezeki,*
16 Bona benze inarhabo into ethusako+
Into ezokubetjhelwa umlozi ngokungapheliko.+
Woke umuntu odlula kiyo uzoyiqala athukiwe begodu ayinikinele ihloko.+
17 Njengomoya wepumalanga, ngizobahlakaza phambi kwenaba.
Ngizobafulathela, ubuso bami ngekhe babubone, ngelanga lehlekelelabo.”+
18 Bazokuthi: “Yenize silukele uJoromiya amano,+ ngombana umthetho angekhe utjhabalale kubaphristi bethu namkha iseluleko esivela ebantwini abahlakaniphileko namkha elizwini elivela kubaphorofidi. Yenize sikhulumeni ngokujamelene naye begodu ningakulaleli akutjhoko.”
19 Maye! Jehova, ngibawa ungilalele,
Uzwe lokho abaphikisana nami abakutjhoko.
20 Inga-kghani okuhle kubhadelwa ngokumbi na?
Ngombana bembe umgodi bona bangibulale.+
Khumbula ngesikhathi ngijame phambi kwakho ngikhuluma okuhle ngabo,
Bona ususe ilaka lakho kibo.
21 Vumela amadodanabo bona afe ngendlala,
Begodu uwanikele emandleni wesabula.+
Kwanga abomkabo bangahlongakalelwa bantwana begodu babe bahlolokazi.+
Kwanga amadodabo angabulawa sibetho esibulalako,
Namasokana wakhona abulawe ngesabula epini.+
22 Isililo sabo asizwakale ngeendlini zabo
Nawubalethela abadlelezeli bangakalindeli.
Ngombana bembe umgodi bona bangithumbe
Babekela iinyawo zami iinthiyo.+
23 Kodwana wena Jehova,
Uwazi kuhle woke amaqhingabo wokobana bangibulale.+
Ungagubuzesi umtjhaphwabo,
Begodu ungasuli isono sabo phambi kwakho.+
Bavumele bawe phambi kwakho+
Nawuthatha igadango ngokujamelene nabo elakeni lakho.
19 Nakhu uJehova akutjhoko: “Khamba uyokuthenga umjeka owenziwe ngebumba kumbumbi.+ Thatha abanye abadala hlangana nabantu nabanye abadala hlangana nabaphristi, 2 utjhinge emRhobeni wendodana kaHinomu,+ ebungenweni beSango leDengela. Nawufika lapho umemezele amezwi engikutjela wona. 3 Uzokuthi, ‘Yizwani ilizwi lakaJehova nina makhosi wakwaJuda nani zakhamuzi zeJerusalema. Ngilokhu uJehova wamabutho, uZimu ka-Israyeli akutjhoko:
“‘“Ngizokuletha ihlekelele endaweni le, nanyana ngubani ozwa ngayo uzokuthukwa.* 4 Kungebanga lokuthi bangilahlile+ begodu benze indawo le yangabonakali.+ Benzela abozimu abangabaziko imihlatjelo endaweni le, bona nabokhokho babo, namakhosi wakwaJuda. Bazalise indawo le ngeengazi zabantu abanganamlandu.+ 5 Bakhele uBhali iindawo eziphakemeko bona batjhise amadodanabo abe mnikelo otjhiswako opheleleko kaBhali,+ into engingakhenge ngibayale bona bayenze namkha ngikhulume ngayo, engakhenge nakancani ifike ehliziywenami.”’+
6 “‘“Yeke qala! Isikhathi siyeza,” kutjho uJehova, “lapho indawo le ingekhe isabizwa ngokuthi yiTofethi namkha mRhoba wendodana kaHinomu kodwana izokubizwa ngokuthi mRhoba wokuRhayilwa.+ 7 Ngizokukhandela amaqhinga kaJuda neJerusalema endaweni le, ngizobenza babulawe ngesabula phambi kwamanababo nangesandla salabo abafuna ukubabulala. Begodu iindumbu zabo zizokuba kukudla kweenyoni zezulu nekweembandana zephasi.+ 8 Ngizokwenza idorobheli libe yinto esatjwako nento yokubethelwa umlozi. Woke umuntu odlula ngakiyo uzoyirarekela athukiwe begodu abethe umlozi phezu kwazo zoke iimbetho zalo.+ 9 Ngizobenza badle inyama yamadodanabo neyamadodakazabo, begodu omunye nomunye uzokudla inyama yomuntu akunye naye, ngebanga lokuvinjezelwa nokuphelelwa lithemba lokha nababhodwe manababo nalabo abafuna ukubabulala.”’+
10 “Nje-ke phula umjeka phambi kwamehlo wabantu okhamba nabo, 11 uthi kibo, ‘Ngilokhu uJehova wamabutho akutjhoko: “Ngizobaphula njalo abantwaba nedorobheli, njengomuntu ophula isitja sombumbi bona singasalungiseki; begodu bazokubulunga iindumbu eTofethi bekube kulapho kungasanandawo yokubulunga.”’+
12 “‘Ngilokhu engizokwenza endaweni le,’ kutjho uJehova, ‘nezakhamuzini zalo, bona ngenze idorobheli libe njengeTofethi. 13 Izindlu zeJerusalema nezindlu zamakhosi wakwaJuda zizokusilaphala njengendawo le, iTofethi,+ zoke izindlu ebebenza kizo imihlatjelo phezu kwamaphahla benzela loke ibutho lezulwini+ begodu bathululela abanye abozimu umnikelo wesiselo.’”+
14 Lokha uJoromiya nakabuya eTofethi lapho uJehova ebekamthumele khona bona ayokuphorofida, wajama esirhodlweni sendlu kaJehova wathi kibo boke abantu: 15 “Nakhu uJehova wamabutho uZimu ka-Israyeli akutjhoko, ‘Ngiletha ihlekelele engikhulume ngayo ngokujamelene nedorobheli nawo woke amadorobhalo, ngombana babhale ukulalela amezwami ngekani.’”+
20 UPhatjhirhuri indodana ka-Imeri umphristi, obekamdosiphambili endlini kaJehova, bekalalele lokha uJoromiya nakaphorofida ngezintwezi. 2 Nje-ke uPhatjhirhuri wabetha uJoromiya umphorofidi wamfaka ngesitokisini+ ebesiseSangweni eliPhezulu lakwaBhenjamini, ebelisendlini kaJehova. 3 Ngelanga elilandelako uPhatjhirhuri watjhaphulula uJoromiya esitokisini, uJoromiya wathi kuye:
“UJehova uthi igama lakho awusese nguPhatjhirhuri, kodwana uzokubizwa ngokuthi unguKwesaba okusiZombileko.+ 4 Ngombana ngilokhu uJehova akutjhoko, ‘Uzokuba yinto ethusako kuwe nakibo boke abangani bakho begodu bazokubulawa yisabula yamanababo amehlwakho aqalile;+ begodu ngizokunikela woke uJuda esandleni sekosi yeBhabhiloni, izobasa ekudingisweni eBhabhiloni ibabulale ngesabula.+ 5 Ngizokunikela woke umnotho wedorobheli, zoke izinto ezikhethekileko nawo woke amagugu wamakhosi wakwaJuda ezandleni zamanabawo.+ Koke lokho bazakuphanga, bakuse eBhabhiloni.+ 6 Nakunguwe Phatjhirhuri, nabo boke abahlala endlinakho, nizokuya ekudingisweni. Nizokuya eBhabhiloni nifele lapho begodu uzokubulungelwa lapho, wena nabo boke abangani bakho, ngombana uphorofide amala kibo.’”+
7 Ungirarile Jehova, nami ngarareka.
Usebenzise amandlakho ngokujamelene nami, waphumelela.+
Ngibe yihlekisa ngebanga lakho;
Woke umuntu uhlekisa ngami.+
8 Ngombana nanyana kunini nangikhulumako, kufuze ngirhuwelele begodu ngimemezele, ngithi,
“Inturhu nokutjhatjalaliswa!”
Ngombana ilizwi lakaJehova libangele bona ngidelelwe begodu ngihlanjalazwe ilanga loke.+
9 Nje-ke ngathi: “Angekhe ngisakhuluma ngaye,
Begodu angekhe ngisakhuluma ngegama lakhe.”+
Kodwana ehliziywenami kwaba njengomlilo ovuthako ovalelwe emathanjenami,
Bengidiniwe kuzibamba;
Bengingasakghoni ukukghodlhelela.+
10 Ngombana ngizwe izinto ezinengi ezimbi ngawe;
Ngibhodwe kusaba.+
Bathi: “Asimemezeleni ngaye; Asimemezeleni ngaye!”
Woke umuntu ongifisela ukuthula bekaqale ukuwa kwami:+
“Mhlamunye uzakwenza umtjhapho obudlhadlha,
Begodu sizokuhlula, sizibuyiselele kuye.”
11 Kodwana uJehova bekanami njengengorho esabekako.+
Kungebangelo abangihlunguphazako bazokuwa begodu bangekhe bahlule.+
Bazokuhlaziseka ngombana angekhe baphumelele.
Ihlazo labo angekhe liphele begodu angekhe lilitjalwe.+
12 Kodwana wena Jehova wamabutho, uhlolisisa olungileko;
Ubona imicabango edephileko nehliziyo.+
Ngivumela ngibone ipindiselwakho kibo.+
Ngombana ngilethe umlandwami ongokomthetho kuwe.+
13 Bhinelani uJehova! Dumisani uJehova!
Ngombana usindise otlhagako esandleni sabenzi bokumbi.
14 Aliqalekiswe ilanga engabelethwa ngalo!
Alingabusiswa ilanga umma angibeletha ngalo!+
15 Akaqalekiswe umuntu owaletha iindaba ezimnandi kubaba, wathi:
“Ubelethelwe indodana, umsanyana!”
Okwamenza wathaba khulu.
16 Kwanga indoda leyo ingafana namadorobho uJehova awatjhabalalisileko ngaphandle kokuzisola.
Kwanga ingezwa isililo ekuseni netjhada lepi emini.
17 Kubayini angakangibulali ngisese sesibelethweni,
Bona isibeletho sakamma sibe njengendawo engibulungelwa kiyo
Begodu isibeletho sakhe sihlale sizithwele?+
18 Kubayini ngaphuma esibelethweni
Ngibone umraro nesizi,
Bona amalangami aphele ngendlela ephathisa iinhloni?+
21 UJoromiya wafumana ilizwi elivela kuJehova lokha iKosi uTsedekhiya+ nayithuma uPhatjhirhuri+ indodana kaMalikiya noZefaniya+ indodana kaMaseya umphristi, abawa lokhu: 2 “Sibawa usibuzele kuJehova ngombana iKosi uNebukadinetsari* yeBhabhiloni ifuna ukulwa nathi.+ Mhlamunye uJehova angenza eminye yemisebenzakhe emangalisako ngebanga lethu, bona angasalwi nathi.”+
3 UJoromiya wathi kibo: “Nakhu ekufuze nikutjho kuTsedekhiya, 4 Ngilokhu uJehova uZimu ka-Israyeli akutjhoko: “Iinkhali zepi ezisezandleni zenu, enilwa ngazo nekosi yeBhabhiloni+ namaKhaledi* angaphandle kweboda anivimbezeleko, ngizoziqalisa ngakini. Ngizobabuthelela phakathi nedorobheli. 5 Mina ngizokulwa nani+ ngilule isandla sami nomkhonwami onamandla, ngokusilingeka, ngelaka nangetukuthelo ekulu.+ 6 Ngizokubetha izakhamuzi zedorobheli, kokubili umuntu nesibandana. Ngesibetho esikhulu* bazokuhlongakala.”’+
7 “‘“Ngemva kwalokho,” kutjho uJehova, “Ngizokunikela iKosi yakwaJuda uTsedekhiya neensebenzi zayo nabantu bedorobheli, abasinde esibethweni, esabuleni, nendlaleni, esandleni seKosi uNebukadinetsari* yeBhabhiloni, esandleni samanababo, nesandleni salabo abafuna ukubabulala.+ Uzobabetha ngesabula. Angekhe abazwele namkha abarhawukele namkha abe nomusa kibo.”’+
8 “Begodu kufuze uthi ebantwinaba, ‘Ngilokhu uJehova akutjhoko: “Ngibeka phambi kwenu indlela yokuphila nendlela yokufa. 9 Labo abasala edorobheneli bazokufa ngesabula, ngendlala nangesibetho. Kodwana nanyana ngubani ozinikela kumaKhaledi* anivimbezeleko, uzokuragela phambili aphila, begodu uzokusindisa ukuphila kwakhe.”’+
10 “‘“Ngombana ngifulathele idorobheli bona lehlelwe yihlekelele ingasi intwehle,”+ kutjho uJehova. “Lizokunikelwa esandleni sekosi yeBhabhiloni+ begodu lizokutjhiswa ngomlilo.”+
11 “‘Endlini yekosi yakwaJuda: Yizwani ilizwi lakaJehova. 12 Maye! Ndlu kaDavida, ngilokhu uJehova akutjhoko:
“Sekelani ubulungiswa qobe ekuseni,
Sindisani odlelezelwako esandleni somdlelezeli,+
Bona ilaka lami lingavuthi njengomlilo+
Litjhise kungabi nomuntu ozolicima
Ngebanga lezenzo zenu ezimbi.”’+
13 ‘Ngijamelene nani zakhamuzi zemrhobeni,
Maye! Dwala lenarha elelezekileko,’ kutjho uJehova.
‘Nina enithi: “Ngubani ozokuza ajamelane nathi?
Begodu ngubani ozokudlelezela iindawo zethu?”
14 Ngizonijezisa
Ngokwalokho okunifaneleko!’+ Kutjho uJehova.
‘Begodu ngizokutjhisa amahlathalo,
Umlilo uzokurhiribidela zoke izinto ezilibhodileko.’”+
22 Ngilokhu uJehova akutjhoko: “Yehlela endlini yekosi yakwaJuda, ukhambise umlayezo lo. 2 Kufuze uthi, ‘Yizwa ilizwi lakaJehova wena Kosi yakwaJuda ehlezi esihlalweni sobukhosi sakaDavida, wena neensebenzi zakho nabantu bakho abangena ngamasango la. 3 Nakhu uJehova akutjhoko: “Sekelani ubulungiswa nokulunga. Sindisani odlelezelwako esandleni somdlelezeli. Ningaphathi kumbi nanyana ngimuphi umuntu ovela kwenye inarha, ningayilimazi intandani namkha umhlolokazi.+ Ningaphalazi iingazi zomuntu onganamlandu endaweni le.+ 4 Nanitjhejako begodu nenze ngokwelizweli, amakhosi ahleli esihlalweni sobukhosi sakaDavida+ azokungena ngamasango wendlu le, akhwele iinkarana neenjomani, wona neensebenzi zawo nabantu bawo.”’+
5 “‘Kodwana naningekhe nilalele amezwi la, mina ngokwami ngifunga ngami,’ kutjho uJehova, ‘indlu le izokutjhatjalaliswa.’+
6 “Ngombana ngilokhu uJehova akutjhoko malungana nendlu yekosi yakwaJuda,
‘Ube njengeGiliyadi kimi,
Njengesiqongolo seLibhanoni.
Kodwana ngizokwenza ummango;
Alikho nalinye emadorobhenakho elizokuba nezakhamuzi.+
7 Ngizokubeka abatjhabalalisi ngokujamelene nawe,
Ngamunye aphethe iinkhali zakhe.+
Bazokuqunta imisedarakho ekhethekileko
Bayiphosele emlilweni.+
8 “‘Iintjhaba ezinengi zizokudlula edorobheni, zithi kwesinye nesinye: “Kubayini uJehova enze lokhu edorobheni elikhulu kangaka?”+ 9 Bazokuthi: “Ngombana balahle isivumelwano sakaJehova uZimabo, bakhothamela abanye abozimu begodu babalotjha.”’+
10 Ningamlileli ohlongakeleko,
Begodu ningamzweli.
Kunalokho, lilelani khulu okhambako,
Ngombana angekhe asabuya enarheni abelethelwe kiyo.
11 “Ngombana ngilokhu uJehova akutjhoko malungana noTjhalumu*+ indodana kaJosiya ikosi yakwaJuda obusa esikhundleni sakayise uJosiya+ okhambileko endaweni le uthi: ‘Angekhe asabuya. 12 Ngombana uzokufela endaweni adingiselwe kiyo begodu angekhe asayibona indawo le.’+
13 Maye! Kiloyo owakha indlwakhe ngaphandle kokulunga
Neenkumba zakhe eziphezulu ngaphandle kobulungiswa,
Owenza umuntu wekhabo amsebenzele ngelize,
Ongafuni nokumbhadela umrholwakhe;+
14 Loyo othi, ‘Ngizozakhela indlu ekulu
Eneenkumba ezikulu eziphezulu.
Ngizozifakela amafesidere
Ngiyinameke ngomsedari begodu ngiyipende ngepende ebomvu.’
15 Uzokuragela phambili na ubusa ngombana udlula abanye ngokusebenzisa imisedari?
16 Bekavikela amalungelo angokomthetho wogandelelekileko notlhagako,
Bona kubakhambele kuhle.
‘Lokho akutjho na ukungazi mina?’ Kutjho uJehova.
17 ‘Kodwana amehlwakho nehliziywakho kudzimelele enzuzweni engakathembeki,
Ekuphalazeni iingazi ezinganamlandu,
Ekukhwabaniseni nekudlelezeleni.’
18 “Yeke ngilokhu uJehova akutjhoko malungana noJehoyakhimu+ indodana kaJosiya, ikosi yakwaJuda,
‘Angekhe bamlilele bathi:
“Maye! Mfowethu, maye! Dadwethu.”
Angekhe bamlilele bathi:
“Maye! Kosi, maye! Ndabezitha.”
19 Uzokubulungwa ngendlela ekubulungwa ngayo udumbana,+
Uzokudoswa alahlelwe kude,
Ngaphandle kwamasango weJerusalema.’+
20 Khamba uye eLibhanoni, urhuwelele,
Uphakamise ilizwi lakho eBhatjhani,
Urhuwelele use-Abarimu,+
Ngombana boke abakuthandako batjhatjalalisiwe.+
21 Ngakhuluma nawe ngesikhathi uzizwa uvikelekile.
Kodwana wathi, ‘Angekhe ngilalele.’+
Lo bekumumukghwakho kusukela ebutjheni,
Ngombana akhenge ulalele ilizwi lami.+
22 Umoya uzokwelusa boke abelusi bakho,+
Begodu iinthandwa zakho zizokuya ekudingisweni.
Ngemva kwalokho uzokuphathiswa iinhloni, uhlaziseke ngebanga layo yoke ihlekelelakho.
23 Maye! Kuwe ohlala eLibhanoni,+
Ohlala kamnandi hlangana nemisedari,+
Indlela ozokuquma ngayo nawufikelwa ziinhlungu,
Uzokuba seenhlungwini njengomfazi obelethako!”+
24 “‘Nangisaphilako,’ kutjho uJehova, ‘ngitjho nanyana wena Koniya*+ ndodana kaJehoyakhimu,+ kosi yakwaJuda, bewuyidzilamnwana yetshwayo esandleni sami sokudla, bengizokuhluthula lapho! 25 Ngizokunikela esandleni salabo abafuna ukukubulala, esandleni sabantu obasabako, esandleni seKosi uNebukadinetsari* yeBhabhiloni nesandleni samaKhaledi.*+ 26 Wena nommakho okubelethileko ngizoniphosela enarheni eningakabelethelwa kiyo begodu nizokufela lapho. 27 Begodu angekhe babuyele enarheni abayifisako.+
28 Inga-kghani indoda le nguKoniya onyenyisako, ipoto ephukileko,
Isitja esingafunwa mumuntu?
Kubayini yena neenzukulwana zakhe bafuthelwe phasi
Begodu baphoselwe enarheni abangayaziko?’+
29 Maye! Phasi, phasi yizwa ilizwi lakaJehova.
30 Nakhu uJehova akutjhoko:
‘Tlolani phasi bona indoda le ayinabantwana,
Indoda engekhe iphumelele ekuphileni kwayo,
Ngombana akekho esizukulwaneni sakhe ozokuphumelela
Ekuhlaleni esihlalweni sobukhosi sakaDavida, abuse uJuda godu.’”+
23 “Maye! Kubelusi abatjhabalalisa bebahlakaze izimvu zamadlelwami,” kutjho uJehova.+
2 Nje-ke nakhu uJehova uZimu ka-Israyeli akutjhoko malungana nabelusi abelusa umhlambami: “Nihlakaze izimvu zami; nisolo nizihlakaza begodu akhenge nizitjheje.”+
“Nje-ke angekhe nginirhawukele ngebanga lezenzo zenu ezimbi,” kutjho uJehova.
3 “Nje-ke ngizokubuthelela izimvu zami eziseleko kizo zoke iinarha engizirhatjhele kizo+ ngizozibuyisela emadlelwenazo+ begodu zizokuzalana zande.+ 4 Ngizozibekela abelusi abazozelusa.+ Angekhe zisasaba namkha zirhidlwe livalo begodu ayikho nayinye ezokulahleka,” kutjho uJehova.
5 “Qalani! Kuza amalanga,” kutjho uJehova, “lapho ngizokuvusela khona uDavida ihlumela elilungileko*+ begodu ikosi leyo izokubusa,+ ibe nelemuko, isekele ubulungiswa nokulunga enarheni.+ 6 Emihlenakhe uJuda uzokusindiswa,+ u-Israyeli uzokuhlala ngokuvikeleka+ begodu uzokubizwa ngokuthi: UJehova Ukulunga Kwethu.”+
7 “Nanyana kunjalo, amalanga ayeza,” kutjho uJehova, “angekhe basathi, ‘Ngifunga ngoJehova ophilako, owakhupha abantu bakwa-Israyeli enarheni yeGibhide!’+ 8 Kodwana bazokuthi, ‘Ngifunga ngoJehova ophilako owakhupha bewabuyisela iinzukulwana zendlu ka-Israyeli zivela enarheni yetlhagwini nakizo zoke iinarha engabarhatjhela kizo’ begodu bazokuhlala enarhenabo.”+
9 Malungana nabaphorofidi:
Ihliziywami iphukile ngaphakathi kwami.
Woke amathambami ayahlengezela.
Nginjengomuntu odakiweko
Begodu nginjengomuntu ohlulwa yiwayini,
Ngebanga lakaJehova nangebanga lamezwakhe acwengileko.
Iindlela zabo zimbi begodu bawasebenzisa kumbi amandlabo.
11 “Umphorofidi nomphristi basilaphele.*+
Ngitjho nangendlinami ngifumene ukukhohlakala kwabo,”+ kutjho uJehova.
12 “Nje-ke indlelabo izokutjhelela beyibe mnyama;+
Bazokutjhovwa begodu bazokuwa.
Ngombana ngizobalethela ihlekelele
Ngomnyaka wesahlulelo,” kutjho uJehova.
13 “Ebaphorofidini beSamariya+ ngibone okunyenyisako.
Baphorofida egameni lakaBhali,
Begodu badurhisa abantu bami u-Israyeli.
14 Ebaphorofidini beJerusalema ngibone izinto ezithusako.
15 Nje-ke nakhu uJehova wamabutho akutjhoko malungana nabaphorofidi:
“Ngibenza badle inghana
Begodu ngibaseza amanzi anetjhefu.+
Ngombana kusukela ebaphorofidini beJerusalema ukuhlubuka kurhatjheke enarheni yoke.”
16 Ngombana nakhu uJehova wamabutho akutjhoko:
“Ningalaleli amezwi wabaphorofidi abaphorofida kini.+
Bayanikhohlisa.
17 Kilabo abangangihloniphiko banande bathi,
‘UJehova uthe: “Nizokuba nokuthula.”’+
Nakiwo woke umuntu olandela ihliziywakhe enekani bathi,
‘Angekhe nehlelwe yihlekelele.’+
18 Ngombana ngubani ojame hlangana nabantu abatjhidelene noJehova
Ukubona nokuzwa ilizwi lakhe?
Ngubani otjhejisise ilizwi lakhe bona alilalele?
19 Qalani! Isiwuruwuru sakaJehova sizokuvunguza ngelaka;
Njengesiwuruwuru esivunguza ngamandla sizokuvunguza phezu kweenhloko zabakhohlakeleko.+
20 Ilaka lakaJehova angekhe libuyele emva
Bekube kulapho enze begodu wazalisa iinhloso zehliziywakhe.
Emihleni yokuphela uzokuzwisisa kuhle lokho.
21 Angikathumeli abaphorofidi, kodwana bagijima.
Akhenge ngikhulume nabo, kodwana baphorofida.+
22 Kodwana nangabe bebatjhidelene nami
Bebazokutjela abantu bona balalele amezwami
Begodu bebazobenza bona balise iindlela zabo ezimbi nezenzo zabo ezikhohlakeleko.”+
23 “Kghani ngimi kwaphela uZimu oseduze,” kutjho uJehova, “ingasi godu uZimu ovela kude khulu?”
24 “Kghani ukhona na umuntu ongabhaca endaweni efihlekileko engekhe ngakghona ukumbona kiyo?”+ kutjho uJehova.
“Kghani akusingimi engizalise izulu nephasi?”+ kutjho uJehova.
25 “Ngibazwile abaphorofidi abaphorofida amala egameni lami bathi, ‘Ngibe nebhudango! Ngibe nebhudango!’+ 26 Kuzabe kube kunini abaphorofidi, basolo baphorofida amala eenhliziyweni zabo? Babaphorofidi abakhohlisako eenhliziyweni zabo.+ 27 Bazimisele ukwenza abantu bami bakhohlwe ngegama lami ngamabhudango abatjelana wona, njengombana aboyise bakhohlwa igama lami ngebanga lakaBhali.+ 28 Umphorofidi onebhudango akasitjele ibhudangwelo, kodwana onelizwi lami kufuze alikhulume ngokuthembeka.”
“Isigojwana sihlangana njani nethoro?” Kutjho uJehova.
29 “Kghani ilizwi lami alisinjengomlilo,”+ kutjho uJehova, “nanjengenondo ephahlaza idwala?”+
30 “Nje-ke ngijamelene nabaphorofidi,” kutjho uJehova, “abakhuluma amezwi wabaphorofidi bawahlanukele.”+
31 “Qala ngijamelene nabaphorofidi,” kutjho uJehova, “labo abasebenzisa ilimu labo bona bathi, ‘Uthi!’”+
32 “Qala ngijamelene nabaphorofidi bamabhudango wamala,” kutjho uJehova, “abakhuluma ngawo badurhise abantu bami ngebanga lamalabo nokuzikhakhazisa kwabo.”+
“Kodwana akhenge ngibathumele namkha ngibayale. Nje-ke angekhe babazuzise ngalitho abantwaba,”+ kutjho uJehova.
33 “Lokha abantwaba namkha umphorofidi namkha umphristi akubuza athi, ‘Uyini umlayezo obudisi* kaJehova?’ kufuze ubaphendule uthi, ‘“Nina bantu nimthwalo! Begodu ngizonitjhabalalisa,”+ kutjho uJehova.’ 34 Malungana nomphorofidi namkha umphristi namkha abantu abathi, ‘Lo mlayezo obudisi kaJehova!’ Ngizokujamelana nomuntu loyo nabantu bendlwakhe. 35 Ngilokho omunye nomunye wenu akutjhoko emnganinakhe nakumfowabo, ‘UJehova uphendule njani? Begodu uJehova utheni?’ 36 Kodwana umlayezo obudisi kaJehova kufuze ningasakhuluma ngawo ngombana umlayezo obudisi mamezwenu, begodu nitjhugulule amezwi kaZimu ophilako, uJehova wamabutho, uZimethu.
37 “Nakhu ozokutjho kumphorofidi, ‘UJehova ukuphendule njani? Begodu uJehova utheni? 38 Nawusolo uthi, “Mlayezo obudisi kaJehova!” Nakhu uJehova akutjhoko: “Ngebanga lokuthi uthi, ‘Ilizweli mlayezo obudisi kaJehova,’ Ngemva kokuthi ngithe, ‘Kufuze ungathi: “Mlayezo obudisi kaJehova!”’ 39 Qalani! Ngizonithatha nginifuthele kude nami, nina nedorobho enganinikela lona nabokhokho benu. 40 Ngizokuletha kini ihlazo elingapheliko nokuhlaziseka okungapheliko okungekhe kulibaleke.”’”+
24 Nje-ke uJehova wangitjengisa abomantji ababili bamafeyi phambi kwethempeli lakaJehova, ngemva kokuthi iKosi uNebukadinetsari* weBhabhiloni ayise uJokoniya*+ indodana kaJehoyakhimu,+ ikosi yakwaJuda, ekudingisweni kunye namakhosana wakwaJuda, iinsebenzi zobukghwari neensebenzi zesimbi;* wabathatha eJerusalema wabasa eBhabhiloni.+ 2 Omunye umantji bewunamafeyi amahle khulu afana newesivuno sokuthoma, kodwana omunye umantji bewunamafeyi amambi khulu, mambi kangangokuthi angekhe adliwa.
3 Ngemva kwalokho uJehova wangibuza wathi: “Khuyini oyibonako, Joromiya?” Yeke ngathi: “Mafeyi; amafeyi amahle, mahle khulu, kodwana amambi mambi khulu, kangangokuthi angekhe adliwa.”+
4 Yeke ilizwi lakaJehova lafika kimi lathi: 5 “Nakhu uJehova uZimu ka-Israyeli akutjhoko, ‘Njengamafeyi amahle la, ngizobaqala ngendlela ehle abadingisiweko bakwaJuda, engibakhambise endaweni le ngabasa enarheni yamaKhaledi.* 6 Amehlwami azokuhlala abaqalile bona kubakhambele kuhle, ngizobabangela bona babuyele enarheni le.+ Ngizobakha angeze ngibagirize; ngizobatjala, angekhe ngibaruthule.+ 7 Ngizobanikela ihliziyo yokobana bazi ukuthi nginguJehova.+ Bazokuba babantu bami, begodu ngizokuba nguZimabo,+ ngombana bazokubuyela kimi ngehliziyo epheleleko.+
8 “‘Kodwana malungana namafeyi amambi khulu kangangokuthi angekhe adliwa,+ nakhu uJehova akutjhoko: “Yindlela engizokuqala ngayo uTsedekhiya+ wakwaJuda, amakhosanakhe nabasindileko beJerusalema nalabo abasese senarheni le nalabo abasenarheni yeGibhide.+ 9 Ngizobalethela ihlekelele ngizobenza into ethusako kiyo yoke imibuso yephasi,+ bazokuba lihlazo, nakuvela ihlekelele kuzokwenziwa isibonelo ngabo begodu bazokuqalekiswa+ kizo zoke iindawo engibarhatjhela kizo.+ 10 Ngizokuthumela isabula ngokujamelene nabo,+ indlala nesibetho,*+ bekube kulapho batjhabalele khona enarheni engibanikele yona nabokhokho babo.”’”
25 Ilizwi elafika kuJoromiya malungana nabo boke abantu bakwaJuda ngomnyaka wesine kaJehoyakhimu+ indodana kaJosiya, ikosi yakwaJuda, obekumnyaka wokuthoma weKosi uNebukadinetsari* yeBhabhiloni. 2 Nakhu uJoromiya umphorofidi akukhulumileko malungana nabo boke abantu bakwaJuda nakizo zoke izakhamuzi zeJerusalema:
3 “Kusukela ngomnyaka we-13 kaJosiya+ indodana ka-Amoni, ikosi yakwaJuda bekube kunamhlanjesi, sekuminyaka ema-23, ilizwi lakaJehova lafika kimi begodu bengisolo ngikhuluma nani ngokubuyelelweko kodwana akhenge nilalele.+ 4 UJehova wathumela zoke iinsebenzi zakhe ezibaphorofidi kini, wazithumela ngokubuyelelweko kodwana akhenge nilalele namkha nilalelisise.+ 5 Bebathi, ‘Sibawa nitjhuguluke, omunye nomunye eendleleni zakhe ezimbi nezenzweni zakhe ezimbi,+ nanenza njalo nizokuragela phambili nihlala isikhathi eside enarheni uJehova aninikela yona kade nina nabokhokho benu. 6 Ningalandeli abanye abozimu, nibalotjhe begodu nibakhothamele, ningizwise ubuhlungu ngomsebenzi wezandla zenu; nakungasinjalo, ngizonilethela ihlekelele.’
7 “‘Kodwana akhenge ningilalele,’ kutjho uJehova. ‘Kunalokho ningizwise ubuhlungu ngomsebenzi wezandla zenu, nazibangela ihlekelele.’+
8 “Nje-ke nakhu uJehova wamabutho akutjhoko, ‘“Ngebanga lokuthi akhenge nilalele amezwami, 9 ngibiza yoke imindeni yetlhagwini,”+ kutjho uJehova, “ngibiza iKosi uNebukadinetsari* yeBhabhiloni, incekwami+ begodu ngizobaletha ngokujamelene nenarha le+ nangokujamelene nezakhamuzi zayo nangokujamelene nazo zoke iintjhaba eziyibhodileko.+ Ngizobanikela ekutjhatjalalisweni, ngibenze into ethusako nento ezokubetjhelwa umlozi begodu bazokutjhabalala ngokungapheliko. 10 Ngizokuqeda itjhada lokuthaba netjhada lokujekezela kibo,+ ilizwi lomkhwenyana nelizwi lakamakoti,+ itjhada lelitje lokusila nomkhanyo wesibani. 11 Yoke inarha le izokuba marubhi, izokuba yinto ethusako begodu iintjhabezi zizokusebenzela ikosi yeBhabhiloni iminyaka ema-70.”’+
12 “‘Nakuphela iminyaka ema-70,+ ngizokujezisa ikosi yeBhabhiloni nesitjhabeso ngebanga lomtjhaphwabo,’+ kutjho uJehova ‘begodu ngizokwenza inarha yamaKhaledi* ibe marubhi ngokungapheliko.+ 13 Ngizokuzalisa woke amezwami engiwakhulumileko ngokujamelene nenarha le, koke okutlolwe encwadini uJoromiya aphorofida ngakho ngokujamelene nazo zoke iintjhaba. 14 Ngombana iintjhaba ezinengi namakhosi amakhulu+ azobenza iingqila+ begodu ngizozibuyiselela kibo ngokuya ngokwezenzo zabo nangomsebenzi wezandla zabo.’”+
15 Ngombana nakhu uJehova uZimu ka-Israyeli akutjhoko kimi: “Thatha ikapho yewayini lelaka esesandleni sami, useze zoke iintjhaba engizokuthumela kizo. 16 Bazokusela, batherezele begodu baziphathe njengomuntu ohlanyako ngebanga lesabula engibalethela yona.”+
17 Yeke ngathatha ikapho esesandleni sakaJehova ngaseza zoke iintjhaba uJehova angithumele kizo:+ 18 ngizokuthoma ngeJerusalema namadorobho wakwaJuda,+ amakhosayo namakhosanayo, bona kube marubhi, into ethusako, into ezokubetjhelwa umlozi, esiqalekiso,+ bekube kunamhlanjesi; 19 noFaro ikosi yeGibhide neensebenzi zakhe, amakhosanakhe nabo boke abantu bakhe,+ 20 yoke imihlobo ehlukahlukeneko yabantu; woke amakhosi wenarheni ye-Utsi; woke amakhosi wenarheni yamaFilista,+ e-Atjhikheloni,+ eGaza, e-Ekroni nabaseleko be-Atjhidodi; 21 be-Edomu,+ bakwaMowabi+ nabakwa-Amoni;+ 22 woke amakhosi weTirosi, woke amakhosi weTsidoni+ namakhosi wesihlengeleni selwandle; 23 beDedani,+ beTema, beBhuzi nabo boke abanamarhwanqa arhuniweko;+ 24 woke amakhosi wama-Arabhu+ nawo woke amakhosi wemihlobo yabantu ehlukahlukeneko abahlala emmangweni; 25 woke amakhosi weZimri, woke amakhosi we-Elamu+ nawo woke amakhosi weMediya;+ 26 nawo woke amakhosi wetlhagwini akude naseduze ngokulandelana kwawo nayo yoke eminye imibuso yephasini nekosi uTjhetjhaki+ uzokusela ngemva kwabo.
27 Kufuze uthi kiwo, ‘Nakhu uJehova wamabutho, uZimu ka-Israyeli akutjhoko: “Selani nidakwe, niphalaze begodu niwe bona ningakghoni ukusikima+ ngebanga lesabula engiyithumela kini.”’ 28 Nangabe bayabhala ukuthatha ikapho esesandleni sakho bona basele, kufuze uthi kibo, ‘Nakhu uJehova wamabutho akutjhoko: “Kufuze nisele! 29 Ngombana qalani! Nangabe ngizokuthoma ngokuletha ihlekelele edorobheni elibiza igama lami,+ kghani kufuze ngingalijezisi?”’+
“‘Angekhe ningajeziswa, ngiletha isabula ngokujamelene nazo zoke izakhamuzi zephasi,’ kutjho uJehova wamabutho.
30 “Kufuze uphorofide woke amezwi la kibo uthi,
‘UJehova uzokubhodla aphezulu
Begodu asendawenakhe ecwengileko uzokwenza ilizwi lakhe lizwakale.
Uzokubhodlela phezulu ngokujamelene nendawo ahlala kiyo.
Bazokurhuwelela njengalabo abatlhodlha iwayini,
Uzokubhina ajekezele ngokujamelene nazo zoke izakhamuzi zephasi.’
31 ‘Itjhada lizokuzwakala emaphethelweni wephasi,
Ngombana uJehova ujamelene neentjhaba.
Yena ngokwakhe uzokwahlulela boke abantu.+
Begodu uzokubulala okhohlakeleko ngesabula,’ kutjho uJehova.
32 Nakhu uJehova wamabutho akutjhoko:
‘Qala! Ihlekelele izokurhatjheka eentjhabeni ngeentjhaba,+
Nesiwuruwuru esikhulu sizokufika eengcenyeni ezikude zephasi.+
33 “‘Ababulewe nguJehova ngelangelo bazabe bavela ephasini loke. Angekhe balilelwe namkha bahlanganiswe namkha babulungwe. Bazokuba njengomsuqwa ehlabathini.’
34 Lilani nina belusi, nirhahlawule!
Nizibhudabhude nina baphathi bemihlambi,
Ngombana sesifikile isikhathi senu sokobana nihlatjwe beniphadlhalale,
Begodu nizokuwa njengesitja esikhethekileko!
35 Abelusi akunandawo lapha bangabalekela khona,
Nabaphathi bemihlambi abanandlela yokuphunyurha.
36 Yizwa ukurhahlawula kwabelusi
Nesililo sabaphathi bemihlambi,
Ngombana uJehova utjhabalalisa amadlelwabo.
37 Neendawo ezinokuthula azisaphili
Ngebanga lelaka elivuthako lakaJehova.
38 Utjhiye indawakhe yobuphephelo njengebhubezana,+
Ngombana inarhabo ibe yinto ethusako
Ngebanga lesabula enelunya
Nangebanga lelaka lakhe elivuthako.”
26 Ekuthomeni kokubusa kwakaJehoyakhimu+ indodana kaJosiya ikosi yakwaJuda kweza ilizwi elivela kuJehova lithi: 2 “Nakhu uJehova akutjhoko, ‘Jama esirhodlweni sendlu kaJehova. Ukhulume malungana nabo boke abantu bemadorobheni wakwaJuda abeza endlini kaJehova ukuzomlotjha, ubatjele koke engikuyala ngakho; ungatjhiyi litho. 3 Mhlamunye bazokulalela ngamunye wabo aphenduke endlelenakhe embi begodu ngitjhugulule umkhumbulwami malungana nehlekelele engizimisele ukubalethela yona ngebanga lezenzo zabo ezimbi.+ 4 Yitjho lokhu kibo: “Nakhu uJehova akutjhoko, ‘Nangabe angekhe ningilalele ngokulandela umthethwami engininikele wona, 5 ngokulalela amezwi weencekuzami abaphorofidi, engibathumele kini kanengi, eningakhenge nibalalele,+ 6 nje-ke ngizokwenza indlu le ifane neTjhilo,+ ngenze idorobheli into eqalekisiweko kizo zoke iintjhaba ephasini.’”’”+
7 Abaphristi, abaphorofidi nabo boke abantu bamuzwa uJoromiya nakakhuluma amezwi endlini kaJehova.+ 8 UJoromiya nakaqeda ukukhuluma woke amezwi uJehova amyale ngawo bona awakhulume kibo boke abantu, ngemva kwalokho abaphristi nabaphorofidi nabo boke abantu bambhudungela bathi kuye, “Ngokuqinisekileko uzokufa. 9 Kubayini uphorofide egameni lakaJehova wathi, ‘Indlu le izokufana neTjhilo, begodu idorobho lizokutjhatjalaliswa lisale linganazakhamuzi’?” Begodu boke abantu babungelela uJoromiya endlini kaJehova.
10 Amakhosana wakwaJuda nakezwa amezwi la, eza avela ngendlini yekosi aya ngendlini kaJehova ahlala phasi ebungenweni besango elitjha lakaJehova.+ 11 Abaphristi nabaphorofidi bathi emakhosaneni nakibo boke abantu: “Indoda le kufuze ifumane isigwebo sokufa,+ ngebanga lokuthi iphorofide ngokujamelene nedorobheli njengombana nani nizizwele ngeendlebe zenu.”+
12 Nje-ke uJoromiya wathi kiwo woke amakhosana nakibo boke abantu: “NguJehova ongithumele bona ngiphorofide woke amezwi eniwazwileko+ ngokujamelene nendlu le nedorobheli. 13 Yeke phendukani eendleleni nezenzweni zenu nilalele ilizwi lakaJehova uZimenu, begodu uJehova uzokutjhugulula umkhumbulwakhe malungana nehlekelele ayikhulume ngokujamelene nani.+ 14 Nakungimi, ngisesandleni senu. Yenzani kimi nanyana yini ebonakala iyihle begodu ilungile emehlwenenu. 15 Kufuze nazi ngokuqinisekileko ukuthi naningibulalako, nizokuletha iingazi ezinganamlandu kini edorobheneli nezakhamuzini zalo, ngombana ngokuqinisekileko nguJehova ongithumileko bona ngikhulume woke amezwi la eniwezwako.”
16 Nje-ke amakhosana nabo boke abantu bathi kubaphrisi nakubaphorofidi: “Indoda le akukafuzi ifumane isigwebo sokufa, ngombana ikhulume nathi egameni lakaJehova uZimethu.”
17 Ngaphezu kwalokho, abanye abadala benarha basikima bathoma ukuthi kilo loke ibandla labantu: 18 “UMikha+ wakwaMoretjheti waphorofida emalangeni weKosi yakwaJuda uHezekiya,+ wathi kibo boke abantu bakwaJuda, ‘Nakhu uJehova wamabutho akutjhoko:
“IZiyoni lizokulinywa njengesimu,
IJerusalema lizokuba marubhi,+
Intaba yendlu kaZimu izokuba njengeendawo eziphakemeko ehlathini.”’+
19 “Inga-kghani iKosi yakwaJuda uHezekiya nawo woke uJuda bambulala? Inga-kghani akhenge basabe uJehova begodu babawe umusa kaJehova? Bona uJehova atjhugulule umkhumbulwakhe malungana nehlekelele akhulume ngayo ngokujamelene nabo?+ Nje-ke sizibizela ihlekelele ekulu.
20 “Bekunenye indoda eyaphorofida egameni lakaJehova, u-Uriya indodana kaTjhemaya weKhiriyathi-Jeyarimu,+ owaphorofida ngokujamelene nedorobheli nangokujamelene nenarha le ngamezwi afana newakaJoromiya. 21 IKosi uJehoyakhimu+ nawo woke amadoda anamandla namakhosana bezwa amezwi la, begodu ikosi yafuna ukumbulala.+ U-Uriya nakezwa lokhu wathukwa begodu wabalekela eGibhide. 22 Nje-ke iKosi uJehoyakhimu yathumela u-Elinathani+ indodana ka-Akibori namanye amadoda bona bakhambe naye eGibhide. 23 Bambuyisa u-Uriya eGibhide, bamusa eKosini uJehoyakhimu owamhlahlela ngesabula,+ wathatha isidumbu sakhe wasifaka ethuneni labantu abavamileko.”
24 Kodwana u-Arhikhamu+ indodana kaTjhafani+ wavikela uJoromiya bona anganikelwa ebantwini abafuna ukumbulala.+
27 Ekuthomeni kokubusa kwakaJehoyakhimu indodana kaJosiya ikosi yakwaJuda, kwafika ilizwi elivela kuJehova liya kuJoromiya lithi: 2 “Ngilokhu uJehova angitjele khona, ‘Zenzele iinrobho neensimbi zejogi leensimbi, uzibeke entanyenakho. 3 Bese uzithumela ekosini yakwa-Edomu,+ ekosini yakwaMowabi,+ ekosini yama-Amoni,+ ekosini yeTirosi+ nekosini yeTsidoni+ ngesandla seenthunywa ezize eJerusalema, ekosini uTsedekhiya yakwaJuda. 4 Zinikele umyalo lo oya emakhosinazo:
“‘“Ngilokhu uJehova wamabutho, uZimu ka-Israyeli akutjhoko; ngilokhu ekufuze nikutjele amakhosenu, 5 ‘Ngimi owenze iphasi, abantu neembandana ezisephasini, ngizenze ngamandlami amakhulu nangesandla sami esilulekileko begodu iphasi loke ngilinikele nanyana ngubani engimthandako.*+ 6 Nje-ke nginikele zoke iinarha esandleni sencekwami iKosi uNebukadinetsari+ yeBhabhiloni; ngitjho neembandana ngizinikele bona zimlotjhe. 7 Zoke iintjhaba zizokulotjha yena, indodanakhe nomzukulwakhe bekube sikhathi lapho inarhakhe iqedwa khona,+ lapho iintjhaba ezinengi namakhosi anamandla azomenza isigqila sazo.’+
8 “‘“‘Nanyana ngisiphi isitjhaba namkha umbuso ongafuni ukusebenzela iKosi yeBhabhiloni uNebukadinetsari namkha ongafuni ukubeka intamakhe ngaphasi kwejogi lekosi yeBhabhiloni, ngizosijezisa isitjhabeso ngesabula,+ ngendlala nangesibetho,’* kutjho uJehova, ‘bekube kulapho ngisiqeda ngesandla sakhe.’
9 “‘“‘Yeke ningalaleli abaphorofidi benu, ababhuli benu, ababhudangi benu, abosomlingo benu nabaloyi benu, abathi kini: “Angekhe nisebenzele ikosi yeBhabhiloni.” 10 Ngombana baphorofida amala kini, bona nisiwe kude nenarhenu, ngizonirhatjha begodu nizokutjhabalala.
11 “‘“‘Nanyana ngisiphi isitjhaba esibeka intamaso ngaphasi kwejogi lekosi yeBhabhiloni begodu siyisebenzele, ngizosivumela sihlale enarhenaso,’ kutjho uJehova, ‘siyilime begodu sihlale kiyo.’”’”
12 Ngikhulume okufanako neKosini yakwaJuda uTsedekhiya+ ngathi: “Bekani iintamo zenu ngaphasi kwejogi lekosi yeBhabhiloni usebenzele yona nabantu bayo, uzokuragela phambili uphila.+ 13 Kubayini wena nabantu bakho kufuze nife ngebanga lesabula,+ ngendlala+ nangesibetho+ njengombana uJehova atjhwile ngeentjhaba ezingekhe zisebenzele ikosi yeBhabhiloni? 14 Ningawalaleli amezwi wabaphorofidi abathi kini, ‘Angekhe niyisebenzele ikosi yeBhabhiloni’+ ngombana baphorofida amala kini.+
15 “‘Ngombana akhenge ngibathume,’ kutjho uJehova, ‘kodwana baphorofida amala egameni lami, ngalokho ngizonirhatjha begodu nizokutjhabalala nina nabaphorofidi abaphorofida kini.’”+
16 Ngitjele abaphristi nabo boke abantu ngathi: “Ngilokhu uJehova akutjhoko, ‘Ningawalaleli amezwi wabaphorofidi abaphorofida kini, abathi: “Qala! Izitja zendlu kaJehova zizokubuyiswa eBhabhiloni kungasikade!”+ ngombana baphorofida amala kini.+ 17 Ningabalaleli, sebenzelani ikosi yeBhabhiloni begodu nizokuragela phambili niphila.+ Kubayini idorobheli kufuze libe marubhi? 18 Kodwana nangabe baphorofidi begodu ilizwi lakaJehova likibo, babaweni bancenge uJehova wamabutho bona izitja eziseleko endlini kaJehova, endlini yekosi yakwaJuda neJerusalema azingathathwa zisiwe eBhabhiloni.’
19 “Ngilokhu uJehova wamabutho akutjhoko malungana neensika,+ iLwandle,*+ iinkarana+ nezitja eziseleko edorobheneli, 20 zizinto iKosi uNebukadinetsari yeBhabhiloni engakhenge izithathe nayithatha uJokoniya indodana kaJehoyakhimu, ikosi yakwaJuda, eJerusalema imusa ekudingisweni eBhabhiloni, yona nazo zoke iinkhulu zakwaJuda nezeJerusalema;+ 21 ngilokhu uJehova wamabutho, uZimu ka-Israyeli, akutjhoko malungana nezitja ezisele ngendlini kaJehova, ngendlini yekosi yakwaJuda, neJerusalema, uthi: 22 ‘“Bazokulethwa eBhabhiloni,+ bazokuhlala lapho bekube lilanga engibatjheja ngalo,” kutjho uJehova. “Yeke ngizobathatha ngibabuyisele endaweni le.”’”+
28 Ngomnyaka ofanako, ekuthomeni kokubusa kweKosi yakwaJuda uTsedekhiya,+ ngomnyaka wesine, ngenyanga yesihlanu, umphorofidi uRhananiya indodana ka-Azuri weGibiyoni+ wathi kimi endlini kaJehova phambi kwabo boke abaphristi naphambi kwabo boke abantu: 2 “Ngilokhu uJehova wamabutho, uZimu ka-Israyeli, akutjhoko, ‘Ngizokuphula ijogi lekosi yeBhayibhiloni.+ 3 Phakathi neminyaka emibili ngibuyisela endaweni le zoke izitja zendlu kaJehova lezo iKosi yeBhabhiloni uNebukadinetsari, eyazithatha endaweni le yazisa eBhabhiloni.’”+ 4 “‘Ngizokubuyisela endaweni le uJokoniya+ indodana kaJehoyakhimu,+ ikosi yakwaJuda nabo boke abadingisiweko bakwaJuda ebebasiwe eBhabhiloni,’+ kutjho uJehova ‘ngombana ngizokuphahlaza ijogi lekosi yeBhabhiloni.’”
5 Nje-ke uJoromiya umphorofidi wakhuluma noRhananiya umphorofidi phambi kwabaphristi nabo boke abantu ebebajame endlini kaJehova. 6 uJoromiya umphorofidi wathi: “Amen!* Kwanga uJehova angakwenza lokhu! Kwanga uJehova angazalisa amezwakhe ophorofide ngawo ngokubuyisa endaweni le izitja zendlu kaJehova nabo boke abantu abadingisiweko eBhabhiloni. 7 Nanyana kunjalo, ngibawa uzwe umlayezo engiwukhuluma kuwe nakibo boke abantu. 8 Kusukela kade abaphorofidi abaphorofida ngaphambi kwami nangaphambi kwenu bebajayele ukuphorofida malungana neenarha ezinengi nemibuso emikhulu, ngepi, ngehlekelele nesibetho.* 9 Nangabe umphorofidi uphorofida ngokuthula bese amezwi womphorofidi loyo enzeke, kuzokwaziwa bona kwamambala nguJehova othumele umphorofidi loyo.”
10 Yeke uRhananiya wasusa ijogi lesimbi entanyeni yomphorofidi uJoromiya, waliphula.+ 11 Nje-ke uRhananiya watjho lokhu phambi kwabo boke abantu: “Ngilokhu uJehova akutjhoko, ‘Ngokufanako ngizokuphula ijogi leKosi uNebukadinetsari yeBhabhiloni ngilisuse eentanyeni zazo zoke iintjhaba phakathi neminyaka emibili.’”+ Ngemva kwalokho, uJoromiya umphorofidi waraga nekhambo lakhe.
12 Ngemva kokuthi uRhananiya umphorofidi aphule ijogi entanyeni kaJoromiya umphorofidi, umlayezo lo kaJehova wafika kuJoromiya wathi: 13 “Khamba begodu uthi kuRhananiya, ‘Nakhu uJehova akutjhoko: “Uphule amajogi wesigodo+ kodwana esikhundleni sawo uzokwenza amajogi wesimbi.” 14 Ngombana nakhu uJehova wamabutho, uZimu ka-Israyeli akutjhoko: “Ngizokufaka iJogi lesimbi entanyeni yazo zoke iintjhabezi, eKosini uNebukadinetsari yeBhabhiloni begodu kufuze bamlotjhe.+ Ngitjho neembandana ngizozinikela kuye.”’”+
15 Nje-ke uJoromiya umphorofidi wathi kuRhananiya+ umphorofidi: “Ngibawa ulalele Rhananiya! UJehova akhenge akuthumele kodwana wena ubangele abantwaba bona bathembe amala.+ 16 Nje-ke nakhu uJehova akutjhoko, ‘Qala! Ngizokubangela bona ufe. Uzokuhlongakala ngomnyaka lo ngombana ukhuthaze abantu bona bahlubuke kuJehova.’”+
17 Nje-ke uRhananiya umphorofidi wahlongakala ngomnyaka loyo, ngenyanga yekhomba.
29 Naka amezwi wencwadi kaJoromiya umphorofidi ayithumela aseJerusalema kibo boke abadala abahlangana nabantu abasekudingisweni, ebaphristini, ebaphorofidini nakibo boke abantu uNebukadinetsari abathatha eJerusalema wabadingisela eBhabhiloni, 2 ngemva kobana iKosi uJokoniya,+ unina leKosi,+ iinkhulu zesigodlo, amakhosana wakwaJuda neweJerusalema, iinsebenzi zobukghwari neensebenzi zesimbi* sele zikhambile eJerusalema.+ 3 Wathumela incwadi ngesandla saka-Elasa indodana kaTjhafani+ noGemariya indodana kaRhilikhiya, labo uTsedekhiya+ iKosi yakwaJuda eyabathumela eBhabhiloni, eKosini yeBhabhiloni uNebukadinetsari. Ithi:
4 “Ngilokhu uJehova wamabutho uZimu ka-Israyeli akutjhoko kibo boke abantu abasekudingisweni, engabasa ekudingisweni basuka eJerusalema baya eBhabhiloni, 5 ‘Yakhani izindlu nihlale kizo. Tjalani amasimu nidle iinthelo zawo. 6 Thathani abafazi nibe namadodana namadodakazi; nithathele amadodanenu abafazi, nitjhadise namadodakazenu. Bona nawo abe namadodana namadodakazi nibe banengi lapho, ningaphunguki. 7 Funani ukuthula kwedorobho enginidingisele kilo, nilithandazele kuJehova ngombana nalinokuthula nani nizokuba nokuthula.+ 8 Ngilokhu uJehova wamabutho, uZimu ka-Israyeli akutjhoko: “Ningavumeli abaphorofidi benu nabathukuli benu abahlangana nani banikhohlise,+ ningalaleli amabhudango abawabhudangako. 9 Ngombana baphorofida amala egameni lami. Akhenge ngibathume kini,’+ kutjho uJehova.”’”
10 “Ngombana ngilokhu uJehova akutjhoko, ‘Nasele kuzaliseke iminyaka ema-70 eBhabhiloni, ngizonitjheja+ begodu ngizokwenza enginithembise khona ngokunibuyisela endaweni le.’+
11 “‘Ngombana ngiyazi kuhle imicabango enginayo ngani,’ kutjho uJehova, ‘micabango yokuthula, ingasi yehlekelele,+ bona ngininikele ingomuso nethemba.+ 12 Nizongibiza, nize kimi nithandaze kimi begodu ngizonilalela.’+
13 “‘Nizongifuna begodu nizongithola+ ngombana nizongifuna ngeenhliziyo zenu zoke.+ 14 Ngizozenza ngifumaneke,’+ kutjho uJehova. ‘Begodu ngizokubuthelela abathunjiweko benu nginihlanganise ndawonye, nginikhuphe kizo zoke iintjhaba neendawo ebenirhatjhekele kizo,’+ kutjho uJehova. ‘Ngizonikhupha endaweni ebengibangele bona nidingiselwe kiyo.’+
15 “Kodwana nina nithe, ‘UJehova usilethele abaphorifidi eBhabhiloni.’
16 “Ngilokhu uJehova akutjhoko ekosini ehlezi esihlalweni sobukhosi sakaDavida+ nakibo boke abantu abahlala edorobheneli, abafowenu abangakhenge bakhambe nani ekudingisweni, 17 Ngilokho uJehova wamabutho akutjhoko: “Ngithumela isabula, indlala nesibetho,*+ ngokujamelene nabo begodu ngizobenza babe njengamafeyi abolileko angekhe adliwa.”’+
18 “‘Ngizobagijimisa ngesabula,+ ngendlala nangesibetho,* ngizobenza into ethusako kiyo yoke imibuso yephasi,+ ngibaqalekise begodu ngibenze into yokumangalelwa, into ebetjhelwa umlozi,+ into ehlazisako kizo zoke iintjhaba engibarhatjhele kizo+ 19 ngombana akhenge balalele amezwami engiwathumele ngeenceku zami abaphorofidi,’ kutjho uJehova, ‘ngibathumele kanengi.’+
“‘Kodwana akhenge balalele,’+ kutjho uJehova.
20 “Nje-ke, lalelani ilizwi lakaJehova, noke nina bantu ebebadingisiwe, enginisuse eJerusalema nganisa eBhabhiloni. 21 Nakhu uJehova wamabutho, uZimu ka-Israyeli akutjhoko malungana no-Arhabi indodana kaKholaya namalungana noTsedekhiya indodana kaMaseya abaphorofida amala kini ngegama lami,+ ‘Nje-ke ngibanikela esandleni seKosi yeBhabhiloni uNebukadinetsari* begodu uzobabulalela phambi kwamehlwenu. 22 Okwenzeke kibo kuzokuba siqalekiso boke abadingisiweko bakwaJuda abaseBhabhiloni abakhuluma ngaso bathi: “Kwanga uJehova angenza kuwe ngendlela enze ngayo kuTsedekhiya no-Arhabi labo ikosi yeBhabhiloni eyabatjhisa emlilweni!” 23 Ngombana baziphathe ngokuhlazisako kwa-Israyeli,+ bafebe nabafazi babomakhelwana babo begodu bakhuluma amezwi amamala egameni lami engingakhenge ngibayale ngawo.+
“‘“Ngimi owaziko begodu ngingufakazi,”+ kutjho uJehova.’”
24 “Kufuze uthi kuTjhemaya+ weNerhelamu, 25 ‘Nakhu uJehova wamabutho, uZimu ka-Israyeli akutjhoko: “Ngombana uthumele iincwadi ngegama lakho kibo boke abantu abaseJerusalema, kuZefaniya+ indodana kaMaseya, umphristi, nakibo boke abaphristi wathi, 26 ‘UJehova ukwenze umphristi esikhundleni sakaJehoyada umphristi bona ube mtlhogomeli wendlu kaJehova, ulawule nanyana ngubani ohlanyako ozenza umphorofidi, umfake esitokisini;+ 27 kubayini-ke ungakhenge ukhalime uJoromiya we-Anatothi,+ oziphatha njengomphorofidi kuwe?+ 28 Ngombana usithumele nencwadi siseBhabhiloni wathi: “Nizokuhlala isikhathi eside! Yakhani izindlu, nihlale kizo. Tjalani amasimu, nidle iinthelo zawo . . .”’”’”+
29 Lokha uZefaniya+ umphristi nakafunda incwadi le phambi kwakaJoromiya umphorofidi, 30 ilizwi lakaJehova lafika kuJoromiya lathi: 31 “Thumela kibo boke abantu abadingisiweko uthi, ‘Nakhu uJehova akutjhoko malungana noTjhemaya weNerhelamu uthi: “Ngombana uTjhemaya uphorofide kini ngitjho nanyana ngingakamthumeli, walinga nokunenza nithembele amala,+ 32 nje-ke nakhu uJehova akutjhoko, ‘Qalani ngijezisa uTjhemaya weNerhelamu neenzukulwana zakhe. Akakho namunye wabantwaba ozokusinda, begodu angekhe akubone okuhle engikwenzele abantu bami,’ kutjho uJehova, ‘ngombana ukhuthaze ukuhlubuka kuJehova.’”’”
30 Ilizwi elafika kuJoromiya livela kuJehova, lithi: 2 “Nakhu uJehova uZimu ka-Israyeli akutjhoko, ‘Tlola encwadini woke amezwi engikutjela wona. 3 Ngombana “qala! Amalanga ayeza,” kutjho uJehova, “lapho ngizokubuthelela abantu bami abathunjiweko, u-Israyeli noJuda,”+ kutjho uJehova, “ngizobabuyisela enarheni engayinikela abokhokho babo, bazokuhlala kiyo godu.”’”+
4 La mamezwi uJehova awakhulume ku-Israyeli noJuda.
5 Nakhu uJehova akutjhoko:
“Sizwe amatjhada wokuhlengezela;
Kunokusaba, begodu akunakuthula.
6 Ngibawa ubuze, kghani indoda ingabeletha.
Kubayini ngibona enye nenye indoda enamandla ibeke izandla zayo emathunjini
Njengomma obelethako?+
Kubayini boke ubuso babo butshetlha?
7 Maye! Ngelangelo elisabekako.*+
Alikho elifana nalo,
Kuzokuba sikhathi sokugandeleleka kuJakopo.
Kodwana uzokusindiswa kilo.”
8 “Ngelangelo,” kutjho uJehova wamabutho, “Ngizokuphula ijogi entanyenakho begodu iinrobho zakho ngizozihlukanisa phakathi; abantu abavela kwezinye iinarha angeze basamenza isigqila.* 9 Bazokulotjha uJehova uZimabo neKosabo uDavida, engizobaphakamisela yena.”+
10 “Wena, Jakopo ncekwami, ungasabi,” kutjho uJehova,
“Ungathukwa, Israyeli.+
Ngombana ngizokusindisa ukude
Nesizukulwana sakho esivela enarheni esithunjelwe kiyo.+
UJakopo uzokubuya abe nokuthula begodu angathikaziseki,
Kungabi nomuntu obathusako.”+
11 “Ngombana nginawe,” kutjho uJehova, “bona ngikusindise.
Ngizokukhalima ngesilinganiso esifaneleko,
Begodu ngizokujezisa.”+
12 Ngombana nakhu uJehova akutjhoko:
“Ukulimala kwakho angekhe kulapheke.+
Inceba lakho angekhe liphole.
13 Ayikho indlela yokulungisa indabakho,
Ayikho nendlela yokulapha isilonda sakho.
Awulapheki.
14 Zoke iinthandwa zakho zikukhohliwe.+
Azisakufuni.
Ngombana ngikubethe ngendlela inaba lakho ebelizokubetha ngayo,+
Ngesijeziso somuntu onelunya,
Ngebanga lomlandwakho omkhulu nezono zakho ezinengi.+
15 Kubayini ulila ngebanga lokulimala kwakho?
Ubuhlungu bakho abulapheki!
Ngebanga lomlandwakho omkhulu nezono zakho ezinengi+
Ngenze lokhu kuwe.
Labo abakudlelezelako bazokudlelezelwa,
Begodu ngizokunikela boke abakudlelezelako ekudlelezelweni.”+
17 “Kodwana ngizokuvuselela ipilwakho begodu ngilaphe amancebakho,”+ kutjho uJehova,
“Nanyana bakubiza ngokuthi ungolahliweko:
‘IZiyoni, elingafunwa mumuntu.’”+
18 Nakhu uJehova akutjhoko:
“Ngibuthelela abathunjiweko ematendeni kaJakopo,+
Ngizokuba nesirhawu emathaberinakelinakhe.
Idorobho lizokwakhiwa godu entabenakhe,+
Begodu imibhotjhongo evikelekileko izokujama endaweni efaneleko.
19 Bazokuthokoza bebarhuwelele ngethabo.+
20 Amadodanakhe azokuba njengewekadeni,
Begodu bazokuba namandla phambi kwami.+
Ngizokujezisa boke ababagandelelako.+
21 Ebantwini bakhe kuzokuvela umdosiphambili,
Begodu umbusi uzokuphuma hlangana naye.
Ngizombiza bona atjhidele kimi, begodu uzokuza.”
“Nakungasinjalo, ngubani ongalinga ukutjhidela kimi?” kutjho uJehova.
22 “Nizokuba babantu bami+ begodu mina ngizokuba nguZimenu.”+
23 Qalani! Isiwuruwuru sakaJehova sizokuvunguza ngelaka,+
Isiwuruwuru esithanyelako, esivunguza phezu kweenhloko zabakhohlakeleko.
24 Ilaka lakaJehova elivuthako angekhe libuyele emva
Bekube kulapho enze begodu wazalisa iinhloso zehliziywakhe.+
Emihleni yokuphela uzokuzwisisa lokho.+
31 “Ngesikhatheso,” kutjho uJehova, “Ngizokuba nguZimu wayo yoke imindeni yakwa-Israyeli, yona izokuba babantu bami.”+
2 Nakhu uJehova akutjhoko:
“Abantu abasinde esabuleni bafumane umusa emmangweni
Lokha u-Israyeli nakaya endawenakhe yokuphumula.”
3 UJehova ubonakale kimi akude begodu wathi:
“Ngikuthande ngethando elingapheliko.
Kungebangelo ngikutjhideze kimi ngethando elithembekileko.+
4 Nanyana kunjalo ngizokwakha kabutjha godu begodu uzokwakheka kabutjha.+
Maye! Ntombi yakwa-Israyeli, uzokubuya uthathe abosotjherere bakho
Begodu ukhambe ujide uthabe.+
5 Uzokubuya utjale amasimu wamadiribe eentabeni zeSamariya;+
Abatjali bazokutjala, badle iinthelo zabo.+
6 Ngombana ilanga liyeza lapho abalindi abaseentabeni zakwa-Efrayimu bazokurhuwelela khona bathi:
‘Sikimani, asikhuphukeleni eZiyoni, kuJehova uZimethu.’”+
7 Ngombana nakhu uJehova akutjhoko:
“Bizani uJakopo ngethabo.
Rhuwelelani ngethabo ngombana nibadosiphambili hlangana neentjhaba.+
Memezelani; dumisani nithi,
‘Maye! Jehova, sindisa abantu bakho, abaseleko bakwa-Israyeli.’+
8 Ngizobabuyisa bavela enarheni yetlhagwini.+
Ngizobabuthelela ndawonye bavela eengcenyeni ezikude zephasi.+
Hlangana nabo kuzokuba nabaphopheleko nabarholopheleko,+
Umma osidisi naloyo obelethako, boke ndawonye.
Bazokubuyela lapho njengebandla elikhulu.+
9 Bazokuza balila.+
Ngizobanqophisa nababawa isizo.
Ngizobanqophisela emilanjaneni yamanzi,+
Endleleni elelezekileko angekhe bakhubeke.
Ngombana nginguBaba ku-Israyeli, u-Efrayimu lizibulo lami.”+
10 Yizwani ilizwi lakaJehova nina ntjhaba,
Begodu limemezeleni hlangana neenhlengele ezikude,+ nithi:
“Loyo ohlakaze u-Israyeli uzombuthelela ndawonye.
Uzomtlhogomela njengomalusi otlhogomela izimvu zakhe.+
12 Bazokuza, barhuwelele ngethabo endaweni ephakemeko yeZiyoni+
Bazokuphazimula ngebanga lobuhle bakaJehova,
Ngebanga lethoro, lewayini elitjha+ namafutha,
Nangebanga lomhlambi wezimvu neenkomo.+
13 “Ngesikhatheso intombi izokujida ngethabo,
Amasokana namadoda amadala bazokujida ndawonye.+
Ngizokutjhugulula isililo sabo sibe lithabo.+
Ngizobaduduza ngibanikele ithabo esikhundleni sesizi labo.+
14 Ngizokwanelisa abaphristi ngokunengi,
Nabantu bami bazokwaneliseka ngobuhle bami,”+ kutjho uJehova.
15 “Nakhu uJehova akutjhoko:
‘Kuzwakala ilizwi eRama,+ isililo nokurhahlawula kabuhlungu:
URarheli ulilela amadodanakhe.*+
Ubhale ukududuzeka ngebanga lamadodanakhe,
Ngombana awasekho.’”+
16 Nakhu uJehova akutjhoko:
“‘Ungalili begodu ungakhuphi iinyembezi
Ngombana kunomvuzo ngebanga lesenzo sakho,’ kutjho uJehova.
‘Bazokubuya bavela enarheni yenaba.’+
17 ‘Ngombana kunethemba ngengomuso lakho,’+ kutjho uJehova.
‘Amadodanakho azokubuyela esifundeni sawo.’”+
18 “Kwamambala ngisizwile isililo saka-Efrayimu, athi,
‘Ungilungisile, ngalungiseka,
Njengekonyana elingakabandulwa.
Ngibuyisa begodu ngizokubuya,
Ngombana wena Jehova unguZimami.
19 Ngombana ngemva kokobana ngibuyile, ngazisola;+
Ngemva kokobana ngenziwe bona ngizwisise, ngabetha inyongami ngesizi.
Ngiphathwe ziinhloni begodu ngahlaziseka,+
Ngebanga lezenzo engazenza ebutjheni bami.’”
20 “Kghani u-Efrayimu akasiyindodana eligugu kimi, umntwana othandekako?+
Nanyana ngikhuluma kanengi ngokujamelene naye, ngisamkhumbula.
Kungebangelo ngimzwela.+
Begodu ngizomrhawukela,” kutjho uJehova.+
21 “Zibekele amatshwayo wendlela,
Nemihlahlandlela.+
Tjhejisisa indlela ekulu, indlela okufuze ukhambe ngayo.+
Buya ntombi yakwa-Israyeli, ubuyele emadorobhenakho la.
22 Uzokuzaza bekube kunini, ntombi engakathembeki?
Ngombana uJehova ubumbe into etja ephasini:
Umfazi uzokufuna indoda.”
23 Nakhu uJehova wamabutho, uZimu ka-Israyeli akutjhoko: “Bazokubuyelela amezwi la enarheni yakwaJuda nemadorobhenayo lokha nangibuyisa abathunjiweko babo, bathi: ‘Kwanga uJehova angakubusisa, wena ndawo yokuhlala elungileko,+ ntaba ecwengileko.’+ 24 Kiyo uJuda nawo woke amadorobhakhe bazokuhlala ndawonye, abalimi nalabo abalusa imihlambi.+ 25 Ngombana ngizokwanelisa obogabogako begodu woke umuntu ophelelwe mamandla ngizomqinisa.”+
26 Nangizwa lokhu ngavuka begodu ngavula amehlwami, bengilele kamnandi.
27 “Qala! Amalanga ayeza,” kutjho uJehova, “ngizokwandisa indlu yakwa-Israyeli nendlu yakwaJuda bengandise nefuywabo.”+
28 “Njengombana ngibaqalile baruthula, badosela phasi, badabula, batjhabalalisa begodu balimaza,+ ngizobaqala bona bakhe bebatjale,”+ kutjho uJehova. 29 “Emalangeni lawo angekhe basathi, ‘Abobaba badle amadiribe ababako kodwana madodanabo ababelwako.’+ 30 Kodwana omunye nomunye uzokufela umtjhaphwakhe. Nanyana ngubani odla amadiribe ababako, mazinywakhe azokubabelwa.”
31 “Qala! Amalanga ayeza,” kutjho uJehova, “lapho ngizokwenza khona isivumelwano esitjha+ nendlu ka-Israyeli nendlu kaJuda. 32 Angekhe kube sivumelwano esinjengaleso engasenza nabokhokho babo ngelanga engabamba ngalo isandla sabo bona ngibakhuphe enarheni yeGibhide,+ ‘isivumelwano sami abasiphulako,+ ngitjho nanyana bengiyikosabo yeqiniso,’ kutjho uJehova.”
33 “Ngombana lesi sivumelwano engizosenza nendlu ka-Israyeli ngemva kwamalanga lawo,” kutjho uJehova. “Ngizokufaka umthethwami hlangana nabo+ begodu ngizowutlola eenhliziyweni zabo.+ Ngizokuba nguZimabo, bazokuba babantu bami.”+
34 “Akakho kibo ozokuthi kumakhelwanakhe nakumfowabo: ‘Kufuze wazi uJehova!’+ Ngombana boke bazongazi, kusukela komncani kuya komkhulu kibo,”+ kutjho uJehova. “Ngombana ngizobalibalela umtjhaphwabo begodu angekhe ngisakhumbula isono sabo.”+
35 Nakhu uJehova akutjhoko,
Owenza ilanga bona likhanyise emini,
Imithetho yenyanga neenkwekwezi bona zikhanyise ebusuku,
Ohlangahlanganisa ilwandle begodu owenza amagagasalo abe namandla,
Igama lakhe nguJehova wamabutho:+
36 “‘Njengombana iinqophiswezi zihlala ziphumelela,’ kutjho uJehova,
‘Isizukulwana saka-Israyeli sizokuhlala sisitjhaba.’”+
37 Nakhu uJehova akutjhoko: “‘Njengombana kungekhe kwenzeka bona izulu lilinganiswe nesisekelo sephasi singekhe sihlolwe, angekhe ngiyilahle ngokupheleleko indlu ka-Israyeli naphezu kwakho koke abakwenzileko,’ kutjho uJehova.”+
38 “Qala! Amalanga ayeza,” kutjho uJehova, “lapho kuzokwakhelwa khona uJehova idorobho+ kusukela eMbhotjhongweni kaRhananiyeli+ ukuya eKhoneni leSango.+ 39 Intambo yokulinganisa+ izokuphuma itjhinge embundwini weGorebi begodu izokujikela eGowa. 40 Yoke imirhoba yeendumbu, yemilotha* nawo woke amasimu afikela emRhobeni iKidroni,+ izokufikela ekhoneni leSango leNjomani+ ngepumalanga, izokuba yinto ecwengileko kuJehova.+ Angekhe isaruthulwa namkha igirizwe.”
32 Ilizwi elafika kuJoromiya livela kuJehova ngomnyaka we-10 weKosi yakwaJuda uTsedekhiya, okutjho, umnyaka we-18 kaNebukadinetsari.*+ 2 Ngesikhatheso amabutho wekosi yeBhabhiloni bewavimbezele iJerusalema, begodu uJoromiya umphorofidi bekavaleleke esiRhodlweni sakaNogada+ endlini yekosi* yakwaJuda. 3 Ngombana iKosi yakwaJuda uTsedekhiya beyimvalele,+ ithi, “Kubayini uphorofida ngendlela le? Uthi, ‘Ngilokhu uJehova akutjhoko: “Ngizokunikela idorobheli esandleni sekosi yeBhabhiloni begodu izolithumba,+ 4 neKosi uTsedekhiya yakwaJuda angekhe iphunyurhe kumaKhaledi,* nakanjani izokunikelwa esandleni sekosi yeBhabhiloni, begodu izokukhuluma nayo ubuso nobuso, baqalene.”’+ 5 ‘Uzokusa uTsedekhiya eBhabhiloni, uzokuhlala lapho bekube kulapho ngimtjheja khona,’ kutjho uJehova. ‘Ngitjho nanyana ningasolo nilwa namaKhaledi,* angekhe niphumelele.’”+
6 UJoromiya wathi: “Ilizwi lakaJehova lifike kimi, lathi, 7 ‘URhanameli indodana kaTjhalumu usorhulwakho* uzokuza kuwe athi: “Zithengele isimu e-Anatothi,+ nguwe wokuthoma onelungelo lokuyithenga.”’”+
8 URhanameli indodana kasorhulu weza kimi, njengombana uJehova atjhilo, esiRhodlweni saboNogada, wathi kimi: “Ngibawa uthenge isimami ese-Anatothi, enarheni yakwaBhenjamini, ngombana unelungelo lokuhlala khona begodu uzithengele yona. Zithengele yona.” Ngesikhatheso ngabona ukuthi bekulilizwi lakaJehova.
9 Yeke ngathenga isimu e-Anatothi kuRhanameli umzawami. Ngamkalela imali+ ematjhekeli* alikhomba neempaparwana zesiliva ezilitjhumi. 10 Yeke ngatlola encwadini yesivumelwano,+ ngafaka itshwayo, ngabiza abofakazi,+ ngakala imali eenkalini. 11 Ngathatha incwadi yesivumelwano sokuthengiselana, ebeyifakwe itshwayo elimalungana neenkambiso neemfuneko ezingokomthetho, naleya ebeyingakafakwa itshwayo, 12 begodu ngathatha incwadi yesivumelwano sokuthengiselana ngayinikela uBharuki+ indodana kaNeriya+ indodana kaMarhaseya phambi kwakaRhanameli indodana kasorhulwami, abofakazi abatlola encwadini yesivumelwano sokuthengiselana nawo woke amaJuda ebekahlezi esiRhodlweni saboNogada.+
13 Nje-ke ngayala uBharuki phambi kwabo ngathi: 14 “Ngilokhu uJehova wamabutho, uZimu ka-Israyeli akutjhoko, ‘Thatha iincwadezi, incwadi yesivumelwano sokuthengiselana ebekwe itshwayo nenye engakabekwa itshwayo, uzifake esitjeni esenziwe ngebumba bona zihlale isikhathi eside.’ 15 Nakhu uJehova wamabutho, uZimu ka-Israyeli akutjhoko, ‘Izindlu, amasimu, wamadiribe azokuthengwa godu enarheni le.’”+
16 Nje-ke ngathandaza kuJehova ngemva kokunikela uBharuki indodana kaNeriya incwadi yesivumelwano sokuthengiselana, ngathi: 17 Maye! Kosi ePhakemeko Jehova, qala! Wenze izulu nephasi ngamandlakho amakhulu+ nangesandla sakho esivulekileko. Ayikho into ebudisi kuwe, 18 wena onethando elithembekileko eenkulungwaneni, kodwana ojezisa amadodana ngebanga lemitjhapho yabobaba,+ uZimu weqiniso, omkhulu nonamandla, igama lakhe nguJehova wamabutho. 19 Ukhamba phambili ngeseluleko begodu mikhulu imisebenzakho,+ wena amehlwakho abona zoke iindlela zabantu,+ bona uvuze ngamunye ngokweendlela zakhe nangokwalokho akwenzako.+ 20 Wenze amatshwayo neemangaliso enarheni yeGibhide, aziwa bekube kunamhlanjesi, wazenzela igama kwa-Israyeli nahlangana nabantu+ njengombana kunjalo namhlanjesi. 21 Wakhupha nabantu bakho u-Israyeli enarheni yeGibhide, ngamatshwayo, ngeemangaliso, ngesandla sakho esinamandla, ngomkhonwakho olulekileko nangezenzo zakho ezithusako.+
22 “Ngokukhamba kwesikhathi wabanikela inarha le ofunge ukuyinikela abokhokho babo,+ okuyinarha egeleza ibisi neliju.+ 23 Bangena bathatha indawo leyo, kodwana akhenge balalele ilizwi lakho namkha bakhambe ngomthethwakho. Akhenge balalele litho obayale ngayo, yeke wabangela bona behlelwe yihlekelele le.+ 24 Qala! Bakhe iindunduma zokuvimbezela bona bathumbe idorobho,+ ngebanga lesabula,+ indlala, nesibetho,*+ nakanjani idorobheli lizokuwela ezandleni zamaKhaledi* alwa ngokujamelene nalo; zoke izinto okhulume ngazo zenzekile njengombana ubona. 25 Maye! Kosi ePhakemeko Jehova uthe kimi, ‘Zithengele isimu ngemali, ubize abofakazi,’ ngitjho nanyana idorobheli lizokunikelwa esandleni samaKhaledi* nakanjani.”
26 Khonokho ilizwi lakaJehova lafika kuJoromiya, lathi: 27 “NginguJehova, uZimu wabo boke abantu. Ikhona na into engangibhalela? 28 Ngilokhu uJehova akutjhoko, ‘Nginikela idorobheli kumaKhaledi* nesandleni seKosi uNebukadinetsari* yeBhabhiloni bona ilithumbe.+ 29 Begodu amaKhaledi* alwa ngokujamelene nedorobheli azokuza athungelele idorobheli ngomlilo+ kuhlanganise nezindlu abantu ebebenzela uBhali iminikelo emaphahlenazo begodu bathululela iminikelo yokusela kwabanye abozimu bona bangisilinge.’+
30 “‘Ngombana abantu bakwa-Israyeli nebakwaJuda benze okumbi kwaphela emehlwenami, kusukela ebutjheni kuye phambili;+ abantu bakwa-Israyeli basolo bangisilinga ngemisebenzi yezandla zabo,’ kutjho uJehova. 31 ‘Ngombana kusukela idorobheli lakhiwa bekube kunamhlanjesi, belisolo lingisilinga begodu lingibangela ilaka,+ yeke kufuze lisuswe phambi kwami+ 32 ngebanga lokukhohlakala abantu bakwa-Israyeli abakwenzileko bona bangisilinge, bona, amakhosabo,+ amakhosanabo,+ abaphristi babo, abaphorofidi babo+ nabantu bakwaJuda nezakhamuzi zeJerusalema. 33 Bebasolo bangifulathela bangangiqali;+ ngitjho nanyana ngilinge kanengi ukubafundisa, akekho namunye kibo obekalalela bona afumane iseluleko.+ 34 Begodu babeke iinthombe zabo ezinyenyisako endlini ebizwa ngegama lami, bona bayisilaphaze.+ 35 Ukungezelela kilokho, bakhela uBhali iindawo eziphakemeko emRhobeni weNdodana kaHinomu,*+ bona benze umhlatjelo* kuMoleki+ ngamadodana namadodakazabo, into engingakhenge ngibayale bona bayenze,+ engakhenge nakancani ifike ehliziywenami, bona benze into enyenyisa kangaka, babangela uJuda bona one.’
36 “Nje-ke ngilokhu uJehova uZimu ka-Israyeli akutjhoko malungana nedorobho enithi lizokunikelwa esandleni sekosi yeBhabhiloni ngesabula, ngendlala nangesibetho, 37 ‘Ngizobahlanganisa ndawonye bavela eenarheni engabarhatjhela kizo ngokusilingeka kwami nangelaka elikhulu,+ ngizobabuyisa endaweni le, bahlale bavikelekile.+ 38 Bazokuba babantu bami begodu ngizokuba nguZimabo.+ 39 Ngizobanikela ihliziyo yinye+ nendlela yinye bona bahlale bangisaba begodu kubakhambele kuhle bona nabantwababo abeza ngemva kwabo.+ 40 Ngizokwenza isivumelwano esihlala ngokungapheliko nabo,+ angekhe ngilise ukubenzela okuhle;+ ngizokwenza iinhliziyo zabo zingisabe bona bangangifulatheli.+ 41 Ngizokuthabela ukubenzela okuhle,+ ngizobenza bahlale enarheni le ngokungapheliko,+ ngehliziywami yoke nangomphefumulwami woke.’”*
42 “Ngilokhu uJehova akutjhoko, ‘Njengombana ngilethele abantwaba yoke ihlekelele le, ngokunjalo-ke ngizobalethela boke ubuhle engibathembisa bona.+ 43 Amasimu azokubuya athengwe godu enarheni le,+ ngitjho nanyana nithi: “Imarubhi, ayinabantu neembandana begodu inikelwe kumaKhaledi.*”’
44 “‘Amasimu azokuthengwa ngemali, iincwadi zeemvumelwano zokuthengiselana zizokutlolwa begodu zibekwe amatshwayo, kuzokubizwa abofakazi abavela enarheni yakwaBhenjamini,+ eendaweni ezimagega neJerusalema, emadorobheni wakwaJuda,+ emadorobheni asesifundeni seentaba, esifundeni seTjhefela,+ emadorobheni wesewula, ngombana ngizokubuyisa abathunjiweko babo,’+ kutjho uJehova.”
33 Ilizwi lakaJehova lafika kuJoromiya kwesibili, nakasavaleleke esiRhodlweni sakaNogada,+ lithi: 2 “Nakhu uJehova uMenzi wephasi akutjhoko, uJehova owalenza, walidzimelelisa; nguJehova igama lakhe, 3 ‘Ngibizani, ngizoniphendula, ngizonitjela izinto ezikulu engekhe nakghona ukuzizwisisa begodu nizazi.’”+
4 “Ngombana nakhu uJehova uZimu ka-Israyeli akutjhoko malungana nezindlu zedorobheli nezindlu zamakhosi wakwaJuda ezigiriziweko ngebanga leendunduma zokuvimbezela nesabula,+ 5 malungana nalabo abeza bazokulwa namaKhaledi,* bazalise iindawezi ngeendumbu zalabo engibabuleleko ngokusilingeka kwami nangelaka lami, labo ukukhohlakala kwabo okubangele bona ngifihlele idorobheli ubuso bami: 6 ‘Ngizomenza aphole, abe nepilo,+ ngizomelapha begodu ngimtjengise ukuthula okukhulu neqiniso.+ 7 Ngizokubuyisa abathunjiweko bakwaJuda nebakwa-Israyeli,+ ngizobakha njengombana ngenza ekuthomeni.+ 8 Ngizobahlambulula kiyo yoke imilandu yezono zabo abazenze kimi,+ ngizobalibalela yoke imilandu yezono zabo nemitjhapho abayenze kimi.+ 9 Igama ledorobheli lizongithabisa, lingidumise nobuhle balo phambi kwazo zoke iintjhaba zephasi ezizwa ngabo boke ubuhle engibenzele lona.+ Bazokusaba bebahlengezele+ ngebanga labo boke ubuhle nokuthula engibenzela lona.’”+
10 “Nakhu uJehova akutjhoko: ‘Endaweni le enizokuthi imarubhi, akunamuntu namkha ifuyo, emadorobheni wakwaJuda neendleleni zeJerusalema ezingakhanjiwako, akunamuntu, isakhamuzi namkha ifuyo, lapho kuzokuzwakala godu 11 itjhada lethabo netjhada lokujekezela,+ ilizwi lakamkhwenyana nelizwi lakamakoti nelizwi labathi: “Thokozani uJehova wamabutho, ngombana uJehova muhle;+ ithando lakhe* lihlala ngokungapheliko!”’+
“‘Bazokuletha iminikelo yokuthokoza endlini kaJehova+ ngombana ngizokubuyisa abathunjiweko benarha, njengekuthomeni,’ kutjho uJehova.”
12 “Nakhu uJehova wamabutho akutjhoko: ‘Enarheni le emarubhi, enganabantu namkha ifuyo, nawo woke amadorobhayo, kuzokubuya godu kube nendawo lapho abelusi bazokudlisela khona imihlambabo.’+
13 “‘Emadorobheni wesifunda seentaba, emadorobheni wenarha ethabaleleko, emadorobheni wesewula, enarheni yakwaBhenjamini, eendaweni ezimagega neJerusalema+ nemadorobheni wakwaJuda,+ imihlambi izokudlula godu ngaphasi kwezandla zaloyo oyibalako,’ kutjho uJehova.”
14 “‘Qala! Amalanga ayeza,’ kutjho uJehova, ‘lapho ngizokuphetha isithembiso esihle engisikhulume malungana nendlu ka-Israyeli nendlu kaJuda.+ 15 Emalangeni lawo ngesikhatheso ngizokubangela bona ihlumela*+ elilungileko lakaDavida lihlume, begodu lizokusekela ubulungiswa nokulunga enarheni.+ 16 Emalangeni lawo uJuda uzokusindiswa+ iJerusalema lizokuhlala ngokuvikeleka.+ Lizokubizwa ngokuthi: UJehova Ukulunga Kwethu.’”+
17 “Ngombana nakhu uJehova akutjhoko: ‘Kuzokuhlala kunesizukulwana sakaDavida esizokuhlala esihlalweni sobukhosi sendlu ka-Israyeli,+ 18 abaphristi abamaLevi bazokuhlala bakhona bona bajame phambi kwami balethe iminikelo epheleleko yokutjhiswa, bona batjhise iminikelo yeenthoro begodu banikele imihlatjelo.’”
19 Ilizwi lakaJehova lafika godu kuJoromiya lithi: 20 “Nakhu uJehova akutjhoko, ‘Nange ungaphula isivumelwano sami malungana nemini nesivumelwano sami malungana nobusuku, ukuvimbela imini nobusuku bona zingafiki ngesikhathi esifaneleko,+ 21 kulapho kwaphela isivumelwano sami nencekwami uDavida singaphulwa khona,+ bona angabi nendodana ezokubusa njengekosi esihlalweni sakhe sobukhosi,+ kuzokwenzeka okufanako ngesivumelwano sami namaLevi abaphristi, iinceku zami.+ 22 Njengebutho lezulwini elingabaleki nehlabathi yelwandle engekhe yalinganiswa, nje-ke ngizokwandisa iinzukulwana zencekwami uDavida namaLevi angisebenzelako.’”
23 Ilizwi lakaJehova lafika godu kuJoromiya lithi: 24 “Akhenge utjheje na bona abantwaba bathi, ‘UJehova uzokulahla imindeni emibili ayikhethileko’? Ababahloniphi abantu bami, begodu abasabaqali njengesitjhaba.
25 “Nakhu uJehova akutjhoko: ‘Njengombana ngidzimelelise isivumelwano sami malungana nelanga nobusuku,+ imithetho yezulu nephasi,+ 26 nje-ke angekhe ngisilahle isizukulwana sakaJakopo nesencekwami uDavida, bona ngingasusi isizukulwana sababusi ababusa phezu kweenzukulwana zaka-Abrahama, u-Isaka noJakopo. Ngombana ngizokubuthelela ngibuyise abathunjiweko babo+ begodu ngibarhawukele.’”+
34 Ilizwi elafika kuJoromiya livela kuJehova, lokha iKosi yeBhabhiloni uNebukadinetsari* nawo woke amabuthwakhe nemibuso yephasini yoke engaphasi kokubusa kwakhe nabo boke abantu ebebalwa ngokujamelene neJerusalema nawo woke amadorobhalo:+
2 “Nakhu uJehova uZimu ka-Israyeli akutjhoko, ‘Khamba ukhulume noTsedekhiya+ iKosi yakwaJuda uyitjele ukuthi: “Nakhu uJehova akutjhoko, ‘Nginikela idorobheli esandleni sekosi yeBhabhiloni begodu izolitjhisa ngomlilo.+ 3 Angekhe uphunyurhe esandleni sakhe, ngombana uzokubanjwa nakanjani begodu uzokunikelwa kiyo.+ Uzokubona ikosi yeBhabhiloni ngamehlwakho, uzokukhuluma nayo ubuso nobuso begodu uzokuya eBhabhiloni.’+ 4 Nanyana kunjalo, lalela ilizwi lakaJehova, Wena Kosi Tsedekhiya Kosi yakwaJuda, ‘Nakhu uJehova akutjhoko malungana nawe: “Angekhe ubulawe yisabula. 5 Uzokufa ngokuthula+ begodu bazokwenzela umnyanya wokutjhiswa njengombana benzela aboyihlo namakhosi abusa ngaphambi kwakho, bazokulilela bathi, ‘Maye! Kosi,’ ngombana, ‘Ngikhulume ilizwi,’ kutjho uJehova.”’”’”
6 Nje-ke umphorofidi uJoromiya wakhuluma woke amezwi la eKosini yakwaJuda uTsedekhiya eJerusalema, 7 lokha amabutho wekosi yeBhabhiloni nakalwa neJerusalema nawo woke amadorobho wakwaJuda aseleko,+ iLakhitjhi,+ i-Azekha;+ ngombana bekungiwo kwaphela amadorobho aseleko avikelekileko emadorobheni wakwaJuda.
8 Ilizwi elafika kuJoromiya livela kuJehova ngemva kokuthi iKosi uTsedekhiya yenze isivumelwano nabo boke abantu eJerusalema bona amemezele itjhaphuluko kibo,+ 9 bona woke umuntu atjhaphulule iingqila zakhe zamaHebheru, zembaji nezengubo bona kungabi nomuntu owenza umJuda wekhabo isigqila. 10 Nje-ke woke amakhosana nabo boke abantu balalela. Benza isivumelwano sokuthi bazokutjhaphulula iingqila zabo zembaji nezengubo zingasaba ziingqila begodu bangasazenza iingqila. Balalela, bazilisa zakhamba. 11 Nanyana kunjalo, ngokukhamba kwesikhathi bazibuyisa iingqila zembaji nezengubo ebebazitjhaphululile, bazikatelela bona zibe ziingqila godu. 12 Yeke ilizwi lakaJehova lafika kuJoromiya livela kuJehova, lithi:
13 “Nakhu uJehova uZimu ka-Israyeli akutjhoko, ‘Ngenza isivumelwano nabokhokho bakho+ ngelanga enganikhupha ngalo enarheni yeGibhide, endlini yobugqila,+ ngathi: 14 “Ekupheleni kweminyaka elikhomba, ngamunye wenu kufuze atjhaphulule umfowabo omHebheru owathengiselwa yena bona akusebenzele iminyaka esithandathu; kufuze umtjhaphulule.”+ Kodwana abokhokho benu akhenge balalele namkha bangizwe. 15 Mva nje* nina ngokwenu nitjhugulukile nenza okulungileko emehlwenami ngokubikezela itjhaphuluko ebantwini bekhenu, nenza isivumelwano phambi kwami nendlini enegama lami. 16 Kodwana ningifulathele, nasilaphaza igama lami+ ngokubuyisa iingqila zenu zembaji nezengubo enizitjhaphululileko malungana neemfiso zazo, nazikatelela bona zibuyele ebugqilini.’
17 “Nje-ke nakhu uJehova akutjhoko: ‘Akhenge ungilalele ekumemezeleni itjhaphuluko, ngamunye kumfowabo nakumnganakhe.+ Nje-ke ngizokumemezela itjhaphuluko kuwe,’ kutjho uJehova, ‘ngesabula, ngesibetho,* nangendlala+ begodu ngizokwenza into ethusako kiyo yoke imibuso yephasi.+ 18 Ngilokho okuzokwenzeka ebantwini abaphule isivumelwano sami ngokungenzi amezwi wesivumelwano abasenze phambi kwami lokha nabahlahlela ikonyana bayihlukanise kabili, badlule phakathi kwayo,+ 19 amakhosana wakwaJuda, amakhosana weJerusalema, iinkhulu zesigodlo, abaphristi, nabo boke abantu benarha abadlule ngaphakathi kwekonyana ehlukaniswe kabili: 20 Ngizobanikela emanabenabo nakilabo abafuna ukubabulala, iindumbu zabo zizokuba kukudla eenyonini zezulu neembandaneni zephasini.+ 21 Ngizokunikela iKosi yakwaJuda uTsedekhiya namakhosanayo esandleni samanababo, esandleni salabo abafuna ukubabulala nesandleni samabutho wekosi yeBhabhiloni,+ abalisako ukunivimbezela.’+
22 “‘Ngizokukhupha umyalo,’ kutjho uJehova, ‘ngizobabuyisela edorobheneli, bazokulwa ngokujamelene nalo bazolithumba balitjhise ngomlilo;+ namadorobho wakwaJuda ngizowenza amarubhi, kungabi nezakhamuzi.’”+
35 Ilizwi lakaJehova lafika kuJoromiya emalangeni kaJehoyakhimu+ indodana kaJosiya ikosi yakwaJuda, lithi: 2 “Tjhinga endlini yamaRekabi+ ukhulume nawo uwalethe endlini kaJehova, eenkumbeni zokudlela; uwanikele iwayini bona asele.”
3 Yeke ngathatha uJazaniya indodana kaJoromiya indodana kaRhabatsiniya, abafowabo, woke amadodanakhe nayo yoke indlu yamaRekabi 4 ngabasa endlini kaJehova. Ngabangenisa ngekumbeni yokudlela yamadodana kaRhanani indodana kaYigidaliya umuntu kaZimu weqiniso, ehlanu kwendawo yokudlela yamakhosana ebeyingaphezu kwendawo yokudlela kaMaseya indodana kaTjhalumu umlindisango. 5 Yeke ngabeka iinkapho neenkapho ezinganambambo ezizele iwayini phambi kwabantu bendlu yamaRekabi, ngathi kibo: “Selani iwayini.”
6 Kodwana bathi: “Angekhe sisele iwayini ngombana uJonadaba+ indodana kaRekabi ukhokhwethu usinikele umyalo othi, ‘Nina namadodanenu akukafuzi nisele iwayini. 7 Begodu akukafuzi nakhe indlu, nitjale imbewu, nilime namkha nibe nesimu yamadiribe. Kunalokho, kufuze nihlale ematendeni ngaso soke isikhathi, bona nihlale isikhathi eside enarheni enihlala kiyo njengabantu abavela kwenye inarha.’ 8 Yeke saragela phambili silalela ilizwi lakaJonadaba indodana kakhokhwethu uRekabi kikho koke asiyala ngakho, ngokuthi singaseli iwayini, thina, abomkethu, amadodanethu namadodakazethu. 9 Asakhi izindlu bona sihlale kizo, asinamasimu wamadiribe namkha amasimu namkha imbewu. 10 Besisolo sihlala ematendeni begodu silalela koke uJonadaba ukhokhwethu asiyala ngakho. 11 Kodwana iKosi yeBhabhiloni uNebukadinetsari yeza ngokujamelene nenarha,+ sathi, ‘Yizani siye eJerusalema sibalekele ibutho lamaKhaledi* nelamaSiriya,’ begodu nje sihlala eJerusalema.”
12 Ilizwi lakaJehova leza kuJoromiya lathi: 13 “Ngilokhu uJehova wamabutho, uZimu ka-Israyeli akutjhoko, ‘Khamba uye ebantwini bakwaJuda nezakhamuzini zeJerusalema uthi: “Akhenge nikhuthazwe kanengi na bona nilalele amezwami?”+ kutjho uJehova. 14 “UJonadaba indodana kaRekabi wayala isizukulwana sakhe bona singaseli iwayini, begodu salalela amezwakhe ngokuthi singaliseli bekube kunamhlanjesi, salalela umyalo kakhokhwaso.+ Nanyana kunjalo, ngikhulume nani ngokubuyelelweko kodwana akhenge ningilalele.+ 15 Bengisolo ngithumela iinceku zami abaphorofidi kini, ngizithumela kanengi,+ zithi, ‘Ngibawa niphenduke, omunye nomunye eendleleni zakhe ezimbi+ nenze okulungileko! Ningalandeli abanye abozimu benibalotjhe. Nanenza njalo nizokusolo nihlala enarheni enganinikela yona, nina nabokhokho benu.’+ Kodwana akhenge ningizwe namkha ningilalele. 16 Iinzukulwana zakaJonadaba indodana kaRekabi zalalela umyalo ezawufumana kukhokhwazo,+ kodwana abantwaba akhenge bangilalele.”’”
17 “Yeke ngilokhu uJehova, uZimu wamabutho, uZimu ka-Israyeli akutjhoko: ‘Ngilethela uJuda nazo zoke izakhamuzi zeJerusalema yoke ihlekelele engabayelelisa ngayo,+ ngombana ngikhulumile kodwana akhenge bangilalele, bengisolo ngibabiza kodwana akhenge baphendule.’”+
18 UJoromiya wathi endlini yamaRekabi: “Ngilokhu uJehova wamabutho, uZimu ka-Israyeli akutjhoko, ‘Ngombana ulalele umyalo kakhokhwakho uJonadaba waragela phambili wenza koke akuyale ngakho, wenza njengombana akuyalile, 19 ngilokhu uJehova wamabutho, uZimu ka-Israyeli akutjhoko: “Isizukulwana sakaJonadaba indodana kaRekabi sizokuhlala sikhona silotjha phambi kwami.”’”
36 Nje-ke ngomnyaka wesine kaJehoyakhimu+ indodana kaJosiya, ikosi yakwaJuda, ilizweli lafika kuJoromiya livela kuJehova lithi: 2 “Thatha umsongo utlole kiwo woke amezwi engiwakhulume kuwe ngokujamelene no-Israyeli, uJuda+ nazo zoke iintjhaba,+ kusukela elangeni lokuthoma engakhuluma nawe ngalo emalangeni kaJosiya bekube kunamhlanjesi.+ 3 Mhlamunye indlu yakwaJuda nayizwa ngayo yoke ihlekelele engihlele ukuyilethela yona, izokutjhuguluka eendleleni zayo ezikhohlakeleko, bona ngiyilibalele umtjhaphwayo nesono sayo.”+
4 UJoromiya wabiza uBharuki+ indodana kaNeriya, wamtjela woke amezwi uJehova awakhulume kuye, uBharuki wawatlola emsongweni.+ 5 Nje-ke uJoromiya wayala uBharuki wathi: “Ngivalelekile begodu angikghoni ukungena ngendlini kaJehova. 6 Yeke wena kufuze ungene begodu ufundele phezulu amezwi kaJehova engikutjele wona asemtlolweni owutlolileko. Uzowafundela abantu endlini kaJehova ngelanga lokuzila; uzowafundela abantu bakwaJuda abeza bavela emadorobhenabo. 7 Mhlamunye isibawo sabo somusa sizokufika kuJehova baphenduke, omunye nomunye wabo abuye eendleleni zakhe ezikhohlakeleko, ngombana ilaka elikhulu nokusilingeka kwakaJehova kubikezelwe ngokujamelene nabantwaba.”
8 Nje-ke uBharuki indodana kaNeriya wenza koke uJoromiya umphorofidi amyale ngakho; wawafundela phezulu amezwi kaJehova asemsongweni* endlini kaJehova.+
9 Nje-ke ngomnyaka wesihlanu kaJehoyakhimu+ indodana kaJosiya, ikosi yakwaJuda, ngenyanga yethoba, boke abantu beJerusalema nabo boke abantu abeza eJerusalema bavela emadorobheni wakwaJuda, bamemezela ukuzila phambi kwakaJehova.+ 10 Ngemva kwalokho uBharuki wafundela phezulu amezwi kaJoromiya asemsongweni* endlini kaJehova ekumbeni* kaGemariya+ indodana kaTjhafani+ umkopululi, esirhodlweni esiphezulu, ebungenweni besango elitjha lendlu kaJehova,+ alalelwe ngibo boke abantu.
11 UMikaya indodana kaGemariya indodana kaTjhafani nakezwa woke amezwi kaJehova asemsongweni,* 12 wehlela endlini yekosi, elawini lakanobhala. Woke amakhosana ebekahlezi lapho: Bekungu-Elitjhama+ unobhala, uDelaya indodana kaTjhemaya, u-Elinathani+ indodana ka-Akibori,+ uGemariya indodana kaTjhafani, uTsedekhiya indodana kaRhananiya nawo woke amanye amakhosana. 13 UMikaya wabatjela woke amezwi awezwa lokha uBharuki nakafunda umsongo* alalelwe babantu.
14 Ngemva kwalokho woke amakhosana athumela uJehudi indodana kaNetaniya indodana kaTjhelemiya indodana kaKutjhi kuBharuki, athi: “Yewize begodu uze nomsongo owufunde lokha nawulalelwe babantu.” UBharuki indodana kaNeriya waya kiwo aphethe umsongo ngesandla. 15 Athi kuye: “Sibawa uhlale phasi, usifundele wona phezulu.” Nje-ke uBharuki wabafundela wona.
16 Msinyana ngemva kokuthi bezwe woke amezwi la, baqalana bathukiwe, bathi kuBharuki: “Nakanjani kufuze sitjele ikosi woke amezwi la.” 17 Babuza uBharuki bathi: “Sibawa usitjele ukuthi uwatlole njani woke amezwi la. Bekakubizela wona na?” 18 UBharuki wabaphendula wathi: “Ungibizele woke amezwi la, mina ngawatlola nge-enke emsongweni lo.”* 19 Amakhosana athi kuBharuki: “Khamba uyozifihla wena noJoromiya begodu ningavumeli muntu azi ukuthi nikuphi.”+
20 Nje-ke bangena ngekosini esirhodlweni, begodu babeka umsongo ngelawini laka-Elitjhama unobhala, batjela ikosi ngakho koke abakuzwileko.
21 Nje-ke ikosi yathumela uJehudi+ bona ayokuthatha umsongo, weza nawo uvela elawini laka-Elitjhama unobhala. UJehudi wathoma ukuwufundela ikosi nawo woke amakhosana ajame hlanu kwekosi. 22 Ikosi beyihlezi endlini yebusika, ngenyanga yethoba,* kuvutha umlilo eziko phambi kwayo. 23 Ngemva kokuthi uJehudi afunde iingcenye ezintathu namkha ezine, ikosi beyisika iingcenyezo ngomukhwa kanobhala, izifake emlilweni ebewuvutha phambi kwayo, bekwaba kulapho woke umsongo ufakwe ngemlilweni obewuseziko. 24 Akhenge bathukwe; ikosi nazo zoke iinsebenzi zayo ezizwe amezwi la akhenge barathule izambatho zabo. 25 Ngitjho nanyana u-Elinathani,+ uDelaya+ noGemariya+ bancenga ikosi bona ingatjhisi umsongo lo, akhenge ibalalele. 26 Ngaphezu kwalokho ikosi yayala uJerarhimiyeli indodana yekosi, uSeraya indodana ka-Azriyeli noTjhelemiya indodana ka-Abidiyeli bona babambe uBharuki unobhala noJoromiya umphorofidi, kodwana uJehova bekasolo abafihlile.+
27 Ilizwi lakaJehova lafika godu kuJoromiya ngemva kokuthi ikosi itjhise umsongo ebewunamezwi uBharuki awatlola nakabizelwa nguJoromiya,+ athi: 28 “Thatha omunye umsongo utlole woke amezwi afana nalawa ebewasemsongweni wokuthoma, lowo iKosi uJehoyakhimu yakwaJuda ewutjhisileko.+ 29 Kufuze uthi ngokujamelene neKosi yakwaJuda uJehoyakhimu, ‘Nakhu uJehova akutjhoko: “Utjhise umsongo lo begodu wathi, ‘Kubayini utlole kiwo ukuthi: “Ikosi yeBhabhiloni nakanjani izokuza, itjhabalalise inarha le begodu iyitjhiye inganamuntu nesibandana”?’+ 30 Nje-ke nakhu uJehova akutjhoko ngokujamelene neKosi yakwaJuda uJehoyakhimu, ‘Angekhe kube nesizukulwana sayo esizokuhlala esihlalweni sobukhosi sakaDavida+ begodu isidumbu sayo sizokutjhiywa bona sitjhiswe lilanga emini, ebusuku sibetjhwe makhaza.+ 31 Ngizoyibiza yona neenzukulwana zayo neensebenzi zayo bona baphendule ngebanga lomtjhaphwabo begodu ngizokuletha kibo nezakhamuzini zeJerusalema nebantwini bakwaJuda yoke ihlekelele engikhulume ngayo ngokujamelene nabo,+ kodwana akhenge balalele.’”’”+
32 Ngemva kwalokho uJoromiya wathatha omunye umsongo, wawunikela uBharuki indodana kaNeriya unobhala,+ abizelwa nguJoromiya watlola kiwo woke amezwi womsongo lowo iKosi uJehoyakhimu yakwaJuda eyawutjhisa emlilweni.+ Wangezelela namanye amezwi anjengalawo.
37 IKosi uTsedekhiya+ indodana kaJosiya yathoma ukubusa esikhundleni sakaKoniya*+ indodana kaJehoyakhimu, ngombana iKosi uNebukadinetsari* yeBhabhiloni yamenza ikosi enarheni yakwaJuda.+ 2 Kodwana yena neensebenzi zakhe nabantu benarha akhenge balalele amezwi uJehova awakhuluma asebenzisa uJoromiya umphorofidi.
3 IKosi uTsedekhiya yathumela uJehukali+ indodana kaTjhelemiya+ noZefaniya indodana kaMaseya umphristi kuJoromiya umphorofidi, yathi: “Sibawa usithandazele kuJehova uZimethu.” 4 UJoromiya bekazikhambela ngokutjhaphulukileko hlangana nabantu ngombana bebangakabi ukumfaka ejele.+ 5 Nje-ke ibutho lakaFaro laphuma eGibhide,+ begodu amaKhaledi* ebewavimbezele iJerusalema ezwa umbiko ngalokho. Nje-ke alisa ukuvimbezela iJerusalema.+ 6 Nje-ke ilizwi lakaJehova lafika kuJoromiya umphorofidi, lathi: 7 “Nakhu uJehova uZimu ka-Israyeli akutjhoko, ‘Nakhu okufuze ukutjele ikosi yakwaJuda, ekuthumele kimi bona ubuze ngami: “Qala! Ibutho lakaFaro elizako lizokusiza kuzokufuze libuyele enarhenalo, eGibhide.+ 8 AmaKhaledi* azokubuya alwe nedorobheli, alithumbe begodu alitjhise ngomlilo.”+ 9 Nakhu uJehova akutjhoko, “Ningazikhohlisi nithi, ‘amaKhaledi* azokukhamba nakanjani angasalwa nathi,’ ngombana angekhe akhambe. 10 Ngitjho nanyana ningalihlula loke ibutho lamaKhaledi* alwa nani kusale kwaphela amadoda alimeleko, azokuvuka ematendenawo atjhise idorobheli ngomlilo.”’”+
11 Lokha ibutho lamaKhaledi* lihlehlela emuva ekulweni neJerusalema ngebanga lebutho lakaFaro,+ 12 uJoromiya wakhamba eJerusalema waya enarheni yakwaBhenjamini+ bona afumane ingcenyakhe hlangana nabantu bakhe. 13 Kodwana nakafika eSangweni lakaBhenjamini, induna kanogada, igama lakhe okunguJiriya indodana kaTjhelemiya indodana kaRhananiya, wabamba uJoromiya umphorofidi, wathi: “Uhlubukela kumaKhaledi!” 14 UJoromiya yena wathi: “Akusiliqiniso! Angihlubukeli kumaKhaledi.”* Kodwana akhenge amlalele. Nje-ke uJiriya wabopha uJoromiya, wamusa emakhosaneni. 15 Amakhosana asilingeka ngebanga lakaJoromiya,+ ambetha, amvalela+ endlini kaJehonathana unobhala, ebesele yenziwe ijele. 16 UJoromiya wavalelwa ejele elisemgodini, wahlala lapho amalanga amanengi.
17 Ngemva kwalokho, iKosi uTsedekhiya yathumela bona ayokubizwa, ikosi yambuza imibuzo ngemsitheleni endlinayo.*+ Yathi, “Kukhona na okhunye uJehova akutjhwileko?” UJoromiya wathi, “Kukhona!” Waragela phambili wathi, “Uzokunikelwa esandleni sekosi yeBhabhiloni!”+
18 UJoromiya wathi godu ekosini uTsedekhiya: “Ngikonele ngani wena neensebenzi zakho nabantwaba, bona ungifake ejele? 19 Nje-ke baphi abaphorofidi abaphorofida kuwe, ‘Bathi ikosi yeBhabhiloni angekhe ize ngokujamelene nawe nangokujamelene nenarha le’?+ 20 Nje-ke ngibawa ungilalele, maye! Kosami. Ngibawa uvumele isibawo sami ungirhawukele. Ungangibuyiseli endlini kaJehonathana+ unobhala, bona ngingafeli khona.”+ 21 Nje-ke iKosi uTsedekhiya yayala bona uJoromiya asiwe ngesiRhodlweni sakaNogada+ begodu wanikelwa uburotho oburondo qobe langa obuvela endleleni yababhagi+ bekwaba kulapho uburotho buphela khona edorobheni.+ UJoromiya wahlala esiRhodlweni sakaNogada.
38 Nje-ke uTjhefathiya indodana kaMathani, uGedaliya indodana kaPhatjhirhuri, uJukali+ indodana kaTjhelemiya, noPhatjhirhuri+ indodana kaMalikiya bezwa amezwi uJoromiya ebekawakhuluma nabo boke abantu, athi: 2 “Ngilokhu uJehova akutjhoko, ‘Loyo ohlala edorobheneli uzokufa ngesabula, ngendlala nangesibetho.*+ Kodwana loyo ozinikela kumaKhaledi* uzokuragela phambili aphila begodu uzokuphephisa ukuphila kwakhe.’+ 3 Ngilokhu uJehova akutjhoko, ‘Idorobheli nakanjani lizokunikelwa emabuthweni wekosi yeBhabhiloni begodu izolithumba.’”+
4 Amakhosana athi ekosini: “Sibawa ubulale indoda le,+ ngombana yehlisa umfutho wamasotja asele edorobheneli, newabo boke abantu, ngokukhuluma amezwi la kibo. Ngombana indoda le ayibafuneli ukuthula abantwaba kodwana ihlekelele.” 5 IKosi uTsedekhiya yaphendula yathi: “Qalani! Usezandleni zenu, ngombana ikosi angekhe yenze litho bona inivimbe.”
6 Nje-ke bathatha uJoromiya bamphosela ngepetsini kaMalikiya indodana yekosi ebeyisesiRhodlweni sabonoGada.+ Nje-ke behlisela uJoromiya phasi ngeentambo. Bekunganamanzi ngepetsini kodwana kunedaka kwaphela, uJoromiya wathoma ukumodza ngedakeni.
7 U-Ebede-Meleki+ umTopiya, omphakulwa endlini yekosi, wezwa bona uJoromiya ufakwe ngepetsini. Ikosi beyihlezi eSangweni lendlu kaBhenjamini,+ 8 Nje-ke u-Ebede-Meleki waphuma ngendlini yekosi, wakhuluma nekosi wathi: 9 “Maye! Kosi, okwenziwe madoda la kuJoromiya umphorofidi bukhohlakali. Amphosele ngepetsini begodu uzokufela lapho ngebanga lendlala, ngombana akunaburotho obuseleko edorobheni.”+
10 Nje-ke ikosi yayala u-Ebede-Meleki umTopiya yathi: “Thatha amadoda ama-30 lapha niyokukhupha uJoromiya umphorofidi ngepetsini ngaphambi kobana afe.” 11 Nje-ke u-Ebede-Meleki wathatha amadoda batjhinga ngendlini yekosi* baya ngaphasi kwendawo yamagugu,+ bathatha izambatho ezimaratha namatjhila amaratha bawehlisela phasi ngeentambo kuJoromiya ngepetsini. 12 Yeke u-Ebede-Meleki umTopiya wathi kuJoromiya: “Ngibawa ufake amatjhila amaratha, izembatho ezimaratha neentambo ngaphasi kwamakhwaphakho.” uJoromiya wenza njalo, 13 bamdosa ngeentambo bona bamkhuphele ngaphandle kwepetsi. UJoromiya wahlala esiRhodlweni sakaNogada.+
14 Ikosi uTsedekhiya yathumela bona kubizwe uJoromiya umphorofidi eze kuye ebungenweni besithathu, okuyindlu kaJehova, begodu ikosi yathi kuJoromiya: “Kunento engifuna ukukubuza yona. Ungangifihleli litho.” 15 UJoromiya wathi kuTsedekhiya: “Nangingakutjela nakanjani uzongibulala. Nangingakupha iseluleko angekhe ungilalele.” 16 IKosi uTsedekhiya yafunga kuJoromiya ngemsitheleni yathi: “Ngifunga uJehova ophilako, osiphe ukuphilokhu, angekhe ngikubulale, begodu angekhe ngikunikele esandleni sabantu abafuna ukukubulala.”
17 Nje-ke uJoromiya wathi kuTsedekhiya: “Ngilokhu uJehova uZimu wamabutho, uZimu ka-Israyeli akutjhoko, ‘Nawuzinikela emakhosaneni wekosi yeBhabhiloni uzokusindisa ukuphila kwakho, begodu idorobheli angekhe litjhiswe ngomlilo, wena nabantu bendlwakho nizokusinda.+ 18 Kodwana nawungazinikeli emakhosaneni wekosi yeBhabhiloni, idorobheli lizokunikelwa amaKhaledi,* azolitjhisa ngomlilo,+ begodu wena angekhe uphunyurhe ezandleni zawo.’”+
19 Nje-ke iKosi uTsedekhiya yathi kuJoromiya: “Ngisaba amaJuda ahlubukele kumaKhaledi,* nangingazinikela kiyo, azongiphatha ngelunya.” 20 UJoromiya wathi: “Angekhe unikelwe kiwo. Ngibawa ulalele ilizwi lakaJehova kilokhu engikutjhoko, kuzokukhambela kuhle begodu uzokuragela phambili uphila. 21 Kodwana nawungafuni ukuzinikela, ngilokhu uJehova angembulele khona: 22 Qala! Boke abafazi abasele ngendlini yekosi yakwaJuda banikelwa emakhosaneni wekosi yeBhabhiloni+ begodu bathi,
‘Abantu othembele kibo bakukhohlisile begodu bakuhlulile.+
Babangele bona inyawo lakho limodze edakeni.
Nje bakujikele.’
23 Boke abafazi bakho namadodanakho azokukhutjhelwa kumaKhaledi,* angekhe uphunyurhe esandleni sabo, kodwana uzokubanjwa yikosi yeBhabhiloni+ begodu ngebanga lakho idorobheli lizokutjhiswa ngomlilo.”+
24 UTsedekhiya wathi kuJoromiya: “Ungatjeli muntu ngezintwezi bona ungafi. 25 Kodwana amakhosana nakangezwa ukuthi ngikhulume nawe bese athi, ‘Sibawa usitjele, utheni ekosini. Ungasifihleli litho, angekhe sikubulale.+ Itheni ikosi kuwe?’ 26 kufuze ubaphendule uthi, ‘Bengibawa ikosi ingangithumeli godu endlini kaJehonathana bona ngiyokufela khona.’”+
27 Ngokukhamba kwesikhathi woke amakhosana eza kuJoromiya, amhlohla ngemibuzo wawatjela koke ikosi emyale ngakho. Yeke akhenge asatjho litho kuye, ngombana akunamuntu ozwe ebebakhuluma ngakho. 28 Bekube lilanga iJerusalema elathunjwa ngalo uJoromiya bekasesiRhodlweni sakaNogada;+ bekalapho bekwaba kulapho iJerusalema lithunjwa khona.+
39 Ngomnyaka wethoba wokubusa kweKosi yakwaJuda uTsedekhiya, ngenyanga yetjhumi, uNebukadinetsari* ikosi yeBhabhiloni nalo loke ibutho lakhe beza eJerusalema balivimbezela.+
2 Ngomnyaka we-11 wokubusa kwakaTsedekhiya, ngenyanga yesine, ngelanga lethoba lenyanga, babhuruza amaboda wedorobho.+ 3 Woke amakhosana wekosi yeBhabhiloni angena ahlala phasi eSangweni eliPhakathi,+ bekunguNerigali-Saretseri omSamgari, uSarisekimi omRabisari,* uNerigali-Saretseri omRabimegi* nawo woke amakhosana wekosi yeBhabhiloni.
4 Lokha iKosi yakwaJuda uTsedekhiya nawo woke amasotja ababona, babaleka,+ baphumela ngaphandle kwedorobho ebusuku ngendlela esengadini yekosi, baphuma esangweni phakathi kwamaboda amabili baraga ngendlela ye-Araba.+ 5 Kodwana amaKhaledi* abagijimisa, abamba uTsedekhiya emmangweni othabaleleko weJerikho.+ Amthumba begodu amletha eKosini yeBhabhiloni uNebukadinetsari eRibhila+ enarheni yeRhamathi+ lapha amgweba khona. 6 Ikosi yeBhabhiloni yathi kurhayilwe amadodana kaTsedekhiya phambi kwakhe eRibhila, begodu ikosi yeBhabhiloni yathi zoke iinkhulu zakwaJuda kufuze zirhayilwe.+ 7 Waphophaza amehlo kaTsedekhiya, ngemva kwalokho wambopha ngeenketani zekhopha bona amlethe eBhabhiloni.+
8 Ngemva kwalokho, amaKhaledi* atjhisa indlu yekosi* nezindlu zabantu,+ agiriza amaboda weJerusalema.+ 9 UNebuzaradani+ induna yabonogada wathatha boke abantu ebebasele edorobheni, wabasa ekudingisweni eBhabhiloni, ababaleki ebebazinikele kuye nawo woke umuntu oseleko.
10 Kodwana uNebuzaradani induna yabonogada watjhiya enarheni yakwaJuda abanye babantu abatlhage khulu, labo ebebanganalitho. Ngelangelo wabanikela namasimu wamadiribe namasimu bona basebenze.*+
11 Nje-ke iKosi yeBhabhiloni uNebukadinetsari* yanikela uNebuzaradani induna yabonogada imiyalo le malungana noJoromiya yathi: 12 “Mthathe umtlhogomele; ungamlimazi; umnikele nanyana yini ayifunako.”+
13 Nje-ke uNebuzaradani induna yabonogada, uNebutjhazibani umRabisari,* uNerigali-Saretseri umRabimegi,* nawo woke amadoda adumileko wekosi yeBhabhiloni bayala 14 bona kukhutjhwe uJoromiya ngesiRhodlweni sakaNogada+ begodu asiwe kuGedaliya+ indodana ka-Arhikhamu+ indodana kaTjhafani,+ alethwe ngendlinakhe. Besele atjhatjhululiwe ahlala hlangana nabantu.
15 UJoromiya nakasavalelwe ngesiRhodlweni sakaNogada+ ilizwi lakaJehova lafika kuye lathi: 16 “Khamba, utjele u-Ebede-Meleki+ umTopiya ukuthi, ‘Nakhu uJehova wamabutho, uZimu ka-Israyeli, akutjhoko: “Qala ngizalisa amezwami ngokuletha ihlekelele edorobheneli ingasi okuhle, begodu ngelangelo nizokubona lokhu kwenzeka.”’
17 “‘Kodwana ngizokusindisa ngelangelo,’ kutjho uJehova, begodu ‘angekhe unikelwe ebantwini obasabako.’
18 “‘Ngombana kwamambala ngizokwenzela indlela yokobana uphunyurhe begodu angekhe uwe ngesabula. Uzokusindisa ukuphila kwakho ngombana uthembele kimi,’+ kutjho uJehova.”
40 Ilizwi elafika kuJoromiya livela kuJehova ngemva kokobana uNebuzaradani+ induna yabonogada amtjhaphulule eRama.+ Wamthatha lapho abotjhwe ngamakhamandela, bekaphakathi kwabo boke abadingisiweko beJerusalema nebakwaJuda ebebasiwe eBhabhiloni. 2 Ngemva kwalokho induna yabonogada yathatha uJoromiya yathi kuye: UJehova uZimakho ubikezele ngehlekelele le endaweni le, 3 begodu uJehova wenze njengombana akhulumile, ngebanga lokuthi nina bantu nonile kuJehova, akhenge nilalele ilizwi lakhe. Kungebangelo lokhu kwenzeke kini.+ 4 Ngiyawatjhaphulula amakhamandela asezandleni zakho namhlanjesi. Nawukubona kukuhle bona ukhambe nami eBhabhiloni asikhambe, ngizokutlhogomela. Kodwana nawungafuni ukuya eBhabhiloni ungayi. Qala! Yoke inarha le iphambi kwakho. Ungaya nanyana kukuphi lapha ufuna khona.”+
5 Kwathi uJoromiya angakakhethi bona uzokuya kuphi, uNebuzaradani wathi: “Buyela kuGedaliya+ indodana ka-Arhikhamu+ indodana ka-Tjhafani,+ loyo ikosi yeBhabhiloni embeke phezu kwamadorobho wakwaJuda, uhlale naye hlangana nabantu namkha uye nanyana kukuphi lapho ufuna khona.”
Yeke induna yabonogada yamnikela isibonelelo sokudla nesipho yamlisa wakhamba. 6 Nje-ke uJoromiya waya kuGedaliya indodana ka-Arhikhamu eMitsipha+ wahlala naye nabantu ebebasele enarheni.
7 Ngokukhamba kwesikhathi zoke iinduna zamabutho ebezisemasimini nabantu bazo zezwa bona ikosi yeBhabhiloni ibeke uGedaliya indodana ka-Arhikhamu phezu kwenarha naphezu kwamadoda, abafazi, nabantwana abavela ebantwini abatlhagako benarha abangakasiwa eBhabhiloni.+ 8 Yeke beza kuGedeliya eMitsipha.+ Bekungu-Itjhimayeli+ indodana kaNetaniya, uJorhanani+ noJonathani amadodana kaKhareyarhi, uSeraya indodana kaTanirhumethi, amadodana ka-Efayi umNethofa noJezaniya+ indodana yomMakathi namasotjabo. 9 UGedaliya indodana ka-Arhikhamu indodana kaTjhafani wafunga kibo nemasotjenabo, wathi: “Ningasabi ukusebenzela amaKhaledi.* Hlalani enarheni nisebenzele ikosi yeBhabhiloni, kuzonikhambela kuhle.+ 10 Kodwana mina, ngizokuhlala eMitsipha bona nginijamele kumaKhaledi* eza kithi. Nina kufuze nibuthelele iwayini, iinthelo zehlobo namafutha niwafake emijekenenu, nihlale emadorobheni eniwathumbileko.”+
11 Woke amaJuda ebewakwaMowabi, kwa-Amoni, kwa-Edomi nawo woke ebewakwezinye iinarha, ezwa bona ikosi yeBhabhiloni ivumele bona abaseleko bahlale kwaJuda nokuthi ibeke uGedaliya indodana ka-Arhikhamu indodana kaTjhafani phezu kwawo. 12 Nje-ke woke amaJuda athoma ukubuya kizo zoke iindawo ebekarhatjhekele kizo, abuyela enarheni yakwaJuda, kuGedaliya eMitsipha. Abuthelela ngobunengi iwayini neenthelo zehlobo.
13 UJorhanani indodana kaKhareyarhi nazo zoke iinduna zebutho ebezisemasimini, zeza kuGedaliya eMitsipha. 14 Bathi kuye: “Awazi na bona uBhalisi ikosi yama-Amoni+ uthumele u-Itjhimayeli indodana kaNetaniya bona izokubulala?”+ Kodwana uGedaliya indodana ka-Arhikhamu akhenge abakholwe.
15 UJorhanani indodana kaKhareyarhi watjela uGedaliya eMitsipha ngemsitheleni wathi: “Ngifuna ukubulala u-Itjhimayeli indodana kaNetaniya begodu akunamuntu ozokwazi ngalokho. Kubayini kufuze akubulale, begodu kubayini kufuze boke abantu bakwaJuda barhatjheke, abaseleko bakwaJuda batjhatjalaliswe?” 16 Kodwana uGedaliya+ indodana ka-Arhikhamu wathi, kuJorhanani indodana kaKhareyarhi: Ungakwenzi lokhu, ngombana okutjhoko ngo-Itjhimayeli kumamala.”
41 Ngenyanga yekhomba u-Itjhimayeli+ indodana kaNetaniya indodana ka-Elitjhama, obekangewebukhosini namadoda adumileko wekosi, beza namadoda alitjhumi kuGedaliya indodana ka-Arhikhamu eMitsipha.+ Nabasadla ndawonye eMitsipha, 2 U-Itjhimayeli indodana kaNetaniya namadoda alitjhumi ebewanaye basikima basahlela uGedaliya indodana ka-Arhikhamu indodana kaTjhafani ngesabula. Nje-ke wabulala loyo ikosi yeBhabhiloni ebeyimbeke phezu kwenarha. 3 U-Itjhimayeli wasahlela nawo woke amaJuda ebewanoGedaliya eMitsipha namasotja wamaKhaledi* ebewalapho.
4 Ngelanga lesibili uGedaliya abulewe, ngaphambi kobana abantu bazi ngakho, 5 kweza amadoda ama-80 avela eTjhekemu,+ eTjhilo,+ neSamariya.+ Iindevu zawo bezirhuniwe, izambatho zawo bezidatjulwe phakathi, bebazisikile,+ bebaphethe umnikelo weenthoro nepepho emhlophe+ ezandleni zabo bona bakunikele endlini kaJehova. 6 Nje-ke u-Itjhimayeli indodana kaNetaniya waphuma avela eMitsipha bona ayokuhlangana nabo, bekalila njengombana akhamba. Uthe nakahlangana nabo, wathi kibo: “Yizani kuGedaliya indodana ka-Arhikhamu.” 7 Kuthe nabangena ngedorobheni, u-Itjhimayeli indodana kaNetaniya namadoda ebekakhamba nawo babarhayila babaphosela ngepetsini.
8 Kodwana bekunamadoda alitjhumi hlangana nawo athi, ku-Itjhimayeli: “ungasibulali, ngombana sifihle ikoroyi, ibhali, amafutha, neliju esimini.” Nje-ke akhenge ababulale kunye nabafowabo. 9 Nje-ke u-Itjhimayeli waphosela zoke iindumbu zamadoda awabuleleko ngepetsini ekulu, leyo iKosi u-Asa eyayenzela iKosi uBhatjha yakwa-Israyeli.+ Le yipetsi u-Itjhimayeli indodana kaNetaniya ayizalisa ngamadoda arhayiliweko.
10 U-Itjhimayeli wathumba boke abantu ebebasele eMitsipha,+ amadodakazi weKosi nabo boke abantu ebebasele eMitsipha, labo uNebuzaradani induna yabonogada ababeka esirhodlweni sakaGedaliya+ indodana ka-Arhikhamu. U-Itjhimayeli indodana kaNetaniya wabathumba, wakhamba bona ayamele kuma-Amoni.+
11 Kuthe lokha uJorhanani+ indodana kaKhareyarhi nalo loke ibutho leenduna ebelinaye nabezwa ngabo boke ubumbi obenziwe ngu-Itjhimayeli indodana kaNetaniya, 12 bathatha woke amadoda bakhamba bona bayokulwa no-Itjhimayeli indodana kaNetaniya, bamfumana hlanu kwamanzi amanengi* eGibiyoni.
13 Boke abantu ebebano-Itjhimayeli bathaba nababona uJorhanani indodana kaKhareyarhi nalo loke ibutho leenduna ebelinaye. 14 Nje-ke boke abantu u-Itjhimayeli ebekabathumbe eMitsipha+ bajika, babuyela emva noJorhanani indodana kaKhareyarhi. 15 U-Itjhimayeli indodana kaNetaniya namadoda abunane akhamba naye baphunyurha kuJorhanani begodu baya kuma-Amoni.
16 UJorhanani indodana kaKhareyarhi nalo loke ibutho leenduna ebelinaye bathatha boke abantu abavela eMitsipha, labo ababasindise ku-Itjhimayeli indodana kaNetaniya ngemva kokuthi abulele uGedaliya+ indodana ka-Arhikhamu. Babuyisa amadoda, amasotja, abafazi, abantwana, neenkhulu zesigodlo eGibiyoni. 17 Nje-ke bakhamba begodu baya endaweni yokulala eKimhamu ehlanu kweBhetlehema,+ bafuna ukuya eGibhide+ 18 ngebanga lamaKhaledi.* Ngombana besele bawasaba, njengombana u-Itjhimayeli indodana kaNetaniya abulele uGedaliya indodana ka-Arhikhamu, loyo ikosi yeBhabhiloni ebeyimbeke phezu kwenarha.+
42 Nje-ke zoke iinduna zamabutho noJorhanani+ indodana kaKhareyarhi, uJezaniya indodana kaHotjhaya nabo boke abantu kusukela komncani kuya komkhulu, batjhidela 2 bathi kuJoromiya umphorofidi: “Sibawa ulalele isibawo sethu somusa, usithandazele kuJehova uZimakho, nebantwini boke abaseleko, ngombana kusele abambalwa+ njengombana ubona. 3 Kwanga uJehova uZimakho angasitjela indlela okufuze sikhambe ngayo nokuthi kufuze senzeni.”
4 UJoromiya umphorofidi wabaphendula wathi: “Nginizwile begodu ngiyanithandazela kuJehova uZimenu ngokwalokho enikubawileko; ngizonitjela woke amezwi uJehova aniphendula ngawo. Angekhe nginifihlele litho.”
5 Baphendula uJoromiya bathi: “Kwanga uJehova angaba ngufakazi weqiniso nothembekileko, asijezise nangabe asenzi ngokwendlela uJehova uZimakho asiyale ngayo asebenzisa wena. 6 Nanyana kukuhle namkha kukumbi, sizokulalela ilizwi lakaJehova uZimethu esikuthumela kuye bona kusikhambele kuhle ngombana silalela ilizwi lakaJehova uZimethu.”
7 Nje-ke ngemva kwamalanga alitjhumi ilizwi lakaJehova lafika kuJoromiya. 8 Nje-ke wabiza uJorhanani indodana kaKhareyarhi nazo zoke iinduna zamabutho ebezinaye nabo boke abantu kusukela komncani kuya komkhulu.+ 9 Wathi kibo: “Nakhu uJehova uZimu ka-Israyeli akutjhoko, lo eningithumele kuye bona ngiyonibawela umusa kuye: 10 ‘Naningahlala enarheni le ngizonakha angekhe nginibhuruze, ngizonitjala angekhe nginiruthule, ngombana ngizozisola* ngehlekelele enginibangele yona.+ 11 Ningasabi ngebanga lekosi yeBhabhiloni, eniyisabako.’+
“‘Ningasabi ngebanga layo,’ kutjho uJehova, ‘ngombana nginani bona nginisindise begodu nginihlenge esandleni sayo. 12 Ngizokuba nomusa kini+ begodu izokuba nomusa kini inibuyisele enarhenenu.
13 “‘Kodwana nanithi, “Awa angeze sihlale enarheni le!” Begodu ningalaleli ilizwi lakaJehova uZimenu 14 ngokuthi nithi, “Awa sizokuya enarheni yeGibhide+ lapho singekhe sibone khona ipi namkha sizwe itjhada lephondo namkha silambele uburotho; lapho kulapho sizokuhlala khona,” 15 yeke lalela ilizwi lakaJehova, wena oseleko wakwaJuda. Nakhu uJehova wamabutho, uZimu ka-Israyeli akutjhoko: “Nangabe nakanjani uzimisele ukuya eGibhide uyokuhlala khona, 16 isabula oyisabako izokufumana lapho enarheni yeGibhide, indlala oyisabako izokulandela eGibhide begodu uzokufela lapho.+ 17 Boke abantu abazimisele ukuyokuhlala eGibhide bazokufa ngesabula, ngendlala nangesibetho.* Akakho namunye kibo ozokusinda namkha aphunyurhe ehlekeleleni engizobalethela yona.”’
18 “Ngombana nakhu uJehova wamabutho, uZimu ka-Israyeli akutjhoko: ‘Njengombana itukuthelwami nelaka lami lathululelwa ezakhamuzini zeJerusalema,+ ngokufanako ilaka lami lizokuthululelwa kini nangabe nizokuya eGibhide, nizokuba siqalekiso, into ethusako, into yokuthukwa, nehlazisako+ begodu angeze nisayibona indawo le.’
19 “UJehova ukhulume ngokujamelene nani, nina abaseleko bakwaJuda. Ningayi eGibhide. Kufuze nazi ngokuqinisekileko bona namhlanjesi nginiyelelisile 20 ukuthi imitjhaphwenu izonibangela bona nife. Ngombana ningithumele kuJehova uZimenu, nathi, ‘Sibawa usithandazele kuJehova uZimakho, usitjele koke uJehova uZimethu akutjhoko, sizokwenza.’+ 21 Namhlanjesi nginitjelile kodwana angekhe nililalele ilizwi lakaJehova uZimenu namkha nenze nanyana yini angithumele bona nginitjele yona.+ 22 Nje-ke yazini ngokuqinisekileko bona nizokufa ngesabula, ngendlala nangesibetho enarheni enifuna ukuyokuhlala kiyo.”+
43 UJoromiya nakaqeda ukukhuluma nabo boke abantu woke amezwi la avela kuJehova uZimabo, woke amezwi uJehova uZimabo amthumele bona abatjele wona, 2 U-Azariya indodana kaHotjhaya, uJorhanani+ indodana kaKhareyarhi nabo boke abantu abagagamelako bathi kuJoromiya: “Ukhuluma amala! UJehova uZimethu akhenge akuthumele bona uthi, ‘Ningayi eGibhide niyokuhlala lapho.’ 3 Kodwana uBharuki+ indodana kaNeriya ikuhlohlozela bona usinikele kumaKhaledi* ukuthi asibulale namkha asidingisele eBhabhiloni.”+
4 Kodwana uJorhanani indodana kaKhareyarhi, zoke iinduna zamabutho nabo boke abantu akhenge balalele ilizwi lakaJehova lokuthi bahlale enarheni yakwaJuda. 5 Kunalokho uJorhanani indodana kaKhareyarhi nazo zoke iinduna zamabutho, bathatha boke abaseleko bakwaJuda ababuyileko bona bazokuhlala enarheni yakwaJuda abavela kizo zoke iintjhaba ebebarhatjhekele kizo.+ 6 Bathatha amadoda, abafazi, abantwana, amadodakazi wekosi nawo woke umuntu uNebuzaradani+ induna yabonogada amtjhiya noGedaliya+ indodana ka-Arhikhamu+ indodana kaTjhafani,+ uJoromiya umphorofidi noBharuki indodana kaNeriya. 7 Baya enarheni yeGibhide, ngombana akhenge balalele ilizwi lakaJehova, bakhamba bebayokufika eTarhipanirhesi.+
8 Nje-ke ilizwi lakaJehova lafika kuJoromiya eTarhipanirhesi, lathi: 9 “Thatha amatje amakhulu, uwafihle edakeni eentineni zemibundu esebungenweni bendlu kaFaro eTarhipanirhesi, ukwenze lokhu abantu bakwaJuda bakuqalile. 10 Bese uthi kibo, ‘Ngilokhu uJehova wamabutho, uZimu ka-Israyeli akutjhoko: “Ngithumela uNebukadinetsari* ikosi yeBhabhiloni incekwami+ begodu ngizokubeka isihlalo sayo sobukhosi phezu kwamatje la engiwafihlileko begodu izokululela itendayo yobukhosi phezu kwawo.+ 11 Begodu uzokuza atjhabalalise inarha yeGibhide.+ Nanyana ngubani ofanelwe sibetho esibulalako uzokufumana isibetho esibulalako, Nanyana ngubani ofanelwe kuthunjwa uzokuthunjwa, nanyana ngubani ofanelwe yisabula uzokufumana isabula.+ 12 Ngizokutjhisa izindlu* zabozimu beGibhide ngomlilo,+ uzobatjhisa, abase ekudingisweni. Uzoziphuthela ngenarha yeGibhide njengalokha umalusi aziphuthela ngesambatho sakhe, uzokukhamba lapho ngokuthula.* 13 Uzokuphula iinsika zeBhethe-Tjhemetjhi* enarheni yeGibhide, zibe ziinquqwana begodu uzokutjhisa izindlu zabozimu beGibhide ngomlilo.”’”
44 Ilizwi elafika kuJoromiya nakiwo woke amaJuda ahlala enarheni yeGibhide,+ ahlala eMigidoli,+ eTarhipanirhesi,+ eNofi*+ nenarheni yePatrosi,+ lithi: 2 Nakhu uJehova wamabutho uZimu ka-Israyeli akutjhoko, ‘Niyibone yoke ihlekelele engiyilethe eJerusalema+ nakiwo woke amadorobho wakwaJuda nokuthi namhlanjesi amarubhi, akunazakhamuzi.+ 3 Kungebanga lezinto ezikhohlakeleko abazenzileko bona bangizwise ubuhlungu, ngokuragela phambili benza imihlatjelo+ nokulotjha abanye abozimu abangabaziko, nabokhokho babo+ abangabaziko. 4 Bengisolo ngithumela zoke iinceku zami abaphorofidi kini, ngibathumela ngokubuyelelweko, ngithi: “Ngibawa ningenzi into le enyenyisako, into engiyihloyako.”+ 5 Kodwana akhenge bangilalele namkha bangizwe baphenduke ekukhohlakaleni kwabo ngokungenzeli abanye abozimu imihlatjelo.+ 6 Nje-ke ilaka lami nokusilingeka kwami kwathululwa kwatjhisa amadorobho wakwaJuda neendlela zeJerusalema, zaba marubhi nenarha engatheliko, njengombana zinjalo namhlanjesi.’+
7 “Nje-ke nakhu uJehova uZimu wamabutho, uZimu ka-Israyeli akutjhoko, ‘Kubayini nizibangela ihlekelele engaka, bona woke amadoda nabafazi, abantwana namasana batjhabalale kwaJuda, nisale ninganalitho? 8 Kubayini kufuze ningizwise ubuhlungu ngemisebenzi yezandla zenu ngokwenzela abanye abozimu benarha yeGibhide imihlatjelo lapho enakhamba nayokuhlala khona? Nizokutjhabalala nibe yinto eqalekisiweko nehlazo hlangana nazo zoke iintjhaba zephasi.+ 9 Kghani senizilibele izenzo zokukhohlakala zabokhokho benu, izenzo zokukhohlakala zamakhosi wakwaJuda,+ izenzo zokukhohlakala zabomkawo,+ izenzo zenu zokukhohlakala nezenzo zokukhohlakala zabomkenu+ ezenziwa enarheni yakwaJuda neendleleni zeJerusalema? 10 Bekube kunamhlanjesi, akhenge bazithobe, akhenge basabe,+ namkha bakhambe ngemithethwami nemiyalwami, engibanikele yona nabokhokho babo.’+
11 Nje-ke nakhu uJehova wamabutho, uZimu ka-Israyeli akutjhoko, ‘Ngizimisele ukunilethela ihlekelele bona itjhabalalise woke uJuda. 12 Ngizokuthatha abaseleko bakwaJuda ebebazimisele ukuya enarheni yeGibhide ukuyokuhlala khona begodu boke bazokutjhabalala enarheni yeGibhide.+ Bazokuwa ngesabula, batjhabalale ngendlala; kusukela komncani ukuya komkhulu, bazokufa ngesabula nangendlala. Bazokuba siqalekiso, into yokusatjwa, into yokuthukwa nehlazo.+ 13 Ngizokujezisa labo abahlala enarheni yeGibhide ngendlela engijezise ngayo iJerusalema, ngesabula, ngendlala nangesibetho.*+ 14 Abaseleko bakwaJuda abakhambileko bayokuhlala enarheni yeGibhide, angekhe baphunyurhe namkha basinde bona babuyele enarheni yakwaJuda. Bazokukhanukela ukubuyela bahlale lapho, kodwana angekhe babuyele, ngaphandle kwabambalwa ababalekileko.’”
15 Woke amadoda ebewazi ukuthi abomkawo bebenzela abanye abozimu imihlatjelo nabo boke abafazi ebebajame lapho, ebekusiqhema esikhulu nabo boke abantu ebebahlala enarheni yeGibhide,+ ePatrosi,+ baphendula uJoromiya, bathi: 16 “Angekhe sililalele ilizwi olikhulume kithi egameni lakaJehova. 17 Kunalokho, sizokwenza lokho esithe sizokwenza, sizokwenzela iNdlovukazi yeZulwini* imihlatjelo begodu siyithululele iminikelo yesiselo,+ njengombana thina, abokhokho bethu, amakhosethu namakhosanethu senza emadorobheni wakwaJuda neendleleni zeJerusalema lokha nasaneliswe burotho begodu siregile, kunganahlekelele. 18 Kusukela ngesikhathi esalisa ngaso ukwenzela iNdlovukazi yeZulwini* imihlatjelo nokuthululela iminikelo yesiselo kiyo, satlhoga koke begodu satjhabalala ngesabula nangendlala.”
19 Abafazi bangezelela ngokuthi: “Amadodethu asivumela bona senze imihlatjelo begodu sithululele iminikelo yesiselo eNdlovukazini yeZulwini* nokuthi senze amakhekhe enziwe ngesithombe sakazimukazi.”
20 Nje-ke uJoromiya wathi kibo boke abantu, emadodeni nakibomkawo nakibo boke abantu ebebakhuluma naye: 21 “Imihlatjelwenu, yabokhokho benu, amakhosenu, amakhosanenu neyabantu benarheni enayenza emadorobheni wakwaJuda neendleleni zeJerusalema,+ uJehova wayikhumbula begodu ifike ehliziywenakhe! 22 Emaswapheleni uJehova akhenge asazikghodlhelela izenzo zenu zokukhohlakala nezinto ezinyenyisako enizenzileko, inarhenu ibe marubhi, into ethusako nesiqalekiso, enganazakhamuzi bekube kunamhlanjesi.+ 23 Kungebanga lokuthi nenze imihlatjelo le begodu nonile kuJehova ngokuthi ningalaleli ilizwi lakaJehova, ningalandeli imithethwakhe, imiyalwakhe neenkhumbuzo zakhe bona nehlelwe yihlekelele, njengombana kwenzeka namhlanjesi.”+
24 UJoromiya waragela phambili nokuthi kibo boke abantu nakibo boke abafazi: “Lalelani ilizwi lakaJehova noke nina bakwaJuda enisenarheni yeGibhide. 25 Nakhu uJehova uZimu wamabutho, uZimu ka-Israyeli, akutjhoko, ‘Lokho nina nabomkenu enikukhulumileko, nikuzalise ngezandla zenu, ngombana nithe: “Nakanjani sizokwenza ngokweemfungo zethu, sizokwenzela iNdlovukazi yeZulwini* imihlatjelo, sithululele iminikelo yesiselo kiyo.”+ Nina bafazi ngokuqinisekileko nizokwenza ngokweemfungo zenu begodu nizizalise.’
26 “Nje-ke, lalelani ilizwi lakaJehova, noke nina bakwaJuda abahlala enarheni yeGibhide: “Ngifunga ngegama lami elikhulu,” kutjho uJehova, “nanyana ngubani wakwaJuda+ angekhe asabiza igama lami bona afunge ngalo, enarheni yoke yeGibhide angekhe basathi, ‘Sifunga ngeKosi ePhakemeko uJehova ophilako!’+ 27 Nje-ke ngizimisele ukuletha ihlekelele, ingasi into ehle;+ kibo boke abantu bakwaJuda abasenarheni yeGibhide bazokutjhabalala ngesabula nangendlala, bekube kulapho bangasekho khona.+ 28 Bambalwa abazokuphunyurha esabuleni abavela enarheni yeGibhide babuyela enarheni yakwaJuda.+ Boke abaseleko bakwaJuda abeze ukuzokuhlala enarheni yeGibhide, bazokwazi ukuthi ngelakabani ilizwi elibe liqiniso, ngelami namkha ngelabo!”’”
29 “‘Lokhu kuzokuba litshwayo kini,’ kutjho uJehova, ‘bona ngizonijezisa endaweni le, ukwenzela bona nazi ukuthi amezwami wokunithembisa ihlekelele nakanjani azokuba liqiniso. 30 Nakhu uJehova akutjhoko: “Nginikela uFaro Rhofira, ikosi yeGibhide, esandleni samanabakhe nesalabo abafuna ukumbulala, njengombana nganikela iKosi yakwaJuda uTsedekhiya esandleni seKosi yeBhabhiloni uNebukadinetsari,* obekalinaba layo ebelifuna ukumbulala.”’”+
45 Ngileli ilizwi uJoromiya umphorofidi alikhuluma kuBharuki+ indodana kaNeriya lokha nakatlola encwadini amezwi la awabizelwa nguJoromiya+ ngomnyaka wesine kaJehoyakhimu+ indodana kaJosiya, ikosi yakwaJuda, athi:
2 “Ngilokhu uJehova uZimu ka-Israyeli akutjhoko ngawe Bharuki, 3 ‘Uthe: “Maye! Kimi, ngombana uJehova ungibangele ubuhlungu nokudana begodu angikafumani indawo yokuphumula.”’
4 “Kufuze uthi kuye, ‘Nakhu uJehova akutjhoko: “Qala engikwakhileko ngiyakugiriza begodu engikutjalileko ngiyakuruthula enarheni yoke.+ 5 Kodwana uzifunela izinto ezikulu. Lisa ukuzifunela izinto ezinjalo.”
“‘Ngombana ngizokuletha ihlekelele ebantwini boke,’+ kutjho uJehova, ‘begodu nanyana kukuphi lapha uya khona, ngizokusindisa ukuphila kwakho.’”+
46 Leli lilizwi lakaJehova eliya kuJoromiya umphorofidi malungana neentjhaba:+ 2 Lo mlayezo omalungana neGibhide+ nebutho lakaFaro Nekho+ ikosi yeGibhide, obekamagega noMlambo weYufrathe begodu wahlulwa yiKosi yeBhabhiloni uNebukadinetsari* eKarikemitjhi ngomnyaka wesine kaJehoyakhimu+ indodana kaJosiya, ikosi yakwaJuda:
3 Lungiselela iimviko ezincani* nezikulu,
Utjhinge epini.
4 Bophelani iinjomani nizikhwele, nina bakhweli beenjomani.
Zilungiseleleni, nimbathe iinkoporo zenu.
Lolani imikhontwenu nimbathe izambatho zepi.
5 ‘Kubayini ngibabona babetjhwa livalo?
Bayahlehla, iingorho zabo zihluliwe.
Babalekile ngebanga lokuthukwa, iingorho zabo akhenge ziqale emuva.
Kunokusaba yoke indawo,’ kutjho uJehova.
6 ‘Abanabelo abakghoni ukubaleka neengorho azikghoni ukuphunyurha.
Etlhagwini magega noMlambo weYufrathe
Bakhutjiwe bawa.’+
7 Ngubani oza njengoMlambo weNayili,
Njengemilambo enamanzi amanengi?
8 IGibhide iza njengoMlambo weNayili,+
Njengemilambo enamanzi amanengi,
Begodu ithi, ‘Ngizokukhuphuka ngigubuzese iphasi.
Ngizokutjhabalalisa idorobho nabahlala kilo.’
9 Khuphukani, nina njomani!
Gijimani ngathi niyahlanya, nina nkarana!
10 “Ilangelo ngeleKosi ePhakemeko, uJehova wamabutho, lilanga lokuziphindiselela bekazibuyiselele emanabenakhe. Isabula izokurhiribidela izozanelisa begodu izisuthise ngeengazi zawo ngombana iKosi ePhakemeko, uJehova wamabutho, unomhlatjelo enarheni yetlhagwini hlanu koMlambo weYufrathe.+
11 Khuphukela eGiliyadi bona ufumane ibhalisamu,+
Maye! Ntombi yeGibhide!
Ngombana wandise imitjhogakho ngelize,
Ngombana akunandlela ongalapheka ngayo.+
12 Iintjhaba zizwe ngehlazo lakho,+
Begodu isililo sakho sizele enarheni.
Ngombana iingorho ziyawisana,
Begodu zombili ziyawa.”
13 Leli lilizwi uJehova alikhulume kuJoromiya umphorofidi malungana nokuza kweKosi yeBhabhiloni uNebukadinetsari* bona isahlele inarha yeGibhide:+
14 “Bikezela ngakho eGibhide, memezela ngakho eMigidoli.+
Memezela ngakho eNofi* neTarhipanirhesi+
Uthi, ‘Hloma, uzilungiselele,
Ngombana isabula izokurhayila boke abahlangana nawe.
15 Kubayini amasotjakho anamandla athanyeliwe?
Akhenge akghone ukuzilwela,
Ngombana uJehova uwahlulile.
16 Ngesibalo esikhulu bayakhubeka begodu bayawa.
Bathi komunye nomunye:
“Sikimani! Asibuyeleni ebantwini bethu nenarhenethu
Ngebanga lesabula enelunya.”’
17 Lapho bamemezela ukuthi,
‘UFaro ikosi yeGibhide wenza itjhada elingatjho litho
Uvumele kuphundwa lithuba.+
18 ‘Nangisaphilako,’ kutjho iKosi, igama layo nguJehova wamabutho,
‘Uzokuza* eTabori+ hlangana neentaba
nanjengeKarameli+ eduze nelwandle.
19 Lungiselela umthwalwakho bona uye ekudingisweni,
Maye! Ndodakazi esisakhamuzi seGibhide!
20 IGibhide injengethokazana elihle,
Kodwana abonompopoloza bazokuza bayisahlele bavela etlhagwini.
21 Ngitjho namasotjayo aqatjhiweko aphakathi kwayo afana namakonyana anonisiweko,
Kodwana nawo ajikile begodu abaleka woke.
22 ‘Itjhada layo linjengelenyoka etjhitjhizako,
Ngombana beza kiyo ngamandla nangamazembe,
Njengamadoda agawula imithi.
23 Bazokugawula ihlathi layo,’ kutjho uJehova, ‘nanyana libonakala lingangeneki.
Ngombana banengi ukudlula iintethe, engekhe zibalwe.
24 Indodakazi yeGibhide izokuphathiswa iinhloni.
Izokunikelwa ebantwini betlhagwini.’+
25 UJehova wamabutho, uZimu ka-Israyeli, uthi: ‘Nje ngijezisa u-Amoni+ ovela eNo,*+ kuFaro, eGibhide, kibozimu bakhe+ nemakhosinakhe, iye kuFaro nabo boke abathembela kuye.’+
26 “‘Ngizobanikela kilabo abafuna ukubabulala, ekosini uNebukadinetsari* yeBhabhiloni+ neensebenzini zakhe. Ngemva kwalokho kuzokuba nabantu abahlala kiyo njengeenkhathini zakade,’ kutjho uJehova.+
27 ‘Kodwana wena, ungasabi, ncekwami Jakopo,
Ungathukwa, wena Israyeli.+
Ngizokusindisa ukude
Nesizukulwana sakho esisenarheni esithunjelwe kiyo.+
UJakopo uzokubuya ngokuthula begodu angathikaziseki,
Kungabi nomuntu omthusako.+
28 Nje-ke ungasabi, ncekwami Jakopo,’ kutjho uJehova, ‘ngombana nginawe.
Ngizokurhayila zoke iintjhaba engikurhatjhele kizo,+
Nanyana kunjalo wena angekhe ngikurhayile,+
Ngizokukhalima ngesilinganiso esifaneleko,+
Begodu ngizokujezisa.’”
47 Leli lilizwi lakaJehova eliya kuJoromiya umphorofidi malungana namaFilista+ ngaphambi kobana uFaro asahlele iGaza. 2 Nakhu uJehova akutjhoko:
“Qala! Amanzi eza avela etlhagwini.
Azokuba mlanjana ophuphumako.
Azokukhukhula inarha nakho koke okukiyo,
Idorobho nabo boke abahlala kilo.
Abantu bazokurhuwelela,
Woke umuntu ohlala enarheni uzokurhahlawula.
3 Nakezwa itjhada leenjomani ezijigimako,
Nakezwa itjhada leenkarana zakhe zepi
Netjhada lamavilwakhe,
Abobaba angekhe babuyele emva bona bayokusindisa amadodanabo,
Ngombana izandla zabo ziphelelwe mamandla.
4 Ngombana ilanga elizako lizokutjhabalalisa woke amaFilista;+
Lizokutjhabalalisa kusukela eTirosi+ neTsidoni+ boke abaseleko ababambisene nawo.
5 Ipandla* izokufika eGaza.
I-Atjhikheloni izokuthuliswa.+
Maye! Kwabaseleko bemrhobabo ethabaleleko,
Kuzabe kube kunini nizisika?+
6 Maye! Sabula kaJehova!+
Kuzabe kube kunini ungathuli?
Buyela emgodlenakho.
Phumula begodu uthule.
7 Ingathula njani
UJehova nakayiyalileko?
Bona ilwe ne-Atjhikheloni neligu,+
Lapho, kulapho ayithumele khona.”
48 Nakhu uJehova wamabutho uZimu ka-Israyeli akutjhoko ngoMowabi:+
“Maye! KuNebo+ ngombana utjhatjalalisiwe.
IKhiriyatayimu+ ihlazisiwe begodu ithunjiwe.
Isiphephelo esivikelekileko* sihlazisiwe begodu siphahlazekile.+
2 Abasadumisi uMowabi.
ERhetjhibhoni+ bamlukele amano wokumwisa bathi:
‘Yewize asimqede njengesitjhaba.’
Nawe, Madimeni kufuze uthule,
Ngombana isabula iyakulandela.
3 Kunetjhada lokurhuwelela okukhulu okuvela eRhoronayimu,+
Itjhada lokutjhabalalisa nokugirika okukhulu.
4 UMowabi utjhatjalalisiwe.
Abancani bakhe bayarhuwelela.
5 Endleleni ekhuphukako eya eLurhithi basolo bayalila njengombana bakhuphuka.
Begodu nabehla eRhoronayimu bezwa iinlilo zokugandeleleka ngehlekelele.+
6 Balekani nisindise ukuphila kwenu!
Kufuze nifane nomuthi womjunipha osemmangweni.
7 Ngebanga lokuthi uthembele emsebenzinakho nemagugwinakho,
Nawe uzokuthunjwa.
IKemotjhi+ izokuya ekudingisweni,
Nabaphristi bayo namakhonasayo.
8 Umtjhabalalisi uzokuza kiwo woke amadorobho,
Begodu alikho idorobho elizokuphunyurha.+
Umrhoba uzokutjhatjalaliswa,
Inarha elelezekileko izokutjhatjalaliswa njengombana uJehova akhulumile.
9 Bekela uMowabi itshwayo,
Ngombana nakawela ekutjhatjalalisweni uzokubaleka,
Begodu amadorobhakhe azokuba yinto yokusatjwa,
Enganazakhamuzi.+
10 Uqalekisiwe owenza umsebenzi kaJehova ngokungatjheji!
Uqalekisiwe ovimba isabulakhe bona ingaphalazi iingazi!
11 BakwaMowabi akhenge batshwenywe kusukela ebutjheni,
Njengewayini elibekwe emjekeni.
Akhenge basuswe komunye umjeka bathelwe komunye,
Akhenge baye ekudingisweni.
Kungebangelo indlela abanambitheka ngayo ingakhenge itjhuguluke,
Begodu nendlela abanuka ngayo ingakhenge itjhuguluke.
12 “‘Nje-ke qala! Ayeza amalanga kutjho uJehova,’ lapho ngizokuthumela abantu bona babaketule. Bazobaketula bakghuthule okungemijekenabo, baphahlaze imijekabo emikhulu ibe ziinquqwana. 13 BakwaMowabi bazokuba neenhloni ngoKemotjhi njengombana indlu ka-Israyeli ineenhloni ngeBetheli ebeyithembele kilo.+
14 Ningatjho njani ukuthi: “niziingorho ezilungele ukulwa”?’+
Kutjho iKosi, igama layo nguJehova wamabutho.+
16 Ihlekelele izokufikela bakwaMowabi msinyana,
Nokuwa kwabo kuzobafikela msinyana.+
17 Boke ababazombileko kuzokufuze babazwele,
Boke abazi igama labo.
Batjeleni indlela iswazi elinamandla eliphuke ngayo, intonga yobuhle!’
18 Yehla ephazimulwenakho,
Uhlale phasi womile,* wena ndodakazi ehlala eDiboni,+
Ngombana umtjhabalalisi wakwaMowabi uze ngokujamelane nawe,
Begodu uzokutjhabalalisa iindawo zakho ezivikelekileko.+
19 Jama hlanu kwendlela ubukele, sakhamuzi se-Aroweri.+
Buza indoda ebalekako nomfazi ophunyukako, ‘Ukuthi kwenzekeni?’
20 UMowabi uphathiswe iinhloni begodu ubetjhwa livalo.
Rhahlawula begodu urhuwelele.
Memezela e-Arinoni+ ukuthi uMowabi utjhatjalalisiwe.
21 “Isahlulelo sizokuza enarheni elelezekileko+ ngokujamelene neRholoni,+ iJahatsi neMefathi;+ 22 ngokujamelene neDiboni,+ iNebo+ neBhethe-Dibilatayimu; 23 ngokujamelene neKhiriyatayimu,+ iBhethe-Gamulu neBhethe-Mewoni;+ 24 ngokujamelene neKeriyothi+ neBhozira nangokujamelene nawo woke amadorobho wenarheni yakwaMowabi, akude naseduze.
25 ‘Amandla kaMowabi aquntiwe;
Umkhonwakhe uphuliwe,’ kutjho uJehova.
26 ‘Menze adakwe+ ngombana uziphakamisile ngokujamelene noJehova.+
UMowabi uzibhudabhuda emahlanzwenakhe,
Begodu uyinto yokuhlekisa.
27 Kghani u-Israyeli akhenge abe yinto yokuhlekisa kini?+
Kghani wafunyanwa hlangana namasela,
Bona ninikine iinhloko zenu begodu nikhulume kumbi ngaye?
28 Tjhiyani amadorobho niyokuhlala edwaleni, zakhamuzi zakwaMowabi,
Begodu yibani njengejuba elakha iindleke zalo magega nomrhoba.’”
29 “Sizwile ngokuzikhakhazisa kwakaMowabi, uzikhukhumeza khulu
Ngokuzitjela kwakhe, ukuzikhakhazisa kwakhe, ukuzigqaja kwakhe nokuziphakamisa kwehliziywakhe.”+
30 “‘Ngiyalazi ilaka lakhe,’ kutjho uJehova,
‘Kodwana ikulumwakhe engatjho litho izokuba lilize.
Angekhe benze litho.
31 Kungebangelo ngizokurhahlawulela uMowabi,
Woke amadorobho kaMowabi ngizowalilela
Ngizokulilela woke umuntu weKhiri-Rharesethi.+
Amahlumelakho amahle ayame ilwandle.
Afike elwandle eJazeri,
Umtjhabalalisi wehlele
Esithelweni sakho sehlobo nesivunweni sakho sesimu yamadiribe.+
33 Ukuthaba nokujekezela angekhe kusaba khona esimini yeenthelo
Nenarheni kaMowabi.+
Ngibangele bona iwayini lingasagelezi ebutlhodlhelweni bewayini.
Akekho ozokugadanga amadiribe athabile.
Kuzokuzwakala itjhada elihlukileko.’”+
34 “‘Kuzwakale isililo eRhetjhibhoni+ sayokufika e-Eliyale.+
Baphakamisa amaphimbwabo bewayokufika eJahatsi,+
Kusukela eTsowari kufikela eRhoronayimu+ kufikele ne-Egilathi-Tjhelitjhiya.
Ngitjho namanzi weNimrimu azokoma.+
35 Ngizomenza angabi khona kwaMowabi,
Oletha iminikelo endaweni ephakemeko
Nowenza imihlatjelo kuzimakhe,’ kutjho uJehova.
36 Kungebangelo ihliziywami izokulilela uMowabi njengefuludi,*+
Begodu ihliziywami izokulilela abantu beKhiri-Rharesethi njengefuludi.
Ngombana umnotho awenzileko uzokutjhabalala.
37 Zoke iinhloko zigudiwe,+
Begodu zoke iindevu zirhuniwe.
38 “‘Kiyo yoke imifulelo yakwaMowabi
Nakizo zoke iindawo zakhe ezisetatawini,
Kuzwakala isililo kwaphela.
Ngombana ngimphahlazile uMowabi
Njengomjeka olahliweko,’ kutjho uJehova.
39 ‘Qala bona uthukwe kangangani! Uyarhahlawula!
Qala indlela uMowabi abaleka ngayo aneenhloni!
UMowabi ube yinto yokuhlekwa,
Into ethusako kibo boke abantu abambhodileko’”
40 “Ngilokhu uJehova akutjhoko:
41 Amadorobho azokuthunjwa,
Begodu iimphephelo zakhe zizokuthathwa.
Iinhliziyo zeengorho zakwaMowabi
Zizokuba njengehliziyo yomma obelethako.’”
43 Ukusaba, umgodi nesithiyo ziphambi kwakho,
Wena sakhamuzi sakwaMowabi,’ kutjho uJehova.
44 ‘Nanyana ngubani obalekela ukusaba uzokuwela ngemgodini,
Nanyana ngubani ophuma emgodini uzokubanjwa sithiyo.’
‘Ngombana ngizokulethela uMowabi umnyaka wesijeziso sakhe,’ kutjho uJehova.
45 ‘Ababalekako angekhe babe namandla esithunzini seRhetjhibhoni.
Ngombana umlilo uzokuvela eRhetjhibhoni
Begodu ilangabi lizokuvela eSirhoni.+
Lizokutjhisa isiphongo sakaMowabi
Nekhakhayi lamadodana wenturhu.’+
46 ‘Maye kuwe Mowabi!
Abantu beKemotjhi+ batjhatjalalisiwe.
Amadodanakho athunjiwe,
Begodu amadodakazakho asiwe ekudingisweni.+
47 Ngizokubuthelela abathunjiweko bakwaMowabi engcenyeni yokugcina yamalanga,’ kutjho uJehova.
‘Uphelela lapha umlayezo wesahlulelo sakwaMowabi.’”+
49 Nakhu uJehova akutjhoko malungana nama-Amoni+ uthi:
“Kghani u-Israyeli akanamadodana?
Kghani akasiyindlalifa?
Kubayini uMalikamu+ athathe uGadi?+
Begodu kubayini abantu bakhe bahlala emadorobheni wakwa-Israyeli?”
2 Nje-ke qala! amalanga ayeza kutjho uJehova,
‘Lapho ngizokubangela itjhada elilitshwayo lepi bona lizwakale ngokujamelene neRabha+ yama-Amoni.+
Izokuba yindunduma emarubhi,
Namadorobhayo ayibhodileko azokutjhiswa ngomlilo.’
‘Begodu u-Israyeli uzokuthatha inarha yalabo abamthathele inarhakhe,’+ kutjho uJehova.
3 ‘Rhahlawula, wena Rhetjhibhoni ngombana i-Ayi litjhatjalalisiwe!
Lilani, madorobho abhodileko weRabha.
Mbatha umgodla.
Rhahlawula begodu ukhambakhambe hlangana neembaya zamatje,*
Ngombana uMalikamu uzokuya ekudingisweni.
Kuhlanganise nabaphristi bakhe namakhosanakhe.+
4 Kubayini uzikhakhazisa ngemirhoba,
Ngomrhobakho ogelezako, maye! Ndodakazi engakathembeki,
Ethembela emnothwenayo
Begodu uthi: “Ngubani ozokuza ngokujamelene nami?””
5 “‘Qala! Ngiletha into ethusako kuwe,’ kutjho iKosi ePhakemeko, uJehova wamabutho,
Evela kibo boke abakuzombileko.
Uzokurhatjhekela kiyo yoke indawo,
Begodu akunamuntu ozokubuthelela ababalekako.’”
6 “‘Kodwana ngemva kwalokho ngizokubuthelela abathunjiweko bakwa-Amoni,’ kutjho uJehova.”
7 Malungana ne-Edomu, nakhu uJehova wamabutho akutjhoko:
“Kghani ukuhlakanipha akusekho eTemani?+
Kghani iseluleko esihle sitjhabalele kilabo abanokuzwisisa?
Kghani ukuhlakanipha kwabo sekulilize na?
8 Balekani, jikani!
Khambani, nihlale emirhobeni ezikileko, nina zakhamuzi zeDedani!+
Ngombana ngizokuletha ihlekelele ku-Esewu
Isikhathi nasifikako ngizomjezisa.
9 Nangabe ababutheleli bamadiribe beza kuwe,
Angekhe na batjhiye amanye bona aburujwe?
Nangabe amasela afika ebusuku,
Angabangela umonakalo ngendlela afuna ngayo.+
10 Kodwana u-Esewu ngizomtjhiya anganalitho
Ngizokwembula iindawo zakhe zokuzifihla,
Bona angazifihli.
11 Tjhiya abantwabakho abanganaboyise,
Ngizokusindisa ukuphila kwabo,
Abahlolokazi bakho bazokuthembela kimi.”
12 Ngombana nakhu uJehova akutjhoko: “Qala! Nangabe labo abangakabelwa bona basele ikapho kufuze bayisele, kghani kufuze nina niliswe ningajeziswa ngokupheleleko? Angekhe ningajeziswa, ngombana kufuze niyisele.”+
13 “Ngombana ngifunga ngami,” kutjho uJehova, “bona iBhozira izokuba yinto esatjwako, elihlazo,+ etjhatjalalisiweko nesiqalekiso; begodu amadorobhayo woke azokutjhabalala ngokupheleleko.”+
14 Ngizwe umbiko ovela kuJehova,
Kuthunyelwe isithunywa hlangana neentjhaba, sithi:
“Hlanganani ndawonye begodu nizokulwa naye;
Lungiselelani ipi.”+
15 “Qala! Ngikwenze wanyazeka hlangana neentjhaba,
Wanyenyeka hlangana nabantu.+
16 Ukuhlengezela okubangeleko kukukhohlisile,
Ukuzikhukhumeza kwehliziywakho,
Wena ohlala edwaleni elisithekileko,
Ohlala embundwini ophakeme khulu.
Ngitjho nanyana wakhe isidleke sakho esiphakeme khulu njengekhozi,
Ngizokwehlisa lapho,” kutjho uJehova.
17 “U-Edomu kufuze abe yinto yokusatjwa.+ Woke umuntu odlula ngakuye uzomqala ngokusaba, ambethele umlozi ngebanga lazo zoke iimbetho zakhe. 18 Njengombana atjhabalalisa iSodoma neGomora namadorobho ahlanu kwalo,”+ uJehova uthi, “Akunamuntu ozokuhlala lapho begodu akunamuntu ozokunzinza lapho.+
19 “Qala! Kunomuntu ozokuvela ngokujamelene namadlelo avikelekileko njengebhubezi+ elivela ehlathini elinzima hlangana neJordani, kodwana esikhathini esingaphelisi ihliziyo ngizomenza ambalekele. Ngizokubeka okhethiweko phezu kwakhe. Ngombana ngubani onjengami, ngubani ongajamelana nami? Ngimuphi umalusi ongajama phambi kwami?+ 20 Nje-ke yizwani nina bantu, isiqunto uJehova asenzileko ngokujamelene no-Edomu nangalokho azimisele ukukwenza ngokujamelene nezakhamuzi zeTemani:+
Ngokuqinisekileko abancani bomhlambi bazokurhudulelwa kude.
Uzokwenza indawabo yokuhlala ibe marubhi ngebanga labo.+
21 Nakuzwakala itjhada lokuwa kwabo, iphasi lizokusikinyeka.
Kunesililo!
Itjhada lizwakale belayokufika eLwandle eliBomvu.+
22 Qala! Njengekhozi uzokukhuphuka begodu ehlele phasi,+
Ngokunjalo uzokululela amaphikwakhe phezu kweBhozira.+
Ngelangelo, iinhliziyo zeengorho zakwa-Edomu
Zizokuba njengehliziyo yomfazi obelethako.”
23 Malungana neDamaseku:+
“IRhamathi+ ne-Ariphadi ziphathiswe iinhloni,
Ngombana zizwe umbiko omumbi.
Ziphelelwe mamandla
Kunokutshwenyeka elwandle okungekhe kwathuliswa.
24 IDamaseku iphelelwe sibindi.
Ijikile bona ibaleke, kodwana yabanjwa kuthukwa.
Ukugandeleleka nobuhlungu kuyibambile,
Njengomfazi obelethako.
25 Kuza njani bona idorobho elidunyiswako lingakatjhiywa,
Idorobho lethabo?
26 Ngombana amasokanalo azokuwa ematatawinalo,
Begodu woke amasotja azokutjhabalala ngelangelo,” kutjho uJehova wamabutho.
27 “Ngizokutjhisa iboda leDamaseku ngomlilo,
Begodu uzokurhiribidela imibhotjhongo evikelekileko yeBhen-Hadadi.”+
28 Ngombana iKedari+ nemibuso yeRhatsori, leyo iKosi uNebukadinetsari* yeBhabhiloni eyayisahlelako, nakhu uJehova akutjhoko:
“Sikima, ukhuphukele eKedari,
Utjhabalalise amadodana wePumalanga.
29 Amatendabo nemihlambabo zizokuthathwa,
Amatjhilabo wetende nazo zoke izinto zabo.
Amakamelabo azokuthathwa,
Bazobalilela bathi, ‘Sibhodwe kusaba!’”
30 “Balekani, tjhingani kude!
Khambani niyokuhlala emirhobeni ezikileko, nina zakhamuzi zeRhatsori,” kutjho uJehova.
“Ngombana iKosi uNebukadinetsari* yeBhabhiloni iluke amano wokulwa nani,
Begodu icabangisise ngamano ngokujamelene nani.”
31 “Sikima, khamba uyokujamelana nesitjhaba esinokuthula,
Esihlala ngokuvikeleka!” Kutjho uJehova.
“Asinaminyango namkha iinsimbi; begodu sihlala sisodwa.
32 Amakamelabo azokuphangwa,
Nefuywabo enengi izokuphangwa.
Ngizobarhatjhela mahlangothi woke,
Labo abarhuna amarhwanqabo,+
Begodu nanyana kukuphi lapho abaya khona ngizobalethela ihlekelele,” kutjho uJehova.
33 “IRhatsori izokuba yindawo yokuhlala yeempungutjha,
Itjhabalale ngokupheleleko.
Akunamuntu ozokuhlala lapho,
Begodu akunamuntu ozokunzinza lapho.”
34 Leli lilizwi lakaJehova elafika kuJoromiya umphorofidi malungana ne-Elamu+ ekuthomeni kokubusa kweKosi yakwaJuda uTsedekhiya,+ lithi: 35 Nakhu uJehova wamabutho akutjhoko, ‘Qala ngiphula umsubela we-Elamu,+ umthombo wamandlabo. 36 Ngizokuletha e-Elamu imimoya emine evela emikhawulweni emine yezulwini begodu ngizobarhatjhela kiyo yoke imimoya le. Bakwa-Elamu akunasitjhaba engekhe barhatjhekele kiso.’”
37 “Ngizokuphahlaza ama-Elamu phambi kwamanababo naphambi kwalabo abafuna ukuphila kwabo begodu ngizobalethela ihlekelele, ilaka lami elivuthako,” kutjho uJehova. “Ngizokuthumela isabula ngemva kwabo bekube kulapho ngibaqeda khona.”
38 “Ngizokubeka isihlalo sami sobukhosi e-Elamu+ begodu lapho ngizokutjhabalalisa ikosi namakhosana,” kutjho uJehova.
39 Kodwana emihleni yokuphela, ngizokubuthelela abathunjiweko be-Elamu,” kutjho uJehova.
50 Ilizwi uJehova alikhuluma malungana neBhabhiloni,+ malungana nenarha yamaKhaledi,* ngoJoromiya umphorofidi:
2 “Likhulume hlangana neentjhaba begodu ulimemezele.
Phakamisa itshwayo, ulimemezele.
Ungafihli litho!
Ithi, ‘IBhabhiloni lithunjiwe.+
UBhele uphathiswe iinhloni.+
UMerodaki uthukiwe.
Iinthombe zakhe ziphathiswe iinhloni.
Iinthombe zakhe ezinyenyisako* zithukiwe.’
3 Ngombana iintjhaba zize ngokujamelene nalo zivela etlhagwini.+
Zenza inarhalo into yokusatjwa;
Akekho ohlala kilo.
Abantu neembandana babalekile;
Bakhambile.”
4 “Emalangeni lawo ngesikhatheso,” kutjho uJehova, “abantu bakwa-Israyeli nabantu bakwaJuda bazokuhlangana.+ Bazokulila njengombana bakhamba,+ bazokufuna uJehova uZimabo ndawonye.+ 5 Bazokubuza ngendlela eya eZiyoni, ubuso babo buqale endleleni leyo,+ bathi, ‘Yizani asizihlanganiseni noJehova ngesivumelwano esingapheliko engeze salitjalwa.’+ 6 Abantu bami babe mhlambi wezimvu ezilahlekileko.+ Abelusi babo bababangele bona balahleke.+ Babadurhisele eentabeni, bakhamba ukusuka eentabeni ukuya embundwini. Bakhohlwe ngendawo yokuphumula. 7 Boke ababafumanako bayabatjhabalalisa,+ amanababo bewathi, ‘Asinamlandu, ngombana bonile kuJehova, ngokujamelene nendawo yokuhlala yokulunga nethemba labokhokho babo, uJehova.’”
8 “Balekani eBhabhiloni,
Phumani enarheni yamaKhaledi,*+
Nibe njengeenlwana ezidosa phambili umhlambi.
9 Ngombana ngibiza begodu ngilethe ngokujamelene neBhabhiloni
Ihlangano yeentjhaba ezikulu ezivela enarheni yetlhagwini.+
Zizokuza ngokujamelene nalo ngendlela ehlelekileko njengeenqhema zamasotja;
Lizokuthunjwa lapho.
Imicibitjholwalo ifana neyengorho
Ibangela bona ababelethi balahlekelwe bantwana;+
Angekhe ibuye inganamiphumela.
10 IKhaledi* izokuthathelwa izinto.+
Boke abayithathela izinto bazokwaneliseka,”+ kutjho uJehova.
Benisolo nifuna njengethokazana etjanini,
Begodu nisolo nirhuwelela njengeenjomani.
12 Ummakho uhlazisiwe.+
Okubelethileko udanile.
Qala! Ungomncani eentjhabeni,
Ummango onganamanzi noyirhalawumba.+
Nanyana ngubani odlula eBhabhiloni, uzoliqala ngokuthukwa.
Abethe umlozi ngebanga lazo zoke iimbetho zalo.+
14 Yizani ngokujamelene neBhabhiloni ngendlela ehlelekileko njengeenqhema zamasotja kiwo woke amahlangothi,
Nina noke badumuzi bemisubela*
Lidumuzeni ningatjhiyi namunye umcibitjholo,+
Ngombana lone uJehova.+
15 Rhahlawulani isililo sepi ngokujamelene nalo kiwo woke amahlangothi.
Lizinikele.*
Zibuyiselele kilo.
Yenza kilo njengombana lenzile.+
16 Susani abatjalako eBhabhiloni
Nalabo abaphatha isegere ngesikhathi sokuvuna.+
Ngebanga lesabula enelunya, ngamunye uzokubuyela ebantwini bekhabo,
Ngamunye uzokubalekela enarheni yekhabo.+
17 “Abantu bakwa-Israyeli bazizimvu ezirhatjhekileko.+ Amabhubezi abarhatjhile.+ Kokuthoma ikosi ye-Asiriya ibarhiribidele;+ bese iKosi yeBhabhiloni uNebukadinetsari* ihlafunye amathambwabo.+ 18 Nje-ke nakhu uJehova wamabutho uZimu ka-Israyeli akutjhoko, ‘Qala ngizokwenza ekosini yeBhabhiloni nenarhenayo ngendlela engenze ngayo ekosini ye-Asiriya.+ 19 Ngizokubuyisa u-Israyeli emadlelwenakhe,+ uzokudla eKarameli neBhatjhani,+ neentabeni zakwa-Efrayimu+ neGiliyadi,+ uzokwaneliseka.’”
20 “Emalangeni lawo ngesikhatheso,” kutjho uJehova,
‘Umlandu ka-Israyeli uzokufunwa,
Kodwana angekhe ufunyanwe,
Izono zakwaJuda angekhe zifunyanwe,
Ngizokulibalela labo abaseleko.”+
21 “Khamba uyokujamelana nenarha yamaMeratayimu nezakhamuzi zePekodi.+
Babulale begodu ubatjhabalalise ngokupheleleko,” kutjho uJehova.
“Yenza koke engikuyale ngakho.
22 Kunetjhada lepi enarheni,
Ihlekelele ekulu.
23 Qala indlela inondo yephasini loke equntwe begodu ephuke ngayo!+
Nendlela iBhabhiloni ebe ngayo yinto esatjwako hlangana neentjhaba!+
24 Ngikubekele isithiyo begodu sakubamba, wena Bhabhiloni,
Bewungasazi.
Ufunyenwe begodu wathunjwa,+
Ngombana ujamelene noJehova.
25 UJehova uvule isilulu sakhe,
Begodu uletha iinkhali zelaka lakhe.+
Ngombana iKosi ePhakemeko, uJehova wamabutho, unomsebenzi
Enarheni yamaKhaledi.*
26 Yiza ngokujamelene naye uvela eendaweni ezikude.+
Uvule iinlulu zesivuno sakhe.+
Mpakelele njengequbi lekoroyi.
Mtjhabalalise ngokupheleleko.+
Kwanga angasala anganamuntu.
27 Bulala zoke iinkunzi zakhe ezincani;+
Zise ekurhayilweni.
Maye kibo! Ngombana ilanga labo lifikile,
Isikhathi sabo sokujeziswa!
28 Kuzwakala itjhada lababalekako,
Lababaleka enarheni yeBhabhiloni,
Bona bamemezele eZiyoni ukuzibuyiselela kwakaJehova uZimethu,
Ukuzibuyiselela kwethempeli lakhe.+
29 Biza abadumuzi bemisubela ngokujamelene neBhabhiloni,+
Boke abagoba umsubela.
Libhodeni ningavumeli namunye aphunyurhe.
Libuyiseleni ngokwezenzo zalo.+
Nenze kilo njengombana lenzile.+
Ngombana lizikhakhazisile ngokujamelene noJehova,
Nangokujamelene noCwengileko ka-Israyeli.+
30 Woke amasokanalo azokuwa ematatawini,+
Begodu woke amasotjakhe azokutjhabalala ngelangelo,” kutjho uJehova.
31 “Qala! Ngijamelene nawe,+ wena ozikhakhazisako,”+ kutjho iKosi ePhakemeko uJehova wamabutho,
“Ngombana ilanga lakho kufuze lifike, isikhathi engizokubiza bona uziphendulele.
32 Maye wena ozikhakhazisako! Uzokukhutjwa begodu uwe,+
Kungabi nomuntu okuvusako.
Begodu ngizokutjhisa amadorobhakho ngomlilo,
Uzokurhiribidela koke okukubhodileko.”
33 Nakhu uJehova wamabutho akutjhoko:
“Abantu bakwa-Israyeli nabakwaJuda bagandelelekile,
Begodu boke ababathumbileko babambelele kibo.+
Abafuni ukubalisa bakhambe.+
34 Kodwana uMhlengabo unamandla.+
uJehova wamabutho ligama lakhe.+
Nakanjani uzobancengela emlandwinabo,+
Bona anikele inarha ukuthula+
Begodu alethele izakhamuzi zeBhabhiloni ukutshwenyeka okukhulu.”+
35 “Kunesabula ngokujamelene namaKhaledi,*” kutjho uJehova,
“Ngokujamelene nezakhamuzi zeBhabhiloni, amakhosanalo nangokujamelene nabahlakaniphileko balo.+
36 Kunesabula ngokujamelene nabaphorofidi bamala begodu bazokwenza ngobudlhadlha.
Kunesabula ngokujamelene neengorho zalo begodu zizokuthukwa.+
37 Kunesabula ngokujamelene
neenjomani zakhe nangeenkarana zakhe zepi,
Nangokujamelene nayo yoke imihlobo yabantu abakiyo,
Bazokuba njengabafazi.+
Kunesabula ngokujamelene namagugwalo begodu azokudlelezelwa.+
38 Maye! Emanzinalo, ngombana azokoma.+
Ngombana yinarha yeenthombe ezibaziweko,+
Begodu ngebanga lemibonwabo ethusako basolo benza ngokuhlanya.
39 Nje-ke, iimbandana zerhalawumbeni, zizokuhlala neenlwana ezenza itjhada,
Neenciliba zizokuhlala lapho.+
Angekhe lisaba nezakhamuzi,
Nanyana libe yindawo yokuhlala kizo zoke iinzukulwana.”+
40 “Njengombana uZimu atjhabalalisa iSodoma neGomora+ namadorobho ahlanu kwalo,”+ kutjho uJehova, “akunamuntu ozokuhlala lapho begodu akunamuntu ozokunzinza lapho.+
41 Qala! Abantu bayeza bavela etlhagwini;
Isitjhaba esikhulu namakhosi amakhulu+ azokuvuswa
Avela eengcenyeni ezikude zephasi.+
42 Baphethe imisubela nemikhonto.+
Banelunya begodu angekhe babazwele.+
Bazwakala njengelwandle elibhodlako,+
Njengombana bakhwele iinjomani zabo.
Ngobunye bajame ngendlela ehlelekileko njengeenqhema zamasotja ngokujamelene nawe, maye! Ndodakazi yeBhabhiloni.+
43 Ikosi yeBhabhiloni izwe imibiko ngabo,+
Begodu izandla zayo ziyahlengezela+
Ngebanga lokusaba,
Ubuhlungu obunjengobomfazi obelethako.
44 Qala! Kunomuntu ozokuvela ngokujamelene namadlelo avikelekileko njengebhubezi elivela ehlathini elimnyama hlangana neJordani kodwana ngokwesikhatjhana ngizobenza bambalekele. Ngizokubeka okhethiweko phezu kwakhe.+ Ngombana ngubani onjengami, ngubani ozokujamelana nami? Ngimuphi umalusi ongajama phambi kwami?+ 45 Nje-ke, yizwani nina bantu isiqunto uJehova asenzileko ngokujamelene neBhabhiloni+ nangalokho azimisele ukukwenza ngokujamelene nenarha yamaKhaledi.*
Ngokuqinisekileko abancani bomhlambi bazokurhudulelwa kude.
Uzokwenza indawabo yokuhlala ibe marubhi ngebanga labo.+
46 Nakuzwakala itjhada lokuthunjwa kweBhabhiloni, iphasi lizokusikinyeka,
Begodu isililo sizokuzwakala hlangana neentjhaba.”+
51 Nakhu uJehova akutjhoko:
2 Ngizokuthumela abantu eBhabhiloni,
Bona babahlukanise bazolihlukanisa begodu balenze inarha enganalitho;
Bazokuza ngokujamelene nalo mahlangothi woke ngelanga lehlekelele.+
3 Umdumuzi womsubela akangagobi umsubelakhe.
Akungabi nomuntu osikimako ambethe isambatho sakhe sepi.
Ungawazweli amasokanalo.+
Tjhabalalisa loke ibutho lalo.
5 Ngombana u-Israyeli noJuda abakahlukaniswa kuZimabo uJehova wamabutho.+
Kodwana inarhabo* izele ngomlandu emehlweni wocwengileko ka-Israyeli.
6 Baleka eBhabhiloni,
Begodu usindise ukuphila kwakho.+
Ungatjhabalali ngebanga lemitjhaphwalo.
Ngombana sikhathi sakaJehova sokuzibuyiselela.
Ulijezisa ngebanga lezenzo zalo.+
7 IBhabhiloni belisolo liyikapho yegolide ezandleni zakaJehova;
Lenze loke iphasi ladakwa.
8 Msinyana iBhabhiloni liwile begodu litjhabalele.+
Lililele!+
Lifumaneleni ibhalisamu lobuhlungu balo; mhlamunye lingaphola.”
9 Silingile ukulilapha iBhabhiloni kodwana akhenge lilapheke.
Liliseni, nathi silisani sikhambe, omunye nomunye aye enarhenakhe.+
Ngombana isahlulelo salo sifike ezulwini;
Siphezulu njengamafu.+
10 UJehova usilethele ubulungiswa.+
Yizani, siye eZiyoni siyokubika ngemisebenzi kaJehova uZimethu.”+
11 “Lolani imicibitjholo;+ thathani iinhlangu* eziyindulungu.
UJehova uhlangahlanganise imimoya yamakhosi wamaMede,+
Ngombana ufuna ukutjhabalalisa iBhabhiloni.
Ngombana lokhu kuzibuyiselela kwakaJehova, kuzibuyiselela ngebanga lethempeli lakhe.
12 Phakamisani itshwayo+ ngokujamelene namaboda weBhabhiloni.
Qinisani abonogada, bekani abalindi.
Lungiselelani labo abazifihlileko.
Ngombana uJehova uluke amano,
Begodu uzokwenza akuthembisileko ngokujamelene nezakhamuzi zeBhabhiloni.”+
13 “Maye! Mfazi ohlala emanzini amanengi,+
Namagugwakho amanengi,+
Ukuphela kwakho kufikile, ukuphela* kokwenza kwakho inzuzo.+
14 UJehova wamabutho ufunga ngaye ngokwakhe,
‘Ngizolizalisa ngabantu bazokuba banengi njengeententhe ezinengi,
Bazokurhuwelela ngetjhada lokuthumba ngokujamelene nalo.’+
15 Wenze iphasi ngamandlakhe,
Udzimelelise inarha ekhiqizako ngokuhlakanipha kwakhe+
Walula izulu ngokuzwisisa kwakhe.+
16 Nakenza ilizwi lakhe lizwakale,
Amanzi asezulwini ayatjharagana,
Begodu wenza amafu akhuphuke avela emaphethelweni wephasi.
Wenzela izulu umbani,
Begodu ukhupha umoya ngenlulwini zalo.+
17 Boke abantu baziindlhadlha begodu abanalwazi.
Zoke iinsebenzi zesimbi zizokuphathiswa iinhloni ngebanga lesithombe esibaziweko;+
Ngombana iinthombe zazo zesimbi aziphili,
Begodu aziphefumuli.+
18 Zililize,+ umsebenzi ohlekisako.
Ilanga lazo lesahlulelo nalifikako, zizokutjhabalala.
19 Isabelo sakaJakopo asifani nezintwezi,
Ngombana nguye owenza zoke izinto,
Ngitjho nentonga yelifa lakhe.+
Igama lakhe nguJehova wamabutho.”+
20 “Uyinondwami yepi, isikhali sepi,
Ngawe ngizokuphahlaza iintjhaba.
Ngawe ngizokutjhabalalisa imibuso.
21 Ngawe ngizokuphahlaza iinjomani nabakhweli bazo.
Ngawe ngizokuphahlaza ikarana yepi nomkhwelayo.
22 Ngawe ngizokuphahlaza indoda nomfazi.
Ngawe ngizokuphahlaza indoda edala nomsana.
Ngawe ngizokuphahlaza isokana nentombi.
23 Ngawe ngizokuphahlaza umalusi nomhlambakhe.
Ngawe ngizokuphahlaza umlimi neenkunzi zakhe.
Ngawe ngizokuphahlaza ababusi namasekela wababusi.
24 Ngizozibuyiselela eBhabhiloni nakizo zoke izakhamuzi zamaKhaledi*
Ngabo boke ubumbi ababenze eZiyoni phambi kwamehlwami,”+ kutjho uJehova.
25 “Nje-ke ngijamelene nawe,+ Wena ntaba etjhabalalisako,” kutjho uJehova,
“Wena otjhabalalisa iphasi loke.+
Ngizokulula isandla sami ngokujamelene nawe ngikugedekisele phasi usuka edwaleni
Ngikwenze intaba etjhisiweko.”
26 “Abantu angekhe bakuthathela ilitje eliqakatheke khulu namkha ilitje elisisekelo,
Ngombana uzokuba lirubhi ngokungapheliko,”+ kutjho uJehova.
27 “Phakamisa itshwayo enarheni.+
Vuthela iphondo hlangana neentjhaba.
Beka* iintjhaba ngokujamelene nalo.
Biza imibuso ye-Ararathi,+ yeMini neye-Atjhikenazi+ ngokujamelene nalo.
Thumela ngokujamelene neenkhulu zalo.
Yenza iinjomani zize njengewoma leentethe.
28 Beka* iintjhaba ngokujamelene nalo,
Amakhosi wakwaMediya,+ ababusi nawo woke amasekela wababusi
Nazo zoke iinarha ababusa phezu kwazo.
29 Iphasi lizokuhlengezela belisikinyeke,
Ngombana imicabango kaJehova ngokujamelene neBhabhiloni izokwenzeka
Yokwenza inarha yeBhabhiloni into esatjwako enganazakhamuzi.+
30 Iingorho zeBhabhiloni zilisile ukulwa.
Zihlezi eendaweni ezivikelekileko.
Ziphelelwa mamandla.+
Zinjengomfazi.+
Izindlu zakhe zithungelwe ngomlilo.
Iinsimbi zakhe ziphuliwe.+
31 Isithunywa sigijimela ukuyokuhlangana nesinye isithunywa,
Begodu umbiki uyokuhlangana nomunye umbiki,
Idorobho layo lithunjwe kiwo woke amahlangothi,+
32 Bona amazibuko avinjezelwe,+
Bona iinkepe ezenziwe ngomhlanga zitjhiswe ngomlilo,
Begodu amasotja athukiwe.”
33 Ngilokhu uJehova wamabutho, uZimu ka-Israyeli akutjhoko:
“Indodakazi yeBhabhiloni injengeselelo.
Sikhathi sokuyigandelela phasi.
Msinyana isikhathi sokuthi livune sizokufika.”
Ingibeke phasi njengomjeka onganalitho.
Ingiginye njengenyoka ekulu;+
Izalise amathumbayo ngezinto zami ezihle.
Ingilahlile.
35 ‘Kwanga inturhu eyenziwe kimi ingenziwa neBhabhiloni!’ Kutjho izakhamuzi zeZiyoni.+
‘Begodu iingazi zami zibe phezu kwezakhamuzi zamaKhaledi!’* Kutjho iJerusalema.”
36 Yeke ngilokhu uJehova akutjhoko:
Ngizokomisa ilwandle ngomise nemithombwayo.+
37 IBhabhiloni lizokuba liqubi lamatje,+
Indawo yokulala yeempungutjha,+
Into esatjwako ebetjhelwa umlozi,
Enganazakhamuzi.+
38 Boke bazokubhodla njengamabhubezi amancani.
Bazokwenza itjhada njengabantwana bamabhubezi.”
39 “Nabezwa ubuhlungu, ngizobenzela umnyanya ngibenze badakwe,
Bona bathabe;+
Nje-ke bazokulala ubuthongo obungapheliko,
Engekhe bavuke kibo,”+ kutjho uJehova.
40 “Ngizobaletha njengemvana eyokuhlatjwa,
Njengamaramu neembuzi.”
41 “Maye! ITjhetjhaki* ithunjiwe,+
Qala indlela idorobho ebelidunyiswa ngibo boke abantu elithethwe ngayo!+
Indlela iBhabhiloni elibe ngayo yinto yokusatjwa hlangana neentjhaba!
42 Ilwandle lize phezu kweBhabhiloni.
Ligubuzeswe magagasi.
43 Amadorobhalo abe yinto yokusatjwa, inarha enganamanzi nerhalawumba.
Inarha okunganamuntu ozokuhlala kiyo begodu ekunganamuntu ozokudlula kiyo.+
Iintjhaba angeze zisaya kuye,
Begodu iboda leBhabhiloni lizokuwa.+
45 Phumani kilo, bantu bami!+
Sindisani ukuphila kwenu+ elakeni lakaJehova elivuthako!+
46 Ningapheli amandla namkha nithuswe mibiko enizoyizwa enarheni.
Ngomnyaka munye kuzokufika umbiko,
Begodu ngomnyaka olandelako kuzokufika omunye umbiko,
Omalungana nenturhu enarheni nomalungana nombusi ngokujamelene nomunye umbusi.
47 Nje-ke qala! Amalanga ayeza
Lapho ngizokujezisa iinthombe zeBhabhiloni ezibaziweko.
Yoke inarhalo izokuhlaziswa,
Begodu boke abarhayiliweko balo bazokuwa lapho.+
48 Izulu nephasi nakho koke okukilo
Kuzokurhuwelela ngethabo ngeBhabhiloni,+
Ngombana abatjhabalalisi bazokuza kilo bavela ngetlhagwini,”+ kutjho uJehova.
49 “IBhabhiloni alikabulali u-Israyeli kwaphela+
Kodwana libulele nabo boke abantu abavela ephasini loke.
50 Nina eniphunyurhe isabula, ragelani phambili ningajami!+
Khumbulani uJehova nikude,
Begodu kwanga ningakhumbula iJerusalema eenhliziyweni zenu.”+
51 “Sihlazisiwe ngombana sikuzwile ukunyefulwa.
Ihlazo livale ubuso bethu,
Ngombana abantu abavela kwezinye iinarha beze ngokujamelene neendawo ezicwengileko zendlu kaJehova.”+
52 “Nje-ke qala! amalanga ayeza,” kutjho uJehova,
“Lapho ngizokujezisa iinthombe zeBhabhiloni ezibaziweko,
Begodu kiyo yoke inarhakhe abalinyaziweko bazokukghonghoyila.”+
53 “Ngitjho nanyana iBhabhiloni lingakhuphukela ezulwini,+
Ngitjho nanyana lingaqinisa imibhotjhongwalo evikelekileko,
Abatjhabalalisi balo bazokuvela kimi,”+ kutjho uJehova.
54 “Lalelani! Kunesililo esivela eBhabhiloni,+
Kunetjhada lehlekelele ekulu elivela enarheni yamaKhaledi,*+
55 Ngombana uJehova uzokutjhabalalisa iBhabhiloni,
Uzokuthulisa iphimbo layo elikhulu,
Begodu amagagasabo azokubhodla njengamanzi amanengi.
Itjhada lamaphimbwabo lizokuzwakala.
56 Ngombana umtjhabalalisi uzokuza eBhabhiloni;+
Iingorho zalo zizokuthunjwa,+
Imisubelayo izokuphahlazwa,
Ngombana uJehova unguZimu ojezisako.+
Nakanjani uzozibuyiselela.+
57 Ngizokwenza amakhosana nabantu balo abahlakaniphileko bona badakwe,+
Ababusi balo namasekela wababusi balo neengorho zalo,
Begodu bazokulala ubuthongo obungapheliko,
Engekhe bavuke kibo,”+ kutjho iKosi igama layo nguJehova wamabutho.
58 Ngilokhu uJehova wamabutho akutjhoko:
“Iboda leBhabhiloni nanyana lilikhulu lizokutjhatjalaliswa ngokupheleleko,+
Namasangwalo ngitjho nanyana aphakeme azokutjhiswa ngomlilo.
Isitjhaba angekhe sisebenzele ilize;
Iintjhaba zizokusebenza budisi begodu ezikusebenzelako kuzokuphelela emlilweni.”+
59 Leli lilizwi uJoromiya umphorofidi alinikela bona libe myalo kuSeraya indodana kaNeriya+ indodana kaMarhaseya lokha nakaya eBhabhiloni nekosi uTsedekhiya yakwaJuda emnyakeni wesine wokubusa kwayo; uSeraya bekatlhogomela izinto zekosi. 60 UJoromiya watlola yoke ihlekelele ezokufikela iBhabhiloni encwadini yinye, woke amezwi la atlolwa ngokujamelene neBhabhiloni. 61 Ngaphezu kwalokho, uJoromiya wathi kuSeraya: “Nawuya eBhabhiloni begodu ulibona, kufuze uwafundele phezulu woke amezwi la. 62 Nje-ke ithi, ‘Maye! Jehova, ukhulume ngokujamelene nendawo le bona izokutjhatjalaliswa itjhiywe inganazakhamuzi, umuntu namkha isibandana, nokuthi izokuba marubhi ngokungapheliko.’+ 63 Nawuqeda ukufunda incwadi le, ibophele elitjeni bese uyiphosela phakathi kweYufrathe. 64 Ngemva kwalokho uthi, ‘IBhabhiloni lizokutjhingela phasi+ lingasaba khona ngebanga lehlekelele engikulethela yona; izakhamuzi zalo zizokudinwa.’”+
Bekube nje la mamezwi kaJoromiya.
52 UTsedekhiya+ bekaneminyaka ema-21 nakaba yikosi begodu wabusa iminyaka eli-11 eJerusalema. Igama lakanina bekunguRhamuthali+ indodakazi kaJoromiya weLibhina. 2 Waragela phambili nokwenza okumbi phambi kwakaJehova, ngokuvumelana nakho koke okwenziwa nguJehoyakhimu.+ 3 Izintwezi zenzeka eJerusalema nakwaJuda ngombana uJehova bekasilingekile bekwaba kulapho abaqotha phambi kwakhe.+ UTsedekhiya wahlubuka ekosini yeBhabhiloni.+ 4 Ngomnyaka wethoba wokubusa kwakaTsedekhiya, ngenyanga yetjhumi, ngelanga letjhumi lenyanga, uNebukadinetsari* ikosi yeBhabhiloni weza nalo loke ibutho lakhe azokusahlela iJerusalema. Bahloma ikampabo bona balwe nayo begodu bakha iboda lokulivimbezela mahlangothi woke.+ 5 Idorobho lavinjezelwa bekwaba mnyaka we-11 wokubusa kweKosi uTsedekhiya.
6 Ngenyanga yesine, ngelanga lethoba,+ indlala yarhagala edorobheni, bekunganakudla enarheni bona abantu badle.+ 7 Emaswapheleni, iboda ledorobho lagirizwa, woke amasotja abaleka ebusuku ngesango phakathi kwamaboda amabili aseduze nesimu yekosi, kukulapho amaKhaledi* abhode idorobho; baraga ngendlela ye-Araba.+ 8 Kodwana ibutho lamaKhaledi* layigijimisa ikosi, lafumana uTsedekhiya+ emmangweni othabaleleko weJerikho, woke amabuthwayo bewaphadlhalele. 9 Nje-ke bayibamba ikosi, bakhuphukela nayo ekosini yeBhabhiloni eRibhila enarheni yeRhamathi begodu bayigweba. 10 Babulala amadodana kaTsedekhiya phambi kwakhe aqalile; begodu babulala woke amakhosana wakwaJuda eRibhila. 11 Ngemva kwalokho ikosi yeBhabhiloni yaphophaza amehlo kaTsedekhiya,+ yambopha ngamakhamandela wekhopha eenyaweni, yeza naye eBhabhiloni, yasolo imvalele bewahlongakala.
12 Ngenyanga yesihlanu, ngelanga letjhumi, okutjho ukuthi ngomnyaka we-19 weKosi uNebukadinetsari* ikosi yeBhabhiloni, uNebuzaradani induna yabonogada, obekamsizi wekosi yeBhabhiloni wafika eJerusalema.+ 13 Watjhisa indlu kaJehova,+ indlu yekosi nazo zoke izindlu zeJerusalema; godu watjhisa zoke izindlu ezikulu. 14 Amaboda abhode iJerusalema agirizwa ngilo loke ibutho lamaKhaledi* ebelinenduna yabonogada.+
15 UNebuzaradani induna yabonogada wathatha abantu abatlhagako nabo boke abantu ebebasele edorobheni wabasa ekudingisweni. Wathatha nababaleki ebebazinikele ekosini yeBhabhiloni nazo zoke iinsebenzi zobukghwari.+ 16 Kodwana uNebuzaradani induna yabonogada watjhiya abanye babantu abatlhage khulu enarheni bona batlhogomele amasimu wamadiribe begodu bakatelelwa bona basebenze budisi.+
17 AmaKhaledi* aphula iinsika zekhopha+ zendlu kaJehova, iinkarana+ neLwandle lekhopha+ ebelisendlini kaJehova kwaba ziinquqwana, athatha yoke ikhopha atjhinga nayo eBhabhiloni.+ 18 Godu athatha izinto zokuphatha umlotha, amarharafu, iincimamlilo, iinkotlelo,+ iinkapho+ nazo zoke iinsetjenziswa zekhopha ebezisetjenziswa emsebenzini wethempeli. 19 Induna yabonogada yathatha izitja,+ izinto zokuphatha umlilo, iinkotlelo, izinto zokuphatha umlotha, ilithi lesibani,+ iinkapho nezitja ebekungezegolide lamambala nesiliva lamambala.+ 20 Ngokuphathelene neensika ezimbili, iLwandle iinkunzi zekhopha ezili-12+ ngaphasi kweLwandle neenkarana iKosi uSolomoni azenzela indlu kaJehova, ikhopha yazo zoke izintwezi beyingalinganiseki.
21 Malungana neensika, isika ngayinye bekumakhubhithi* ali-18 ukuphakama, intambo yokulinganisa imakhubhithi ali-12 ukuyizombeleza;+ ubudege bayo bekumimino* emine ehlanganisiweko begodu beyinomgodi. 22 Ipundu engaphezu kwayo bekungeyekhopha; ukuphakama kwepundu bekumakhubhithi amahlanu;+ umkghabiso wenede namarharinada azombeleze ipundu bewenziwe ngekhopha. Isika yesibili beyifana neyokuthoma namarharinada bewafana nayo. 23 Bekumarharinada ama-96 ngemaqadi, nakuphelele koke bekumarharinada ali-100 azombeleze inede.+
24 Induna yabonogada yathatha noSeraya+ umphristi omkhulu, uZefaniya+ umphristi wesibili nabalindisango abathathu.+ 25 Yathatha edorobheni isikhulu sesigodlo sinye ebesimlawuli wamasotja, abeluleki bekosi abalikhomba abatjhidelene khulu nekosi abafumaneka edorobheni, kuhlanganise nonobhala wenduna yebutho, loyo obekabuthelela abantu benarha, wathatha namadoda ama-60 ababantu nje enarheni ebebasafumaneka edorobheni. 26 UNebuzaradani induna yabonogada wabathatha wabasa ekosini yeBhabhiloni eRibhila. 27 Ikosi yeBhabhiloni yabasahlela yababulala eRibhila+ enarheni yeRhamathi. Ngokunjalo-ke uJuda wasuka enarhenakhe waya ekudingisweni.+
28 Laba babantu uNebukadinetsari* abasa ekudingisweni: amaJuda azii-3 023 ngomnyaka wekhomba.+
29 Ngomnyaka we-18 kaNebukadinetsari,*+ abantu abama-832 bathathwa eJerusalema.
30 Ngomnyaka wama-23 kaNebukadinetsari,* uNebuzaradani isikhulu sakanogada sathatha amaJuda sawasa ekudingisweni, bekubabantu abama-745.+
Nabaphelele boke bebazii-4 600 abasiwa ekudingisweni.
31 Ngomnyaka wama-37 wokudingiswa kwekosi yakwaJuda uJehoyakini,+ ngenyanga ye-12, ngelanga lama-25 lenyanga, u-Evili-Merodaki ikosi yeBhabhiloni, ngomnyaka aba ngawo yikosi, watjhaphulula uJehoyakini ikosi yakwaJuda wayikhupha ejele.+ 32 Wakhuluma naye ngomusa begodu wabeka isihlalo sakhe sobukhosi saba ngaphezu kweenhlalo zobukhosi zamanye amakhosi ebewanaye eBhabhiloni. 33 Nje-ke uJehoyakini wahlubula izambatho zakhe zejele begodu bekadla phambi kwakhe yoke imihla yokuphila kwakhe. 34 Qobe langa bekanikelwa isibonelelo sokudla esivela ekosini yeBhabhiloni, yoke imihla yokuphila kwakhe bekwaba kulapho ahlongakala khona.
Kungatjho ukuthi “UJehova Uyaphakamisa.”
NgesiHebheru, “ngisesemncani.”
Namkha “beMemfisi.”
Kutjho umlambo ophuma eMlanjeni iNayili.
Kutjho iYufrathe.
Isoda mhlobo othileko wetswayi, esetjenziselwa ukuhlwengisa nokuvasa.
Namkha “abozimu bezinye iintjhaba.”
NgesiHebheru, “njengomArabhu.”
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
Namkha “nabozimu bezinye iintjhaba.”
NgesiHebheru, “nehliziywami.”
Sisenzasamuntu esisakondlo, mhlamunye kutjengisa isirhawu namkha izwelo.
NgesiHebheru, “Abalindi,” kutjho labo abagade idorobho ukubona ukuthi kufuze basahlele nini.
Namkha kungenzeka “itjhada lengoma yepi.”
Namkha kungenzeka “Akekho.”
Kutjho ilizwi lakaZimu.
Mhlanga onuka kamnandi.
Kutjho uJoromiya.
NgesiHebheru, la kuqaliselwe kiyo yoke imakhiwo yethempeli.
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
Sisiqu sakazimukazi obekalotjhwa ma-Israyeli ahlubukileko namkha kungenzeka nguzimukazi ebebathi ubangela abafazi bona babelethe.
Qala ihlathululo, “Gehena.”
Qala ihlathululo, “Gehena.”
Namkha “yamakhukhamba.”
Namkha “sililize.”
Ivesi 11 ekuthomeni belitlolwe ngesi-Aramu.
Kungenzeka bekukhulunywa noJoromiya.
Namkha “Akube njalo.”
Kutjho uJoromiya.
Kutjho imihlatjelo eyenzelwa ethempelini.
Namkha kungenzeka “Iyalila.”
Namkha “UmTopiya.”
Namkha kungenzeka “imihlobo emine yezahlulelo.” NgesiHebheru, “imindeni emine.”
Namkha kungenzeka “bewusolo ubuyela emuva.”
Namkha “ngomlayezo wesahlulelo.”
Namkha “mkhulumelami.”
Qala Ihlathululo.
Namkha kungenzeka “Ngombana njengomlilo nitjhiswe ngelaka lami.”
Namkha kungenzeka “ayilapheki.”
Namkha “imizwa edephileko.” NgesiHebheru, “Iziso.”
NgesiHebheru, “abangihlubukako” kungenzeka kuqaliselwe kuJehova.
Namkha “ngeSewula.”
NgesiHebheru, “ngendlela ebesisihle emehlweni wombumbi.”
Namkha “ezingakakhiwa kuhle.”
NgesiHebheru, “iindlebe zakhe zizokuhlohlonya.”
NgesiHebheru, “Nebukadretsari,” ngenye indlela elitlolwa ngayo.
Namkha “namaKasidi.”
Namkha “Ngokugula.”
NgesiHebheru, “Nebukadretsari,” ngenye indlela elitlolwa ngayo.
Namkha “kumaKasidi.”
Ubizwa nangokuthi nguJehowarhazi.
Ubizwa nangokuthi nguJehoyakini nangokuthi nguJekoniya.
NgesiHebheru, “Nebukadretsari,” ngenye indlela elitlolwa ngayo.
Namkha “samaKasidi.”
Namkha “indlalifa.”
Namkha “bahlubukile.”
Ibizo lesiHebheru linehlathululo ekabili: “isimemezelo esibudisi esivela phezulu” namkha “okuthileko okubudisi.”
NgesiHebheru, “Nebukadretsari,” ngenye indlela elitlolwa ngayo.
Ubizwa nangokuthi nguJehoyakini nangokuthi Koniya.
Namkha kungenzeka “abakhi bamaboda wokuvikela.”
Namkha “yamaKasidi.”
Namkha “nokugula.”
NgesiHebheru, “Nebukadretsari,” ngenye indlela elitlolwa ngayo.
NgesiHebheru, “Nebukadretsari,” ngenye indlela elitlolwa ngayo.
Namkha “yamaKasidi.”
NgesiHebheru, “olungileko emehlwenami.”
Namkha “nangokugula.”
Kutjho “iLwandle lekhopha lethempelini.”
Namkha “Akube njalo!”
Namkha “ukugula.”
Namkha kungenzeka “abakhi bamaboda wokuvikela.”
Namkha “nangokugula.”
Namkha “nangokugula.”
NgesiHebheru, “Nebukadretsari,” ngenye indlela elitlolwa ngayo.
NgesiHebheru, “elikhulu.”
Namkha “basabenza iingqila.”
Namkha kungenzeka “bazokuhlonitjhwa.”
Namkha “abantwabakhe.”
Namkha “yemilotha yamafutha,” okumilotha enamafutha wemihlatjelo.”
NgesiHebheru, “Nebukadretsari,” ngenye indlela elitlolwa ngayo.
Namkha “esigodlweni sekosi.”
Namkha “kumaKasidi.”
Namkha “namaKasidi.”
Namkha “usonghwana.”
Itjhekeli beyilingana namagremu ayi-11.4. Qala Isith. B14.
Namkha “nokugula.”
Namkha “zamaKasidi.”
Namkha “samaKasidi.”
Namkha “kumaKasidi.”
NgesiHebheru, “Nebukadretsari,” ngenye indlela elitlolwa ngayo.
Namkha “amaKasidi.”
Qala ihlathululo, “Gehena.”
NgesiHebheru, “badlulise amadodana namkha amadodakazabo emlilweni.”
Qala Ihlathululo.
Namkha “kumaKasidi.”
Namkha “namaKasidi.”
Namkha “ithando lakhe elithembekileko.”
Namkha “indlalifa.”
NgesiHebheru, “Nebukadretsari,” ngenye indlela elitlolwa ngayo.
NgesiHebheru, “Namhlanjesi.”
Namkha “ngokugula.”
Namkha “lamaKasidi.”
Namkha “asencwadini.”
Namkha “encwadini.”
Namkha “endaweni yokudlela.”
Namkha “encwadini.”
Namkha “incwadi.”
Namkha “encwadini le.”
Isiquntu sokugcina senyanga kaNovemba nesiquntu sokuthoma senyanga kaDisemba. Qala Isith. B15.
Ubizwa nangokuthi nguJehoyakini nangokuthi nguJekoniya.
NgesiHebheru, “Nebukadretsari,” ngenye indlela elitlolwa ngayo.
Namkha “amaKasidi.”
Namkha “AmaKasidi.”
Namkha “amaKasidi.”
Namkha “lamaKasidi.”
Namkha “lamaKasidi.”
Namkha “kumaKasidi.”
Namkha “ngesigodlweni sayo.”
Namkha “nangokugula.”
Namkha “kumaKasidi.”
Namkha “ngesigodlweni.”
Namkha “amaKasidi.”
Namkha “kumaKasidi.”
Namkha “kumaKasidi.”
NgesiHebheru, “Nebukadretsari,” ngenye indlela elitlolwa ngayo.
Namkha ngokuya ngokwendlela okuhlukaniswa ngayo amaledere wesiHebheru, “UNerigali-Saretseri uSamgari Nebo, uSarirekimi uRabitsari.”
Namkha “isikhulu sabosomlingo (umthukuli weenkwekwezi).”
Namkha “amaKasidi.”
Namkha “amaKasidi.”
Namkha “isigodlo.”
Namkha kungenzeka “wabakatelela bona basebenze.”
NgesiHebheru, “Nebukadretsari,” ngenye indlela elitlolwa ngayo.
Namkha “isikhulu sesigodlo.”
Namkha “isikhulu sabosomlingo (umthukuli weenkwekwezi).”
Namkha “amaKasidi.”
Namkha “kumaKasidi.”
Namkha “wamaKasidi.”
Namkha kungenzeka “epetsini ekulu.”
Namkha “lamaKasidi.”
Namkha “ngizokuzwa ubuhlungu.”
Namkha “nangokugula.”
Namkha “kumaKasidi.”
NgesiHebheru, “Nebukadretsari,” ngenye indlela elitlolwa ngayo.
Namkha “ithempeli.”
Namkha “angakalinyazwa.”
Namkha “iNdlu (iThempeli) lelanga,” kutjho iHeliyopolisi.
Namkha “eMemfisi.”
Namkha “nangokugula.”
Sisiqu sakazimukazi obekalotjhwa ma-Israyeli ahlubukileko namkha kungenzeka nguzimukazi ebebathi ubangela abafazi bona babelethe.
Sisiqu sakazimukazi obekalotjhwa ma-Israyeli ahlubukileko namkha kungenzeka nguzimukazi ebebathi ubangela abafazi bona babelethe.
Sisiqu sakazimukazi obekalotjhwa ma-Israyeli ahlubukileko namkha kungenzeka nguzimukazi ebebathi ubangela abafazi bona babelethe.
Sisiqu sakazimukazi obekalotjhwa ma-Israyeli ahlubukileko namkha kungenzeka nguzimukazi ebebathi ubangela abafazi bona babelethe.
NgesiHebheru, “Nebukadretsari,” ngenye indlela elitlolwa ngayo.
NgesiHebheru, “Nebukadretsari,” ngenye indlela elitlolwa ngayo.
Kanengi eziphathwa baphathi bemisubela.
NgesiHebheru, “Nebukadretsari,” ngenye indlela elitlolwa ngayo.
Namkha “Memfisi.”
Kutjho “Umthumbi weGibhide.”
Namkha “Memfisi.”
Namkha kungenzeka “izokuba yinarha emarubhi.”
Kutjho iThebhesi.
NgesiHebheru, “Nebukadretsari,” ngenye indlela elitlolwa ngayo.
Kutjho iKrete.
Kutjho ukuthi bazokuguda iinhloko zabo ngebanga lokulila nokuba neenhloni.
Namkha “indawami ephakemeko evikelekileko.”
Namkha kungenzeka “ehlabathini eyomileko.”
Kutjho ifuludi edlalwa nakulilwako esilahlweni.
Namkha “iimbaya zezimvu.”
NgesiHebheru, “Nebukadretsari,” ngenye indlela elitlolwa ngayo.
NgesiHebheru, “Nebukadretsari,” ngenye indlela elitlolwa ngayo.
Namkha “yamaKasidi.”
Ibizo lesiHebheru elisetjenziswe la lingahlobana nebizo elithi “ubulongwe” begodu lisetjenziselwe ukuveza ukunyenya.
Namkha “yamaKasidi.”
Namkha “IKasidi.”
NgesiHebheru, “enigadanga.”
NgesiHebheru, “Linikele isandla salo.”
NgesiHebheru, “Nebukadretsari,” ngenye indlela elitlolwa ngayo.
Namkha “yamaKasidi.”
Namkha “namaKasidi.”
Namkha “yamaKasidi.”
Igameli kubonakala ngasuthi ligama lamaKasidi. Namkha “lamaKhaledi.”
Namkha “yamaKasidi.”
Kutjho inarha yamaKasidi.
Namkha kungenzeka “zalisani iinkhwama zemicibitjholo.”
Kutjho “isilinganiso.”
Namkha “zamaKasidi.”
Kutjho “Ukuzesa.”
Kutjho “Ukuzesa.”
NgesiHebheru, “Nebukadretsari,” ngenye indlela elitlolwa ngayo.
Namkha “zamaKasidi.”
Igameli libonakala ngasuthi ligama leBhabhiloni.
Namkha “yamaKasidi.”
NgesiHebheru, “Nebukadretsari,” ngenye indlela elitlolwa ngayo.
Namkha “amaKasidi.”
Namkha “lamaKasidi.”
NgesiHebheru, “Nebukadretsari,” ngenye indlela elitlolwa ngayo.
Namkha “lamaKasidi.”
Namkha “AmaKasidi.”
Ikhubhithi belilingana namasentimitha ayi-44.5. Qala Isith. B14.
Ubudege bemino bebungalingana namasentimitha ayi-1.85. Qala Isith. B14.
NgesiHebheru, “Nebukadretsari,” ngenye indlela elitlolwa ngayo.
NgesiHebheru, “Nebukadretsari,” ngenye indlela elitlolwa ngayo.
NgesiHebheru, “Nebukadretsari,” ngenye indlela elitlolwa ngayo.